| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৫-১০. দট্ঠব্বসুত্তাদিৰণ্ণনা
5-10. Daṭṭhabbasuttādivaṇṇanā
১৫-২০. পঞ্চমে সৰিসযস্মিংযেৰাতি অত্তনো অত্তনো ৰিসযে এৰ। লোকিযলোকুত্তরধম্মে কথেতুন্তি লোকিযধম্মে লোকুত্তরধম্মে চ তেন তেন পৰত্তিৰিসেসেন কথেতুং। চতূসু সোতাপত্তিযঙ্গেসূতি সপ্পুরিসসংসেৰো সদ্ধম্মস্সৰনং যোনিসোমনসিকারো ধম্মানুধম্মপ্পটিপত্তীতি ইমেসু চতূসু সোতাপত্তিমগ্গকারণেসু। কামঞ্চ তেসু সতিআদযোপি ধম্মা ইচ্ছিতব্বাৰ তেহি ৰিনা তেসং অসম্ভৰতো , তথাপি চেত্থ সদ্ধা ৰিসেসতো কিচ্চকারীতি ৰেদিতব্বা। সদ্ধো এৰ হি সপ্পুরিসে পযিরুপাসতি, সদ্ধম্মং সুণাতি, যোনিসো চ অনিচ্চাদিতো মনসি করোতি, অরিযমগ্গস্স চ অনুধম্মং পটিপজ্জতি, তস্মা ৰুত্তং ‘‘এত্থ সদ্ধাবলং দট্ঠব্ব’’ন্তি। ইমিনা নযেন সেসবলেসুপি অত্থো দট্ঠব্বো।
15-20. Pañcame savisayasmiṃyevāti attano attano visaye eva. Lokiyalokuttaradhamme kathetunti lokiyadhamme lokuttaradhamme ca tena tena pavattivisesena kathetuṃ. Catūsu sotāpattiyaṅgesūti sappurisasaṃsevo saddhammassavanaṃ yonisomanasikāro dhammānudhammappaṭipattīti imesu catūsu sotāpattimaggakāraṇesu. Kāmañca tesu satiādayopi dhammā icchitabbāva tehi vinā tesaṃ asambhavato , tathāpi cettha saddhā visesato kiccakārīti veditabbā. Saddho eva hi sappurise payirupāsati, saddhammaṃ suṇāti, yoniso ca aniccādito manasi karoti, ariyamaggassa ca anudhammaṃ paṭipajjati, tasmā vuttaṃ ‘‘ettha saddhābalaṃ daṭṭhabba’’nti. Iminā nayena sesabalesupi attho daṭṭhabbo.
চতূসু সম্মপ্পধানেসূতি চতুব্বিধসম্মপ্পধানভাৰনায। চতূসু সতিপট্ঠানেসূতিআদীসুপি এসেৰ নযো। এত্থ চ সোতাপত্তিঅঙ্গেসু সদ্ধা ৰিয, সম্মপ্পধানভাৰনায ৰীরিযং ৰিয চ সতিপট্ঠানভাৰনায যস্মা ‘‘ৰিনেয্য লোকে অভিজ্ঝাদোমনস্স’’ন্তি (দী॰ নি॰ ২.৩৭৩; ম॰ নি॰ ১.১০৬) ৰচনতো পুব্বভাগে কিচ্চতো সতি অধিকা ইচ্ছিতব্বা, এৰং সমাধিকম্মিকস্স সমাধি, ‘‘অরিযসচ্চভাৰনা পঞ্ঞাভাৰনা’’তি কত্ৰা তত্থ পঞ্ঞা পুব্বভাগে অধিকা ইচ্ছিতব্বাতি পাকটোযমত্থো। অধিগমক্খণে পন সমাধিপঞ্ঞানং ৰিয সব্বেসম্পি বলানং সদ্ধাদীনং সমতাৰ ইচ্ছিতব্বা। তথা হি ‘‘এত্থ সদ্ধাবল’’ন্তিআদিনা তত্থ তত্থ এত্থগ্গহণং কতং।
Catūsu sammappadhānesūti catubbidhasammappadhānabhāvanāya. Catūsu satipaṭṭhānesūtiādīsupi eseva nayo. Ettha ca sotāpattiaṅgesu saddhā viya, sammappadhānabhāvanāya vīriyaṃ viya ca satipaṭṭhānabhāvanāya yasmā ‘‘vineyya loke abhijjhādomanassa’’nti (dī. ni. 2.373; ma. ni. 1.106) vacanato pubbabhāge kiccato sati adhikā icchitabbā, evaṃ samādhikammikassa samādhi, ‘‘ariyasaccabhāvanā paññābhāvanā’’ti katvā tattha paññā pubbabhāge adhikā icchitabbāti pākaṭoyamattho. Adhigamakkhaṇe pana samādhipaññānaṃ viya sabbesampi balānaṃ saddhādīnaṃ samatāva icchitabbā. Tathā hi ‘‘ettha saddhābala’’ntiādinā tattha tattha etthaggahaṇaṃ kataṃ.
