| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਦਟ੍ਠਬ੍ਬਸੁਤ੍ਤવਣ੍ਣਨਾ
5. Daṭṭhabbasuttavaṇṇanā
੨੫੩. વਿਪਰਿਣਾਮਨવਸੇਨ ਦੁਕ੍ਖਤੋ ਦਟ੍ਠਬ੍ਬਾਤਿ ਕਿਞ੍ਚਾਪਿ ਸੁਖਾ, ਪਰਿਣਾਮਦੁਕ੍ਖਤਾ ਪਨ ਸੁਖવੇਦਨਾਯ ਏਕਨ੍ਤਿਕਾਤਿ। વਿਨਿવਿਜ੍ਝਨਟ੍ਠੇਨਾਤਿ ਪੀਲ਼ਨવਸੇਨ ਅਤ੍ਤਭਾવਸ੍ਸ વਿਜ੍ਝਨਟ੍ਠੇਨ। ਹੁਤ੍વਾਤਿ ਪਚ੍ਚਯਸਮਾਗਮੇਨ ਉਪ੍ਪਜ੍ਜਿਤ੍વਾ। ਤੇਨ ਪਾਕਭਾવਪੁਬ੍ਬਕੋ ਅਤ੍ਤਲਾਭੋ વੁਤ੍ਤੋ। ਅਭਾવਾਕਾਰੇਨਾਤਿ ਭਙ੍ਗੁਪਗਮਨਾਕਾਰੇਨ। ਤੇਨ વਿਦ੍ਧਂਸਭਾવੋ વੁਤ੍ਤੋ। ਉਭਯੇਨ ਉਦਯਬ੍ਬਯਪਰਿਚ੍ਛਿਨ੍ਨਤਾਯ ਸਿਖਪ੍ਪਤ੍ਤਂ ਅਨਿਚ੍ਚਤਂ ਦਸ੍ਸੇਤਿ। ਸ੍વਾਯਂ ਹੁਤ੍વਾ ਅਭਾવਾਕਾਰੋ ਇਤਰਾਸੁਪਿ વੇਦਨਾਸੁ ਲਬ੍ਭਤੇવ, ਅਧਿਕੋ ਚ ਪਨ ਦ੍વਿਨ੍ਨਂ ਦੁਕ੍ਖਸਭਾવੋ। ਦੁਕ੍ਖਤਾવਸੇਨ ਪੁਰਿਮਾਨਂ વੇਦਨਾਨਂ ਦਟ੍ਠਬ੍ਬਤਾਯ ਦਸ੍ਸਿਤਤ੍ਤਾ ਪਚ੍ਛਿਮਾਯ વੇਦਨਾਯ ਏવਂ ਦਟ੍ਠਬ੍ਬਤਾ ਦਸ੍ਸਿਤਾ। ਅਦ੍ਦਾਤਿ ਞਾਣਗਤਿਯਾ ਸਚ੍ਛਿਕਤ੍વਾ ਅਦਕ੍ਖਿ। ਞਾਣਗਮਨਞ੍ਹੇਤਂ, ਯਦਿਦਂ ਦੁਕ੍ਖਤੋ ਦਸ੍ਸਨਂ। ਸਨ੍ਤਸਭਾવਂ ਸੁਖਦੁਕ੍ਖਤੋ ਉਪਸਨ੍ਤਰੂਪਤ੍ਤਾ।
253.Vipariṇāmanavasenadukkhato daṭṭhabbāti kiñcāpi sukhā, pariṇāmadukkhatā pana sukhavedanāya ekantikāti. Vinivijjhanaṭṭhenāti pīḷanavasena attabhāvassa vijjhanaṭṭhena. Hutvāti paccayasamāgamena uppajjitvā. Tena pākabhāvapubbako attalābho vutto. Abhāvākārenāti bhaṅgupagamanākārena. Tena viddhaṃsabhāvo vutto. Ubhayena udayabbayaparicchinnatāya sikhappattaṃ aniccataṃ dasseti. Svāyaṃ hutvā abhāvākāro itarāsupi vedanāsu labbhateva, adhiko ca pana dvinnaṃ dukkhasabhāvo. Dukkhatāvasena purimānaṃ vedanānaṃ daṭṭhabbatāya dassitattā pacchimāya vedanāya evaṃ daṭṭhabbatā dassitā. Addāti ñāṇagatiyā sacchikatvā adakkhi. Ñāṇagamanañhetaṃ, yadidaṃ dukkhato dassanaṃ. Santasabhāvaṃ sukhadukkhato upasantarūpattā.
ਦਟ੍ਠਬ੍ਬਸੁਤ੍ਤવਣ੍ਣਨਾ ਨਿਟ੍ਠਿਤਾ।
Daṭṭhabbasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਦਟ੍ਠਬ੍ਬਸੁਤ੍ਤਂ • 5. Daṭṭhabbasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਦਟ੍ਠਬ੍ਬਸੁਤ੍ਤવਣ੍ਣਨਾ • 5. Daṭṭhabbasuttavaṇṇanā
