Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi

៩. ទស្សនេនបហាតព្ពហេតុកត្តិកំ

9. Dassanenapahātabbahetukattikaṃ

១. បដិច្ចវារោ

1. Paṭiccavāro

១. បច្ចយានុលោមំ

1. Paccayānulomaṃ

១. វិភង្គវារោ

1. Vibhaṅgavāro

ហេតុបច្ចយោ

Hetupaccayo

១. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធា។ (១)

1. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati hetupaccayā – dassanena pahātabbahetukaṃ ekaṃ khandhaṃ paṭicca tayo khandhā…pe… dve khandhā. (1)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ។ (២)

Dassanena pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati hetupaccayā – dassanena pahātabbahetuke khandhe paṭicca cittasamuṭṭhānaṃ rūpaṃ. (2)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធា…បេ.…។ (៣)

Dassanena pahātabbahetukaṃ dhammaṃ paṭicca dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti hetupaccayā – dassanena pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhā…pe…. (3)

២. ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធា។ (១)

2. Bhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati hetupaccayā – bhāvanāya pahātabbahetukaṃ ekaṃ khandhaṃ paṭicca tayo khandhā…pe… dve khandhā. (1)

ភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ។ (២)

Bhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati hetupaccayā – bhāvanāya pahātabbahetuke khandhe paṭicca cittasamuṭṭhānaṃ rūpaṃ. (2)

ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

Bhāvanāya pahātabbahetukaṃ dhammaṃ paṭicca bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti hetupaccayā – bhāvanāya pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

៣. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ។ បដិសន្ធិក្ខណេ នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធា…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច…បេ.… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ។ (១)

3. Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati hetupaccayā – nevadassanena nabhāvanāya pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ; vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ. Paṭisandhikkhaṇe nevadassanena nabhāvanāya pahātabbahetukaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhā…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ paṭicca dassanena pahātabbahetuko dhammo uppajjati hetupaccayā – vicikicchāsahagataṃ mohaṃ paṭicca sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ មោហំ បដិច្ច សម្បយុត្តកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati hetupaccayā – uddhaccasahagataṃ mohaṃ paṭicca sampayuttakā khandhā. (3)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (៤)

Nevadassanena nabhāvanāya pahātabbahetukaṃ dhammaṃ paṭicca dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti hetupaccayā – vicikicchāsahagataṃ mohaṃ paṭicca sampayuttakā khandhā cittasamuṭṭhānañca rūpaṃ. (4)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ឧទ្ធច្ចសហគតំ មោហំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (៥)

Nevadassanena nabhāvanāya pahātabbahetukaṃ dhammaṃ paṭicca bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti hetupaccayā – uddhaccasahagataṃ mohaṃ paṭicca sampayuttakā khandhā cittasamuṭṭhānañca rūpaṃ. (5)

៤. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ ច មោហញ្ច បដិច្ច ទ្វេ ខន្ធា។ (១)

4. Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca dassanena pahātabbahetuko dhammo uppajjati hetupaccayā – vicikicchāsahagataṃ ekaṃ khandhañca mohañca paṭicca tayo khandhā…pe… dve khandhe ca mohañca paṭicca dve khandhā. (1)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (២)

Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca nevadassanena nabhāvanāya pahātabbahetuko dhammo uppajjati hetupaccayā – dassanena pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ; vicikicchāsahagate khandhe ca mohañca paṭicca cittasamuṭṭhānaṃ rūpaṃ. (2)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច មោហញ្ច បដិច្ច ទ្វេ ខន្ធា…បេ.…។ (៣)

Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti hetupaccayā – vicikicchāsahagataṃ ekaṃ khandhañca mohañca paṭicca tayo khandhā cittasamuṭṭhānañca rūpaṃ…pe… dve khandhe ca mohañca paṭicca dve khandhā…pe…. (3)

៥. ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ ច មោហញ្ច បដិច្ច ទ្វេ ខន្ធា។ (១)

5. Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca bhāvanāya pahātabbahetuko dhammo uppajjati hetupaccayā – uddhaccasahagataṃ ekaṃ khandhañca mohañca paṭicca tayo khandhā…pe… dve khandhe ca mohañca paṭicca dve khandhā. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; ឧទ្ធច្ចសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (២)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca nevadassanena nabhāvanāya pahātabbahetuko dhammo uppajjati hetupaccayā – bhāvanāya pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ; uddhaccasahagate khandhe ca mohañca paṭicca cittasamuṭṭhānaṃ rūpaṃ. (2)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.…។ (៣)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti hetupaccayā – uddhaccasahagataṃ ekaṃ khandhañca mohañca paṭicca tayo khandhā cittasamuṭṭhānañca rūpaṃ…pe…. (3)

អារម្មណបច្ចយោ

Ārammaṇapaccayo

៦. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)

6. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati ārammaṇapaccayā – dassanena pahātabbahetukaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ។ (២)

Dassanena pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati ārammaṇapaccayā – vicikicchāsahagate khandhe paṭicca vicikicchāsahagato moho. (2)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា ច មោហោ ច…បេ.… ទ្វេ ខន្ធេ បដិច្ច ទ្វេ ខន្ធា ច មោហោ ច។ (៣)

Dassanena pahātabbahetukaṃ dhammaṃ paṭicca dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti ārammaṇapaccayā – vicikicchāsahagataṃ ekaṃ khandhaṃ paṭicca tayo khandhā ca moho ca…pe… dve khandhe paṭicca dve khandhā ca moho ca. (3)

ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា… តីណិ។ (ទស្សនេន សទិសំ វិភជិតព្ពំ។)

Bhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati ārammaṇapaccayā… tīṇi. (Dassanena sadisaṃ vibhajitabbaṃ.)

៧. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ បដិសន្ធិក្ខណេ…បេ.… វត្ថុំ បដិច្ច ខន្ធា។ (១)

7. Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati ārammaṇapaccayā – nevadassanena nabhāvanāya pahātabbahetukaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. Paṭisandhikkhaṇe…pe… vatthuṃ paṭicca khandhā. (1)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ paṭicca dassanena pahātabbahetuko dhammo uppajjati ārammaṇapaccayā – vicikicchāsahagataṃ mohaṃ paṭicca sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតំ មោហំ បដិច្ច សម្បយុត្តកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati ārammaṇapaccayā – uddhaccasahagataṃ mohaṃ paṭicca sampayuttakā khandhā. (3)

៨. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ ច មោហញ្ច បដិច្ច ទ្វេ ខន្ធា។ (១)

8. Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca dassanena pahātabbahetuko dhammo uppajjati ārammaṇapaccayā – vicikicchāsahagataṃ ekaṃ khandhañca mohañca paṭicca tayo khandhā…pe… dve khandhe ca mohañca paṭicca dve khandhā. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ ច មោហញ្ច បដិច្ច ទ្វេ ខន្ធា។ (១)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca bhāvanāya pahātabbahetuko dhammo uppajjati ārammaṇapaccayā – uddhaccasahagataṃ ekaṃ khandhañca mohañca paṭicca tayo khandhā…pe… dve khandhe ca mohañca paṭicca dve khandhā. (1)

អធិបតិបច្ចយោ

Adhipatipaccayo

៩. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា… តីណិ (ហេតុសទិសា)។

9. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati adhipatipaccayā… tīṇi (hetusadisā).

ភាវនាយ បហាតព្ពហេតុកំ ធម្មំ បដិច្ច…បេ.… តីណិ (ហេតុសទិសា, អធិបតិយា មោហោ នត្ថិ)។

Bhāvanāya pahātabbahetukaṃ dhammaṃ paṭicca…pe… tīṇi (hetusadisā, adhipatiyā moho natthi).

នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធា។ ឯកំ មហាភូតំ បដិច្ច តយោ មហាភូតា…បេ.… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ។ (១)

Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati adhipatipaccayā – nevadassanena nabhāvanāya pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhā. Ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)

១០. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

10. Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca nevadassanena nabhāvanāya pahātabbahetuko dhammo uppajjati adhipatipaccayā – dassanena pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ភាវនាយ បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca nevadassanena nabhāvanāya pahātabbahetuko dhammo uppajjati adhipatipaccayā – bhāvanāya pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ. (1)

អនន្តរ-សមនន្តរបច្ចយា

Anantara-samanantarapaccayā

១១. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អនន្តរបច្ចយា។ សមនន្តរបច្ចយា (អារម្មណសទិសំ)។

11. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati anantarapaccayā. Samanantarapaccayā (ārammaṇasadisaṃ).

សហជាតបច្ចយោ

Sahajātapaccayo

១២. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)

12. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati sahajātapaccayā – dassanena pahātabbahetukaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ បដិច្ច មោហោ ចិត្តសមុដ្ឋានញ្ច រូបំ។ (២)

Dassanena pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati sahajātapaccayā – dassanena pahātabbahetuke khandhe paṭicca cittasamuṭṭhānaṃ rūpaṃ; vicikicchāsahagate khandhe paṭicca moho cittasamuṭṭhānañca rūpaṃ. (2)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា មោហោ ច ចិត្តសមុដ្ឋានញ្ច រូបំ…បេ.…។ (៣)

Dassanena pahātabbahetukaṃ dhammaṃ paṭicca dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti sahajātapaccayā – dassanena pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ; vicikicchāsahagataṃ ekaṃ khandhaṃ paṭicca tayo khandhā moho ca cittasamuṭṭhānañca rūpaṃ…pe…. (3)

១៣. ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)

13. Bhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati sahajātapaccayā – bhāvanāya pahātabbahetukaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

ភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ; ឧទ្ធច្ចសហគតេ ខន្ធេ បដិច្ច មោហោ ច ចិត្តសមុដ្ឋានញ្ច រូបំ។ (២)

Bhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati sahajātapaccayā – bhāvanāya pahātabbahetuke khandhe paṭicca cittasamuṭṭhānaṃ rūpaṃ; uddhaccasahagate khandhe paṭicca moho ca cittasamuṭṭhānañca rūpaṃ. (2)

ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – ភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; ឧទ្ធច្ចសហគតំ ឯកំ ខន្ធំ បដិច្ច តយោ ខន្ធា មោហោ ច ចិត្តសមុដ្ឋានញ្ច រូបំ…បេ.…។ (៣)

Bhāvanāya pahātabbahetukaṃ dhammaṃ paṭicca bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti sahajātapaccayā – bhāvanāya pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ; uddhaccasahagataṃ ekaṃ khandhaṃ paṭicca tayo khandhā moho ca cittasamuṭṭhānañca rūpaṃ…pe…. (3)

១៤. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ។ បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ…បេ.…។ (១)

14. Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati sahajātapaccayā – nevadassanena nabhāvanāya pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ. Paṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca tayo mahābhūtā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ…pe…. (1)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ paṭicca dassanena pahātabbahetuko dhammo uppajjati sahajātapaccayā – vicikicchāsahagataṃ mohaṃ paṭicca sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា (សំខិត្តំ។ ហេតុសទិសំ កាតព្ពំ)។ (៣)

Nevadassanena nabhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati sahajātapaccayā (saṃkhittaṃ. Hetusadisaṃ kātabbaṃ). (3)

អញ្ញមញ្ញបច្ចយាទិ

Aññamaññapaccayādi

១៥. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អញ្ញមញ្ញបច្ចយា, និស្សយបច្ចយា, ឧបនិស្សយបច្ចយា, បុរេជាតបច្ចយា, អាសេវនបច្ចយា, កម្មបច្ចយា, វិបាកបច្ចយា, អាហារបច្ចយា, ឥន្ទ្រិយបច្ចយា, ឈានបច្ចយា, មគ្គបច្ចយា, សម្បយុត្តបច្ចយា , វិប្បយុត្តបច្ចយា, អត្ថិបច្ចយា, នត្ថិបច្ចយា, វិគតបច្ចយា, អវិគតបច្ចយា។

15. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati aññamaññapaccayā, nissayapaccayā, upanissayapaccayā, purejātapaccayā, āsevanapaccayā, kammapaccayā, vipākapaccayā, āhārapaccayā, indriyapaccayā, jhānapaccayā, maggapaccayā, sampayuttapaccayā , vippayuttapaccayā, atthipaccayā, natthipaccayā, vigatapaccayā, avigatapaccayā.

១. បច្ចយានុលោមំ

1. Paccayānulomaṃ

២. សង្ខ្យាវារោ

2. Saṅkhyāvāro

សុទ្ធំ

Suddhaṃ

១៦. ហេតុយា សត្តរស, អារម្មណេ ឯកាទស, អធិបតិយា នវ, អនន្តរេ ឯកាទស, សមនន្តរេ ឯកាទស, សហជាតេ សត្តរស, អញ្ញមញ្ញេ ឯកាទស, និស្សយេ សត្តរស, ឧបនិស្សយេ ឯកាទស, បុរេជាតេ ឯកាទស, អាសេវនេ ឯកាទស, កម្មេ សត្តរស, វិបាកេ ឯកំ, អាហារេ សត្តរស, ឥន្ទ្រិយេ សត្តរស, ឈានេ សត្តរស, មគ្គេ សត្តរស, សម្បយុត្តេ ឯកាទស, វិប្បយុត្តេ សត្តរស, អត្ថិយា សត្តរស, នត្ថិយា ឯកាទស, វិគតេ ឯកាទស, អវិគតេ សត្តរស (ឯវំ គណេតព្ពំ)។

16. Hetuyā sattarasa, ārammaṇe ekādasa, adhipatiyā nava, anantare ekādasa, samanantare ekādasa, sahajāte sattarasa, aññamaññe ekādasa, nissaye sattarasa, upanissaye ekādasa, purejāte ekādasa, āsevane ekādasa, kamme sattarasa, vipāke ekaṃ, āhāre sattarasa, indriye sattarasa, jhāne sattarasa, magge sattarasa, sampayutte ekādasa, vippayutte sattarasa, atthiyā sattarasa, natthiyā ekādasa, vigate ekādasa, avigate sattarasa (evaṃ gaṇetabbaṃ).

អនុលោមំ។

Anulomaṃ.

២. បច្ចយបច្ចនីយំ

2. Paccayapaccanīyaṃ

១. វិភង្គវារោ

1. Vibhaṅgavāro

នហេតុបច្ចយោ

Nahetupaccayo

១៧. ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ។ (១)

17. Dassanena pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati nahetupaccayā – vicikicchāsahagate khandhe paṭicca vicikicchāsahagato moho. (1)

ភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ បដិច្ច ឧទ្ធច្ចសហគតោ មោហោ។ (១)

Bhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati nahetupaccayā – uddhaccasahagate khandhe paṭicca uddhaccasahagato moho. (1)

នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – អហេតុកំ នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធា; អហេតុកបដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.…។ (១)

Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati nahetupaccayā – ahetukaṃ nevadassanena nabhāvanāya pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhā; ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)

នអារម្មណបច្ចយោ

Naārammaṇapaccayo

១៨. ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ។ (១)

18. Dassanena pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati naārammaṇapaccayā – dassanena pahātabbahetuke khandhe paṭicca cittasamuṭṭhānaṃ rūpaṃ. (1)

ភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ។ (១)

Bhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati naārammaṇapaccayā – bhāvanāya pahātabbahetuke khandhe paṭicca cittasamuṭṭhānaṃ rūpaṃ. (1)

នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – នេវទស្សនេន នភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ; វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ។ បដិសន្ធិក្ខណេ នេវទស្សនេន នភាវនាយ បហាតព្ពហេតុកេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ…បេ.… ឯកំ មហាភូតំ…បេ.… អសញ្ញសត្តានំ…បេ.…។ (១)

Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati naārammaṇapaccayā – nevadassanena nabhāvanāya pahātabbahetuke khandhe paṭicca cittasamuṭṭhānaṃ rūpaṃ; vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ. Paṭisandhikkhaṇe nevadassanena nabhāvanāya pahātabbahetuke khandhe paṭicca kaṭattārūpaṃ, khandhe paṭicca vatthu…pe… ekaṃ mahābhūtaṃ…pe… asaññasattānaṃ…pe…. (1)

១៩. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (១)

19. Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca nevadassanena nabhāvanāya pahātabbahetuko dhammo uppajjati naārammaṇapaccayā – dassanena pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ; vicikicchāsahagate khandhe ca mohañca paṭicca cittasamuṭṭhānaṃ rūpaṃ. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; ឧទ្ធច្ចសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (១)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca nevadassanena nabhāvanāya pahātabbahetuko dhammo uppajjati naārammaṇapaccayā – bhāvanāya pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ; uddhaccasahagate khandhe ca mohañca paṭicca cittasamuṭṭhānaṃ rūpaṃ. (1)

នអធិបតិបច្ចយាទិ

Naadhipatipaccayādi

២០. ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអធិបតិបច្ចយា… (សហជាតសទិសំ) នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា។

20. Dassanena pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati naadhipatipaccayā… (sahajātasadisaṃ) naanantarapaccayā… nasamanantarapaccayā… naaññamaññapaccayā… naupanissayapaccayā.

នបុរេជាតបច្ចយោ

Napurejātapaccayo

២១. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ ទស្សនេន បហាតព្ពហេតុកំ ឯកំ ខន្ធំ បដិច្ច…បេ.…។ (១)

21. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati napurejātapaccayā – arūpe dassanena pahātabbahetukaṃ ekaṃ khandhaṃ paṭicca…pe…. (1)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ; ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ។ (២)

Dassanena pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati napurejātapaccayā – arūpe vicikicchāsahagate khandhe paṭicca vicikicchāsahagato moho; dassanena pahātabbahetuke khandhe paṭicca cittasamuṭṭhānaṃ rūpaṃ. (2)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ នបុរេជាតបច្ចយា – អរូបេ វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា មោហោ ច…បេ.… ទ្វេ ខន្ធេ…បេ.…។ (៣)

Dassanena pahātabbahetukaṃ dhammaṃ paṭicca dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti napurejātapaccayā – arūpe vicikicchāsahagataṃ ekaṃ khandhaṃ paṭicca tayo khandhā moho ca…pe… dve khandhe…pe…. (3)

ភាវនាយ បហាតព្ពហេតុកំ ធម្មំ… តីណិ (ទស្សនេន សទិសំ)។

Bhāvanāya pahātabbahetukaṃ dhammaṃ… tīṇi (dassanena sadisaṃ).

២២. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធា, នេវទស្សនេន នភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ; វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ។ បដិសន្ធិក្ខណេ…បេ.… អសញ្ញសត្តានំ…បេ.…។ (១)

22. Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati napurejātapaccayā – arūpe nevadassanena nabhāvanāya pahātabbahetukaṃ ekaṃ khandhaṃ paṭicca tayo khandhā…pe… dve khandhā, nevadassanena nabhāvanāya pahātabbahetuke khandhe paṭicca cittasamuṭṭhānaṃ rūpaṃ; vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ. Paṭisandhikkhaṇe…pe… asaññasattānaṃ…pe…. (1)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ វិចិកិច្ឆាសហគតំ មោហំ បដិច្ច សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ paṭicca dassanena pahātabbahetuko dhammo uppajjati napurejātapaccayā – arūpe vicikicchāsahagataṃ mohaṃ paṭicca sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ ឧទ្ធច្ចសហគតំ មោហំ បដិច្ច សម្បយុត្តកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati napurejātapaccayā – arūpe uddhaccasahagataṃ mohaṃ paṭicca sampayuttakā khandhā. (3)

២៣. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.…។ (១)

23. Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca dassanena pahātabbahetuko dhammo uppajjati napurejātapaccayā – arūpe vicikicchāsahagataṃ ekaṃ khandhañca mohañca paṭicca tayo khandhā…pe…. (1)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (២)

Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca nevadassanena nabhāvanāya pahātabbahetuko dhammo uppajjati napurejātapaccayā – dassanena pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ; vicikicchāsahagate khandhe ca mohañca paṭicca cittasamuṭṭhānaṃ rūpaṃ. (2)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា (ឥមេបិ ទ្វេ កាតព្ពា)។

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca bhāvanāya pahātabbahetuko dhammo uppajjati napurejātapaccayā (imepi dve kātabbā).

នបច្ឆាជាតបច្ចយាទិ

Napacchājātapaccayādi

២៤. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា។

24. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati napacchājātapaccayā… naāsevanapaccayā.

