| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
4. бадинид̣̇д̣̇зсаваараван̣н̣анаа
4. Paṭiniddesavāravaṇṇanā
1. д̣̇зсанаахааравибхан̇г̇аван̣н̣анаа
1. Desanāhāravibhaṅgavaṇṇanā
5. анвад̇т̇асан̃н̃ад̇анд̇и ад̇т̇аануг̇ад̇асан̃н̃абхаавам̣, ‘‘д̣̇зсанаахааро’’д̇и аяам̣ сан̃н̃аа анвад̇т̇аа ад̇т̇аануг̇ад̇аад̇и ад̇т̇о.
5.Anvatthasaññatanti atthānugatasaññabhāvaṃ, ‘‘desanāhāro’’ti ayaṃ saññā anvatthā atthānugatāti attho.
авуд̇д̇амзваад̇и буб̣б̣з асам̣ван̣н̣ид̇абад̣̇амзва. ‘‘д̇хаммам̣ во’’д̇иаад̣̇и (ма. ни. 3.420) важанасса самб̣анд̇хам̣ д̣̇ассзд̇ум̣ ‘‘гад̇т̇а банаа’’д̇иаад̣̇и вуд̇д̇ам̣. д̇збидагасса хи б̣уд̣̇д̇хаважанасса сам̣ван̣н̣анаалагкан̣ам̣ нзд̇д̇иббагаран̣ам̣, д̇ан̃жа барияад̇д̇ид̇хаммасан̇г̇аахагз суд̇д̇абад̣̇з сам̣ван̣н̣зд̇аб̣б̣абхаавзна г̇ахид̇з г̇ахид̇амзва ход̇и. д̇знааха ‘‘д̣̇зсанаахаарзна…бз… д̣̇ассзд̇ий’’д̇и.
Avuttamevāti pubbe asaṃvaṇṇitapadameva. ‘‘Dhammaṃ vo’’tiādi (ma. ni. 3.420) vacanassa sambandhaṃ dassetuṃ ‘‘kattha panā’’tiādi vuttaṃ. Tepiṭakassa hi buddhavacanassa saṃvaṇṇanālakkhaṇaṃ nettippakaraṇaṃ, tañca pariyattidhammasaṅgāhake suttapade saṃvaṇṇetabbabhāvena gahite gahitameva hoti. Tenāha ‘‘desanāhārena…pe… dassetī’’ti.
язсам̣ ассаад̣̇аад̣̇ийнам̣ вибхаж̇аналагкан̣о д̣̇зсанаахааро, д̇з г̇аат̇ааяа, ид̇хааби жа ааг̇ад̇з ‘‘ассаад̣̇ам̣ аад̣̇ийнава’’нд̇иаад̣̇инаа уд̣̇аахаран̣авасзна вибхаж̇ид̇ум̣ ‘‘д̇ад̇т̇а гад̇амо ассаад̣̇о’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇и г̇аат̇ааяам̣ вуд̇д̇о гад̇амо ассаад̣̇о. ат̇а ваа ‘‘ассаад̣̇ам̣ аад̣̇ийнава’’нд̇иаад̣̇инаа яо ид̇ха ассаад̣̇аад̣̇ийнам̣ уд̣̇д̣̇зсо, д̇ад̇т̇а гад̇амо ассаад̣̇од̇и жзд̇и ад̇т̇о. зса наяо сзсзсуби. гаммагаран̣ад̇т̇абхиннасса висаяависаяид̇аалагкан̣асса ассаад̣̇ад̣̇ваяасса нид̣̇ассанад̇т̇ам̣ г̇аат̇аад̣̇ваяуд̣̇аахаран̣ам̣, д̇ат̇аа гаамавибарин̣аамалагкан̣асса, ваддад̣̇угкалагкан̣асса жаад̇и д̣̇увид̇хассааби аад̣̇ийнавасса нид̣̇ассанад̇т̇ам̣ ‘‘арияамаг̇г̇о ниб̣б̣аана’’нд̇и д̣̇увид̇хассааби ниссаран̣асса нид̣̇ассананид̣̇ассанад̇т̇ан̃жа д̣̇вз д̣̇вз г̇аат̇аа уд̣̇аахадаа.
Yesaṃ assādādīnaṃ vibhajanalakkhaṇo desanāhāro, te gāthāya, idhāpi ca āgate ‘‘assādaṃ ādīnava’’ntiādinā udāharaṇavasena vibhajituṃ ‘‘tattha katamo assādo’’tiādi āraddhaṃ. Tattha tatthāti tassaṃ ‘‘assādādīnavatā’’ti gāthāyaṃ vutto katamo assādo. Atha vā ‘‘assādaṃ ādīnava’’ntiādinā yo idha assādādīnaṃ uddeso, tattha katamo assādoti ceti attho. Esa nayo sesesupi. Kammakaraṇatthabhinnassa visayavisayitālakkhaṇassa assādadvayassa nidassanatthaṃ gāthādvayudāharaṇaṃ, tathā kāmavipariṇāmalakkhaṇassa, vaṭṭadukkhalakkhaṇassa cāti duvidhassāpi ādīnavassa nidassanatthaṃ ‘‘ariyamaggo nibbāna’’nti duvidhassāpi nissaraṇassa nidassananidassanatthañca dve dve gāthā udāhaṭā.
д̇хаммо хавз рагкад̇и д̇хаммажааринд̇и (ж̇аа. 1.10.102-103; нзд̇д̇и. 5, 26, 31; бздаго. 22) зд̇т̇а д̇хаммажаарино маг̇г̇апаланиб̣б̣аанзхи саад̇исаяаарагкаа самбхавад̇и, самбад̇д̇ибхавассааби вибарин̣аамасан̇каарад̣̇угкад̇аахи д̣̇уг̇г̇ад̇ибхааво ижчид̇оваад̇и ад̇хиббааязнааха ‘‘ниссаран̣ам̣ анаамасид̇ваа’’д̇и. д̇ат̇аа хи вагкад̇и ‘‘ниб̣б̣аанам̣ ваа убанид̇хааяа саб̣б̣аа убабад̇д̇ияо д̣̇уг̇г̇ад̇ий’’д̇и.
Dhammo have rakkhati dhammacārinti (jā. 1.10.102-103; netti. 5, 26, 31; peṭako. 22) ettha dhammacārino maggaphalanibbānehi sātisayārakkhā sambhavati, sampattibhavassāpi vipariṇāmasaṅkhāradukkhatāhi duggatibhāvo icchitovāti adhippāyenāha ‘‘nissaraṇaṃ anāmasitvā’’ti. Tathā hi vakkhati ‘‘nibbānaṃ vā upanidhāya sabbā upapattiyo duggatī’’ti.
