| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
(2) д̣̇зсанааг̇ааминияаад̣̇иван̣н̣анаа
(2) Desanāgāminiyādivaṇṇanā
475. бан̃жа д̣̇зсанааг̇ааминияод̇и лахугаа бан̃жа. ча саббадигаммаад̇и баарааж̇игам̣ табзд̇ваа авасзсаа. згзд̇т̇а аббадигаммаад̇и згаа баарааж̇игаабад̇д̇и.
475.Pañca desanāgāminiyoti lahukā pañca. Cha sappaṭikammāti pārājikaṃ ṭhapetvā avasesā. Ekettha appaṭikammāti ekā pārājikāpatti.
винаяаг̇аругаа д̣̇вз вуд̇д̇аад̇и баарааж̇иган̃жзва сан̇гхаад̣̇исзсан̃жа. гааяаваажасигаани жаад̇и саб̣б̣аанзва сигкаабад̣̇аани гааяаваажасигаани, манод̣̇ваарз бан̃н̃ад̇д̇ам̣ згасигкаабад̣̇амби над̇т̇и. зго вигаалз д̇хан̃н̃арасод̇и лон̣асовийрагам̣. аяамзва хи зго д̇хан̃н̃арасо вигаалз ваддад̇и. згаа н̃ад̇д̇ижад̇уд̇т̇зна саммуд̇ийд̇и бхигкуноваад̣̇агасаммуд̇и. аяамзва хи згаа н̃ад̇д̇ижад̇уд̇т̇агаммзна саммуд̇и анун̃н̃аад̇аа.
Vinayagarukādve vuttāti pārājikañceva saṅghādisesañca. Kāyavācasikāni cāti sabbāneva sikkhāpadāni kāyavācasikāni, manodvāre paññattaṃ ekasikkhāpadampi natthi. Eko vikāle dhaññarasoti loṇasovīrakaṃ. Ayameva hi eko dhaññaraso vikāle vaṭṭati. Ekā ñatticatutthena sammutīti bhikkhunovādakasammuti. Ayameva hi ekā ñatticatutthakammena sammuti anuññātā.
баарааж̇игаа гааяигаа д̣̇взд̇и бхигкуунам̣ мзт̇унабаарааж̇игам̣ бхигкунийнан̃жа гааяасам̣саг̇г̇абаарааж̇игам̣. д̣̇вз сам̣ваасабхуумияод̇и ад̇д̇анаа ваа ад̇д̇аанам̣ самаанасам̣ваасагам̣ гарод̇и, самаг̇г̇о ваа сан̇гхо угкид̇д̇ам̣ осаарзд̇и. гурунд̣̇ияам̣ бана ‘‘самаанасам̣ваасагабхууми жа наанаасам̣ваасагабхууми жаа’’д̇и звам̣ д̣̇вз сам̣ваасабхуумияо вуд̇д̇аа. д̣̇виннам̣ рад̇д̇ижчзд̣̇од̇и баариваасигасса жа маанад̇д̇ажааригасса жа бан̃н̃ад̇д̇аа. д̣̇ван̇г̇улаа д̣̇увзд̇и д̣̇вз д̣̇ван̇г̇улабан̃н̃ад̇д̇ияо, ‘‘д̣̇ван̇г̇улабаб̣б̣абарамам̣ аад̣̇аад̇аб̣б̣а’’нд̇и аяамзгаа, ‘‘д̣̇ван̇г̇улам̣ ваа д̣̇взмаасам̣ ваа’’д̇и аяамзгаа.
Pārājikā kāyikā dveti bhikkhūnaṃ methunapārājikaṃ bhikkhunīnañca kāyasaṃsaggapārājikaṃ. Dve saṃvāsabhūmiyoti attanā vā attānaṃ samānasaṃvāsakaṃ karoti, samaggo vā saṅgho ukkhittaṃ osāreti. Kurundiyaṃ pana ‘‘samānasaṃvāsakabhūmi ca nānāsaṃvāsakabhūmi cā’’ti evaṃ dve saṃvāsabhūmiyo vuttā. Dvinnaṃ ratticchedoti pārivāsikassa ca mānattacārikassa ca paññattā. Dvaṅgulā duveti dve dvaṅgulapaññattiyo, ‘‘dvaṅgulapabbaparamaṃ ādātabba’’nti ayamekā, ‘‘dvaṅgulaṃ vā dvemāsaṃ vā’’ti ayamekā.
