| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. д̣̇адтаб̣б̣асуд̇д̇аван̣н̣анаа
5. Daṭṭhabbasuttavaṇṇanā
253. вибарин̣ааманавасзна д̣̇угкад̇о д̣̇адтаб̣б̣аад̇и гин̃жааби сукаа, барин̣аамад̣̇угкад̇аа бана сукавзд̣̇анааяа зганд̇игаад̇и. винивиж̇жханадтзнаад̇и бийл̣анавасзна ад̇д̇абхаавасса виж̇жханадтзна. худ̇ваад̇и бажжаяасамааг̇амзна уббаж̇ж̇ид̇ваа. д̇зна баагабхаавабуб̣б̣аго ад̇д̇алаабхо вуд̇д̇о. абхааваагаарзнаад̇и бхан̇г̇убаг̇аманаагаарзна. д̇зна вид̣̇д̇хам̣сабхааво вуд̇д̇о. убхаязна уд̣̇аяаб̣б̣аяабарижчиннад̇ааяа сикаббад̇д̇ам̣ анижжад̇ам̣ д̣̇ассзд̇и. свааяам̣ худ̇ваа абхааваагааро ид̇араасуби взд̣̇анаасу лаб̣бхад̇зва, ад̇хиго жа бана д̣̇виннам̣ д̣̇угкасабхааво. д̣̇угкад̇аавасзна буримаанам̣ взд̣̇анаанам̣ д̣̇адтаб̣б̣ад̇ааяа д̣̇ассид̇ад̇д̇аа бажчимааяа взд̣̇анааяа звам̣ д̣̇адтаб̣б̣ад̇аа д̣̇ассид̇аа. ад̣̇д̣̇аад̇и н̃аан̣аг̇ад̇ияаа сажчигад̇ваа ад̣̇агки. н̃аан̣аг̇аманан̃хзд̇ам̣, яад̣̇ид̣̇ам̣ д̣̇угкад̇о д̣̇ассанам̣. санд̇асабхаавам̣ сукад̣̇угкад̇о убасанд̇аруубад̇д̇аа.
253.Vipariṇāmanavasenadukkhato daṭṭhabbāti kiñcāpi sukhā, pariṇāmadukkhatā pana sukhavedanāya ekantikāti. Vinivijjhanaṭṭhenāti pīḷanavasena attabhāvassa vijjhanaṭṭhena. Hutvāti paccayasamāgamena uppajjitvā. Tena pākabhāvapubbako attalābho vutto. Abhāvākārenāti bhaṅgupagamanākārena. Tena viddhaṃsabhāvo vutto. Ubhayena udayabbayaparicchinnatāya sikhappattaṃ aniccataṃ dasseti. Svāyaṃ hutvā abhāvākāro itarāsupi vedanāsu labbhateva, adhiko ca pana dvinnaṃ dukkhasabhāvo. Dukkhatāvasena purimānaṃ vedanānaṃ daṭṭhabbatāya dassitattā pacchimāya vedanāya evaṃ daṭṭhabbatā dassitā. Addāti ñāṇagatiyā sacchikatvā adakkhi. Ñāṇagamanañhetaṃ, yadidaṃ dukkhato dassanaṃ. Santasabhāvaṃ sukhadukkhato upasantarūpattā.
д̣̇адтаб̣б̣асуд̇д̇аван̣н̣анаа нидтид̇аа.
Daṭṭhabbasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. д̣̇адтаб̣б̣асуд̇д̇ам̣ • 5. Daṭṭhabbasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. д̣̇адтаб̣б̣асуд̇д̇аван̣н̣анаа • 5. Daṭṭhabbasuttavaṇṇanā