авзгкассууд̇и вид̇хаанам̣. д̇ассаа бана авзгкааяа бавад̇д̇иаагааро, висаяо, гад̇д̇аа жа ‘‘сун̃н̃ад̇о, логам̣, могхарааж̇аа’’д̇и бад̣̇ад̇д̇аязна вуд̇д̇аад̇и ааха – ‘‘сун̃н̃ад̇о…бз… аан̣ад̇д̇ий’’д̇и. д̇ад̇т̇а сан̇каараанам̣ сун̃н̃ад̇аа анад̇д̇асабхаавад̇ааяа, ад̇д̇асун̃н̃ад̇ааяа жа сияаа. яад̇о д̇з на васавад̇д̇ино, ад̇д̇асааравирахид̇аа жа, яад̇о д̇з анад̇д̇аа, рид̇д̇аа, д̇ужчаа жа ад̇д̇анаа, д̇ад̣̇убхаяам̣ д̣̇ассзд̇и ‘‘авасавад̇д̇ид̇аа’’д̇иаад̣̇инаа. звам̣ мажжуд̇аро сияаад̇и звам̣ бадибад̇д̇ияаа мажжуд̇аро бхавзяяаад̇и ад̇т̇о. баригаббзд̇ваа вид̇хияамаанасса мажжуд̇аран̣асса буб̣б̣абхааг̇абадибад̣̇аа д̣̇зсанааяа бажжагкад̇о сиж̇жхамаанам̣ саад̇исаяам̣ паланд̇и ааха ‘‘д̇асса яам̣…бз… пала’’нд̇и.
Avekkhassūti vidhānaṃ. Tassā pana avekkhāya pavattiākāro, visayo, kattā ca ‘‘suññato, lokaṃ, mogharājā’’ti padattayena vuttāti āha – ‘‘suññato…pe… āṇattī’’ti. Tattha saṅkhārānaṃ suññatā anattasabhāvatāya, attasuññatāya ca siyā. Yato te na vasavattino, attasāravirahitā ca, yato te anattā, rittā, tucchā ca attanā, tadubhayaṃ dasseti ‘‘avasavattitā’’tiādinā. Evaṃ maccutaro siyāti evaṃ paṭipattiyā maccutaro bhaveyyāti attho. Parikappetvā vidhiyamānassa maccutaraṇassa pubbabhāgapaṭipadā desanāya paccakkhato sijjhamānaṃ sātisayaṃ phalanti āha ‘‘tassa yaṃ…pe… phala’’nti.
6. уд̣̇аахаран̣авасзнаад̇и нид̣̇ассанавасзна. д̇ад̇т̇а ‘‘буг̇г̇алавибхааг̇знаа’’д̇и иминаа уг̇гхадид̇ан̃н̃уаад̣̇ибуг̇г̇алабаяож̇ид̇о ассаад̣̇аад̣̇ийсу бхаг̇авад̇о д̣̇зсанаависзсод̇и д̣̇ассзд̇и.
6.Udāharaṇavasenāti nidassanavasena. Tattha ‘‘puggalavibhāgenā’’ti iminā ugghaṭitaññuādipuggalapayojito assādādīsu bhagavato desanāvisesoti dasseti.
гхадид̇амад̇д̇анд̇и сод̇ад̣̇ваараанусаарзна манод̣̇вааригавин̃н̃аан̣асанд̇аанзна ааламб̣ид̇амад̇д̇ам̣. сассад̇аад̣̇иаагаарассаад̇и сассад̇ужчзд̣̇аагаарасса. ид̣̇ан̃хи д̣̇ваяам̣ д̇хаммад̣̇зсанааяа жаалзд̇аб̣б̣ам̣, на ануломигаканд̇и, яат̇аабхууд̇ан̃аан̣ам̣ ваа. зд̇асмин̃хи жад̇уггз аасаяасааман̃н̃ад̇аа. вуд̇д̇ан̃хзд̇ам̣ –
Ghaṭitamattanti sotadvārānusārena manodvārikaviññāṇasantānena ālambitamattaṃ. Sassatādiākārassāti sassatucchedākārassa. Idañhi dvayaṃ dhammadesanāya cāletabbaṃ, na anulomikakhanti, yathābhūtañāṇaṃ vā. Etasmiñhi catukke āsayasāmaññatā. Vuttañhetaṃ –
‘‘сассад̇ужчзд̣̇ад̣̇идтий жа, канд̇и жзваануломигаа;
‘‘Sassatucchedadiṭṭhī ca, khanti cevānulomikā;
яат̇аабхууд̇ан̃жа яам̣ н̃аан̣ам̣, зд̇ам̣ аасаяасан̃н̃ид̇а’’нд̇и. (висуд̣̇д̇хи. махаадий. 1.136; д̣̇ий. ни. дий. 1.батамамахаасан̇г̇ийд̇игат̇ааван̣н̣анаа; саарад̇т̇а. дий. 1.батамамахаасан̇г̇ийд̇игат̇ааван̣н̣анаа, взран̃ж̇аган̣д̣аван̣н̣анаа; ви. ви. дий. 1.взран̃ж̇аган̣д̣аван̣н̣анаа);
Yathābhūtañca yaṃ ñāṇaṃ, etaṃ āsayasaññita’’nti. (visuddhi. mahāṭī. 1.136; dī. ni. ṭī. 1.paṭhamamahāsaṅgītikathāvaṇṇanā; sārattha. ṭī. 1.paṭhamamahāsaṅgītikathāvaṇṇanā, verañjakaṇḍavaṇṇanā; vi. vi. ṭī. 1.verañjakaṇḍavaṇṇanā);
жаланааяаад̇и вигкамбханааяа. бараанувад̇д̇ияаад̇и самужчзд̣̇анааяа. уг̇гхадид̇з ж̇аанаад̇ийд̇и уг̇гхадид̇ан̃н̃ууд̇и муулавибхуж̇аад̣̇ибагкзбзна сад̣̇д̣̇асид̣̇д̇хи взд̣̇ид̇аб̣б̣аа. вибан̃жид̇анд̇и ‘‘висамам̣ жанд̣̇имасуурияаа баривад̇д̇анд̇ий’’д̇иаад̣̇ийсу (а. ни. 4.70) вияа бхааванабум̣саганид̣̇д̣̇зсод̇и ааха ‘‘манд̣̇ам̣ сан̣ига’’нд̇и. ниссаран̣ааад̣̇ийнаваниссаран̣аассаад̣̇аад̣̇ийнаваниссаран̣аанам̣ вибхааванаа взнзяяад̇д̇аяавинаяанасамад̇т̇аа.