នកម្មបច្ចយោ

Nakammapaccayo

២៥. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ទស្សនេន បហាតព្ពហេតុកេ ខន្ធេ បដិច្ច ទស្សនេន បហាតព្ពហេតុកា ចេតនា។ (១)

25. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati nakammapaccayā – dassanena pahātabbahetuke khandhe paṭicca dassanena pahātabbahetukā cetanā. (1)

ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ភាវនាយ បហាតព្ពហេតុកេ ខន្ធេ បដិច្ច ភាវនាយ បហាតព្ពហេតុកា ចេតនា។ (១)

Bhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati nakammapaccayā – bhāvanāya pahātabbahetuke khandhe paṭicca bhāvanāya pahātabbahetukā cetanā. (1)

នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – នេវទស្សនេន នភាវនាយ បហាតព្ពហេតុកេ ខន្ធេ បដិច្ច នេវទស្សនេន នភាវនាយ បហាតព្ពហេតុកា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ…បេ.…។ (១)

Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati nakammapaccayā – nevadassanena nabhāvanāya pahātabbahetuke khandhe paṭicca nevadassanena nabhāvanāya pahātabbahetukā cetanā; bāhiraṃ… āhārasamuṭṭhānaṃ… utusamuṭṭhānaṃ…pe…. (1)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នកម្មបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ចេតនា។ (២)

Nevadassanena nabhāvanāya pahātabbahetukaṃ dhammaṃ paṭicca dassanena pahātabbahetuko dhammo uppajjati nakammapaccayā – vicikicchāsahagataṃ mohaṃ paṭicca sampayuttakā cetanā. (2)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ឧទ្ធច្ចសហគតំ មោហំ បដិច្ច សម្បយុត្តកា ចេតនា។ (៣)

Nevadassanena nabhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati nakammapaccayā – uddhaccasahagataṃ mohaṃ paṭicca sampayuttakā cetanā. (3)

២៦. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នកម្មបច្ចយា – វិចិកិច្ឆាសហគតេ ខន្ធេ ច មោហញ្ច បដិច្ច សម្បយុត្តកា ចេតនា។ (១)

26. Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca dassanena pahātabbahetuko dhammo uppajjati nakammapaccayā – vicikicchāsahagate khandhe ca mohañca paṭicca sampayuttakā cetanā. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ឧទ្ធច្ចសហគតេ ខន្ធេ ច មោហញ្ច បដិច្ច សម្បយុត្តកា ចេតនា។ (១)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca bhāvanāya pahātabbahetuko dhammo uppajjati nakammapaccayā – uddhaccasahagate khandhe ca mohañca paṭicca sampayuttakā cetanā. (1)

នវិបាកបច្ចយោ

Navipākapaccayo

២៧. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នវិបាកបច្ចយា (បដិសន្ធិ នត្ថិ)។

27. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati navipākapaccayā (paṭisandhi natthi).

នអាហារបច្ចយាទិ

Naāhārapaccayādi

២៨. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ…បេ.… នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ, អសញ្ញសត្តានំ…បេ.… មហាភូតេ បដិច្ច រូបជីវិតិន្ទ្រិយំ… នឈានបច្ចយា – បញ្ចវិញ្ញាណំ…បេ.… (មហាភូតា កាតព្ពា) នមគ្គបច្ចយា – អហេតុកំ នេវទស្សនេន នភាវនាយ បហាតព្ពហេតុកំ ឯកំ ខន្ធំ…បេ.… អសញ្ញសត្តានំ…បេ.… នសម្បយុត្តបច្ចយា។

28. Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati naāhārapaccayā – bāhiraṃ… utusamuṭṭhānaṃ… asaññasattānaṃ…pe… naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ, asaññasattānaṃ…pe… mahābhūte paṭicca rūpajīvitindriyaṃ… najhānapaccayā – pañcaviññāṇaṃ…pe… (mahābhūtā kātabbā) namaggapaccayā – ahetukaṃ nevadassanena nabhāvanāya pahātabbahetukaṃ ekaṃ khandhaṃ…pe… asaññasattānaṃ…pe… nasampayuttapaccayā.

នវិប្បយុត្តបច្ចយាទិ

Navippayuttapaccayādi

២៩. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.…។ (១)

29. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati navippayuttapaccayā – arūpe dassanena pahātabbahetukaṃ ekaṃ khandhaṃ paṭicca tayo khandhā…pe…. (1)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ។ (២)

Dassanena pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati navippayuttapaccayā – arūpe vicikicchāsahagate khandhe paṭicca vicikicchāsahagato moho. (2)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ នវិប្បយុត្តបច្ចយា – អរូបេ វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា មោហោ ច…បេ.… ទ្វេ ខន្ធេ…បេ.…។ (៣)

Dassanena pahātabbahetukaṃ dhammaṃ paṭicca dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti navippayuttapaccayā – arūpe vicikicchāsahagataṃ ekaṃ khandhaṃ paṭicca tayo khandhā moho ca…pe… dve khandhe…pe…. (3)

ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ ភាវនាយ… តីណិ។

Bhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati navippayuttapaccayā – arūpe bhāvanāya… tīṇi.

៣០. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.…។ (១)

30. Nevadassanena nabhāvanāya pahātabbahetukaṃ dhammaṃ paṭicca nevadassanena nabhāvanāya pahātabbahetuko dhammo uppajjati navippayuttapaccayā – arūpe nevadassanena nabhāvanāya pahātabbahetukaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā; bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិចិកិច្ឆាសហគតំ មោហំ បដិច្ច សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ paṭicca dassanena pahātabbahetuko dhammo uppajjati navippayuttapaccayā – arūpe vicikicchāsahagataṃ mohaṃ paṭicca sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ ឧទ្ធច្ចសហគតំ មោហំ បដិច្ច សម្បយុត្តកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati navippayuttapaccayā – arūpe uddhaccasahagataṃ mohaṃ paṭicca sampayuttakā khandhā. (3)

៣១. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធា។ (១)

31. Dassanena pahātabbahetukañca nevadassanena nabhāvanāya pahātabbahetukañca dhammaṃ paṭicca dassanena pahātabbahetuko dhammo uppajjati navippayuttapaccayā – arūpe vicikicchāsahagataṃ ekaṃ khandhañca mohañca paṭicca tayo khandhā…pe… dve khandhā. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធា… នោនត្ថិបច្ចយា… នោវិគតបច្ចយា។

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paṭicca bhāvanāya pahātabbahetuko dhammo uppajjati navippayuttapaccayā – arūpe uddhaccasahagataṃ ekaṃ khandhañca mohañca paṭicca tayo khandhā…pe… dve khandhā… nonatthipaccayā… novigatapaccayā.

២. បច្ចយបច្ចនីយំ

2. Paccayapaccanīyaṃ

២. សង្ខ្យាវារោ

2. Saṅkhyāvāro

សុទ្ធំ

Suddhaṃ

៣២. នហេតុយា តីណិ, នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ តេរស, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ ឯកាទស, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

32. Nahetuyā tīṇi, naārammaṇe pañca, naadhipatiyā sattarasa, naanantare pañca, nasamanantare pañca, naaññamaññe pañca, naupanissaye pañca, napurejāte terasa, napacchājāte sattarasa, naāsevane sattarasa, nakamme satta, navipāke sattarasa, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte ekādasa, nonatthiyā pañca, novigate pañca (evaṃ gaṇetabbaṃ).

បច្ចនីយំ។

Paccanīyaṃ.

៣. បច្ចយានុលោមបច្ចនីយំ

3. Paccayānulomapaccanīyaṃ

៣៣. ហេតុបច្ចយា នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ តេរស, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នសម្បយុត្តេ បញ្ច, នវិប្បយុត្តេ ឯកាទស, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

33. Hetupaccayā naārammaṇe pañca, naadhipatiyā sattarasa, naanantare pañca, nasamanantare pañca, naaññamaññe pañca, naupanissaye pañca, napurejāte terasa, napacchājāte sattarasa, naāsevane sattarasa, nakamme satta, navipāke sattarasa, nasampayutte pañca, navippayutte ekādasa, nonatthiyā pañca, novigate pañca (evaṃ gaṇetabbaṃ).

អនុលោមបច្ចនីយំ។

Anulomapaccanīyaṃ.

៤. បច្ចយបច្ចនីយានុលោមំ

4. Paccayapaccanīyānulomaṃ

៣៤. នហេតុបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ ទ្វេ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ (ឯវំ គណេតព្ពំ)។

34. Nahetupaccayā ārammaṇe tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, āsevane tīṇi, kamme tīṇi, vipāke ekaṃ, āhāre tīṇi, indriye tīṇi, jhāne tīṇi, magge dve, sampayutte tīṇi, vippayutte tīṇi, atthiyā tīṇi, natthiyā tīṇi, vigate tīṇi, avigate tīṇi (evaṃ gaṇetabbaṃ).

បច្ចនីយានុលោមំ។

Paccanīyānulomaṃ.

បដិច្ចវារោ។

Paṭiccavāro.

២. សហជាតវារោ

2. Sahajātavāro

(សហជាតវារោ បដិច្ចវារសទិសោ។)

(Sahajātavāro paṭiccavārasadiso.)

៣. បច្ចយវារោ

3. Paccayavāro

១. បច្ចយានុលោមំ

1. Paccayānulomaṃ

១. វិភង្គវារោ

1. Vibhaṅgavāro

ហេតុបច្ចយោ

Hetupaccayo

៣៥. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា… តីណិ (បដិច្ចវារសទិសំ)។

35. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati hetupaccayā… tīṇi (paṭiccavārasadisaṃ).

ភាវនាយ បហាតព្ពហេតុកំ ធម្មំ បច្ចយា… តីណិ (បដិច្ចវារសទិសំ)។

Bhāvanāya pahātabbahetukaṃ dhammaṃ paccayā… tīṇi (paṭiccavārasadisaṃ).

នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ… ឯកំ (បដិច្ចវារសទិសំ)។ វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា។ (១)

Nevadassanena nabhāvanāya pahātabbahetukaṃ dhammaṃ paccayā nevadassanena nabhāvanāya… ekaṃ (paṭiccavārasadisaṃ). Vatthuṃ paccayā nevadassanena nabhāvanāya pahātabbahetukā khandhā. (1)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; វិចិកិច្ឆាសហគតំ មោហំ បច្ចយា សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko dhammo uppajjati hetupaccayā – vatthuṃ paccayā dassanena pahātabbahetukā khandhā; vicikicchāsahagataṃ mohaṃ paccayā sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; ឧទ្ធច្ចសហគតំ មោហំ បច្ចយា សម្បយុត្តកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko dhammo uppajjati hetupaccayā – vatthuṃ paccayā bhāvanāya pahātabbahetukā khandhā; uddhaccasahagataṃ mohaṃ paccayā sampayuttakā khandhā. (3)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ; វិចិកិច្ឆាសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ។ (៤)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti hetupaccayā – vatthuṃ paccayā dassanena pahātabbahetukā khandhā; mahābhūte paccayā cittasamuṭṭhānaṃ rūpaṃ; vicikicchāsahagataṃ mohaṃ paccayā sampayuttakā khandhā cittasamuṭṭhānañca rūpaṃ. (4)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ; ឧទ្ធច្ចសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ។ (៥)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti hetupaccayā – vatthuṃ paccayā bhāvanāya pahātabbahetukā khandhā; mahābhūte paccayā cittasamuṭṭhānaṃ rūpaṃ; uddhaccasahagataṃ mohaṃ paccayā sampayuttakā khandhā cittasamuṭṭhānañca rūpaṃ. (5)

៣៦. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ.… ទ្វេ ខន្ធេ ច មោហញ្ច បច្ចយា ទ្វេ ខន្ធា។ (១)

36. Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā dassanena pahātabbahetuko dhammo uppajjati hetupaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… dve khandhe ca…pe… vicikicchāsahagataṃ ekaṃ khandhañca mohañca paccayā tayo khandhā…pe… dve khandhe ca mohañca paccayā dve khandhā. (1)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ។ (២)

Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati hetupaccayā – dassanena pahātabbahetuke khandhe ca mahābhūte ca paccayā cittasamuṭṭhānaṃ rūpaṃ; vicikicchāsahagate khandhe ca mohañca paccayā cittasamuṭṭhānaṃ rūpaṃ. (2)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា; ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ.…។ (៣)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា… តីណិ។

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paccayā bhāvanāya pahātabbahetuko dhammo uppajjati hetupaccayā… tīṇi.

អារម្មណបច្ចយោ

Ārammaṇapaccayo

៣៧. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា… តីណិ (បដិច្ចវារេ អារម្មណសទិសា)។

37. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati ārammaṇapaccayā… tīṇi (paṭiccavāre ārammaṇasadisā).

ភាវនាយ បហាតព្ពហេតុកំ ធម្មំ បច្ចយា… តីណិ (បដិច្ចវារសទិសា)។

Bhāvanāya pahātabbahetukaṃ dhammaṃ paccayā… tīṇi (paṭiccavārasadisā).

៣៨. នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បច្ចយា តយោ ខន្ធា…បេ.… ទ្វេ ខន្ធា។ បដិសន្ធិក្ខណេ…បេ.… វត្ថុំ បច្ចយា ខន្ធា។ ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ; វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា។ (១)

38. Nevadassanena nabhāvanāya pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati ārammaṇapaccayā – nevadassanena nabhāvanāya pahātabbahetukaṃ ekaṃ khandhaṃ paccayā tayo khandhā…pe… dve khandhā. Paṭisandhikkhaṇe…pe… vatthuṃ paccayā khandhā. Cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ; vatthuṃ paccayā nevadassanena nabhāvanāya pahātabbahetukā khandhā. (1)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; វិចិកិច្ឆាសហគតំ មោហំ បច្ចយា សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko dhammo uppajjati ārammaṇapaccayā – vatthuṃ paccayā dassanena pahātabbahetukā khandhā; vicikicchāsahagataṃ mohaṃ paccayā sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; ឧទ្ធច្ចសហគតំ មោហំ បច្ចយា សម្បយុត្តកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko dhammo uppajjati ārammaṇapaccayā – vatthuṃ paccayā bhāvanāya pahātabbahetukā khandhā; uddhaccasahagataṃ mohaṃ paccayā sampayuttakā khandhā. (3)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វត្ថុំ បច្ចយា វិចិកិច្ឆាសហគតា ខន្ធា ច មោហោ ច។ (៤)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti ārammaṇapaccayā – vatthuṃ paccayā vicikicchāsahagatā khandhā ca moho ca. (4)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វត្ថុំ បច្ចយា ឧទ្ធច្ចសហគតា ខន្ធា ច មោហោ ច។ (៥)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti ārammaṇapaccayā – vatthuṃ paccayā uddhaccasahagatā khandhā ca moho ca. (5)

៣៩. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធា; វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ.… ទ្វេ ខន្ធេ ច មោហញ្ច បច្ចយា ទ្វេ ខន្ធា។ (១)

39. Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā dassanena pahātabbahetuko dhammo uppajjati ārammaṇapaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… dve khandhā; vicikicchāsahagataṃ ekaṃ khandhañca mohañca paccayā tayo khandhā…pe… dve khandhe ca mohañca paccayā dve khandhā. (1)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ។ (២)

Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati ārammaṇapaccayā – vicikicchāsahagate khandhe ca vatthuñca paccayā vicikicchāsahagato moho. (2)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ.… ទ្វេ ខន្ធេ ច វត្ថុញ្ច…បេ.…។ (៣)

៤០. ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ភាវនាយ បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធា; ឧទ្ធច្ចសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ.… ទ្វេ ខន្ធា។ (១)

40. Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paccayā bhāvanāya pahātabbahetuko dhammo uppajjati ārammaṇapaccayā – bhāvanāya pahātabbahetukaṃ ekaṃ khandhañca vatthuñca paccayā tayo khandhā…pe… dve khandhā; uddhaccasahagataṃ ekaṃ khandhañca mohañca paccayā tayo khandhā…pe… dve khandhā. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតេ ខន្ធេ ច វត្ថុញ្ច បច្ចយា ឧទ្ធច្ចសហគតោ មោហោ។ (២)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati ārammaṇapaccayā – uddhaccasahagate khandhe ca vatthuñca paccayā uddhaccasahagato moho. (2)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – ឧទ្ធច្ចសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ.… ទ្វេ ខន្ធេ ច…បេ.…។ (៣)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paccayā bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti ārammaṇapaccayā – uddhaccasahagataṃ ekaṃ khandhañca vatthuñca paccayā tayo khandhā moho ca…pe… dve khandhe ca…pe…. (3)

អធិបតិបច្ចយាទិ

Adhipatipaccayādi

៤១. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា… តីណិ។

41. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati adhipatipaccayā… tīṇi.

ភាវនាយ បហាតព្ពហេតុកំ ធម្មំ បច្ចយា… តីណិ។

Bhāvanāya pahātabbahetukaṃ dhammaṃ paccayā… tīṇi.

នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ឯកំ…បេ.… វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា។ (១)

Nevadassanena nabhāvanāya pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati adhipatipaccayā – ekaṃ…pe… vatthuṃ paccayā nevadassanena nabhāvanāya pahātabbahetukā khandhā. (1)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា។ (២)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko dhammo uppajjati adhipatipaccayā – vatthuṃ paccayā dassanena pahātabbahetukā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko dhammo uppajjati adhipatipaccayā – vatthuṃ paccayā bhāvanāya pahātabbahetukā khandhā. (3)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អធិបតិបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ។ (៤)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti adhipatipaccayā – vatthuṃ paccayā dassanena pahātabbahetukā khandhā; mahābhūte paccayā cittasamuṭṭhānaṃ rūpaṃ. (4)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អធិបតិបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ។ (៥)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti adhipatipaccayā – vatthuṃ paccayā bhāvanāya pahātabbahetukā khandhā; mahābhūte paccayā cittasamuṭṭhānaṃ rūpaṃ. (5)

៤២. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ (១)

42. Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā dassanena pahātabbahetuko dhammo uppajjati adhipatipaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… dve khandhe ca…pe…. (1)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (២)

Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati adhipatipaccayā – dassanena pahātabbahetuke khandhe ca mahābhūte ca paccayā cittasamuṭṭhānaṃ rūpaṃ. (2)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អធិបតិបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (៣)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ភាវនាយ បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… តីណិ… (ទស្សនេន សទិសា) អនន្តរបច្ចយា… សមនន្តរបច្ចយា។

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paccayā bhāvanāya pahātabbahetuko dhammo uppajjati adhipatipaccayā – bhāvanāya pahātabbahetukaṃ ekaṃ khandhañca vatthuñca paccayā tayo khandhā…pe… tīṇi… (dassanena sadisā) anantarapaccayā… samanantarapaccayā.

សហជាតបច្ចយោ

Sahajātapaccayo

៤៣. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា…បេ.…។ (១)

43. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati sahajātapaccayā – dassanena pahātabbahetukaṃ ekaṃ khandhaṃ paccayā tayo khandhā…pe…. (1)

ទស្សនេន បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកេ ខន្ធេ បច្ចយា ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ បច្ចយា វិចិកិច្ឆាសហគតោ មោហោ ចិត្តសមុដ្ឋានញ្ច រូបំ។ (២)

Dassanena pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati sahajātapaccayā – dassanena pahātabbahetuke khandhe paccayā cittasamuṭṭhānaṃ rūpaṃ; vicikicchāsahagate khandhe paccayā vicikicchāsahagato moho cittasamuṭṭhānañca rūpaṃ. (2)

ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… វិចិកិច្ឆាសហគតំ ឯកំ ខន្ធំ បច្ចយា តយោ ខន្ធា មោហោ ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

Dassanena pahātabbahetukaṃ dhammaṃ paccayā dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti sahajātapaccayā – dassanena pahātabbahetukaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… vicikicchāsahagataṃ ekaṃ khandhaṃ paccayā tayo khandhā moho ca cittasamuṭṭhānañca rūpaṃ…pe… dve khandhe…pe…. (3)

ភាវនាយ បហាតព្ពហេតុកំ ធម្មំ បច្ចយា… តីណិ (សំខិត្តំ។ ទស្សនេន សទិសា )។

Bhāvanāya pahātabbahetukaṃ dhammaṃ paccayā… tīṇi (saṃkhittaṃ. Dassanena sadisā ).

