| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
1. д̣̇зсанаахаарасамбаад̇авибхааванаа
1. Desanāhārasampātavibhāvanā
52. язна язна сам̣ван̣н̣анаависзсабхууд̇зна д̣̇зсанаахааравибхан̇г̇аад̣̇ихааравибхан̇г̇зна ассаад̣̇аад̣̇аяо наанаасуд̇д̇ад̇т̇аа вибхад̇д̇аа, со сам̣ван̣н̣анаависзсабхууд̇о д̣̇зсанаахааравибхан̇г̇аад̣̇ихааравибхан̇г̇о барибун̣н̣о.
52. Yena yena saṃvaṇṇanāvisesabhūtena desanāhāravibhaṅgādihāravibhaṅgena assādādayo nānāsuttatthā vibhattā, so saṃvaṇṇanāvisesabhūto desanāhāravibhaṅgādihāravibhaṅgo paripuṇṇo.
‘‘сол̣аса хаараа батамам̣, д̣̇исааложанад̇о д̣̇исаа вилогзд̇ваа;
‘‘Soḷasa hārā paṭhamaṃ, disālocanato disā viloketvā;
сан̇кибияа ан̇гусзна хи, наязхи д̇ийхи нид̣̇д̣̇исз суд̇д̇а’’нд̇и. (нзд̇д̇и. 4 наяасан̇кзба) –
Saṅkhipiya aṅkusena hi, nayehi tīhi niddise sutta’’nti. (netti. 4 nayasaṅkhepa) –
г̇аат̇аа нид̣̇д̣̇зсаваарз аажариязна вуд̇д̇аа, д̇ассаа г̇аат̇ааяа нид̣̇д̣̇зсо хааравибхан̇г̇аваарасса аад̣̇имхи на вибхад̇д̇о, ‘‘гухин̃жи вибхад̇д̇о, хаарасамбаад̇з ваа вибхад̇д̇о гим̣, уд̣̇ааху наяасамудтаанахаарз ваа вибхад̇д̇о ги’’нд̇и бужчид̇аб̣б̣ад̇д̇аа ‘‘хаарасамбаад̇з вибхад̇д̇о’’д̇и д̇умхзхи д̣̇адтаб̣б̣од̇и вин̃н̃аабанад̇т̇ам̣ ‘‘сол̣аса хаараа батама’’нд̇иаад̣̇и вуд̇д̇ам̣.
Gāthā niddesavāre ācariyena vuttā, tassā gāthāya niddeso hāravibhaṅgavārassa ādimhi na vibhatto, ‘‘kuhiñci vibhatto, hārasampāte vā vibhatto kiṃ, udāhu nayasamuṭṭhānahāre vā vibhatto ki’’nti pucchitabbattā ‘‘hārasampāte vibhatto’’ti tumhehi daṭṭhabboti viññāpanatthaṃ ‘‘soḷasa hārā paṭhama’’ntiādi vuttaṃ.
ат̇а ваа субаригаммагад̇абхуумисад̣̇исзсу сам̣ван̣н̣зд̇аб̣б̣зсу наанаасуд̇д̇аббад̣̇зсзсу наанааван̣н̣асуг̇анд̇хабубпасад̣̇исз сол̣аса хаарз сам̣ван̣н̣анаабхаавзна яож̇зд̇ваа сол̣аса хаараа аажариязна вибхад̇д̇аа, д̇ат̇аа сусигкид̇асиббаажарияасувижаарид̇аж̇амб̣унад̣̇аабхаран̣асад̣̇исзсу сам̣ван̣н̣зд̇аб̣б̣зсу наанаасуд̇д̇аббад̣̇зсзсу наанаавид̇харам̣сиж̇аалавивид̇хаман̣ирад̇анасад̣̇исз сол̣аса хаарз сам̣ван̣н̣анаабхаавзна яож̇зд̇ваава сол̣аса хаараа вибхад̇д̇аа, махаабат̇авим̣ баривад̇д̇зд̇ваа баббадагож̇асса каад̣̇аабанам̣ ад̇ид̣̇уггарам̣ вияа, наанаавид̇хзсу сам̣ван̣н̣зд̇аб̣б̣зсу суд̇д̇аббад̣̇зсзсу барамад̇т̇ож̇ааяа сол̣асахи хаарзхи ад̇ид̣̇уггаракаад̣̇аабанасад̣̇исам̣ вин̃н̃аабанам̣ гаронд̇зна жа яож̇анигамад̇хуг̇ан̣д̣ам̣ бийл̣зд̇ваа сумад̇хурасасса бааяаабанам̣ ад̇ид̣̇уггарам̣ вияа наанаавид̇хзсу сам̣ван̣н̣зд̇аб̣б̣зсу суд̇д̇аббад̣̇зсзсу барамад̇т̇амад̇хурасасса сол̣асахи хаарзхи ад̇ид̣̇уггарам̣ бааяаабанасад̣̇исам̣ вин̃н̃аабанам̣ гаронд̇зна жа аажариязна анзгзсу сам̣ван̣н̣зд̇аб̣б̣асуд̇д̇аббад̣̇зсзсу сол̣аса хаарз сам̣ван̣н̣анаабхаавзна яож̇зд̇ваа сол̣аса хаараа вибхад̇д̇аа, амхзхи жа н̃аад̇аа, ‘‘наанаавид̇хасуд̇д̇аббад̣̇зсзсу д̇з сам̣ван̣н̣анаабхаавзна яож̇зд̇ваа сол̣аса хаараа вибхад̇д̇аа гим̣ , уд̣̇ааху згасмимби сам̣ван̣н̣зд̇аб̣б̣асуд̇д̇аббад̣̇зсз сам̣ван̣н̣анаабхаавзна яож̇зд̇ваа сол̣аса хаараа вибхад̇д̇аа ги’’нд̇и вад̇д̇аб̣б̣ад̇д̇аа згасмимби сам̣ван̣н̣зд̇аб̣б̣асуд̇д̇аббад̣̇зсз сам̣ван̣н̣анаабхаавзна яож̇зд̇ваа сол̣аса хаараа вибхад̇д̇ааязваад̇и д̇ат̇аа вибхаж̇анд̇о ‘‘сол̣аса хаараа батама’’нд̇иаад̣̇игам̣ хаарасамбаад̇аваарам̣ ааха.
Atha vā suparikammakatabhūmisadisesu saṃvaṇṇetabbesu nānāsuttappadesesu nānāvaṇṇasugandhapupphasadise soḷasa hāre saṃvaṇṇanābhāvena yojetvā soḷasa hārā ācariyena vibhattā, tathā susikkhitasippācariyasuvicāritajambunadābharaṇasadisesu saṃvaṇṇetabbesu nānāsuttappadesesu nānāvidharaṃsijālavividhamaṇiratanasadise soḷasa hāre saṃvaṇṇanābhāvena yojetvāva soḷasa hārā vibhattā, mahāpathaviṃ parivattetvā pappaṭakojassa khādāpanaṃ atidukkaraṃ viya, nānāvidhesu saṃvaṇṇetabbesu suttappadesesu paramatthojāya soḷasahi hārehi atidukkarakhādāpanasadisaṃ viññāpanaṃ karontena ca yojanikamadhugaṇḍaṃ pīḷetvā sumadhurasassa pāyāpanaṃ atidukkaraṃ viya nānāvidhesu saṃvaṇṇetabbesu suttappadesesu paramatthamadhurasassa soḷasahi hārehi atidukkaraṃ pāyāpanasadisaṃ viññāpanaṃ karontena ca ācariyena anekesu saṃvaṇṇetabbasuttappadesesu soḷasa hāre saṃvaṇṇanābhāvena yojetvā soḷasa hārā vibhattā, amhehi ca ñātā, ‘‘nānāvidhasuttappadesesu te saṃvaṇṇanābhāvena yojetvā soḷasa hārā vibhattā kiṃ , udāhu ekasmimpi saṃvaṇṇetabbasuttappadese saṃvaṇṇanābhāvena yojetvā soḷasa hārā vibhattā ki’’nti vattabbattā ekasmimpi saṃvaṇṇetabbasuttappadese saṃvaṇṇanābhāvena yojetvā soḷasa hārā vibhattāyevāti tathā vibhajanto ‘‘soḷasa hārā paṭhama’’ntiādikaṃ hārasampātavāraṃ āha.