Calanāyāti vikkhambhanāya. Parānuvattiyāti samucchedanāya. Ugghaṭite jānātīti ugghaṭitaññūti mūlavibhujādipakkhepena saddasiddhi veditabbā. Vipañcitanti ‘‘visamaṃ candimasūriyā parivattantī’’tiādīsu (a. ni. 4.70) viya bhāvanapuṃsakaniddesoti āha ‘‘mandaṃ saṇika’’nti. Nissaraṇaādīnavanissaraṇaassādādīnavanissaraṇānaṃ vibhāvanā veneyyattayavinayanasamatthā.
жад̇д̇аарод̇и ассаад̣̇о жа аад̣̇ийнаво жа ассаад̣̇о аад̣̇ийнаво жа ассаад̣̇о ниссаран̣ан̃жаад̇и зд̇з жад̇д̇ааро. яад̣̇и ниссаран̣авибхааванаа взнзяяавинаяанасамад̇т̇аа, гасмаа бан̃жамо на г̇ахид̇од̇и ааха ‘‘аад̣̇ийнавааважанад̇о’’д̇и. яад̣̇и хи уг̇гхадид̇ан̃н̃ум̣ санд̇хааяа аяам̣ наяо вужжад̇и, ниссаран̣амад̇д̇зна сид̣̇д̇хам̣ сияаа. ат̇а вибан̃жид̇ан̃н̃ум̣, нзяяам̣ ваа, аад̣̇ийнаво жа ниссаран̣ан̃жа ассаад̣̇о жа аад̣̇ийнаво ниссаран̣ан̃жа вад̇д̇аб̣б̣о сияаа? д̇ат̇аа аббавад̇д̇ад̇д̇аа на г̇ахид̇о. д̇знааха ‘‘аад̣̇ийнавааважанад̇о’’д̇иаад̣̇и. д̣̇зсананд̇и сааман̃н̃ад̇о г̇ахид̇ам̣ ‘‘суд̇д̇згад̣̇зсам̣ г̇аат̇ам̣ ваа’’д̇и висзсзд̇и. бад̣̇абарамааг̇г̇ахан̣ан̃жзд̇т̇а саубааяасса ниссаран̣асса анаамадтад̇д̇аа.
Cattāroti assādo ca ādīnavo ca assādo ādīnavo ca assādo nissaraṇañcāti ete cattāro. Yadi nissaraṇavibhāvanā veneyyavinayanasamatthā, kasmā pañcamo na gahitoti āha ‘‘ādīnavāvacanato’’ti. Yadi hi ugghaṭitaññuṃ sandhāya ayaṃ nayo vuccati, nissaraṇamattena siddhaṃ siyā. Atha vipañcitaññuṃ, neyyaṃ vā, ādīnavo ca nissaraṇañca assādo ca ādīnavo nissaraṇañca vattabbo siyā? Tathā appavattattā na gahito. Tenāha ‘‘ādīnavāvacanato’’tiādi. Desananti sāmaññato gahitaṃ ‘‘suttekadesaṃ gāthaṃ vā’’ti viseseti. Padaparamaaggahaṇañcettha saupāyassa nissaraṇassa anāmaṭṭhattā.
‘‘галяаан̣а’’нд̇и иминаа идтавибааго, ‘‘баабага’’нд̇и анидтавибааго ад̇хиббзд̇од̇и ааха ‘‘аяам̣ ассаад̣̇о, аяам̣ аад̣̇ийнаво’’д̇и. лаабхаад̣̇ийнам̣ бун̃н̃апалад̇д̇аа д̇ад̣̇анурод̇хам̣ ваа санд̇хааяа ‘‘аяам̣ ассаад̣̇о’’д̇и вуд̇д̇ам̣. д̇аб̣б̣ибарияааязна алаабхаад̣̇ийнам̣ аад̣̇ийнавад̇аа взд̣̇ид̇аб̣б̣аа.
‘‘Kalyāṇa’’nti iminā iṭṭhavipāko, ‘‘pāpaka’’nti aniṭṭhavipāko adhippetoti āha ‘‘ayaṃ assādo, ayaṃ ādīnavo’’ti. Lābhādīnaṃ puññaphalattā tadanurodhaṃ vā sandhāya ‘‘ayaṃ assādo’’ti vuttaṃ. Tabbipariyāyena alābhādīnaṃ ādīnavatā veditabbā.
гаамаад̇и гилзсагаамасахид̇аа вад̇т̇угаамаа. вируубаруубзнаад̇и аббад̇ируубаагаарзна. мат̇знд̇ийд̇и мад̣̇д̣̇анд̇и. баб̣б̣аж̇ид̇омхийд̇и баб̣б̣аж̇ж̇ам̣ убаг̇ад̇о амхи. абан̣н̣аганд̇и авираж̇жханагам̣. сааман̃н̃анд̇и саман̣абхааво. самид̇абаабабхаавоязва сзяяо сунд̣̇арад̇аро.
Kāmāti kilesakāmasahitā vatthukāmā. Virūparūpenāti appatirūpākārena. Mathentīti maddanti. Pabbajitomhīti pabbajjaṃ upagato amhi. Apaṇṇakanti avirajjhanakaṃ. Sāmaññanti samaṇabhāvo. Samitapāpabhāvoyeva seyyo sundarataro.
д̇ад̇т̇а ‘‘гаамаа хи жид̇раа мад̇хураа манорамаа’’д̇и аяам̣ ассаад̣̇о, ‘‘вируубаруубзна мат̇знд̇и жид̇д̇а’’нд̇и аяам̣ аад̣̇ийнаво, ‘‘абан̣н̣агам̣ сааман̃н̃а’’нд̇и ид̣̇ам̣ ниссаран̣анд̇и ааха ‘‘аяам̣…бз… ниссаран̣ан̃жаа’’д̇и.
Tattha ‘‘kāmā hi citrā madhurā manoramā’’ti ayaṃ assādo, ‘‘virūparūpena mathenti citta’’nti ayaṃ ādīnavo, ‘‘apaṇṇakaṃ sāmañña’’nti idaṃ nissaraṇanti āha ‘‘ayaṃ…pe… nissaraṇañcā’’ti.
палаад̣̇ийнам̣ згагавасзна жа д̇игавасзна жа баал̣ияам̣ уд̣̇аахадад̇д̇аа вуд̇д̇ам̣ ‘‘д̣̇угавасзнабий’’д̇и.
Phalādīnaṃ ekakavasena ca tikavasena ca pāḷiyaṃ udāhaṭattā vuttaṃ ‘‘dukavasenapī’’ti.
