| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
11. д̣̇асуд̇д̇арасуд̇д̇аван̣н̣анаа
11. Dasuttarasuttavaṇṇanā
350. звам̣ мз суд̇анд̇и д̣̇асуд̇д̇арасуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа – аавусо бхигкавзд̇и саавагаанам̣ аалабанамзд̇ам̣. б̣уд̣̇д̇хаа хи барисам̣ ааманд̇аяамаанаа ‘бхигкавз’д̇и вад̣̇анд̇и. саавагаа сад̇т̇аарам̣ ужжадтаанз табзссаамаад̇и сад̇т̇у аалабанзна анаалабид̇ваа аавусод̇и аалабанд̇и. д̇з бхигкууд̇и д̇з д̇хаммасзнаабад̇им̣ бариваарзд̇ваа нисиннаа бхигкуу. гз бана д̇з бхигкууд̇и? аниб̣ад̣̇д̇хаваасаа д̣̇исааг̇аманийяаа бхигкуу. б̣уд̣̇д̇хагаалз д̣̇вз ваарз бхигкуу саннибад̇анд̇и – убагадтавассуубанааяигагаалз жа бавааран̣агаалз жа. убагадтавассуубанааяигааяа д̣̇асаби вийсад̇иби д̇им̣самби жад̇д̇аалийсамби бан̃н̃аасамби бхигкуу ваг̇г̇аа ваг̇г̇аа гаммадтаанад̇т̇ааяа ааг̇ажчанд̇и. бхаг̇аваа д̇зхи сад̣̇д̇хим̣ саммод̣̇ид̇ваа гасмаа, бхигкавз, убагадтааяа вассуубанааяигааяа вижарат̇аад̇и бужчад̇и. ат̇а д̇з ‘‘бхаг̇аваа гаммадтаанад̇т̇ам̣ ааг̇ад̇амха, гаммадтаанам̣ но д̣̇зт̇аа’’д̇и яаажанд̇и.
350.Evaṃme sutanti dasuttarasuttaṃ. Tatrāyaṃ apubbapadavaṇṇanā – āvuso bhikkhaveti sāvakānaṃ ālapanametaṃ. Buddhā hi parisaṃ āmantayamānā ‘bhikkhave’ti vadanti. Sāvakā satthāraṃ uccaṭṭhāne ṭhapessāmāti satthu ālapanena anālapitvā āvusoti ālapanti. Te bhikkhūti te dhammasenāpatiṃ parivāretvā nisinnā bhikkhū. Ke pana te bhikkhūti? Anibaddhavāsā disāgamanīyā bhikkhū. Buddhakāle dve vāre bhikkhū sannipatanti – upakaṭṭhavassūpanāyikakāle ca pavāraṇakāle ca. Upakaṭṭhavassūpanāyikāya dasapi vīsatipi tiṃsampi cattālīsampi paññāsampi bhikkhū vaggā vaggā kammaṭṭhānatthāya āgacchanti. Bhagavā tehi saddhiṃ sammoditvā kasmā, bhikkhave, upakaṭṭhāya vassūpanāyikāya vicarathāti pucchati. Atha te ‘‘bhagavā kammaṭṭhānatthaṃ āgatamha, kammaṭṭhānaṃ no dethā’’ti yācanti.
сад̇т̇аа д̇зсам̣ жарияавасзна рааг̇ажарид̇асса асубхагаммадтаанам̣ д̣̇зд̇и. д̣̇осажарид̇асса мзд̇д̇аагаммадтаанам̣, мохажарид̇асса уд̣̇д̣̇зсо барибужчаа – ‘гаалзна д̇хаммассаванам̣, гаалзна д̇хаммасаагажчаа, ид̣̇ам̣ д̇уяхам̣ саббааяа’нд̇и аажигкад̇и. вид̇аггажарид̇асса аанаабаанассад̇игаммадтаанам̣ д̣̇зд̇и. сад̣̇д̇хаажарид̇асса басаад̣̇анийяасуд̇д̇анд̇з б̣уд̣̇д̇хасуб̣од̇хим̣ д̇хаммасуд̇хаммад̇ам̣ сан̇гхасуббадибад̇д̇ин̃жа багаасзд̇и. н̃аан̣ажарид̇асса анижжад̇аад̣̇ибадисам̣яуд̇д̇з г̇амбхийрз суд̇д̇анд̇з гат̇зд̇и. д̇з гаммадтаанам̣ г̇ахзд̇ваа сажз саббааяам̣ ход̇и, д̇ад̇т̇зва васанд̇и. но жз ход̇и, саббааяам̣ сзнаасанам̣ бужчид̇ваа г̇ажчанд̇и. д̇з д̇ад̇т̇а васанд̇аа д̇змаасигам̣ бадибад̣̇ам̣ г̇ахзд̇ваа гхадзд̇ваа вааяаманд̇аа сод̇аабаннааби хонд̇и сагад̣̇ааг̇ааминоби анааг̇ааминоби араханд̇оби.
Satthā tesaṃ cariyavasena rāgacaritassa asubhakammaṭṭhānaṃ deti. Dosacaritassa mettākammaṭṭhānaṃ, mohacaritassa uddeso paripucchā – ‘kālena dhammassavanaṃ, kālena dhammasākacchā, idaṃ tuyhaṃ sappāya’nti ācikkhati. Vitakkacaritassa ānāpānassatikammaṭṭhānaṃ deti. Saddhācaritassa pasādanīyasuttante buddhasubodhiṃ dhammasudhammataṃ saṅghasuppaṭipattiñca pakāseti. Ñāṇacaritassa aniccatādipaṭisaṃyutte gambhīre suttante katheti. Te kammaṭṭhānaṃ gahetvā sace sappāyaṃ hoti, tattheva vasanti. No ce hoti, sappāyaṃ senāsanaṃ pucchitvā gacchanti. Te tattha vasantā temāsikaṃ paṭipadaṃ gahetvā ghaṭetvā vāyamantā sotāpannāpi honti sakadāgāminopi anāgāminopi arahantopi.
д̇ад̇о вуд̇т̇авассаа баваарзд̇ваа сад̇т̇у санд̇игам̣ г̇анд̇ваа ‘‘бхаг̇аваа ахам̣ д̇умхаагам̣ санд̇игз гаммадтаанам̣ г̇ахзд̇ваа сод̇аабад̇д̇ипалам̣ бад̇д̇о…бз… ахам̣ аг̇г̇апалам̣ арахад̇д̇а’’нд̇и бадилад̣̇д̇хаг̇ун̣ам̣ аарожзнд̇и. д̇ад̇т̇а имз бхигкуу убагадтааяа вассуубанааяигааяа ааг̇ад̇аа. звам̣ ааг̇анд̇ваа г̇ажчанд̇з бана бхигкуу бхаг̇аваа аг̇г̇асаавагаанам̣ санд̇игам̣ бзсзд̇и, яат̇ааха ‘‘абалогзт̇а бана, бхигкавз, саарибуд̇д̇амог̇г̇аллаанз’’д̇и. бхигкуу жа вад̣̇анд̇и ‘‘гим̣ ну ко маяам̣, бханд̇з, абалогзма саарибуд̇д̇амог̇г̇аллаанз’’д̇и (сам̣. ни. 3.2). ат̇а нз бхаг̇аваа д̇зсам̣ д̣̇ассанз уяяож̇зси. ‘‘сзват̇а, бхигкавз, саарибуд̇д̇амог̇г̇аллаанз; бхаж̇ат̇а, бхигкавз, саарибуд̇д̇амог̇г̇аллаанз. бан̣д̣ид̇аа бхигкуу ануг̇г̇аахагаа саб̣рахмажаарийнам̣. сзяяат̇ааби, бхигкавз, ж̇анзд̇аа звам̣ саарибуд̇д̇о. сзяяат̇ааби ж̇аад̇асса аабаад̣̇зд̇аа звам̣ мог̇г̇аллаано. саарибуд̇д̇о, бхигкавз, сод̇аабад̇д̇ипалз винзд̇и, мог̇г̇аллаано уд̇д̇амад̇т̇з’’д̇и (ма. ни. 3.371).
Tato vutthavassā pavāretvā satthu santikaṃ gantvā ‘‘bhagavā ahaṃ tumhākaṃ santike kammaṭṭhānaṃ gahetvā sotāpattiphalaṃ patto…pe… ahaṃ aggaphalaṃ arahatta’’nti paṭiladdhaguṇaṃ ārocenti. Tattha ime bhikkhū upakaṭṭhāya vassūpanāyikāya āgatā. Evaṃ āgantvā gacchante pana bhikkhū bhagavā aggasāvakānaṃ santikaṃ peseti, yathāha ‘‘apaloketha pana, bhikkhave, sāriputtamoggallāne’’ti. Bhikkhū ca vadanti ‘‘kiṃ nu kho mayaṃ, bhante, apalokema sāriputtamoggallāne’’ti (saṃ. ni. 3.2). Atha ne bhagavā tesaṃ dassane uyyojesi. ‘‘Sevatha, bhikkhave, sāriputtamoggallāne; bhajatha, bhikkhave, sāriputtamoggallāne. Paṇḍitā bhikkhū anuggāhakā sabrahmacārīnaṃ. Seyyathāpi, bhikkhave, janetā evaṃ sāriputto. Seyyathāpi jātassa āpādetā evaṃ moggallāno. Sāriputto, bhikkhave, sotāpattiphale vineti, moggallāno uttamatthe’’ti (ma. ni. 3.371).
д̇ад̣̇ааби бхаг̇аваа имзхи бхигкуухи сад̣̇д̇хим̣ бадисант̇аарам̣ гад̇ваа д̇зсам̣ бхигкуунам̣ аасаяам̣ убабаригканд̇о ‘‘имз бхигкуу саавагавинзяяаа’’д̇и ад̣̇д̣̇аса. саавагавинзяяаа наама яз б̣уд̣̇д̇хаанамби д̇хаммад̣̇зсанааяа б̣уж̇жханд̇и саавагаанамби. б̣уд̣̇д̇хавинзяяаа бана саавагаа б̣од̇хзд̇ум̣ на саггонд̇и. саавагавинзяяабхаавам̣ бана зд̇зсам̣ н̃ад̇ваа гад̇арасса бхигкуно д̣̇зсанааяа б̣уж̇жхиссанд̇ийд̇и ологзнд̇о саарибуд̇д̇ассаад̇и д̣̇исваа т̇зрасса санд̇игам̣ бзсзси. т̇зро д̇з бхигкуу бужчи ‘‘сад̇т̇у санд̇игам̣ г̇ад̇ад̇т̇а аавусо’’д̇и. ‘‘аама, г̇ад̇амха сад̇т̇аараа бана амхз д̇умхаагам̣ санд̇игам̣ бзсид̇аа’’д̇и. д̇ад̇о т̇зро ‘‘имз бхигкуу маяхам̣ д̣̇зсанааяа б̣уж̇жхиссанд̇и, гийд̣̇исий ну ко д̇зсам̣ д̣̇зсанаа ваддад̇ий’’д̇и жинд̇знд̇о ‘‘имз бхигкуу самаг̇г̇аараамаа, саамаг̇г̇ирасасса д̣̇ийбигаа нзсам̣ д̣̇зсанаа ваддад̇ий’’д̇и саннидтаанам̣ гад̇ваа д̇ат̇ааруубам̣ д̣̇зсанам̣ д̣̇зсзд̇угаамо д̣̇асуд̇д̇арам̣ бавагкаамийд̇иаад̣̇имааха. д̇ад̇т̇а д̣̇асад̇хаа маад̇игам̣ табзд̇ваа вибхад̇д̇од̇и д̣̇асуд̇д̇аро, згагад̇о бадтааяа яаава д̣̇асагаа г̇ад̇од̇иби д̣̇асуд̇д̇аро, згзгасмим̣ баб̣б̣з д̣̇аса д̣̇аса бан̃хаа висзсид̇аад̇иби д̣̇асуд̇д̇аро, д̇ам̣ д̣̇асуд̇д̇арам̣. бавагкаамийд̇и гат̇зссаами. д̇хамманд̇и суд̇д̇ам̣. ниб̣б̣аанабад̇д̇ияаад̇и ниб̣б̣аанабадилаабхад̇т̇ааяа. д̣̇угкассанд̇агирияааяаад̇и сагаласса ваддад̣̇угкасса барияанд̇агаран̣ад̇т̇ам̣. саб̣б̣аг̇ант̇аббаможананд̇и абхиж̇жхаагааяаг̇ант̇аад̣̇ийнам̣ саб̣б̣аг̇ант̇аанам̣ баможанам̣.
