Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī

    4. бадинид̣̇д̣̇зсаваараад̇т̇авибхааванаа

    4. Paṭiniddesavāraatthavibhāvanā

    1. д̣̇зсанаахааравибхан̇г̇авибхааванаа

    1. Desanāhāravibhaṅgavibhāvanā

    5. звам̣ хаараад̣̇аяо саруубад̇о аажариязна уд̣̇д̣̇зсад̇о уд̣̇д̣̇идтаа, нид̣̇д̣̇зсад̇о жа нид̣̇д̣̇идтаа, амхзхи жа н̃аад̇аа, ат̇а гасмаа буна ‘‘д̇ад̇т̇а гад̇амо д̣̇зсанаахааро’’д̇иаад̣̇иго аарад̣̇д̇ход̇и жз? взнзяяаанам̣ д̇ивид̇хад̇д̇аа. взнзяяаа хи ад̇ид̇игкабан̃н̃о наад̇ид̇игкабан̃н̃о манд̣̇абан̃н̃од̇и д̇ивид̇хаа хонд̇и. д̇зсан̃хи ад̇ид̇игкабан̃н̃ассаануруубам̣ хаараад̣̇аяо уд̣̇д̣̇зсад̇о уд̣̇д̣̇идтаа, наад̇ид̇игкабан̃н̃асса ануруубам̣ нид̣̇д̣̇зсад̇о нид̣̇д̣̇идтаа, ид̣̇аани манд̣̇абан̃н̃ассаануруубам̣ хаараад̣̇аяо вибхаж̇ид̇ваа д̣̇ассзд̇ум̣ ‘‘д̇ад̇т̇а гад̇амо д̣̇зсанаахааро’’д̇иаад̣̇иго вибхан̇г̇авааро аарад̣̇д̇хо. адтагат̇ааяам̣ бана ‘‘звам̣ хаараад̣̇аяосукаг̇г̇ахан̣ад̇т̇ам̣ г̇аат̇ааб̣анд̇хавасзна саруубад̇о нид̣̇д̣̇исид̇ваа ид̣̇аани д̇зсу хаарз д̇аава бадинид̣̇д̣̇зсавасзна вибхаж̇ид̇ум̣ ‘д̇ад̇т̇а гад̇амо д̣̇зсанаахааро’д̇иаад̣̇и аарад̣̇д̇ха’’нд̇и (нзд̇д̇и. адта. 5) вуд̇д̇ам̣.

    5. Evaṃ hārādayo sarūpato ācariyena uddesato uddiṭṭhā, niddesato ca niddiṭṭhā, amhehi ca ñātā, atha kasmā puna ‘‘tattha katamo desanāhāro’’tiādiko āraddhoti ce? Veneyyānaṃ tividhattā. Veneyyā hi atitikkhapañño nātitikkhapañño mandapaññoti tividhā honti. Tesañhi atitikkhapaññassānurūpaṃ hārādayo uddesato uddiṭṭhā, nātitikkhapaññassa anurūpaṃ niddesato niddiṭṭhā, idāni mandapaññassānurūpaṃ hārādayo vibhajitvā dassetuṃ ‘‘tattha katamo desanāhāro’’tiādiko vibhaṅgavāro āraddho. Aṭṭhakathāyaṃ pana ‘‘evaṃ hārādayosukhaggahaṇatthaṃ gāthābandhavasena sarūpato niddisitvā idāni tesu hāre tāva paṭiniddesavasena vibhajituṃ ‘tattha katamo desanāhāro’tiādi āraddha’’nti (netti. aṭṭha. 5) vuttaṃ.