д̣̇вз ад̇д̇аанам̣ вад̇хид̇ваанаад̇и бхигкуний ад̇д̇аанам̣ вад̇хид̇ваа д̣̇вз аабад̇д̇ияо аабаж̇ж̇ад̇и; вад̇хад̇и род̣̇ад̇и, аабад̇д̇и баажид̇д̇ияасса; вад̇хад̇и на род̣̇ад̇и, аабад̇д̇и д̣̇уггадасса. д̣̇вийхи сан̇гхо бхиж̇ж̇ад̇ийд̇и гаммзна жа салаагаг̇г̇аахзна жа. д̣̇взд̇т̇а батамаабад̇д̇игаад̇и зд̇т̇а сагалзби винаяз д̣̇вз батамаабад̇д̇игаа убхиннам̣ бан̃н̃ад̇д̇ивасзна. ид̇арат̇аа бана нава бхигкуунам̣ нава бхигкунийнанд̇и адтаараса хонд̇и. н̃ад̇д̇ияаа гаран̣аа д̣̇увзд̇и д̣̇вз н̃ад̇д̇игижжаани – гамман̃жа гаммабаад̣̇агаа жа. навасу таанзсу гаммам̣ ход̇и, д̣̇вийсу гаммабаад̣̇абхаавзна д̇идтад̇и.
Dve attānaṃ vadhitvānāti bhikkhunī attānaṃ vadhitvā dve āpattiyo āpajjati; vadhati rodati, āpatti pācittiyassa; vadhati na rodati, āpatti dukkaṭassa. Dvīhi saṅgho bhijjatīti kammena ca salākaggāhena ca. Dvetthapaṭhamāpattikāti ettha sakalepi vinaye dve paṭhamāpattikā ubhinnaṃ paññattivasena. Itarathā pana nava bhikkhūnaṃ nava bhikkhunīnanti aṭṭhārasa honti. Ñattiyā karaṇā duveti dve ñattikiccāni – kammañca kammapādakā ca. Navasu ṭhānesu kammaṃ hoti, dvīsu kammapādabhāvena tiṭṭhati.
баан̣аад̇ибаад̇з д̇иссод̇и ‘‘анод̣̇исса обаад̇ам̣ кан̣ад̇и, сажз мануссо марад̇и, баарааж̇игам̣; яагкабзд̇аанам̣ маран̣з т̇уллажжаяам̣; д̇иражчаанаг̇ад̇асса маран̣з баажид̇д̇ияа’’нд̇и имаа д̇иссо хонд̇и. ваажаа баарааж̇игаа д̇аяод̇и важ̇ж̇абадижчаад̣̇игааяа угкид̇д̇аанувад̇д̇игааяа адтавад̇т̇угааяаад̇и. гурунд̣̇ияам̣ бана ‘‘аан̣ад̇д̇ияаа ад̣̇иннаад̣̇аанз, мануссамаран̣з, уд̇д̇аримануссад̇хаммауллабанз жаа’’д̇и звам̣ д̇аяо вуд̇д̇аа. обхаасанаа д̇аяод̇и важжамаг̇г̇ам̣ бассаавамаг̇г̇ам̣ аад̣̇исса ван̣н̣ааван̣н̣абхаасанз сан̇гхаад̣̇исзсо, важжамаг̇г̇ам̣ бассаавамаг̇г̇ам̣ табзд̇ваа ад̇хагкагам̣ уб̣бхаж̇аан̣уман̣д̣алам̣ аад̣̇исса ван̣н̣ааван̣н̣абхан̣анз т̇уллажжаяам̣, уб̣бхагкагам̣ ад̇хож̇аан̣уман̣д̣алам̣ аад̣̇исса ван̣н̣ааван̣н̣абхан̣анз д̣̇уггадам̣. сан̃жарид̇д̇зна ваа д̇аяод̇и бадиг̇г̇ан̣хаад̇и виймам̣сад̇и бажжаахарад̇и , аабад̇д̇и сан̇гхаад̣̇исзсасса; бадиг̇г̇ан̣хаад̇и виймам̣сад̇и на бажжаахарад̇и, аабад̇д̇и т̇уллажжаяасса; бадиг̇г̇ан̣хаад̇и на виймам̣сад̇и на бажжаахарад̇и, аабад̇д̇и д̣̇уггадассаад̇и имз сан̃жарид̇д̇зна гааран̣абхууд̇зна д̇аяо аабад̇д̇игканд̇хаа хонд̇и.