сукаа бадибад̣̇аа, д̣̇угкаа бадибад̣̇аад̇и яаа д̣̇вз бадибад̣̇аа, д̇аасу згзгаа д̣̇анд̇хакиббаабхин̃н̃ад̇ааяа д̣̇вз д̣̇вз хонд̇ийд̇и ааха ‘‘бадибад̣̇аабхин̃н̃аагад̇о вибхааг̇о бадибад̣̇аагад̇о ход̇ий’’д̇и. гад̇абуб̣б̣агижжасса бат̇авийгасин̣аад̣̇ийсу саб̣б̣абатамам̣ ‘‘бат̇авий’’д̇иаад̣̇инаа бавад̇д̇аманасигааро батамасаманнаахааро. убажааранд̇и убажаараж̇жхаанам̣. бадибаж̇ж̇ид̇аб̣б̣ад̇ааяа жхаанамби ‘‘бадибад̣̇аа’’д̇и вужжад̇и. д̇ад̣̇ан̃н̃аа хздтимабан̃н̃ад̇о ад̇хигаа бан̃н̃аад̇и гад̇ваа ‘‘абхин̃н̃аа’’д̇и вужжад̇и.
Sukhā paṭipadā, dukkhā paṭipadāti yā dve paṭipadā, tāsu ekekā dandhakhippābhiññatāya dve dve hontīti āha ‘‘paṭipadābhiññākato vibhāgo paṭipadākato hotī’’ti. Katapubbakiccassa pathavīkasiṇādīsu sabbapaṭhamaṃ ‘‘pathavī’’tiādinā pavattamanasikāro paṭhamasamannāhāro. Upacāranti upacārajjhānaṃ. Paṭipajjitabbatāya jhānampi ‘‘paṭipadā’’ti vuccati. Tadaññā heṭṭhimapaññato adhikā paññāti katvā ‘‘abhiññā’’ti vuccati.
гилзсзд̇и нийваран̣аббагаарз, д̇ам̣сахаг̇ад̇агилзсз жа. ан̇г̇абаад̇убхааванд̇и вид̇аггаад̣̇ижхаанан̇г̇абадилаабхам̣.
Kileseti nīvaraṇappakāre, taṃsahagatakilese ca. Aṅgapātubhāvanti vitakkādijhānaṅgapaṭilābhaṃ.
абхинивисанд̇од̇и бадтабзнд̇о. руубааруубам̣ бариг̇г̇ан̣ханд̇од̇и руубааруубад̇хаммз лагкан̣аад̣̇ийхи барижчинд̣̇ид̇ваа г̇ан̣ханд̇о. бариг̇г̇ахид̇аруубааруубасса маг̇г̇абаад̇убхаавад̣̇анд̇хад̇аа жа наамаруубававад̇т̇аанаад̣̇ийнам̣ гижчасид̣̇д̇хияаа сияаад̇и на руубааруубабариг̇г̇ахагижчад̇ааяа зва д̣̇угкаабадибад̣̇ад̇аа вад̇д̇аб̣б̣аад̇и жз? на, наамаруубававад̇т̇аабанаад̣̇ийнам̣ бажжанийгагилзсаманд̣̇ад̇ааяа сукасид̣̇д̇хияамби д̇ат̇аасид̣̇д̇хавибассанаасахаг̇ад̇аанам̣ инд̣̇рияаанам̣ манд̣̇ад̇ааяа маг̇г̇абаад̇убхаавад̇о. руубааруубам̣ бариг̇г̇ахзд̇ваад̇и агижчзнаби бариг̇г̇ахзд̇ваа, гижчзна бариг̇г̇ахид̇з вад̇д̇аб̣б̣амзва над̇т̇и. звам̣ сзсзсуби. наамаруубам̣ вавад̇т̇аабзнд̇од̇и ‘‘наамаруубамад̇д̇амзд̇ам̣, на ан̃н̃о гожи сад̇д̇аад̣̇иго’’д̇и вавад̇т̇аабанам̣ гаронд̇о. гад̇аро банзд̇т̇а вааро яуд̇д̇аруубод̇и? яо гожи сагим̣, д̣̇вигкад̇д̇ум̣, анзгасад̇агкад̇д̇унд̇и звамаад̣̇ийсу хи вигкамбханаваарзсу сагим̣, д̣̇вигкад̇д̇ун̃жа вигкамбханавааро сукаа бадибад̣̇аа зва, на д̇ад̇о уд̣̇д̇хам̣ сукаа бадибад̣̇аа ход̇и, д̇асмаа д̇игкад̇д̇ум̣ вигкамбханаваарад̇о бадтааяа д̣̇угкаа бадибад̣̇аа взд̣̇ид̇аб̣б̣аа. абижа галаабасаммасанаавасаанз уд̣̇аяаб̣б̣аяаанубассанааяа уббаннасса вибассанубаггилзсасса д̇игкад̇д̇ум̣ вигкамбханзна гижчад̇аавааро д̣̇угкаа бадибад̣̇аа взд̣̇ид̇аб̣б̣аа. зд̇т̇а д̣̇анд̇хад̇д̇аа бадибад̣̇ааяа зд̇асса агижчад̇д̇зби буримаанам̣ гижчад̇д̇з д̣̇угкаабадибад̣̇ад̇аа вуд̇д̇анаяаава. яасса бана саб̣б̣ад̇т̇а агижчад̇аа, д̇асса барамуггам̣саг̇ад̇аа сукаа бадибад̣̇аа взд̣̇ид̇аб̣б̣аа.
Abhinivisantoti paṭṭhapento. Rūpārūpaṃ pariggaṇhantoti rūpārūpadhamme lakkhaṇādīhi paricchinditvā gaṇhanto. Pariggahitarūpārūpassa maggapātubhāvadandhatā ca nāmarūpavavatthānādīnaṃ kicchasiddhiyā siyāti na rūpārūpapariggahakicchatāya eva dukkhāpaṭipadatā vattabbāti ce? Na, nāmarūpavavatthāpanādīnaṃ paccanīkakilesamandatāya sukhasiddhiyampi tathāsiddhavipassanāsahagatānaṃ indriyānaṃ mandatāya maggapātubhāvato. Rūpārūpaṃ pariggahetvāti akicchenapi pariggahetvā, kicchena pariggahite vattabbameva natthi. Evaṃ sesesupi. Nāmarūpaṃ vavatthāpentoti ‘‘nāmarūpamattametaṃ, na añño koci sattādiko’’ti vavatthāpanaṃ karonto. Kataro panettha vāro yuttarūpoti? Yo koci sakiṃ, dvikkhattuṃ, anekasatakkhattunti evamādīsu hi vikkhambhanavāresu sakiṃ, dvikkhattuñca vikkhambhanavāro sukhā paṭipadā eva, na tato uddhaṃ sukhā paṭipadā hoti, tasmā tikkhattuṃ vikkhambhanavārato paṭṭhāya dukkhā paṭipadā veditabbā. Apica kalāpasammasanāvasāne udayabbayānupassanāya uppannassa vipassanupakkilesassa tikkhattuṃ vikkhambhanena kicchatāvāro dukkhā paṭipadā veditabbā. Ettha dandhattā paṭipadāya etassa akicchattepi purimānaṃ kicchatte dukkhāpaṭipadatā vuttanayāva. Yassa pana sabbattha akicchatā, tassa paramukkaṃsagatā sukhā paṭipadā veditabbā.