៤៤. នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… វិចិកិច្ឆាសហគតំ ឧទ្ធច្ចសហគតំ មោហំ បច្ចយា ចិត្តសមុដ្ឋានំ រូបំ។ បដិសន្ធិក្ខណេ…បេ.… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា តយោ មហាភូតា…បេ.… អសញ្ញសត្តានំ…បេ.… ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ; វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា។ (១)

44. Nevadassanena nabhāvanāya pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati sahajātapaccayā – nevadassanena nabhāvanāya pahātabbahetukaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… vicikicchāsahagataṃ uddhaccasahagataṃ mohaṃ paccayā cittasamuṭṭhānaṃ rūpaṃ. Paṭisandhikkhaṇe…pe… khandhe paccayā vatthu, vatthuṃ paccayā khandhā; ekaṃ mahābhūtaṃ paccayā tayo mahābhūtā…pe… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ; vatthuṃ paccayā nevadassanena nabhāvanāya pahātabbahetukā khandhā. (1)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; វិចិកិច្ឆាសហគតំ មោហំ បច្ចយា សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko dhammo uppajjati sahajātapaccayā – vatthuṃ paccayā dassanena pahātabbahetukā khandhā; vicikicchāsahagataṃ mohaṃ paccayā sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; ឧទ្ធច្ចសហគតំ មោហំ បច្ចយា សម្បយុត្តកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko dhammo uppajjati sahajātapaccayā – vatthuṃ paccayā bhāvanāya pahātabbahetukā khandhā; uddhaccasahagataṃ mohaṃ paccayā sampayuttakā khandhā. (3)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ; វិចិកិច្ឆាសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ; វត្ថុំ បច្ចយា វិចិកិច្ឆាសហគតា ខន្ធា ច មោហោ ច។ (៤)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti sahajātapaccayā – vatthuṃ paccayā dassanena pahātabbahetukā khandhā; mahābhūte paccayā cittasamuṭṭhānaṃ rūpaṃ; vicikicchāsahagataṃ mohaṃ paccayā sampayuttakā khandhā cittasamuṭṭhānañca rūpaṃ; vatthuṃ paccayā vicikicchāsahagatā khandhā ca moho ca. (4)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ; ឧទ្ធច្ចសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ; វត្ថុំ បច្ចយា ឧទ្ធច្ចសហគតា ខន្ធា ច មោហោ ច។ (៥)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti sahajātapaccayā – vatthuṃ paccayā bhāvanāya pahātabbahetukā khandhā; mahābhūte paccayā cittasamuṭṭhānaṃ rūpaṃ; uddhaccasahagataṃ mohaṃ paccayā sampayuttakā khandhā cittasamuṭṭhānañca rūpaṃ; vatthuṃ paccayā uddhaccasahagatā khandhā ca moho ca. (5)

៤៥. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ.…។ (១)

45. Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā dassanena pahātabbahetuko dhammo uppajjati sahajātapaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… vicikicchāsahagataṃ ekaṃ khandhañca mohañca paccayā tayo khandhā…pe…. (1)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ។ (២)

Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati sahajātapaccayā – dassanena pahātabbahetuke khandhe ca mahābhūte ca paccayā cittasamuṭṭhānaṃ rūpaṃ; vicikicchāsahagate khandhe ca mohañca paccayā cittasamuṭṭhānaṃ rūpaṃ; vicikicchāsahagate khandhe ca vatthuñca paccayā vicikicchāsahagato moho. (2)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា; ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… វិចិកិច្ឆាសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ.… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា មោហោ ច។ (៣)

Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti sahajātapaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… dve khandhe…pe… dassanena pahātabbahetuke khandhe ca mahābhūte ca paccayā cittasamuṭṭhānaṃ rūpaṃ; vicikicchāsahagataṃ ekaṃ khandhañca mohañca paccayā tayo khandhā; cittasamuṭṭhānañca rūpaṃ…pe… dve khandhe…pe… vicikicchāsahagataṃ ekaṃ khandhañca vatthuñca paccayā tayo khandhā moho ca…pe… dve khandhe ca vatthuñca paccayā dve khandhā moho ca. (3)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា… តីណិ។

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paccayā bhāvanāya pahātabbahetuko dhammo uppajjati sahajātapaccayā… tīṇi.

អញ្ញមញ្ញបច្ចយាទិ

Aññamaññapaccayādi

៤៦. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា។

46. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati aññamaññapaccayā… nissayapaccayā… upanissayapaccayā… purejātapaccayā… āsevanapaccayā… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā.

វិប្បយុត្តបច្ចយោ

Vippayuttapaccayo

៤៧. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – ទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា…បេ.… ទ្វេ ខន្ធា, ខន្ធា វត្ថុំ វិប្បយុត្តបច្ចយា។ (១)

47. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati vippayuttapaccayā – dassanena pahātabbahetukaṃ ekaṃ khandhaṃ paccayā tayo khandhā…pe… dve khandhā, khandhā vatthuṃ vippayuttapaccayā. (1)

ទស្សនេន បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – ទស្សនេន បហាតព្ពហេតុកេ ខន្ធេ បច្ចយា ចិត្តសមុដ្ឋានំ រូបំ, ខន្ធេ វិប្បយុត្តបច្ចយា។ វិចិកិច្ឆាសហគតេ ខន្ធេ បច្ចយា មោហោ ចិត្តសមុដ្ឋានញ្ច រូបំ, មោហោ វត្ថុំ វិប្បយុត្តបច្ចយា។ ចិត្តសមុដ្ឋានំ រូបំ ខន្ធេ វិប្បយុត្តបច្ចយា។ (២)

Dassanena pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati vippayuttapaccayā – dassanena pahātabbahetuke khandhe paccayā cittasamuṭṭhānaṃ rūpaṃ, khandhe vippayuttapaccayā. Vicikicchāsahagate khandhe paccayā moho cittasamuṭṭhānañca rūpaṃ, moho vatthuṃ vippayuttapaccayā. Cittasamuṭṭhānaṃ rūpaṃ khandhe vippayuttapaccayā. (2)

ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ វិប្បយុត្តបច្ចយា – ទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ខន្ធា វត្ថុំ វិប្បយុត្តបច្ចយា។ ចិត្តសមុដ្ឋានំ រូបំ ខន្ធេ វិប្បយុត្តបច្ចយា។ វិចិកិច្ឆាសហគតំ ឯកំ ខន្ធំ បច្ចយា តយោ ខន្ធា មោហោ ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ខន្ធា ច មោហោ ច វត្ថុំ វិប្បយុត្តបច្ចយា។ ចិត្តសមុដ្ឋានំ រូបំ ខន្ធេ វិប្បយុត្តបច្ចយា។ (៣)

Dassanena pahātabbahetukaṃ dhammaṃ paccayā dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti vippayuttapaccayā – dassanena pahātabbahetukaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… khandhā vatthuṃ vippayuttapaccayā. Cittasamuṭṭhānaṃ rūpaṃ khandhe vippayuttapaccayā. Vicikicchāsahagataṃ ekaṃ khandhaṃ paccayā tayo khandhā moho ca cittasamuṭṭhānañca rūpaṃ…pe… dve khandhe…pe… khandhā ca moho ca vatthuṃ vippayuttapaccayā. Cittasamuṭṭhānaṃ rūpaṃ khandhe vippayuttapaccayā. (3)

ភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា… តីណិ (ទស្សនេន សទិសា)។

Bhāvanāya pahātabbahetukaṃ dhammaṃ paccayā bhāvanāya pahātabbahetuko dhammo uppajjati vippayuttapaccayā… tīṇi (dassanena sadisā).

៤៨. នេវទស្សនេន នភាវនាយ បហាតព្ពហេតុកំ ធម្មំ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ… ទ្វេ ខន្ធេ…បេ.… ខន្ធា វត្ថុំ វិប្បយុត្តបច្ចយា។ ចិត្តសមុដ្ឋានំ រូបំ ខន្ធេ វិប្បយុត្តបច្ចយា។ វិចិកិច្ឆាសហគតំ ឧទ្ធច្ចសហគតំ មោហំ បច្ចយា ចិត្តសមុដ្ឋានំ រូបំ, មោហំ វិប្បយុត្តបច្ចយា។ បដិសន្ធិក្ខណេ…បេ.… ខន្ធេ បច្ចយា វត្ថុ, វត្ថុំ បច្ចយា ខន្ធា។ ខន្ធា វត្ថុំ វិប្បយុត្តបច្ចយា។ វត្ថុ ខន្ធេ វិប្បយុត្តបច្ចយា។ ឯកំ មហាភូតំ បច្ចយា តយោ មហាភូតា…បេ.… មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ , ខន្ធេ វិប្បយុត្តបច្ចយា។ ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ; វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា។ (១)

48. Nevadassanena nabhāvanāya pahātabbahetukaṃ dhammaṃ nevadassanena nabhāvanāya pahātabbahetuko dhammo uppajjati vippayuttapaccayā – nevadassanena nabhāvanāya pahātabbahetukaṃ ekaṃ khandhaṃ paccayā tayo khandhā cittasamuṭṭhānañca rūpaṃ… dve khandhe…pe… khandhā vatthuṃ vippayuttapaccayā. Cittasamuṭṭhānaṃ rūpaṃ khandhe vippayuttapaccayā. Vicikicchāsahagataṃ uddhaccasahagataṃ mohaṃ paccayā cittasamuṭṭhānaṃ rūpaṃ, mohaṃ vippayuttapaccayā. Paṭisandhikkhaṇe…pe… khandhe paccayā vatthu, vatthuṃ paccayā khandhā. Khandhā vatthuṃ vippayuttapaccayā. Vatthu khandhe vippayuttapaccayā. Ekaṃ mahābhūtaṃ paccayā tayo mahābhūtā…pe… mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ , khandhe vippayuttapaccayā. Cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ; vatthuṃ paccayā nevadassanena nabhāvanāya pahātabbahetukā khandhā. (1)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា, វត្ថុំ វិប្បយុត្តបច្ចយា។ វិចិកិច្ឆាសហគតំ មោហំ បច្ចយា សម្បយុត្តកា ខន្ធា, វត្ថុំ វិប្បយុត្តបច្ចយា។ (២)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko dhammo uppajjati vippayuttapaccayā – vatthuṃ paccayā dassanena pahātabbahetukā khandhā, vatthuṃ vippayuttapaccayā. Vicikicchāsahagataṃ mohaṃ paccayā sampayuttakā khandhā, vatthuṃ vippayuttapaccayā. (2)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា, វត្ថុំ វិប្បយុត្តបច្ចយា ។ ឧទ្ធច្ចសហគតំ មោហំ បច្ចយា សម្បយុត្តកា ខន្ធា, វត្ថុំ វិប្បយុត្តបច្ចយា។ (៣)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko dhammo uppajjati vippayuttapaccayā – vatthuṃ paccayā bhāvanāya pahātabbahetukā khandhā, vatthuṃ vippayuttapaccayā . Uddhaccasahagataṃ mohaṃ paccayā sampayuttakā khandhā, vatthuṃ vippayuttapaccayā. (3)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ វិប្បយុត្តបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ, ខន្ធា វត្ថុំ វិប្បយុត្តបច្ចយា។ ចិត្តសមុដ្ឋានំ រូបំ, ខន្ធេ វិប្បយុត្តបច្ចយា។ វិចិកិច្ឆាសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ, ខន្ធា វត្ថុំ វិប្បយុត្តបច្ចយា។ ចិត្តសមុដ្ឋានំ រូបំ មោហំ វិប្បយុត្តបច្ចយា។ វត្ថុំ បច្ចយា វិចិកិច្ឆាសហគតា ខន្ធា ច មោហោ ច, វត្ថុំ វិប្បយុត្តបច្ចយា។ (៤)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti vippayuttapaccayā – vatthuṃ paccayā dassanena pahātabbahetukā khandhā; mahābhūte paccayā cittasamuṭṭhānaṃ rūpaṃ, khandhā vatthuṃ vippayuttapaccayā. Cittasamuṭṭhānaṃ rūpaṃ, khandhe vippayuttapaccayā. Vicikicchāsahagataṃ mohaṃ paccayā sampayuttakā khandhā cittasamuṭṭhānañca rūpaṃ, khandhā vatthuṃ vippayuttapaccayā. Cittasamuṭṭhānaṃ rūpaṃ mohaṃ vippayuttapaccayā. Vatthuṃ paccayā vicikicchāsahagatā khandhā ca moho ca, vatthuṃ vippayuttapaccayā. (4)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ វិប្បយុត្តបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា…បេ.… (ទស្សនេន សទិសំ)។ (៥)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko ca nevadassanena nabhāvanāya pahātabbahetuko ca dhammā uppajjanti vippayuttapaccayā – vatthuṃ paccayā bhāvanāya pahātabbahetukā khandhā…pe… (dassanena sadisaṃ). (5)

៤៩. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… វត្ថុំ វិប្បយុត្តបច្ចយា។ វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… វត្ថុំ វិប្បយុត្តបច្ចយា។ (១)

49. Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā dassanena pahātabbahetuko dhammo uppajjati vippayuttapaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… dve khandhe…pe… vatthuṃ vippayuttapaccayā. Vicikicchāsahagataṃ ekaṃ khandhañca mohañca paccayā tayo khandhā…pe… dve khandhe…pe… vatthuṃ vippayuttapaccayā. (1)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ខន្ធេ វិប្បយុត្តបច្ចយា។ វិចិកិច្ឆាសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ, ខន្ធេ ច មោហញ្ច វិប្បយុត្តបច្ចយា។ វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ, វត្ថុំ វិប្បយុត្តបច្ចយា។ (២)

Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati vippayuttapaccayā – dassanena pahātabbahetuke khandhe ca mahābhūte ca paccayā cittasamuṭṭhānaṃ rūpaṃ, khandhe vippayuttapaccayā. Vicikicchāsahagate khandhe ca mohañca paccayā cittasamuṭṭhānaṃ rūpaṃ, khandhe ca mohañca vippayuttapaccayā. Vicikicchāsahagate khandhe ca vatthuñca paccayā vicikicchāsahagato moho, vatthuṃ vippayuttapaccayā. (2)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ វិប្បយុត្តបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ខន្ធា វត្ថុំ វិប្បយុត្តបច្ចយា។ ចិត្តសមុដ្ឋានំ រូបំ ខន្ធេ វិប្បយុត្តបច្ចយា។ វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… ខន្ធា វត្ថុំ វិប្បយុត្តបច្ចយា។ ចិត្តសមុដ្ឋានំ រូបំ, ខន្ធេ ច មោហញ្ច វិប្បយុត្តបច្ចយា។ វិចិកិច្ឆាសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ.… ទ្វេ ខន្ធេ ច…បេ.… វត្ថុំ វិប្បយុត្តបច្ចយា។ (៣)

Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti vippayuttapaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… dve khandhe…pe… dassanena pahātabbahetuke khandhe ca mahābhūte ca paccayā cittasamuṭṭhānaṃ rūpaṃ, khandhā vatthuṃ vippayuttapaccayā. Cittasamuṭṭhānaṃ rūpaṃ khandhe vippayuttapaccayā. Vicikicchāsahagataṃ ekaṃ khandhañca mohañca paccayā tayo khandhā cittasamuṭṭhānañca rūpaṃ…pe… dve khandhe ca…pe… khandhā vatthuṃ vippayuttapaccayā. Cittasamuṭṭhānaṃ rūpaṃ, khandhe ca mohañca vippayuttapaccayā. Vicikicchāsahagataṃ ekaṃ khandhañca vatthuñca paccayā tayo khandhā moho ca…pe… dve khandhe ca…pe… vatthuṃ vippayuttapaccayā. (3)

ភាវនាយ បហាតព្ពហេតុកញ្ច…បេ.… តីណិ (ទស្សនេន សទិសា)។

Bhāvanāya pahātabbahetukañca…pe… tīṇi (dassanena sadisā).

អត្ថិបច្ចយាទិ

Atthipaccayādi

៥០. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា។

50. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati atthipaccayā… natthipaccayā… vigatapaccayā… avigatapaccayā.

១. បច្ចយានុលោមំ

1. Paccayānulomaṃ

២. សង្ខ្យាវារោ

2. Saṅkhyāvāro

សុទ្ធំ

Suddhaṃ

៥១. ហេតុយា សត្តរស, អារម្មណេ សត្តរស, អធិបតិយា សត្តរស, អនន្តរេ សត្តរស, សមនន្តរេ សត្តរស, សហជាតេ សត្តរស, អញ្ញមញ្ញេ សត្តារស និស្សយេ សត្តរស, ឧបនិស្សយេ សត្តរស, បុរេជាតេ សត្តរស, អាសេវនេ សត្តរស, កម្មេ សត្តរស, វិបាកេ ឯកំ, អាហារេ សត្តរស, ឥន្ទ្រិយេ សត្តរស, ឈានេ សត្តរស, មគ្គេ សត្តរស, សម្បយុត្តេ សត្តរស, វិប្បយុត្តេ សត្តរស, អត្ថិយា សត្តរស, នត្ថិយា សត្តរស, វិគតេ សត្តរស, អវិគតេ សត្តរស (ឯវំ គណេតព្ពំ)។

51. Hetuyā sattarasa, ārammaṇe sattarasa, adhipatiyā sattarasa, anantare sattarasa, samanantare sattarasa, sahajāte sattarasa, aññamaññe sattārasa nissaye sattarasa, upanissaye sattarasa, purejāte sattarasa, āsevane sattarasa, kamme sattarasa, vipāke ekaṃ, āhāre sattarasa, indriye sattarasa, jhāne sattarasa, magge sattarasa, sampayutte sattarasa, vippayutte sattarasa, atthiyā sattarasa, natthiyā sattarasa, vigate sattarasa, avigate sattarasa (evaṃ gaṇetabbaṃ).

អនុលោមំ។

Anulomaṃ.

២. បច្ចយបច្ចនីយំ

2. Paccayapaccanīyaṃ

១. វិភង្គវារោ

1. Vibhaṅgavāro

នហេតុបច្ចយោ

Nahetupaccayo

៥២. ទស្សនេន បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បច្ចយា វិចិកិច្ឆាសហគតោ មោហោ។ (១)

52. Dassanena pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati nahetupaccayā – vicikicchāsahagate khandhe paccayā vicikicchāsahagato moho. (1)

ភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ បច្ចយា ឧទ្ធច្ចសហគតោ មោហោ។ (១)

Bhāvanāya pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati nahetupaccayā – uddhaccasahagate khandhe paccayā uddhaccasahagato moho. (1)

នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – អហេតុកំ នេវទស្សនេន នភាវនាយ បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… អហេតុកបដិសន្ធិក្ខណេ (បរិបុណ្ណំ) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ; វត្ថុំ បច្ចយា អហេតុកា នេវទស្សនេន នភាវនាយ បហាតព្ពហេតុកា ខន្ធា; វត្ថុំ បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

Nevadassanena nabhāvanāya pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati nahetupaccayā – ahetukaṃ nevadassanena nabhāvanāya pahātabbahetukaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… ahetukapaṭisandhikkhaṇe (paripuṇṇaṃ) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ; vatthuṃ paccayā ahetukā nevadassanena nabhāvanāya pahātabbahetukā khandhā; vatthuṃ paccayā vicikicchāsahagato uddhaccasahagato moho. (1)

៥៣. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ។ (១)

53. Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati nahetupaccayā – vicikicchāsahagate khandhe ca vatthuñca paccayā vicikicchāsahagato moho. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ ច វត្ថុញ្ច បច្ចយា ឧទ្ធច្ចសហគតោ មោហោ។ (១)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati nahetupaccayā – uddhaccasahagate khandhe ca vatthuñca paccayā uddhaccasahagato moho. (1)

នអារម្មណបច្ចយោ

Naārammaṇapaccayo

៥៤. ទស្សនេន បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ទស្សនេន បហាតព្ពហេតុកេ ខន្ធេ បច្ចយា ចិត្តសមុដ្ឋានំ រូបំ។ (១)

54. Dassanena pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati naārammaṇapaccayā – dassanena pahātabbahetuke khandhe paccayā cittasamuṭṭhānaṃ rūpaṃ. (1)

ភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពហេតុកេ ខន្ធេ បច្ចយា ចិត្តសមុដ្ឋានំ រូបំ។ (១)

Bhāvanāya pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati naārammaṇapaccayā – bhāvanāya pahātabbahetuke khandhe paccayā cittasamuṭṭhānaṃ rūpaṃ. (1)

នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – នេវទស្សនេន នភាវនាយ បហាតព្ពហេតុកេ ខន្ធេ បច្ចយា ចិត្តសមុដ្ឋានំ រូបំ។ បដិសន្ធិក្ខណេ នេវទស្សនេន នភាវនាយ បហាតព្ពហេតុកេ ខន្ធេ បច្ចយា កដត្តារូបំ; ខន្ធេ បច្ចយា វត្ថុ…បេ.… ឯកំ មហាភូតំ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.…។ (១)

Nevadassanena nabhāvanāya pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati naārammaṇapaccayā – nevadassanena nabhāvanāya pahātabbahetuke khandhe paccayā cittasamuṭṭhānaṃ rūpaṃ. Paṭisandhikkhaṇe nevadassanena nabhāvanāya pahātabbahetuke khandhe paccayā kaṭattārūpaṃ; khandhe paccayā vatthu…pe… ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)

៥៥. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ។ (១)

55. Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati naārammaṇapaccayā – dassanena pahātabbahetuke khandhe ca mahābhūte ca paccayā cittasamuṭṭhānaṃ rūpaṃ; vicikicchāsahagate khandhe ca mohañca paccayā cittasamuṭṭhānaṃ rūpaṃ. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; ឧទ្ធច្ចសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ។ (១)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paccayā nevadassanena nabhāvanāya pahātabbahetuko dhammo uppajjati naārammaṇapaccayā – bhāvanāya pahātabbahetuke khandhe ca mahābhūte ca paccayā cittasamuṭṭhānaṃ rūpaṃ; uddhaccasahagate khandhe ca mohañca paccayā cittasamuṭṭhānaṃ rūpaṃ. (1)

នអធិបតិបច្ចយាទិ

Naadhipatipaccayādi

៥៦. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ នអធិបតិបច្ចយា (សហជាតសទិសំ)… នអនន្តរបច្ចយា … នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា… នបុរេជាតបច្ចយា (បដិច្ចវារេ បច្ចនីយសទិសំ, តេរស បញ្ហា។ និន្នានំ)… នបច្ឆាជាតបច្ចយា… នអាសេវនបច្ចយា។

56. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati naadhipatipaccayā (sahajātasadisaṃ)… naanantarapaccayā … nasamanantarapaccayā… naaññamaññapaccayā… naupanissayapaccayā… napurejātapaccayā (paṭiccavāre paccanīyasadisaṃ, terasa pañhā. Ninnānaṃ)… napacchājātapaccayā… naāsevanapaccayā.