ইদানি সদ্ধাদীনং তত্থ তত্থ অতিরেককিচ্চতং উপমায ৰিভাৰেতুং ‘‘যথা হী’’তিআদি ৰুত্তং। তত্রিদং উপমা সংসন্দনং – রাজপঞ্চমসহাযা ৰিয ৰিমুত্তিপরিপাচকানি পঞ্চ বলানি। নেসং কীল়নত্থং একজ্ঝং ৰীথিওতরণং ৰিয বলানং একজ্ঝং ৰিপস্সনাৰীথিওতরণং, সহাযেসু পঠমাদীনং যথাসকং গেহেৰ ৰিচারণা ৰিয সদ্ধাদীনং সোতাপত্তিঅঙ্গাদীনি পত্ৰা পুব্বঙ্গমতা। সহাযেসু ইতরেসং তত্থ তত্থ তুণ্হীভাৰো ৰিয সেসবলানং তত্থ তত্থ তদন্ৰযতা, তস্স পুব্বঙ্গমস্স বলস্স কিচ্চানুগতা। ন হি তদা তেসং সসম্ভারপথৰীআদীসু আপাদীনং ৰিয কিচ্চং পাকটং হোতি, সদ্ধাদীনংযেৰ পন কিচ্চং ৰিভূতং হুত্ৰা তিট্ঠতি পুরেতরং তথাপচ্চযেহি চিত্তসন্তানস্স অভিসঙ্খতত্তা। এত্থ চ ৰিপস্সনাকম্মিকস্স ভাৰনা ৰিসেসতো পঞ্ঞুত্তরাতি দস্সনত্থং রাজানং নিদস্সনং কত্ৰা পঞ্ঞিন্দ্রিযং ৰুত্তং। ছট্ঠাদীনি সুৰিঞ্ঞেয্যানি।
Idāni saddhādīnaṃ tattha tattha atirekakiccataṃ upamāya vibhāvetuṃ ‘‘yathā hī’’tiādi vuttaṃ. Tatridaṃ upamā saṃsandanaṃ – rājapañcamasahāyā viya vimuttiparipācakāni pañca balāni. Nesaṃ kīḷanatthaṃ ekajjhaṃ vīthiotaraṇaṃ viya balānaṃ ekajjhaṃ vipassanāvīthiotaraṇaṃ, sahāyesu paṭhamādīnaṃ yathāsakaṃ geheva vicāraṇā viya saddhādīnaṃ sotāpattiaṅgādīni patvā pubbaṅgamatā. Sahāyesu itaresaṃ tattha tattha tuṇhībhāvo viya sesabalānaṃ tattha tattha tadanvayatā, tassa pubbaṅgamassa balassa kiccānugatā. Na hi tadā tesaṃ sasambhārapathavīādīsu āpādīnaṃ viya kiccaṃ pākaṭaṃ hoti, saddhādīnaṃyeva pana kiccaṃ vibhūtaṃ hutvā tiṭṭhati puretaraṃ tathāpaccayehi cittasantānassa abhisaṅkhatattā. Ettha ca vipassanākammikassa bhāvanā visesato paññuttarāti dassanatthaṃ rājānaṃ nidassanaṃ katvā paññindriyaṃ vuttaṃ. Chaṭṭhādīni suviññeyyāni.
দট্ঠব্বসুত্তাদিৰণ্ণনা নিট্ঠিতা।
Daṭṭhabbasuttādivaṇṇanā niṭṭhitā.
বলৰগ্গৰণ্ণনা নিট্ঠিতা।
Balavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৫. দট্ঠব্বসুত্তং • 5. Daṭṭhabbasuttaṃ
৬. পুনকূটসুত্তং • 6. Punakūṭasuttaṃ
৭. পঠমহিতসুত্তং • 7. Paṭhamahitasuttaṃ
৮. দুতিযহিতসুত্তং • 8. Dutiyahitasuttaṃ
৯. ততিযহিতসুত্তং • 9. Tatiyahitasuttaṃ
১০. চতুত্থহিতসুত্তং • 10. Catutthahitasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৫. দট্ঠব্বসুত্তৰণ্ণনা • 5. Daṭṭhabbasuttavaṇṇanā
৭. পঠমহিতসুত্তৰণ্ণনা • 7. Paṭhamahitasuttavaṇṇanā
৮-১০. দুতিযহিতসুত্তাদিৰণ্ণনা • 8-10. Dutiyahitasuttādivaṇṇanā