    д̇ад̇т̇а яз хаараад̣̇аяо уд̣̇д̣̇зсанид̣̇д̣̇зсзсу нид̣̇д̣̇идтаа, д̇ад̇т̇а хаараад̣̇ийсу гад̇амо д̣̇зсанаахаарод̇и жз? яаа ‘‘ассаад̣̇аад̣̇ийнавад̇аа’’д̇иаад̣̇иг̇аат̇аа (нзд̇д̇и. 4) вуд̇д̇аа, саа аяам̣ г̇аат̇аа нид̣̇д̣̇зсавасзна д̣̇зсанаахааро наама, д̇асса ‘‘ассаад̣̇аад̣̇ийнавад̇аа’’д̇иаад̣̇и (нзд̇д̇и. 4) нид̣̇д̣̇зсасса ид̣̇аани маяаа вужжамаано ‘‘аяам̣ д̣̇зсанаахааро гим̣ д̣̇зсаяад̇ий’’д̇иаад̣̇иго вид̇т̇аарасам̣ван̣н̣анаависзсо д̣̇зсанаахааравибхан̇г̇о наамаад̇и яож̇анаа. ‘‘аяам̣ д̣̇зсанаахааро гим̣ д̣̇зсаяад̇ий’’д̇и бужчид̇аб̣б̣ад̇д̇аа бужчам̣ табзд̇ваа ‘‘имам̣ д̣̇зсаяад̇ий’’д̇и нияамзд̇ваа д̣̇ассзд̇ум̣ ‘‘аяам̣ д̣̇зсанаахааро гим̣ д̣̇зсаяад̇и? ассаад̣̇ам̣ аад̣̇ийнава’’нд̇иаад̣̇и вуд̇д̇ам̣. д̇ад̇т̇а аяам̣ д̣̇зсанаахааро гим̣ д̣̇зсаяад̇ийд̇и жз ? ассаад̣̇ам̣ д̣̇зсаяад̇и сам̣ван̣н̣зд̇и вид̇т̇аарзд̇и, аад̣̇ийнавам̣ д̣̇зсаяад̇и…бз… вид̇т̇аарзд̇и, ниссаран̣ам̣ д̣̇зсаяад̇и…бз… вид̇т̇аарзд̇и, палам̣ д̣̇зсаяад̇и…бз… вид̇т̇аарзд̇и, убааяам̣ д̣̇зсаяад̇и…бз… вид̇т̇аарзд̇и, аан̣ад̇д̇им̣ д̣̇зсаяад̇и сам̣ван̣н̣зд̇и вид̇т̇аарзд̇ийд̇и яож̇ано.

    Tattha ye hārādayo uddesaniddesesu niddiṭṭhā, tattha hārādīsu katamo desanāhāroti ce? Yā ‘‘assādādīnavatā’’tiādigāthā (netti. 4) vuttā, sā ayaṃ gāthā niddesavasena desanāhāro nāma, tassa ‘‘assādādīnavatā’’tiādi (netti. 4) niddesassa idāni mayā vuccamāno ‘‘ayaṃ desanāhāro kiṃ desayatī’’tiādiko vitthārasaṃvaṇṇanāviseso desanāhāravibhaṅgo nāmāti yojanā. ‘‘Ayaṃ desanāhāro kiṃ desayatī’’ti pucchitabbattā pucchaṃ ṭhapetvā ‘‘imaṃ desayatī’’ti niyametvā dassetuṃ ‘‘ayaṃ desanāhāro kiṃ desayati? Assādaṃ ādīnava’’ntiādi vuttaṃ. Tattha ayaṃ desanāhāro kiṃ desayatīti ce ? Assādaṃ desayati saṃvaṇṇeti vitthāreti, ādīnavaṃ desayati…pe… vitthāreti, nissaraṇaṃ desayati…pe… vitthāreti, phalaṃ desayati…pe… vitthāreti, upāyaṃ desayati…pe… vitthāreti, āṇattiṃ desayati saṃvaṇṇeti vitthāretīti yojano.

    зд̇т̇а жа ‘‘аяам̣ д̣̇зсанаахааро’’д̇и сад̣̇д̣̇о буб̣б̣аабараабзгкод̇и д̣̇адтаб̣б̣о. ‘‘‘ассаад̣̇аад̣̇ийнавад̇аа’д̇иаад̣̇иг̇аат̇ааяам̣ (нзд̇д̇и. 4) д̣̇ассид̇аа имз ассаад̣̇аад̣̇аяо гад̇т̇а сам̣ван̣н̣зд̇аб̣б̣з баал̣ид̇хаммз ааг̇ад̇аа’’д̇и бужчид̇аб̣б̣ад̇д̇аа ‘‘д̇хаммам̣ во, бхигкавз, д̣̇зсзссаамий’’д̇иаад̣̇и вуд̇д̇ам̣. ‘‘‘ассаад̣̇аад̣̇ийнавад̇аа’д̇иаад̣̇иг̇аат̇ааяам̣ (нзд̇д̇и. 4) д̣̇ассид̇аа имз ассаад̣̇аад̣̇аяо гад̇т̇а сам̣ван̣н̣зд̇аб̣б̣з баал̣ид̇хаммз ааг̇ад̇аа’’д̇и бужчид̇аб̣б̣ад̇д̇аа ‘‘д̇хаммам̣ во, бхигкавз, д̣̇зсзссаами аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзссаамий’’д̇и бадин̃н̃аад̇аб̣б̣з баал̣ид̇хаммз сам̣ван̣н̣зд̇аб̣б̣з яз ассаад̣̇аад̣̇аяо ааг̇ад̇аа, д̇з аяам̣ д̣̇зсанаахааро д̣̇зсаяад̇ийд̇и ад̇хиббааяо.

