| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
1. д̣̇зсанаахаарасамбаад̇аван̣н̣анаа
1. Desanāhārasampātavaṇṇanā
звам̣ субаригаммагад̇ааяа бхуумияаа наанааван̣н̣аани муд̇д̇абубпаани багиранд̇о вияа сусигкид̇асиббаажарияавижаарид̇зсу сурад̇д̇асуван̣н̣аалан̇гаарзсу наанаавид̇харам̣сиж̇ааласамуж̇ж̇алаани вивид̇хаани ман̣ирад̇анаани б̣анд̇ханд̇о вияа махаабат̇авим̣ баривад̇д̇зд̇ваа баббадагож̇ам̣ каад̣̇аабзнд̇о вияа яож̇анигамад̇хуг̇ан̣д̣ам̣ бийл̣зд̇ваа сумад̇хурасам̣ бааязнд̇о вияа жа ааяасмаа махаагажжаано наанаасуд̇д̇абад̣̇зсз уд̣̇аахаранд̇о сол̣аса хаарз вибхаж̇ид̇ваа ид̣̇аани д̇з згасмим̣язва суд̇д̇з яож̇зд̇ваа д̣̇ассзнд̇о хаарасамбаад̇аваарам̣ аарабхи. аарабханд̇о жа яааяам̣ нид̣̇д̣̇зсаваарз –
Evaṃ suparikammakatāya bhūmiyā nānāvaṇṇāni muttapupphāni pakiranto viya susikkhitasippācariyavicāritesu surattasuvaṇṇālaṅkāresu nānāvidharaṃsijālasamujjalāni vividhāni maṇiratanāni bandhanto viya mahāpathaviṃ parivattetvā pappaṭakojaṃ khādāpento viya yojanikamadhugaṇḍaṃ pīḷetvā sumadhurasaṃ pāyento viya ca āyasmā mahākaccāno nānāsuttapadese udāharanto soḷasa hāre vibhajitvā idāni te ekasmiṃyeva sutte yojetvā dassento hārasampātavāraṃ ārabhi. Ārabhanto ca yāyaṃ niddesavāre –
52.
52.
‘‘сол̣аса хаараа батамам̣, д̣̇исаложанад̇о д̣̇исаа вилогзд̇ваа.
‘‘Soḷasa hārā paṭhamaṃ, disalocanato disā viloketvā.
сан̇кибияа ан̇гусзна хи, наязхи д̇ийхи нид̣̇д̣̇исз суд̇д̇а’’нд̇и. –
Saṅkhipiya aṅkusena hi, nayehi tīhi niddise sutta’’nti. –
г̇аат̇аа вуд̇д̇аа. яасмаа д̇ам̣ хааравибхан̇г̇авааро наббаяож̇зд̇и, виббагин̣н̣ависаяад̇д̇аа, наяавижаарасса жа анд̇арид̇ад̇д̇аа . анзгзхи суд̇д̇абад̣̇зсзхи хаараанам̣ вибхааг̇ад̣̇ассанамзва хи хааравибхан̇г̇авааро. хаарасамбаад̇авааро бана д̇ам̣ баяож̇зд̇и, згасмим̣язва суд̇д̇абад̣̇зсз сол̣аса хаарз яож̇зд̇ваава д̇ад̣̇ананд̇арам̣ наяасамудтаанасса гат̇ид̇ад̇д̇аа. д̇асмаа ‘‘сол̣аса хаараа батама’’нд̇и г̇аат̇ам̣ бажжаамасид̇ваа ‘‘д̇ассаа нид̣̇д̣̇зсо гухим̣ д̣̇адтаб̣б̣о, хаарасамбаад̇з’’д̇и ааха. д̇ассад̇т̇о – ‘‘д̇ассаа г̇аат̇ааяа нид̣̇д̣̇зсо гад̇т̇а д̣̇адтаб̣б̣о’’д̇и. зд̇зна суд̇д̇зсу хаараанам̣ яож̇анаанаяад̣̇ассанам̣ хаарасамбаад̇аваарод̇и д̣̇ассзд̇и. хаарасамбаад̇абад̣̇асса ад̇т̇о вуд̇д̇о зва.
Gāthā vuttā. Yasmā taṃ hāravibhaṅgavāro nappayojeti, vippakiṇṇavisayattā, nayavicārassa ca antaritattā . Anekehi suttapadesehi hārānaṃ vibhāgadassanameva hi hāravibhaṅgavāro. Hārasampātavāro pana taṃ payojeti, ekasmiṃyeva suttapadese soḷasa hāre yojetvāva tadanantaraṃ nayasamuṭṭhānassa kathitattā. Tasmā ‘‘soḷasa hārā paṭhama’’nti gāthaṃ paccāmasitvā ‘‘tassā niddeso kuhiṃ daṭṭhabbo, hārasampāte’’ti āha. Tassattho – ‘‘tassā gāthāya niddeso kattha daṭṭhabbo’’ti. Etena suttesu hārānaṃ yojanānayadassanaṃ hārasampātavāroti dasseti. Hārasampātapadassa attho vutto eva.
арагкид̇зна жид̇д̇знаад̇и жагкуд̣̇ваараад̣̇ийсу сад̇иаарагкаабхаавзна аг̇уд̇д̇зна жид̇д̇зна. мижчаад̣̇идтихад̇знаад̇и сассад̇аад̣̇имижчаабхинивзсад̣̇уусид̇зна. т̇инамид̣̇д̇хаабхибхууд̇знаад̇и жид̇д̇асса гааяасса жа агаляад̇аалагкан̣зхи т̇инамид̣̇д̇хзхи аж̇жход̇т̇адзна. васам̣ маарасса г̇ажчад̇ийд̇и гилзсамаараад̣̇ийнам̣ яат̇аагаамам̣ гаран̣ийяо ход̇ийд̇и аяам̣ д̇аава г̇аат̇ааяа бад̣̇ад̇т̇о.
