| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৫. দট্ঠব্বসুত্তং
5. Daṭṭhabbasuttaṃ
১৫. ‘‘পঞ্চিমানি, ভিক্খৰে, বলানি। কতমানি পঞ্চ? সদ্ধাবলং, ৰীরিযবলং, সতিবলং, সমাধিবলং, পঞ্ঞাবলং । কত্থ চ, ভিক্খৰে, সদ্ধাবলং দট্ঠব্বং? চতূসু সোতাপত্তিযঙ্গেসু। এত্থ সদ্ধাবলং দট্ঠব্বং। কত্থ চ, ভিক্খৰে, ৰীরিযবলং দট্ঠব্বং? চতূসু সম্মপ্পধানেসু। এত্থ ৰীরিযবলং দট্ঠব্বং। কত্থ চ, ভিক্খৰে, সতিবলং দট্ঠব্বং? চতূসু সতিপট্ঠানেসু। এত্থ সতিবলং দট্ঠব্বং। কত্থ চ, ভিক্খৰে, সমাধিবলং দট্ঠব্বং? চতূসু ঝানেসু। এত্থ সমাধিবলং দট্ঠব্বং। কত্থ চ, ভিক্খৰে, পঞ্ঞাবলং দট্ঠব্বং? চতূসু অরিযসচ্চেসু। এত্থ পঞ্ঞাবলং দট্ঠব্বং। ইমানি খো, ভিক্খৰে, পঞ্চ বলানী’’তি। পঞ্চমং।
15. ‘‘Pañcimāni, bhikkhave, balāni. Katamāni pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ . Kattha ca, bhikkhave, saddhābalaṃ daṭṭhabbaṃ? Catūsu sotāpattiyaṅgesu. Ettha saddhābalaṃ daṭṭhabbaṃ. Kattha ca, bhikkhave, vīriyabalaṃ daṭṭhabbaṃ? Catūsu sammappadhānesu. Ettha vīriyabalaṃ daṭṭhabbaṃ. Kattha ca, bhikkhave, satibalaṃ daṭṭhabbaṃ? Catūsu satipaṭṭhānesu. Ettha satibalaṃ daṭṭhabbaṃ. Kattha ca, bhikkhave, samādhibalaṃ daṭṭhabbaṃ? Catūsu jhānesu. Ettha samādhibalaṃ daṭṭhabbaṃ. Kattha ca, bhikkhave, paññābalaṃ daṭṭhabbaṃ? Catūsu ariyasaccesu. Ettha paññābalaṃ daṭṭhabbaṃ. Imāni kho, bhikkhave, pañca balānī’’ti. Pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫. দট্ঠব্বসুত্তৰণ্ণনা • 5. Daṭṭhabbasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬. মহাসুপিনসুত্তৰণ্ণনা • 6. Mahāsupinasuttavaṇṇanā
