| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
(2) தே³ஸனாகா³மினியாதி³வண்ணனா
(2) Desanāgāminiyādivaṇṇanā
475. பஞ்ச தே³ஸனாகா³மினியோதி லஹுகா பஞ்ச. ச² ஸப்படிகம்மாதி பாராஜிகங் ட²பெத்வா அவஸேஸா. ஏகெத்த² அப்படிகம்மாதி ஏகா பாராஜிகாபத்தி.
475.Pañca desanāgāminiyoti lahukā pañca. Cha sappaṭikammāti pārājikaṃ ṭhapetvā avasesā. Ekettha appaṭikammāti ekā pārājikāpatti.
வினயக³ருகா த்³வே வுத்தாதி பாராஜிகஞ்சேவ ஸங்கா⁴தி³ஸேஸஞ்ச. காயவாசஸிகானி சாதி ஸப்³பா³னேவ ஸிக்கா²பதா³னி காயவாசஸிகானி, மனொத்³வாரே பஞ்ஞத்தங் ஏகஸிக்கா²பத³ம்பி நத்தி². ஏகோ விகாலே த⁴ஞ்ஞரஸோதி லோணஸோவீரகங். அயமேவ ஹி ஏகோ த⁴ஞ்ஞரஸோ விகாலே வட்டதி. ஏகா ஞத்திசதுத்தே²ன ஸம்முதீதி பி⁴க்கு²னோவாத³கஸம்முதி. அயமேவ ஹி ஏகா ஞத்திசதுத்த²கம்மேன ஸம்முதி அனுஞ்ஞாதா.
Vinayagarukādve vuttāti pārājikañceva saṅghādisesañca. Kāyavācasikāni cāti sabbāneva sikkhāpadāni kāyavācasikāni, manodvāre paññattaṃ ekasikkhāpadampi natthi. Eko vikāle dhaññarasoti loṇasovīrakaṃ. Ayameva hi eko dhaññaraso vikāle vaṭṭati. Ekā ñatticatutthena sammutīti bhikkhunovādakasammuti. Ayameva hi ekā ñatticatutthakammena sammuti anuññātā.
பாராஜிகா காயிகா த்³வேதி பி⁴க்கூ²னங் மேது²னபாராஜிகங் பி⁴க்கு²னீனஞ்ச காயஸங்ஸக்³க³பாராஜிகங். த்³வே ஸங்வாஸபூ⁴மியோதி அத்தனா வா அத்தானங் ஸமானஸங்வாஸகங் கரோதி, ஸமக்³கோ³ வா ஸங்கோ⁴ உக்கி²த்தங் ஓஸாரேதி. குருந்தி³யங் பன ‘‘ஸமானஸங்வாஸகபூ⁴மி ச நானாஸங்வாஸகபூ⁴மி சா’’தி ஏவங் த்³வே ஸங்வாஸபூ⁴மியோ வுத்தா. த்³வின்னங் ரத்திச்சே²தோ³தி பாரிவாஸிகஸ்ஸ ச மானத்தசாரிகஸ்ஸ ச பஞ்ஞத்தா. த்³வங்கு³லா து³வேதி த்³வே த்³வங்கு³லபஞ்ஞத்தியோ, ‘‘த்³வங்கு³லபப்³ப³பரமங் ஆதா³தப்³ப³’’ந்தி அயமேகா, ‘‘த்³வங்கு³லங் வா த்³வேமாஸங் வா’’தி அயமேகா.
Pārājikā kāyikā dveti bhikkhūnaṃ methunapārājikaṃ bhikkhunīnañca kāyasaṃsaggapārājikaṃ. Dve saṃvāsabhūmiyoti attanā vā attānaṃ samānasaṃvāsakaṃ karoti, samaggo vā saṅgho ukkhittaṃ osāreti. Kurundiyaṃ pana ‘‘samānasaṃvāsakabhūmi ca nānāsaṃvāsakabhūmi cā’’ti evaṃ dve saṃvāsabhūmiyo vuttā. Dvinnaṃ ratticchedoti pārivāsikassa ca mānattacārikassa ca paññattā. Dvaṅgulā duveti dve dvaṅgulapaññattiyo, ‘‘dvaṅgulapabbaparamaṃ ādātabba’’nti ayamekā, ‘‘dvaṅgulaṃ vā dvemāsaṃ vā’’ti ayamekā.