Arakkhitenacittenāti cakkhudvārādīsu satiārakkhābhāvena aguttena cittena. Micchādiṭṭhihatenāti sassatādimicchābhinivesadūsitena. Thinamiddhābhibhūtenāti cittassa kāyassa ca akalyatālakkhaṇehi thinamiddhehi ajjhotthaṭena. Vasaṃ mārassa gacchatīti kilesamārādīnaṃ yathākāmaṃ karaṇīyo hotīti ayaṃ tāva gāthāya padattho.
бамаад̣̇анд̇и ‘‘арагкид̇зна жид̇д̇знаа’’д̇и ид̣̇ам̣ бад̣̇ам̣ часу д̣̇ваарзсу сад̇ивосаг̇г̇алагкан̣ам̣ бамаад̣̇ам̣ гат̇зд̇и. д̇ам̣ мажжуно бад̣̇анд̇и д̇ам̣ бамаж̇ж̇анам̣ г̇ун̣амааран̣ад̇о мажжусан̇каад̇асса маарасса васавад̇д̇анадтаанам̣, д̇зна ‘‘арагкид̇зна жид̇д̇зна, васам̣ маарасса г̇ажчад̇ий’’д̇и батамабаад̣̇ам̣ жад̇уд̇т̇абаад̣̇зна самб̣анд̇хид̇ваа д̣̇ассзд̇и. со вибаллаасод̇и яам̣ анижжасса канд̇хабан̃жагасса ‘‘нижжа’’нд̇и д̣̇ассанам̣, со вибаллаасо вибариязсаг̇г̇аахо. д̇знзвааха – ‘‘вибарийд̇аг̇г̇аахалагкан̣о вибаллаасо’’д̇и. саб̣б̣ам̣ вибаллаасасааман̃н̃зна г̇ахзд̇ваа д̇асса ад̇хидтаанам̣ бужчад̇и ‘‘гим̣ вибаллаасаяад̇ий’’д̇и. сааман̃н̃асса жа висзсо ад̇хидтаанабхаавзна вохарийяад̇ийд̇и ааха – ‘‘сан̃н̃ам̣ жид̇д̇ам̣ д̣̇идтимид̇ий’’д̇и. д̇ам̣ ‘‘вибаллаасаяад̇ий’’д̇и бад̣̇зна самб̣анд̇хид̇аб̣б̣ам̣. д̇зсу сан̃н̃аавибаллаасо саб̣б̣амуд̣̇уго, анижжаад̣̇игасса висаяасса мижчаавасзна убадтид̇аагаараг̇г̇ахан̣амад̇д̇ам̣ миг̇абод̇агаанам̣ д̇ин̣абурисагзсу бурисод̇и уббаннасан̃н̃аа вияа. жид̇д̇авибаллаасо д̇ад̇о б̣алавад̇аро, аман̣иаад̣̇игз висаяз ман̣иаад̣̇иаагаарзна убадтаханд̇з д̇ат̇аа саннидтаанам̣ вияа нижжаад̣̇ид̇о саннидтаанамад̇д̇ам̣. д̣̇идтивибаллаасо бана саб̣б̣аб̣алавад̇аро яам̣ яам̣ аарамман̣ам̣ яат̇аа яат̇аа убадтаад̇и, д̇ат̇аа д̇ат̇аа нам̣ сассад̇аад̣̇ивасзна ‘‘ид̣̇амзва сажжам̣ могхаман̃н̃а’’нд̇и абхинивисанд̇о бавад̇д̇ад̇и. д̇ад̇т̇а сан̃н̃аавибаллаасо жид̇д̇авибаллаасасса гааран̣ам̣, жид̇д̇авибаллаасо д̣̇идтивибаллаасасса гааран̣ам̣ ход̇и.
Pamādanti ‘‘arakkhitena cittenā’’ti idaṃ padaṃ chasu dvāresu sativosaggalakkhaṇaṃ pamādaṃ katheti. Taṃ maccuno padanti taṃ pamajjanaṃ guṇamāraṇato maccusaṅkhātassa mārassa vasavattanaṭṭhānaṃ, tena ‘‘arakkhitena cittena, vasaṃ mārassa gacchatī’’ti paṭhamapādaṃ catutthapādena sambandhitvā dasseti. So vipallāsoti yaṃ aniccassa khandhapañcakassa ‘‘nicca’’nti dassanaṃ, so vipallāso vipariyesaggāho. Tenevāha – ‘‘viparītaggāhalakkhaṇo vipallāso’’ti. Sabbaṃ vipallāsasāmaññena gahetvā tassa adhiṭṭhānaṃ pucchati ‘‘kiṃ vipallāsayatī’’ti. Sāmaññassa ca viseso adhiṭṭhānabhāvena voharīyatīti āha – ‘‘saññaṃ cittaṃ diṭṭhimitī’’ti. Taṃ ‘‘vipallāsayatī’’ti padena sambandhitabbaṃ. Tesu saññāvipallāso sabbamuduko, aniccādikassa visayassa micchāvasena upaṭṭhitākāraggahaṇamattaṃ migapotakānaṃ tiṇapurisakesu purisoti uppannasaññā viya. Cittavipallāso tato balavataro, amaṇiādike visaye maṇiādiākārena upaṭṭhahante tathā sanniṭṭhānaṃ viya niccādito sanniṭṭhānamattaṃ. Diṭṭhivipallāso pana sabbabalavataro yaṃ yaṃ ārammaṇaṃ yathā yathā upaṭṭhāti, tathā tathā naṃ sassatādivasena ‘‘idameva saccaṃ moghamañña’’nti abhinivisanto pavattati. Tattha saññāvipallāso cittavipallāsassa kāraṇaṃ, cittavipallāso diṭṭhivipallāsassa kāraṇaṃ hoti.
