| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. देसकित्तकत्थेरअपदानं
7. Desakittakattheraapadānaṃ
३१.
31.
‘‘उपसालकनामोहं , अहोसिं ब्राह्मणो तदा।
‘‘Upasālakanāmohaṃ , ahosiṃ brāhmaṇo tadā;
काननं वनमोगाळ्हं, लोकजेट्ठं नरासभं॥
Kānanaṃ vanamogāḷhaṃ, lokajeṭṭhaṃ narāsabhaṃ.
३२.
32.
‘‘दिस्वान वन्दिं पादेसु, लोकाहुतिपटिग्गहं।
‘‘Disvāna vandiṃ pādesu, lokāhutipaṭiggahaṃ;
पसन्नचित्तं मं ञत्वा, बुद्धो अन्तरधायथ॥
Pasannacittaṃ maṃ ñatvā, buddho antaradhāyatha.
३३.
33.
‘‘कानना अभिनिक्खम्म, बुद्धसेट्ठमनुस्सरिं।
‘‘Kānanā abhinikkhamma, buddhaseṭṭhamanussariṃ;
तं देसं कित्तयित्वान, कप्पं सग्गम्हि मोदहं॥
Taṃ desaṃ kittayitvāna, kappaṃ saggamhi modahaṃ.
३४.
34.
‘‘द्वेनवुते इतो कप्पे, यं देसमभिकित्तयिं।
‘‘Dvenavute ito kappe, yaṃ desamabhikittayiṃ;
दुग्गतिं नाभिजानामि, कित्तनाय इदं फलं॥
Duggatiṃ nābhijānāmi, kittanāya idaṃ phalaṃ.
३५.
35.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा देसकित्तको थेरो इमा गाथायो अभासित्थाति।
Itthaṃ sudaṃ āyasmā desakittako thero imā gāthāyo abhāsitthāti.
देसकित्तकत्थेरस्सापदानं सत्तमं।
Desakittakattherassāpadānaṃ sattamaṃ.