    Ettha ca ‘‘ayaṃ desanāhāro’’ti saddo pubbāparāpekkhoti daṭṭhabbo. ‘‘‘Assādādīnavatā’tiādigāthāyaṃ (netti. 4) dassitā ime assādādayo kattha saṃvaṇṇetabbe pāḷidhamme āgatā’’ti pucchitabbattā ‘‘dhammaṃ vo, bhikkhave, desessāmī’’tiādi vuttaṃ. ‘‘‘Assādādīnavatā’tiādigāthāyaṃ (netti. 4) dassitā ime assādādayo kattha saṃvaṇṇetabbe pāḷidhamme āgatā’’ti pucchitabbattā ‘‘dhammaṃ vo, bhikkhave, desessāmi ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsessāmī’’ti paṭiññātabbe pāḷidhamme saṃvaṇṇetabbe ye assādādayo āgatā, te ayaṃ desanāhāro desayatīti adhippāyo.

    д̇ад̇т̇а д̇хаммасад̣̇д̣̇о барияад̇д̇исажжасамаад̇хибан̃н̃аабагад̇ибун̃н̃аабад̇д̇ин̃зяяаад̣̇ийсу б̣ахуусу ад̇т̇зсу бавад̇д̇о, д̇ат̇ааби ид̇ха барияад̇д̇ид̇хаммзязва бавад̇д̇од̇и д̣̇адтаб̣б̣о. ад̇т̇уд̣̇д̣̇зсо бана адтагат̇ааяам̣ (нзд̇д̇и. адта. 5) вуд̇д̇о, д̇асмаа ид̇ха маяаа на вуд̇д̇о. во-гаароби убаяог̇агаран̣абад̣̇абууран̣асамбад̣̇аанад̇т̇зсу д̣̇иссад̇и жа, д̇ат̇ааби ид̇ха самбад̣̇аанад̇т̇зваад̇и д̣̇адтаб̣б̣о. бхигканд̇и яаажанд̇и сийлагканд̇хаад̣̇аяо, бажжаяз ваа гааяавин̃н̃ад̇д̇ияаад̇и бхигкуу, сам̣саарз бхаяам̣ игканд̇и бажжавзгканд̇ийд̇и ваа бхигкуу. бхигкавзд̇и д̇з бхигкуу аалабад̇и, гимад̇т̇ааяаад̇и ад̇д̇ано мукаабхимукам̣ гад̇ваа д̇хаммассаванз ад̇иуссааханз нияож̇зд̇ум̣ аалабад̇ийд̇и взд̣̇ид̇аб̣б̣о.

    Tattha dhammasaddo pariyattisaccasamādhipaññāpakatipuññāpattiñeyyādīsu bahūsu atthesu pavatto, tathāpi idha pariyattidhammeyeva pavattoti daṭṭhabbo. Atthuddeso pana aṭṭhakathāyaṃ (netti. aṭṭha. 5) vutto, tasmā idha mayā na vutto. Vo-kāropi upayogakaraṇapadapūraṇasampadānatthesu dissati ca, tathāpi idha sampadānatthevāti daṭṭhabbo. Bhikkhanti yācanti sīlakkhandhādayo, paccaye vā kāyaviññattiyāti bhikkhū, saṃsāre bhayaṃ ikkhanti paccavekkhantīti vā bhikkhū. Bhikkhaveti te bhikkhū ālapati, kimatthāyāti attano mukhābhimukhaṃ katvā dhammassavane atiussāhane niyojetuṃ ālapatīti veditabbo.