нану хаарасамбаад̇аваарам̣ гат̇зд̇угаамзна аажариязна ‘‘д̇ад̇т̇а гад̇амо д̣̇зсанаахаарасамбаад̇о’’д̇иаад̣̇иважанам̣ вад̇д̇аб̣б̣ам̣, ат̇а гасмаа ‘‘сол̣аса хаараа батама’’нд̇иаад̣̇и вад̇д̇аб̣б̣анд̇и жз? нид̣̇д̣̇зсз вуд̇д̇ам̣ ‘‘сол̣аса хаараа батама’’нд̇иаад̣̇игам̣ г̇аат̇ам̣ хааравибхан̇г̇авааро наббаяож̇зд̇и виббагин̣н̣ависаяад̇д̇аа жа наяавижаарасса жа анд̇арид̇ад̇д̇аа. хаарасамбаад̇авааро бана д̇ам̣ г̇аат̇ам̣ баяож̇зд̇и авигин̣н̣ависаяад̇д̇аа. д̇асмаа д̇ам̣ г̇аат̇ам̣ бажжаамасид̇ваа хаарасамбаад̇аваарз д̇ассаа г̇аат̇ааяа нид̣̇д̣̇зсо д̣̇адтаб̣б̣од̇и вин̃н̃аабанад̇т̇ам̣ ‘‘сол̣аса хаараа батама’’нд̇иаад̣̇и вад̇д̇аб̣б̣ам̣язваад̇и. адтагат̇ааяам̣ бана –
Nanu hārasampātavāraṃ kathetukāmena ācariyena ‘‘tattha katamo desanāhārasampāto’’tiādivacanaṃ vattabbaṃ, atha kasmā ‘‘soḷasa hārā paṭhama’’ntiādi vattabbanti ce? Niddese vuttaṃ ‘‘soḷasa hārā paṭhama’’ntiādikaṃ gāthaṃ hāravibhaṅgavāro nappayojeti vippakiṇṇavisayattā ca nayavicārassa ca antaritattā. Hārasampātavāro pana taṃ gāthaṃ payojeti avikiṇṇavisayattā. Tasmā taṃ gāthaṃ paccāmasitvā hārasampātavāre tassā gāthāya niddeso daṭṭhabboti viññāpanatthaṃ ‘‘soḷasa hārā paṭhama’’ntiādi vattabbaṃyevāti. Aṭṭhakathāyaṃ pana –
звам̣ субаригаммагад̇ааяа бхуумияаа наанааван̣н̣аани муд̇д̇абубпаани багиранд̇о вияа, сусигкид̇асиббаажарияавижаарид̇зсу сурад̇д̇асуван̣н̣аалан̇гаарзсу наанаавид̇харам̣сиж̇ааласамуж̇ж̇алаани вивид̇хаани ман̣ирад̇анаани б̣анд̇ханд̇о вияа, махаабат̇авим̣ баривад̇д̇зд̇ваа баббадагож̇ам̣ каад̣̇аабзнд̇о вияа , яож̇анигамад̇хуг̇ан̣д̣ам̣ бийл̣зд̇ваа сумад̇хурасам̣ бааязнд̇о вияа жа ааяасмаа махаагажжаано наанаасуд̇д̇аббад̣̇зсз уд̣̇аахаранд̇о сол̣аса хаарз вибхаж̇ид̇ваа ид̣̇аани д̇з згасмим̣язва суд̇д̇з яож̇зд̇ваа д̣̇ассзнд̇о хаарасамбаад̇аваарам̣ аарабхи. аарабханд̇о жа яааяам̣ нид̣̇д̣̇зсаваарз –
Evaṃ suparikammakatāya bhūmiyā nānāvaṇṇāni muttapupphāni pakiranto viya, susikkhitasippācariyavicāritesu surattasuvaṇṇālaṅkāresu nānāvidharaṃsijālasamujjalāni vividhāni maṇiratanāni bandhanto viya, mahāpathaviṃ parivattetvā pappaṭakojaṃ khādāpento viya , yojanikamadhugaṇḍaṃ pīḷetvā sumadhurasaṃ pāyento viya ca āyasmā mahākaccāno nānāsuttappadese udāharanto soḷasa hāre vibhajitvā idāni te ekasmiṃyeva sutte yojetvā dassento hārasampātavāraṃ ārabhi. Ārabhanto ca yāyaṃ niddesavāre –
‘‘сол̣аса хаараа батамам̣, д̣̇исааложанад̇о д̣̇исаа вилогзд̇ваа;
‘‘Soḷasa hārā paṭhamaṃ, disālocanato disā viloketvā;
сан̇кибияа ан̇гусзна хи, наязхи д̇ийхи нид̣̇д̣̇исз суд̇д̇а’’нд̇и. –
Saṅkhipiya aṅkusena hi, nayehi tīhi niddise sutta’’nti. –
г̇аат̇аа вуд̇д̇аа. яасмаа д̇ам̣ хааравибхан̇г̇авааро наббаяож̇зд̇и виббагин̣н̣ависаяад̇д̇аа, наяавижаарасса жа анд̇арид̇ад̇д̇аа. анзгзхи суд̇д̇аббад̣̇зсзхи хаараанам̣ вибхааг̇ад̣̇ассанамзва хи хааравибхан̇г̇авааро. хаарасамбаад̇авааро бана д̇ам̣ баяож̇зд̇и згасмим̣язва суд̇д̇аббад̣̇зсз сол̣аса хаарз яож̇зд̇ваава д̇ад̣̇ананд̇арам̣ наяасамудтаанасса гат̇ид̇ад̇д̇аа. д̇асмаа ‘‘сол̣аса хаараа батама’’нд̇и г̇аат̇ам̣ бажжаамасид̇ваа ‘‘д̇ассаа нид̣̇д̣̇зсо гухим̣ д̣̇адтаб̣б̣о? хаарасамбаад̇зд̇и аахаа’’д̇и –
Gāthā vuttā. Yasmā taṃ hāravibhaṅgavāro nappayojeti vippakiṇṇavisayattā, nayavicārassa ca antaritattā. Anekehi suttappadesehi hārānaṃ vibhāgadassanameva hi hāravibhaṅgavāro. Hārasampātavāro pana taṃ payojeti ekasmiṃyeva suttappadese soḷasa hāre yojetvāva tadanantaraṃ nayasamuṭṭhānassa kathitattā. Tasmā ‘‘soḷasa hārā paṭhama’’nti gāthaṃ paccāmasitvā ‘‘tassā niddeso kuhiṃ daṭṭhabbo? Hārasampāteti āhā’’ti –
вуд̇д̇ам̣. г̇аат̇аад̇т̇о нид̣̇д̣̇зсавибхааванааяам̣ вуд̇д̇ова. ‘‘сол̣аса…бз… суд̇д̇а’’нд̇и яаа г̇аат̇аа нид̣̇д̣̇зсз аажариязна вуд̇д̇аа, д̇ассаа г̇аат̇ааяа нид̣̇д̣̇зсо гухим̣ д̣̇адтаб̣б̣о, хааравибхан̇г̇асса аад̣̇имхи аажариязна на вибхад̇д̇о, хаарасамбаад̇з ваа бажжаамасид̇ваа вибхад̇д̇од̇и д̣̇адтаб̣б̣о гим̣, уд̣̇ааху наяасамудтаанз ваа бажжаамасид̇ваа вибхад̇д̇од̇и д̣̇адтаб̣б̣о гинд̇и бужчад̇и. хаарасамбаад̇з бажжаамасид̇ваа вибхад̇д̇од̇и д̣̇адтаб̣б̣од̇и виссаж̇ж̇анаа.
Vuttaṃ. Gāthāttho niddesavibhāvanāyaṃ vuttova. ‘‘Soḷasa…pe… sutta’’nti yā gāthā niddese ācariyena vuttā, tassā gāthāya niddeso kuhiṃ daṭṭhabbo, hāravibhaṅgassa ādimhi ācariyena na vibhatto, hārasampāte vā paccāmasitvā vibhattoti daṭṭhabbo kiṃ, udāhu nayasamuṭṭhāne vā paccāmasitvā vibhattoti daṭṭhabbo kinti pucchati. Hārasampāte paccāmasitvā vibhattoti daṭṭhabboti vissajjanā.
хаарасамбаад̇з д̇ассаа г̇аат̇ааяа нид̣̇д̣̇зсо д̣̇адтаб̣б̣од̇и аажариязна вуд̇д̇о, со хаарасамбаад̇о д̣̇зсанаахаарасамбаад̇абхзд̣̇зна сол̣асавид̇хо, ‘‘д̇ад̇т̇а гад̇амо хаарасамбаад̇о д̣̇зсанаахаарасамбаад̇о’’д̇и бужчид̇аб̣б̣ад̇д̇аа имасмим̣ суд̇д̇з сам̣ван̣н̣зд̇аб̣б̣з сам̣ван̣н̣анаабхаавзна маяаа вибхаж̇ияамаано хаарасамбаад̇абхууд̇о сам̣ван̣н̣анаависзсо д̣̇зсанаахаарасамбаад̇о наамаад̇и д̇ат̇аа вибхаж̇ид̇ум̣ ‘‘д̇ад̇т̇а гад̇амо д̣̇зсанаахаарасамбаад̇о’’д̇иаад̣̇и вуд̇д̇ам̣. д̇ад̇т̇аад̇и д̇асмим̣ сол̣асавид̇хз д̣̇зсанаахаарасамбаад̇аад̣̇игз хаарасамбаад̇з. гад̇амо хаарасамбаад̇абхууд̇о сам̣ван̣н̣анаависзсо д̣̇зсанаахаарасамбаад̇о наамаад̇и бужчад̇и.
Hārasampāte tassā gāthāya niddeso daṭṭhabboti ācariyena vutto, so hārasampāto desanāhārasampātabhedena soḷasavidho, ‘‘tattha katamo hārasampāto desanāhārasampāto’’ti pucchitabbattā imasmiṃ sutte saṃvaṇṇetabbe saṃvaṇṇanābhāvena mayā vibhajiyamāno hārasampātabhūto saṃvaṇṇanāviseso desanāhārasampāto nāmāti tathā vibhajituṃ ‘‘tattha katamo desanāhārasampāto’’tiādi vuttaṃ. Tatthāti tasmiṃ soḷasavidhe desanāhārasampātādike hārasampāte. Katamo hārasampātabhūto saṃvaṇṇanāviseso desanāhārasampāto nāmāti pucchati.
‘‘арагкид̇зна жид̇д̇зна, мижчаад̣̇идтихад̇зна жа;
‘‘Arakkhitena cittena, micchādiṭṭhihatena ca;
т̇инамид̣̇д̇хаабхибхууд̇зна, васам̣ маарасса г̇ажчад̇ий’’д̇и. –
Thinamiddhābhibhūtena, vasaṃ mārassa gacchatī’’ti. –
суд̇д̇з ‘‘арагкид̇зна жид̇д̇знаад̇и гим̣д̣̇зсаяад̇ий’’д̇и бужчид̇ваа ‘‘бамаад̣̇ам̣ д̣̇зсаяад̇ий’’д̇иаад̣̇исам̣ван̣н̣анаависзсо д̣̇зсанаахаарасамбаад̇о наамаад̇и вуд̇д̇ам̣ ход̇и. г̇аат̇аад̇т̇о адтагат̇ааяам̣ (нзд̇д̇и. адта. 52) вибхад̇д̇о. яож̇анад̇т̇о бана арагкид̇зна жид̇д̇зна арагкид̇ажид̇д̇асаман̇г̇ий буг̇г̇ало маарасса мажжуно васам̣ г̇ажчад̇и. мижчаад̣̇идтихад̇зна вибаллаасзна вибаллаасасаман̇г̇ий буг̇г̇ало маарасса васам̣ г̇ажчад̇и. т̇инамид̣̇д̇хаабхибхууд̇зна сасан̇кааригажид̇д̇зна гусийд̇ажид̇д̇зна д̇ам̣жид̇д̇асаман̇г̇ий буг̇г̇ало маарасса гилзсаад̣̇имаарасса васам̣ г̇ажчад̇ийд̇и.