த்³வே அத்தானங் வதி⁴த்வானாதி பி⁴க்கு²னீ அத்தானங் வதி⁴த்வா த்³வே ஆபத்தியோ ஆபஜ்ஜதி; வத⁴தி ரோத³தி, ஆபத்தி பாசித்தியஸ்ஸ; வத⁴தி ந ரோத³தி, ஆபத்தி து³க்கடஸ்ஸ. த்³வீஹி ஸங்கோ⁴ பி⁴ஜ்ஜதீதி கம்மேன ச ஸலாகக்³கா³ஹேன ச. த்³வெத்த² பட²மாபத்திகாதி எத்த² ஸகலேபி வினயே த்³வே பட²மாபத்திகா உபி⁴ன்னங் பஞ்ஞத்திவஸேன. இதரதா² பன நவ பி⁴க்கூ²னங் நவ பி⁴க்கு²னீனந்தி அட்டா²ரஸ ஹொந்தி. ஞத்தியா கரணா து³வேதி த்³வே ஞத்திகிச்சானி – கம்மஞ்ச கம்மபாத³கா ச. நவஸு டா²னேஸு கம்மங் ஹோதி, த்³வீஸு கம்மபாத³பா⁴வேன திட்ட²தி.
Dve attānaṃ vadhitvānāti bhikkhunī attānaṃ vadhitvā dve āpattiyo āpajjati; vadhati rodati, āpatti pācittiyassa; vadhati na rodati, āpatti dukkaṭassa. Dvīhi saṅgho bhijjatīti kammena ca salākaggāhena ca. Dvetthapaṭhamāpattikāti ettha sakalepi vinaye dve paṭhamāpattikā ubhinnaṃ paññattivasena. Itarathā pana nava bhikkhūnaṃ nava bhikkhunīnanti aṭṭhārasa honti. Ñattiyā karaṇā duveti dve ñattikiccāni – kammañca kammapādakā ca. Navasu ṭhānesu kammaṃ hoti, dvīsu kammapādabhāvena tiṭṭhati.
பாணாதிபாதே திஸ்ஸோதி ‘‘அனோதி³ஸ்ஸ ஓபாதங் க²ணதி, ஸசே மனுஸ்ஸோ மரதி, பாராஜிகங்; யக்க²பேதானங் மரணே து²ல்லச்சயங்; திரச்சா²னக³தஸ்ஸ மரணே பாசித்திய’’ந்தி இமா திஸ்ஸோ ஹொந்தி. வாசா பாராஜிகா தயோதி வஜ்ஜபடிச்சா²தி³காய உக்கி²த்தானுவத்திகாய அட்ட²வத்து²காயாதி. குருந்தி³யங் பன ‘‘ஆணத்தியா அதி³ன்னாதா³னே, மனுஸ்ஸமரணே, உத்தரிமனுஸ்ஸத⁴ம்மஉல்லபனே சா’’தி ஏவங் தயோ வுத்தா. ஓபா⁴ஸனா தயோதி வச்சமக்³க³ங் பஸ்ஸாவமக்³க³ங் ஆதி³ஸ்ஸ வண்ணாவண்ணபா⁴ஸனே ஸங்கா⁴தி³ஸேஸோ, வச்சமக்³க³ங் பஸ்ஸாவமக்³க³ங் ட²பெத்வா அத⁴க்க²கங் உப்³ப⁴ஜாணுமண்ட³லங் ஆதி³ஸ்ஸ வண்ணாவண்ணப⁴ணனே து²ல்லச்சயங், உப்³ப⁴க்க²கங் அதோ⁴ஜாணுமண்ட³லங் ஆதி³ஸ்ஸ வண்ணாவண்ணப⁴ணனே து³க்கடங். ஸஞ்சரித்தேன வா தயோதி படிக்³க³ண்ஹாதி வீமங்ஸதி பச்சாஹரதி , ஆபத்தி ஸங்கா⁴தி³ஸேஸஸ்ஸ; படிக்³க³ண்ஹாதி வீமங்ஸதி ந பச்சாஹரதி, ஆபத்தி து²ல்லச்சயஸ்ஸ; படிக்³க³ண்ஹாதி ந வீமங்ஸதி ந பச்சாஹரதி, ஆபத்தி து³க்கடஸ்ஸாதி இமே ஸஞ்சரித்தேன காரணபூ⁴தேன தயோ ஆபத்திக்க²ந்தா⁴ ஹொந்தி.