    д̇хаммам̣ д̣̇зсзссаамийд̇и наахам̣ иссарад̇ааяа д̇умхз ан̃н̃ам̣ гин̃жи гаарзяяаами, д̇хаммам̣язва д̣̇зсзссаами, д̣̇зсзнд̇о жа на ан̃н̃зсам̣ д̇хаммам̣ суд̇ваа суд̇амаяан̃аан̣аанусаарзна д̣̇зсзссаами, анааваран̣ан̃аан̣зна саб̣б̣ан̃зяяад̇хаммзсу бажжагкагаарид̇ааяа ид̣̇аани маяааязва бавад̇д̇ияамаанам̣ д̇хаммам̣ ахам̣ д̣̇зсзссаамийд̇и бадиж̇аанаад̇и. аад̣̇имхи галяаан̣ам̣ аад̣̇игаляаан̣ам̣, аад̣̇и галяаан̣амзд̇ассаад̇и ваа аад̣̇игаляаан̣ам̣. сзсзсуби зсзва наяо. аад̣̇игаляаан̣аад̣̇аяо жзд̇т̇а ад̇т̇агаляаан̣аад̣̇ивасзна вуд̇д̇аад̇и д̣̇адтаб̣б̣аа. д̇знааха – ‘‘сийлзна аад̣̇игаляаан̣ам̣, самаад̇хинаа маж̇жхзгаляаан̣ам̣, бан̃н̃ааяа барияосаанагаляаан̣ам̣. б̣уд̣̇д̇хасуб̣уд̣̇д̇хад̇ааяа ваа аад̣̇игаляаан̣ам̣, д̇хаммасуд̇хаммад̇ааяа маж̇жхзгаляаан̣ам̣, сан̇гхасуббадибад̇д̇ияаа барияосаанагаляаан̣ам̣. ат̇а ваа уг̇гхадид̇ан̃н̃увинаяанзна аад̣̇игаляаан̣ам̣, вибан̃жид̇ан̃н̃увинаяанзна маж̇жхзгаляаан̣ам̣, нзяяабуг̇г̇алавинаяанзна барияосаанагаляаан̣ам̣. аяамзвад̇т̇о ид̇хаад̇хиббзд̇о’’д̇и (нзд̇д̇и. адта. 5).

    Dhammaṃ desessāmīti nāhaṃ issaratāya tumhe aññaṃ kiñci kāreyyāmi, dhammaṃyeva desessāmi, desento ca na aññesaṃ dhammaṃ sutvā sutamayañāṇānusārena desessāmi, anāvaraṇañāṇena sabbañeyyadhammesu paccakkhakāritāya idāni mayāyeva pavattiyamānaṃ dhammaṃ ahaṃ desessāmīti paṭijānāti. Ādimhi kalyāṇaṃ ādikalyāṇaṃ, ādi kalyāṇametassāti vā ādikalyāṇaṃ. Sesesupi eseva nayo. Ādikalyāṇādayo cettha atthakalyāṇādivasena vuttāti daṭṭhabbā. Tenāha – ‘‘sīlena ādikalyāṇaṃ, samādhinā majjhekalyāṇaṃ, paññāya pariyosānakalyāṇaṃ. Buddhasubuddhatāya vā ādikalyāṇaṃ, dhammasudhammatāya majjhekalyāṇaṃ, saṅghasuppaṭipattiyā pariyosānakalyāṇaṃ. Atha vā ugghaṭitaññuvinayanena ādikalyāṇaṃ, vipañcitaññuvinayanena majjhekalyāṇaṃ, neyyapuggalavinayanena pariyosānakalyāṇaṃ. Ayamevattho idhādhippeto’’ti (netti. aṭṭha. 5).