Tadāpi bhagavā imehi bhikkhūhi saddhiṃ paṭisanthāraṃ katvā tesaṃ bhikkhūnaṃ āsayaṃ upaparikkhanto ‘‘ime bhikkhū sāvakavineyyā’’ti addasa. Sāvakavineyyā nāma ye buddhānampi dhammadesanāya bujjhanti sāvakānampi. Buddhavineyyā pana sāvakā bodhetuṃ na sakkonti. Sāvakavineyyabhāvaṃ pana etesaṃ ñatvā katarassa bhikkhuno desanāya bujjhissantīti olokento sāriputtassāti disvā therassa santikaṃ pesesi. Thero te bhikkhū pucchi ‘‘satthu santikaṃ gatattha āvuso’’ti. ‘‘Āma, gatamha satthārā pana amhe tumhākaṃ santikaṃ pesitā’’ti. Tato thero ‘‘ime bhikkhū mayhaṃ desanāya bujjhissanti, kīdisī nu kho tesaṃ desanā vaṭṭatī’’ti cintento ‘‘ime bhikkhū samaggārāmā, sāmaggirasassa dīpikā nesaṃ desanā vaṭṭatī’’ti sanniṭṭhānaṃ katvā tathārūpaṃ desanaṃ desetukāmo dasuttaraṃ pavakkhāmītiādimāha. Tattha dasadhā mātikaṃ ṭhapetvā vibhattoti dasuttaro, ekakato paṭṭhāya yāva dasakā gatotipi dasuttaro, ekekasmiṃ pabbe dasa dasa pañhā visesitātipi dasuttaro, taṃ dasuttaraṃ. Pavakkhāmīti kathessāmi. Dhammanti suttaṃ. Nibbānapattiyāti nibbānapaṭilābhatthāya. Dukkhassantakiriyāyāti sakalassa vaṭṭadukkhassa pariyantakaraṇatthaṃ. Sabbaganthappamocananti abhijjhākāyaganthādīnaṃ sabbaganthānaṃ pamocanaṃ.
ид̇и т̇зро д̣̇зсанам̣ ужжам̣ гаронд̇о бхигкуунам̣ д̇ад̇т̇а бзмам̣ ж̇анзнд̇о звамзд̇ам̣ уг̇г̇ахзд̇аб̣б̣ам̣ барияаабун̣ид̇аб̣б̣ам̣ д̇хаарзд̇аб̣б̣ам̣ ваажзд̇аб̣б̣ам̣ ман̃н̃иссанд̇ийд̇и жад̇уухи бад̣̇зхи ван̣н̣ам̣ гат̇зси, ‘‘згааяано аяам̣, бхигкавз, маг̇г̇о’’д̇иаад̣̇инаа наязна д̇зсам̣ д̇зсам̣ суд̇д̇аанам̣ бхаг̇аваа вияа.
Iti thero desanaṃ uccaṃ karonto bhikkhūnaṃ tattha pemaṃ janento evametaṃ uggahetabbaṃ pariyāpuṇitabbaṃ dhāretabbaṃ vācetabbaṃ maññissantīti catūhi padehi vaṇṇaṃ kathesi, ‘‘ekāyano ayaṃ, bhikkhave, maggo’’tiādinā nayena tesaṃ tesaṃ suttānaṃ bhagavā viya.
згад̇хаммаван̣н̣анаа
Ekadhammavaṇṇanā
351. (га) д̇ад̇т̇а б̣ахугаарод̇и б̣ахуубагааро.
351. (Ka) tattha bahukāroti bahūpakāro.
(ка) бхаавзд̇аб̣б̣од̇и вад̣дхзд̇аб̣б̣о.
(Kha) bhāvetabboti vaḍḍhetabbo.
(г̇а) барин̃н̃зяяод̇и д̇ийхи барин̃н̃аахи бариж̇аанид̇аб̣б̣о.
(Ga) pariññeyyoti tīhi pariññāhi parijānitabbo.
(гха) бахаад̇аб̣б̣од̇и бахаанаанубассанааяа баж̇ахид̇аб̣б̣о.
(Gha) pahātabboti pahānānupassanāya pajahitabbo.
(н̇а) хаанабхааг̇ияод̇и абааяаг̇аамибарихаанааяа сам̣вад̇д̇анаго.
(Ṅa) hānabhāgiyoti apāyagāmiparihānāya saṃvattanako.
(жа) висзсабхааг̇ияод̇и висзсаг̇аамивисзсааяа сам̣вад̇д̇анаго.
(Ca) visesabhāgiyoti visesagāmivisesāya saṃvattanako.
(ча) д̣̇уббадивиж̇жход̇и д̣̇уббажжагкагаро.
(Cha) duppaṭivijjhoti duppaccakkhakaro.
(ж̇а) уббаад̣̇зд̇аб̣б̣од̇и нибпаад̣̇зд̇аб̣б̣о.
(Ja) uppādetabboti nipphādetabbo.
(жха) абхин̃н̃зяяод̇и н̃аад̇абарин̃н̃ааяа абхиж̇аанид̇аб̣б̣о.
(Jha) abhiññeyyoti ñātapariññāya abhijānitabbo.
(н̃а) сажчигаад̇аб̣б̣од̇и бажжагкам̣ гаад̇аб̣б̣о.
(Ña) sacchikātabboti paccakkhaṃ kātabbo.
звам̣ саб̣б̣ад̇т̇а маад̇игаасу ад̇т̇о взд̣̇ид̇аб̣б̣о. ид̇и ааяасмаа саарибуд̇д̇о яат̇аа наама д̣̇агко взл̣угааро саммукийбхууд̇ам̣ взл̣ум̣ чзд̇ваа ниг̇г̇ан̣тим̣ гад̇ваа д̣̇асад̇хаа кан̣д̣з гад̇ваа згамзгам̣ кан̣д̣ам̣ хийрам̣ хийрам̣ гаронд̇о паалзд̇и, звамзва д̇зсам̣ бхигкуунам̣ саббааяам̣ д̣̇зсанам̣ убабаригкид̇ваа д̣̇асад̇хаа маад̇игам̣ табзд̇ваа згзгагодтаасз згзгабад̣̇ам̣ вибхаж̇анд̇о ‘‘гад̇амо зго д̇хаммо б̣ахугааро, аббамаад̣̇о гусалзсу д̇хаммзсууд̇и’’д̇иаад̣̇инаа наязна д̣̇зсанам̣ вид̇т̇аарзд̇ум̣ аарад̣̇д̇хо.
Evaṃ sabbattha mātikāsu attho veditabbo. Iti āyasmā sāriputto yathā nāma dakkho veḷukāro sammukhībhūtaṃ veḷuṃ chetvā niggaṇṭhiṃ katvā dasadhā khaṇḍe katvā ekamekaṃ khaṇḍaṃ hīraṃ hīraṃ karonto phāleti, evameva tesaṃ bhikkhūnaṃ sappāyaṃ desanaṃ upaparikkhitvā dasadhā mātikaṃ ṭhapetvā ekekakoṭṭhāse ekekapadaṃ vibhajanto ‘‘katamo eko dhammo bahukāro, appamādo kusalesu dhammesūti’’tiādinā nayena desanaṃ vitthāretuṃ āraddho.
д̇ад̇т̇а аббамаад̣̇о гусалзсу д̇хаммзсууд̇и саб̣б̣ад̇т̇агам̣ убагаарагам̣ аббамаад̣̇ам̣ гат̇зси. аяан̃хи аббамаад̣̇о наама сийлабууран̣з, инд̣̇рияасам̣варз, бхож̇анз мад̇д̇ан̃н̃уд̇ааяа, ж̇ааг̇арияаануяог̇з, сад̇д̇асу сад̣̇д̇хаммзсу, вибассанааг̇аб̣бхам̣ г̇ан̣хаабанз, ад̇т̇абадисамбхид̣̇аад̣̇ийсу, сийлагканд̇хаад̣̇ибан̃жад̇хаммагканд̇хзсу, таанаадтаанзсу, махаавихаарасамаабад̇д̇ияам̣, арияасажжзсу, сад̇ибадтаанаад̣̇ийсу, б̣од̇хибагкиязсу, вибассанаан̃аан̣аад̣̇ийсу адтасу виж̇ж̇аасууд̇и саб̣б̣зсу анаваж̇ж̇адтзна гусалзсу д̇хаммзсу б̣ахуубагааро.
Tattha appamādo kusalesu dhammesūti sabbatthakaṃ upakārakaṃ appamādaṃ kathesi. Ayañhi appamādo nāma sīlapūraṇe, indriyasaṃvare, bhojane mattaññutāya, jāgariyānuyoge, sattasu saddhammesu, vipassanāgabbhaṃ gaṇhāpane, atthapaṭisambhidādīsu, sīlakkhandhādipañcadhammakkhandhesu, ṭhānāṭṭhānesu, mahāvihārasamāpattiyaṃ, ariyasaccesu, satipaṭṭhānādīsu, bodhipakkhiyesu, vipassanāñāṇādīsu aṭṭhasu vijjāsūti sabbesu anavajjaṭṭhena kusalesu dhammesu bahūpakāro.
