| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. දෙසකිත්‌තකත්‌ථෙරඅපදානං
7. Desakittakattheraapadānaṃ
31.
31.
‘‘උපසාලකනාමොහං , අහොසිං බ්‍රාහ්‌මණො තදා;
‘‘Upasālakanāmohaṃ , ahosiṃ brāhmaṇo tadā;
කානනං වනමොගාළ්‌හං, ලොකජෙට්‌ඨං නරාසභං.
Kānanaṃ vanamogāḷhaṃ, lokajeṭṭhaṃ narāsabhaṃ.
32.
32.
‘‘දිස්‌වාන වන්‌දිං පාදෙසු, ලොකාහුතිපටිග්‌ගහං;
‘‘Disvāna vandiṃ pādesu, lokāhutipaṭiggahaṃ;
පසන්‌නචිත්‌තං මං ඤත්‌වා, බුද්‌ධො අන්‌තරධායථ.
Pasannacittaṃ maṃ ñatvā, buddho antaradhāyatha.
33.
33.
‘‘කානනා අභිනික්‌ඛම්‌ම, බුද්‌ධසෙට්‌ඨමනුස්‌සරිං;
‘‘Kānanā abhinikkhamma, buddhaseṭṭhamanussariṃ;
තං දෙසං කිත්‌තයිත්‌වාන, කප්‌පං සග්‌ගම්‌හි මොදහං.
Taṃ desaṃ kittayitvāna, kappaṃ saggamhi modahaṃ.
34.
34.
‘‘ද්‌වෙනවුතෙ ඉතො කප්‌පෙ, යං දෙසමභිකිත්‌තයිං;
‘‘Dvenavute ito kappe, yaṃ desamabhikittayiṃ;
දුග්‌ගතිං නාභිජානාමි, කිත්‌තනාය ඉදං ඵලං.
Duggatiṃ nābhijānāmi, kittanāya idaṃ phalaṃ.
35.
35.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා දෙසකිත්‌තකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā desakittako thero imā gāthāyo abhāsitthāti.
දෙසකිත්‌තකත්‌ථෙරස්‌සාපදානං සත්‌තමං.
Desakittakattherassāpadānaṃ sattamaṃ.