    арийяад̇и н̃ааяад̇ийд̇и ад̇т̇о, ара-д̇хаад̇уяаа ниббарияааяад̇о н̃аан̣аббад̇хаано аарамман̣игажид̇д̇уббаад̣̇о ад̇т̇о, таануубажаарад̇о ад̇т̇асса н̃аад̇аб̣б̣асса аарамман̣абажжаяасад̇д̇и ад̇т̇о, ид̇и-сад̣̇д̣̇зна сааязва сад̇д̇и бараамасийяад̇и, аарамман̣абажжаяасад̇д̇исахид̇о аарамман̣абажжаяасан̇каад̇о н̃аад̇аб̣б̣о ад̇т̇о д̇а-бажжаяасса ад̇т̇од̇и д̇хаад̇убажжаяаанам̣ ад̇т̇ависзсо д̣̇адтаб̣б̣о. асад̇и бхавад̇ийд̇и ваа ад̇т̇о, саха ад̇т̇зна яо д̇хаммо вад̇д̇ад̇ийд̇и со д̇хаммо саад̇т̇о, ад̇т̇зна саманнааг̇ад̇о ваа д̇хаммо саад̇т̇о, сан̇гаасанаад̣̇ичаад̇т̇абад̣̇асамааяог̇ад̇о ваа саад̇т̇о. аяамзвад̇т̇о ид̇хаад̇хиббзд̇о нзд̇д̇ивисаяад̇д̇аа. самбаннам̣ б̣яан̃ж̇анам̣ яасса д̇хаммассаад̇и саб̣яан̃ж̇ано. сит̇илад̇ханид̇ад̣̇ийгхарассаг̇арулахусамб̣анд̇хававад̇т̇ид̇авимуд̇д̇аниг̇г̇ахид̇асамбаннад̇д̇аа , агааранд̇аад̣̇иид̇т̇илин̇г̇аад̣̇изгаважанаад̣̇исамбаннад̇д̇аа, бамаад̣̇алзкаад̣̇ирахид̇ад̇д̇аа жа аваяаво самбанно д̇ам̣самуухад̇д̇аа д̇хаммо самбаннаб̣яан̃ж̇ано наама, агкараад̣̇ичаб̣яан̃ж̇анабад̣̇асамааяог̇аа ваа саб̣яан̃ж̇ано. аяамзвад̇т̇о ид̇хаад̇хиббзд̇о. имасмим̣ аяам̣ ууно, со нзд̇аб̣б̣о багкибид̇аб̣б̣од̇и убанзд̇аб̣б̣аабхаавад̇о гзвалабарибун̣н̣о, сийлагканд̇хасамаад̇хигканд̇хабан̃н̃аагканд̇ха- вимуд̇д̇игканд̇хавимуд̇д̇ин̃аан̣ад̣̇ассанагканд̇хабаарибуурияаа ваа гзвалабарибун̣н̣о. ид̇хааяам̣ ад̇ирзго, со абанзд̇аб̣б̣од̇и вад̇ваа абанзд̇аб̣б̣аабхаавад̇о барисуд̣̇д̇хо, жад̇урогханид̇т̇аран̣ад̇т̇ааяа, логаамисанирабзгкад̇ааяа бавад̇д̇ияамаанад̇д̇аа ваа барисуд̣̇д̇хо. сздтад̇д̇аа б̣рахмажарияам̣, б̣рахмаанам̣ ваа сздтаанам̣ арияаанам̣ жарияам̣ б̣рахмажарияам̣, баб̣б̣аж̇ж̇аб̣рахмажарияамаг̇г̇аб̣рахмажарияасаасанаб̣рахмажарияаад̣̇ийсу саасанаб̣рахмажарияам̣ багаасаяиссаами, барид̣̇ийбаяиссаамийд̇и ад̇т̇о.

    Arīyati ñāyatīti attho, ara-dhātuyā nippariyāyato ñāṇappadhāno ārammaṇikacittuppādo attho, ṭhānūpacārato atthassa ñātabbassa ārammaṇapaccayasatti attho, iti-saddena sāyeva satti parāmasīyati, ārammaṇapaccayasattisahito ārammaṇapaccayasaṅkhāto ñātabbo attho ta-paccayassa atthoti dhātupaccayānaṃ atthaviseso daṭṭhabbo. Asati bhavatīti vā attho, saha atthena yo dhammo vattatīti so dhammo sāttho, atthena samannāgato vā dhammo sāttho, saṅkāsanādichaatthapadasamāyogato vā sāttho. Ayamevattho idhādhippeto nettivisayattā. Sampannaṃ byañjanaṃ yassa dhammassāti sabyañjano. Sithiladhanitadīgharassagarulahusambandhavavatthitavimuttaniggahitasampannattā , akārantādiitthiliṅgādiekavacanādisampannattā, pamādalekhādirahitattā ca avayavo sampanno taṃsamūhattā dhammo sampannabyañjano nāma, akkharādichabyañjanapadasamāyogā vā sabyañjano. Ayamevattho idhādhippeto. Imasmiṃ ayaṃ ūno, so netabbo pakkhipitabboti upanetabbābhāvato kevalaparipuṇṇo, sīlakkhandhasamādhikkhandhapaññākkhandha- vimuttikkhandhavimuttiñāṇadassanakkhandhapāripūriyā vā kevalaparipuṇṇo. Idhāyaṃ atireko, so apanetabboti vatvā apanetabbābhāvato parisuddho, caturoghanittharaṇatthāya, lokāmisanirapekkhatāya pavattiyamānattā vā parisuddho. Seṭṭhattā brahmacariyaṃ, brahmānaṃ vā seṭṭhānaṃ ariyānaṃ cariyaṃ brahmacariyaṃ, pabbajjabrahmacariyamaggabrahmacariyasāsanabrahmacariyādīsu sāsanabrahmacariyaṃ pakāsayissāmi, paridīpayissāmīti attho.