Sutte ‘‘arakkhitena cittenāti kiṃdesayatī’’ti pucchitvā ‘‘pamādaṃ desayatī’’tiādisaṃvaṇṇanāviseso desanāhārasampāto nāmāti vuttaṃ hoti. Gāthāttho aṭṭhakathāyaṃ (netti. aṭṭha. 52) vibhatto. Yojanattho pana arakkhitena cittena arakkhitacittasamaṅgī puggalo mārassa maccuno vasaṃ gacchati. Micchādiṭṭhihatena vipallāsena vipallāsasamaṅgī puggalo mārassa vasaṃ gacchati. Thinamiddhābhibhūtena sasaṅkhārikacittena kusītacittena taṃcittasamaṅgī puggalo mārassa kilesādimārassa vasaṃ gacchatīti.
‘‘арагкид̇зна жид̇д̇знаа’д̇и бад̣̇зна д̣̇зсид̇ам̣ д̇ам̣ бамаад̣̇ад̇хаммаж̇аад̇ам̣ гасса бад̣̇а’’нд̇и вад̇д̇аб̣б̣ад̇д̇аа ‘‘д̇ам̣ мажжуно бад̣̇а’’нд̇и вуд̇д̇ам̣. ‘‘арагкид̇зна жид̇д̇знаа’’д̇и иминаа суд̇д̇аббад̣̇зсзна д̣̇зсид̇о ад̇т̇о аажариязна вибхад̇д̇о, амхзхи жа н̃аад̇о, ‘‘мижчаад̣̇идтихад̇зна жаад̇и суд̇д̇аббад̣̇зсзна д̣̇зсид̇о ад̇т̇о гат̇ам̣ вибхад̇д̇о’’д̇и вад̇д̇аб̣б̣ад̇д̇аа ‘‘мижчаад̣̇идтихад̇зна жаа’’д̇иаад̣̇и вуд̇д̇ам̣. язна вибаллаасзна яад̣̇аа анижжз ‘‘нижжа’’нд̇и бассад̇и, д̇ад̣̇аа бавад̇д̇о со вибаллаасо ‘‘мижчаад̣̇идтихад̇ам̣ наамаа’’д̇и вужжад̇и. ‘‘со бана вибаллаасо гим̣лагкан̣о’’д̇и бужчид̇аб̣б̣ад̇д̇аа д̇ат̇аа бужчид̇ваа ‘‘вибарийд̇аг̇г̇аахалагкан̣о вибаллаасо’’д̇и вуд̇д̇ам̣.
‘‘Arakkhitena cittenā’ti padena desitaṃ taṃ pamādadhammajātaṃ kassa pada’’nti vattabbattā ‘‘taṃ maccuno pada’’nti vuttaṃ. ‘‘Arakkhitena cittenā’’ti iminā suttappadesena desito attho ācariyena vibhatto, amhehi ca ñāto, ‘‘micchādiṭṭhihatena cāti suttappadesena desito attho kathaṃ vibhatto’’ti vattabbattā ‘‘micchādiṭṭhihatena cā’’tiādi vuttaṃ. Yena vipallāsena yadā anicce ‘‘nicca’’nti passati, tadā pavatto so vipallāso ‘‘micchādiṭṭhihataṃ nāmā’’ti vuccati. ‘‘So pana vipallāso kiṃlakkhaṇo’’ti pucchitabbattā tathā pucchitvā ‘‘viparītaggāhalakkhaṇo vipallāso’’ti vuttaṃ.
вибарийд̇аг̇г̇аахалагкан̣од̇и асубхаад̣̇ийнам̣язва субхаад̣̇ивибарийд̇аг̇г̇аахалагкан̣о вибаллаасо ‘‘вибаллаасаяад̇ий’’д̇и гаарид̇ад̇т̇асамбхавад̇о. гим̣ вибаллаасо вибарийд̇аг̇г̇аахалагкан̣о? со вибаллаасо сан̃н̃ам̣ вибаллаасаяад̇и, жид̇д̇амби вибаллаасаяад̇и, д̣̇идтимби вибаллаасаяад̇и. ид̇и д̇аяо д̇хаммз вибаллаасаяад̇ийд̇и вибаллаасзд̇аб̣б̣аанам̣ д̇ивид̇хад̇д̇аа вибаллаасааби д̇ивид̇хаа хонд̇и. д̇зсу сан̃н̃аавибаллаасо муд̣̇уго д̣̇уб̣б̣ало субхаад̣̇ивасзна убадтид̇аагаараг̇г̇ахан̣амад̇д̇ад̇д̇аа, жид̇д̇авибаллаасо сан̃н̃аавибаллаасад̇о б̣алаваа субхаад̣̇ивасзна убадтаханд̇аанам̣ руубагканд̇хаад̣̇ийнам̣ субхаад̣̇ивасзна саннидтаанам̣ гад̇ваа г̇ахан̣ад̇о. д̣̇идтивибаллаасо сан̃н̃аавибаллаасажид̇д̇авибаллаасзхи б̣алавад̇аро, яам̣ яам̣ аарамман̣ам̣ субхаад̣̇иаагаарзна убадтаад̇и. д̇ам̣ д̇ам̣ аарамман̣ам̣ сассад̇аад̣̇ивасзна абхинивисид̇ваа г̇ахан̣ад̇о. д̇асмаа сан̃н̃аавибаллаасо батамам̣ вуд̇д̇о, д̇ад̣̇ананд̇арам̣ жид̇д̇авибаллаасо, д̇ад̣̇ананд̇арам̣ д̣̇идтивибаллаасо вуд̇д̇о. вид̇т̇аарад̇о бана згзгасса субхасукаад̇д̇анижжаг̇г̇ахан̣авасзна жад̇уб̣б̣ид̇хад̇д̇аа д̣̇ваад̣̇асавид̇хаа хонд̇и.
Viparītaggāhalakkhaṇoti asubhādīnaṃyeva subhādiviparītaggāhalakkhaṇo vipallāso ‘‘vipallāsayatī’’ti kāritatthasambhavato. Kiṃ vipallāso viparītaggāhalakkhaṇo? So vipallāso saññaṃ vipallāsayati, cittampi vipallāsayati, diṭṭhimpi vipallāsayati. Iti tayo dhamme vipallāsayatīti vipallāsetabbānaṃ tividhattā vipallāsāpi tividhā honti. Tesu saññāvipallāso muduko dubbalo subhādivasena upaṭṭhitākāraggahaṇamattattā, cittavipallāso saññāvipallāsato balavā subhādivasena upaṭṭhahantānaṃ rūpakkhandhādīnaṃ subhādivasena sanniṭṭhānaṃ katvā gahaṇato. Diṭṭhivipallāso saññāvipallāsacittavipallāsehi balavataro, yaṃ yaṃ ārammaṇaṃ subhādiākārena upaṭṭhāti. Taṃ taṃ ārammaṇaṃ sassatādivasena abhinivisitvā gahaṇato. Tasmā saññāvipallāso paṭhamaṃ vutto, tadanantaraṃ cittavipallāso, tadanantaraṃ diṭṭhivipallāso vutto. Vitthārato pana ekekassa subhasukhaattaniccaggahaṇavasena catubbidhattā dvādasavidhā honti.
вибаллаасаа аажариязна вибхад̇д̇аа, амхзхи жа н̃аад̇аа, ‘‘гад̇амз вибаллаасабавад̇д̇идтаанависаяаа’’д̇и бужчид̇аб̣б̣ад̇д̇аа имаани ад̇д̇абхаававад̇т̇ууни вибаллаасабавад̇д̇идтаанависаяаанийд̇и д̣̇ассзд̇ум̣ ‘‘со гухим̣ вибаллаасаяад̇и жад̇уусу ад̇д̇абхаававад̇т̇уусуу’’д̇и вуд̇д̇ам̣. жад̇уусу руубагааяавзд̣̇анаажид̇д̇ад̇хаммасан̇каад̇зсу ад̇д̇абхаававад̇т̇уусу со саб̣б̣о вибаллаасо сан̃н̃аажид̇д̇ад̣̇идтияо вибаллаасаяад̇и. ‘‘гат̇ам̣ саманубассанд̇асса вибаллаасаяад̇ий’’д̇и бужчид̇аб̣б̣ад̇д̇аа ‘‘руубам̣ ад̇д̇ад̇о саманубассад̇ий’’д̇иаад̣̇и вуд̇д̇ам̣. яо буг̇г̇ало руубам̣ ваа ад̇д̇ад̇о саманубассад̇и, руубаванд̇ам̣ ад̇д̇аанам̣ ваа ад̇д̇ад̇о саманубассад̇и , ад̇д̇ани руубам̣ ваа ад̇д̇ад̇о саманубассад̇и. руубасмим̣ ад̇д̇аанам̣ ваа ад̇д̇ад̇о саманубассад̇и, звам̣ д̇асса саманубассанд̇асса буг̇г̇аласса вибаллаасо руубагааяз сан̃н̃аажид̇д̇ад̣̇идтияо вибаллаасаяад̇и. зсзва наяо взд̣̇анаад̣̇ийсуби.
