| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. দট্ঠব্বসুত্তৰণ্ণনা
5. Daṭṭhabbasuttavaṇṇanā
২৫৩. ৰিপরিণামনৰসেন দুক্খতো দট্ঠব্বাতি কিঞ্চাপি সুখা, পরিণামদুক্খতা পন সুখৰেদনায একন্তিকাতি। ৰিনিৰিজ্ঝনট্ঠেনাতি পীল়নৰসেন অত্তভাৰস্স ৰিজ্ঝনট্ঠেন। হুত্ৰাতি পচ্চযসমাগমেন উপ্পজ্জিত্ৰা। তেন পাকভাৰপুব্বকো অত্তলাভো ৰুত্তো। অভাৰাকারেনাতি ভঙ্গুপগমনাকারেন। তেন ৰিদ্ধংসভাৰো ৰুত্তো। উভযেন উদযব্বযপরিচ্ছিন্নতায সিখপ্পত্তং অনিচ্চতং দস্সেতি। স্ৰাযং হুত্ৰা অভাৰাকারো ইতরাসুপি ৰেদনাসু লব্ভতেৰ, অধিকো চ পন দ্ৰিন্নং দুক্খসভাৰো। দুক্খতাৰসেন পুরিমানং ৰেদনানং দট্ঠব্বতায দস্সিতত্তা পচ্ছিমায ৰেদনায এৰং দট্ঠব্বতা দস্সিতা। অদ্দাতি ঞাণগতিযা সচ্ছিকত্ৰা অদক্খি। ঞাণগমনঞ্হেতং, যদিদং দুক্খতো দস্সনং। সন্তসভাৰং সুখদুক্খতো উপসন্তরূপত্তা।
253.Vipariṇāmanavasenadukkhato daṭṭhabbāti kiñcāpi sukhā, pariṇāmadukkhatā pana sukhavedanāya ekantikāti. Vinivijjhanaṭṭhenāti pīḷanavasena attabhāvassa vijjhanaṭṭhena. Hutvāti paccayasamāgamena uppajjitvā. Tena pākabhāvapubbako attalābho vutto. Abhāvākārenāti bhaṅgupagamanākārena. Tena viddhaṃsabhāvo vutto. Ubhayena udayabbayaparicchinnatāya sikhappattaṃ aniccataṃ dasseti. Svāyaṃ hutvā abhāvākāro itarāsupi vedanāsu labbhateva, adhiko ca pana dvinnaṃ dukkhasabhāvo. Dukkhatāvasena purimānaṃ vedanānaṃ daṭṭhabbatāya dassitattā pacchimāya vedanāya evaṃ daṭṭhabbatā dassitā. Addāti ñāṇagatiyā sacchikatvā adakkhi. Ñāṇagamanañhetaṃ, yadidaṃ dukkhato dassanaṃ. Santasabhāvaṃ sukhadukkhato upasantarūpattā.
দট্ঠব্বসুত্তৰণ্ণনা নিট্ঠিতা।
Daṭṭhabbasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. দট্ঠব্বসুত্তং • 5. Daṭṭhabbasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. দট্ঠব্বসুত্তৰণ্ণনা • 5. Daṭṭhabbasuttavaṇṇanā