Pāṇātipāte tissoti ‘‘anodissa opātaṃ khaṇati, sace manusso marati, pārājikaṃ; yakkhapetānaṃ maraṇe thullaccayaṃ; tiracchānagatassa maraṇe pācittiya’’nti imā tisso honti. Vācā pārājikā tayoti vajjapaṭicchādikāya ukkhittānuvattikāya aṭṭhavatthukāyāti. Kurundiyaṃ pana ‘‘āṇattiyā adinnādāne, manussamaraṇe, uttarimanussadhammaullapane cā’’ti evaṃ tayo vuttā. Obhāsanā tayoti vaccamaggaṃ passāvamaggaṃ ādissa vaṇṇāvaṇṇabhāsane saṅghādiseso, vaccamaggaṃ passāvamaggaṃ ṭhapetvā adhakkhakaṃ ubbhajāṇumaṇḍalaṃ ādissa vaṇṇāvaṇṇabhaṇane thullaccayaṃ, ubbhakkhakaṃ adhojāṇumaṇḍalaṃ ādissa vaṇṇāvaṇṇabhaṇane dukkaṭaṃ. Sañcarittena vā tayoti paṭiggaṇhāti vīmaṃsati paccāharati , āpatti saṅghādisesassa; paṭiggaṇhāti vīmaṃsati na paccāharati, āpatti thullaccayassa; paṭiggaṇhāti na vīmaṃsati na paccāharati, āpatti dukkaṭassāti ime sañcarittena kāraṇabhūtena tayo āpattikkhandhā honti.
தயோ புக்³க³லா ந உபஸம்பாதே³தப்³பா³தி அத்³தா⁴னஹீனோ அங்க³ஹீனோ வத்து²விபன்னோ ச தேஸங் நானாகரணங் வுத்தமேவ. அபிசெத்த² யோ பத்தசீவரேன அபரிபூரோ, பரிபூரோ ச ந யாசதி, இமேபி அங்க³ஹீனேனேவ ஸங்க³ஹிதா. மாதுகா⁴தகாத³யோ ச கரணது³க்கடகா பண்ட³கஉப⁴தொப்³யஞ்ஜனகதிரச்சா²னக³தஸங்கா²தேன வத்து²விபன்னேனேவ ஸங்க³ஹிதாதி வேதி³தப்³பா³. ஏஸ நயோ குருந்தி³யங் வுத்தோ. தயோ கம்மானங் ஸங்க³ஹாதி ஞத்திகப்பனா, விப்பகதபச்சத்தங், அதீதகரணந்தி. தத்த² ‘‘த³தெ³ய்ய கரெய்யா’’திஆதி³பே⁴தா³ ஞத்திகப்பனா; ‘‘தே³தி கரோதீ’’திஆதி³பே⁴த³ங் விப்பகதபச்சத்தங்; ‘‘தி³ன்னங் கத’’ந்திஆதி³பே⁴த³ங் அதீதகரணங் நாமாதி இமேஹி தீஹி கம்மானி ஸங்க³ய்ஹந்தி. அபரேஹிபி தீஹி கம்மானி ஸங்க³ய்ஹந்தி – வத்து²னா, ஞத்தியா, அனுஸ்ஸாவனாயாதி. வத்து²ஸம்பன்னஞ்ஹி ஞத்திஸம்பன்னங் அனுஸ்ஸாவனஸம்பன்னஞ்ச கம்மங் நாம ஹோதி, தேன வுத்தங் ‘‘தயோ கம்மானங் ஸங்க³ஹா’’தி. நாஸிதகா தயோ நாம மெத்தியங் பி⁴க்கு²னிங் நாஸேத², தூ³ஸகோ நாஸேதப்³போ³, த³ஸஹங்கே³ஹி ஸமன்னாக³தோ ஸாமணேரோ நாஸேதப்³போ³, கண்டகங் ஸமணுத்³தே³ஸங் நாஸேதா²தி ஏவங் லிங்க³ஸங்வாஸத³ண்ட³கம்மனாஸனாவஸேன தயோ நாஸிதகா வேதி³தப்³பா³. திண்ணன்னங் ஏகவாசிகாதி ‘‘அனுஜானாமி பி⁴க்க²வே த்³வே தயோ ஏகானுஸ்ஸாவனே காது’’ந்தி வசனதோ திண்ணங் ஜனானங் ஏகுபஜ்ஜா²யேன நானாசரியேன ஏகானுஸ்ஸாவனா வட்டதி.