Pāṇātipāte tissoti ‘‘anodissa opātaṃ khaṇati, sace manusso marati, pārājikaṃ; yakkhapetānaṃ maraṇe thullaccayaṃ; tiracchānagatassa maraṇe pācittiya’’nti imā tisso honti. Vācā pārājikā tayoti vajjapaṭicchādikāya ukkhittānuvattikāya aṭṭhavatthukāyāti. Kurundiyaṃ pana ‘‘āṇattiyā adinnādāne, manussamaraṇe, uttarimanussadhammaullapane cā’’ti evaṃ tayo vuttā. Obhāsanā tayoti vaccamaggaṃ passāvamaggaṃ ādissa vaṇṇāvaṇṇabhāsane saṅghādiseso, vaccamaggaṃ passāvamaggaṃ ṭhapetvā adhakkhakaṃ ubbhajāṇumaṇḍalaṃ ādissa vaṇṇāvaṇṇabhaṇane thullaccayaṃ, ubbhakkhakaṃ adhojāṇumaṇḍalaṃ ādissa vaṇṇāvaṇṇabhaṇane dukkaṭaṃ. Sañcarittena vā tayoti paṭiggaṇhāti vīmaṃsati paccāharati , āpatti saṅghādisesassa; paṭiggaṇhāti vīmaṃsati na paccāharati, āpatti thullaccayassa; paṭiggaṇhāti na vīmaṃsati na paccāharati, āpatti dukkaṭassāti ime sañcarittena kāraṇabhūtena tayo āpattikkhandhā honti.
д̇аяо буг̇г̇алаа на убасамбаад̣̇зд̇аб̣б̣аад̇и ад̣̇д̇хаанахийно ан̇г̇ахийно вад̇т̇увибанно жа д̇зсам̣ наанаагаран̣ам̣ вуд̇д̇амзва. абижзд̇т̇а яо бад̇д̇ажийварзна абарибууро, барибууро жа на яаажад̇и, имзби ан̇г̇ахийнзнзва сан̇г̇ахид̇аа. маад̇угхаад̇агаад̣̇аяо жа гаран̣ад̣̇уггадагаа бан̣д̣агаубхад̇об̣яан̃ж̇анагад̇иражчаанаг̇ад̇асан̇каад̇зна вад̇т̇увибаннзнзва сан̇г̇ахид̇аад̇и взд̣̇ид̇аб̣б̣аа. зса наяо гурунд̣̇ияам̣ вуд̇д̇о. д̇аяо гаммаанам̣ сан̇г̇ахаад̇и н̃ад̇д̇игаббанаа, виббагад̇абажжад̇д̇ам̣, ад̇ийд̇агаран̣анд̇и. д̇ад̇т̇а ‘‘д̣̇ад̣̇зяяа гарзяяаа’’д̇иаад̣̇ибхзд̣̇аа н̃ад̇д̇игаббанаа; ‘‘д̣̇зд̇и гарод̇ий’’д̇иаад̣̇ибхзд̣̇ам̣ виббагад̇абажжад̇д̇ам̣; ‘‘д̣̇иннам̣ гад̇а’’нд̇иаад̣̇ибхзд̣̇ам̣ ад̇ийд̇агаран̣ам̣ наамаад̇и имзхи д̇ийхи гаммаани сан̇г̇аяханд̇и. абарзхиби д̇ийхи гаммаани сан̇г̇аяханд̇и – вад̇т̇унаа, н̃ад̇д̇ияаа, ануссааванааяаад̇и. вад̇т̇усамбаннан̃хи