д̇знзва нам̣ бхаг̇аваа ‘‘яаавад̇аа, бхигкавз, сад̇д̇аа абад̣̇аа ваа…бз… д̇ат̇ааг̇ад̇о д̇зсам̣ аг̇г̇амагкааяад̇и. звамзва ко, бхигкавз, яз гзжи гусалаа д̇хаммаа, саб̣б̣зд̇з аббамаад̣̇амуулагаа аббамаад̣̇асамосаран̣аа, аббамаад̣̇о д̇зсам̣ д̇хаммаанам̣ аг̇г̇амагкааяад̇ий’’д̇иаад̣̇инаа (сам̣. ни. 5.139) наязна хад̇т̇ибад̣̇аад̣̇ийхи обаммзхи обамзнд̇о сам̣яуд̇д̇анигааяз аббамаад̣̇аваг̇г̇з наанаббагаарам̣ т̇омзд̇и. д̇ам̣ саб̣б̣ам̣ згабад̣̇знзва сан̇г̇ахзд̇ваа т̇зро аббамаад̣̇о гусалзсу д̇хаммзсууд̇и ааха. д̇хаммабад̣̇з аббамаад̣̇аваг̇г̇знаабисса б̣ахуубагаарад̇аа д̣̇ийбзд̇аб̣б̣аа. асогавад̇т̇унааби д̣̇ийбзд̇аб̣б̣аа –
Teneva naṃ bhagavā ‘‘yāvatā, bhikkhave, sattā apadā vā…pe… tathāgato tesaṃ aggamakkhāyati. Evameva kho, bhikkhave, ye keci kusalā dhammā, sabbete appamādamūlakā appamādasamosaraṇā, appamādo tesaṃ dhammānaṃ aggamakkhāyatī’’tiādinā (saṃ. ni. 5.139) nayena hatthipadādīhi opammehi opamento saṃyuttanikāyeappamādavagge nānappakāraṃ thometi. Taṃ sabbaṃ ekapadeneva saṅgahetvā thero appamādo kusalesu dhammesūti āha. Dhammapade appamādavaggenāpissa bahūpakāratā dīpetabbā. Asokavatthunāpi dīpetabbā –
(га) асогарааж̇аа хи ниг̇род̇хасааман̣зрасса ‘‘аббамаад̣̇о амад̇абад̣̇а’’нд̇и г̇аат̇ам̣ суд̇ваа зва ‘‘д̇идта, д̇аад̇а, маяхам̣ д̇аяаа д̇збидагам̣ б̣уд̣̇д̇хаважанам̣ гат̇ид̇а’’нд̇и сааман̣зрз басийд̣̇ид̇ваа жад̇ураасийд̇ивихаарасахассаани гаарзси. ид̇и т̇аамасамбаннзна бхигкунаа аббамаад̣̇асса б̣ахуубагаарад̇аа д̇ийхи бидагзхи д̣̇ийбзд̇ваа гат̇зд̇аб̣б̣аа. яам̣гин̃жи суд̇д̇ам̣ ваа г̇аат̇ам̣ ваа аббамаад̣̇ад̣̇ийбанад̇т̇ам̣ аахаранд̇о ‘‘адтаанз тад̇ваа аахараси, ад̇ид̇т̇зна багканд̣̇о’’д̇и на вад̇д̇аб̣б̣о. д̇хаммагат̇игассзвзд̇т̇а т̇аамо жа б̣алан̃жа бамаан̣ам̣.
(Ka) asokarājā hi nigrodhasāmaṇerassa ‘‘appamādo amatapada’’nti gāthaṃ sutvā eva ‘‘tiṭṭha, tāta, mayhaṃ tayā tepiṭakaṃ buddhavacanaṃ kathita’’nti sāmaṇere pasīditvā caturāsītivihārasahassāni kāresi. Iti thāmasampannena bhikkhunā appamādassa bahūpakāratā tīhi piṭakehi dīpetvā kathetabbā. Yaṃkiñci suttaṃ vā gāthaṃ vā appamādadīpanatthaṃ āharanto ‘‘aṭṭhāne ṭhatvā āharasi, atitthena pakkhando’’ti na vattabbo. Dhammakathikassevettha thāmo ca balañca pamāṇaṃ.
(ка) гааяаг̇ад̇аасад̇ийд̇и аанаабаанам̣ жад̇уирияаабат̇о сад̇исамбаж̇ан̃н̃ам̣ д̣̇вад̇д̇им̣саагааро жад̇уд̇хаад̇увавад̇т̇аанам̣ д̣̇аса асубхаа нава сиват̇игаа жун̣н̣игаманасигааро гзсаад̣̇ийсу жад̇д̇аари руубаж̇жхаанаанийд̇и зд̇т̇а уббаннасад̇ияаа зд̇ам̣ ад̇хиважанам̣. саад̇асахаг̇ад̇аад̇и табзд̇ваа жад̇уд̇т̇аж̇жхаанам̣ ан̃н̃ад̇т̇а саад̇асахаг̇ад̇аа ход̇и сукасамбаяуд̇д̇аа, д̇ам̣ санд̇хааязд̇ам̣ вуд̇д̇ам̣.
(Kha) kāyagatāsatīti ānāpānaṃ catuiriyāpatho satisampajaññaṃ dvattiṃsākāro catudhātuvavatthānaṃ dasa asubhā nava sivathikā cuṇṇikamanasikāro kesādīsu cattāri rūpajjhānānīti ettha uppannasatiyā etaṃ adhivacanaṃ. Sātasahagatāti ṭhapetvā catutthajjhānaṃ aññattha sātasahagatā hoti sukhasampayuttā, taṃ sandhāyetaṃ vuttaṃ.
(г̇а) саасаво убаад̣̇аанияод̇и аасаваанан̃жзва убаад̣̇аанаанан̃жа бажжаяабхууд̇о. ид̇и д̇збхуумагад̇хаммамзва нияамзд̇и.
(Ga) sāsavo upādāniyoti āsavānañceva upādānānañca paccayabhūto. Iti tebhūmakadhammameva niyameti.
(гха) асмимаанод̇и руубаад̣̇ийсу асмийд̇и маано.
(Gha) asmimānoti rūpādīsu asmīti māno.
(н̇а) аяонисо манасигаарод̇и анижжз нижжанд̇иаад̣̇инаа наязна бавад̇д̇о уббат̇аманасигааро.
(Ṅa) ayoniso manasikāroti anicce niccantiādinā nayena pavatto uppathamanasikāro.
(жа) вибарияааязна яонисо манасигааро взд̣̇ид̇аб̣б̣о.
(Ca) vipariyāyena yoniso manasikāro veditabbo.
(ча) аананд̇ариго жзд̇осамаад̇хийд̇и ан̃н̃ад̇т̇а маг̇г̇аананд̇арам̣ палам̣ аананд̇ариго жзд̇осамаад̇хи наама . ид̇ха бана вибассанаананд̇аро маг̇г̇о вибассанааяа ваа ананд̇арад̇д̇аа ад̇д̇ано ваа ананд̇арам̣ палад̣̇ааяагад̇д̇аа аананд̇ариго жзд̇осамаад̇хийд̇и ад̇хиббзд̇о.
(Cha) ānantarikocetosamādhīti aññattha maggānantaraṃ phalaṃ ānantariko cetosamādhi nāma . Idha pana vipassanānantaro maggo vipassanāya vā anantarattā attano vā anantaraṃ phaladāyakattā ānantariko cetosamādhīti adhippeto.
(ж̇а) агуббам̣ н̃аан̣анд̇и ан̃н̃ад̇т̇а палабан̃н̃аа агуббан̃аан̣ам̣ наама. ид̇ха бажжавзгкан̣абан̃н̃аа ад̇хиббзд̇аа.
(Ja) akuppaṃ ñāṇanti aññattha phalapaññā akuppañāṇaṃ nāma. Idha paccavekkhaṇapaññā adhippetā.
(жха) аахаарадтид̇игаад̇и бажжаяадтид̇игаа. аяам̣ зго д̇хаммод̇и язна бажжаязна д̇идтанд̇и, аяам̣ зго д̇хаммо н̃аад̇абарин̃н̃ааяа абхин̃н̃зяяо.
(Jha) āhāraṭṭhitikāti paccayaṭṭhitikā. Ayaṃ eko dhammoti yena paccayena tiṭṭhanti, ayaṃ eko dhammo ñātapariññāya abhiññeyyo.
(н̃а) агуббаа жзд̇овимуд̇д̇ийд̇и арахад̇д̇апалавимуд̇д̇и.
(Ña) akuppācetovimuttīti arahattaphalavimutti.
имасмим̣ ваарз абхин̃н̃ааяа н̃аад̇абарин̃н̃аа гат̇ид̇аа. барин̃н̃ааяа д̇ийран̣абарин̃н̃аа. бахаад̇аб̣б̣асажчигаад̇аб̣б̣зхи бахаанабарин̃н̃аа. д̣̇уббадивиж̇жход̇и зд̇т̇а бана маг̇г̇о гат̇ид̇о. сажчигаад̇аб̣б̣од̇и палам̣ гат̇ид̇ам̣, маг̇г̇о згасмим̣язва бад̣̇з лаб̣бхад̇и. палам̣ бана анзгзсуби лаб̣бхад̇иязва.
Imasmiṃ vāre abhiññāya ñātapariññā kathitā. Pariññāya tīraṇapariññā. Pahātabbasacchikātabbehi pahānapariññā. Duppaṭivijjhoti ettha pana maggo kathito. Sacchikātabboti phalaṃ kathitaṃ, maggo ekasmiṃyeva pade labbhati. Phalaṃ pana anekesupi labbhatiyeva.
бхууд̇аад̇и сабхаавад̇о виж̇ж̇амаанаа. д̇ажчаад̇и яаат̇ааваа. д̇ат̇аад̇и яат̇аа вуд̇д̇аа д̇ат̇аасабхааваа. авид̇ат̇аад̇и яат̇аа вуд̇д̇аа на д̇ат̇аа на хонд̇и. анан̃н̃ат̇аад̇и вуд̇д̇аббагаарад̇о на ан̃н̃ат̇аа. саммаа д̇ат̇ааг̇ад̇зна абхисамб̣уд̣̇д̇хаад̇и д̇ат̇ааг̇ад̇зна б̣од̇хибаллан̇гз нисийд̣̇ид̇ваа хзд̇унаа гааран̣зна саяамзва абхисамб̣уд̣̇д̇хаа н̃аад̇аа вид̣̇ид̇аа сажчигад̇аа. иминаа т̇зро ‘‘имз д̇хаммаа д̇ат̇ааг̇ад̇зна абхисамб̣уд̣̇д̇хаа, ахам̣ бана д̇умхаагам̣ ран̃н̃о лзкаваажагасад̣̇исо’’д̇и ж̇инасуд̇д̇ам̣ д̣̇ассзнд̇о огаббанам̣ ж̇анзси.
Bhūtāti sabhāvato vijjamānā. Tacchāti yāthāvā. Tathāti yathā vuttā tathāsabhāvā. Avitathāti yathā vuttā na tathā na honti. Anaññathāti vuttappakārato na aññathā. Sammā tathāgatena abhisambuddhāti tathāgatena bodhipallaṅke nisīditvā hetunā kāraṇena sayameva abhisambuddhā ñātā viditā sacchikatā. Iminā thero ‘‘ime dhammā tathāgatena abhisambuddhā, ahaṃ pana tumhākaṃ rañño lekhavācakasadiso’’ti jinasuttaṃ dassento okappanaṃ janesi.
згад̇хаммаван̣н̣анаа нидтид̇аа.
Ekadhammavaṇṇanā niṭṭhitā.
д̣̇взд̇хаммаван̣н̣анаа
Dvedhammavaṇṇanā
352. (га) имз д̣̇вз д̇хаммаа б̣ахугаараад̇и имз д̣̇вз сад̇исамбаж̇ан̃н̃аа д̇хаммаа сийлабууран̣аад̣̇ийсу аббамаад̣̇о вияа саб̣б̣ад̇т̇а убагаарагаа хид̇аавахаа.
352. (Ka) ime dve dhammā bahukārāti ime dve satisampajaññā dhammā sīlapūraṇādīsu appamādo viya sabbattha upakārakā hitāvahā.
(ка) самат̇о жа вибассанаа жаад̇и имз д̣̇вз сан̇г̇ийд̇исуд̇д̇з логияалогуд̇д̇араа гат̇ид̇аа. имасмим̣ д̣̇асуд̇д̇арасуд̇д̇з буб̣б̣абхааг̇аа гат̇ид̇аа.