яат̇аа наамаруубабариг̇г̇ахагижчад̇ааяа маг̇г̇абаад̇убхаавад̣̇анд̇хад̇ааяа д̣̇угкаа бадибад̣̇аа д̣̇анд̇хаабхин̃н̃аа вуд̇д̇аа, д̇ат̇аа д̇аб̣б̣ибарияааязна жад̇уд̇т̇ий, д̇ад̣̇убхаяавомиссад̇аавасзна д̣̇уд̇ияаа, д̇ад̇ияаа жа н̃аад̇аб̣б̣аад̇и д̣̇ассзнд̇о ааха ‘‘иминаа…бз… взд̣̇ид̇аб̣б̣аа’’д̇и. ваддад̣̇угкад̇о нияяаанасса ад̇хиббзд̇ад̇д̇аа ‘‘вибассанаабагкигаа зваа’’д̇и вуд̇д̇ам̣.
Yathā nāmarūpapariggahakicchatāya maggapātubhāvadandhatāya dukkhā paṭipadā dandhābhiññā vuttā, tathā tabbipariyāyena catutthī, tadubhayavomissatāvasena dutiyā, tatiyā ca ñātabbāti dassento āha ‘‘iminā…pe… veditabbā’’ti. Vaṭṭadukkhato niyyānassa adhippetattā ‘‘vipassanāpakkhikā evā’’ti vuttaṃ.
хзд̇убааяапалзхийд̇и зд̇т̇а д̇ан̣хаажарид̇ад̇аа, манд̣̇абан̃н̃ад̇аа жа батамааяа бадибад̣̇ааяа хзд̇у, д̇ан̣хаажарид̇ад̇аа, уд̣̇ад̇т̇абан̃н̃ад̇аа жа д̣̇уд̇ияааяа, д̣̇идтижарид̇ад̇аа, манд̣̇абан̃н̃ад̇аа жа д̇ад̇ияааяа, д̣̇идтижарид̇ад̇аа, уд̣̇ад̇т̇абан̃н̃ад̇аа жа жад̇уд̇т̇ияаа. убааяо бана яат̇ааггамам̣ сад̇исамаад̇хивийрияабан̃н̃инд̣̇рияаани , сад̇ибадтаанажхаанасаммаббад̇хаанасажжаани жа убаниссаяабхууд̇аани. палам̣ ваддад̣̇угкад̇о нияяаанам̣.
Hetupāyaphalehīti ettha taṇhācaritatā, mandapaññatā ca paṭhamāya paṭipadāya hetu, taṇhācaritatā, udatthapaññatā ca dutiyāya, diṭṭhicaritatā, mandapaññatā ca tatiyāya, diṭṭhicaritatā, udatthapaññatā ca catutthiyā. Upāyo pana yathākkamaṃ satisamādhivīriyapaññindriyāni , satipaṭṭhānajhānasammappadhānasaccāni ca upanissayabhūtāni. Phalaṃ vaṭṭadukkhato niyyānaṃ.
самаад̇химукзнаад̇и самаад̇химукзна бхааванаануяог̇зна. д̇знзвааха ‘‘самат̇абуб̣б̣ан̇г̇амааяа вибассанааяаа’’д̇и. ид̇хаад̇и имасмим̣ нзд̇д̇иббагаран̣з. вагкад̇и ‘‘рааг̇авирааг̇аа жзд̇овимуд̇д̇и сзгкапала’’нд̇и, ‘‘рааг̇авирааг̇аа жзд̇овимуд̇д̇игаамад̇хаад̇усамад̇иггама’’нд̇и жа. сод̇и анааг̇аамий.
Samādhimukhenāti samādhimukhena bhāvanānuyogena. Tenevāha ‘‘samathapubbaṅgamāya vipassanāyā’’ti. Idhāti imasmiṃ nettippakaraṇe. Vakkhati ‘‘rāgavirāgā cetovimutti sekkhaphala’’nti, ‘‘rāgavirāgā cetovimuttikāmadhātusamatikkama’’nti ca. Soti anāgāmī.
д̇знаад̇и бадибагкзна. д̇ад̇од̇и бадибагкад̇о. самаанаад̇хигаран̣авасзна жа жзд̇овимуд̇д̇исад̣̇д̣̇аанам̣ самаасам̣ гад̇ваа бхиннаад̇хигаран̣авасзна вад̇д̇ум̣ ‘‘ат̇а ваа’’д̇иаад̣̇и вуд̇д̇ам̣. буна ‘‘жзд̇асо ваа’’д̇иаад̣̇инаа ан̃н̃абад̣̇ад̇т̇авасзна жзд̇овимуд̇д̇ибад̣̇аанам̣ самаасам̣ д̣̇ассзд̇и. вин̃н̃аан̣абарияааязна жзд̇о-сад̣̇д̣̇зна вуд̇д̇аяож̇анаа на самбхавад̇ийд̇и ааха ‘‘яат̇аасамбхава’’нд̇и.
Tenāti paṭipakkhena. Tatoti paṭipakkhato. Samānādhikaraṇavasena ca cetovimuttisaddānaṃ samāsaṃ katvā bhinnādhikaraṇavasena vattuṃ ‘‘atha vā’’tiādi vuttaṃ. Puna ‘‘cetaso vā’’tiādinā aññapadatthavasena cetovimuttipadānaṃ samāsaṃ dasseti. Viññāṇapariyāyena ceto-saddena vuttayojanā na sambhavatīti āha ‘‘yathāsambhava’’nti.
хаа-сад̣̇д̣̇о г̇ад̇иад̇т̇о, г̇ад̇и жзд̇т̇а н̃аан̣аг̇ад̇и ад̇хиббзд̇аад̇и ааха ‘‘хаад̇аб̣б̣аад̇и г̇амзд̇аб̣б̣аа’’д̇и. нзд̇аб̣б̣аад̇и н̃аабзд̇аб̣б̣аа.