Tayo puggalā na upasampādetabbāti addhānahīno aṅgahīno vatthuvipanno ca tesaṃ nānākaraṇaṃ vuttameva. Apicettha yo pattacīvarena aparipūro, paripūro ca na yācati, imepi aṅgahīneneva saṅgahitā. Mātughātakādayo ca karaṇadukkaṭakā paṇḍakaubhatobyañjanakatiracchānagatasaṅkhātena vatthuvipanneneva saṅgahitāti veditabbā. Esa nayo kurundiyaṃ vutto. Tayo kammānaṃ saṅgahāti ñattikappanā, vippakatapaccattaṃ, atītakaraṇanti. Tattha ‘‘dadeyya kareyyā’’tiādibhedā ñattikappanā; ‘‘deti karotī’’tiādibhedaṃ vippakatapaccattaṃ; ‘‘dinnaṃ kata’’ntiādibhedaṃ atītakaraṇaṃ nāmāti imehi tīhi kammāni saṅgayhanti. Aparehipi tīhi kammāni saṅgayhanti – vatthunā, ñattiyā, anussāvanāyāti. Vatthusampannañhi ñattisampannaṃ anussāvanasampannañca kammaṃ nāma hoti, tena vuttaṃ ‘‘tayo kammānaṃ saṅgahā’’ti. Nāsitakā tayo nāma mettiyaṃ bhikkhuniṃ nāsetha, dūsako nāsetabbo, dasahaṅgehi samannāgato sāmaṇero nāsetabbo, kaṇṭakaṃ samaṇuddesaṃ nāsethāti evaṃ liṅgasaṃvāsadaṇḍakammanāsanāvasena tayo nāsitakā veditabbā. Tiṇṇannaṃ ekavācikāti ‘‘anujānāmi bhikkhave dve tayo ekānussāvane kātu’’nti vacanato tiṇṇaṃ janānaṃ ekupajjhāyena nānācariyena ekānussāvanā vaṭṭati.
அதி³ன்னாதா³னே திஸ்ஸோதி பாதே³ வா அதிரேகபாதே³ வா பாராஜிகங், அதிரேகமாஸகே து²ல்லச்சயங், மாஸகே வா ஊனமாஸகே வா து³க்கடங். சதஸ்ஸோ மேது²னபச்சயாதி அக்க²யிதே பாராஜிகங், யேபு⁴ய்யேன க²யிதே து²ல்லச்சயங், விவடகதே முகே² து³க்கடங், ஜதுமட்ட²கே பாசித்தியங். சி²ந்த³ந்தஸ்ஸ திஸ்ஸோதி வனப்பதிங் சி²ந்த³ந்தஸ்ஸ பாராஜிகங், பூ⁴தகா³மே பாசித்தியங், அங்க³ஜாதே து²ல்லச்சயங். பஞ்ச ச²ட்³டி³தபச்சயாதி அனோதி³ஸ்ஸ விஸங் ச²ட்³டே³தி, ஸசே தேன மனுஸ்ஸோ மரதி, பாராஜிகங்; யக்க²பேதேஸு து²ல்லச்சயங்; திரச்சா²னக³தே பாசித்தியங்; விஸ்ஸட்டி²ச²ட்³ட³னே ஸங்கா⁴தி³ஸேஸோ; ஸேகி²யேஸு ஹரிதே உச்சாரபஸ்ஸாவச²ட்³ட³னே து³க்கடங் – இமா ச²ட்³டி³தபச்சயா பஞ்சாபத்தியோ ஹொந்தி.