Vipallāsā ācariyena vibhattā, amhehi ca ñātā, ‘‘katame vipallāsapavattiṭṭhānavisayā’’ti pucchitabbattā imāni attabhāvavatthūni vipallāsapavattiṭṭhānavisayānīti dassetuṃ ‘‘so kuhiṃ vipallāsayati catūsu attabhāvavatthūsū’’ti vuttaṃ. Catūsu rūpakāyavedanācittadhammasaṅkhātesu attabhāvavatthūsu so sabbo vipallāso saññācittadiṭṭhiyo vipallāsayati. ‘‘Kathaṃ samanupassantassa vipallāsayatī’’ti pucchitabbattā ‘‘rūpaṃ attato samanupassatī’’tiādi vuttaṃ. Yo puggalo rūpaṃ vā attato samanupassati, rūpavantaṃ attānaṃ vā attato samanupassati , attani rūpaṃ vā attato samanupassati. Rūpasmiṃ attānaṃ vā attato samanupassati, evaṃ tassa samanupassantassa puggalassa vipallāso rūpakāye saññācittadiṭṭhiyo vipallāsayati. Eseva nayo vedanādīsupi.
‘‘д̇зсу руубагааяаад̣̇ийсу гад̇амам̣ гад̇амасса вибаллаасасса вад̇т̇уу’’д̇и бужчид̇аб̣б̣ад̇д̇аа звам̣ бавад̇д̇амаанасса вибаллаасасса ид̣̇ам̣ имасса вад̇т̇ууд̇и вибхаж̇ид̇ум̣ ‘‘д̇ад̇т̇а рууба’’нд̇иаад̣̇и вуд̇д̇ам̣. д̇ад̇т̇аад̇и д̇зсу руубаад̣̇ийсу жад̇уусу батамам̣ вибаллаасавад̇т̇у руубам̣ ‘‘асубхз субха’’нд̇и звам̣ бавад̇д̇амаанасса вибаллаасасса вад̇т̇у ход̇ийд̇и вибхаж̇ид̇ваа г̇ахзд̇аб̣б̣ам̣. зса наяо сзсзсуби. звам̣ ‘‘асубхз субха’’нд̇иаад̣̇иббагаарзна вибаллаасаа жад̇уб̣б̣ид̇хаа бхаванд̇и.
‘‘Tesu rūpakāyādīsu katamaṃ katamassa vipallāsassa vatthū’’ti pucchitabbattā evaṃ pavattamānassa vipallāsassa idaṃ imassa vatthūti vibhajituṃ ‘‘tattha rūpa’’ntiādi vuttaṃ. Tatthāti tesu rūpādīsu catūsu paṭhamaṃ vipallāsavatthu rūpaṃ ‘‘asubhe subha’’nti evaṃ pavattamānassa vipallāsassa vatthu hotīti vibhajitvā gahetabbaṃ. Esa nayo sesesupi. Evaṃ ‘‘asubhe subha’’ntiādippakārena vipallāsā catubbidhā bhavanti.
ид̣̇ам̣ имасса вад̇т̇ууд̇и аажариязна вибхаж̇ид̇ваа д̣̇ассид̇аа, амхзхи жа н̃аад̇аа, ‘‘д̇зсам̣ вибаллаасаанам̣ гад̇амз муулагааран̣ад̇хаммаа’’д̇и бужчид̇аб̣б̣ад̇д̇аа ‘‘д̣̇вз д̇хаммаа’’д̇иаад̣̇и вуд̇д̇ам̣. жид̇д̇асса сам̣гилзсаа, д̇ан̣хаа жа авиж̇ж̇аа жа – имз д̣̇вз д̇хаммаа вибаллаасаанам̣ муулагааран̣абхууд̇аа бхаванд̇и.
Idaṃ imassa vatthūti ācariyena vibhajitvā dassitā, amhehi ca ñātā, ‘‘tesaṃ vipallāsānaṃ katame mūlakāraṇadhammā’’ti pucchitabbattā ‘‘dve dhammā’’tiādi vuttaṃ. Cittassa saṃkilesā, taṇhā ca avijjā ca – ime dve dhammā vipallāsānaṃ mūlakāraṇabhūtā bhavanti.
‘‘имз д̣̇вз д̇хаммаа згад̇о вибаллаасаанам̣ муулагааран̣ам̣ гим̣ хонд̇и, уд̣̇ааху висум̣ вису’’нд̇и вад̇д̇аб̣б̣ад̇д̇аа висум̣ висум̣ вибхаж̇ид̇ум̣ ‘‘д̇ан̣хаанивуд̇а’’нд̇иаад̣̇и вуд̇д̇ам̣. авиж̇ж̇аарахид̇аа д̇ан̣хаа наама над̇т̇и, д̇асмаа ‘‘д̇ан̣хааавиж̇ж̇аанивуд̇а’’нд̇и вад̇д̇аб̣б̣анд̇и? на, д̇ан̣хааяа саад̇исаяабажжаяад̇д̇аа. саад̇исаяааяа хи д̇ан̣хааяа асубхзби ‘‘субха’’нд̇и, д̣̇угкзби ‘‘сука’’нд̇и саманубассанд̇и. ‘‘д̇ан̣хаа жа авиж̇ж̇аа жаа’’д̇и вуд̇д̇ад̇д̇аа ‘‘авиж̇ж̇аанивуд̇а’’нд̇и вад̇д̇аб̣б̣ам̣, гасмаа ‘‘д̣̇идтинивуд̇а’’нд̇и вуд̇д̇анд̇и? авиж̇ж̇ааяа д̣̇идти бхавад̇ийд̇и д̣̇идтисийсзна авиж̇ж̇ам̣ г̇ахзд̇ваа ‘‘д̣̇идтинивуд̇а’’нд̇и вуд̇д̇ам̣, авиж̇ж̇аанивуд̇анд̇и ад̇т̇о г̇ахзд̇аб̣б̣о. ‘‘авиж̇ж̇аанивуд̇а’’нд̇и вуд̇д̇з бана д̣̇идтирахид̇аа авиж̇ж̇ааби г̇ахид̇аа сияаа, д̣̇идтисахид̇ааяа хи авиж̇ж̇ааяа анижжзби ‘‘нижжа’’нд̇и, анад̇д̇аниязби ‘‘ад̇д̇аа’’д̇и саманубассанд̇и.
‘‘Ime dve dhammā ekato vipallāsānaṃ mūlakāraṇaṃ kiṃ honti, udāhu visuṃ visu’’nti vattabbattā visuṃ visuṃ vibhajituṃ ‘‘taṇhānivuta’’ntiādi vuttaṃ. Avijjārahitā taṇhā nāma natthi, tasmā ‘‘taṇhāavijjānivuta’’nti vattabbanti? Na, taṇhāya sātisayapaccayattā. Sātisayāya hi taṇhāya asubhepi ‘‘subha’’nti, dukkhepi ‘‘sukha’’nti samanupassanti. ‘‘Taṇhā ca avijjā cā’’ti vuttattā ‘‘avijjānivuta’’nti vattabbaṃ, kasmā ‘‘diṭṭhinivuta’’nti vuttanti? Avijjāya diṭṭhi bhavatīti diṭṭhisīsena avijjaṃ gahetvā ‘‘diṭṭhinivuta’’nti vuttaṃ, avijjānivutanti attho gahetabbo. ‘‘Avijjānivuta’’nti vutte pana diṭṭhirahitā avijjāpi gahitā siyā, diṭṭhisahitāya hi avijjāya aniccepi ‘‘nicca’’nti, anattaniyepi ‘‘attā’’ti samanupassanti.
‘‘гат̇ам̣ д̇ан̣хаамуулаго вибаллаасо бавад̇д̇о, гат̇ам̣ д̣̇идтисахид̇аавиж̇ж̇аамуулаго вибаллаасо бавад̇д̇о’’д̇и вад̇д̇аб̣б̣ад̇д̇аа ‘‘д̇ад̇т̇а яо д̣̇идтивибаллаасо’’д̇иаад̣̇и вуд̇д̇ам̣. д̇ад̇т̇аад̇и д̇зсу д̇ан̣хаамуулагад̣̇идтисахид̇аавиж̇ж̇аамуулагзсу. д̣̇идтивибаллаасод̇и д̣̇идтисахид̇аавиж̇ж̇аамуулагавибаллаасо. ад̇ийд̇ам̣ руубам̣ ад̇д̇ад̇о саманубассад̇ийд̇и ад̣̇аб̣б̣абхууд̇оби д̣̇аб̣б̣абхууд̇о вияа вуд̇д̇о. д̇ан̣хаавибаллаасод̇и д̣̇идтисахид̇ад̇ан̣хаамуулаго вибаллаасо анааг̇ад̇ам̣ руубам̣ д̣̇идтибхинанд̣̇анавасзна абхинанд̣̇ад̇ийд̇и. звам̣ ад̇ийд̇асаманубассанаанааг̇ад̇аабхинанд̣̇анабхзд̣̇зна бавад̇д̇ивисзсо д̣̇адтаб̣б̣о. ‘‘жид̇д̇асса сам̣гилзсо д̇ан̣хааавиж̇ж̇ааязва д̣̇вз д̇хаммаа на хонд̇и, ат̇а ко д̣̇аса гилзсааби, гасмаа д̣̇взязва вуд̇д̇аа’’д̇и вад̇д̇аб̣б̣ад̇д̇аа ‘‘д̣̇вз д̇хаммаа жид̇д̇асса убаггилзсаа’’д̇иаад̣̇и вуд̇д̇ам̣. д̇ан̣хаа жа авиж̇ж̇аа жа – имз д̣̇взязва д̇хаммаа барамасааваж̇ж̇асса вибаллаасасса муулагааран̣ад̇д̇аа. д̇аахи д̇ан̣хааавиж̇ж̇аахи висуж̇жханд̇ам̣ жид̇д̇ам̣ саб̣б̣зхи гилзсзхи висуж̇жхад̇и, д̇асмаа жа висзсад̇о жид̇д̇асса убаггилзсаа хонд̇ийд̇и д̣̇вз д̇хаммаа вуд̇д̇аа. на хи д̇аасу д̇ан̣хааавиж̇ж̇аасу арахад̇д̇амаг̇г̇зна бахийнаасу гожи сам̣гилзсо аббахийно наама над̇т̇ийд̇и.