Hā-saddo gatiattho, gati cettha ñāṇagati adhippetāti āha ‘‘hātabbāti gametabbā’’ti. Netabbāti ñāpetabbā.
7. д̇анд̇и буг̇г̇алавибхааг̇ам̣. н̃аан̣авибхааг̇знаад̇и суд̇амаяаад̣̇ин̃аан̣аббабхзд̣̇зна. ниб̣б̣ад̇д̇ананд̇и уббаад̣̇анам̣. д̇ад̇т̇аад̇и д̇асмим̣ уг̇гхадид̇ан̃н̃уд̇аад̇иаад̣̇ибуг̇г̇алавибхааг̇абхууд̇з д̣̇зсанаабхааж̇анз. д̣̇зсанааяанд̇и суд̇д̇з. д̇ам̣ д̣̇ассзд̇унд̇и д̇ам̣ буг̇г̇алавибхааг̇ам̣ д̣̇ассзд̇ум̣. ‘‘свааяам̣ хааро гат̇ам̣ самбхавад̇ий’’д̇и гзжи батанд̇и.
7.Tanti puggalavibhāgaṃ. Ñāṇavibhāgenāti sutamayādiñāṇappabhedena. Nibbattananti uppādanaṃ. Tatthāti tasmiṃ ugghaṭitaññutātiādipuggalavibhāgabhūte desanābhājane. Desanāyanti sutte. Taṃ dassetunti taṃ puggalavibhāgaṃ dassetuṃ. ‘‘Svāyaṃ hāro kathaṃ sambhavatī’’ti keci paṭhanti.
саад̇и вуд̇д̇аббагаарад̇хаммад̇т̇аанам̣ виймам̣санабан̃н̃аа. ад̇хигаарад̇од̇и ‘‘сад̇т̇аа ваа д̇хаммам̣ д̣̇зсаяад̇ий’’д̇иаад̣̇иад̇хигаарад̇о. саамад̇т̇ияад̇о уг̇гхадид̇ан̃н̃уаад̣̇ивзнзяяавинаяанасамад̇т̇абхаавад̇о. барияад̇д̇ид̇хаммасса убад̇хааран̣анд̇и зд̇т̇ааби ‘‘ад̇хигаарад̇о саамад̇т̇ияад̇о ваа’’д̇и аанзд̇ваа яож̇зд̇аб̣б̣ам̣.
Sāti vuttappakāradhammatthānaṃ vīmaṃsanapaññā. Adhikāratoti ‘‘satthā vā dhammaṃ desayatī’’tiādiadhikārato. Sāmatthiyato ugghaṭitaññuādiveneyyavinayanasamatthabhāvato. Pariyattidhammassa upadhāraṇanti etthāpi ‘‘adhikārato sāmatthiyato vā’’ti ānetvā yojetabbaṃ.
‘‘виймам̣саад̣̇ибарияааяавад̇ий батамавигаббавасзна, виймам̣саад̣̇ивибхааг̇авад̇ий д̣̇уд̇ияавигаббавасзна, жинд̇ааяа хзд̇убхууд̇ааяа ниб̣б̣ад̇д̇аа жинд̇аамаяий’’д̇и звамаад̣̇ивуд̇д̇анаяаанусаарзна саггаа яож̇зд̇унд̇и ааха ‘‘сзсам̣ вуд̇д̇анаяамзваа’’д̇и.
‘‘Vīmaṃsādipariyāyavatī paṭhamavikappavasena, vīmaṃsādivibhāgavatī dutiyavikappavasena, cintāya hetubhūtāya nibbattā cintāmayī’’ti evamādivuttanayānusārena sakkā yojetunti āha ‘‘sesaṃ vuttanayamevā’’ti.
суд̇ажинд̇аамаяан̃аан̣зсууд̇и суд̇амаяан̃аан̣з жа жинд̇аамаяан̃аан̣з жа суд̇ажинд̇аамаяан̃аан̣зсу жа суд̇ажинд̇аамаяан̃аан̣зсууд̇и згад̣̇зсасаруубзгасзсо взд̣̇ид̇аб̣б̣о. жинд̇аамаяан̃аан̣зязва хи бад̇идтид̇аа махааб̣од̇хисад̇д̇аа жаримабхавз вибассанам̣ аарабханд̇и, ид̇арз суд̇ажинд̇аамаяан̃аан̣зсууд̇и. д̇зхийд̇и д̇ат̇аа батанд̇зхи. вуд̇д̇анаязнаад̇и ‘‘убаад̣̇ааруубам̣ бариг̇г̇ан̣хаад̇и, аруубам̣ бариг̇г̇ан̣хаад̇ий’’д̇иаад̣̇инаа бадибад̣̇аагат̇ааяам̣ (нзд̇д̇и. адта. 5) вуд̇д̇анаязна.
Sutacintāmayañāṇesūti sutamayañāṇe ca cintāmayañāṇe ca sutacintāmayañāṇesu ca sutacintāmayañāṇesūti ekadesasarūpekaseso veditabbo. Cintāmayañāṇeyeva hi patiṭṭhitā mahābodhisattā carimabhave vipassanaṃ ārabhanti, itare sutacintāmayañāṇesūti. Tehīti tathā paṭhantehi. Vuttanayenāti ‘‘upādārūpaṃ pariggaṇhāti, arūpaṃ pariggaṇhātī’’tiādinā paṭipadākathāyaṃ (netti. aṭṭha. 5) vuttanayena.
8. барад̇о гхосо бажжаяабхууд̇о зд̇иссаад̇и ад̇хиббааяо. ‘‘бажжад̇д̇асамудтид̇зна жа яонисоманасигаарзнаа’’д̇и ид̣̇ам̣ аавуд̇д̇инаязна д̣̇уд̇ияам̣ ааваддад̇ийд̇и взд̣̇ид̇аб̣б̣ам̣. д̇зна саавагаанам̣ бхааванаамаяан̃аан̣уббад̇д̇и сан̇г̇ахид̇аа ход̇и. саавагаанамзва ваа н̃аан̣уббад̇д̇и ид̇хаад̇хиббзд̇аа уг̇гхадид̇ан̃н̃уаад̣̇ивибхааг̇агат̇анад̇о. зд̇асмим̣ багкз буб̣б̣з вуд̇д̇азгасзсанаяоби бадигкид̇д̇о д̣̇адтаб̣б̣о. ‘‘аасаяабаяог̇абаб̣од̇хасса нибпаад̣̇ид̇ад̇д̇аа’’д̇и зд̇зна бажчимажаггад̣̇ваяабарияаабаннаани буб̣б̣ахзд̇усан̇г̇ахаани суд̇ажинд̇аамаяан̃аан̣аани санд̇хааяа ‘‘имаа д̣̇вз бан̃н̃аа ад̇т̇ий’’д̇и вуд̇д̇анд̇и д̣̇ассзд̇и. ад̇т̇ибхааво жзд̇аасам̣ бадибагкзна анубад̣̇д̣̇уд̇ад̇аа взд̣̇ид̇аб̣б̣аа. абаригкад̇ад̇д̇аа анабхисан̇кад̇ад̇д̇аа. суд̇амаяан̃аан̣ассааби буримасид̣̇д̇хасса.
