| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๕. ทฎฺฐพฺพสุตฺตํ
5. Daṭṭhabbasuttaṃ
๑๕. ‘‘ปญฺจิมานิ, ภิกฺขเว, พลานิฯ กตมานิ ปญฺจ? สทฺธาพลํ, วีริยพลํ, สติพลํ, สมาธิพลํ, ปญฺญาพลํ ฯ กตฺถ จ, ภิกฺขเว, สทฺธาพลํ ทฎฺฐพฺพํ? จตูสุ โสตาปตฺติยเงฺคสุฯ เอตฺถ สทฺธาพลํ ทฎฺฐพฺพํฯ กตฺถ จ, ภิกฺขเว, วีริยพลํ ทฎฺฐพฺพํ? จตูสุ สมฺมปฺปธาเนสุฯ เอตฺถ วีริยพลํ ทฎฺฐพฺพํฯ กตฺถ จ, ภิกฺขเว, สติพลํ ทฎฺฐพฺพํ? จตูสุ สติปฎฺฐาเนสุฯ เอตฺถ สติพลํ ทฎฺฐพฺพํฯ กตฺถ จ, ภิกฺขเว, สมาธิพลํ ทฎฺฐพฺพํ? จตูสุ ฌาเนสุฯ เอตฺถ สมาธิพลํ ทฎฺฐพฺพํฯ กตฺถ จ, ภิกฺขเว, ปญฺญาพลํ ทฎฺฐพฺพํ? จตูสุ อริยสเจฺจสุฯ เอตฺถ ปญฺญาพลํ ทฎฺฐพฺพํฯ อิมานิ โข, ภิกฺขเว, ปญฺจ พลานี’’ติฯ ปญฺจมํฯ
15. ‘‘Pañcimāni, bhikkhave, balāni. Katamāni pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ . Kattha ca, bhikkhave, saddhābalaṃ daṭṭhabbaṃ? Catūsu sotāpattiyaṅgesu. Ettha saddhābalaṃ daṭṭhabbaṃ. Kattha ca, bhikkhave, vīriyabalaṃ daṭṭhabbaṃ? Catūsu sammappadhānesu. Ettha vīriyabalaṃ daṭṭhabbaṃ. Kattha ca, bhikkhave, satibalaṃ daṭṭhabbaṃ? Catūsu satipaṭṭhānesu. Ettha satibalaṃ daṭṭhabbaṃ. Kattha ca, bhikkhave, samādhibalaṃ daṭṭhabbaṃ? Catūsu jhānesu. Ettha samādhibalaṃ daṭṭhabbaṃ. Kattha ca, bhikkhave, paññābalaṃ daṭṭhabbaṃ? Catūsu ariyasaccesu. Ettha paññābalaṃ daṭṭhabbaṃ. Imāni kho, bhikkhave, pañca balānī’’ti. Pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๕. ทฎฺฐพฺพสุตฺตวณฺณนา • 5. Daṭṭhabbasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖. มหาสุปินสุตฺตวณฺณนา • 6. Mahāsupinasuttavaṇṇanā
