| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. д̣̇адтаб̣б̣асуд̇д̇аван̣н̣анаа
5. Daṭṭhabbasuttavaṇṇanā
15. бан̃жамз сависаяасмим̣язва логияалогуд̇д̇арад̇хаммз гат̇зд̇ум̣ гад̇т̇а жа, бхигкавз, сад̣̇д̇хааб̣алам̣ д̣̇адтаб̣б̣анд̇иаад̣̇имааха. яат̇аа хи жад̇д̇ааро сздтибуд̇д̇аа, рааж̇аад̇и рааж̇абан̃жамзсу сахааязсу ‘‘нагкад̇д̇ам̣ гийл̣иссаамаа’’д̇и вийт̇им̣ од̇ин̣н̣зсу згасса сздтибуд̇д̇асса г̇зхам̣ г̇ад̇агаалз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова ‘‘имзсам̣ каад̣̇анийяам̣ бхож̇анийяам̣ д̣̇зт̇а, г̇анд̇хамаалаалан̇гаараад̣̇ийни д̣̇зт̇аа’’д̇и г̇зхз вижаарзд̇и. д̣̇уд̇ияад̇ад̇ияажад̇уд̇т̇асса г̇зхам̣ г̇ад̇агаалз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова ‘‘имзсам̣ каад̣̇анийяам̣ бхож̇анийяам̣ д̣̇зт̇а, г̇анд̇хамаалаалан̇гаараад̣̇ийни д̣̇зт̇аа’’д̇и г̇зхз вижаарзд̇и. ат̇а саб̣б̣абажчаа ран̃н̃о г̇зхам̣ г̇ад̇агаалз гин̃жааби рааж̇аа саб̣б̣ад̇т̇а иссаро, имасмим̣ бана гаалз ад̇д̇ано г̇зхзязва ‘‘имзсам̣ каад̣̇анийяам̣ бхож̇анийяам̣ д̣̇зт̇а, г̇анд̇хамаалаалан̇гаараад̣̇ийни д̣̇зт̇аа’’д̇и вижаарзд̇и, звамзвам̣ сад̣̇д̇хаабан̃жамзсу б̣алзсу д̇зсу сахааязсу згад̇о вийт̇им̣ од̇аранд̇зсу вияа згаарамман̣з уббаж̇ж̇амаанзсуби яат̇аа батамасса г̇зхз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова вижаарзд̇и, звам̣ сод̇аабад̇д̇ияан̇г̇аани бад̇ваа ад̇химогкалагкан̣ам̣ сад̣̇д̇хааб̣аламзва ж̇здтагам̣ ход̇и буб̣б̣ан̇г̇амам̣, сзсаани д̇ад̣̇анваяаани хонд̇и. яат̇аа д̣̇уд̇ияасса г̇зхз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова вижаарзд̇и, звам̣ саммаббад̇хаанаани бад̇ваа баг̇г̇ахалагкан̣ам̣ вийрияаб̣аламзва ж̇здтагам̣ ход̇и буб̣б̣ан̇г̇амам̣ , сзсаани д̇ад̣̇анваяаани хонд̇и. яат̇аа д̇ад̇ияасса г̇зхз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова вижаарзд̇и, звам̣ сад̇ибадтаанаани бад̇ваа убадтааналагкан̣ам̣ сад̇иб̣аламзва ж̇здтагам̣ ход̇и буб̣б̣ан̇г̇амам̣, сзсаани д̇ад̣̇анваяаани хонд̇и. яат̇аа жад̇уд̇т̇асса г̇зхз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова вижаарзд̇и, звам̣ жхаанавимогкз бад̇ваа авигкзбалагкан̣ам̣ самаад̇хиб̣аламзва ж̇здтагам̣ ход̇и буб̣б̣ан̇г̇амам̣, сзсаани д̇ад̣̇анваяаани хонд̇и. саб̣б̣абажчаа ран̃н̃о г̇зхам̣ г̇ад̇агаалз бана яат̇аа ид̇арз жад̇д̇ааро д̇ун̣хий нисийд̣̇анд̇и, рааж̇аава г̇зхз вижаарзд̇и, звамзва арияасажжаани бад̇ваа баж̇аананалагкан̣ам̣ бан̃н̃ааб̣аламзва ж̇здтагам̣ ход̇и буб̣б̣ан̇г̇амам̣, сзсаани д̇ад̣̇анваяаани хонд̇ийд̇и звамид̇ха бан̃жа б̣алаани миссагаани гат̇ид̇аани. чадтам̣ уд̇д̇аанад̇т̇амзва. звам̣ буримаваг̇г̇з жа ид̇ха жа адтасу суд̇д̇зсу сзкаб̣алаанзва гат̇ид̇аани. гаран̣д̣аголаваасий махаад̣̇ад̇д̇ад̇т̇зро банааха – ‘‘хздтаа жад̇уусу суд̇д̇зсу сзкаб̣алаани гат̇ид̇аани, убари жад̇уусу асзкаб̣алааний’’д̇и.