នកម្មបច្ចយោ

Nakammapaccayo

៥៧. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ទស្សនេន បហាតព្ពហេតុកេ ខន្ធេ បច្ចយា ទស្សនេន បហាតព្ពហេតុកា ចេតនា។ (១)

57. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati nakammapaccayā – dassanena pahātabbahetuke khandhe paccayā dassanena pahātabbahetukā cetanā. (1)

ភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ភាវនាយ បហាតព្ពហេតុកេ ខន្ធេ បច្ចយា ភាវនាយ បហាតព្ពហេតុកា ចេតនា។ (១)

Bhāvanāya pahātabbahetukaṃ dhammaṃ paccayā bhāvanāya pahātabbahetuko dhammo uppajjati nakammapaccayā – bhāvanāya pahātabbahetuke khandhe paccayā bhāvanāya pahātabbahetukā cetanā. (1)

នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – នេវទស្សនេន នភាវនាយ បហាតព្ពហេតុកេ ខន្ធេ បច្ចយា នេវទស្សនេន នភាវនាយ បហាតព្ពហេតុកា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ…បេ.… វត្ថុំ បច្ចយា នេវទស្សនេន នភាវនាយ បហាតព្ពហេតុកា ចេតនា។ (១)

Nevadassanena nabhāvanāya pahātabbahetukaṃ dhammaṃ paccayā nevadassanena nabhāvanāya pahātabbahetuko dhammo uppajjati nakammapaccayā – nevadassanena nabhāvanāya pahātabbahetuke khandhe paccayā nevadassanena nabhāvanāya pahātabbahetukā cetanā; bāhiraṃ… āhārasamuṭṭhānaṃ… utusamuṭṭhānaṃ…pe… vatthuṃ paccayā nevadassanena nabhāvanāya pahātabbahetukā cetanā. (1)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ នកម្មបច្ចយា – វត្ថុំ បច្ចយា ទស្សនេន បហាតព្ពហេតុកា ចេតនា; វិចិកិច្ឆាសហគតំ មោហំ បច្ចយា សម្បយុត្តកា ចេតនា។ (២)

Nevadassanena nabhāvanāya pahātabbahetukaṃ dhammaṃ paccayā dassanena pahātabbahetuko dhammo uppajjati nakammapaccayā – vatthuṃ paccayā dassanena pahātabbahetukā cetanā; vicikicchāsahagataṃ mohaṃ paccayā sampayuttakā cetanā. (2)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – វត្ថុំ បច្ចយា ភាវនាយ បហាតព្ពហេតុកា ចេតនា; ឧទ្ធច្ចសហគតំ មោហំ បច្ចយា សម្បយុត្តកា ចេតនា។ (៣)

Nevadassanena nabhāvanāya pahātabbahetukaṃ dhammaṃ paccayā bhāvanāya pahātabbahetuko dhammo uppajjati nakammapaccayā – vatthuṃ paccayā bhāvanāya pahātabbahetukā cetanā; uddhaccasahagataṃ mohaṃ paccayā sampayuttakā cetanā. (3)

៥៨. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ទស្សនេន បហាតព្ពហេតុកេ ខន្ធេ ច វត្ថុញ្ច បច្ចយា ទស្សនេន បហាតព្ពហេតុកា ចេតនា; វិចិកិច្ឆាសហគតេ ខន្ធេ ច មោហញ្ច បច្ចយា សម្បយុត្តកា ចេតនា។ (១)

58. Dassanena pahātabbahetukañca nevadassanena nabhāvanāya pahātabbahetukañca dhammaṃ paccayā dassanena pahātabbahetuko dhammo uppajjati nakammapaccayā – dassanena pahātabbahetuke khandhe ca vatthuñca paccayā dassanena pahātabbahetukā cetanā; vicikicchāsahagate khandhe ca mohañca paccayā sampayuttakā cetanā. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ភាវនាយ បហាតព្ពហេតុកេ ខន្ធេ ច វត្ថុញ្ច បច្ចយា ភាវនាយ បហាតព្ពហេតុកា ចេតនា; ឧទ្ធច្ចសហគតេ ខន្ធេ ច មោហញ្ច បច្ចយា សម្បយុត្តកា ចេតនា។ (១)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ paccayā bhāvanāya pahātabbahetuko dhammo uppajjati nakammapaccayā – bhāvanāya pahātabbahetuke khandhe ca vatthuñca paccayā bhāvanāya pahātabbahetukā cetanā; uddhaccasahagate khandhe ca mohañca paccayā sampayuttakā cetanā. (1)

នវិបាកបច្ចយាទិ

Navipākapaccayādi

៥៩. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ នវិបាកបច្ចយា (បរិបុណ្ណំ, បដិសន្ធិ នត្ថិ), នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ…បេ.… នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.… មហាភូតេ បច្ចយា រូបជីវិតិន្ទ្រិយំ… នឈានបច្ចយា – បញ្ចវិញ្ញាណសហគតំ ឯកំ ខន្ធំ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.… នមគ្គបច្ចយា – អហេតុកំ ឯកំ…បេ.… នសម្បយុត្តបច្ចយា… នវិប្បយុត្តបច្ចយា… (បដិច្ចវារបច្ចនីយេ នវិប្បយុត្តសទិសំ, និន្នានំ។ ឯកាទស)។ នោនត្ថិបច្ចយា… នោវិគតបច្ចយា។

59. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati navipākapaccayā (paripuṇṇaṃ, paṭisandhi natthi), naāhārapaccayā – bāhiraṃ… utusamuṭṭhānaṃ… asaññasattānaṃ…pe… naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… mahābhūte paccayā rūpajīvitindriyaṃ… najhānapaccayā – pañcaviññāṇasahagataṃ ekaṃ khandhaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… namaggapaccayā – ahetukaṃ ekaṃ…pe… nasampayuttapaccayā… navippayuttapaccayā… (paṭiccavārapaccanīye navippayuttasadisaṃ, ninnānaṃ. Ekādasa). Nonatthipaccayā… novigatapaccayā.

២. បច្ចយបច្ចនីយំ

2. Paccayapaccanīyaṃ

២. សង្ខ្យាវារោ

2. Saṅkhyāvāro

៦០. នហេតុយា បញ្ច, នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ តេរស, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ ឯកាទស, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

60. Nahetuyā pañca, naārammaṇe pañca, naadhipatiyā sattarasa, naanantare pañca, nasamanantare pañca, naaññamaññe pañca, naupanissaye pañca, napurejāte terasa, napacchājāte sattarasa, naāsevane sattarasa, nakamme satta, navipāke sattarasa, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte ekādasa, nonatthiyā pañca, novigate pañca (evaṃ gaṇetabbaṃ).

បច្ចនីយំ។

Paccanīyaṃ.

៣. បច្ចយានុលោមបច្ចនីយំ

3. Paccayānulomapaccanīyaṃ

ហេតុទុកំ

Hetudukaṃ

៦១. ហេតុបច្ចយា នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ តេរស, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នសម្បយុត្តេ បញ្ច, នវិប្បយុត្តេ ឯកាទស, នោនត្ថិយា បញ្ច, នោវិគតេ បញ្ច ( ឯវំ គណេតព្ពំ)។

61. Hetupaccayā naārammaṇe pañca, naadhipatiyā sattarasa, naanantare pañca, nasamanantare pañca, naaññamaññe pañca, naupanissaye pañca, napurejāte terasa, napacchājāte sattarasa, naāsevane sattarasa, nakamme satta, navipāke sattarasa, nasampayutte pañca, navippayutte ekādasa, nonatthiyā pañca, novigate pañca ( evaṃ gaṇetabbaṃ).

អនុលោមបច្ចនីយំ។

Anulomapaccanīyaṃ.

៤. បច្ចយបច្ចនីយានុលោមំ

4. Paccayapaccanīyānulomaṃ

នហេតុទុកំ

Nahetudukaṃ

៦២. នហេតុបច្ចយា អារម្មណេ បញ្ច, អនន្តរេ បញ្ច, សមនន្តរេ បញ្ច, សហជាតេ បញ្ច, អញ្ញមញ្ញេ បញ្ច, និស្សយេ បញ្ច, ឧបនិស្សយេ បញ្ច, បុរេជាតេ បញ្ច, អាសេវនេ បញ្ច, កម្មេ បញ្ច, វិបាកេ ឯកំ, អាហារេ បញ្ច, ឥន្ទ្រិយេ បញ្ច, ឈានេ បញ្ច, មគ្គេ បញ្ច, សម្បយុត្តេ បញ្ច, វិប្បយុត្តេ បញ្ច, អត្ថិយា បញ្ច, នត្ថិយា បញ្ច, វិគតេ បញ្ច, អវិគតេ បញ្ច (ឯវំ គណេតព្ពំ)។

62. Nahetupaccayā ārammaṇe pañca, anantare pañca, samanantare pañca, sahajāte pañca, aññamaññe pañca, nissaye pañca, upanissaye pañca, purejāte pañca, āsevane pañca, kamme pañca, vipāke ekaṃ, āhāre pañca, indriye pañca, jhāne pañca, magge pañca, sampayutte pañca, vippayutte pañca, atthiyā pañca, natthiyā pañca, vigate pañca, avigate pañca (evaṃ gaṇetabbaṃ).

បច្ចនីយានុលោមំ។

Paccanīyānulomaṃ.

បច្ចយវារោ។

Paccayavāro.

៤. និស្សយវារោ

4. Nissayavāro

(និស្សយវារោ បច្ចយវារសទិសោ។)

(Nissayavāro paccayavārasadiso.)

៥. សំសដ្ឋវារោ

5. Saṃsaṭṭhavāro

១. បច្ចយានុលោមំ

1. Paccayānulomaṃ

១. វិភង្គវារោ

1. Vibhaṅgavāro

ហេតុបច្ចយោ

Hetupaccayo

៦៣. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ សំសដ្ឋា ទ្វេ ខន្ធា។ (១)

63. Dassanena pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati hetupaccayā – dassanena pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā. (1)

ភាវនាយ បហាតព្ពហេតុកំ ធម្មំ សំសដ្ឋោ ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ សំសដ្ឋា ទ្វេ ខន្ធា។ (១)

Bhāvanāya pahātabbahetukaṃ dhammaṃ saṃsaṭṭho bhāvanāya pahātabbahetuko dhammo uppajjati hetupaccayā – bhāvanāya pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā. (1)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… បដិសន្ធិក្ខណេ…បេ.…។ (១)

Nevadassanena nabhāvanāya pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati hetupaccayā – nevadassanena nabhāvanāya pahātabbahetukaṃ ekaṃ khandhaṃ saṃsaṭṭhā tayo khandhā…pe… paṭisandhikkhaṇe…pe…. (1)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ មោហំ សំសដ្ឋា សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati hetupaccayā – vicikicchāsahagataṃ mohaṃ saṃsaṭṭhā sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ មោហំ សំសដ្ឋា សម្បយុត្តកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ saṃsaṭṭho bhāvanāya pahātabbahetuko dhammo uppajjati hetupaccayā – uddhaccasahagataṃ mohaṃ saṃsaṭṭhā sampayuttakā khandhā. (3)

៦៤. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ.… ទ្វេ ខន្ធា។ (១)

64. Dassanena pahātabbahetukañca nevadassanena nabhāvanāya pahātabbahetukañca dhammaṃ saṃsaṭṭho dassanena pahātabbahetuko dhammo uppajjati hetupaccayā – vicikicchāsahagataṃ ekaṃ khandhañca mohañca saṃsaṭṭhā tayo khandhā…pe… dve khandhā. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ.… ទ្វេ ខន្ធា។ (១)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ bhāvanāya pahātabbahetuko dhammo uppajjati hetupaccayā – uddhaccasahagataṃ ekaṃ khandhañca mohañca saṃsaṭṭhā tayo khandhā…pe… dve khandhā. (1)

អារម្មណបច្ចយោ

Ārammaṇapaccayo

៦៥. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធា។ (១)

65. Dassanena pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati ārammaṇapaccayā – dassanena pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhā. (1)

ទស្សនេន បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ខន្ធេ សំសដ្ឋោ វិចិកិច្ឆាសហគតោ មោហោ។ (២)

Dassanena pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati ārammaṇapaccayā – vicikicchāsahagate khandhe saṃsaṭṭho vicikicchāsahagato moho. (2)

ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឯកំ ខន្ធំ សំសដ្ឋា តយោ ខន្ធា មោហោ ច…បេ.… ទ្វេ ខន្ធេ…បេ.…។ (៣)

Dassanena pahātabbahetukaṃ dhammaṃ saṃsaṭṭho dassanena pahātabbahetuko ca nevadassanena nabhāvanāya pahātabbahetuko ca dhammā uppajjanti ārammaṇapaccayā – vicikicchāsahagataṃ ekaṃ khandhaṃ saṃsaṭṭhā tayo khandhā moho ca…pe… dve khandhe…pe…. (3)

ភាវនាយ បហាតព្ពហេតុកំ ធម្មំ សំសដ្ឋោ… តីណិ។

Bhāvanāya pahātabbahetukaṃ dhammaṃ saṃsaṭṭho… tīṇi.

៦៦. នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ សំសដ្ឋា ទ្វេ ខន្ធា។ បដិសន្ធិក្ខណេ…បេ.…។ (១)

66. Nevadassanena nabhāvanāya pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati ārammaṇapaccayā – nevadassanena nabhāvanāya pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā. Paṭisandhikkhaṇe…pe…. (1)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ មោហំ សំសដ្ឋា សម្បយុត្តកា ខន្ធា។ (២)

Nevadassanena nabhāvanāya pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati ārammaṇapaccayā – vicikicchāsahagataṃ mohaṃ saṃsaṭṭhā sampayuttakā khandhā. (2)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតំ មោហំ សំសដ្ឋា សម្បយុត្តកា ខន្ធា។ (៣)

Nevadassanena nabhāvanāya pahātabbahetukaṃ dhammaṃ saṃsaṭṭho bhāvanāya pahātabbahetuko dhammo uppajjati ārammaṇapaccayā – uddhaccasahagataṃ mohaṃ saṃsaṭṭhā sampayuttakā khandhā. (3)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ.… ទ្វេ ខន្ធេ ច មោហញ្ច សំសដ្ឋា ទ្វេ ខន្ធា។ (១)

Dassanena pahātabbahetukañca nevadassanena nabhāvanāya pahātabbahetukañca dhammaṃ saṃsaṭṭho dassanena pahātabbahetuko dhammo uppajjati ārammaṇapaccayā – vicikicchāsahagataṃ ekaṃ khandhañca mohañca saṃsaṭṭhā tayo khandhā…pe… dve khandhe ca mohañca saṃsaṭṭhā dve khandhā. (1)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ សំសដ្ឋោ ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ.… ទ្វេ ខន្ធា។ (១)

Bhāvanāya pahātabbahetukañca nevadassanena nabhāvanāya pahātabbahetukañca dhammaṃ saṃsaṭṭho bhāvanāya pahātabbahetuko dhammo uppajjati ārammaṇapaccayā – uddhaccasahagataṃ ekaṃ khandhañca mohañca saṃsaṭṭhā tayo khandhā…pe… dve khandhā. (1)

អធិបតិបច្ចយាទិ

Adhipatipaccayādi

៦៧. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធា។ (១)

67. Dassanena pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati adhipatipaccayā – dassanena pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhā. (1)

ភាវនាយ បហាតព្ពហេតុកំ ធម្មំ សំសដ្ឋោ… ឯកំ។

Bhāvanāya pahātabbahetukaṃ dhammaṃ saṃsaṭṭho… ekaṃ.

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធា; អនន្តរបច្ចយា… សមនន្តរបច្ចយា។

Nevadassanena nabhāvanāya pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati adhipatipaccayā – nevadassanena nabhāvanāya pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhā; anantarapaccayā… samanantarapaccayā.

សហជាតបច្ចយាទិ

Sahajātapaccayādi

៦៨. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា … ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា…។

68. Dassanena pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati sahajātapaccayā… aññamaññapaccayā… nissayapaccayā… upanissayapaccayā… purejātapaccayā… āsevanapaccayā… kammapaccayā… vipākapaccayā… āhārapaccayā… indriyapaccayā … jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā….

១. បច្ចយានុលោមំ

1. Paccayānulomaṃ

២. សង្ខ្យាវារោ

2. Saṅkhyāvāro

៦៩. ហេតុយា សត្ត, អារម្មណេ ឯកាទស, អធិបតិយា តីណិ, អនន្តរេ ឯកាទស, សមនន្តរេ ឯកាទស, សហជាតេ ឯកាទស, អញ្ញមញ្ញេ ឯកាទស, និស្សយេ ឯកាទស, ឧបនិស្សយេ ឯកាទស, បុរេជាតេ ឯកាទស, អាសេវនេ ឯកាទស, កម្មេ ឯកាទស, វិបាកេ ឯកំ, អាហារេ ឯកាទស, ឥន្ទ្រិយេ ឯកាទស, ឈានេ ឯកាទស, មគ្គេ ឯកាទស, សម្បយុត្តេ ឯកាទស, វិប្បយុត្តេ ឯកាទស, អត្ថិយា ឯកាទស, នត្ថិយា ឯកាទស, វិគតេ ឯកាទស, អវិគតេ ឯកាទស (ឯវំ គណេតព្ពំ)។

69. Hetuyā satta, ārammaṇe ekādasa, adhipatiyā tīṇi, anantare ekādasa, samanantare ekādasa, sahajāte ekādasa, aññamaññe ekādasa, nissaye ekādasa, upanissaye ekādasa, purejāte ekādasa, āsevane ekādasa, kamme ekādasa, vipāke ekaṃ, āhāre ekādasa, indriye ekādasa, jhāne ekādasa, magge ekādasa, sampayutte ekādasa, vippayutte ekādasa, atthiyā ekādasa, natthiyā ekādasa, vigate ekādasa, avigate ekādasa (evaṃ gaṇetabbaṃ).

អនុលោមំ។

Anulomaṃ.

២. បច្ចយបច្ចនីយំ

2. Paccayapaccanīyaṃ

១. វិភង្គវារោ

1. Vibhaṅgavāro

នហេតុបច្ចយោ

Nahetupaccayo

៧០. ទស្សនេន បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ សំសដ្ឋោ វិចិកិច្ឆាសហគតោ មោហោ។(១)

70. Dassanena pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati nahetupaccayā – vicikicchāsahagate khandhe saṃsaṭṭho vicikicchāsahagato moho.(1)

ភាវនាយ បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ សំសដ្ឋោ ឧទ្ធច្ចសហគតោ មោហោ។ (១)

Bhāvanāya pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati nahetupaccayā – uddhaccasahagate khandhe saṃsaṭṭho uddhaccasahagato moho. (1)

នេវទស្សនេន នភាវនាយ បហាតព្ពហេតុកំ ធម្មំ សំសដ្ឋោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – អហេតុកំ នេវទស្សនេន នភាវនាយ បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ សំសដ្ឋា ទ្វេ ខន្ធា។ អហេតុកបដិសន្ធិក្ខណេ…បេ.…។ (១)

Nevadassanena nabhāvanāya pahātabbahetukaṃ dhammaṃ saṃsaṭṭho nevadassanena nabhāvanāya pahātabbahetuko dhammo uppajjati nahetupaccayā – ahetukaṃ nevadassanena nabhāvanāya pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā. Ahetukapaṭisandhikkhaṇe…pe…. (1)

នអធិបតិបច្ចយាទិ

Naadhipatipaccayādi

៧១. ទស្សនេន បហាតព្ពហេតុកំ ធម្មំ សំសដ្ឋោ…បេ.… នអធិបតិបច្ចយា (សហជាតសទិសំ)… នបុរេជាតបច្ចយា… នបច្ឆាជាតបច្ចយា, នអាសេវនបច្ចយា… នកម្មបច្ចយា… សត្ត, នវិបាកបច្ចយា… នឈានបច្ចយា… នមគ្គបច្ចយា… នវិប្បយុត្តបច្ចយា…។

71. Dassanena pahātabbahetukaṃ dhammaṃ saṃsaṭṭho…pe… naadhipatipaccayā (sahajātasadisaṃ)… napurejātapaccayā… napacchājātapaccayā, naāsevanapaccayā… nakammapaccayā… satta, navipākapaccayā… najhānapaccayā… namaggapaccayā… navippayuttapaccayā….