Adinnādāne tissoti pāde vā atirekapāde vā pārājikaṃ, atirekamāsake thullaccayaṃ, māsake vā ūnamāsake vā dukkaṭaṃ. Catasso methunapaccayāti akkhayite pārājikaṃ, yebhuyyena khayite thullaccayaṃ, vivaṭakate mukhe dukkaṭaṃ, jatumaṭṭhake pācittiyaṃ. Chindantassa tissoti vanappatiṃ chindantassa pārājikaṃ, bhūtagāme pācittiyaṃ, aṅgajāte thullaccayaṃ. Pañca chaḍḍitapaccayāti anodissa visaṃ chaḍḍeti, sace tena manusso marati, pārājikaṃ; yakkhapetesu thullaccayaṃ; tiracchānagate pācittiyaṃ; vissaṭṭhichaḍḍane saṅghādiseso; sekhiyesu harite uccārapassāvachaḍḍane dukkaṭaṃ – imā chaḍḍitapaccayā pañcāpattiyo honti.
பாசித்தியேன து³க்கடா கதாதி பி⁴க்கு²னோவாத³கவக்³க³ஸ்மிங் த³ஸஸு ஸிக்கா²பதே³ஸு பாசித்தியேன ஸத்³தி⁴ங் து³க்கடா கதா ஏவாதி அத்தோ². சதுரெத்த² நவகா வுத்தாதி பட²மஸிக்கா²பத³ம்ஹியேவ அத⁴ம்மகம்மே த்³வே, த⁴ம்மகம்மே த்³வேதி ஏவங் சத்தாரோ நவகா வுத்தாதி அத்தோ². த்³வின்னங் சீவரேன சாதி பி⁴க்கூ²னங் ஸந்திகே உபஸம்பன்னாய சீவரங் தெ³ந்தஸ்ஸ பாசித்தியங், பி⁴க்கு²னீனங் ஸந்திகே உபஸம்பன்னாய தெ³ந்தஸ்ஸ து³க்கடந்தி ஏவங் த்³வின்னங் பி⁴க்கு²னீனங் சீவரங் தெ³ந்தஸ்ஸ சீவரேன காரணபூ⁴தேன ஆபத்தி ஹோதீதி அத்தோ².
Pācittiyenadukkaṭā katāti bhikkhunovādakavaggasmiṃ dasasu sikkhāpadesu pācittiyena saddhiṃ dukkaṭā katā evāti attho. Caturettha navakā vuttāti paṭhamasikkhāpadamhiyeva adhammakamme dve, dhammakamme dveti evaṃ cattāro navakā vuttāti attho. Dvinnaṃ cīvarena cāti bhikkhūnaṃ santike upasampannāya cīvaraṃ dentassa pācittiyaṃ, bhikkhunīnaṃ santike upasampannāya dentassa dukkaṭanti evaṃ dvinnaṃ bhikkhunīnaṃ cīvaraṃ dentassa cīvarena kāraṇabhūtena āpatti hotīti attho.
அட்ட² பாடிதே³ஸனீயாதி பாளியங் ஆக³தா ஏவ. பு⁴ஞ்ஜந்தாமகத⁴ஞ்ஞேன பாசித்தியேன து³க்கடா கதாதி ஆமகத⁴ஞ்ஞங் விஞ்ஞாபெத்வா பு⁴ஞ்ஜந்தியா பாசித்தியேன ஸத்³தி⁴ங் து³க்கடா கதாயேவ.