(Kha) samathoca vipassanā cāti ime dve saṅgītisutte lokiyalokuttarā kathitā. Imasmiṃ dasuttarasutte pubbabhāgā kathitā.
(ча) сад̇д̇аанам̣ сам̣гилзсааяа сад̇д̇аанам̣ висуд̣̇д̇хияаад̇и аяонисо манасигааро хзд̇у жзва бажжаяо жа сад̇д̇аанам̣ сам̣гилзсааяа, яонисо манасигааро висуд̣̇д̇хияаа. д̇ат̇аа д̣̇оважассад̇аа баабамид̇д̇ад̇аа сам̣гилзсааяа; соважассад̇аа галяаан̣амид̇д̇ад̇аа висуд̣̇д̇хияаа. д̇ат̇аа д̇ийн̣и агусаламуулаани; д̇ийн̣и гусаламуулаани. жад̇д̇ааро яог̇аа жад̇д̇ааро висам̣яог̇аа. бан̃жа жзд̇окилаа бан̃жинд̣̇рияаани. ча аг̇аараваа ча г̇аараваа. сад̇д̇а асад̣̇д̇хаммаа сад̇д̇а сад̣̇д̇хаммаа. адта гусийд̇авад̇т̇ууни адта аарамбхавад̇т̇ууни. нава аагхаад̇авад̇т̇ууни нава аагхаад̇аббадивинаяаа. д̣̇аса агусалагаммабат̇аа д̣̇аса гусалагаммабат̇аад̇и звам̣ бабхзд̣̇аа имз д̣̇вз д̇хаммаа д̣̇уббадивиж̇жхаад̇и взд̣̇ид̇аб̣б̣аа.
(Cha) sattānaṃ saṃkilesāya sattānaṃ visuddhiyāti ayoniso manasikāro hetu ceva paccayo ca sattānaṃ saṃkilesāya, yoniso manasikāro visuddhiyā. Tathā dovacassatā pāpamittatā saṃkilesāya; sovacassatā kalyāṇamittatā visuddhiyā. Tathā tīṇi akusalamūlāni; tīṇi kusalamūlāni. Cattāro yogā cattāro visaṃyogā. Pañca cetokhilā pañcindriyāni. Cha agāravā cha gāravā. Satta asaddhammā satta saddhammā. Aṭṭha kusītavatthūni aṭṭha ārambhavatthūni. Nava āghātavatthūni nava āghātappaṭivinayā. Dasa akusalakammapathā dasa kusalakammapathāti evaṃ pabhedā ime dve dhammā duppaṭivijjhāti veditabbā.
(жха) сан̇кад̇аа д̇хаад̇ууд̇и бажжаязхи гад̇аа бан̃жагканд̇хаа. асан̇кад̇аа д̇хаад̇ууд̇и бажжаязхи агад̇ам̣ ниб̣б̣аанам̣.
(Jha) saṅkhatā dhātūti paccayehi katā pañcakkhandhā. Asaṅkhatā dhātūti paccayehi akataṃ nibbānaṃ.
(н̃а) виж̇ж̇аа жа вимуд̇д̇и жаад̇и зд̇т̇а виж̇ж̇аад̇и д̇иссо виж̇ж̇аа. вимуд̇д̇ийд̇и арахад̇д̇апалам̣.
(Ña) vijjā ca vimutti cāti ettha vijjāti tisso vijjā. Vimuttīti arahattaphalaṃ.
имасмим̣ ваарз абхин̃н̃аад̣̇ийни згагасад̣̇исаанзва, уббаад̣̇зд̇аб̣б̣абад̣̇з бана маг̇г̇о гат̇ид̇о, сажчигаад̇аб̣б̣абад̣̇з палам̣.
Imasmiṃ vāre abhiññādīni ekakasadisāneva, uppādetabbapade pana maggo kathito, sacchikātabbapade phalaṃ.
д̣̇взд̇хаммаван̣н̣анаа нидтид̇аа.
Dvedhammavaṇṇanā niṭṭhitā.
д̇аяод̇хаммаван̣н̣анаа
Tayodhammavaṇṇanā
353. (ча) гаамаанамзд̇ам̣ ниссаран̣ам̣ яад̣̇ид̣̇ам̣ нзгкамманд̇и зд̇т̇а нзгкамманд̇и анааг̇аамимаг̇г̇о ад̇хиббзд̇о. со хи саб̣б̣асо гаамаанам̣ ниссаран̣ам̣. руубаанам̣ ниссаран̣ам̣ яад̣̇ид̣̇ам̣ ааруббанд̇и зд̇т̇а ааруббзби арахад̇д̇амаг̇г̇о. буна уббад̇д̇инивааран̣ад̇о саб̣б̣асо руубаанам̣ ниссаран̣ам̣ наама. нирод̇хо д̇асса ниссаран̣анд̇и ид̇ха арахад̇д̇апалам̣ нирод̇ход̇и ад̇хиббзд̇ам̣. арахад̇д̇апалзна хи ниб̣б̣аанз д̣̇идтз буна ааяад̇им̣ саб̣б̣асан̇каараа на хонд̇ийд̇и арахад̇д̇ам̣ сан̇кад̇анирод̇хасса бажжаяад̇д̇аа нирод̇ход̇и вуд̇д̇ам̣.
353. (Cha) kāmānametaṃ nissaraṇaṃ yadidaṃ nekkhammanti ettha nekkhammanti anāgāmimaggo adhippeto. So hi sabbaso kāmānaṃ nissaraṇaṃ. Rūpānaṃ nissaraṇaṃ yadidaṃ āruppanti ettha āruppepi arahattamaggo. Puna uppattinivāraṇato sabbaso rūpānaṃ nissaraṇaṃ nāma. Nirodho tassanissaraṇanti idha arahattaphalaṃ nirodhoti adhippetaṃ. Arahattaphalena hi nibbāne diṭṭhe puna āyatiṃ sabbasaṅkhārā na hontīti arahattaṃ saṅkhatanirodhassa paccayattā nirodhoti vuttaṃ.
(ж̇а) ад̇ийд̇ам̣сз н̃аан̣анд̇и ад̇ийд̇ам̣саарамман̣ам̣ н̃аан̣ам̣ ид̇арзсуби зсзва наяо.
(Ja) atītaṃse ñāṇanti atītaṃsārammaṇaṃ ñāṇaṃ itaresupi eseva nayo.
имасмимби ваарз абхин̃н̃аад̣̇аяо згагасад̣̇исаава. д̣̇уббадивиж̇жхабад̣̇з бана маг̇г̇о гат̇ид̇о, сажчигаад̇аб̣б̣з палам̣.
Imasmimpi vāre abhiññādayo ekakasadisāva. Duppaṭivijjhapade pana maggo kathito, sacchikātabbe phalaṃ.
д̇аяод̇хаммаван̣н̣анаа нидтид̇аа.
Tayodhammavaṇṇanā niṭṭhitā.
жад̇д̇аарод̇хаммаван̣н̣анаа
Cattārodhammavaṇṇanā
354. (га) жад̇д̇аари жаггаанийд̇и зд̇т̇а жаггам̣ наама д̣̇ааружаггам̣, рад̇анажаггам̣, д̇хаммажаггам̣, ирияаабат̇ажаггам̣, самбад̇д̇ижагганд̇и бан̃жавид̇хам̣. д̇ад̇т̇а ‘‘яам̣ банид̣̇ам̣ самма, рат̇агаара, жаггам̣ чахи маасзхи нидтид̇ам̣, чаарад̇д̇уунзхий’’д̇и (а. ни. 3.15) ид̣̇ам̣ д̣̇ааружаггам̣. ‘‘бид̇араа бавад̇д̇ид̇ам̣ жаггам̣ ануббавад̇д̇зд̇ий’’д̇и (а. ни. 5.132) ид̣̇ам̣ рад̇анажаггам̣. ‘‘бавад̇д̇ид̇ам̣ жагга’’нд̇и (ма. ни. 2.399) ид̣̇ам̣ д̇хаммажаггам̣. ‘‘жад̇ужаггам̣ навад̣̇ваара’’нд̇и (сам̣. ни. 1.29) ид̣̇ам̣ ирияаабат̇ажаггам̣. ‘‘жад̇д̇ааримаани, бхигкавз, жаггаани, язхи саманнааг̇ад̇аанам̣ д̣̇звамануссаанам̣ жад̇ужаггам̣ бавад̇д̇ад̇ий’’д̇и (а. ни. 4.31) ид̣̇ам̣ самбад̇д̇ижаггам̣. ид̇хааби зд̇ад̣̇зва ад̇хиббзд̇ам̣.
354. (Ka) cattāri cakkānīti ettha cakkaṃ nāma dārucakkaṃ, ratanacakkaṃ, dhammacakkaṃ, iriyāpathacakkaṃ, sampatticakkanti pañcavidhaṃ. Tattha ‘‘yaṃ panidaṃ samma, rathakāra, cakkaṃ chahi māsehi niṭṭhitaṃ, chārattūnehī’’ti (a. ni. 3.15) idaṃ dārucakkaṃ. ‘‘Pitarā pavattitaṃ cakkaṃ anuppavattetī’’ti (a. ni. 5.132) idaṃ ratanacakkaṃ. ‘‘Pavattitaṃ cakka’’nti (ma. ni. 2.399) idaṃ dhammacakkaṃ. ‘‘Catucakkaṃ navadvāra’’nti (saṃ. ni. 1.29) idaṃ iriyāpathacakkaṃ. ‘‘Cattārimāni, bhikkhave, cakkāni, yehi samannāgatānaṃ devamanussānaṃ catucakkaṃ pavattatī’’ti (a. ni. 4.31) idaṃ sampatticakkaṃ. Idhāpi etadeva adhippetaṃ.
бад̇ируубад̣̇зсаваасод̇и яад̇т̇а жад̇ассо барисаа санд̣̇иссанд̇и, зваруубз анужчавигз д̣̇зсз ваасо. саббурисуубаниссаяод̇и б̣уд̣̇д̇хаад̣̇ийнам̣ саббурисаанам̣ авассаяанам̣ сзванам̣ бхаж̇анам̣. ад̇д̇асаммаабан̣ид̇хийд̇и ад̇д̇ано саммаа табанам̣, сажз бана буб̣б̣з ассад̣̇д̇хаад̣̇ийхи саманнааг̇ад̇о ход̇и, д̇аани бахааяа сад̣̇д̇хаад̣̇ийсу бад̇идтаабанам̣. буб̣б̣з жа гад̇абун̃н̃ад̇аад̇и буб̣б̣з убажид̇агусалад̇аа. ид̣̇амзвзд̇т̇а бамаан̣ам̣. язна хи н̃аан̣асамбаяуд̇д̇ажид̇д̇зна гусалам̣ гад̇ам̣ ход̇и, д̇ад̣̇зва гусалам̣ д̇ам̣ бурисам̣ бад̇ируубад̣̇зсз убанзд̇и, саббурисз бхаж̇аабзси . со зва жа буг̇г̇ало ад̇д̇аанам̣ саммаа табзд̇и. жад̇уусу аахаарзсу батамо логияова. сзсаа бана д̇аяо сан̇г̇ийд̇исуд̇д̇з логияалогуд̇д̇арамиссагаа гат̇ид̇аа. ид̇ха буб̣б̣абхааг̇з логияаа.