២. បច្ចយបច្ចនីយំ

2. Paccayapaccanīyaṃ

២. សង្ខ្យាវារោ

2. Saṅkhyāvāro

៧២. នហេតុយា តីណិ, នអធិបតិយា ឯកាទស, នបុរេជាតេ ឯកាទស, នបច្ឆាជាតេ ឯកាទស, នអាសេវនេ ឯកាទស, នកម្មេ សត្ត, នវិបាកេ ឯកាទស, នឈានេ ឯកំ, នមគ្គេ ឯកំ, នវិប្បយុត្តេ ឯកាទស (ឯវំ គណេតព្ពំ)។

72. Nahetuyā tīṇi, naadhipatiyā ekādasa, napurejāte ekādasa, napacchājāte ekādasa, naāsevane ekādasa, nakamme satta, navipāke ekādasa, najhāne ekaṃ, namagge ekaṃ, navippayutte ekādasa (evaṃ gaṇetabbaṃ).

បច្ចនីយំ។

Paccanīyaṃ.

៣. បច្ចយានុលោមបច្ចនីយំ

3. Paccayānulomapaccanīyaṃ

៧៣. ហេតុបច្ចយា នអធិបតិយា សត្ត, នបុរេជាតេ សត្ត, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត , នវិប្បយុត្តេ សត្ត (ឯវំ គណេតព្ពំ)។

73. Hetupaccayā naadhipatiyā satta, napurejāte satta, napacchājāte satta, naāsevane satta, nakamme satta, navipāke satta , navippayutte satta (evaṃ gaṇetabbaṃ).

អនុលោមបច្ចនីយំ។

Anulomapaccanīyaṃ.

៤. បច្ចយបច្ចនីយានុលោមំ

4. Paccayapaccanīyānulomaṃ

៧៤. នហេតុបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ តីណិ, វិបាកេ ឯកំ , អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ ទ្វេ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ (ឯវំ គណេតព្ពំ)។

74. Nahetupaccayā ārammaṇe tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, āsevane tīṇi, kamme tīṇi, vipāke ekaṃ , āhāre tīṇi, indriye tīṇi, jhāne tīṇi, magge dve, sampayutte tīṇi, vippayutte tīṇi, atthiyā tīṇi, natthiyā tīṇi, vigate tīṇi, avigate tīṇi (evaṃ gaṇetabbaṃ).

បច្ចនីយានុលោមំ។

Paccanīyānulomaṃ.

សំសដ្ឋវារោ។

Saṃsaṭṭhavāro.

៦. សម្បយុត្តវារោ

6. Sampayuttavāro

(សម្បយុត្តវារោ សំសដ្ឋវារសទិសោ)។

(Sampayuttavāro saṃsaṭṭhavārasadiso).

៧. បញ្ហាវារោ

7. Pañhāvāro

១. បច្ចយានុលោមំ

1. Paccayānulomaṃ

១. វិភង្គវារោ

1. Vibhaṅgavāro

ហេតុបច្ចយោ

Hetupaccayo

៧៥. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ហេតុបច្ចយេន បច្ចយោ – ទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

75. Dassanena pahātabbahetuko dhammo dassanena pahātabbahetukassa dhammassa hetupaccayena paccayo – dassanena pahātabbahetukā hetū sampayuttakānaṃ khandhānaṃ hetupaccayena paccayo. (1)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ហេតុបច្ចយេន បច្ចយោ – ទស្សនេន បហាតព្ពហេតុកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ។ (២)

Dassanena pahātabbahetuko dhammo nevadassanena nabhāvanāya pahātabbahetukassa dhammassa hetupaccayena paccayo – dassanena pahātabbahetukā hetū cittasamuṭṭhānānaṃ rūpānaṃ hetupaccayena paccayo. (2)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ហេតុបច្ចយេន បច្ចយោ – ទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

Dassanena pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa hetupaccayena paccayo – dassanena pahātabbahetukā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

ភាវនាយ បហាតព្ពហេតុកោ ធម្មោ… តីណិ។

Bhāvanāya pahātabbahetuko dhammo… tīṇi.

៧៦. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ហេតុបច្ចយេន បច្ចយោ…បេ.…។

76. Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa hetupaccayena paccayo…pe….

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ហេតុបច្ចយេន បច្ចយោ – វិចិកិច្ឆាសហគតោ មោហោ សម្បយុត្តកានំ ខន្ធានំ ហេតុបច្ចយេន បច្ចយោ។ (២)

Nevadassanena nabhāvanāya pahātabbahetuko dhammo dassanena pahātabbahetukassa dhammassa hetupaccayena paccayo – vicikicchāsahagato moho sampayuttakānaṃ khandhānaṃ hetupaccayena paccayo. (2)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស ហេតុបច្ចយេន បច្ចយោ – ឧទ្ធច្ចសហគតោ មោហោ សម្បយុត្តកានំ ខន្ធានំ ហេតុបច្ចយេន បច្ចយោ។ (៣)

Nevadassanena nabhāvanāya pahātabbahetuko dhammo bhāvanāya pahātabbahetukassa dhammassa hetupaccayena paccayo – uddhaccasahagato moho sampayuttakānaṃ khandhānaṃ hetupaccayena paccayo. (3)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ហេតុបច្ចយេន បច្ចយោ – វិចិកិច្ឆាសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៤)

Nevadassanena nabhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa hetupaccayena paccayo – vicikicchāsahagato moho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (4)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ហេតុបច្ចយេន បច្ចយោ – ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៥)

Nevadassanena nabhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa hetupaccayena paccayo – uddhaccasahagato moho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (5)

អារម្មណបច្ចយោ

Ārammaṇapaccayo

៧៧. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទស្សនេន បហាតព្ពហេតុកំ រាគំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ។ ទិដ្ឋិំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ។ វិចិកិច្ឆំ អារព្ភ វិចិកិច្ឆា ឧប្បជ្ជតិ, ទិដ្ឋិ ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ។ ទស្សនេន បហាតព្ពហេតុកំ ទោមនស្សំ អារព្ភ ទស្សនេន បហាតព្ពហេតុកំ ទោមនស្សំ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ។ (១)

77. Dassanena pahātabbahetuko dhammo dassanena pahātabbahetukassa dhammassa ārammaṇapaccayena paccayo – dassanena pahātabbahetukaṃ rāgaṃ assādeti abhinandati; taṃ ārabbha dassanena pahātabbahetuko rāgo uppajjati, diṭṭhi uppajjati, vicikicchā uppajjati, dassanena pahātabbahetukaṃ domanassaṃ uppajjati. Diṭṭhiṃ assādeti abhinandati; taṃ ārabbha dassanena pahātabbahetuko rāgo uppajjati, diṭṭhi uppajjati, vicikicchā uppajjati, dassanena pahātabbahetukaṃ domanassaṃ uppajjati. Vicikicchaṃ ārabbha vicikicchā uppajjati, diṭṭhi uppajjati, dassanena pahātabbahetukaṃ domanassaṃ uppajjati. Dassanena pahātabbahetukaṃ domanassaṃ ārabbha dassanena pahātabbahetukaṃ domanassaṃ uppajjati, diṭṭhi uppajjati, vicikicchā uppajjati. (1)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – អរិយា ទស្សនេន បហាតព្ពហេតុកេ បហីនេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ, ទស្សនេន បហាតព្ពហេតុកេ ខន្ធេ អនិច្ចតោ…បេ.… ចេតោបរិយញាណេន…បេ.… ទស្សនេន បហាតព្ពហេតុកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស អនាគតំសញាណស្ស, អាវជ្ជនាយ មោហស្ស ច អារម្មណបច្ចយេន បច្ចយោ។ (២)

Dassanena pahātabbahetuko dhammo nevadassanena nabhāvanāya pahātabbahetukassa dhammassa ārammaṇapaccayena paccayo – ariyā dassanena pahātabbahetuke pahīne kilese paccavekkhanti, pubbe samudāciṇṇe kilese jānanti, dassanena pahātabbahetuke khandhe aniccato…pe… cetopariyañāṇena…pe… dassanena pahātabbahetukā khandhā cetopariyañāṇassa, pubbenivāsānussatiñāṇassa, yathākammūpagañāṇassa anāgataṃsañāṇassa, āvajjanāya mohassa ca ārammaṇapaccayena paccayo. (2)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ទស្សនេន បហាតព្ពហេតុកេ ខន្ធេ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ (៣)

Dassanena pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo – dassanena pahātabbahetuke khandhe ārabbha vicikicchāsahagatā khandhā ca moho ca uppajjanti. (3)

៧៨. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ភាវនាយ បហាតព្ពហេតុកំ រាគំ អស្សាទេតិ អភិនន្ទតិ; តំ អារព្ភ ភាវនាយ បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, ភាវនាយ បហាតព្ពហេតុកំ ទោមនស្សំ ឧប្បជ្ជតិ។ ឧទ្ធច្ចំ អារព្ភ ឧទ្ធច្ចំ ឧប្បជ្ជតិ, ភាវនាយ បហាតព្ពហេតុកំ ទោមនស្សំ ឧប្បជ្ជតិ។ ភាវនាយ បហាតព្ពហេតុកំ ទោមនស្សំ អារព្ភ ភាវនាយ បហាតព្ពហេតុកំ ទោមនស្សំ ឧប្បជ្ជតិ, ឧទ្ធច្ចំ ឧប្បជ្ជតិ។ (១)

78. Bhāvanāya pahātabbahetuko dhammo bhāvanāya pahātabbahetukassa dhammassa ārammaṇapaccayena paccayo – bhāvanāya pahātabbahetukaṃ rāgaṃ assādeti abhinandati; taṃ ārabbha bhāvanāya pahātabbahetuko rāgo uppajjati, uddhaccaṃ uppajjati, bhāvanāya pahātabbahetukaṃ domanassaṃ uppajjati. Uddhaccaṃ ārabbha uddhaccaṃ uppajjati, bhāvanāya pahātabbahetukaṃ domanassaṃ uppajjati. Bhāvanāya pahātabbahetukaṃ domanassaṃ ārabbha bhāvanāya pahātabbahetukaṃ domanassaṃ uppajjati, uddhaccaṃ uppajjati. (1)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ភាវនាយ បហាតព្ពហេតុកំ រាគំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ។ ឧទ្ធច្ចំ អារព្ភ ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ។ ភាវនាយ បហាតព្ពហេតុកំ ទោមនស្សំ អារព្ភ ទស្សនេន បហាតព្ពហេតុកំ ទោមនស្សំ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ។ (២)

Bhāvanāya pahātabbahetuko dhammo dassanena pahātabbahetukassa dhammassa ārammaṇapaccayena paccayo – bhāvanāya pahātabbahetukaṃ rāgaṃ assādeti abhinandati; taṃ ārabbha dassanena pahātabbahetuko rāgo uppajjati, diṭṭhi uppajjati, vicikicchā uppajjati, dassanena pahātabbahetukaṃ domanassaṃ uppajjati. Uddhaccaṃ ārabbha diṭṭhi uppajjati, vicikicchā uppajjati, dassanena pahātabbahetukaṃ domanassaṃ uppajjati. Bhāvanāya pahātabbahetukaṃ domanassaṃ ārabbha dassanena pahātabbahetukaṃ domanassaṃ uppajjati, diṭṭhi uppajjati, vicikicchā uppajjati. (2)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – អរិយា ភាវនាយ បហាតព្ពហេតុកេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ, ភាវនាយ បហាតព្ពហេតុកេ ខន្ធេ អនិច្ចតោ…បេ.… ចេតោបរិយញាណេន…បេ.… ភាវនាយ បហាតព្ពហេតុកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស , យថាកម្មូបគញាណស្ស, អនាគតំសញាណស្ស, អាវជ្ជនាយ មោហស្ស ច អារម្មណបច្ចយេន បច្ចយោ។ (៣)

Bhāvanāya pahātabbahetuko dhammo nevadassanena nabhāvanāya pahātabbahetukassa dhammassa ārammaṇapaccayena paccayo – ariyā bhāvanāya pahātabbahetuke pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti, bhāvanāya pahātabbahetuke khandhe aniccato…pe… cetopariyañāṇena…pe… bhāvanāya pahātabbahetukā khandhā cetopariyañāṇassa, pubbenivāsānussatiñāṇassa , yathākammūpagañāṇassa, anāgataṃsañāṇassa, āvajjanāya mohassa ca ārammaṇapaccayena paccayo. (3)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ភាវនាយ បហាតព្ពហេតុកេ ខន្ធេ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ (៤)

Bhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo – bhāvanāya pahātabbahetuke khandhe ārabbha vicikicchāsahagatā khandhā ca moho ca uppajjanti. (4)

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ភាវនាយ បហាតព្ពហេតុកេ ខន្ធេ អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ។ (៥)

Bhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo – bhāvanāya pahātabbahetuke khandhe ārabbha uddhaccasahagatā khandhā ca moho ca uppajjanti. (5)

៧៩. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ ទត្វា…(វិត្ថារេតព្ពំ ទស្សនត្តិកសទិសំ) អាវជ្ជនាយ មោហស្ស ច អារម្មណបច្ចយេន បច្ចយោ។ (១)

79. Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa ārammaṇapaccayena paccayo – dānaṃ datvā…(vitthāretabbaṃ dassanattikasadisaṃ) āvajjanāya mohassa ca ārammaṇapaccayena paccayo. (1)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ ទត្វា… (យថា ទស្សនត្តិកំ)។ (២)

Nevadassanena nabhāvanāya pahātabbahetuko dhammo dassanena pahātabbahetukassa dhammassa ārammaṇapaccayena paccayo – dānaṃ datvā… (yathā dassanattikaṃ). (2)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ ទត្វា… (យថា ទស្សនត្តិកំ)។ (៣)

Nevadassanena nabhāvanāya pahātabbahetuko dhammo bhāvanāya pahātabbahetukassa dhammassa ārammaṇapaccayena paccayo – dānaṃ datvā… (yathā dassanattikaṃ). (3)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ចក្ខុំ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ សោតំ…បេ.… វត្ថុំ… នេវទស្សនេន នភាវនាយ បហាតព្ពហេតុកេ ខន្ធេ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ (៤)

Nevadassanena nabhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo – cakkhuṃ ārabbha vicikicchāsahagatā khandhā ca moho ca uppajjanti. Sotaṃ…pe… vatthuṃ… nevadassanena nabhāvanāya pahātabbahetuke khandhe ārabbha vicikicchāsahagatā khandhā ca moho ca uppajjanti. (4)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ចក្ខុំ…បេ.… វត្ថុំ… នេវទស្សនេន នភាវនាយ បហាតព្ពហេតុកេ ខន្ធេ អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ។ (៥)

Nevadassanena nabhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo – cakkhuṃ…pe… vatthuṃ… nevadassanena nabhāvanāya pahātabbahetuke khandhe ārabbha uddhaccasahagatā khandhā ca moho ca uppajjanti. (5)

៨០. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ខន្ធេ ច មោហញ្ច អារព្ភ ទស្សនេន បហាតព្ពហេតុកា ខន្ធា ឧប្បជ្ជន្តិ។ (១)

80. Dassanena pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa dhammassa ārammaṇapaccayena paccayo – vicikicchāsahagate khandhe ca mohañca ārabbha dassanena pahātabbahetukā khandhā uppajjanti. (1)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ខន្ធេ ច មោហញ្ច អារព្ភ នេវទស្សនេន នភាវនាយ បហាតព្ពហេតុកា ខន្ធា ច មោហោ ច ឧប្បជ្ជន្តិ។ (២)

Dassanena pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa ārammaṇapaccayena paccayo – vicikicchāsahagate khandhe ca mohañca ārabbha nevadassanena nabhāvanāya pahātabbahetukā khandhā ca moho ca uppajjanti. (2)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ខន្ធេ ច មោហញ្ច អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ (៣)

៨១. ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ ទស្សនេន បហាតព្ពហេតុកា ខន្ធា ឧប្បជ្ជន្តិ។ (១)

81. Bhāvanāya pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa dhammassa ārammaṇapaccayena paccayo – uddhaccasahagate khandhe ca mohañca ārabbha dassanena pahātabbahetukā khandhā uppajjanti. (1)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ ភាវនាយ បហាតព្ពហេតុកា ខន្ធា ឧប្បជ្ជន្តិ។ (២)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā bhāvanāya pahātabbahetukassa dhammassa ārammaṇapaccayena paccayo – uddhaccasahagate khandhe ca mohañca ārabbha bhāvanāya pahātabbahetukā khandhā uppajjanti. (2)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ នេវទស្សនេន នភាវនាយ បហាតព្ពហេតុកា ខន្ធា ច មោហោ ច ឧប្បជ្ជន្តិ។ (៣)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa ārammaṇapaccayena paccayo – uddhaccasahagate khandhe ca mohañca ārabbha nevadassanena nabhāvanāya pahātabbahetukā khandhā ca moho ca uppajjanti. (3)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ (៤)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo – uddhaccasahagate khandhe ca mohañca ārabbha vicikicchāsahagatā khandhā ca moho ca uppajjanti. (4)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ឧទ្ធច្ចសហគតេ ខន្ធេ ច មោហញ្ច អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ។ (៥)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo – uddhaccasahagate khandhe ca mohañca ārabbha uddhaccasahagatā khandhā ca moho ca uppajjanti. (5)

អធិបតិបច្ចយោ

Adhipatipaccayo

៨២. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ (ទស្សនត្តិកសទិសំ, ទស បញ្ហា)។

82. Dassanena pahātabbahetuko dhammo dassanena pahātabbahetukassa dhammassa adhipatipaccayena paccayo (dassanattikasadisaṃ, dasa pañhā).

