| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๕. ทฎฺฐพฺพสุตฺตํ
5. Daṭṭhabbasuttaṃ
๒๕๓. ‘‘ติโสฺส อิมา, ภิกฺขเว, เวทนาฯ กตมา ติโสฺส? สุขา เวทนา, ทุกฺขา เวทนา, อทุกฺขมสุขา เวทนาฯ สุขา, ภิกฺขเว, เวทนา ทุกฺขโต ทฎฺฐพฺพา, ทุกฺขา เวทนา สลฺลโต ทฎฺฐพฺพา, อทุกฺขมสุขา เวทนา อนิจฺจโต ทฎฺฐพฺพาฯ ยโต โข, ภิกฺขเว, ภิกฺขุโน สุขา เวทนา ทุกฺขโต ทิฎฺฐา โหติ, ทุกฺขา เวทนา สลฺลโต ทิฎฺฐา โหติ, อทุกฺขมสุขา เวทนา อนิจฺจโต ทิฎฺฐา โหติ – อยํ วุจฺจติ, ภิกฺขเว, ‘ภิกฺขุ สมฺมทฺทโส อเจฺฉจฺฉิ ตณฺหํ, วิวตฺตยิ สํโยชนํ, สมฺมา มานาภิสมยา อนฺตมกาสิ ทุกฺขสฺสา’’’ติฯ
253. ‘‘Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā. Sukhā, bhikkhave, vedanā dukkhato daṭṭhabbā, dukkhā vedanā sallato daṭṭhabbā, adukkhamasukhā vedanā aniccato daṭṭhabbā. Yato kho, bhikkhave, bhikkhuno sukhā vedanā dukkhato diṭṭhā hoti, dukkhā vedanā sallato diṭṭhā hoti, adukkhamasukhā vedanā aniccato diṭṭhā hoti – ayaṃ vuccati, bhikkhave, ‘bhikkhu sammaddaso acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’’ti.
‘‘โย สุขํ ทุกฺขโต อทฺท, ทุกฺขมทฺทกฺขิ สลฺลโต;
‘‘Yo sukhaṃ dukkhato adda, dukkhamaddakkhi sallato;
อทุกฺขมสุขํ สนฺตํ, อทฺทกฺขิ นํ อนิจฺจโตฯ
Adukkhamasukhaṃ santaṃ, addakkhi naṃ aniccato.
‘‘ส เว สมฺมทฺทโส ภิกฺขุ, ปริชานาติ เวทนา;
‘‘Sa ve sammaddaso bhikkhu, parijānāti vedanā;
โส เวทนา ปริญฺญาย, ทิเฎฺฐ ธเมฺม อนาสโว;
So vedanā pariññāya, diṭṭhe dhamme anāsavo;
กายสฺส เภทา ธมฺมโฎฺฐ, สงฺขฺยํ โนเปติ เวทคู’’ติฯ ปญฺจมํ;
Kāyassa bhedā dhammaṭṭho, saṅkhyaṃ nopeti vedagū’’ti. pañcamaṃ;
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. ทฎฺฐพฺพสุตฺตวณฺณนา • 5. Daṭṭhabbasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๕. ทฎฺฐพฺพสุตฺตวณฺณนา • 5. Daṭṭhabbasuttavaṇṇanā