Patirūpadesavāsoti yattha catasso parisā sandissanti, evarūpe anucchavike dese vāso. Sappurisūpanissayoti buddhādīnaṃ sappurisānaṃ avassayanaṃ sevanaṃ bhajanaṃ. Attasammāpaṇidhīti attano sammā ṭhapanaṃ, sace pana pubbe assaddhādīhi samannāgato hoti, tāni pahāya saddhādīsu patiṭṭhāpanaṃ. Pubbe ca katapuññatāti pubbe upacitakusalatā. Idamevettha pamāṇaṃ. Yena hi ñāṇasampayuttacittena kusalaṃ kataṃ hoti, tadeva kusalaṃ taṃ purisaṃ patirūpadese upaneti, sappurise bhajāpesi . So eva ca puggalo attānaṃ sammā ṭhapeti. Catūsu āhāresu paṭhamo lokiyova. Sesā pana tayo saṅgītisutte lokiyalokuttaramissakā kathitā. Idha pubbabhāge lokiyā.
(жа) гаамаяог̇ависам̣яог̇аад̣̇аяо анааг̇аамимаг̇г̇аад̣̇ивасзна взд̣̇ид̇аб̣б̣аа.
(Ca) kāmayogavisaṃyogādayo anāgāmimaggādivasena veditabbā.
(ча) хаанабхааг̇ияаад̣̇ийсу батамасса жхаанасса лаабхий гаамасахаг̇ад̇аа сан̃н̃ааманасигаараа самуд̣̇аажаранд̇и хаанабхааг̇ияо самаад̇хи. д̇ад̣̇ануд̇хаммад̇аа сад̇и санд̇идтад̇и тид̇ибхааг̇ияо самаад̇хи. вид̇аггасахаг̇ад̇аа сан̃н̃ааманасигаараа самуд̣̇аажаранд̇и висзсабхааг̇ияо самаад̇хи. ниб̣б̣ид̣̇аасахаг̇ад̇аа сан̃н̃ааманасигаараа самуд̣̇аажаранд̇и вирааг̇уубасан̃хид̇о ниб̣б̣зд̇хабхааг̇ияо самаад̇хийд̇и иминаа наязна саб̣б̣асамаабад̇д̇ияо вид̇т̇аарзд̇ваа ад̇т̇о взд̣̇ид̇аб̣б̣о. висуд̣̇д̇химаг̇г̇з банасса винижчаяагат̇аа гат̇ид̇аава.
(Cha) hānabhāgiyādīsu paṭhamassa jhānassa lābhī kāmasahagatā saññāmanasikārā samudācaranti hānabhāgiyo samādhi. Tadanudhammatā sati santiṭṭhati ṭhitibhāgiyo samādhi. Vitakkasahagatā saññāmanasikārā samudācaranti visesabhāgiyo samādhi. Nibbidāsahagatā saññāmanasikārā samudācaranti virāgūpasañhito nibbedhabhāgiyo samādhīti iminā nayena sabbasamāpattiyo vitthāretvā attho veditabbo. Visuddhimagge panassa vinicchayakathā kathitāva.
имасмимби ваарз абхин̃н̃аад̣̇ийни згагасад̣̇исаанзва. абхин̃н̃аабад̣̇з банзд̇т̇а маг̇г̇о гат̇ид̇о. сажчигаад̇аб̣б̣абад̣̇з палам̣.
Imasmimpi vāre abhiññādīni ekakasadisāneva. Abhiññāpade panettha maggo kathito. Sacchikātabbapade phalaṃ.
жад̇д̇аарод̇хаммаван̣н̣анаа нидтид̇аа.
Cattārodhammavaṇṇanā niṭṭhitā.
бан̃жад̇хаммаван̣н̣анаа
Pañcadhammavaṇṇanā
355. (ка) бийд̇ипаран̣ад̇аад̣̇ийсу бийд̇им̣ парамаанаа уббаж̇ж̇ад̇ийд̇и д̣̇вийсу жхаанзсу бан̃н̃аа бийд̇ипаран̣ад̇аа наама. сукам̣ парамаанам̣ уббаж̇ж̇ад̇ийд̇и д̇ийсу жхаанзсу бан̃н̃аа сукапаран̣ад̇аа наама. барзсам̣ жзд̇о парамаанаа уббаж̇ж̇ад̇ийд̇и жзд̇обарияабан̃н̃аа жзд̇опаран̣ад̇аа наама. аалогапаран̣з уббаж̇ж̇ад̇ийд̇и д̣̇иб̣б̣ажагкубан̃н̃аа аалогапаран̣ад̇аа наама. бажжавзгкан̣ан̃аан̣ам̣ бажжавзгкан̣анимид̇д̇ам̣ наама. вуд̇д̇амби жзд̇ам̣ ‘‘д̣̇вийсу жхаанзсу бан̃н̃аа бийд̇ипаран̣ад̇аа, д̇ийсу жхаанзсу бан̃н̃аа сукапаран̣ад̇аа. баражид̇д̇з бан̃н̃аа жзд̇опаран̣ад̇аа, д̣̇иб̣б̣ажагку аалогапаран̣ад̇аа. д̇амхаа д̇амхаа самаад̇химхаа вудтид̇асса бажжавзгкан̣ан̃аан̣ам̣ бажжавзгкан̣анимид̇д̇а’’нд̇и (вибха. 804).
355. (Kha) pītipharaṇatādīsu pītiṃ pharamānā uppajjatīti dvīsu jhānesu paññā pītipharaṇatā nāma. Sukhaṃ pharamānaṃ uppajjatīti tīsu jhānesu paññā sukhapharaṇatā nāma. Paresaṃ ceto pharamānā uppajjatīti cetopariyapaññā cetopharaṇatā nāma. Ālokapharaṇe uppajjatīti dibbacakkhupaññā ālokapharaṇatā nāma. Paccavekkhaṇañāṇaṃ paccavekkhaṇanimittaṃ nāma. Vuttampi cetaṃ ‘‘dvīsu jhānesu paññā pītipharaṇatā, tīsu jhānesu paññā sukhapharaṇatā. Paracitte paññā cetopharaṇatā, dibbacakkhu ālokapharaṇatā. Tamhā tamhā samādhimhā vuṭṭhitassa paccavekkhaṇañāṇaṃ paccavekkhaṇanimitta’’nti (vibha. 804).
д̇ад̇т̇а бийд̇ипаран̣ад̇аа сукапаран̣ад̇аа д̣̇вз баад̣̇аа вияа. жзд̇опаран̣ад̇аа аалогапаран̣ад̇аа д̣̇вз хад̇т̇аа вияа. абхин̃н̃аабаад̣̇агаж̇жхаанам̣ маж̇жхимагааяо вияа . бажжавзгкан̣анимид̇д̇ам̣ сийсам̣ вияа. ид̇и ааяасмаа саарибуд̇д̇ад̇т̇зро бан̃жан̇г̇игам̣ саммаасамаад̇хим̣ ан̇г̇абажжан̇г̇асамбаннам̣ бурисам̣ гад̇ваа д̣̇ассзси.
Tattha pītipharaṇatā sukhapharaṇatā dve pādā viya. Cetopharaṇatā ālokapharaṇatā dve hatthā viya. Abhiññāpādakajjhānaṃ majjhimakāyo viya . Paccavekkhaṇanimittaṃ sīsaṃ viya. Iti āyasmā sāriputtatthero pañcaṅgikaṃ sammāsamādhiṃ aṅgapaccaṅgasampannaṃ purisaṃ katvā dassesi.
(ж̇а) аяам̣ самаад̇хи бажжуббаннасуко жз ваад̇иаад̣̇ийсу арахад̇д̇апаласамаад̇хи ад̇хиббзд̇о. со хи аббид̇аббид̇агкан̣з сукад̇д̇аа бажжуббаннасуко. буримо буримо бажчимасса бажчимасса самаад̇хисукасса бажжаяад̇д̇аа ааяад̇им̣ сукавибааго.
(Ja) ayaṃ samādhi paccuppannasukho ce vātiādīsu arahattaphalasamādhi adhippeto. So hi appitappitakkhaṇe sukhattā paccuppannasukho. Purimo purimo pacchimassa pacchimassa samādhisukhassa paccayattā āyatiṃ sukhavipāko.
гилзсзхи аарагад̇д̇аа арияо. гаамаамисаваддаамисалогаамисаанам̣ абхааваа нираамисо. б̣уд̣̇д̇хаад̣̇ийхи махаабурисзхи сзвид̇ад̇д̇аа агаабурисасзвид̇о. ан̇г̇асанд̇ад̇ааяа аарамман̣асанд̇ад̇ааяа саб̣б̣агилзсад̣̇арат̇асанд̇ад̇ааяа жа санд̇о. ад̇аббанийяадтзна бан̣ийд̇о. гилзсабадиббассад̣̇д̇хияаа лад̣̇д̇хад̇д̇аа гилзсабадиббассад̣̇д̇хибхаавам̣ ваа лад̣̇д̇хад̇д̇аа бадиббассад̣̇д̇халад̣̇д̇хо. бадиббассад̣̇д̇хам̣ бадиббассад̣̇д̇хийд̇и хи ид̣̇ам̣ ад̇т̇ад̇о згам̣. бадиббассад̣̇д̇хагилзсзна ваа арахад̇аа лад̣̇д̇хад̇д̇аа бадиббассад̣̇д̇халад̣̇д̇хо. згод̣̇ибхаавзна ад̇хиг̇ад̇ад̇д̇аа згод̣̇ибхаавамзва ваа ад̇хиг̇ад̇ад̇д̇аа згод̣̇ибхааваад̇хиг̇ад̇о. аббаг̇ун̣асаасавасамаад̇хи вияа сасан̇каарзна саббаяог̇зна жид̇д̇зна бажжанийгад̇хаммз ниг̇г̇аяха гилзсз ваарзд̇ваа анад̇хиг̇ад̇ад̇д̇аа насасан̇каараниг̇г̇аяхаваарид̇аг̇ад̇о. д̇ан̃жа самаад̇хим̣ самаабаж̇ж̇анд̇о д̇ад̇о ваа вудтаханд̇о сад̇ивзбуллабад̇д̇ад̇д̇аа. сад̇ова самаабаж̇ж̇ад̇и сад̇о вудтахад̇и. яат̇аабарижчиннагаалавасзна ваа сад̇о самаабаж̇ж̇ад̇и сад̇о вудтахад̇и. д̇асмаа яад̣̇зд̇т̇а ‘‘аяам̣ самаад̇хи бажжуббаннасуко жзва ааяад̇ин̃жа сукавибааго’’д̇и звам̣ бажжавзгкамаанасса бажжад̇д̇ам̣язва абараббажжаяам̣ н̃аан̣ам̣ уббаж̇ж̇ад̇и, д̇ам̣ згаман̇г̇ам̣. зса наяо сзсзсуби. звамимзхи бан̃жахи бажжавзгкан̣ан̃аан̣зхи аяам̣ самаад̇хи ‘‘бан̃жан̃аан̣иго саммаасамаад̇хий’’д̇и вуд̇д̇о.