អនន្តរបច្ចយោ

Anantarapaccayo

៨៣. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទស្សនេន បហាតព្ពហេតុកា ខន្ធា បច្ឆិមានំ បច្ឆិមានំ ទស្សនេន បហាតព្ពហេតុកានំ ខន្ធានំ អនន្តរបច្ចយេន បច្ចយោ។ (១)

83. Dassanena pahātabbahetuko dhammo dassanena pahātabbahetukassa dhammassa anantarapaccayena paccayo – purimā purimā dassanena pahātabbahetukā khandhā pacchimānaṃ pacchimānaṃ dassanena pahātabbahetukānaṃ khandhānaṃ anantarapaccayena paccayo. (1)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា បច្ឆិមស្ស បច្ឆិមស្ស មោហស្ស អនន្តរបច្ចយេន បច្ចយោ; ទស្សនេន បហាតព្ពហេតុកា ខន្ធា វុដ្ឋានស្ស អនន្តរបច្ចយេន បច្ចយោ។ (២)

Dassanena pahātabbahetuko dhammo nevadassanena nabhāvanāya pahātabbahetukassa dhammassa anantarapaccayena paccayo – purimā purimā vicikicchāsahagatā khandhā pacchimassa pacchimassa mohassa anantarapaccayena paccayo; dassanena pahātabbahetukā khandhā vuṭṭhānassa anantarapaccayena paccayo. (2)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៣)

Dassanena pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa anantarapaccayena paccayo – purimā purimā vicikicchāsahagatā khandhā pacchimānaṃ pacchimānaṃ vicikicchāsahagatānaṃ khandhānaṃ mohassa ca anantarapaccayena paccayo. (3)

៨៤. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា ភាវនាយ បហាតព្ពហេតុកា ខន្ធា បច្ឆិមានំ បច្ឆិមានំ ភាវនាយ បហាតព្ពហេតុកានំ ខន្ធានំ អនន្តរបច្ចយេន បច្ចយោ។ (១)

84. Bhāvanāya pahātabbahetuko dhammo bhāvanāya pahātabbahetukassa dhammassa anantarapaccayena paccayo – purimā purimā bhāvanāya pahātabbahetukā khandhā pacchimānaṃ pacchimānaṃ bhāvanāya pahātabbahetukānaṃ khandhānaṃ anantarapaccayena paccayo. (1)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧទ្ធច្ចសហគតា ខន្ធា បច្ឆិមស្ស បច្ឆិមស្ស មោហស្ស អនន្តរបច្ចយេន បច្ចយោ; ភាវនាយ បហាតព្ពហេតុកា ខន្ធា វុដ្ឋានស្ស អនន្តរបច្ចយេន បច្ចយោ។ (២)

Bhāvanāya pahātabbahetuko dhammo nevadassanena nabhāvanāya pahātabbahetukassa dhammassa anantarapaccayena paccayo – purimā purimā uddhaccasahagatā khandhā pacchimassa pacchimassa mohassa anantarapaccayena paccayo; bhāvanāya pahātabbahetukā khandhā vuṭṭhānassa anantarapaccayena paccayo. (2)

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ឧទ្ធច្ចសហគតា ខន្ធា បច្ឆិមានំ បច្ឆិមានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៣)

Bhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa anantarapaccayena paccayo – purimā purimā uddhaccasahagatā khandhā pacchimānaṃ pacchimānaṃ uddhaccasahagatānaṃ khandhānaṃ mohassa ca anantarapaccayena paccayo. (3)

៨៥. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមស្ស បច្ឆិមស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; បុរិមា បុរិមា នេវទស្សនេន នភាវនាយ បហាតព្ពហេតុកា ខន្ធា បច្ឆិមានំ បច្ឆិមានំ នេវទស្សនេន នភាវនាយ បហាតព្ពហេតុកានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស…បេ.… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ។ (១)

85. Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa anantarapaccayena paccayo – purimo purimo vicikicchāsahagato uddhaccasahagato moho pacchimassa pacchimassa vicikicchāsahagatassa uddhaccasahagatassa mohassa anantarapaccayena paccayo; purimā purimā nevadassanena nabhāvanāya pahātabbahetukā khandhā pacchimānaṃ pacchimānaṃ nevadassanena nabhāvanāya pahātabbahetukānaṃ khandhānaṃ anantarapaccayena paccayo; anulomaṃ gotrabhussa… anulomaṃ vodānassa…pe… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (1)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ អនន្តរបច្ចយេន បច្ចយោ; អាវជ្ជនា ទស្សនេន បហាតព្ពហេតុកានំ ខន្ធានំ អនន្តរបច្ចយេន បច្ចយោ។ (២)

Nevadassanena nabhāvanāya pahātabbahetuko dhammo dassanena pahātabbahetukassa dhammassa anantarapaccayena paccayo – purimo purimo vicikicchāsahagato moho pacchimānaṃ pacchimānaṃ vicikicchāsahagatānaṃ khandhānaṃ anantarapaccayena paccayo; āvajjanā dassanena pahātabbahetukānaṃ khandhānaṃ anantarapaccayena paccayo. (2)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ ឧទ្ធច្ចសហគតោ មោហោ បច្ឆិមានំ បច្ឆិមានំ ឧទ្ធច្ចសហគតានំ ខន្ធានំ អនន្តរបច្ចយេន បច្ចយោ; អាវជ្ជនា ភាវនាយ បហាតព្ពហេតុកានំ ខន្ធានំ អនន្តរបច្ចយេន បច្ចយោ។ (៣)

Nevadassanena nabhāvanāya pahātabbahetuko dhammo bhāvanāya pahātabbahetukassa dhammassa anantarapaccayena paccayo – purimo purimo uddhaccasahagato moho pacchimānaṃ pacchimānaṃ uddhaccasahagatānaṃ khandhānaṃ anantarapaccayena paccayo; āvajjanā bhāvanāya pahātabbahetukānaṃ khandhānaṃ anantarapaccayena paccayo. (3)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ; អាវជ្ជនា វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៤)

Nevadassanena nabhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa anantarapaccayena paccayo – purimo purimo vicikicchāsahagato moho pacchimānaṃ pacchimānaṃ vicikicchāsahagatānaṃ khandhānaṃ mohassa ca anantarapaccayena paccayo; āvajjanā vicikicchāsahagatānaṃ khandhānaṃ mohassa ca anantarapaccayena paccayo. (4)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ ឧទ្ធច្ចសហគតោ មោហោ បច្ឆិមានំ បច្ឆិមានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ; អាវជ្ជនា ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៥)

Nevadassanena nabhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa anantarapaccayena paccayo – purimo purimo uddhaccasahagato moho pacchimānaṃ pacchimānaṃ uddhaccasahagatānaṃ khandhānaṃ mohassa ca anantarapaccayena paccayo; āvajjanā uddhaccasahagatānaṃ khandhānaṃ mohassa ca anantarapaccayena paccayo. (5)

៨៦. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ អនន្តរបច្ចយេន បច្ចយោ។ (១)

86. Dassanena pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa dhammassa anantarapaccayena paccayo – purimā purimā vicikicchāsahagatā khandhā ca moho ca pacchimānaṃ pacchimānaṃ vicikicchāsahagatānaṃ khandhānaṃ anantarapaccayena paccayo. (1)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមស្ស បច្ឆិមស្ស មោហស្ស អនន្តរបច្ចយេន បច្ចយោ; វិចិកិច្ឆាសហគតា ខន្ធា ច មោហោ ច វុដ្ឋានស្ស អនន្តរបច្ចយេន បច្ចយោ។ (២)

Dassanena pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa anantarapaccayena paccayo – purimā purimā vicikicchāsahagatā khandhā ca moho ca pacchimassa pacchimassa mohassa anantarapaccayena paccayo; vicikicchāsahagatā khandhā ca moho ca vuṭṭhānassa anantarapaccayena paccayo. (2)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៣)

Dassanena pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa ca nevadassanena nabhāvanāya pahātabbahetukassa ca dhammassa anantarapaccayena paccayo – purimā purimā vicikicchāsahagatā khandhā ca moho ca pacchimānaṃ pacchimānaṃ vicikicchāsahagatānaṃ khandhānaṃ mohassa ca anantarapaccayena paccayo. (3)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ធម្មស្ស អនន្តរបច្ចយេន បច្ចយោ… តីណិ (ទស្សនេន សទិសំ គមនំ)។

Bhāvanāya pahātabbahetuko ca nevadassanena nabhāvanāya pahātabbahetuko ca dhammā bhāvanāya pahātabbahetukassa dhammassa anantarapaccayena paccayo… tīṇi (dassanena sadisaṃ gamanaṃ).

សមនន្តរបច្ចយាទិ

Samanantarapaccayādi

៨៧. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស សមនន្តរបច្ចយេន បច្ចយោ… (អនន្តរសទិសំ) សហជាតបច្ចយេន បច្ចយោ… (សំខិត្តំ។ បដិច្ចវារេ សហជាតសទិសំ) អញ្ញមញ្ញបច្ចយេន បច្ចយោ… (សំខិត្តំ។ បដិច្ចវារេ អញ្ញមញ្ញសទិសំ) និស្សយបច្ចយេន បច្ចយោ… (សំខិត្តំ។ បច្ចយវារេ និស្សយវារសទិសំ។ វិសុំ ឃដនា នត្ថិ)។

87. Dassanena pahātabbahetuko dhammo dassanena pahātabbahetukassa dhammassa samanantarapaccayena paccayo… (anantarasadisaṃ) sahajātapaccayena paccayo… (saṃkhittaṃ. Paṭiccavāre sahajātasadisaṃ) aññamaññapaccayena paccayo… (saṃkhittaṃ. Paṭiccavāre aññamaññasadisaṃ) nissayapaccayena paccayo… (saṃkhittaṃ. Paccayavāre nissayavārasadisaṃ. Visuṃ ghaṭanā natthi).

ឧបនិស្សយបច្ចយោ

Upanissayapaccayo

៨៨. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, ៥១អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ទស្សនេន បហាតព្ពហេតុកំ រាគំ ឧបនិស្សាយ បាណំ ហនតិ…បេ.… សង្ឃំ ភិន្ទតិ។ ទស្សនេន បហាតព្ពហេតុកំ ទោសំ… មោហំ… ទិដ្ឋិំ… បត្ថនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ។ ទស្សនេន បហាតព្ពហេតុកោ រាគោ… ទោសោ… មោហោ… ទិដ្ឋិ… បត្ថនា ទស្សនេន បហាតព្ពហេតុកស្ស រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (១)

88. Dassanena pahātabbahetuko dhammo dassanena pahātabbahetukassa dhammassa upanissayapaccayena paccayo – ārammaṇūpanissayo, 51anantarūpanissayo, pakatūpanissayo…pe…. Pakatūpanissayo – dassanena pahātabbahetukaṃ rāgaṃ upanissāya pāṇaṃ hanati…pe… saṅghaṃ bhindati. Dassanena pahātabbahetukaṃ dosaṃ… mohaṃ… diṭṭhiṃ… patthanaṃ upanissāya pāṇaṃ hanati…pe… saṅghaṃ bhindati. Dassanena pahātabbahetuko rāgo… doso… moho… diṭṭhi… patthanā dassanena pahātabbahetukassa rāgassa…pe… patthanāya upanissayapaccayena paccayo. (1)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ទស្សនេន បហាតព្ពហេតុកំ រាគំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ។ ទស្សនេន បហាតព្ពហេតុកំ ទោសំ… មោហំ… ទិដ្ឋិំ… បត្ថនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ។ ទស្សនេន បហាតព្ពហេតុកោ រាគោ…បេ.… បត្ថនា… សទ្ធាយ…បេ.… បញ្ញាយ… កាយិកស្ស សុខស្ស, កាយិកស្ស ទុក្ខស្ស ផលសមាបត្តិយា មោហស្ស ច ឧបនិស្សយបច្ចយេន បច្ចយោ។ (២)

Dassanena pahātabbahetuko dhammo nevadassanena nabhāvanāya pahātabbahetukassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – dassanena pahātabbahetukaṃ rāgaṃ upanissāya dānaṃ deti…pe… samāpattiṃ uppādeti. Dassanena pahātabbahetukaṃ dosaṃ… mohaṃ… diṭṭhiṃ… patthanaṃ upanissāya dānaṃ deti…pe… samāpattiṃ uppādeti. Dassanena pahātabbahetuko rāgo…pe… patthanā… saddhāya…pe… paññāya… kāyikassa sukhassa, kāyikassa dukkhassa phalasamāpattiyā mohassa ca upanissayapaccayena paccayo. (2)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ទស្សនេន បហាតព្ពហេតុកោ រាគោ… ទោសោ… មោហោ… ទិដ្ឋិ… បត្ថនា វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៣)

Dassanena pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – dassanena pahātabbahetuko rāgo… doso… moho… diṭṭhi… patthanā vicikicchāsahagatānaṃ khandhānaṃ mohassa ca upanissayapaccayena paccayo. (3)

៨៩. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ភាវនាយ បហាតព្ពហេតុកោ រាគោ… ទោសោ… មោហោ… មានោ… បត្ថនា ភាវនាយ បហាតព្ពហេតុកស្ស រាគស្ស… ទោសស្ស… មោហស្ស… មានស្ស… បត្ថនាយ ឧបនិស្សយបច្ចយេន បច្ចយោ។ (១)

89. Bhāvanāya pahātabbahetuko dhammo bhāvanāya pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – bhāvanāya pahātabbahetuko rāgo… doso… moho… māno… patthanā bhāvanāya pahātabbahetukassa rāgassa… dosassa… mohassa… mānassa… patthanāya upanissayapaccayena paccayo. (1)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ.…។ បកតូបនិស្សយោ – ភាវនាយ បហាតព្ពហេតុកំ រាគំ ឧបនិស្សាយ បាណំ ហនតិ…បេ.… សង្ឃំ ភិន្ទតិ។ ភាវនាយ បហាតព្ពហេតុកំ ទោសំ… មោហំ… មានំ… បត្ថនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ។ ភាវនាយ បហាតព្ពហេតុកោ រាគោ…បេ.… បត្ថនា ទស្សនេន បហាតព្ពហេតុកស្ស រាគស្ស… ទោសស្ស… មោហស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ។ សកភណ្ឌេ ឆន្ទរាគោ បរភណ្ឌេ ឆន្ទរាគស្ស ឧបនិស្សយបច្ចយេន បច្ចយោ។ សកបរិគ្គហេ ឆន្ទរាគោ បរបរិគ្គហេ ឆន្ទរាគស្ស ឧបនិស្សយបច្ចយេន បច្ចយោ។ (២)

Bhāvanāya pahātabbahetuko dhammo dassanena pahātabbahetukassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – bhāvanāya pahātabbahetukaṃ rāgaṃ upanissāya pāṇaṃ hanati…pe… saṅghaṃ bhindati. Bhāvanāya pahātabbahetukaṃ dosaṃ… mohaṃ… mānaṃ… patthanaṃ upanissāya pāṇaṃ hanati…pe… saṅghaṃ bhindati. Bhāvanāya pahātabbahetuko rāgo…pe… patthanā dassanena pahātabbahetukassa rāgassa… dosassa… mohassa… diṭṭhiyā… patthanāya upanissayapaccayena paccayo. Sakabhaṇḍe chandarāgo parabhaṇḍe chandarāgassa upanissayapaccayena paccayo. Sakapariggahe chandarāgo parapariggahe chandarāgassa upanissayapaccayena paccayo. (2)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ភាវនាយ បហាតព្ពហេតុកំ រាគំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ។ ភាវនាយ បហាតព្ពហេតុកំ ទោសំ… មោហំ… មានំ… បត្ថនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ។ ភាវនាយ បហាតព្ពហេតុកោ រាគោ…បេ.… បត្ថនា សទ្ធាយ…បេ.… បញ្ញាយ… កាយិកស្ស សុខស្ស, កាយិកស្ស ទុក្ខស្ស ផលសមាបត្តិយា មោហស្ស ច ឧបនិស្សយបច្ចយេន បច្ចយោ។ (៣)

Bhāvanāya pahātabbahetuko dhammo nevadassanena nabhāvanāya pahātabbahetukassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – bhāvanāya pahātabbahetukaṃ rāgaṃ upanissāya dānaṃ deti…pe… samāpattiṃ uppādeti. Bhāvanāya pahātabbahetukaṃ dosaṃ… mohaṃ… mānaṃ… patthanaṃ upanissāya dānaṃ deti…pe… samāpattiṃ uppādeti. Bhāvanāya pahātabbahetuko rāgo…pe… patthanā saddhāya…pe… paññāya… kāyikassa sukhassa, kāyikassa dukkhassa phalasamāpattiyā mohassa ca upanissayapaccayena paccayo. (3)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ…។ បកតូបនិស្សយោ – ភាវនាយ បហាតព្ពហេតុកោ រាគោ…បេ.… បត្ថនា វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៤)

Bhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa upanissayapaccayena paccayo…. Pakatūpanissayo – bhāvanāya pahātabbahetuko rāgo…pe… patthanā vicikicchāsahagatānaṃ khandhānaṃ mohassa ca upanissayapaccayena paccayo. (4)

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ភាវនាយ បហាតព្ពហេតុកោ រាគោ…បេ.… បត្ថនា ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៥)

Bhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – bhāvanāya pahātabbahetuko rāgo…pe… patthanā uddhaccasahagatānaṃ khandhānaṃ mohassa ca upanissayapaccayena paccayo. (5)

៩០. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ។ សីលំ…បេ.… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ… មោហំ ឧបនិស្សាយ ទានំ ទេតិ…បេ.… សទ្ធា…បេ.… មោហោ សទ្ធាយ…បេ.… ផលសមាបត្តិយា មោហស្ស ច ឧបនិស្សយបច្ចយេន បច្ចយោ។ (១)

90. Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti. Sīlaṃ…pe… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ… mohaṃ upanissāya dānaṃ deti…pe… saddhā…pe… moho saddhāya…pe… phalasamāpattiyā mohassa ca upanissayapaccayena paccayo. (1)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទិដ្ឋិំ គណ្ហាតិ។ សីលំ…បេ.… បញ្ញំ… កាយិកំ សុខំ… កាយិកំ ទុក្ខំ…បេ.… សេនាសនំ… មោហំ ឧបនិស្សាយ បាណំ ហនតិ…បេ.… សង្ឃំ ភិន្ទតិ។ សទ្ធា…បេ.… សេនាសនំ មោហោ ច ទស្សនេន បហាតព្ពហេតុកស្ស រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (២)

Nevadassanena nabhāvanāya pahātabbahetuko dhammo dassanena pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya diṭṭhiṃ gaṇhāti. Sīlaṃ…pe… paññaṃ… kāyikaṃ sukhaṃ… kāyikaṃ dukkhaṃ…pe… senāsanaṃ… mohaṃ upanissāya pāṇaṃ hanati…pe… saṅghaṃ bhindati. Saddhā…pe… senāsanaṃ moho ca dassanena pahātabbahetukassa rāgassa…pe… patthanāya upanissayapaccayena paccayo. (2)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ…បេ.… មោហំ ឧបនិស្សាយ មានំ ជប្បេតិ។ សទ្ធា…បេ.… សេនាសនំ មោហោ ច ភាវនាយ បហាតព្ពហេតុកស្ស រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (៣)

Nevadassanena nabhāvanāya pahātabbahetuko dhammo bhāvanāya pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti…pe… mohaṃ upanissāya mānaṃ jappeti. Saddhā…pe… senāsanaṃ moho ca bhāvanāya pahātabbahetukassa rāgassa…pe… patthanāya upanissayapaccayena paccayo. (3)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធា…បេ.… បញ្ញា… កាយិកំ សុខំ… កាយិកំ ទុក្ខំ…បេ.… សេនាសនំ មោហោ ច វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៤)

Nevadassanena nabhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – saddhā…pe… paññā… kāyikaṃ sukhaṃ… kāyikaṃ dukkhaṃ…pe… senāsanaṃ moho ca vicikicchāsahagatānaṃ khandhānaṃ mohassa ca upanissayapaccayena paccayo. (4)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធា…បេ.… សេនាសនំ មោហោ ច ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៥)

Nevadassanena nabhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – saddhā…pe… senāsanaṃ moho ca uddhaccasahagatānaṃ khandhānaṃ mohassa ca upanissayapaccayena paccayo. (5)

៩១. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – វិចិកិច្ឆាសហគតា ខន្ធា ច មោហោ ច ទស្សនេន បហាតព្ពហេតុកស្ស រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (១)

91. Dassanena pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – vicikicchāsahagatā khandhā ca moho ca dassanena pahātabbahetukassa rāgassa…pe… patthanāya upanissayapaccayena paccayo. (1)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – វិចិកិច្ឆាសហគតា ខន្ធា ច មោហោ ច សទ្ធាយ…បេ.… បញ្ញាយ… កាយិកស្ស សុខស្ស, កាយិកស្ស ទុក្ខស្ស ផលសមាបត្តិយា មោហស្ស ច ឧបនិស្សយបច្ចយេន បច្ចយោ។ (២)

Dassanena pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – vicikicchāsahagatā khandhā ca moho ca saddhāya…pe… paññāya… kāyikassa sukhassa, kāyikassa dukkhassa phalasamāpattiyā mohassa ca upanissayapaccayena paccayo. (2)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – វិចិកិច្ឆាសហគតា ខន្ធា ច មោហោ ច វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៣)

Dassanena pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa ca nevadassanena nabhāvanāya pahātabbahetukassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – vicikicchāsahagatā khandhā ca moho ca vicikicchāsahagatānaṃ khandhānaṃ mohassa ca upanissayapaccayena paccayo. (3)

៩២. ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – ឧទ្ធច្ចសហគតា ខន្ធា ច មោហោ ច ទស្សនេន បហាតព្ពហេតុកស្ស រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (១)

92. Bhāvanāya pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa dhammassa upanissayapaccayena paccayo. Pakatūpanissayo – uddhaccasahagatā khandhā ca moho ca dassanena pahātabbahetukassa rāgassa…pe… patthanāya upanissayapaccayena paccayo. (1)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ឧទ្ធច្ចសហគតា ខន្ធា ច មោហោ ច ភាវនាយ បហាតព្ពហេតុកស្ស រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (២)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā bhāvanāya pahātabbahetukassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – uddhaccasahagatā khandhā ca moho ca bhāvanāya pahātabbahetukassa rāgassa…pe… patthanāya upanissayapaccayena paccayo. (2)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ឧទ្ធច្ចសហគតា ខន្ធា ច មោហោ ច សទ្ធាយ…បេ.… ផលសមាបត្តិយា មោហស្ស ច ឧបនិស្សយបច្ចយេន បច្ចយោ។ (៣)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – uddhaccasahagatā khandhā ca moho ca saddhāya…pe… phalasamāpattiyā mohassa ca upanissayapaccayena paccayo. (3)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – ឧទ្ធច្ចសហគតា ខន្ធា ច មោហោ ច វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៤)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa ca nevadassanena nabhāvanāya pahātabbahetukassa ca dhammassa upanissayapaccayena paccayo. Pakatūpanissayo – uddhaccasahagatā khandhā ca moho ca vicikicchāsahagatānaṃ khandhānaṃ mohassa ca upanissayapaccayena paccayo. (4)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ឧទ្ធច្ចសហគតា ខន្ធា ច មោហោ ច ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៥)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – uddhaccasahagatā khandhā ca moho ca uddhaccasahagatānaṃ khandhānaṃ mohassa ca upanissayapaccayena paccayo. (5)