‘‘Kathaṃ taṇhāmūlako vipallāso pavatto, kathaṃ diṭṭhisahitāvijjāmūlako vipallāso pavatto’’ti vattabbattā ‘‘tattha yo diṭṭhivipallāso’’tiādi vuttaṃ. Tatthāti tesu taṇhāmūlakadiṭṭhisahitāvijjāmūlakesu. Diṭṭhivipallāsoti diṭṭhisahitāvijjāmūlakavipallāso. Atītaṃ rūpaṃ attato samanupassatīti adabbabhūtopi dabbabhūto viya vutto. Taṇhāvipallāsoti diṭṭhisahitataṇhāmūlako vipallāso anāgataṃrūpaṃ diṭṭhibhinandanavasena abhinandatīti. Evaṃ atītasamanupassanaanāgatābhinandanabhedena pavattiviseso daṭṭhabbo. ‘‘Cittassa saṃkileso taṇhāavijjāyeva dve dhammā na honti, atha kho dasa kilesāpi, kasmā dveyeva vuttā’’ti vattabbattā ‘‘dve dhammā cittassa upakkilesā’’tiādi vuttaṃ. Taṇhā ca avijjā ca – ime dveyeva dhammā paramasāvajjassa vipallāsassa mūlakāraṇattā. Tāhi taṇhāavijjāhi visujjhantaṃ cittaṃ sabbehi kilesehi visujjhati, tasmā ca visesato cittassa upakkilesā hontīti dve dhammā vuttā. Na hi tāsu taṇhāavijjāsu arahattamaggena pahīnāsu koci saṃkileso appahīno nāma natthīti.
‘‘вуд̇д̇аббагаараа д̇ан̣хааавиж̇ж̇аа вуд̇д̇аббагаараанам̣ вибаллаасаанам̣язва муулагааран̣ам̣ хонд̇и гим̣, уд̣̇ааху сагаласса ваддассааби муулагааран̣ам̣ хонд̇и ги’’нд̇и вад̇д̇аб̣б̣ад̇д̇аа вуд̇д̇аббагаараа д̇ан̣хааавиж̇ж̇аа вуд̇д̇аббагаараанам̣ муулагааран̣ам̣ хонд̇и яат̇аа, звам̣ сагаласса ваддассааби муулагааран̣ам̣ хонд̇ийд̇и д̣̇ассзд̇ум̣ ‘‘д̇зса’’нд̇иаад̣̇и вуд̇д̇ам̣. д̇ад̇т̇а язсам̣ буг̇г̇алаанам̣ жид̇д̇ам̣ арагкид̇ам̣, мижчаад̣̇идтихад̇ан̃жа ход̇и, д̇зсам̣ буг̇г̇алаанам̣. язсам̣ авиж̇ж̇аанийваран̣аанам̣ д̇ан̣хаасам̣яож̇анаанам̣ буб̣б̣агоди на бан̃н̃ааяад̇и, д̇зхи авиж̇ж̇аанийваран̣зхи д̇ан̣хаасам̣яож̇анзхи сам̣саарз санд̇хааванд̇аанам̣ сам̣саранд̇аанам̣ буг̇г̇алаанам̣ сагим̣ нираяам̣ мааравасаг̇аманзна санд̇хааванам̣ сам̣саран̣ам̣ ход̇и, сагим̣ д̇иражчаанаяоним̣ санд̇хааванам̣ сам̣саран̣ам̣ ход̇и, сагим̣ бзд̇д̇ивисаяам̣ санд̇хааванам̣ сам̣саран̣ам̣ ход̇и, сагим̣ асурагааяам̣ санд̇хааванам̣ сам̣саран̣ам̣ ход̇и, сагим̣ д̣̇звз санд̇хааванам̣ сам̣саран̣ам̣ ход̇и, сагим̣ мануссз санд̇хааванам̣ сам̣саран̣ам̣ ход̇ийд̇и ад̇т̇о.
‘‘Vuttappakārā taṇhāavijjā vuttappakārānaṃ vipallāsānaṃyeva mūlakāraṇaṃ honti kiṃ, udāhu sakalassa vaṭṭassāpi mūlakāraṇaṃ honti ki’’nti vattabbattā vuttappakārā taṇhāavijjā vuttappakārānaṃ mūlakāraṇaṃ honti yathā, evaṃ sakalassa vaṭṭassāpi mūlakāraṇaṃ hontīti dassetuṃ ‘‘tesa’’ntiādi vuttaṃ. Tattha yesaṃ puggalānaṃ cittaṃ arakkhitaṃ, micchādiṭṭhihatañca hoti, tesaṃ puggalānaṃ. Yesaṃ avijjānīvaraṇānaṃ taṇhāsaṃyojanānaṃ pubbakoṭi na paññāyati, tehi avijjānīvaraṇehi taṇhāsaṃyojanehi saṃsāre sandhāvantānaṃ saṃsarantānaṃ puggalānaṃ sakiṃ nirayaṃ māravasagamanena sandhāvanaṃ saṃsaraṇaṃ hoti, sakiṃ tiracchānayoniṃ sandhāvanaṃ saṃsaraṇaṃ hoti, sakiṃ pettivisayaṃ sandhāvanaṃ saṃsaraṇaṃ hoti, sakiṃ asurakāyaṃ sandhāvanaṃ saṃsaraṇaṃ hoti, sakiṃ deve sandhāvanaṃ saṃsaraṇaṃ hoti, sakiṃ manusse sandhāvanaṃ saṃsaraṇaṃ hotīti attho.
‘‘мижчаад̣̇идтихад̇зна жаа’’д̇и суд̇д̇аббад̣̇зсзна д̣̇зсид̇о ад̇т̇о аажариязна вибхад̇д̇о, амхзхи жа н̃аад̇о, ‘‘т̇инамид̣̇д̇хаабхибхууд̇знаад̇и суд̇д̇аббад̣̇зсзна д̣̇зсид̇о ад̇т̇о гат̇ам̣ вибхад̇д̇о’’д̇и вад̇д̇аб̣б̣ад̇д̇аа ‘‘т̇инамид̣̇д̇хаабхибхууд̇знаа’’д̇иаад̣̇и вуд̇д̇ам̣. жид̇д̇асса вин̃н̃аан̣агканд̇хасса яаа агаллад̇аа агамманияад̇аа ад̇т̇и, ид̣̇ам̣ агаллад̇д̇ам̣ агамманияад̇д̇ам̣ т̇инам̣ наама. яам̣ гааяасса лийнад̇д̇ам̣ взд̣̇анаад̣̇игканд̇хад̇д̇аяалийнад̇д̇ам̣ ад̇т̇и, ид̣̇ам̣ гааяасса лийнад̇д̇ам̣ мид̣̇д̇хам̣ наамаад̇и т̇инамид̣̇д̇хасаруубамзва вуд̇д̇ам̣. д̇зхи т̇инамид̣̇д̇хзхи жид̇д̇асса абхибхууд̇абхааваад̣̇иго бана сувин̃н̃зяяад̇д̇аа на вуд̇д̇о, авуд̇д̇зби язсам̣ буг̇г̇алаанам̣ жид̇д̇ам̣ т̇инамид̣̇д̇хзхи абхибхууд̇ам̣, д̇зсам̣ буг̇г̇алаанам̣ д̇зна жид̇д̇зна жид̇д̇асийсзна сам̣яож̇анзна сам̣саарз мааравасаг̇аманзна санд̇хааванам̣ сам̣саран̣ам̣ барияосаанасабхааво вид̇т̇аарзд̇ваа г̇ахзд̇аб̣б̣о.
‘‘Micchādiṭṭhihatena cā’’ti suttappadesena desito attho ācariyena vibhatto, amhehi ca ñāto, ‘‘thinamiddhābhibhūtenāti suttappadesena desito attho kathaṃ vibhatto’’ti vattabbattā ‘‘thinamiddhābhibhūtenā’’tiādi vuttaṃ. Cittassa viññāṇakkhandhassa yā akallatā akammaniyatā atthi, idaṃ akallattaṃ akammaniyattaṃ thinaṃ nāma. Yaṃ kāyassa līnattaṃ vedanādikkhandhattayalīnattaṃ atthi, idaṃ kāyassa līnattaṃ middhaṃ nāmāti thinamiddhasarūpameva vuttaṃ. Tehi thinamiddhehi cittassa abhibhūtabhāvādiko pana suviññeyyattā na vutto, avuttepi yesaṃ puggalānaṃ cittaṃ thinamiddhehi abhibhūtaṃ, tesaṃ puggalānaṃ tena cittena cittasīsena saṃyojanena saṃsāre māravasagamanena sandhāvanaṃ saṃsaraṇaṃ pariyosānasabhāvo vitthāretvā gahetabbo.