Kilesehi ārakattā ariyo. Kāmāmisavaṭṭāmisalokāmisānaṃ abhāvā nirāmiso. Buddhādīhi mahāpurisehi sevitattā akāpurisasevito. Aṅgasantatāya ārammaṇasantatāya sabbakilesadarathasantatāya ca santo. Atappanīyaṭṭhena paṇīto. Kilesapaṭippassaddhiyā laddhattā kilesapaṭippassaddhibhāvaṃ vā laddhattā paṭippassaddhaladdho. Paṭippassaddhaṃ paṭippassaddhīti hi idaṃ atthato ekaṃ. Paṭippassaddhakilesena vā arahatā laddhattā paṭippassaddhaladdho. Ekodibhāvena adhigatattā ekodibhāvameva vā adhigatattā ekodibhāvādhigato. Appaguṇasāsavasamādhi viya sasaṅkhārena sappayogena cittena paccanīkadhamme niggayha kilese vāretvā anadhigatattā nasasaṅkhāraniggayhavāritagato. Tañca samādhiṃ samāpajjanto tato vā vuṭṭhahanto sativepullapattattā. Satova samāpajjati sato vuṭṭhahati. Yathāparicchinnakālavasena vā sato samāpajjati sato vuṭṭhahati. Tasmā yadettha ‘‘ayaṃ samādhi paccuppannasukho ceva āyatiñca sukhavipāko’’ti evaṃ paccavekkhamānassa paccattaṃyeva aparappaccayaṃ ñāṇaṃ uppajjati, taṃ ekamaṅgaṃ. Esa nayo sesesupi. Evamimehi pañcahi paccavekkhaṇañāṇehi ayaṃ samādhi ‘‘pañcañāṇiko sammāsamādhī’’ti vutto.
имасмим̣ ваарз висзсабхааг̇ияабад̣̇з маг̇г̇о гат̇ид̇о. сажчигаад̇аб̣б̣абад̣̇з палам̣. сзсам̣ буримасад̣̇исамзва.
Imasmiṃ vāre visesabhāgiyapade maggo kathito. Sacchikātabbapade phalaṃ. Sesaṃ purimasadisameva.
чад̇хаммаван̣н̣анаа
Chadhammavaṇṇanā
356. чаггзсу саб̣б̣ам̣ уд̇д̇аанад̇т̇амзва. д̣̇уббадивиж̇жхабад̣̇з банзд̇т̇а маг̇г̇о гат̇ид̇о. сзсам̣ буримасад̣̇исам̣.
356. Chakkesu sabbaṃ uttānatthameva. Duppaṭivijjhapade panettha maggo kathito. Sesaṃ purimasadisaṃ.
сад̇д̇ад̇хаммаван̣н̣анаа
Sattadhammavaṇṇanā
357. (н̃а) саммаббан̃н̃ааяа суд̣̇идтаа хонд̇ийд̇и хзд̇унаа наязна вибассанаан̃аан̣зна суд̣̇идтаа хонд̇и. гаамаад̇и вад̇т̇угаамаа жа гилзсагаамаа жа, д̣̇взби сабарил̣аахадтзна ан̇г̇аарагаасу вияа суд̣̇идтаа хонд̇и. вивзганиннанд̇и ниб̣б̣аананиннам̣. бон̣ам̣ баб̣бхааранд̇и ниннассзд̇ам̣ взважанам̣. б̣яанд̇ийбхууд̇анд̇и нияад̇ибхууд̇ам̣. нид̇д̇ан̣ханд̇и ад̇т̇о. гуд̇о? саб̣б̣асо аасавадтаанийязхи д̇хаммзхи д̇збхуумагад̇хаммзхийд̇и ад̇т̇о. ид̇ха бхаавзд̇аб̣б̣абад̣̇з маг̇г̇о гат̇ид̇о. сзсам̣ буримасад̣̇исамзва.
357. (Ña) sammappaññāyasudiṭṭhā hontīti hetunā nayena vipassanāñāṇena sudiṭṭhā honti. Kāmāti vatthukāmā ca kilesakāmā ca, dvepi sapariḷāhaṭṭhena aṅgārakāsu viya sudiṭṭhā honti. Vivekaninnanti nibbānaninnaṃ. Poṇaṃ pabbhāranti ninnassetaṃ vevacanaṃ. Byantībhūtanti niyatibhūtaṃ. Nittaṇhanti attho. Kuto? Sabbaso āsavaṭṭhānīyehi dhammehi tebhūmakadhammehīti attho. Idha bhāvetabbapade maggo kathito. Sesaṃ purimasadisameva.
адтад̇хаммаван̣н̣анаа
Aṭṭhadhammavaṇṇanā
358. (га) аад̣̇иб̣рахмажарияигааяа бан̃н̃ааяаад̇и сигкад̇д̇аяасан̇г̇ахасса маг̇г̇аб̣рахмажарияасса аад̣̇ибхууд̇ааяа буб̣б̣абхааг̇з д̇арун̣асамат̇авибассанаабан̃н̃ааяа . адтан̇г̇игасса ваа маг̇г̇асса аад̣̇ибхууд̇ааяа саммаад̣̇идтибан̃н̃ааяа. д̇иб̣б̣анд̇и б̣алавам̣. хирод̇д̇аббанд̇и хирий жа од̇д̇аббан̃жа. бзманд̇и г̇зхассид̇абзмам̣. г̇ааравод̇и г̇аружид̇д̇абхааво. г̇арубхааванийяан̃хи убаниссааяа вихарад̇о гилзсаа нуббаж̇ж̇анд̇и оваад̣̇аанусаасаним̣ лабхад̇и. д̇асмаа д̇ам̣ ниссааяа вихааро бан̃н̃аабадилаабхасса бажжаяо ход̇и.
358. (Ka) ādibrahmacariyikāya paññāyāti sikkhattayasaṅgahassa maggabrahmacariyassa ādibhūtāya pubbabhāge taruṇasamathavipassanāpaññāya . Aṭṭhaṅgikassa vā maggassa ādibhūtāya sammādiṭṭhipaññāya. Tibbanti balavaṃ. Hirottappanti hirī ca ottappañca. Pemanti gehassitapemaṃ. Gāravoti garucittabhāvo. Garubhāvanīyañhi upanissāya viharato kilesā nuppajjanti ovādānusāsaniṃ labhati. Tasmā taṃ nissāya vihāro paññāpaṭilābhassa paccayo hoti.
(ча) агкан̣зсу яасмаа бзд̇аа асураанам̣ аавааханам̣ г̇ажчанд̇и, вивааханам̣ г̇ажчанд̇и, д̇асмаа бзд̇д̇ивисаязнзва асурагааяо г̇ахид̇од̇и взд̣̇ид̇аб̣б̣о.
(Cha) akkhaṇesu yasmā petā asurānaṃ āvāhanaṃ gacchanti, vivāhanaṃ gacchanti, tasmā pettivisayeneva asurakāyo gahitoti veditabbo.
(ж̇а) аббижчассаад̇и зд̇т̇а бажжаяааббижчо, ад̇хиг̇амааббижчо, барияад̇д̇иаббижчо, д̇худ̇ан̇г̇ааббижчод̇и жад̇д̇ааро аббижчаа. д̇ад̇т̇а бажжаяааббижчо б̣ахум̣ д̣̇знд̇з аббам̣ г̇ан̣хаад̇и, аббам̣ д̣̇знд̇з аббад̇арам̣ ваа г̇ан̣хаад̇и, на ваа г̇ан̣хаад̇и, на анавасзсаг̇аахий ход̇и. ад̇хиг̇амааббижчо маж̇жханд̇игад̇т̇зро вияа ад̇д̇ано ад̇хиг̇амам̣ ан̃н̃зсам̣ ж̇аанид̇ум̣ на д̣̇зд̇и. барияад̇д̇иаббижчо д̇збидагоби самаано на б̣ахуссуд̇абхаавам̣ ж̇аанаабзд̇угаамо ход̇и саагзд̇ад̇иссад̇т̇зро вияа. д̇худ̇ан̇г̇ааббижчо д̇худ̇ан̇г̇абарихаран̣абхаавам̣ ан̃н̃зсам̣ ж̇аанид̇ум̣ на д̣̇зд̇и д̣̇взбхаад̇игад̇т̇зрзсу ж̇здтагад̇т̇зро вияа. вад̇т̇у висуд̣̇д̇химаг̇г̇з гат̇ид̇ам̣. аяам̣ д̇хаммод̇и звам̣ санд̇аг̇ун̣аниг̇ууханзна жа бажжаяабадиг̇г̇ахан̣з мад̇д̇ан̃н̃уд̇ааяа жа аббижчасса буг̇г̇аласса аяам̣ навалогуд̇д̇арад̇хаммо самбаж̇ж̇ад̇и, но махижчасса. звам̣ саб̣б̣ад̇т̇а яож̇зд̇аб̣б̣ам̣.
(Ja) appicchassāti ettha paccayaappiccho, adhigamaappiccho, pariyattiappiccho, dhutaṅgaappicchoti cattāro appicchā. Tattha paccayaappiccho bahuṃ dente appaṃ gaṇhāti, appaṃ dente appataraṃ vā gaṇhāti, na vā gaṇhāti, na anavasesagāhī hoti. Adhigamaappiccho majjhantikatthero viya attano adhigamaṃ aññesaṃ jānituṃ na deti. Pariyattiappiccho tepiṭakopi samāno na bahussutabhāvaṃ jānāpetukāmo hoti sāketatissatthero viya. Dhutaṅgaappiccho dhutaṅgapariharaṇabhāvaṃ aññesaṃ jānituṃ na deti dvebhātikattheresu jeṭṭhakatthero viya. Vatthu visuddhimagge kathitaṃ. Ayaṃ dhammoti evaṃ santaguṇanigūhanena ca paccayapaṭiggahaṇe mattaññutāya ca appicchassa puggalassa ayaṃ navalokuttaradhammo sampajjati, no mahicchassa. Evaṃ sabbattha yojetabbaṃ.
санд̇удтассаад̇и жад̇уусу бажжаязсу д̇ийхи санд̇осзхи санд̇удтасса. бавивид̇д̇ассаад̇и гааяажид̇д̇аубад̇хививзгзхи вивид̇д̇асса. д̇ад̇т̇а гааяавивзго наама г̇ан̣асан̇г̇ан̣игам̣ винод̣̇зд̇ваа адтааарамбхавад̇т̇увасзна згийбхааво. згийбхаавамад̇д̇зна бана гаммам̣ на нибпаж̇ж̇ад̇ийд̇и гасин̣абаригаммам̣ гад̇ваа адта самаабад̇д̇ияо ниб̣б̣ад̇д̇зд̇и, аяам̣ жид̇д̇авивзго наама. самаабад̇д̇имад̇д̇знзва гаммам̣ на нибпаж̇ж̇ад̇ийд̇и жхаанам̣ баад̣̇агам̣ гад̇ваа сан̇каарз саммасид̇ваа саха бадисамбхид̣̇аахи арахад̇д̇ам̣ баабун̣аад̇и, аяам̣ убад̇хививзго наама. д̇знааха бхаг̇аваа – ‘‘гааяавивзго жа вивзгадтагааяаанам̣ нзгкаммаабхирад̇аанам̣. жид̇д̇авивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣. убад̇хививзго жа нирубад̇хийнам̣ буг̇г̇алаанам̣ висан̇каараг̇ад̇аана’’нд̇и (махаани. 49).
Santuṭṭhassāti catūsu paccayesu tīhi santosehi santuṭṭhassa. Pavivittassāti kāyacittaupadhivivekehi vivittassa. Tattha kāyaviveko nāma gaṇasaṅgaṇikaṃ vinodetvā aṭṭhaārambhavatthuvasena ekībhāvo. Ekībhāvamattena pana kammaṃ na nipphajjatīti kasiṇaparikammaṃ katvā aṭṭha samāpattiyo nibbatteti, ayaṃ cittaviveko nāma. Samāpattimatteneva kammaṃ na nipphajjatīti jhānaṃ pādakaṃ katvā saṅkhāre sammasitvā saha paṭisambhidāhi arahattaṃ pāpuṇāti, ayaṃ upadhiviveko nāma. Tenāha bhagavā – ‘‘kāyaviveko ca vivekaṭṭhakāyānaṃ nekkhammābhiratānaṃ. Cittaviveko ca parisuddhacittānaṃ paramavodānappattānaṃ. Upadhiviveko ca nirupadhīnaṃ puggalānaṃ visaṅkhāragatāna’’nti (mahāni. 49).