н̃ад̇д̇исамбаннам̣ ануссааванасамбаннан̃жа гаммам̣ наама ход̇и, д̇зна вуд̇д̇ам̣ ‘‘д̇аяо гаммаанам̣ сан̇г̇ахаа’’д̇и. наасид̇агаа д̇аяо наама мзд̇д̇ияам̣ бхигкуним̣ наасзт̇а, д̣̇уусаго наасзд̇аб̣б̣о, д̣̇асахан̇г̇зхи саманнааг̇ад̇о сааман̣зро наасзд̇аб̣б̣о, ган̣дагам̣ саман̣уд̣̇д̣̇зсам̣ наасзт̇аад̇и звам̣ лин̇г̇асам̣ваасад̣̇ан̣д̣агамманаасанаавасзна д̇аяо наасид̇агаа взд̣̇ид̇аб̣б̣аа. д̇ин̣н̣аннам̣ згаваажигаад̇и ‘‘ануж̇аанаами бхигкавз д̣̇вз д̇аяо згаануссааванз гаад̇у’’нд̇и важанад̇о д̇ин̣н̣ам̣ ж̇анаанам̣ згубаж̇жхааязна наанаажариязна згаануссааванаа ваддад̇и.
Tayo puggalā na upasampādetabbāti addhānahīno aṅgahīno vatthuvipanno ca tesaṃ nānākaraṇaṃ vuttameva. Apicettha yo pattacīvarena aparipūro, paripūro ca na yācati, imepi aṅgahīneneva saṅgahitā. Mātughātakādayo ca karaṇadukkaṭakā paṇḍakaubhatobyañjanakatiracchānagatasaṅkhātena vatthuvipanneneva saṅgahitāti veditabbā. Esa nayo kurundiyaṃ vutto. Tayo kammānaṃ saṅgahāti ñattikappanā, vippakatapaccattaṃ, atītakaraṇanti. Tattha ‘‘dadeyya kareyyā’’tiādibhedā ñattikappanā; ‘‘deti karotī’’tiādibhedaṃ vippakatapaccattaṃ; ‘‘dinnaṃ kata’’ntiādibhedaṃ atītakaraṇaṃ nāmāti imehi tīhi kammāni saṅgayhanti. Aparehipi tīhi kammāni saṅgayhanti – vatthunā, ñattiyā, anussāvanāyāti. Vatthusampannañhi ñattisampannaṃ anussāvanasampannañca kammaṃ nāma hoti, tena vuttaṃ ‘‘tayo kammānaṃ saṅgahā’’ti. Nāsitakā tayo nāma mettiyaṃ bhikkhuniṃ nāsetha, dūsako nāsetabbo, dasahaṅgehi samannāgato sāmaṇero nāsetabbo, kaṇṭakaṃ samaṇuddesaṃ nāsethāti evaṃ liṅgasaṃvāsadaṇḍakammanāsanāvasena tayo nāsitakā veditabbā. Tiṇṇannaṃ ekavācikāti ‘‘anujānāmi bhikkhave dve tayo ekānussāvane kātu’’nti vacanato tiṇṇaṃ janānaṃ ekupajjhāyena nānācariyena ekānussāvanā vaṭṭati.