‘‘васам̣ маарасса г̇ажчад̇ийд̇и суд̇д̇аббад̣̇зсзна д̣̇зсид̇о ад̇т̇о гат̇ам̣ вибхад̇д̇о’’д̇и вад̇д̇аб̣б̣ад̇д̇аа ‘‘васам̣ маарасса г̇ажчад̇ий’’д̇и вуд̇д̇ам̣. д̇ад̇т̇а гилзсамаарассаад̇и гилзсо д̣̇аанаад̣̇ибун̃н̃з маарзд̇и ниваарзд̇ийд̇и ад̇т̇зна маарод̇и гилзсамааро. иминаа гилзсамаарам̣ ниссааяа бавад̇д̇ад̇д̇аа абхисан̇каарамаараканд̇хамаарамажжумаараа жа г̇ахид̇аа, жа-сад̣̇д̣̇зна ваа г̇ахид̇аад̇и взд̣̇ид̇аб̣б̣аа. сад̇д̇амаарассаад̇и д̣̇звабуд̇д̇амаарасса. ат̇а ваа ‘‘д̣̇звабуд̇д̇амаарассаа’’д̇и авад̇ваа ‘‘сад̇д̇амаарассаа’’д̇и вуд̇д̇ад̇д̇аа яо яо рааж̇ажораад̣̇иго д̣̇аанаад̣̇ийни ваа иссарияабхог̇аад̣̇ийни ваа маарзд̇и, со со рааж̇ажораад̣̇игоби г̇ахид̇о, д̇асмаа яасса гассажи сад̇д̇амаарассаад̇и ад̇т̇о. васанд̇и ижчам̣ лобхам̣ ад̇хиббааяам̣ ружим̣ ааган̇кам̣ аан̣ам̣ аан̣ад̇д̇им̣. г̇ажчад̇ийд̇и убаг̇ажчад̇и убзд̇и анувад̇д̇ад̇и ануг̇ажчад̇и наад̇иггамад̇ийд̇и ад̇т̇о. ‘‘гасмаа васам̣ г̇ажчад̇ий’’д̇и вад̇д̇аб̣б̣ад̇д̇аа ‘‘со хий’’д̇иаад̣̇и вуд̇д̇ам̣. яо сад̇д̇о арагкид̇ажид̇д̇зна жа мижчаад̣̇идтихад̇ажид̇д̇зна жа т̇инамид̣̇д̇хаабхибхууд̇ажид̇д̇зна жа саманнааг̇ад̇о ход̇и, со сад̇д̇о авиж̇ж̇аанийваран̣аад̣̇ийхи нивуд̇о худ̇ваа сам̣саараабхимуко хи яасмаа ход̇и, на висан̇каараабхимуко, д̇асмаа маарасса васам̣ г̇ажчад̇ийд̇и ад̇т̇о.
‘‘Vasaṃ mārassa gacchatīti suttappadesena desito attho kathaṃ vibhatto’’ti vattabbattā ‘‘vasaṃ mārassa gacchatī’’ti vuttaṃ. Tattha kilesamārassāti kileso dānādipuññe māreti nivāretīti atthena māroti kilesamāro. Iminā kilesamāraṃ nissāya pavattattā abhisaṅkhāramārakhandhamāramaccumārā ca gahitā, ca-saddena vā gahitāti veditabbā. Sattamārassāti devaputtamārassa. Atha vā ‘‘devaputtamārassā’’ti avatvā ‘‘sattamārassā’’ti vuttattā yo yo rājacorādiko dānādīni vā issariyabhogādīni vā māreti, so so rājacorādikopi gahito, tasmā yassa kassaci sattamārassāti attho. Vasanti icchaṃ lobhaṃ adhippāyaṃ ruciṃ ākaṅkhaṃ āṇaṃ āṇattiṃ. Gacchatīti upagacchati upeti anuvattati anugacchati nātikkamatīti attho. ‘‘Kasmā vasaṃ gacchatī’’ti vattabbattā ‘‘so hī’’tiādi vuttaṃ. Yo satto arakkhitacittena ca micchādiṭṭhihatacittena ca thinamiddhābhibhūtacittena ca samannāgato hoti, so satto avijjānīvaraṇādīhi nivuto hutvā saṃsārābhimukho hi yasmā hoti, na visaṅkhārābhimukho, tasmā mārassa vasaṃ gacchatīti attho.
‘‘арагкид̇знаад̇иаад̣̇игасса яасса суд̇д̇асса ад̇т̇о вибхад̇д̇о, д̇зна ‘арагкид̇знаа’д̇иаад̣̇игзна суд̇д̇зна гид̇д̇агаани сажжаани д̣̇зсид̇ааний’’д̇ивад̇д̇аб̣б̣ад̇д̇аа ‘‘имаани бхаг̇авад̇аа’’д̇иаад̣̇и вуд̇д̇ам̣. ‘‘арагкид̇знаа’’д̇иаад̣̇исуд̇д̇зна бхаг̇авад̇аа имаани д̣̇вз сажжаани д̣̇зсид̇аани д̣̇угкам̣, самуд̣̇аяо жаад̇и. гат̇ам̣ д̣̇зсид̇аани? абхид̇хамманиссид̇ааяа гат̇ааяа жзва суд̇д̇анд̇аниссид̇ааяа гат̇ааяа жа д̣̇зсид̇аани. д̇аасу гат̇аасу абхид̇хамманиссид̇ааяа гат̇ааяа д̣̇зсид̇з сад̇и ‘‘арагкид̇зна жид̇д̇знаа’’д̇и иминаа бад̣̇зна арагкид̇ам̣ рад̇д̇амби жид̇д̇ам̣, арагкид̇ам̣ д̣̇удтамби жид̇д̇ам̣, арагкид̇ам̣ муул̣хамби жид̇д̇ам̣ бхаг̇авад̇аа д̣̇зсид̇ам̣ н̃аабид̇ам̣. д̇ад̇т̇а рад̇д̇ажид̇д̇ам̣ лобхасахаг̇ад̇ажид̇д̇уббаад̣̇авасзна адтавид̇хам̣, д̣̇удтажид̇д̇ам̣ бадигхасамбаяуд̇д̇ажид̇д̇уббаад̣̇авасзна д̣̇уб̣б̣ид̇хам̣, муул̣хажид̇д̇ам̣ момуухажид̇д̇уббаад̣̇авасзна д̣̇уб̣б̣ид̇ханд̇и взд̣̇ид̇аб̣б̣ам̣. имзсан̃хи жид̇д̇уббаад̣̇аанам̣ васзна яаа жагкунд̣̇рияаад̣̇ийнам̣ аг̇уд̇д̇и анаарагкаа уббаннаа, д̇ааяа аг̇уд̇д̇ияаа анаарагкааяа жид̇д̇ам̣ арагкид̇ам̣ ход̇и палуубажаарзнаад̇и.
‘‘Arakkhitenātiādikassa yassa suttassa attho vibhatto, tena ‘arakkhitenā’tiādikena suttena kittakāni saccāni desitānī’’tivattabbattā ‘‘imāni bhagavatā’’tiādi vuttaṃ. ‘‘Arakkhitenā’’tiādisuttena bhagavatā imāni dve saccāni desitāni dukkhaṃ, samudayo cāti. Kathaṃ desitāni? Abhidhammanissitāya kathāya ceva suttantanissitāya kathāya ca desitāni. Tāsu kathāsu abhidhammanissitāya kathāya desite sati ‘‘arakkhitena cittenā’’ti iminā padena arakkhitaṃ rattampi cittaṃ, arakkhitaṃ duṭṭhampi cittaṃ, arakkhitaṃ mūḷhampi cittaṃ bhagavatā desitaṃ ñāpitaṃ. Tattha rattacittaṃ lobhasahagatacittuppādavasena aṭṭhavidhaṃ, duṭṭhacittaṃ paṭighasampayuttacittuppādavasena dubbidhaṃ, mūḷhacittaṃ momūhacittuppādavasena dubbidhanti veditabbaṃ. Imesañhi cittuppādānaṃ vasena yā cakkhundriyādīnaṃ agutti anārakkhā uppannā, tāya aguttiyā anārakkhāya cittaṃ arakkhitaṃ hoti phalūpacārenāti.
‘‘мижчаад̣̇идтихад̇знаа’’д̇и иминаа бад̣̇зна мижчаад̣̇идтисам̣садтам̣ жид̇д̇ам̣ д̣̇зсид̇ам̣, д̇ам̣ д̣̇идтисамбаяуд̇д̇ажид̇д̇уббаад̣̇авасзна жад̇уб̣б̣ид̇ханд̇и взд̣̇ид̇аб̣б̣ам̣. д̇ан̃хи мижчаад̣̇идтияаа сам̣садтабхаавзна мижчаад̣̇идтивасаануг̇ад̇ад̇д̇аа мижчаад̣̇идтихад̇ам̣ наамаад̇и. ‘‘т̇инамид̣̇д̇хаабхибхууд̇знаа’’д̇и иминаа бад̣̇зна т̇инамид̣̇д̇хзна сам̣садтам̣ жид̇д̇ам̣ д̣̇зсид̇ам̣, д̇ам̣ сасан̇кааригажид̇д̇уббаад̣̇авасзна бан̃жавид̇ханд̇и взд̣̇ид̇аб̣б̣ам̣. д̇ан̃хи т̇инамид̣̇д̇хзна сам̣садтабхаавзна т̇инамид̣̇д̇хавасаануг̇ад̇ад̇д̇аа т̇инамид̣̇д̇хаабхибхууд̇ам̣ наамаад̇и звам̣ яз д̣̇ваад̣̇асаагусалаа жид̇д̇уббаад̣̇аган̣д̣з ‘‘гад̇амз д̇хаммаа агусалаа? яасмим̣ самаяз агусалам̣ жид̇д̇ам̣ уббаннам̣ ход̇ий’’д̇иаад̣̇инаа (д̇ха. са. 365) вид̇т̇аарад̇о вад̇д̇аб̣б̣аа, д̇з д̣̇ваад̣̇асаагусалажид̇д̇уббаад̣̇аа д̇ийхи бад̣̇зхи бхаг̇авад̇аа д̣̇зсид̇аад̇и взд̣̇ид̇аб̣б̣аа. ‘‘маарассаа’’д̇и бад̣̇зна бан̃жа маараа г̇ахид̇аа. д̇зсу гилзсамааро ‘‘жад̇д̇ааро аасаваа, жад̇д̇ааро огхаа, жад̇д̇ааро яог̇аа, жад̇д̇ааро г̇ант̇аа, жад̇д̇аари убаад̣̇аанаани, адта нийваран̣аа, д̣̇аса гилзсаа’’д̇и (д̇ха. са. 1102 аад̣̇аяо) д̣̇зсид̇о. абхисан̇каарамааро бана ‘‘гусалаа жзд̇анаа (вибха. 226) агусалаа жзд̇анаа (вибха. 226) гусалам̣ гаммам̣ агусалам̣ гамма’’нд̇иаад̣̇инаа д̣̇зсид̇о. канд̇хамааро бана ‘‘ад̇д̇абхааво бан̃жагканд̇хаа’’д̇иаад̣̇инаа д̣̇зсид̇о. мажжумааро бана ‘‘жуд̇и жаванад̇аа’’д̇иаад̣̇инаа (вибха. 193) д̣̇зсид̇о. звам̣ д̇аавзд̇т̇а абхид̇хамманиссид̇ааяа гат̇ааяа д̣̇зсид̇о ад̇т̇о д̣̇адтаб̣б̣о.