8. Parato ghoso paccayabhūto etissāti adhippāyo. ‘‘Paccattasamuṭṭhitena ca yonisomanasikārenā’’ti idaṃ āvuttinayena dutiyaṃ āvaṭṭatīti veditabbaṃ. Tena sāvakānaṃ bhāvanāmayañāṇuppatti saṅgahitā hoti. Sāvakānameva vā ñāṇuppatti idhādhippetā ugghaṭitaññuādivibhāgakathanato. Etasmiṃ pakkhe pubbe vuttaekasesanayopi paṭikkhitto daṭṭhabbo. ‘‘Āsayapayogapabodhassa nipphāditattā’’ti etena pacchimacakkadvayapariyāpannāni pubbahetusaṅgahāni sutacintāmayañāṇāni sandhāya ‘‘imā dve paññā atthī’’ti vuttanti dasseti. Atthibhāvo cetāsaṃ paṭipakkhena anupaddutatā veditabbā. Aparikkhatattā anabhisaṅkhatattā. Sutamayañāṇassāpi purimasiddhassa.
9. д̣̇зсанаабадибад̣̇аан̃аан̣авибхааг̇зхийд̇и ниссаран̣ад̣̇зсанаад̣̇ид̣̇зсанаавибхааг̇зхи, д̣̇угкаабадибад̣̇аад̣̇ибадибад̣̇аавибхааг̇зхи, суд̇амаяан̃аан̣аад̣̇ин̃аан̣авибхааг̇зхи.
9.Desanāpaṭipadāñāṇavibhāgehīti nissaraṇadesanādidesanāvibhāgehi, dukkhāpaṭipadādipaṭipadāvibhāgehi, sutamayañāṇādiñāṇavibhāgehi.
авасидтабаарисаж̇ж̇знаад̇и кад̇д̇ияаг̇ахабад̇ибарисабарияаабаннзна. адтаннанд̇и кад̇д̇ияабарисаа б̣раахман̣аг̇ахабад̇исаман̣ажаад̇умахаарааж̇игад̇аавад̇им̣самаараб̣рахмабарисаад̇и имаасам̣ адтаннам̣.
Avasiṭṭhapārisajjenāti khattiyagahapatiparisapariyāpannena. Aṭṭhannanti khattiyaparisā brāhmaṇagahapatisamaṇacātumahārājikatāvatiṃsamārabrahmaparisāti imāsaṃ aṭṭhannaṃ.
самад̇т̇зд̇ийд̇и самад̇т̇ам̣ самб̣анд̇хад̇т̇ам̣ гарод̇и.
Samatthetīti samatthaṃ sambandhatthaṃ karoti.
д̇амзва д̣̇ваад̣̇асабад̣̇абхаавам̣ д̣̇ийбзд̇ваад̇и самб̣анд̇хо. д̇ад̣̇ад̇т̇ассаад̇и чачаггабарияааяад̇т̇асса (ма. ни. 3.420 аад̣̇аяо). саб̣б̣абарияад̇д̇ид̇хаммасан̇г̇аахагад̇д̇аа чачаггабарияааяасса, д̇ад̣̇ад̇т̇асса жа д̇хаммажаггаббавад̇д̇зна суд̇д̇зна (сам̣. ни. 5.1081; махаава. 13; бади. ма. 2.30) сан̇г̇ахид̇ад̇д̇аа вуд̇д̇ам̣ ‘‘саб̣б̣ассааби…бз… вибхаавзнд̇о’’д̇и. висаяибхаавзна б̣яан̃ж̇анабад̣̇аанам̣, висаяабхаавзна ад̇т̇абад̣̇аанам̣ самб̣анд̇хам̣ санд̇хааяааха ‘‘д̇зсам̣…бз… самб̣анд̇хабхаава’’нд̇и.
Tameva dvādasapadabhāvaṃ dīpetvāti sambandho. Tadatthassāti chachakkapariyāyatthassa (ma. ni. 3.420 ādayo). Sabbapariyattidhammasaṅgāhakattā chachakkapariyāyassa, tadatthassa ca dhammacakkappavattena suttena (saṃ. ni. 5.1081; mahāva. 13; paṭi. ma. 2.30) saṅgahitattā vuttaṃ ‘‘sabbassāpi…pe… vibhāvento’’ti. Visayibhāvena byañjanapadānaṃ, visayabhāvena atthapadānaṃ sambandhaṃ sandhāyāha ‘‘tesaṃ…pe… sambandhabhāva’’nti.
бад̣̇ааваяаво агкараани. бад̣̇ад̇т̇од̇и бад̣̇ад̇т̇ааваяаво. бад̣̇ад̇т̇аг̇г̇ахан̣ассаад̇и бад̣̇ад̇т̇ааваб̣од̇хасса. висзсаад̇хаанам̣ висзсуббад̇д̇и. ваагяабхзд̣̇зд̇и ваагяависзсз. жид̇д̇абарид̇осанам̣ жид̇д̇аараад̇ханам̣. б̣уд̣̇д̇хинисаанам̣ бан̃н̃ааяа д̇зж̇анам̣ д̇игкабхаавагаран̣ам̣. наанааваагяависаяад̇ааби сид̣̇д̇хаа ход̇и бад̣̇аад̣̇ийхиби сан̇гаасанасса сид̣̇д̇хад̇д̇аа . згаваагяависаяад̇ааяа хи ад̇т̇абад̣̇аанам̣ сан̇гаасанаад̣̇аяо яат̇ааггамам̣ агкараад̣̇ивисаяаа зваад̇и нияамо сияаа. зд̇знаад̇и ад̇т̇абад̣̇аанам̣ наанааваагяависаяад̇т̇зна.
Padāvayavo akkharāni. Padatthoti padatthāvayavo. Padatthaggahaṇassāti padatthāvabodhassa. Visesādhānaṃ visesuppatti. Vākyabhedeti vākyavisese. Cittaparitosanaṃ cittārādhanaṃ. Buddhinisānaṃ paññāya tejanaṃ tikkhabhāvakaraṇaṃ. Nānāvākyavisayatāpi siddhā hoti padādīhipi saṅkāsanassa siddhattā . Ekavākyavisayatāya hi atthapadānaṃ saṅkāsanādayo yathākkamaṃ akkharādivisayā evāti niyamo siyā. Etenāti atthapadānaṃ nānāvākyavisayatthena.