    ‘‘д̇хаммам̣ во, бхигкавз, д̣̇зсзссаами…бз… багаасзссаамий’’д̇и бадин̃н̃аад̇аб̣б̣з баал̣ид̇хаммз ааг̇ад̇з ассаад̣̇аад̣̇аяо д̣̇зсанаахааро д̣̇зсаяад̇и сам̣ван̣н̣зд̇и вид̇т̇аарзд̇ийд̇и аажариязна сааман̃н̃авасзнзва вуд̇д̇ам̣, д̇асмаа д̣̇зсанаахааро ид̇ха баал̣ияам̣ ааг̇ад̇ам̣ имам̣ ассаад̣̇ам̣ д̣̇зсаяад̇и, ид̇ха баал̣ияам̣ ааг̇ад̇ам̣ имам̣ аад̣̇ийнавам̣ д̣̇зсаяад̇ийд̇иаад̣̇и висзсо на вин̃н̃аад̇аб̣б̣о, ‘‘гат̇ам̣ вин̃н̃аад̇аб̣б̣о’’д̇и бужчид̇аб̣б̣ад̇д̇аа ‘‘ид̇ха баал̣ияам̣ ааг̇ад̇о аяам̣ ассаад̣̇о, ид̇ха баал̣ияам̣ ааг̇ад̇о аяам̣ аад̣̇ийнаво’’д̇и висзсам̣ нияамзд̇ваа убалагкан̣анаязна д̣̇ассзд̇ум̣ ‘‘д̇ад̇т̇а гад̇амо ассаад̣̇о? гаамам̣ гаамаяамаанассаа’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇иаад̣̇иг̇аат̇ааяам̣ нид̣̇д̣̇идтзсу висаяависаяибхзд̣̇зсу ассаад̣̇зсу гад̇амо ассаад̣̇о д̇ад̇т̇а д̇зсу баал̣ид̇хаммзсу гад̇т̇а баал̣ияам̣ ааг̇ад̇од̇и бужчид̇ваа –

    ‘‘Dhammaṃ vo, bhikkhave, desessāmi…pe… pakāsessāmī’’ti paṭiññātabbe pāḷidhamme āgate assādādayo desanāhāro desayati saṃvaṇṇeti vitthāretīti ācariyena sāmaññavaseneva vuttaṃ, tasmā desanāhāro idha pāḷiyaṃ āgataṃ imaṃ assādaṃ desayati, idha pāḷiyaṃ āgataṃ imaṃ ādīnavaṃ desayatītiādi viseso na viññātabbo, ‘‘kathaṃ viññātabbo’’ti pucchitabbattā ‘‘idha pāḷiyaṃ āgato ayaṃ assādo, idha pāḷiyaṃ āgato ayaṃ ādīnavo’’ti visesaṃ niyametvā upalakkhaṇanayena dassetuṃ ‘‘tattha katamo assādo? Kāmaṃ kāmayamānassā’’tiādi āraddhaṃ. Tattha tatthāti tassaṃ ‘‘assādādīnavatā’’tiādigāthāyaṃ niddiṭṭhesu visayavisayibhedesu assādesu katamo assādo tattha tesu pāḷidhammesu kattha pāḷiyaṃ āgatoti pucchitvā –

    ‘‘гаамам̣ гаамаяамаанасса, д̇асса жзд̇ам̣ самиж̇жхад̇и;

    ‘‘Kāmaṃ kāmayamānassa, tassa cetaṃ samijjhati;