ад̣̇иннаад̣̇аанз д̇иссод̇и баад̣̇з ваа ад̇ирзгабаад̣̇з ваа баарааж̇игам̣, ад̇ирзгамаасагз т̇уллажжаяам̣, маасагз ваа уунамаасагз ваа д̣̇уггадам̣. жад̇ассо мзт̇унабажжаяаад̇и агкаяид̇з баарааж̇игам̣, язбхуяязна каяид̇з т̇уллажжаяам̣, вивадагад̇з мукз д̣̇уггадам̣, ж̇ад̇умадтагз баажид̇д̇ияам̣. чинд̣̇анд̇асса д̇иссод̇и ванаббад̇им̣ чинд̣̇анд̇асса баарааж̇игам̣, бхууд̇аг̇аамз баажид̇д̇ияам̣, ан̇г̇аж̇аад̇з т̇уллажжаяам̣. бан̃жа чад̣д̣ид̇абажжаяаад̇и анод̣̇исса висам̣ чад̣д̣зд̇и, сажз д̇зна мануссо марад̇и, баарааж̇игам̣; яагкабзд̇зсу т̇уллажжаяам̣; д̇иражчаанаг̇ад̇з баажид̇д̇ияам̣; виссадтичад̣д̣анз сан̇гхаад̣̇исзсо; сзкиязсу харид̇з ужжаарабассаавачад̣д̣анз д̣̇уггадам̣ – имаа чад̣д̣ид̇абажжаяаа бан̃жаабад̇д̇ияо хонд̇и.
Adinnādāne tissoti pāde vā atirekapāde vā pārājikaṃ, atirekamāsake thullaccayaṃ, māsake vā ūnamāsake vā dukkaṭaṃ. Catasso methunapaccayāti akkhayite pārājikaṃ, yebhuyyena khayite thullaccayaṃ, vivaṭakate mukhe dukkaṭaṃ, jatumaṭṭhake pācittiyaṃ. Chindantassa tissoti vanappatiṃ chindantassa pārājikaṃ, bhūtagāme pācittiyaṃ, aṅgajāte thullaccayaṃ. Pañca chaḍḍitapaccayāti anodissa visaṃ chaḍḍeti, sace tena manusso marati, pārājikaṃ; yakkhapetesu thullaccayaṃ; tiracchānagate pācittiyaṃ; vissaṭṭhichaḍḍane saṅghādiseso; sekhiyesu harite uccārapassāvachaḍḍane dukkaṭaṃ – imā chaḍḍitapaccayā pañcāpattiyo honti.
баажид̇д̇иязна д̣̇уггадаа гад̇аад̇и бхигкуноваад̣̇агаваг̇г̇асмим̣ д̣̇асасу сигкаабад̣̇зсу баажид̇д̇иязна сад̣̇д̇хим̣ д̣̇уггадаа гад̇аа зваад̇и ад̇т̇о. жад̇урзд̇т̇а навагаа вуд̇д̇аад̇и батамасигкаабад̣̇амхиязва ад̇хаммагаммз д̣̇вз, д̇хаммагаммз д̣̇взд̇и звам̣ жад̇д̇ааро навагаа вуд̇д̇аад̇и ад̇т̇о. д̣̇виннам̣ жийварзна жаад̇и бхигкуунам̣ санд̇игз убасамбаннааяа жийварам̣ д̣̇знд̇асса баажид̇д̇ияам̣, бхигкунийнам̣ санд̇игз убасамбаннааяа д̣̇знд̇асса д̣̇уггаданд̇и звам̣ д̣̇виннам̣ бхигкунийнам̣ жийварам̣ д̣̇знд̇асса жийварзна гааран̣абхууд̇зна аабад̇д̇и ход̇ийд̇и ад̇т̇о.
Pācittiyenadukkaṭā katāti bhikkhunovādakavaggasmiṃ dasasu sikkhāpadesu pācittiyena saddhiṃ dukkaṭā katā evāti attho. Caturettha navakā vuttāti paṭhamasikkhāpadamhiyeva adhammakamme dve, dhammakamme dveti evaṃ cattāro navakā vuttāti attho. Dvinnaṃ cīvarena cāti bhikkhūnaṃ santike upasampannāya cīvaraṃ dentassa pācittiyaṃ, bhikkhunīnaṃ santike upasampannāya dentassa dukkaṭanti evaṃ dvinnaṃ bhikkhunīnaṃ cīvaraṃ dentassa cīvarena kāraṇabhūtena āpatti hotīti attho.