15. Pañcame savisayasmiṃyeva lokiyalokuttaradhamme kathetuṃ kattha ca, bhikkhave, saddhābalaṃ daṭṭhabbantiādimāha. Yathā hi cattāro seṭṭhiputtā, rājāti rājapañcamesu sahāyesu ‘‘nakkhattaṃ kīḷissāmā’’ti vīthiṃ otiṇṇesu ekassa seṭṭhiputtassa gehaṃ gatakāle itare cattāro tuṇhī nisīdanti, gehasāmikova ‘‘imesaṃ khādanīyaṃ bhojanīyaṃ detha, gandhamālālaṅkārādīni dethā’’ti gehe vicāreti. Dutiyatatiyacatutthassa gehaṃ gatakāle itare cattāro tuṇhī nisīdanti, gehasāmikova ‘‘imesaṃ khādanīyaṃ bhojanīyaṃ detha, gandhamālālaṅkārādīni dethā’’ti gehe vicāreti. Atha sabbapacchā rañño gehaṃ gatakāle kiñcāpi rājā sabbattha issaro, imasmiṃ pana kāle attano geheyeva ‘‘imesaṃ khādanīyaṃ bhojanīyaṃ detha, gandhamālālaṅkārādīni dethā’’ti vicāreti, evamevaṃ saddhāpañcamesu balesu tesu sahāyesu ekato vīthiṃ otarantesu viya ekārammaṇe uppajjamānesupi yathā paṭhamassa gehe itare cattāro tuṇhī nisīdanti, gehasāmikova vicāreti, evaṃ sotāpattiyaṅgāni patvā adhimokkhalakkhaṇaṃ saddhābalameva jeṭṭhakaṃ hoti pubbaṅgamaṃ, sesāni tadanvayāni honti. Yathā dutiyassa gehe itare cattāro tuṇhī nisīdanti, gehasāmikova vicāreti, evaṃ sammappadhānāni patvā paggahalakkhaṇaṃ vīriyabalameva jeṭṭhakaṃ hoti pubbaṅgamaṃ , sesāni tadanvayāni honti. Yathā tatiyassa gehe itare cattāro tuṇhī nisīdanti, gehasāmikova vicāreti, evaṃ satipaṭṭhānāni patvā upaṭṭhānalakkhaṇaṃ satibalameva jeṭṭhakaṃ hoti pubbaṅgamaṃ, sesāni tadanvayāni honti. Yathā catutthassa gehe itare cattāro tuṇhī nisīdanti, gehasāmikova vicāreti, evaṃ jhānavimokkhe patvā avikkhepalakkhaṇaṃ samādhibalameva jeṭṭhakaṃ hoti pubbaṅgamaṃ, sesāni tadanvayāni honti. Sabbapacchā rañño gehaṃ gatakāle pana yathā itare cattāro tuṇhī nisīdanti, rājāva gehe vicāreti, evameva ariyasaccāni patvā pajānanalakkhaṇaṃ paññābalameva jeṭṭhakaṃ hoti pubbaṅgamaṃ, sesāni tadanvayāni hontīti evamidha pañca balāni missakāni kathitāni. Chaṭṭhaṃ uttānatthameva. Evaṃ purimavagge ca idha ca aṭṭhasu suttesu sekhabalāneva kathitāni. Karaṇḍakolavāsī mahādattatthero panāha – ‘‘heṭṭhā catūsu suttesu sekhabalāni kathitāni, upari catūsu asekhabalānī’’ti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. д̣̇адтаб̣б̣асуд̇д̇ам̣ • 5. Daṭṭhabbasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. махаасубинасуд̇д̇аван̣н̣анаа • 6. Mahāsupinasuttavaṇṇanā