сан̇г̇ан̣игаараамассаад̇и г̇ан̣асан̇г̇ан̣игааяа жзва гилзсасан̇г̇ан̣игааяа жа рад̇асса. аарад̣̇д̇хавийрияассаад̇и гааяигажзд̇асигавийрияавасзна аарад̣̇д̇хавийрияасса. убадтид̇асад̇иссаад̇и жад̇усад̇ибадтаанавасзна убадтид̇асад̇исса. самаахид̇ассаад̇и згаг̇г̇ажид̇д̇асса. бан̃н̃авад̇од̇и гаммассагад̇абан̃н̃ааяа бан̃н̃авад̇о. ниббабан̃жассаад̇и виг̇ад̇амаанад̇ан̣хаад̣̇идтибабан̃жасса.
Saṅgaṇikārāmassāti gaṇasaṅgaṇikāya ceva kilesasaṅgaṇikāya ca ratassa. Āraddhavīriyassāti kāyikacetasikavīriyavasena āraddhavīriyassa. Upaṭṭhitasatissāti catusatipaṭṭhānavasena upaṭṭhitasatissa. Samāhitassāti ekaggacittassa. Paññavatoti kammassakatapaññāya paññavato. Nippapañcassāti vigatamānataṇhādiṭṭhipapañcassa.
ид̇ха бхаавзд̇аб̣б̣абад̣̇з маг̇г̇о гат̇ид̇о. сзсам̣ буримасад̣̇исамзва.
Idha bhāvetabbapade maggo kathito. Sesaṃ purimasadisameva.
навад̇хаммаван̣н̣анаа
Navadhammavaṇṇanā
359. (ка) сийлависуд̣̇д̇хийд̇и висуд̣̇д̇хим̣ баабзд̇ум̣ самад̇т̇ам̣ жад̇убаарисуд̣̇д̇хисийлам̣. баарисуд̣̇д̇хибад̇хаанияан̇г̇анд̇и барисуд̣̇д̇хабхаавасса бад̇хаанан̇г̇ам̣. жид̇д̇ависуд̣̇д̇хийд̇и вибассанааяа бад̣̇адтаанабхууд̇аа адта баг̇ун̣асамаабад̇д̇ияо. д̣̇идтивисуд̣̇д̇хийд̇и сабажжаяанаамаруубад̣̇ассанам̣. ган̇каавид̇аран̣ависуд̣̇д̇хийд̇и бажжаяаагааран̃аан̣ам̣. ад̣̇д̇хад̇д̇аязби хи бажжаяавасзнзва д̇хаммаа бавад̇д̇анд̇ийд̇и бассад̇о ган̇кам̣ вид̇арад̇и. маг̇г̇аамаг̇г̇ан̃аан̣ад̣̇ассанависуд̣̇д̇хийд̇и обхаасаад̣̇аяо на маг̇г̇о, вийт̇иббадибаннам̣ уд̣̇аяаб̣б̣аяан̃аан̣ам̣ маг̇г̇од̇и звам̣ маг̇г̇аамаг̇г̇з н̃аан̣ам̣. бадибад̣̇аан̃аан̣ад̣̇ассанависуд̣̇д̇хийд̇и рат̇авинийд̇з вудтаанаг̇ааминивибассанаа гат̇ид̇аа, ид̇ха д̇арун̣авибассанаа. н̃аан̣ад̣̇ассанависуд̣̇д̇хийд̇и рат̇авинийд̇з маг̇г̇о гат̇ид̇о, ид̇ха вудтаанаг̇ааминивибассанаа. зд̇аа бана сад̇д̇аби висуд̣̇д̇хияо вид̇т̇аарзна висуд̣̇д̇химаг̇г̇з гат̇ид̇аа. бан̃н̃аад̇и арахад̇д̇апалабан̃н̃аа. вимуд̇д̇иби арахад̇д̇апалавимуд̇д̇иязва.
359. (Kha) sīlavisuddhīti visuddhiṃ pāpetuṃ samatthaṃ catupārisuddhisīlaṃ. Pārisuddhipadhāniyaṅganti parisuddhabhāvassa padhānaṅgaṃ. Cittavisuddhīti vipassanāya padaṭṭhānabhūtā aṭṭha paguṇasamāpattiyo. Diṭṭhivisuddhīti sapaccayanāmarūpadassanaṃ. Kaṅkhāvitaraṇavisuddhīti paccayākārañāṇaṃ. Addhattayepi hi paccayavaseneva dhammā pavattantīti passato kaṅkhaṃ vitarati. Maggāmaggañāṇadassanavisuddhīti obhāsādayo na maggo, vīthippaṭipannaṃ udayabbayañāṇaṃ maggoti evaṃ maggāmagge ñāṇaṃ. Paṭipadāñāṇadassanavisuddhīti rathavinīte vuṭṭhānagāminivipassanā kathitā, idha taruṇavipassanā. Ñāṇadassanavisuddhīti rathavinīte maggo kathito, idha vuṭṭhānagāminivipassanā. Etā pana sattapi visuddhiyo vitthārena visuddhimagge kathitā. Paññāti arahattaphalapaññā. Vimuttipi arahattaphalavimuttiyeva.
(ча) д̇хаад̇унаанад̇д̇ам̣ бадижжа уббаж̇ж̇ад̇и пассанаанад̇д̇анд̇и жагкаад̣̇ид̇хаад̇унаанад̇д̇ам̣ бадижжа жагкусампассаад̣̇инаанад̇д̇ам̣ уббаж̇ж̇ад̇ийд̇и ад̇т̇о. пассанаанад̇д̇ам̣ бадижжаад̇и жагкусампассаад̣̇инаанад̇д̇ам̣ бадижжа . взд̣̇анаанаанад̇д̇анд̇и жагкусампассаж̇аад̣̇ивзд̣̇анаанаанад̇д̇ам̣. сан̃н̃аанаанад̇д̇ам̣ бадижжаад̇и гаамасан̃н̃аад̣̇инаанад̇д̇ам̣ бадижжа. сан̇габбанаанад̇д̇анд̇и гаамасан̇габбаад̣̇инаанад̇д̇ам̣. сан̇габбанаанад̇д̇ам̣ бадижжа уббаж̇ж̇ад̇и чанд̣̇анаанад̇д̇анд̇и сан̇габбанаанад̇д̇ад̇ааяа руубз чанд̣̇о сад̣̇д̣̇з чанд̣̇од̇и звам̣ чанд̣̇анаанад̇д̇ам̣ уббаж̇ж̇ад̇и. барил̣ааханаанад̇д̇анд̇и чанд̣̇анаанад̇д̇ад̇ааяа руубабарил̣аахо сад̣̇д̣̇абарил̣ааход̇и звам̣ барил̣ааханаанад̇д̇ам̣ уббаж̇ж̇ад̇и. бариязсанаанаанад̇д̇анд̇и барил̣ааханаанад̇д̇ад̇ааяа руубабариязсанаад̣̇инаанад̇д̇ам̣ уббаж̇ж̇ад̇и. лаабханаанад̇д̇анд̇и бариязсанаанаанад̇д̇ад̇ааяа руубабадилаабхаад̣̇инаанад̇д̇ам̣ уббаж̇ж̇ад̇и.
(Cha) dhātunānattaṃ paṭicca uppajjati phassanānattanti cakkhādidhātunānattaṃ paṭicca cakkhusamphassādinānattaṃ uppajjatīti attho. Phassanānattaṃ paṭiccāti cakkhusamphassādinānattaṃ paṭicca . Vedanānānattanti cakkhusamphassajādivedanānānattaṃ. Saññānānattaṃ paṭiccāti kāmasaññādinānattaṃ paṭicca. Saṅkappanānattanti kāmasaṅkappādinānattaṃ. Saṅkappanānattaṃ paṭicca uppajjati chandanānattanti saṅkappanānattatāya rūpe chando sadde chandoti evaṃ chandanānattaṃ uppajjati. Pariḷāhanānattanti chandanānattatāya rūpapariḷāho saddapariḷāhoti evaṃ pariḷāhanānattaṃ uppajjati. Pariyesanānānattanti pariḷāhanānattatāya rūpapariyesanādinānattaṃ uppajjati. Lābhanānattanti pariyesanānānattatāya rūpapaṭilābhādinānattaṃ uppajjati.
(ж̇а) сан̃н̃аасу маран̣асан̃н̃аад̇и маран̣аанубассанаан̃аан̣з сан̃н̃аа. аахаарзбадигууласан̃н̃аад̇и аахаарам̣ бариг̇г̇ан̣ханд̇асса уббаннасан̃н̃аа. саб̣б̣алогзанабхирад̇исан̃н̃аад̇и саб̣б̣асмим̣ ваддз угган̣танд̇асса уббаннасан̃н̃аа. сзсаа хздтаа гат̇ид̇аа зва. ид̇ха б̣ахугаарабад̣̇з маг̇г̇о гат̇ид̇о. сзсам̣ буримасад̣̇исамзва.
(Ja) saññāsu maraṇasaññāti maraṇānupassanāñāṇe saññā. Āhārepaṭikūlasaññāti āhāraṃ pariggaṇhantassa uppannasaññā. Sabbalokeanabhiratisaññāti sabbasmiṃ vaṭṭe ukkaṇṭhantassa uppannasaññā. Sesā heṭṭhā kathitā eva. Idha bahukārapade maggo kathito. Sesaṃ purimasadisameva.
д̣̇асад̇хаммаван̣н̣анаа
Dasadhammavaṇṇanā
360. (жха) ниж̇ж̇аравад̇т̇уунийд̇и ниж̇ж̇арагааран̣аани. мижчаад̣̇идти ниж̇ж̇ин̣н̣аа ход̇ийд̇и аяам̣ хздтаа вибассанааяаби ниж̇ж̇ин̣н̣аа зва бахийнаа. гасмаа буна г̇ахид̇аад̇и асамужчиннад̇д̇аа. вибассанааяа хи гин̃жааби ж̇ин̣н̣аа, на бана самужчиннаа, маг̇г̇о бана уббаж̇ж̇ид̇ваа д̇ам̣ самужчинд̣̇ад̇и, на буна вудтаад̇ум̣ д̣̇зд̇и. д̇асмаа буна г̇ахид̇аа. звам̣ саб̣б̣абад̣̇зсу наяо нзд̇аб̣б̣о.
360. (Jha) nijjaravatthūnīti nijjarakāraṇāni. Micchādiṭṭhi nijjiṇṇā hotīti ayaṃ heṭṭhā vipassanāyapi nijjiṇṇā eva pahīnā. Kasmā puna gahitāti asamucchinnattā. Vipassanāya hi kiñcāpi jiṇṇā, na pana samucchinnā, maggo pana uppajjitvā taṃ samucchindati, na puna vuṭṭhātuṃ deti. Tasmā puna gahitā. Evaṃ sabbapadesu nayo netabbo.