‘‘Micchādiṭṭhihatenā’’ti iminā padena micchādiṭṭhisaṃsaṭṭhaṃ cittaṃ desitaṃ, taṃ diṭṭhisampayuttacittuppādavasena catubbidhanti veditabbaṃ. Tañhi micchādiṭṭhiyā saṃsaṭṭhabhāvena micchādiṭṭhivasānugatattā micchādiṭṭhihataṃ nāmāti. ‘‘Thinamiddhābhibhūtenā’’ti iminā padena thinamiddhena saṃsaṭṭhaṃ cittaṃ desitaṃ, taṃ sasaṅkhārikacittuppādavasena pañcavidhanti veditabbaṃ. Tañhi thinamiddhena saṃsaṭṭhabhāvena thinamiddhavasānugatattā thinamiddhābhibhūtaṃ nāmāti evaṃ ye dvādasākusalā cittuppādakaṇḍe ‘‘katame dhammā akusalā? Yasmiṃ samaye akusalaṃ cittaṃ uppannaṃ hotī’’tiādinā (dha. sa. 365) vitthārato vattabbā, te dvādasākusalacittuppādā tīhi padehi bhagavatā desitāti veditabbā. ‘‘Mārassā’’ti padena pañca mārā gahitā. Tesu kilesamāro ‘‘cattāro āsavā, cattāro oghā, cattāro yogā, cattāro ganthā, cattāri upādānāni, aṭṭha nīvaraṇā, dasa kilesā’’ti (dha. sa. 1102 ādayo) desito. Abhisaṅkhāramāro pana ‘‘kusalā cetanā (vibha. 226) akusalā cetanā (vibha. 226) kusalaṃ kammaṃ akusalaṃ kamma’’ntiādinā desito. Khandhamāro pana ‘‘attabhāvo pañcakkhandhā’’tiādinā desito. Maccumāro pana ‘‘cuti cavanatā’’tiādinā (vibha. 193) desito. Evaṃ tāvettha abhidhammanissitāya kathāya desito attho daṭṭhabbo.
суд̇д̇анд̇аниссид̇ааяа бана гат̇ааяа д̣̇зсид̇з сад̇и ‘‘жагкунаа руубам̣ д̣̇исваа нимид̇д̇аг̇г̇аахий ход̇и ануб̣яан̃ж̇анаг̇г̇аахий, яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа на бадибаж̇ж̇ад̇и, на рагкад̇и жагкунд̣̇рияам̣, жагкунд̣̇рияз на сам̣варам̣ аабаж̇ж̇ад̇и…бз… сод̇инд̣̇рияз на сам̣варам̣ аабаж̇ж̇ад̇и… гхаанинд̣̇рияз на сам̣варам̣ аабаж̇ж̇ад̇и… ж̇ивхинд̣̇рияз на сам̣варам̣ аабаж̇ж̇ад̇и… гааяинд̣̇рияз на сам̣варам̣ аабаж̇ж̇ад̇и… манинд̣̇рияз на сам̣варам̣ аабаж̇ж̇ад̇ий’’д̇и (ма. ни. 1.347) звам̣ буг̇г̇алаад̇хидтаанзна яам̣ чад̣̇вааригажид̇д̇ам̣ вуд̇д̇ам̣, д̇ам̣ чад̣̇вааригажид̇д̇ам̣ ‘‘арагкид̇зна жид̇д̇знаа’’д̇и иминаа бад̣̇зна д̣̇зсид̇ам̣. яаа мижчаад̣̇идтияо буб̣б̣анд̇агаббанавасзна ваа абаранд̇агаббанавасзна ваа буб̣б̣анд̇аабаранд̇агаббанавасзна ваа мижчаа абхинивисанд̇асса аяонисо уммуж̇ж̇анд̇асса ‘‘сассад̇о лого’’д̇и ваа ‘‘асассад̇о лого’’д̇и ваа ‘‘на ход̇и д̇ат̇ааг̇ад̇о барам̣ маран̣аа’’д̇и ваа уббаннаа, д̇аахи д̣̇идтийхи ваа, яаа жа д̣̇идтияо ‘‘имаа жад̇д̇ааро сассад̇аваад̣̇аа…бз… барамад̣̇идтад̇хамманиб̣б̣аанаваад̣̇аа’’д̇и б̣рахмаж̇ааласуд̇д̇аад̣̇ийсу (д̣̇ий. ни. 1.30 аад̣̇аяо) вуд̇д̇аа, д̇аахи д̣̇идтийхи ваа самбаяуд̇д̇ам̣ яам̣ жид̇д̇ам̣ ‘‘мижчаад̣̇идтихад̇зна жаа’’д̇и иминаа бад̣̇зна д̣̇зсид̇ам̣.
Suttantanissitāya pana kathāya desite sati ‘‘cakkhunā rūpaṃ disvā nimittaggāhī hoti anubyañjanaggāhī, yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati, na rakkhati cakkhundriyaṃ, cakkhundriye na saṃvaraṃ āpajjati…pe… sotindriye na saṃvaraṃ āpajjati… ghānindriye na saṃvaraṃ āpajjati… jivhindriye na saṃvaraṃ āpajjati… kāyindriye na saṃvaraṃ āpajjati… manindriye na saṃvaraṃ āpajjatī’’ti (ma. ni. 1.347) evaṃ puggalādhiṭṭhānena yaṃ chadvārikacittaṃ vuttaṃ, taṃ chadvārikacittaṃ ‘‘arakkhitena cittenā’’ti iminā padena desitaṃ. Yā micchādiṭṭhiyo pubbantakappanavasena vā aparantakappanavasena vā pubbantāparantakappanavasena vā micchā abhinivisantassa ayoniso ummujjantassa ‘‘sassato loko’’ti vā ‘‘asassato loko’’ti vā ‘‘na hoti tathāgato paraṃ maraṇā’’ti vā uppannā, tāhi diṭṭhīhi vā, yā ca diṭṭhiyo ‘‘imā cattāro sassatavādā…pe… paramadiṭṭhadhammanibbānavādā’’ti brahmajālasuttādīsu (dī. ni. 1.30 ādayo) vuttā, tāhi diṭṭhīhi vā sampayuttaṃ yaṃ cittaṃ ‘‘micchādiṭṭhihatena cā’’ti iminā padena desitaṃ.
‘‘т̇инам̣ наама жид̇д̇асса агамман̃н̃ад̇аа, мид̣̇д̇хам̣ наама взд̣̇анаад̣̇игканд̇хад̇д̇аяасса агамман̃н̃ад̇аа’’д̇и ваа ‘‘т̇инам̣ ануссаахасам̣сийд̣̇анам̣, мид̣̇д̇хам̣ уссаахасад̇д̇ивигхаад̇о’’д̇и ваа яаани т̇инамид̣̇д̇хаани вуд̇д̇аани, д̇зхи т̇инамид̣̇д̇хзхи яам̣ жид̇д̇ам̣ абхибхууд̇ам̣ аж̇жход̇т̇адам̣, д̇ам̣ жид̇д̇ам̣ ‘‘т̇инамид̣̇д̇хаабхибхууд̇знаа’’д̇и иминаа бад̣̇зна д̣̇зсид̇ам̣.
‘‘Thinaṃ nāma cittassa akammaññatā, middhaṃ nāma vedanādikkhandhattayassa akammaññatā’’ti vā ‘‘thinaṃ anussāhasaṃsīdanaṃ, middhaṃ ussāhasattivighāto’’ti vā yāni thinamiddhāni vuttāni, tehi thinamiddhehi yaṃ cittaṃ abhibhūtaṃ ajjhotthaṭaṃ, taṃ cittaṃ ‘‘thinamiddhābhibhūtenā’’ti iminā padena desitaṃ.
‘‘васо наама ижчаа лобхо ад̇хиббааяо ружи ааган̇каа аан̣аа аан̣ад̇д̇ий’’д̇и яо васо вуд̇д̇о, со васо ‘‘васа’’нд̇и иминаа бад̣̇зна д̣̇зсид̇о. ‘‘бан̃жа маараа – канд̇хамааро абхисан̇каарамааро мажжумааро д̣̇звабуд̇д̇амааро гилзсамааро’’д̇и яо мааро вуд̇д̇о, со мааро ‘‘маарассаа’’д̇и иминаа д̣̇зсид̇о. ‘‘г̇ажчад̇и, убаг̇ажчад̇и, убзд̇и, анувад̇д̇ад̇и, ануг̇ажчад̇и, наад̇иггамад̇ий’’д̇и яо буг̇г̇ало вуд̇д̇о, со буг̇г̇ало ‘‘г̇ажчад̇ий’’д̇и иминаа д̣̇зсид̇од̇и. звам̣ д̣̇зсид̇зсу д̇хаммзсу агусалаа самуд̣̇аяасажжам̣, ‘‘васам̣ маарасса г̇ажчад̇ий’’д̇и иминаа бад̣̇зна яз бан̃жубаад̣̇аанагканд̇хз убаад̣̇ааяа бан̃н̃ад̇д̇о буг̇г̇ало вуд̇д̇о, д̇з бан̃жубаад̣̇аанагканд̇хаа д̣̇угкасажжанд̇и д̣̇вз сажжаани д̣̇зсид̇аани. ‘‘гимад̇т̇ааяа д̣̇вз сажжаани д̣̇зсид̇ааний’’д̇и бужчид̇аб̣б̣ад̇д̇аа ‘‘д̇зсам̣ бхаг̇аваа’’д̇иаад̣̇и вуд̇д̇ам̣. д̇зсам̣ д̣̇виннам̣ сажжаанам̣ барин̃н̃ааяа жа бахаанааяа жа ‘‘арагкид̇знаа’’д̇иаад̣̇и д̇хаммам̣ бхаг̇аваа д̣̇зсзд̇и, д̇аани д̣̇вз сажжаани ‘‘арагкид̇знаа’’д̇иаад̣̇игзна н̃аабзд̇ийд̇и ад̇т̇о.