បុរេជាតបច្ចយោ

Purejātapaccayo

៩៣. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ អនិច្ចតោ…បេ.… វិបស្សតិ, សោតំ…បេ.… វត្ថុំ អនិច្ចតោ…បេ.… វិបស្សតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ នេវទស្សនេន នភាវនាយ បហាតព្ពហេតុកានំ ខន្ធានំ មោហស្ស ច បុរេជាតបច្ចយេន បច្ចយោ។ (១)

93. Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato…pe… vipassati, sotaṃ…pe… vatthuṃ aniccato…pe… vipassati; dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu nevadassanena nabhāvanāya pahātabbahetukānaṃ khandhānaṃ mohassa ca purejātapaccayena paccayo. (1)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ…បេ.… ទិដ្ឋិ…បេ.… វិចិកិច្ឆា…បេ.… ទស្សនេន បហាតព្ពហេតុកំ ទោមនស្សំ ឧប្បជ្ជតិ ។ វត្ថុបុរេជាតំ – វត្ថុ ទស្សនេន បហាតព្ពហេតុកានំ ខន្ធានំ បុរេជាតបច្ចយេន បច្ចយោ។ (២)

Nevadassanena nabhāvanāya pahātabbahetuko dhammo dassanena pahātabbahetukassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati; taṃ ārabbha dassanena pahātabbahetuko rāgo…pe… diṭṭhi…pe… vicikicchā…pe… dassanena pahātabbahetukaṃ domanassaṃ uppajjati . Vatthupurejātaṃ – vatthu dassanena pahātabbahetukānaṃ khandhānaṃ purejātapaccayena paccayo. (2)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ; តំ អារព្ភ ភាវនាយ បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, ភាវនាយ បហាតព្ពហេតុកំ ទោមនស្សំ ឧប្បជ្ជតិ។ វត្ថុបុរេជាតំ – វត្ថុ ភាវនាយ បហាតព្ពហេតុកានំ ខន្ធានំ បុរេជាតបច្ចយេន បច្ចយោ។ (៣)

Nevadassanena nabhāvanāya pahātabbahetuko dhammo bhāvanāya pahātabbahetukassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati; taṃ ārabbha bhāvanāya pahātabbahetuko rāgo uppajjati, uddhaccaṃ uppajjati, bhāvanāya pahātabbahetukaṃ domanassaṃ uppajjati. Vatthupurejātaṃ – vatthu bhāvanāya pahātabbahetukānaṃ khandhānaṃ purejātapaccayena paccayo. (3)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ វត្ថុបុរេជាតំ – វត្ថុ វិចិកិច្ឆាសហគតានំ ខន្ធានំ មោហស្ស ច បុរេជាតបច្ចយេន បច្ចយោ។ (៤)

Nevadassanena nabhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ ārabbha vicikicchāsahagatā khandhā ca moho ca uppajjanti. Vatthupurejātaṃ – vatthu vicikicchāsahagatānaṃ khandhānaṃ mohassa ca purejātapaccayena paccayo. (4)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ។ វត្ថុបុរេជាតំ – វត្ថុ ឧទ្ធច្ចសហគតានំ ខន្ធានំ មោហស្ស ច បុរេជាតបច្ចយេន បច្ចយោ។ (៥)

Nevadassanena nabhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ ārabbha uddhaccasahagatā khandhā ca moho ca uppajjanti. Vatthupurejātaṃ – vatthu uddhaccasahagatānaṃ khandhānaṃ mohassa ca purejātapaccayena paccayo. (5)

បច្ឆាជាតបច្ចយោ

Pacchājātapaccayo

៩៤. ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ទស្សនេន បហាតព្ពហេតុកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

94. Dassanena pahātabbahetuko dhammo nevadassanena nabhāvanāya pahātabbahetukassa dhammassa pacchājātapaccayena paccayo – pacchājātā dassanena pahātabbahetukā khandhā purejātassa imassa kāyassa pacchājātapaccayena paccayo. (1)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ភាវនាយ បហាតព្ពហេតុកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

Bhāvanāya pahātabbahetuko dhammo nevadassanena nabhāvanāya pahātabbahetukassa dhammassa pacchājātapaccayena paccayo – pacchājātā bhāvanāya pahātabbahetukā khandhā purejātassa imassa kāyassa pacchājātapaccayena paccayo. (1)

នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា នេវទស្សនេន នភាវនាយ បហាតព្ពហេតុកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa pacchājātapaccayena paccayo – pacchājātā nevadassanena nabhāvanāya pahātabbahetukā khandhā purejātassa imassa kāyassa pacchājātapaccayena paccayo. (1)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា វិចិកិច្ឆាសហគតា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

Dassanena pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa pacchājātapaccayena paccayo – pacchājātā vicikicchāsahagatā khandhā ca moho ca purejātassa imassa kāyassa pacchājātapaccayena paccayo. (1)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa pacchājātapaccayena paccayo – pacchājātā uddhaccasahagatā khandhā ca moho ca purejātassa imassa kāyassa pacchājātapaccayena paccayo. (1)

អាសេវនបច្ចយោ

Āsevanapaccayo

៩៥. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អាសេវនបច្ចយេន បច្ចយោ – បុរិមា បុរិមា ទស្សនេន បហាតព្ពហេតុកា ខន្ធា បច្ឆិមានំ បច្ឆិមានំ ទស្សនេន បហាតព្ពហេតុកានំ ខន្ធានំ អាសេវនបច្ចយេន បច្ចយោ។ (១)

95. Dassanena pahātabbahetuko dhammo dassanena pahātabbahetukassa dhammassa āsevanapaccayena paccayo – purimā purimā dassanena pahātabbahetukā khandhā pacchimānaṃ pacchimānaṃ dassanena pahātabbahetukānaṃ khandhānaṃ āsevanapaccayena paccayo. (1)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អាសេវនបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា បច្ឆិមស្ស បច្ឆិមស្ស មោហស្ស អាសេវនបច្ចយេន បច្ចយោ។ (២)

Dassanena pahātabbahetuko dhammo nevadassanena nabhāvanāya pahātabbahetukassa dhammassa āsevanapaccayena paccayo – purimā purimā vicikicchāsahagatā khandhā pacchimassa pacchimassa mohassa āsevanapaccayena paccayo. (2)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អាសេវនបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អាសេវនបច្ចយេន បច្ចយោ។

Dassanena pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa āsevanapaccayena paccayo – purimā purimā vicikicchāsahagatā khandhā pacchimānaṃ pacchimānaṃ vicikicchāsahagatānaṃ khandhānaṃ mohassa ca āsevanapaccayena paccayo.

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស (សំខិត្តំ) តីណិ។

Bhāvanāya pahātabbahetuko dhammo bhāvanāya pahātabbahetukassa dhammassa (saṃkhittaṃ) tīṇi.

នេវទស្សនេន នភាវនាយ បហាតព្ពហេតុកោ ធម្មោ…បេ.…។ (អាសេវនមូលកេ វុដ្ឋានស្សបិ អាវជ្ជនាយបិ បហាតព្ពំ, សត្តរស បញ្ហា បរិបុណ្ណា, អនន្តរសទិសា)។

Nevadassanena nabhāvanāya pahātabbahetuko dhammo…pe…. (Āsevanamūlake vuṭṭhānassapi āvajjanāyapi pahātabbaṃ, sattarasa pañhā paripuṇṇā, anantarasadisā).

កម្មបច្ចយោ

Kammapaccayo

៩៦. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស កម្មបច្ចយេន បច្ចយោ – ទស្សនេន បហាតព្ពហេតុកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (១)

96. Dassanena pahātabbahetuko dhammo dassanena pahātabbahetukassa dhammassa kammapaccayena paccayo – dassanena pahātabbahetukā cetanā sampayuttakānaṃ khandhānaṃ kammapaccayena paccayo. (1)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា ទស្សនេន បហាតព្ពហេតុកា ចេតនា មោហស្ស ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ នានាក្ខណិកា – ទស្សនេន បហាតព្ពហេតុកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (២)

Dassanena pahātabbahetuko dhammo nevadassanena nabhāvanāya pahātabbahetukassa dhammassa kammapaccayena paccayo – sahajātā, nānākkhaṇikā. Sahajātā dassanena pahātabbahetukā cetanā mohassa cittasamuṭṭhānānañca rūpānaṃ kammapaccayena paccayo. Nānākkhaṇikā – dassanena pahātabbahetukā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស កម្មបច្ចយេន បច្ចយោ – ទស្សនេន បហាតព្ពហេតុកា ចេតនា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

Dassanena pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa kammapaccayena paccayo – dassanena pahātabbahetukā cetanā sampayuttakānaṃ khandhānaṃ mohassa ca cittasamuṭṭhānānañca rūpānaṃ kammapaccayena paccayo. (3)

៩៧. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស កម្មបច្ចយេន បច្ចយោ – ភាវនាយ បហាតព្ពហេតុកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (១)

97. Bhāvanāya pahātabbahetuko dhammo bhāvanāya pahātabbahetukassa dhammassa kammapaccayena paccayo – bhāvanāya pahātabbahetukā cetanā sampayuttakānaṃ khandhānaṃ kammapaccayena paccayo. (1)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស កម្មបច្ចយេន បច្ចយោ – ភាវនាយ បហាតព្ពហេតុកា ចេតនា មោហស្ស ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (២)

Bhāvanāya pahātabbahetuko dhammo nevadassanena nabhāvanāya pahātabbahetukassa dhammassa kammapaccayena paccayo – bhāvanāya pahātabbahetukā cetanā mohassa cittasamuṭṭhānānañca rūpānaṃ kammapaccayena paccayo. (2)

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស កម្មបច្ចយេន បច្ចយោ – ភាវនាយ បហាតព្ពហេតុកា ចេតនា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

Bhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa kammapaccayena paccayo – bhāvanāya pahātabbahetukā cetanā sampayuttakānaṃ khandhānaṃ mohassa ca cittasamuṭṭhānānañca rūpānaṃ kammapaccayena paccayo. (3)

៩៨. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នេវទស្សនេន នភាវនាយ បហាតព្ពហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ បដិសន្ធិក្ខណេ…បេ.…។ នានាក្ខណិកា – នេវទស្សនេន នភាវនាយ បហាតព្ពហេតុកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

98. Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa kammapaccayena paccayo – sahajātā, nānākkhaṇikā. Sahajātā – nevadassanena nabhāvanāya pahātabbahetukā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – nevadassanena nabhāvanāya pahātabbahetukā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

វិបាកបច្ចយោ

Vipākapaccayo

៩៩. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស វិបាកបច្ចយេន បច្ចយោ (បវត្តិបដិសន្ធិ) វិបាកា ខន្ធា វត្ថុស្ស…បេ.…។

99. Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa vipākapaccayena paccayo (pavattipaṭisandhi) vipākā khandhā vatthussa…pe….

អាហារបច្ចយោ

Āhārapaccayo

១០០. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អាហារបច្ចយេន បច្ចយោ – ទស្សនេន បហាតព្ពហេតុកា អាហារា សម្បយុត្តកានំ ខន្ធានំ អាហារបច្ចយេន បច្ចយោ។ (១)

100. Dassanena pahātabbahetuko dhammo dassanena pahātabbahetukassa dhammassa āhārapaccayena paccayo – dassanena pahātabbahetukā āhārā sampayuttakānaṃ khandhānaṃ āhārapaccayena paccayo. (1)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អាហារបច្ចយេន បច្ចយោ – ទស្សនេន បហាតព្ពហេតុកា អាហារា មោហស្ស ចិត្តសមុដ្ឋានានញ្ច រូបានំ អាហារបច្ចយេន បច្ចយោ។ (២)

Dassanena pahātabbahetuko dhammo nevadassanena nabhāvanāya pahātabbahetukassa dhammassa āhārapaccayena paccayo – dassanena pahātabbahetukā āhārā mohassa cittasamuṭṭhānānañca rūpānaṃ āhārapaccayena paccayo. (2)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អាហារបច្ចយេន បច្ចយោ – ទស្សនេន បហាតព្ពហេតុកា អាហារា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ អាហារបច្ចយេន បច្ចយោ។ (៣)

Dassanena pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa āhārapaccayena paccayo – dassanena pahātabbahetukā āhārā sampayuttakānaṃ khandhānaṃ mohassa ca cittasamuṭṭhānānañca rūpānaṃ āhārapaccayena paccayo. (3)

ភាវនាយ បហាតព្ពហេតុកោ ធម្មោ… តីណិ (ទស្សនេន សទិសំ)។

Bhāvanāya pahātabbahetuko dhammo… tīṇi (dassanena sadisaṃ).

នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អាហារបច្ចយេន បច្ចយោ – នេវទស្សនេន នភាវនាយ បហាតព្ពហេតុកា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ។ បដិសន្ធិក្ខណេ…បេ.… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ។

Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa āhārapaccayena paccayo – nevadassanena nabhāvanāya pahātabbahetukā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. Paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo.

ឥន្ទ្រិយបច្ចយាទិ

Indriyapaccayādi

១០១. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឥន្ទ្រិយបច្ចយេន បច្ចយោ… តីណិ (អាហារសទិសំ។ មោហោ កាតព្ពោ)។

101. Dassanena pahātabbahetuko dhammo dassanena pahātabbahetukassa dhammassa indriyapaccayena paccayo… tīṇi (āhārasadisaṃ. Moho kātabbo).

ភាវនាយ បហាតព្ពហេតុកោ ធម្មោ… តីណិ។

Bhāvanāya pahātabbahetuko dhammo… tīṇi.

នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស ឥន្ទ្រិយបច្ចយេន បច្ចយោ – នេវទស្សនេន នភាវនាយ បហាតព្ពហេតុកា ឥន្ទ្រិយា សម្បយុត្តកានំ ខន្ធានំ…បេ.… ចក្ខុន្ទ្រិយំ ចក្ខុវិញ្ញាណស្ស…បេ.… កាយិន្ទ្រិយំ កាយវិញ្ញាណស្ស…បេ.… រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… (ឥមេ សហេតុកា កាតព្ពា) សម្បយុត្តបច្ចយេន បច្ចយោ (បដិច្ចវារេ សម្បយុត្តវារសទិសំ)។

Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa indriyapaccayena paccayo – nevadassanena nabhāvanāya pahātabbahetukā indriyā sampayuttakānaṃ khandhānaṃ…pe… cakkhundriyaṃ cakkhuviññāṇassa…pe… kāyindriyaṃ kāyaviññāṇassa…pe… rūpajīvitindriyaṃ kaṭattārūpānaṃ indriyapaccayena paccayo… jhānapaccayena paccayo… maggapaccayena paccayo… (ime sahetukā kātabbā) sampayuttapaccayena paccayo (paṭiccavāre sampayuttavārasadisaṃ).

វិប្បយុត្តបច្ចយោ

Vippayuttapaccayo

១០២. ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (ទស្សនត្តិកសទិសំ)។

102. Dassanena pahātabbahetuko dhammo nevadassanena nabhāvanāya pahātabbahetukassa dhammassa vippayuttapaccayena paccayo – sahajātaṃ, pacchājātaṃ (dassanattikasadisaṃ).

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (ទស្សនត្តិកសទិសំ)។

Bhāvanāya pahātabbahetuko dhammo nevadassanena nabhāvanāya pahātabbahetukassa dhammassa vippayuttapaccayena paccayo – sahajātaṃ, pacchājātaṃ (dassanattikasadisaṃ).

នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (ទស្សនត្តិកសទិសំ)។ បច្ឆាជាតា – នេវទស្សនេន នភាវនាយ បហាតព្ពហេតុកា ខន្ធា ច មោហោ ច បុរេជាតស្ស ឥមស្ស កាយស្ស…បេ.…។ (១)

Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa vippayuttapaccayena paccayo – sahajātaṃ, purejātaṃ, pacchājātaṃ (dassanattikasadisaṃ). Pacchājātā – nevadassanena nabhāvanāya pahātabbahetukā khandhā ca moho ca purejātassa imassa kāyassa…pe…. (1)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ ទស្សនេន បហាតព្ពហេតុកានំ ខន្ធានំ…បេ.…។ (២)

Nevadassanena nabhāvanāya pahātabbahetuko dhammo dassanena pahātabbahetukassa dhammassa vippayuttapaccayena paccayo. Purejātaṃ – vatthu dassanena pahātabbahetukānaṃ khandhānaṃ…pe…. (2)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ ភាវនាយ បហាតព្ពហេតុកានំ ខន្ធានំ…បេ.…។ (៣)

Nevadassanena nabhāvanāya pahātabbahetuko dhammo bhāvanāya pahātabbahetukassa dhammassa vippayuttapaccayena paccayo. Purejātaṃ – vatthu bhāvanāya pahātabbahetukānaṃ khandhānaṃ…pe…. (3)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ វិចិកិច្ឆាសហគតានំ ខន្ធានំ មោហស្ស ច វិប្បយុត្តបច្ចយេន បច្ចយោ។ (៤)

Nevadassanena nabhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa vippayuttapaccayena paccayo. Purejātaṃ – vatthu vicikicchāsahagatānaṃ khandhānaṃ mohassa ca vippayuttapaccayena paccayo. (4)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ ឧទ្ធច្ចសហគតានំ ខន្ធានំ មោហស្ស ច វិប្បយុត្តបច្ចយេន បច្ចយោ។ (៥)

Nevadassanena nabhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa vippayuttapaccayena paccayo. Purejātaṃ – vatthu uddhaccasahagatānaṃ khandhānaṃ mohassa ca vippayuttapaccayena paccayo. (5)

១០៣. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – វិចិកិច្ឆាសហគតា ខន្ធា ច មោហោ ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – វិចិកិច្ឆាសហគតា ខន្ធា ច មោហោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

103. Dassanena pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa vippayuttapaccayena paccayo – sahajātaṃ, pacchājātaṃ. Sahajātā – vicikicchāsahagatā khandhā ca moho ca cittasamuṭṭhānānaṃ rūpānaṃ vippayuttapaccayena paccayo. Pacchājātā – vicikicchāsahagatā khandhā ca moho ca purejātassa imassa kāyassa vippayuttapaccayena paccayo. (1)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – ឧទ្ធច្ចសហគតា ខន្ធា ច មោហោ ច ចិត្តសមុដ្ឋានានំ រូបានំ…បេ.…។ បច្ឆាជាតា – ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa vippayuttapaccayena paccayo – sahajātaṃ, pacchājātaṃ. Sahajātā – uddhaccasahagatā khandhā ca moho ca cittasamuṭṭhānānaṃ rūpānaṃ…pe…. Pacchājātā – uddhaccasahagatā khandhā ca moho ca purejātassa imassa kāyassa vippayuttapaccayena paccayo. (1)

អត្ថិបច្ចយាទិ

Atthipaccayādi

១០៤. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – ទស្សនេន បហាតព្ពហេតុកោ ឯកោ ខន្ធោ តិណ្ណន្នំ ខន្ធានំ…បេ.…។ (១)

104. Dassanena pahātabbahetuko dhammo dassanena pahātabbahetukassa dhammassa atthipaccayena paccayo – dassanena pahātabbahetuko eko khandho tiṇṇannaṃ khandhānaṃ…pe…. (1)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ។ សហជាតា – ទស្សនេន បហាតព្ពហេតុកា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ។ សហជាតា – វិចិកិច្ឆាសហគតា ខន្ធា មោហស្ស ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ បច្ឆាជាតា – ទស្សនេន បហាតព្ពហេតុកា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ (២)

Dassanena pahātabbahetuko dhammo nevadassanena nabhāvanāya pahātabbahetukassa dhammassa atthipaccayena paccayo – sahajātaṃ, pacchājātaṃ. Sahajātā – dassanena pahātabbahetukā khandhā cittasamuṭṭhānānaṃ rūpānaṃ atthipaccayena paccayo. Sahajātā – vicikicchāsahagatā khandhā mohassa cittasamuṭṭhānānañca rūpānaṃ atthipaccayena paccayo. Pacchājātā – dassanena pahātabbahetukā khandhā purejātassa imassa kāyassa atthipaccayena paccayo. (2)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – ទស្សនេន បហាតព្ពហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ វិចិកិច្ឆាសហគតោ ឯកោ ខន្ធោ តិណ្ណន្នំ ខន្ធានំ មោហស្ស ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.…។ (៣)

Dassanena pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa atthipaccayena paccayo – dassanena pahātabbahetuko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo. Vicikicchāsahagato eko khandho tiṇṇannaṃ khandhānaṃ mohassa ca cittasamuṭṭhānānañca rūpānaṃ atthipaccayena paccayo…pe…. (3)

ភាវនាយ បហាតព្ពហេតុកោ ធម្មោ… តីណិ។

Bhāvanāya pahātabbahetuko dhammo… tīṇi.