Aṭṭha pāṭidesanīyāti pāḷiyaṃ āgatā eva. Bhuñjantāmakadhaññena pācittiyena dukkaṭā katāti āmakadhaññaṃ viññāpetvā bhuñjantiyā pācittiyena saddhiṃ dukkaṭā katāyeva.
க³ச்ச²ந்தஸ்ஸ சதஸ்ஸோதி பி⁴க்கு²னியா வா மாதுகா³மேன வா ஸத்³தி⁴ங் ஸங்விதா⁴ய க³ச்ச²ந்தஸ்ஸ து³க்கடங், கா³மூபசாரோக்கமனே பாசித்தியங், யா பி⁴க்கு²னீ ஏகா கா³மந்தரங் க³ச்ச²தி, தஸ்ஸா கா³மூபசாரங் ஓக்கமந்தியா பட²மபாதே³ து²ல்லச்சயங், து³தியபாதே³ ஸங்கா⁴தி³ஸேஸோதி க³ச்ச²ந்தஸ்ஸ இமா சதஸ்ஸோ ஆபத்தியோ ஹொந்தி. டி²தஸ்ஸ சாபி தத்தகாதி டி²தஸ்ஸபி சதஸ்ஸோ ஏவாதி அத்தோ². கத²ங்? பி⁴க்கு²னீ அந்த⁴காரே வா படிச்ச²ன்னே வா ஓகாஸே மித்தஸந்த²வவஸேன புரிஸஸ்ஸ ஹத்த²பாஸே திட்ட²தி, பாசித்தியங்; ஹத்த²பாஸங் விஜஹித்வா திட்ட²தி, து³க்கடங்; அருணுக்³க³மனகாலே து³தியிகாய ஹத்த²பாஸங் விஜஹந்தீ திட்ட²தி, து²ல்லச்சயங்; விஜஹித்வா திட்ட²தி, ஸங்கா⁴தி³ஸேஸோதி நிஸின்னஸ்ஸ சதஸ்ஸோ ஆபத்தியோ. நிபன்னஸ்ஸாபி தத்தகாதி ஸசேபி ஹி ஸா நிஸீத³தி வா நிபஜ்ஜதி வா, ஏதாயேவ சதஸ்ஸோ ஆபத்தியோ ஆபஜ்ஜதி.
Gacchantassa catassoti bhikkhuniyā vā mātugāmena vā saddhiṃ saṃvidhāya gacchantassa dukkaṭaṃ, gāmūpacārokkamane pācittiyaṃ, yā bhikkhunī ekā gāmantaraṃ gacchati, tassā gāmūpacāraṃ okkamantiyā paṭhamapāde thullaccayaṃ, dutiyapāde saṅghādisesoti gacchantassa imā catasso āpattiyo honti. Ṭhitassa cāpi tattakāti ṭhitassapi catasso evāti attho. Kathaṃ? Bhikkhunī andhakāre vā paṭicchanne vā okāse mittasanthavavasena purisassa hatthapāse tiṭṭhati, pācittiyaṃ; hatthapāsaṃ vijahitvā tiṭṭhati, dukkaṭaṃ; aruṇuggamanakāle dutiyikāya hatthapāsaṃ vijahantī tiṭṭhati, thullaccayaṃ; vijahitvā tiṭṭhati, saṅghādisesoti nisinnassa catasso āpattiyo. Nipannassāpi tattakāti sacepi hi sā nisīdati vā nipajjati vā, etāyeva catasso āpattiyo āpajjati.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 2. தே³ஸனாகா³மினியாதி³ஆபத்தி • 2. Desanāgāminiyādiāpatti
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / தே³ஸனாகா³மினியாதி³வண்ணனா • Desanāgāminiyādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / காயிகாதி³ஆபத்திவண்ணனா • Kāyikādiāpattivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / காயிகாதி³ஆபத்திவண்ணனா • Kāyikādiāpattivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / (2) தே³ஸனாகா³மினியாதி³வண்ணனா • (2) Desanāgāminiyādivaṇṇanā