‘‘Vaso nāma icchā lobho adhippāyo ruci ākaṅkhā āṇā āṇattī’’ti yo vaso vutto, so vaso ‘‘vasa’’nti iminā padena desito. ‘‘Pañca mārā – khandhamāro abhisaṅkhāramāro maccumāro devaputtamāro kilesamāro’’ti yo māro vutto, so māro ‘‘mārassā’’ti iminā desito. ‘‘Gacchati, upagacchati, upeti, anuvattati, anugacchati, nātikkamatī’’ti yo puggalo vutto, so puggalo ‘‘gacchatī’’ti iminā desitoti. Evaṃ desitesu dhammesu akusalā samudayasaccaṃ, ‘‘vasaṃ mārassa gacchatī’’ti iminā padena ye pañcupādānakkhandhe upādāya paññatto puggalo vutto, te pañcupādānakkhandhā dukkhasaccanti dve saccāni desitāni. ‘‘Kimatthāya dve saccāni desitānī’’ti pucchitabbattā ‘‘tesaṃ bhagavā’’tiādi vuttaṃ. Tesaṃ dvinnaṃ saccānaṃ pariññāya ca pahānāya ca ‘‘arakkhitenā’’tiādi dhammaṃ bhagavā deseti, tāni dve saccāni ‘‘arakkhitenā’’tiādikena ñāpetīti attho.
‘‘д̇зсу д̣̇вийсу сажжзсу гасса сажжасса барин̃н̃ааяа, гасса сажжасса бахаанааяа д̣̇зсзд̇ий’’д̇и бужчид̇аб̣б̣ад̇д̇аа ‘‘д̣̇угкасса барин̃н̃ааяа, самуд̣̇аяасса бахаанааяаа’’д̇и вуд̇д̇ам̣. ‘‘барин̃н̃аабахаанзхи гад̇амаани сажжаани д̣̇зсид̇ааний’’д̇и вад̇д̇аб̣б̣ад̇д̇аа ‘‘язна жаа’’д̇иаад̣̇и вуд̇д̇ам̣. язна арахад̇д̇амаг̇г̇зна бариж̇аанаад̇и, язна арахад̇д̇амаг̇г̇зна баж̇ахад̇и жа, аяам̣ арахад̇д̇амаг̇г̇о маг̇г̇асажжам̣ наама. яам̣ ниб̣б̣аанад̇хаммам̣ аараб̣бха д̇ан̣хааяа, авиж̇ж̇ааяа жа бахаанам̣ ж̇аад̇ам̣, аяам̣ ниб̣б̣аанад̇хаммо нирод̇хо нирод̇хасажжам̣ наамаад̇и. звам̣ жад̇д̇аари сажжаани бхаг̇авад̇аа д̣̇зсид̇аани.
‘‘Tesu dvīsu saccesu kassa saccassa pariññāya, kassa saccassa pahānāya desetī’’ti pucchitabbattā ‘‘dukkhassa pariññāya, samudayassa pahānāyā’’ti vuttaṃ. ‘‘Pariññāpahānehi katamāni saccāni desitānī’’ti vattabbattā ‘‘yena cā’’tiādi vuttaṃ. Yena arahattamaggena parijānāti, yena arahattamaggena pajahati ca, ayaṃ arahattamaggo maggasaccaṃ nāma. Yaṃ nibbānadhammaṃ ārabbha taṇhāya, avijjāya ca pahānaṃ jātaṃ, ayaṃ nibbānadhammo nirodho nirodhasaccaṃ nāmāti. Evaṃ cattāri saccāni bhagavatā desitāni.
‘‘жад̇уннам̣ сажжаанам̣ д̣̇зсид̇абхааво гзна вин̃н̃аад̇аб̣б̣о’’д̇и вад̇д̇аб̣б̣ад̇д̇аа ‘‘д̇знаахаа’’д̇иаад̣̇и вуд̇д̇ам̣. д̇зсу жад̇уусу сажжзсу самуд̣̇аяасажжзна ассаад̣̇о г̇ахид̇о, д̣̇угкасажжзна аад̣̇ийнаво г̇ахид̇о, маг̇г̇асажжанирод̇хасажжзхи ниссаран̣ам̣ г̇ахид̇ам̣, самуд̣̇аяаббахаанавасзна саб̣б̣аг̇ад̇ибаж̇аханам̣ ж̇аад̇ам̣, саб̣б̣аг̇ад̇ибаж̇аханам̣ паланд̇и г̇ахид̇ам̣. язна рагкид̇ажид̇д̇ад̇аад̣̇игзна саб̣б̣аг̇ад̇ибаж̇аханам̣ ж̇аад̇ам̣, со рагкид̇ажид̇д̇ад̇аад̣̇иго убааяод̇и г̇ахид̇о, арагкид̇ажид̇д̇ад̇аад̣̇игасса бадисзд̇ханамукзна рагкид̇ажид̇д̇ад̇аад̣̇игасса нияож̇анам̣ бхаг̇авад̇о аан̣ад̇д̇ийд̇и г̇ахид̇анд̇и д̣̇зсанаахаарзна наанаасуд̇д̇зсу д̣̇ассид̇аа ассаад̣̇аад̣̇аяо ‘‘арагкид̇знаа’’д̇иаад̣̇игз згасмим̣язва суд̇д̇з нийхарид̇ваа д̣̇ассид̇аа.
‘‘Catunnaṃ saccānaṃ desitabhāvo kena viññātabbo’’ti vattabbattā ‘‘tenāhā’’tiādi vuttaṃ. Tesu catūsu saccesu samudayasaccena assādo gahito, dukkhasaccena ādīnavo gahito, maggasaccanirodhasaccehi nissaraṇaṃ gahitaṃ, samudayappahānavasena sabbagatipajahanaṃ jātaṃ, sabbagatipajahanaṃ phalanti gahitaṃ. Yena rakkhitacittatādikena sabbagatipajahanaṃ jātaṃ, so rakkhitacittatādiko upāyoti gahito, arakkhitacittatādikassa paṭisedhanamukhena rakkhitacittatādikassa niyojanaṃ bhagavato āṇattīti gahitanti desanāhārena nānāsuttesu dassitā assādādayo ‘‘arakkhitenā’’tiādike ekasmiṃyeva sutte nīharitvā dassitā.
‘‘ассаад̣̇аад̣̇ийнам̣ нийхарид̇ваа д̣̇ассид̇абхааво гзна вин̃н̃аад̇аб̣б̣о сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знаахаа’’д̇иаад̣̇и вуд̇д̇ам̣. зд̇т̇а жа язна сам̣ван̣н̣анаависзсзна наанаасуд̇д̇зсу ассаад̣̇аад̣̇аяо нийхарид̇ваа д̣̇ассид̇аа, со сам̣ван̣н̣анаависзсо д̣̇зсанаахааравибхан̇г̇о наама. язна сам̣ван̣н̣анаависзсзна згасмим̣язва суд̇д̇з ассаад̣̇аад̣̇аяо нийхарид̇ваа д̣̇ассид̇аа, со сам̣ван̣н̣анаависзсо д̣̇зсанаахаарасамбаад̇о наамаад̇и висзсо д̣̇адтаб̣б̣о.
‘‘Assādādīnaṃ nīharitvā dassitabhāvo kena viññātabbo saddahitabbo’’ti vattabbattā ‘‘tenāhā’’tiādi vuttaṃ. Ettha ca yena saṃvaṇṇanāvisesena nānāsuttesu assādādayo nīharitvā dassitā, so saṃvaṇṇanāviseso desanāhāravibhaṅgo nāma. Yena saṃvaṇṇanāvisesena ekasmiṃyeva sutte assādādayo nīharitvā dassitā, so saṃvaṇṇanāviseso desanāhārasampāto nāmāti viseso daṭṭhabbo.
‘‘зд̇д̇агова д̣̇зсанаахаарасамбаад̇о барибун̣н̣о’’д̇и вад̇д̇аб̣б̣ад̇д̇аа ‘‘нияуд̇д̇о д̣̇зсанаахаарасамбаад̇о’’д̇и вуд̇д̇ам̣. згзгасмим̣язва суд̇д̇з ассаад̣̇аад̣̇аяо язна язна сам̣ван̣н̣анаависзсабхууд̇зна д̣̇зсанаахаарасамбаад̇зна нийхарид̇ваа яат̇аарахам̣ д̣̇ассид̇аа, со со сам̣ван̣н̣анаависзсабхууд̇о д̣̇зсанаахаарасамбаад̇о нияуд̇д̇о яат̇аарахам̣ нид̣̇д̇хаарзд̇ваа яуж̇ж̇ид̇аб̣б̣од̇и ад̇т̇о г̇ахид̇о.
‘‘Ettakova desanāhārasampāto paripuṇṇo’’ti vattabbattā ‘‘niyutto desanāhārasampāto’’ti vuttaṃ. Ekekasmiṃyeva sutte assādādayo yena yena saṃvaṇṇanāvisesabhūtena desanāhārasampātena nīharitvā yathārahaṃ dassitā, so so saṃvaṇṇanāvisesabhūto desanāhārasampāto niyutto yathārahaṃ niddhāretvā yujjitabboti attho gahito.
ид̇и д̣̇зсанаахаарасамбаад̇з сад̇д̇иб̣алаануруубаа ражид̇аа
Iti desanāhārasampāte sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана…бз… г̇ахзд̇аб̣б̣од̇и.
Paṇḍitehi pana…pe… gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 1. д̣̇зсанаахаарасамбаад̇о • 1. Desanāhārasampāto
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 1. д̣̇зсанаахаарасамбаад̇аван̣н̣анаа • 1. Desanāhārasampātavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 1. д̣̇зсанаахаарасамбаад̇аван̣н̣анаа • 1. Desanāhārasampātavaṇṇanā