១០៥. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតោ – នេវទស្សនេន នភាវនាយ បហាតព្ពហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… វិចិកិច្ឆាសហគតោ ឧទ្ធច្ចសហគតោ មោហោ ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បដិសន្ធិក្ខណេ…បេ.… អសញ្ញសត្តានំ…បេ.…។ បុរេជាតំ – ចក្ខុំ…បេ.… វត្ថុំ អនិច្ចតោ…បេ.… ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… ចក្ខាយតនំ…បេ.… កាយាយតនំ…បេ.… វត្ថុ នេវទស្សនេន នភាវនាយ បហាតព្ពហេតុកានំ ខន្ធានំ មោហស្ស ច អត្ថិបច្ចយេន បច្ចយោ។ បច្ឆាជាតា – នេវទស្សនេន នភាវនាយ បហាតព្ពហេតុកា ខន្ធា ច មោហោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ; កពឡីការោ អាហារោ ឥមស្ស កាយស្ស…បេ.… រូបជីវិតិន្ទ្រិយំ កដត្តារូបានំ…បេ.…។ (១)

105. Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – nevadassanena nabhāvanāya pahātabbahetuko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… vicikicchāsahagato uddhaccasahagato moho cittasamuṭṭhānānaṃ rūpānaṃ atthipaccayena paccayo. Paṭisandhikkhaṇe…pe… asaññasattānaṃ…pe…. Purejātaṃ – cakkhuṃ…pe… vatthuṃ aniccato…pe… dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… cakkhāyatanaṃ…pe… kāyāyatanaṃ…pe… vatthu nevadassanena nabhāvanāya pahātabbahetukānaṃ khandhānaṃ mohassa ca atthipaccayena paccayo. Pacchājātā – nevadassanena nabhāvanāya pahātabbahetukā khandhā ca moho ca purejātassa imassa kāyassa atthipaccayena paccayo; kabaḷīkāro āhāro imassa kāyassa…pe… rūpajīvitindriyaṃ kaṭattārūpānaṃ…pe…. (1)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – វិចិកិច្ឆាសហគតោ មោហោ សម្បយុត្តកានំ ខន្ធានំ អត្ថិបច្ចយេន បច្ចយោ។ បុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពហេតុកំ ទោមនស្សំ ឧប្បជ្ជតិ, វត្ថុ ទស្សនេន បហាតព្ពហេតុកានំ ខន្ធានំ អត្ថិបច្ចយេន បច្ចយោ។ (២)

Nevadassanena nabhāvanāya pahātabbahetuko dhammo dassanena pahātabbahetukassa dhammassa atthipaccayena paccayo – sahajātaṃ, purejātaṃ. Sahajāto – vicikicchāsahagato moho sampayuttakānaṃ khandhānaṃ atthipaccayena paccayo. Purejātaṃ – cakkhuṃ…pe… vatthuṃ assādeti abhinandati; taṃ ārabbha dassanena pahātabbahetuko rāgo uppajjati, diṭṭhi uppajjati, vicikicchā uppajjati, dassanena pahātabbahetukaṃ domanassaṃ uppajjati, vatthu dassanena pahātabbahetukānaṃ khandhānaṃ atthipaccayena paccayo. (2)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ឧទ្ធច្ចសហគតោ មោហោ សម្បយុត្តកានំ ខន្ធានំ អត្ថិបច្ចយេន បច្ចយោ។ បុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ…បេ.… វត្ថុ ភាវនាយ បហាតព្ពហេតុកានំ ខន្ធានំ អត្ថិបច្ចយេន បច្ចយោ។ (៣)

Nevadassanena nabhāvanāya pahātabbahetuko dhammo bhāvanāya pahātabbahetukassa dhammassa atthipaccayena paccayo – sahajātaṃ, purejātaṃ. Sahajāto – uddhaccasahagato moho sampayuttakānaṃ khandhānaṃ atthipaccayena paccayo. Purejātaṃ – cakkhuṃ…pe… vatthuṃ assādeti abhinandati…pe… vatthu bhāvanāya pahātabbahetukānaṃ khandhānaṃ atthipaccayena paccayo. (3)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – វិចិកិច្ឆាសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ បុរេជាតំ – ចក្ខុំ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ…បេ.… វត្ថុំ អារព្ភ…បេ.… វត្ថុ វិចិកិច្ឆាសហគតានំ ខន្ធានំ មោហស្ស ច អត្ថិបច្ចយេន បច្ចយោ។ (៤)

Nevadassanena nabhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa atthipaccayena paccayo – sahajātaṃ, purejātaṃ. Sahajāto – vicikicchāsahagato moho sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Purejātaṃ – cakkhuṃ ārabbha vicikicchāsahagatā khandhā ca moho ca uppajjanti…pe… vatthuṃ ārabbha…pe… vatthu vicikicchāsahagatānaṃ khandhānaṃ mohassa ca atthipaccayena paccayo. (4)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ បុរេជាតំ – ចក្ខុំ អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ…បេ.… វត្ថុំ អារព្ភ…បេ.… វត្ថុ ឧទ្ធច្ចសហគតានំ ខន្ធានំ មោហស្ស ច អត្ថិបច្ចយេន បច្ចយោ។ (៥)

Nevadassanena nabhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa atthipaccayena paccayo – sahajātaṃ, purejātaṃ. Sahajāto – uddhaccasahagato moho sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Purejātaṃ – cakkhuṃ ārabbha uddhaccasahagatā khandhā ca moho ca uppajjanti…pe… vatthuṃ ārabbha…pe… vatthu uddhaccasahagatānaṃ khandhānaṃ mohassa ca atthipaccayena paccayo. (5)

១០៦. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ទស្សនេន បហាតព្ពហេតុកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ …បេ.… ទ្វេ ខន្ធា…បេ.… វិចិកិច្ឆាសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.…។ (១)

106. Dassanena pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa dhammassa atthipaccayena paccayo – sahajātaṃ, purejātaṃ. Sahajāto – dassanena pahātabbahetuko eko khandho ca vatthu ca tiṇṇannaṃ khandhānaṃ atthipaccayena paccayo …pe… dve khandhā…pe… vicikicchāsahagato eko khandho ca moho ca tiṇṇannaṃ khandhānaṃ atthipaccayena paccayo…pe… dve khandhā…pe…. (1)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតា – ទស្សនេន បហាតព្ពហេតុកា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ សហជាតា – វិចិកិច្ឆាសហគតា ខន្ធា ច មោហោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ សហជាតា – វិចិកិច្ឆាសហគតា ខន្ធា ច វត្ថុ ច មោហស្ស អត្ថិបច្ចយេន បច្ចយោ។ បច្ឆាជាតា – វិចិកិច្ឆាសហគតា ខន្ធា ច មោហោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – ទស្សនេន បហាតព្ពហេតុកា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – ទស្សនេន បហាតព្ពហេតុកា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

Dassanena pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajātā – dassanena pahātabbahetukā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Sahajātā – vicikicchāsahagatā khandhā ca moho ca cittasamuṭṭhānānaṃ rūpānaṃ atthipaccayena paccayo. Sahajātā – vicikicchāsahagatā khandhā ca vatthu ca mohassa atthipaccayena paccayo. Pacchājātā – vicikicchāsahagatā khandhā ca moho ca purejātassa imassa kāyassa atthipaccayena paccayo. Pacchājātā – dassanena pahātabbahetukā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – dassanena pahātabbahetukā khandhā ca rūpajīvitindriyañca kaṭattārūpānaṃ atthipaccayena paccayo. (2)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – វិចិកិច្ឆាសហគតោ ឯកោ ខន្ធោ ច វត្ថុ ច តិណ្ណន្នំ ខន្ធានំ មោហស្ស ច អត្ថិបច្ចយេន បច្ចយោ…បេ.… ទ្វេ ខន្ធា…បេ.… វិចិកិច្ឆាសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា ច មោហោ ច…បេ.…។ (៣)

Dassanena pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa ca nevadassanena nabhāvanāya pahātabbahetukassa ca dhammassa atthipaccayena paccayo – sahajātaṃ, purejātaṃ. Sahajāto – vicikicchāsahagato eko khandho ca vatthu ca tiṇṇannaṃ khandhānaṃ mohassa ca atthipaccayena paccayo…pe… dve khandhā…pe… vicikicchāsahagato eko khandho ca moho ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca moho ca…pe…. (3)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ធម្មស្ស អត្ថិបច្ចយេន បច្ចយោ (សំខិត្តំ។ តិស្សោ បញ្ហា, ទស្សនេន នយេន វិភជិតព្ពា, ‘‘ឧទ្ធច្ច’’ន្តិ និយាមេតព្ពំ) នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ…។

Bhāvanāya pahātabbahetuko ca nevadassanena nabhāvanāya pahātabbahetuko ca dhammā bhāvanāya pahātabbahetukassa dhammassa atthipaccayena paccayo (saṃkhittaṃ. Tisso pañhā, dassanena nayena vibhajitabbā, ‘‘uddhacca’’nti niyāmetabbaṃ) natthipaccayena paccayo… vigatapaccayena paccayo… avigatapaccayena paccayo….

១. បច្ចយានុលោមំ

1. Paccayānulomaṃ

២. សង្ខ្យាវារោ

2. Saṅkhyāvāro

សុទ្ធំ

Suddhaṃ

១០៧. ហេតុយា ឯកាទស, អារម្មណេ ឯកវីស, អធិបតិយា ទស, អនន្តរេ សត្តរស, សមនន្តរេ សត្តរស, សហជាតេ សត្តរស, អញ្ញមញ្ញេ ឯកាទស, និស្សយេ សត្តរស, ឧបនិស្សយេ ឯកវីស, បុរេជាតេ បញ្ច, បច្ឆាជាតេ បញ្ច, អាសេវនេ សត្តរស, កម្មេ សត្ត, វិបាកេ ឯកំ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ ឯកាទស, វិប្បយុត្តេ នវ, អត្ថិយា សត្តរស, នត្ថិយា សត្តរស, វិគតេ សត្តរស, អវិគតេ សត្តរស (ឯវំ គណេតព្ពំ)។

107. Hetuyā ekādasa, ārammaṇe ekavīsa, adhipatiyā dasa, anantare sattarasa, samanantare sattarasa, sahajāte sattarasa, aññamaññe ekādasa, nissaye sattarasa, upanissaye ekavīsa, purejāte pañca, pacchājāte pañca, āsevane sattarasa, kamme satta, vipāke ekaṃ, āhāre satta, indriye satta, jhāne satta, magge satta, sampayutte ekādasa, vippayutte nava, atthiyā sattarasa, natthiyā sattarasa, vigate sattarasa, avigate sattarasa (evaṃ gaṇetabbaṃ).

អនុលោមំ។

Anulomaṃ.

បច្ចនីយុទ្ធារោ

Paccanīyuddhāro

១០៨. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

108. Dassanena pahātabbahetuko dhammo dassanena pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

ទស្សនេន បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ (២)

Dassanena pahātabbahetuko dhammo nevadassanena nabhāvanāya pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

Dassanena pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

១០៩. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

109. Bhāvanāya pahātabbahetuko dhammo bhāvanāya pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (២)

Bhāvanāya pahātabbahetuko dhammo dassanena pahātabbahetukassa dhammassa ārammaṇapaccayena paccayo… upanissayapaccayena paccayo. (2)

ភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (៣)

Bhāvanāya pahātabbahetuko dhammo nevadassanena nabhāvanāya pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (3)

ភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (៤)

Bhāvanāya pahātabbahetuko dhammo dassanena pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo… upanissayapaccayena paccayo. (4)

ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៥)

Bhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (5)

១១០. នេវទស្សនេន នភាវនាយ បហាតព្ពហេតុកោ ធម្មោ នេវទស្សនេន នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

110. Nevadassanena nabhāvanāya pahātabbahetuko dhammo nevadassanena nabhāvanāya pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

Nevadassanena nabhāvanāya pahātabbahetuko dhammo dassanena pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

Nevadassanena nabhāvanāya pahātabbahetuko dhammo bhāvanāya pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

នេវទស្សនេន នភាវនាយ បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៤)

នេវទស្សនេន នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៥)

Nevadassanena nabhāvanāya pahātabbahetuko dhammo bhāvanāya pahātabbahetukassa ca nevadassanena nabhāvanāya pahātabbahetukassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (5)

១១១. ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

111. Dassanena pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

(ឥធ សហជាតំ, បុរេជាតំ, មិស្សគតំ អត្ថិ, បាឡិយំ កាតព្ពំ។ គណនាយ ឧបធារេត្វា គណេតព្ពំ។)

(Idha sahajātaṃ, purejātaṃ, missagataṃ atthi, pāḷiyaṃ kātabbaṃ. Gaṇanāya upadhāretvā gaṇetabbaṃ.)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ (២)

Dassanena pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa sahajātaṃ, purejātaṃ, pacchājātaṃ, āhāraṃ, indriyaṃ. (2)

(ឥធាបិ អារម្មណបច្ចយា ឧបនិស្សយបច្ចយា អត្ថិ, បាឡិយំ នត្ថិ។ គណេន្តេន ឧបធារេត្វា គណេតព្ពំ។)

(Idhāpi ārammaṇapaccayā upanissayapaccayā atthi, pāḷiyaṃ natthi. Gaṇentena upadhāretvā gaṇetabbaṃ.)

ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

(ឥធាបិ ‘‘សហជាតំ, បុរេជាតំ’’ យំ មិស្សកបញ្ហា អត្ថិ, បាឡិយំ កាតព្ពំ)។

(Idhāpi ‘‘sahajātaṃ, purejātaṃ’’ yaṃ missakapañhā atthi, pāḷiyaṃ kātabbaṃ).

១១២. ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (១)

112. Bhāvanāya pahātabbahetuko ca nevadassanena nabhāvanāya pahātabbahetuko ca dhammā dassanena pahātabbahetukassa dhammassa ārammaṇapaccayena paccayo… upanissayapaccayena paccayo. (1)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (ឥធាបិ ‘‘សហជាតំ, បុរេជាតំ’’ យំ មិស្សកបញ្ហា អត្ថិ )។ (២)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā bhāvanāya pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo (idhāpi ‘‘sahajātaṃ, purejātaṃ’’ yaṃ missakapañhā atthi ). (2)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា នេវទស្សនេន នភាវនាយ បហាតព្ពហេតុកស្ស ធម្មស្ស សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (ឥធាបិ អារម្មណឧបនិស្សយា អត្ថិ)។ (៣)

Bhāvanāya pahātabbahetuko ca nevadassanena nabhāvanāya pahātabbahetuko ca dhammā nevadassanena nabhāvanāya pahātabbahetukassa dhammassa sahajātaṃ, purejātaṃ, pacchājātaṃ, āhāraṃ, indriyaṃ (idhāpi ārammaṇaupanissayā atthi). (3)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (៤)

ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ភាវនាយ បហាតព្ពហេតុកស្ស ច នេវទស្សនេន នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៥)

(ឥធាបិ សហជាតំ, បុរេជាតំ អត្ថិ។ យេ តេ បញ្ហា ន លិខិតា, តេ បាឡិយំ គណេន្តានំ ព្យញ្ជនេន ន សមេន្តិ។ តេ បាឡិយំ ន លិខិតា គណនា បាកដា ហោន្តិ។ យទិ សំសយោ ឧប្បជ្ជតិ, អនុលោមេ អត្ថិបច្ចយេ បេក្ខិតព្ពំ។)

(Idhāpi sahajātaṃ, purejātaṃ atthi. Ye te pañhā na likhitā, te pāḷiyaṃ gaṇentānaṃ byañjanena na samenti. Te pāḷiyaṃ na likhitā gaṇanā pākaṭā honti. Yadi saṃsayo uppajjati, anulome atthipaccaye pekkhitabbaṃ.)

២. បច្ចយបច្ចនីយំ

2. Paccayapaccanīyaṃ

២. សង្ខ្យាវារោ

2. Saṅkhyāvāro

សុទ្ធំ

Suddhaṃ

១១៣. នហេតុយា ឯកវីស, នអារម្មណេ នអធិបតិយា នអនន្តរេ នសមនន្តរេ នសហជាតេ នអញ្ញមញ្ញេ ននិស្សយេ នឧបនិស្សយេ នបុរេជាតេ នបច្ឆាជាតេ នអាសេវនេ នកម្មេ នវិបាកេ នអាហារេ នឥន្ទ្រិយេ នឈានេ នមគ្គេ នសម្បយុត្តេ នវិប្បយុត្តេ នោអត្ថិយា នោនត្ថិយា នោវិគតេ នោអវិគតេ សព្ពត្ថ ឯកវីស (ឯវំ គណេតព្ពំ)។

113. Nahetuyā ekavīsa, naārammaṇe naadhipatiyā naanantare nasamanantare nasahajāte naaññamaññe nanissaye naupanissaye napurejāte napacchājāte naāsevane nakamme navipāke naāhāre naindriye najhāne namagge nasampayutte navippayutte noatthiyā nonatthiyā novigate noavigate sabbattha ekavīsa (evaṃ gaṇetabbaṃ).

បច្ចនីយំ។

Paccanīyaṃ.

៣. បច្ចយានុលោមបច្ចនីយំ

3. Paccayānulomapaccanīyaṃ

ហេតុទុកំ

Hetudukaṃ

១១៤. ហេតុបច្ចយា នអារម្មណេ ឯកាទស, នអធិបតិយា នអនន្តរេ នសមនន្តរេ ឯកាទស, នអញ្ញមញ្ញេ តីណិ, នឧបនិស្សយេ នបុរេជាតេ នបច្ឆាជាតេ នអាសេវនេ នកម្មេ នវិបាកេ នអាហារេ នឥន្ទ្រិយេ នឈានេ នមគ្គេ ឯកាទស, នសម្បយុត្តេ តីណិ, នវិប្បយុត្តេ បញ្ច , នោនត្ថិយា ឯកាទស, នោវិគតេ ឯកាទស (ឯវំ គណេតព្ពំ)។

114. Hetupaccayā naārammaṇe ekādasa, naadhipatiyā naanantare nasamanantare ekādasa, naaññamaññe tīṇi, naupanissaye napurejāte napacchājāte naāsevane nakamme navipāke naāhāre naindriye najhāne namagge ekādasa, nasampayutte tīṇi, navippayutte pañca , nonatthiyā ekādasa, novigate ekādasa (evaṃ gaṇetabbaṃ).

អនុលោមបច្ចនីយំ។

Anulomapaccanīyaṃ.

៤. បច្ចយបច្ចនីយានុលោមំ

4. Paccayapaccanīyānulomaṃ

នហេតុទុកំ

Nahetudukaṃ

១១៥. នហេតុបច្ចយា អារម្មណេ ឯកវីស, អធិបតិយា ទស, អនន្តរេ សត្តរស, សមនន្តរេ សត្តរស, សហជាតេ សត្តរស, អញ្ញមញ្ញេ ឯកាទស, និស្សយេ សត្តរស, ឧបនិស្សយេ ឯកវីស, បុរេជាតេ បញ្ច, បច្ឆាជាតេ បញ្ច, អាសេវនេ សត្តរស, កម្មេ សត្ត, វិបាកេ ឯកំ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ ឯកាទស, វិប្បយុត្តេ នវ, អត្ថិយា សត្តរស, នត្ថិយា សត្តរស, វិគតេ សត្តរស, អវិគតេ សត្តរស (ឯវំ គណេតព្ពំ)។

115. Nahetupaccayā ārammaṇe ekavīsa, adhipatiyā dasa, anantare sattarasa, samanantare sattarasa, sahajāte sattarasa, aññamaññe ekādasa, nissaye sattarasa, upanissaye ekavīsa, purejāte pañca, pacchājāte pañca, āsevane sattarasa, kamme satta, vipāke ekaṃ, āhāre satta, indriye satta, jhāne satta, magge satta, sampayutte ekādasa, vippayutte nava, atthiyā sattarasa, natthiyā sattarasa, vigate sattarasa, avigate sattarasa (evaṃ gaṇetabbaṃ).

បច្ចនីយានុលោមំ។

Paccanīyānulomaṃ.

បញ្ហាវារោ។

Pañhāvāro.

ទស្សនេនបហាតព្ពហេតុកត្តិកំ និដ្ឋិតំ។

Dassanenapahātabbahetukattikaṃ niṭṭhitaṃ.

Next: ១០. អាចយគាមិត្តិកំ • 10. Ācayagāmittikaṃ

Related texts:

អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥-២២. សង្កិលិដ្ឋត្តិកាទិវណ្ណនា • 5-22. Saṅkiliṭṭhattikādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact