| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕. ทฎฺฐพฺพสุตฺตวณฺณนา
5. Daṭṭhabbasuttavaṇṇanā
๒๕๓. วิปริณามนวเสน ทุกฺขโต ทฎฺฐพฺพาติ กิญฺจาปิ สุขา, ปริณามทุกฺขตา ปน สุขเวทนาย เอกนฺติกาติฯ วินิวิชฺฌนเฎฺฐนาติ ปีฬนวเสน อตฺตภาวสฺส วิชฺฌนเฎฺฐนฯ หุตฺวาติ ปจฺจยสมาคเมน อุปฺปชฺชิตฺวาฯ เตน ปากภาวปุพฺพโก อตฺตลาโภ วุโตฺตฯ อภาวากาเรนาติ ภงฺคุปคมนากาเรนฯ เตน วิทฺธํสภาโว วุโตฺตฯ อุภเยน อุทยพฺพยปริจฺฉินฺนตาย สิขปฺปตฺตํ อนิจฺจตํ ทเสฺสติฯ สฺวายํ หุตฺวา อภาวากาโร อิตราสุปิ เวทนาสุ ลพฺภเตว, อธิโก จ ปน ทฺวินฺนํ ทุกฺขสภาโวฯ ทุกฺขตาวเสน ปุริมานํ เวทนานํ ทฎฺฐพฺพตาย ทสฺสิตตฺตา ปจฺฉิมาย เวทนาย เอวํ ทฎฺฐพฺพตา ทสฺสิตาฯ อทฺทาติ ญาณคติยา สจฺฉิกตฺวา อทกฺขิฯ ญาณคมนเญฺหตํ, ยทิทํ ทุกฺขโต ทสฺสนํฯ สนฺตสภาวํ สุขทุกฺขโต อุปสนฺตรูปตฺตาฯ
253.Vipariṇāmanavasenadukkhato daṭṭhabbāti kiñcāpi sukhā, pariṇāmadukkhatā pana sukhavedanāya ekantikāti. Vinivijjhanaṭṭhenāti pīḷanavasena attabhāvassa vijjhanaṭṭhena. Hutvāti paccayasamāgamena uppajjitvā. Tena pākabhāvapubbako attalābho vutto. Abhāvākārenāti bhaṅgupagamanākārena. Tena viddhaṃsabhāvo vutto. Ubhayena udayabbayaparicchinnatāya sikhappattaṃ aniccataṃ dasseti. Svāyaṃ hutvā abhāvākāro itarāsupi vedanāsu labbhateva, adhiko ca pana dvinnaṃ dukkhasabhāvo. Dukkhatāvasena purimānaṃ vedanānaṃ daṭṭhabbatāya dassitattā pacchimāya vedanāya evaṃ daṭṭhabbatā dassitā. Addāti ñāṇagatiyā sacchikatvā adakkhi. Ñāṇagamanañhetaṃ, yadidaṃ dukkhato dassanaṃ. Santasabhāvaṃ sukhadukkhato upasantarūpattā.
ทฎฺฐพฺพสุตฺตวณฺณนา นิฎฺฐิตาฯ
Daṭṭhabbasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๕. ทฎฺฐพฺพสุตฺตํ • 5. Daṭṭhabbasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. ทฎฺฐพฺพสุตฺตวณฺณนา • 5. Daṭṭhabbasuttavaṇṇanā