ид̣̇аани вибаллаасаанам̣ бавад̇д̇идтаанам̣ висаяам̣ д̣̇ассзд̇ум̣ ‘‘со гухим̣ вибаллаасаяад̇и, жад̇уусу ад̇д̇абхаававад̇т̇уусуу’’д̇и ааха. д̇ад̇т̇а ад̇д̇абхаававад̇т̇уусууд̇и бан̃жасу убаад̣̇аанагканд̇хзсу. д̇з хи аахид̇о ахам̣ маано зд̇т̇аад̇и ад̇д̇аа, ‘‘ад̇д̇аа’’д̇и бхавад̇и зд̇т̇а б̣уд̣̇д̇хи вохааро жаад̇и ад̇д̇абхааво, со зва субхаад̣̇ийнам̣ вибаллаасасса жа ад̇хидтаанабхаавад̇о вад̇т̇у жаад̇и ‘‘ад̇д̇абхаававад̇т̇уу’’д̇и вужжад̇и. ‘‘руубам̣ ад̇д̇ад̇о саманубассад̇ий’’д̇иаад̣̇инаа д̇зсам̣ саб̣б̣авибаллаасамуулабхууд̇ааяа саггааяад̣̇идтияаа бавад̇д̇идтаанабхаавзна ад̇д̇абхаававад̇т̇уд̇ам̣ д̣̇ассзд̇ваа буна вибаллаасаанам̣ бавад̇д̇иаагаарзна сад̣̇д̇хим̣ висаяам̣ вибхаж̇ид̇ваа д̣̇ассзд̇ум̣ ‘‘руубам̣ батамам̣ вибаллаасавад̇т̇у асубхз субха’’нд̇и вуд̇д̇ам̣. д̇ам̣ саб̣б̣ам̣ сувин̃н̃зяяам̣. буна муулагааран̣авасзна вибаллаасз вибхаж̇ид̇ваа д̣̇ассзд̇ум̣ ‘‘д̣̇вз д̇хаммаа жид̇д̇асса сам̣гилзсаа’’д̇иаад̣̇имааха. д̇ад̇т̇а гин̃жааби авиж̇ж̇аарахид̇аа д̇ан̣хаа над̇т̇и, авиж̇ж̇аа жа субхасукасан̃н̃аанамби бажжаяо зва, д̇ат̇ааби д̇ан̣хаа зд̇аасам̣ саад̇исаяам̣ бажжаяод̇и д̣̇ассзд̇ум̣ ‘‘д̇ан̣хаанивуд̇ам̣…бз… д̣̇угкз сука’’нд̇и вуд̇д̇ам̣. д̣̇идтинивуд̇анд̇и д̣̇идтисийсзна авиж̇ж̇аа вуд̇д̇аад̇и авиж̇ж̇аанивуд̇анд̇и ад̇т̇о. гааман̃жзд̇т̇а д̇ан̣хаарахид̇аа д̣̇идти над̇т̇и, д̇ан̣хааби д̣̇идтияаа бажжаяо зва. д̇ан̣хааби ‘‘нижжам̣ ад̇д̇аа’’д̇и аяонисо уммуж̇ж̇анд̇аанам̣ д̇ат̇аабавад̇д̇амижчаабхинивзсасса мохо висзсабажжаяод̇и д̣̇ассзд̇ум̣ ‘‘д̣̇идтинивуд̇ам̣…бз… ад̇д̇аа’’д̇и вуд̇д̇ам̣.
Idāni vipallāsānaṃ pavattiṭṭhānaṃ visayaṃ dassetuṃ ‘‘so kuhiṃ vipallāsayati, catūsu attabhāvavatthūsū’’ti āha. Tattha attabhāvavatthūsūti pañcasu upādānakkhandhesu. Te hi āhito ahaṃ māno etthāti attā, ‘‘attā’’ti bhavati ettha buddhi vohāro cāti attabhāvo, so eva subhādīnaṃ vipallāsassa ca adhiṭṭhānabhāvato vatthu cāti ‘‘attabhāvavatthū’’ti vuccati. ‘‘Rūpaṃ attato samanupassatī’’tiādinā tesaṃ sabbavipallāsamūlabhūtāya sakkāyadiṭṭhiyā pavattiṭṭhānabhāvena attabhāvavatthutaṃ dassetvā puna vipallāsānaṃ pavattiākārena saddhiṃ visayaṃ vibhajitvā dassetuṃ ‘‘rūpaṃ paṭhamaṃ vipallāsavatthu asubhe subha’’nti vuttaṃ. Taṃ sabbaṃ suviññeyyaṃ. Puna mūlakāraṇavasena vipallāse vibhajitvā dassetuṃ ‘‘dve dhammā cittassa saṃkilesā’’tiādimāha. Tattha kiñcāpi avijjārahitā taṇhā natthi, avijjā ca subhasukhasaññānampi paccayo eva, tathāpi taṇhā etāsaṃ sātisayaṃ paccayoti dassetuṃ ‘‘taṇhānivutaṃ…pe… dukkhe sukha’’nti vuttaṃ. Diṭṭhinivutanti diṭṭhisīsena avijjā vuttāti avijjānivutanti attho. Kāmañcettha taṇhārahitā diṭṭhi natthi, taṇhāpi diṭṭhiyā paccayo eva. Taṇhāpi ‘‘niccaṃ attā’’ti ayoniso ummujjantānaṃ tathāpavattamicchābhinivesassa moho visesapaccayoti dassetuṃ ‘‘diṭṭhinivutaṃ…pe… attā’’ti vuttaṃ.
яо д̣̇идтивибаллаасод̇и ‘‘анижжз нижжам̣, анад̇д̇ани ад̇д̇аа’’д̇и бавад̇д̇амби вибаллаасад̣̇ваяам̣ санд̇хааяааха – ‘‘со ад̇ийд̇ам̣ руубам̣…бз… ад̇ийд̇ам̣ вин̃н̃аан̣ам̣ ад̇д̇ад̇о саманубассад̇ий’’д̇и. зд̇зна адтаарасавид̇хоби буб̣б̣анд̇аанугаббигаваад̣̇о бажчимаанам̣ д̣̇виннам̣ вибаллаасаанам̣ васзна ход̇ийд̇и д̣̇ассзд̇и. д̇ан̣хаавибаллаасод̇и д̇ан̣хаамуулаго вибаллаасо. ‘‘асубхз субхам̣, д̣̇угкз сука’’нд̇и зд̇ам̣ вибаллаасад̣̇ваяам̣ санд̇хааяа вад̣̇ад̇и. анааг̇ад̇ам̣ руубам̣ абхинанд̣̇ад̇ийд̇и анааг̇ад̇ам̣ руубам̣ д̣̇идтаабхинанд̣̇анавасзна абхинанд̣̇ад̇и. анааг̇ад̇ам̣ взд̣̇анам̣, сан̃н̃ам̣, сан̇каарз, вин̃н̃аан̣ам̣ абхинанд̣̇ад̇ийд̇и зд̇т̇ааби зсзва наяо. зд̇зна жад̇ужад̇д̇аалийсавид̇хоби абаранд̇аанугаббигаваад̣̇о язбхуяязна буримаанам̣ д̣̇виннам̣ вибаллаасаанам̣ васзна ход̇ийд̇и д̣̇ассзд̇и. д̣̇вз д̇хаммаа жид̇д̇асса убаггилзсаад̇и звам̣ барамасааваж̇ж̇асса вибаллаасасса муулагааран̣анд̇и висзсад̇о д̣̇вз д̇хаммаа жид̇д̇асса убаггилзсаа д̇ан̣хаа жа авиж̇ж̇аа жаад̇и д̇з саруубад̇о д̣̇ассзд̇и. д̇аахи висуж̇жханд̇ам̣ жид̇д̇ам̣ висуж̇жхад̇ийд̇и бадибагкавасзнаби д̇аасам̣ убаггилзсабхаавам̣язва вибхаавзд̇и, на хи д̇ан̣хааавиж̇ж̇аасу бахийнаасу гожи сам̣гилзсад̇хаммо на бахийяад̇ийд̇и. яат̇аа жа вибаллаасаанам̣ муулагааран̣ам̣ д̇ан̣хаавиж̇ж̇аа, звам̣ сагалассааби ваддасса муулагааран̣анд̇и яат̇аанусанд̇хинаава г̇аат̇ам̣ нидтабзд̇ум̣ ‘‘д̇зса’’нд̇иаад̣̇и вуд̇д̇ам̣. д̇ад̇т̇а д̇зсанд̇и язсам̣ арагкид̇ам̣ жид̇д̇ам̣ мижчаад̣̇идтихад̇ан̃жа, д̇зсам̣. ‘‘авиж̇ж̇аанийваран̣аана’’нд̇иаад̣̇инаа маарасса васаг̇аманзна анаад̣̇имад̇исам̣саарз сам̣саран̣анд̇и д̣̇ассзд̇и.
Yo diṭṭhivipallāsoti ‘‘anicce niccaṃ, anattani attā’’ti pavattampi vipallāsadvayaṃ sandhāyāha – ‘‘so atītaṃ rūpaṃ…pe… atītaṃ viññāṇaṃ attato samanupassatī’’ti. Etena aṭṭhārasavidhopi pubbantānukappikavādo pacchimānaṃ dvinnaṃ vipallāsānaṃ vasena hotīti dasseti. Taṇhāvipallāsoti taṇhāmūlako vipallāso. ‘‘Asubhe subhaṃ, dukkhe sukha’’nti etaṃ vipallāsadvayaṃ sandhāya vadati. Anāgataṃ rūpaṃ abhinandatīti anāgataṃ rūpaṃ diṭṭhābhinandanavasena abhinandati. Anāgataṃ vedanaṃ, saññaṃ, saṅkhāre, viññāṇaṃ abhinandatīti etthāpi eseva nayo. Etena catucattālīsavidhopi aparantānukappikavādo yebhuyyena purimānaṃ dvinnaṃ vipallāsānaṃ vasena hotīti dasseti. Dve dhammā cittassa upakkilesāti evaṃ paramasāvajjassa vipallāsassa mūlakāraṇanti visesato dve dhammā cittassa upakkilesā taṇhā ca avijjā cāti te sarūpato dasseti. Tāhi visujjhantaṃ cittaṃ visujjhatīti paṭipakkhavasenapi tāsaṃ upakkilesabhāvaṃyeva vibhāveti, na hi taṇhāavijjāsu pahīnāsu koci saṃkilesadhammo na pahīyatīti. Yathā ca vipallāsānaṃ mūlakāraṇaṃ taṇhāvijjā, evaṃ sakalassāpi vaṭṭassa mūlakāraṇanti yathānusandhināva gāthaṃ niṭṭhapetuṃ ‘‘tesa’’ntiādi vuttaṃ. Tattha tesanti yesaṃ arakkhitaṃ cittaṃ micchādiṭṭhihatañca, tesaṃ. ‘‘Avijjānīvaraṇāna’’ntiādinā mārassa vasagamanena anādimatisaṃsāre saṃsaraṇanti dasseti.
т̇инамид̣̇д̇хаабхибхууд̇знаад̇и зд̇т̇а ‘‘т̇инам̣ наамаа’’д̇иаад̣̇инаа т̇инамид̣̇д̇хаанам̣ саруубам̣ д̣̇ассзд̇и. д̇зхи жид̇д̇асса абхибхууд̇ад̇аа сувин̃н̃зяяааваад̇и д̇ам̣ анаамасид̇ваа гилзсамаараг̇г̇ахан̣знзва д̇ам̣нимид̇д̇аа абхисан̇каарамаараканд̇хамаарамажжумаараа г̇ахид̇аа зваад̇и ‘‘гилзсамаарасса жа сад̇д̇амаарасса жаа’’д̇и жа-сад̣̇д̣̇зна ваа д̇зсамби г̇ахан̣ам̣ гад̇анд̇и д̣̇адтаб̣б̣ам̣. со хи нивуд̇о сам̣саараабхимукод̇и со мааравасам̣ г̇ад̇о, д̇ад̇о зва нивуд̇о гилзсзхи яаава на маараб̣анд̇ханам̣ чиж̇ж̇ад̇и, д̇аава сам̣саараабхимукова ход̇и, на висан̇каараабхимукод̇и ад̇хиббааяо. имаани бхаг̇авад̇аа д̣̇вз сажжаани д̣̇зсид̇аани. гат̇ам̣ д̣̇зсид̇аани?
Thinamiddhābhibhūtenāti ettha ‘‘thinaṃ nāmā’’tiādinā thinamiddhānaṃ sarūpaṃ dasseti. Tehi cittassa abhibhūtatā suviññeyyāvāti taṃ anāmasitvā kilesamāraggahaṇeneva taṃnimittā abhisaṅkhāramārakhandhamāramaccumārā gahitā evāti ‘‘kilesamārassa ca sattamārassa cā’’ti ca-saddena vā tesampi gahaṇaṃ katanti daṭṭhabbaṃ. So hi nivuto saṃsārābhimukhoti so māravasaṃ gato, tato eva nivuto kilesehi yāva na mārabandhanaṃ chijjati, tāva saṃsārābhimukhova hoti, na visaṅkhārābhimukhoti adhippāyo. Imāni bhagavatā dve saccāni desitāni. Kathaṃ desitāni?
д̇ад̇т̇а д̣̇увид̇хаа гат̇аа абхид̇хамманиссид̇аа жа суд̇д̇анд̇аниссид̇аа жа. д̇аасу абхид̇хамманиссид̇аа наама арагкид̇зна жид̇д̇знаад̇и рад̇д̇амби жид̇д̇ам̣ арагкид̇ам̣, д̣̇удтамби жид̇д̇ам̣ арагкид̇ам̣, муул̣хамби жид̇д̇ам̣ арагкид̇ам̣. д̇ад̇т̇а рад̇д̇ам̣ жид̇д̇ам̣ адтаннам̣ лобхасахаг̇ад̇ажид̇д̇уббаад̣̇аанам̣ васзна взд̣̇ид̇аб̣б̣ам̣, д̣̇удтам̣ жид̇д̇ам̣ д̣̇виннам̣ бадигхажид̇д̇уббаад̣̇аанам̣ васзна взд̣̇ид̇аб̣б̣ам̣, муул̣хам̣ жид̇д̇ам̣ д̣̇виннам̣ момуухажид̇д̇уббаад̣̇аанам̣ васзна взд̣̇ид̇аб̣б̣ам̣. яаава имзсам̣ жид̇д̇уббаад̣̇аанам̣ васзна инд̣̇рияаанам̣ аг̇уд̇д̇и аг̇обааяанаа абааланаа анаарагкаа сад̇ивосаг̇г̇о бамаад̣̇о жид̇д̇асса асам̣варо, звам̣ арагкид̇ам̣ жид̇д̇ам̣ ход̇и. мижчаад̣̇идтихад̇ам̣ наама жид̇д̇ам̣ жад̇уннам̣ д̣̇идтисамбаяуд̇д̇ажид̇д̇уббаад̣̇аанам̣ васзна взд̣̇ид̇аб̣б̣ам̣, т̇инамид̣̇д̇хаабхибхууд̇ам̣ наама жид̇д̇ам̣ бан̃жаннам̣ сасан̇кааригаагусалажид̇д̇уббаад̣̇аанам̣ васзна взд̣̇ид̇аб̣б̣ам̣. звам̣ саб̣б̣зби аг̇г̇ахид̇аг̇г̇ахан̣зна д̣̇ваад̣̇аса агусалажид̇д̇уббаад̣̇аа хонд̇и. д̇з ‘‘гад̇амз д̇хаммаа агусалаа? яасмим̣ самаяз агусалам̣ жид̇д̇ам̣ уббаннам̣ ход̇ий’’д̇иаад̣̇инаа жид̇д̇уббаад̣̇аган̣д̣з (д̇ха. са. 365) агусалажид̇д̇уббаад̣̇ад̣̇зсанаавасзна вид̇т̇аарад̇о вад̇д̇аб̣б̣аа. маарассаад̇и зд̇т̇а бан̃жа маараа. д̇зсу гилзсамаарасса жад̇уннам̣ аасаваанам̣ жад̇уннам̣ огхаанам̣ жад̇уннам̣ яог̇аанам̣ жад̇уннам̣ г̇ант̇аанам̣ жад̇уннам̣ убаад̣̇аанаанам̣ адтаннам̣ нийваран̣аанам̣ д̣̇асаннам̣ гилзсавад̇т̇уунам̣ васзна аасаваг̇ожчагаад̣̇ийсу (д̇ха. са. д̣̇угамаад̇игаа 14-19, 1102) вуд̇д̇анаязна, д̇ат̇аа ‘‘ж̇аад̇имад̣̇о г̇од̇д̇амад̣̇о аарог̇яамад̣̇о’’д̇иаад̣̇инаа куд̣̇д̣̇агавад̇т̇увибхан̇г̇з (вибха. 832) ааг̇ад̇аанам̣ сад̇д̇аннам̣ гилзсаанан̃жа васзна вибхааг̇о вад̇д̇аб̣б̣о. аяам̣ д̇аавзд̇т̇а абхид̇хамманиссид̇аа гат̇аа.
Tattha duvidhā kathā abhidhammanissitā ca suttantanissitā ca. Tāsu abhidhammanissitā nāma arakkhitena cittenāti rattampi cittaṃ arakkhitaṃ, duṭṭhampi cittaṃ arakkhitaṃ, mūḷhampi cittaṃ arakkhitaṃ. Tattha rattaṃ cittaṃ aṭṭhannaṃ lobhasahagatacittuppādānaṃ vasena veditabbaṃ, duṭṭhaṃ cittaṃ dvinnaṃ paṭighacittuppādānaṃ vasena veditabbaṃ, mūḷhaṃ cittaṃ dvinnaṃ momūhacittuppādānaṃ vasena veditabbaṃ. Yāva imesaṃ cittuppādānaṃ vasena indriyānaṃ agutti agopāyanā apālanā anārakkhā sativosaggo pamādo cittassa asaṃvaro, evaṃ arakkhitaṃ cittaṃ hoti. Micchādiṭṭhihataṃ nāma cittaṃ catunnaṃ diṭṭhisampayuttacittuppādānaṃ vasena veditabbaṃ, thinamiddhābhibhūtaṃ nāma cittaṃ pañcannaṃ sasaṅkhārikākusalacittuppādānaṃ vasena veditabbaṃ. Evaṃ sabbepi aggahitaggahaṇena dvādasa akusalacittuppādā honti. Te ‘‘katame dhammā akusalā? Yasmiṃ samaye akusalaṃ cittaṃ uppannaṃ hotī’’tiādinā cittuppādakaṇḍe (dha. sa. 365) akusalacittuppādadesanāvasena vitthārato vattabbā. Mārassāti ettha pañca mārā. Tesu kilesamārassa catunnaṃ āsavānaṃ catunnaṃ oghānaṃ catunnaṃ yogānaṃ catunnaṃ ganthānaṃ catunnaṃ upādānānaṃ aṭṭhannaṃ nīvaraṇānaṃ dasannaṃ kilesavatthūnaṃ vasena āsavagocchakādīsu (dha. sa. dukamātikā 14-19, 1102) vuttanayena, tathā ‘‘jātimado gottamado ārogyamado’’tiādinā khuddakavatthuvibhaṅge (vibha. 832) āgatānaṃ sattannaṃ kilesānañca vasena vibhāgo vattabbo. Ayaṃ tāvettha abhidhammanissitā kathā.
суд̇д̇анд̇аниссид̇аа (ма. ни. 1.347; а. ни. 11.17) бана арагкид̇зна жид̇д̇знаад̇и жагкунаа руубам̣ д̣̇исваа нимид̇д̇аг̇г̇аахий ход̇и ануб̣яан̃ж̇анаг̇г̇аахий, яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа на бадибаж̇ж̇ад̇и, на рагкад̇и жагкунд̣̇рияам̣, жагкунд̣̇рияз на сам̣варам̣ аабаж̇ж̇ад̇и. сод̇зна …бз… гхаанзна… ж̇ивхааяа… гааязна… манасаа…бз… манинд̣̇риязна сам̣варам̣ аабаж̇ж̇ад̇и (ма. ни. 1.347, 411, 421; 2.419; 3.15, 75). звам̣ арагкид̇ам̣ жид̇д̇ам̣ ход̇и. мижчаад̣̇идтихад̇зна жаад̇и мижчаад̣̇идтихад̇ам̣ наама жид̇д̇ам̣ буб̣б̣анд̇агаббанавасзна ваа абаранд̇агаббанавасзна ваа буб̣б̣анд̇аабаранд̇агаббанавасзна ваа мижчаабхинивисанд̇асса аяонисо уммуж̇ж̇анд̇асса ‘‘сассад̇о логод̇и ваа…бз… нзва ход̇и на на ход̇и д̇ат̇ааг̇ад̇о барам̣ маран̣аа’’д̇и (вибха. 937; бади. ма. 1.140) ваа яаа д̣̇идти, д̇ааяа хад̇ам̣ убахад̇ам̣. яаа жа ко ‘‘имаа жад̇д̇ааро сассад̇аваад̣̇аа…бз… бан̃жа барамад̣̇идтад̇хамманиб̣б̣аанаваад̣̇аа’’д̇и б̣рахмаж̇аалз (д̣̇ий. ни. 1.30 аад̣̇аяо) бан̃жад̇д̇аяз (ма. ни. 3.21 аад̣̇аяо) жа ааг̇ад̇аа д̣̇ваасадти д̣̇идтияо, д̇аасам̣ васзна жид̇д̇асса мижчаад̣̇идтихад̇абхааво гат̇зд̇аб̣б̣о.
Suttantanissitā (ma. ni. 1.347; a. ni. 11.17) pana arakkhitena cittenāti cakkhunā rūpaṃ disvā nimittaggāhī hoti anubyañjanaggāhī, yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati, na rakkhati cakkhundriyaṃ, cakkhundriye na saṃvaraṃ āpajjati. Sotena …pe… ghānena… jivhāya… kāyena… manasā…pe… manindriyena saṃvaraṃ āpajjati (ma. ni. 1.347, 411, 421; 2.419; 3.15, 75). Evaṃ arakkhitaṃ cittaṃ hoti. Micchādiṭṭhihatena cāti micchādiṭṭhihataṃ nāma cittaṃ pubbantakappanavasena vā aparantakappanavasena vā pubbantāparantakappanavasena vā micchābhinivisantassa ayoniso ummujjantassa ‘‘sassato lokoti vā…pe… neva hoti na na hoti tathāgato paraṃ maraṇā’’ti (vibha. 937; paṭi. ma. 1.140) vā yā diṭṭhi, tāya hataṃ upahataṃ. Yā ca kho ‘‘imā cattāro sassatavādā…pe… pañca paramadiṭṭhadhammanibbānavādā’’ti brahmajāle (dī. ni. 1.30 ādayo) pañcattaye (ma. ni. 3.21 ādayo) ca āgatā dvāsaṭṭhi diṭṭhiyo, tāsaṃ vasena cittassa micchādiṭṭhihatabhāvo kathetabbo.