уг̇гхаданаад̣̇иад̇т̇аанийд̇и уг̇гхаданавибан̃жананаяанаббаяож̇анаани.
Ugghaṭanādiatthānīti ugghaṭanavipañcananayanappayojanāni.
10. убад̇идтад̇и зд̇т̇аад̇и убадтид̇анд̇и убадтид̇асад̣̇д̣̇асса ад̇хигаран̣ад̇т̇ад̇ам̣ д̣̇ассзд̇ум̣ ‘‘убад̇идтанадтаана’’нд̇и вуд̇д̇ам̣ яат̇аа ‘‘бад̣̇агганд̇а’’нд̇и. д̇знааха ‘‘ид̣̇ам̣ нзса’’нд̇иаад̣̇и. бадибад̇д̇ид̣̇зсанааг̇аманзхийд̇и бадибад̇д̇иг̇аманад̣̇зсанааг̇аманзхи. ‘‘гижчам̣ вад̇ааяам̣ лого аабанно ж̇ааяад̇и жа…бз… ж̇араамаран̣ассаа’’д̇иаад̣̇инаа ж̇араамаран̣ад̇о бадтааяа бадижжасамуббаад̣̇амукзна вибассанам̣ абхинивисид̇ваа махааг̇аханам̣ чинд̣̇ид̇ум̣ нисаанасилааяам̣ парасум̣ нисзнд̇о вияа гилзсаг̇аханам̣ чинд̣̇ид̇ум̣ логанаат̇о н̃аан̣апарасум̣ д̇зж̇знд̇о б̣уд̣̇д̇хабхаавааяа хзд̇усамбад̇д̇ияаа барибаагаг̇ад̇ад̇д̇аа саб̣б̣ан̃н̃уд̇ан̃н̃аан̣аад̇хиг̇амааяа вибассанааг̇аб̣бхам̣ г̇ан̣хаабзнд̇о анд̇аранд̇араа наанаасамаабад̇д̇ияо самаабаж̇ж̇ид̇ваа анубад̣̇ад̇хаммавибассанаавасзна анзгаагааравогаарасан̇каарз саммасанд̇о чад̇д̇им̣сагодисад̇асахассамукзна яам̣ н̃аан̣ам̣ бавад̇д̇зси, д̇ам̣ ‘‘махааваж̇иран̃аан̣а’’нд̇и вад̣̇анд̇и. адтагат̇ааяам̣ бана ‘‘жад̇увийсад̇игодисад̇асахассасамаабад̇д̇исан̃жааримахааваж̇иран̃аан̣а’’нд̇и (д̣̇ий. ни. адта. 3.141) ааг̇ад̇ам̣, д̇ам̣ д̣̇звасигам̣ вал̣ан̃ж̇анагасамаабад̇д̇ийнам̣ бурзжараанужаран̃аан̣ам̣ санд̇хааяа вуд̇д̇ам̣. яам̣ бана вагкад̇и ‘‘н̃аан̣аваж̇ирамохаж̇аалабад̣̇аалана’’нд̇и, д̇ам̣ саха вибассанааяа маг̇г̇ан̃аан̣ам̣ взд̣̇ид̇аб̣б̣ам̣. зд̇ам̣ б̣рахмажарияанд̇и саасанаб̣рахмажарияам̣ ад̇хиббзд̇анд̇и д̇ам̣ д̣̇ассзнд̇о ‘‘б̣рахмуно’’д̇иаад̣̇имааха.
10. Upatiṭṭhati etthāti upaṭṭhitanti upaṭṭhitasaddassa adhikaraṇatthataṃ dassetuṃ ‘‘upatiṭṭhanaṭṭhāna’’nti vuttaṃ yathā ‘‘padakkanta’’nti. Tenāha ‘‘idaṃ nesa’’ntiādi. Paṭipattidesanāgamanehīti paṭipattigamanadesanāgamanehi. ‘‘Kicchaṃ vatāyaṃ loko āpanno jāyati ca…pe… jarāmaraṇassā’’tiādinā jarāmaraṇato paṭṭhāya paṭiccasamuppādamukhena vipassanaṃ abhinivisitvā mahāgahanaṃ chindituṃ nisānasilāyaṃ pharasuṃ nisento viya kilesagahanaṃ chindituṃ lokanātho ñāṇapharasuṃ tejento buddhabhāvāya hetusampattiyā paripākagatattā sabbaññutaññāṇādhigamāya vipassanāgabbhaṃ gaṇhāpento antarantarā nānāsamāpattiyo samāpajjitvā anupadadhammavipassanāvasena anekākāravokārasaṅkhāre sammasanto chattiṃsakoṭisatasahassamukhena yaṃ ñāṇaṃ pavattesi, taṃ ‘‘mahāvajirañāṇa’’nti vadanti. Aṭṭhakathāyaṃ pana ‘‘catuvīsatikoṭisatasahassasamāpattisañcārimahāvajirañāṇa’’nti (dī. ni. aṭṭha. 3.141) āgataṃ, taṃ devasikaṃ vaḷañjanakasamāpattīnaṃ purecarānucarañāṇaṃ sandhāya vuttaṃ. Yaṃ pana vakkhati ‘‘ñāṇavajiramohajālapadālana’’nti, taṃ saha vipassanāya maggañāṇaṃ veditabbaṃ. Etaṃ brahmacariyanti sāsanabrahmacariyaṃ adhippetanti taṃ dassento ‘‘brahmuno’’tiādimāha.
д̣̇зсанааяаад̇и гаран̣ад̇т̇з ид̣̇ам̣ гаран̣аважанам̣. нияуд̇д̇од̇и зд̇т̇а хзд̇уад̇т̇о анд̇онийд̇од̇и д̣̇ассзнд̇о ‘‘нид̣̇д̇хаарзд̇ваа яож̇ид̇о’’д̇и ааха.
Desanāyāti karaṇatthe idaṃ karaṇavacanaṃ. Niyuttoti ettha hetuattho antonītoti dassento ‘‘niddhāretvā yojito’’ti āha.
д̣̇зсанаахааравибхан̇г̇аван̣н̣анаа нидтид̇аа.
Desanāhāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 1. д̣̇зсанаахааравибхан̇г̇о • 1. Desanāhāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 1. д̣̇зсанаахааравибхан̇г̇аван̣н̣анаа • 1. Desanāhāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 1. д̣̇зсанаахааравибхан̇г̇авибхааванаа • 1. Desanāhāravibhaṅgavibhāvanā