адта баадид̣̇зсанийяаад̇и баал̣ияам̣ ааг̇ад̇аа зва. бхун̃ж̇анд̇аамагад̇хан̃н̃зна баажид̇д̇иязна д̣̇уггадаа гад̇аад̇и аамагад̇хан̃н̃ам̣ вин̃н̃аабзд̇ваа бхун̃ж̇анд̇ияаа баажид̇д̇иязна сад̣̇д̇хим̣ д̣̇уггадаа гад̇ааязва.
Aṭṭha pāṭidesanīyāti pāḷiyaṃ āgatā eva. Bhuñjantāmakadhaññena pācittiyena dukkaṭā katāti āmakadhaññaṃ viññāpetvā bhuñjantiyā pācittiyena saddhiṃ dukkaṭā katāyeva.
г̇ажчанд̇асса жад̇ассод̇и бхигкунияаа ваа маад̇уг̇аамзна ваа сад̣̇д̇хим̣ сам̣вид̇хааяа г̇ажчанд̇асса д̣̇уггадам̣, г̇аамуубажаароггаманз баажид̇д̇ияам̣, яаа бхигкуний згаа г̇ааманд̇арам̣ г̇ажчад̇и, д̇ассаа г̇аамуубажаарам̣ оггаманд̇ияаа батамабаад̣̇з т̇уллажжаяам̣, д̣̇уд̇ияабаад̣̇з сан̇гхаад̣̇исзсод̇и г̇ажчанд̇асса имаа жад̇ассо аабад̇д̇ияо хонд̇и. тид̇асса жааби д̇ад̇д̇агаад̇и тид̇ассаби жад̇ассо зваад̇и ад̇т̇о. гат̇ам̣? бхигкуний анд̇хагаарз ваа бадижчаннз ваа огаасз мид̇д̇асант̇ававасзна бурисасса хад̇т̇абаасз д̇идтад̇и, баажид̇д̇ияам̣; хад̇т̇абаасам̣ виж̇ахид̇ваа д̇идтад̇и, д̣̇уггадам̣; арун̣уг̇г̇аманагаалз д̣̇уд̇ияигааяа хад̇т̇абаасам̣ виж̇аханд̇ий д̇идтад̇и, т̇уллажжаяам̣; виж̇ахид̇ваа д̇идтад̇и, сан̇гхаад̣̇исзсод̇и нисиннасса жад̇ассо аабад̇д̇ияо. нибаннассааби д̇ад̇д̇агаад̇и сажзби хи саа нисийд̣̇ад̇и ваа нибаж̇ж̇ад̇и ваа, зд̇ааязва жад̇ассо аабад̇д̇ияо аабаж̇ж̇ад̇и.
Gacchantassa catassoti bhikkhuniyā vā mātugāmena vā saddhiṃ saṃvidhāya gacchantassa dukkaṭaṃ, gāmūpacārokkamane pācittiyaṃ, yā bhikkhunī ekā gāmantaraṃ gacchati, tassā gāmūpacāraṃ okkamantiyā paṭhamapāde thullaccayaṃ, dutiyapāde saṅghādisesoti gacchantassa imā catasso āpattiyo honti. Ṭhitassa cāpi tattakāti ṭhitassapi catasso evāti attho. Kathaṃ? Bhikkhunī andhakāre vā paṭicchanne vā okāse mittasanthavavasena purisassa hatthapāse tiṭṭhati, pācittiyaṃ; hatthapāsaṃ vijahitvā tiṭṭhati, dukkaṭaṃ; aruṇuggamanakāle dutiyikāya hatthapāsaṃ vijahantī tiṭṭhati, thullaccayaṃ; vijahitvā tiṭṭhati, saṅghādisesoti nisinnassa catasso āpattiyo. Nipannassāpi tattakāti sacepi hi sā nisīdati vā nipajjati vā, etāyeva catasso āpattiyo āpajjati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. д̣̇зсанааг̇ааминияаад̣̇иаабад̇д̇и • 2. Desanāgāminiyādiāpatti
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇зсанааг̇ааминияаад̣̇иван̣н̣анаа • Desanāgāminiyādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / (2) д̣̇зсанааг̇ааминияаад̣̇иван̣н̣анаа • (2) Desanāgāminiyādivaṇṇanā