т̇инамид̣̇д̇хаабхибхууд̇знаад̇и т̇инам̣ наама жид̇д̇асса агамман̃н̃ад̇аа. мид̣̇д̇хам̣ наама взд̣̇анаад̣̇игканд̇хад̇д̇аяасса агамман̃н̃ад̇аа. д̇ат̇аа т̇инам̣ ануссаахасам̣хананам̣. мид̣̇д̇хам̣ асад̇д̇ивигхаад̇о. ид̇и т̇инзна мид̣̇д̇хзна жа жид̇д̇ам̣ абхибхууд̇ам̣ аж̇жход̇т̇адам̣ убад̣̇д̣̇уд̇ам̣ сан̇гожанаббад̇д̇ам̣ лаяаабаннам̣. васам̣ маарасса г̇ажчад̇ийд̇и васо наама ижчаа лобхо ад̇хиббааяо ружи ааган̇каа аан̣аа аан̣ад̇д̇и. маарод̇и бан̃жа маараа – канд̇хамааро абхисан̇каарамааро мажжумааро д̣̇звабуд̇д̇амааро гилзсамаарод̇и. г̇ажчад̇ийд̇и д̇зсам̣ васам̣ ижчам̣…бз… аан̣ад̇д̇им̣ г̇ажчад̇и убаг̇ажчад̇и убзд̇и вад̇д̇ад̇и анувад̇д̇ад̇и наад̇иггамад̇ийд̇и. д̇зна вужжад̇и – ‘‘васам̣ маарасса г̇ажчад̇ий’’д̇и.
Thinamiddhābhibhūtenāti thinaṃ nāma cittassa akammaññatā. Middhaṃ nāma vedanādikkhandhattayassa akammaññatā. Tathā thinaṃ anussāhasaṃhananaṃ. Middhaṃ asattivighāto. Iti thinena middhena ca cittaṃ abhibhūtaṃ ajjhotthaṭaṃ upaddutaṃ saṅkocanappattaṃ layāpannaṃ. Vasaṃ mārassa gacchatīti vaso nāma icchā lobho adhippāyo ruci ākaṅkhā āṇā āṇatti. Māroti pañca mārā – khandhamāro abhisaṅkhāramāro maccumāro devaputtamāro kilesamāroti. Gacchatīti tesaṃ vasaṃ icchaṃ…pe… āṇattiṃ gacchati upagacchati upeti vattati anuvattati nātikkamatīti. Tena vuccati – ‘‘vasaṃ mārassa gacchatī’’ti.
д̇ад̇т̇а яат̇аавуд̇д̇аа агусалаа д̇хаммаа, д̇ан̣хаавиж̇ж̇аа зва ваа самуд̣̇аяасажжам̣. яо со ‘‘васам̣ маарасса г̇ажчад̇ий’’д̇и вуд̇д̇о, со яз бан̃жубаад̣̇аанагканд̇хз убаад̣̇ааяа бан̃н̃ад̇д̇о, д̇з бан̃жагканд̇хаа д̣̇угкасажжам̣. звам̣ бхаг̇авад̇аа ид̇ха д̣̇вз сажжаани д̣̇зсид̇аани. д̇знзвааха – ‘‘д̣̇угкам̣ самуд̣̇аяо жаа’’д̇и. д̇зсам̣ бхаг̇аваа барин̃н̃ааяа жа бахаанааяа жа д̇хаммам̣ д̣̇зсзд̇ийд̇и вуд̇д̇амзвад̇т̇ам̣ баагадад̇арам̣ гаад̇ум̣ ‘‘д̣̇угкасса барин̃н̃ааяа самуд̣̇аяасса бахаанааяаа’’д̇и вуд̇д̇ам̣. гат̇ам̣ д̣̇зсзд̇ийд̇и жз –
Tattha yathāvuttā akusalā dhammā, taṇhāvijjā eva vā samudayasaccaṃ. Yo so ‘‘vasaṃ mārassa gacchatī’’ti vutto, so ye pañcupādānakkhandhe upādāya paññatto, te pañcakkhandhā dukkhasaccaṃ. Evaṃ bhagavatā idha dve saccāni desitāni. Tenevāha – ‘‘dukkhaṃ samudayo cā’’ti. Tesaṃ bhagavā pariññāya ca pahānāya ca dhammaṃ desetīti vuttamevatthaṃ pākaṭataraṃ kātuṃ ‘‘dukkhassa pariññāya samudayassa pahānāyā’’ti vuttaṃ. Kathaṃ desetīti ce –
‘‘д̇асмаа рагкид̇ажид̇д̇асса, саммаасан̇габбаг̇ожаро;
‘‘Tasmā rakkhitacittassa, sammāsaṅkappagocaro;
саммаад̣̇идтим̣ бурагкад̇ваа, н̃ад̇ваана уд̣̇аяаб̣б̣аяам̣;
Sammādiṭṭhiṃ purakkhatvā, ñatvāna udayabbayaṃ;
т̇инамид̣̇д̇хаабхибхуу бхигку, саб̣б̣аа д̣̇уг̇г̇ад̇ияо ж̇ахз’’д̇и. (уд̣̇аа. 32) –
Thinamiddhābhibhū bhikkhu, sabbā duggatiyo jahe’’ti. (udā. 32) –
г̇аат̇ааяа . д̇ассад̇т̇о – яасмаа арагкид̇зна жид̇д̇зна васам̣ маарасса г̇ажчад̇и, д̇асмаа сад̇исам̣варзна манажчадтаанам̣ инд̣̇рияаанам̣ рагкан̣зна рагкид̇ажид̇д̇о асса. саммаасан̇габбаг̇ожарод̇и яасмаа гаамасан̇габбаад̣̇имижчаасан̇габбаг̇ожаро д̇ат̇аа д̇ат̇аа аяонисо вигаббзд̇ваа наанаавид̇хаани мижчаад̣̇ассанаани г̇ан̣хаад̇и. д̇ад̇о зва жа мижчаад̣̇идтихад̇зна жид̇д̇зна васам̣ маарасса г̇ажчад̇и, д̇асмаа яонисоманасигаарзна гаммам̣ гаронд̇о нзгкаммасан̇габбаад̣̇исаммаасан̇габбаг̇ожаро асса. саммаад̣̇идтим̣ бурагкад̇ваад̇и саммаасан̇габбаг̇ожарад̇ааяа вид̇худ̇амижчаад̣̇ассано гаммассагад̇аалагкан̣ам̣ яат̇аабхууд̇ан̃аан̣алагкан̣ан̃жа саммаад̣̇идтим̣ буб̣б̣ан̇г̇амам̣ гад̇ваа сийласамаад̇хийсу яуд̇д̇аббаяуд̇д̇о. д̇ад̇о зва жа н̃ад̇ваана уд̣̇аяаб̣б̣аяам̣ бан̃жасу убаад̣̇аанагканд̇хзсу самабан̃н̃аасааяа аагаарзхи уббаад̣̇ам̣ нирод̇хан̃жа н̃ад̇ваа вибассанам̣ уссуггаабзд̇ваа ануггамзна арияамаг̇г̇з г̇ан̣ханд̇о аг̇г̇амаг̇г̇зна т̇инамид̣̇д̇хаабхибхуу бхигку саб̣б̣аа д̣̇уг̇г̇ад̇ияо ж̇ахзд̇и звам̣ саб̣б̣асо бхиннагилзсад̇д̇аа бхигку кийн̣аасаво яат̇аасамбхавам̣ д̇ивид̇хад̣̇угкад̇ааяог̇зна д̣̇уг̇г̇ад̇исан̇каад̇аа саб̣б̣ааби г̇ад̇ияо ж̇ахзяяа, д̇аасам̣ барабхааг̇з ниб̣б̣аанз д̇идтзяяаад̇и ад̇т̇о.