зд̇т̇а жа саммаад̣̇идтибажжаяаа жад̇усадти д̇хаммаа бхааванаабаарибуурим̣ г̇ажчанд̇и. гад̇амз жад̇усадти? сод̇аабад̇д̇имаг̇г̇агкан̣з ад̇химогкадтзна сад̣̇д̇хинд̣̇рияам̣ барибуурзд̇и, баг̇г̇ахадтзна вийрияинд̣̇рияам̣ барибуурзд̇и, ануссаран̣адтзна сад̇инд̣̇рияам̣ барибуурзд̇и, авигкзбадтзна самаад̇хинд̣̇рияам̣ барибуурзд̇и, д̣̇ассанадтзна бан̃н̃инд̣̇рияам̣ барибуурзд̇и, виж̇аананадтзна манинд̣̇рияам̣, абхинанд̣̇анадтзна соманассинд̣̇рияам̣, бавад̇д̇асанд̇ад̇иад̇хибад̇зяяадтзна ж̇ийвид̇инд̣̇рияам̣ барибуурзд̇и…бз… арахад̇д̇апалагкан̣з ад̇химогкадтзна сад̣̇д̇хинд̣̇рияам̣, бавад̇д̇асанд̇ад̇иад̇хибад̇зяяадтзна ж̇ийвид̇инд̣̇рияам̣ барибуурзд̇ийд̇и звам̣ жад̇уусу маг̇г̇зсу жад̇уусу палзсу адта адта худ̇ваа жад̇усадти д̇хаммаа баарибуурим̣ г̇ажчанд̇и. ид̇ха абхин̃н̃зяяабад̣̇з маг̇г̇о гат̇ид̇о. сзсам̣ буримасад̣̇исамзва.
Ettha ca sammādiṭṭhipaccayā catusaṭṭhi dhammā bhāvanāpāripūriṃ gacchanti. Katame catusaṭṭhi? Sotāpattimaggakkhaṇe adhimokkhaṭṭhena saddhindriyaṃ paripūreti, paggahaṭṭhena vīriyindriyaṃ paripūreti, anussaraṇaṭṭhena satindriyaṃ paripūreti, avikkhepaṭṭhena samādhindriyaṃ paripūreti, dassanaṭṭhena paññindriyaṃ paripūreti, vijānanaṭṭhena manindriyaṃ, abhinandanaṭṭhena somanassindriyaṃ, pavattasantatiadhipateyyaṭṭhena jīvitindriyaṃ paripūreti…pe… arahattaphalakkhaṇe adhimokkhaṭṭhena saddhindriyaṃ, pavattasantatiadhipateyyaṭṭhena jīvitindriyaṃ paripūretīti evaṃ catūsu maggesu catūsu phalesu aṭṭha aṭṭha hutvā catusaṭṭhi dhammā pāripūriṃ gacchanti. Idha abhiññeyyapade maggo kathito. Sesaṃ purimasadisameva.
ид̇ха тад̇ваа бан̃хаа самод̇хаанзд̇аб̣б̣аа. д̣̇асагз сад̇ам̣ бан̃хаа гат̇ид̇аа. згагз жа навагз жа сад̇ам̣ , д̣̇угз жа адтагз жа сад̇ам̣, д̇игз жа сад̇д̇агз жа сад̇ам̣, жад̇уггз жа чаггз жа сад̇ам̣, бан̃жагз бан̃н̃аасаад̇и ад̣дхачадтаани бан̃хасад̇аани гат̇ид̇аани хонд̇и.
Idha ṭhatvā pañhā samodhānetabbā. Dasake sataṃ pañhā kathitā. Ekake ca navake ca sataṃ , duke ca aṭṭhake ca sataṃ, tike ca sattake ca sataṃ, catukke ca chakke ca sataṃ, pañcake paññāsāti aḍḍhachaṭṭhāni pañhasatāni kathitāni honti.
‘‘ид̣̇амавожа ааяасмаа саарибуд̇д̇о, ад̇д̇аманаа д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇у’’нд̇и саад̇ху, саад̇хууд̇и абхинанд̣̇анд̇аа сирасаа самбадижчим̣су. д̇ааяа жа бана ад̇д̇аманад̇ааяа имамзва суд̇д̇ам̣ ааваж̇ж̇амаанаа бан̃жасад̇ааби д̇з бхигкуу саха бадисамбхид̣̇аахи аг̇г̇апалз арахад̇д̇з бад̇идтахим̣сууд̇и.
‘‘Idamavoca āyasmā sāriputto, attamanā te bhikkhū āyasmato sāriputtassa bhāsitaṃ abhinandu’’nti sādhu, sādhūti abhinandantā sirasā sampaṭicchiṃsu. Tāya ca pana attamanatāya imameva suttaṃ āvajjamānā pañcasatāpi te bhikkhū saha paṭisambhidāhi aggaphale arahatte patiṭṭhahiṃsūti.
суман̇г̇алавилаасинияаа д̣̇ийгханигааяадтагат̇ааяа
Sumaṅgalavilāsiniyā dīghanikāyaṭṭhakathāya
д̣̇асуд̇д̇арасуд̇д̇аван̣н̣анаа нидтид̇аа.
Dasuttarasuttavaṇṇanā niṭṭhitā.
нидтид̇аа жа баат̇игаваг̇г̇асса ван̣н̣анаад̇и.
Niṭṭhitā ca pāthikavaggassa vaṇṇanāti.
баат̇игаваг̇г̇адтагат̇аа нидтид̇аа.
Pāthikavaggaṭṭhakathā niṭṭhitā.
ниг̇аманагат̇аа
Nigamanakathā
зд̇д̇аавад̇аа жа –
Ettāvatā ca –
ааяаажид̇о суман̇г̇ала, баривзн̣аниваасинаа т̇ираг̇ун̣зна;
Āyācito sumaṅgala, pariveṇanivāsinā thiraguṇena;
д̣̇аатаанааг̇асан̇гхад̇т̇зрзна, т̇зравам̣санваязна.
Dāṭhānāgasaṅghattherena, theravaṃsanvayena.
д̣̇ийгхааг̇амаварасса д̣̇асаб̣ала, г̇ун̣аг̇ан̣абарид̣̇ийбанасса адтагат̇ам̣;
Dīghāgamavarassa dasabala, guṇagaṇaparidīpanassa aṭṭhakathaṃ;
яам̣ аарабхим̣ суман̇г̇ала, вилаасиним̣ наама наамзна.
Yaṃ ārabhiṃ sumaṅgala, vilāsiniṃ nāma nāmena.
саа хи махаадтагат̇ааяа, саарамаад̣̇ааяа нидтид̇аа;
Sā hi mahāṭṭhakathāya, sāramādāya niṭṭhitā;
зсаа згаасийд̇ибамаан̣ааяа, баал̣ияаа бхаан̣аваарзхи.
Esā ekāsītipamāṇāya, pāḷiyā bhāṇavārehi.
згуунасадтимад̇д̇о, висуд̣̇д̇химаг̇г̇оби бхаан̣аваарзхи;
Ekūnasaṭṭhimatto, visuddhimaggopi bhāṇavārehi;
ад̇т̇аббагаасанад̇т̇ааяа, ааг̇амаанам̣ гад̇о яасмаа.
Atthappakāsanatthāya, āgamānaṃ kato yasmā.
д̇асмаа д̇зна сахаа’яам̣, адтагат̇аа бхаан̣аваараг̇ан̣анааяа;
Tasmā tena sahā’yaṃ, aṭṭhakathā bhāṇavāragaṇanāya;
субаримид̇абарижчиннам̣, жад̇д̇аалийсасад̇ам̣ ход̇и.
Suparimitaparicchinnaṃ, cattālīsasataṃ hoti.
саб̣б̣ам̣ жад̇д̇аалийсаад̇хигасад̇а, баримаан̣ам̣ бхаан̣аваарад̇о звам̣;
Sabbaṃ cattālīsādhikasata, parimāṇaṃ bhāṇavārato evaṃ;
самаяам̣ багаасаяанд̇им̣, махаавихаарз ниваасинам̣.
Samayaṃ pakāsayantiṃ, mahāvihāre nivāsinaṃ.
муулагадтагат̇аасаара, маад̣̇ааяа маяаа имам̣ гаронд̇зна;
Mūlakaṭṭhakathāsāra, mādāya mayā imaṃ karontena;
яам̣ бун̃н̃амубажид̇ам̣ д̇зна, ход̇у саб̣б̣о сукий логод̇и.
Yaṃ puññamupacitaṃ tena, hotu sabbo sukhī lokoti.
барамависуд̣̇д̇хасад̣̇д̇хааб̣уд̣̇д̇хивийрияабадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇аахан̣асамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇иббабхзд̣̇з саадтагат̇з сад̇т̇усаасанз аббадихад̇ан̃аан̣аббабхаавзна махаавзяяаагаран̣зна гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважаналааван̣н̣аяуд̇д̇зна яуд̇д̇амуд̇д̇аваад̣̇инаа ваад̣̇ийварзна махаагавинаа бабхиннабадисамбхид̣̇аабариваарз чал̣абхин̃н̃аад̣̇иббабхзд̣̇аг̇ун̣абадиман̣д̣ид̇з уд̇д̇аримануссад̇хаммз суббад̇идтид̇аб̣уд̣̇д̇хийнам̣ т̇зравам̣саббад̣̇ийбаанам̣ т̇зраанам̣ махаавихаараваасийнам̣ вам̣саалан̇гаарабхууд̇зна вибулависуд̣̇д̇хаб̣уд̣̇д̇хинаа б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇аа аяам̣ суман̇г̇алавилаасиний наама д̣̇ийгханигааяадтагат̇аа –
Paramavisuddhasaddhābuddhivīriyapaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhaṇasamatthena paññāveyyattiyasamannāgatena tipiṭakapariyattippabhede sāṭṭhakathe satthusāsane appaṭihatañāṇappabhāvena mahāveyyākaraṇena karaṇasampattijanitasukhaviniggatamadhurodāravacanalāvaṇṇayuttena yuttamuttavādinā vādīvarena mahākavinā pabhinnapaṭisambhidāparivāre chaḷabhiññādippabhedaguṇapaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katā ayaṃ sumaṅgalavilāsinī nāma dīghanikāyaṭṭhakathā –
д̇аава д̇идтад̇у логасмим̣, логанид̇т̇аран̣зсинам̣;
Tāva tiṭṭhatu lokasmiṃ, lokanittharaṇesinaṃ;
д̣̇ассзнд̇ий гулабуд̇д̇аанам̣, наяам̣ д̣̇идтивисуд̣̇д̇хияаа.
Dassentī kulaputtānaṃ, nayaṃ diṭṭhivisuddhiyā.
яаава б̣уд̣̇д̇ход̇и наамамби, суд̣̇д̇хажид̇д̇асса д̇аад̣̇ино;
Yāva buddhoti nāmampi, suddhacittassa tādino;
логамхи логаж̇здтасса, бавад̇д̇ад̇и махзсинод̇и.
Lokamhi lokajeṭṭhassa, pavattati mahesinoti.
суман̇г̇алавилаасиний наама
Sumaṅgalavilāsinī nāma
д̣̇ийгханигааяадтагат̇аа нидтид̇аа.
Dīghanikāyaṭṭhakathā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 11. д̣̇асуд̇д̇арасуд̇д̇ам̣ • 11. Dasuttarasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 11. д̣̇асуд̇д̇арасуд̇д̇аван̣н̣анаа • 11. Dasuttarasuttavaṇṇanā