Gāthāya . Tassattho – yasmā arakkhitena cittena vasaṃ mārassa gacchati, tasmā satisaṃvarena manacchaṭṭhānaṃ indriyānaṃ rakkhaṇena rakkhitacitto assa. Sammāsaṅkappagocaroti yasmā kāmasaṅkappādimicchāsaṅkappagocaro tathā tathā ayoniso vikappetvā nānāvidhāni micchādassanāni gaṇhāti. Tato eva ca micchādiṭṭhihatena cittena vasaṃ mārassa gacchati, tasmā yonisomanasikārena kammaṃ karonto nekkhammasaṅkappādisammāsaṅkappagocaro assa. Sammādiṭṭhiṃ purakkhatvāti sammāsaṅkappagocaratāya vidhutamicchādassano kammassakatālakkhaṇaṃ yathābhūtañāṇalakkhaṇañca sammādiṭṭhiṃ pubbaṅgamaṃ katvā sīlasamādhīsu yuttappayutto. Tato eva ca ñatvāna udayabbayaṃ pañcasu upādānakkhandhesu samapaññāsāya ākārehi uppādaṃ nirodhañca ñatvā vipassanaṃ ussukkāpetvā anukkamena ariyamagge gaṇhanto aggamaggena thinamiddhābhibhū bhikkhu sabbā duggatiyo jaheti evaṃ sabbaso bhinnakilesattā bhikkhu khīṇāsavo yathāsambhavaṃ tividhadukkhatāyogena duggatisaṅkhātā sabbāpi gatiyo jaheyya, tāsaṃ parabhāge nibbāne tiṭṭheyyāti attho.
яам̣ д̇ан̣хааяа авиж̇ж̇ааяа жа бахаанам̣, аяам̣ нирод̇ход̇и бахаанасса нирод̇хасса бажжаяабхаавад̇о асан̇кад̇ад̇хаад̇у бахаанам̣ нирод̇ход̇и жа вуд̇д̇аа. имаани жад̇д̇аари сажжаанийд̇и буримаг̇аат̇ааяа буримаани д̣̇вз, бажчимаг̇аат̇ааяа бажчимаани д̣̇взд̇и д̣̇вийхи г̇аат̇аахи бхаасид̇аани имаани жад̇д̇аари арияасажжаани. д̇зсу самуд̣̇аязна ассаад̣̇о, д̣̇угкзна аад̣̇ийнаво, маг̇г̇анирод̇хзхи ниссаран̣ам̣, саб̣б̣аг̇ад̇иж̇аханам̣ палам̣, рагкид̇ажид̇д̇ад̇аад̣̇иго убааяо, арагкид̇ажид̇д̇ад̇аад̣̇инисзд̇ханамукзна рагкид̇ажид̇д̇ад̇аад̣̇ийсу нияож̇анам̣ бхаг̇авад̇о аан̣ад̇д̇ийд̇и. звам̣ д̣̇зсанаахаарабад̣̇ад̇т̇аа ассаад̣̇аад̣̇аяо нид̣̇д̇хаарзд̇аб̣б̣аа. д̇знзвааха – ‘‘нияуд̇д̇о д̣̇зсанаахаарасамбаад̇о’’д̇и.
Yaṃ taṇhāya avijjāya ca pahānaṃ, ayaṃ nirodhoti pahānassa nirodhassa paccayabhāvato asaṅkhatadhātu pahānaṃ nirodhoti ca vuttā. Imāni cattāri saccānīti purimagāthāya purimāni dve, pacchimagāthāya pacchimāni dveti dvīhi gāthāhi bhāsitāni imāni cattāri ariyasaccāni. Tesu samudayena assādo, dukkhena ādīnavo, magganirodhehi nissaraṇaṃ, sabbagatijahanaṃ phalaṃ, rakkhitacittatādiko upāyo, arakkhitacittatādinisedhanamukhena rakkhitacittatādīsu niyojanaṃ bhagavato āṇattīti. Evaṃ desanāhārapadatthā assādādayo niddhāretabbā. Tenevāha – ‘‘niyutto desanāhārasampāto’’ti.
д̣̇зсанаахаарасамбаад̇аван̣н̣анаа нидтид̇аа.
Desanāhārasampātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 1. д̣̇зсанаахаарасамбаад̇о • 1. Desanāhārasampāto
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 1. д̣̇зсанаахаарасамбаад̇аван̣н̣анаа • 1. Desanāhārasampātavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 1. д̣̇зсанаахаарасамбаад̇авибхааванаа • 1. Desanāhārasampātavibhāvanā