    ад̣̇д̇хаа бийд̇имано ход̇и, лад̣̇д̇хаа мажжо яад̣̇ижчад̇ий’’д̇и. (су. ни. 772; махаани. 1) –

    Addhā pītimano hoti, laddhā macco yadicchatī’’ti. (su. ni. 772; mahāni. 1) –

    ид̇ха баал̣иг̇аат̇ааяам̣ яо висаяабхууд̇о ассаад̣̇о ааг̇ад̇о, со аяам̣ ассаад̣̇зд̇аб̣б̣о ассаад̣̇о д̣̇зсанаахаарасса висаяод̇и. адтагат̇ааяам̣ бана –

    Idha pāḷigāthāyaṃ yo visayabhūto assādo āgato, so ayaṃ assādetabbo assādo desanāhārassa visayoti. Aṭṭhakathāyaṃ pana –

    ‘‘звам̣ бхаг̇авад̇аа д̣̇зсид̇о, багаасид̇о жа саасанад̇хаммо язсам̣ ассаад̣̇аад̣̇ийнам̣ д̣̇ассанавасзна бавад̇д̇о, д̇з ассаад̣̇аад̣̇аяо д̣̇зсанаахаарасса висаяабхууд̇аа яад̇т̇а яад̇т̇а баатз сависзсам̣ вуд̇д̇аа, д̇ад̇о д̇ад̇о нид̣̇д̇хаарзд̇ваа уд̣̇аахаран̣авасзна ид̇хаанзд̇ваа д̣̇ассзд̇ум̣ ‘д̇ад̇т̇а гад̇амо ассаад̣̇о’д̇иаад̣̇и аарад̣̇д̇ха’’нд̇и (нзд̇д̇и. адта. 5) вуд̇д̇ам̣.

    ‘‘Evaṃ bhagavatā desito, pakāsito ca sāsanadhammo yesaṃ assādādīnaṃ dassanavasena pavatto, te assādādayo desanāhārassa visayabhūtā yattha yattha pāṭhe savisesaṃ vuttā, tato tato niddhāretvā udāharaṇavasena idhānetvā dassetuṃ ‘tattha katamo assādo’tiādi āraddha’’nti (netti. aṭṭha. 5) vuttaṃ.

    д̇ад̇т̇а ассаад̣̇ийяад̇зд̇и ассаад̣̇о, ассаад̣̇зд̇аб̣б̣о вад̇т̇угаамо. гаамийяад̇зд̇и гаамо, вад̇т̇угаамо жа. д̇ам̣ гаамаяад̇ийд̇и гаамаяамаано, сад̇д̇о. д̇асса бийд̇ияаа яуд̇д̇ам̣ мано зд̇ассаад̇и бийд̇имано. манад̇и ж̇аанаад̇ийд̇иаад̣̇иважанад̇т̇зна мажжо. гаамам̣ гаамид̇аб̣б̣ам̣ вад̇т̇у гаамаяамаанасса д̇асса сад̇д̇асса зд̇ам̣ гаамид̇аб̣б̣ам̣ вад̇т̇у сажз самиж̇жхад̇и, звам̣ сад̇и со сад̇д̇о ад̣̇д̇хаа бийд̇имано ход̇и. яо мажжо яам̣ вад̇т̇ум̣ ижчад̇и, д̇ам̣ вад̇т̇ум̣ со мажжо лад̣̇д̇хаа ад̣̇д̇хаа бийд̇имано ход̇ийд̇и г̇аат̇ааяад̇т̇о д̣̇адтаб̣б̣о.

    Tattha assādīyateti assādo, assādetabbo vatthukāmo. Kāmīyateti kāmo, vatthukāmo ca. Taṃ kāmayatīti kāmayamāno, satto. Tassa pītiyā yuttaṃ mano etassāti pītimano. Manati jānātītiādivacanatthena macco. Kāmaṃ kāmitabbaṃ vatthu kāmayamānassa tassa sattassa etaṃ kāmitabbaṃ vatthu sace samijjhati, evaṃ sati so satto addhā pītimano hoti. Yo macco yaṃ vatthuṃ icchati, taṃ vatthuṃ so macco laddhā addhā pītimano hotīti gāthāyattho daṭṭhabbo.

    ‘‘гаамам̣ …бз… бийд̇имано ход̇ий’’д̇и зд̇д̇агамзва авад̇ваа ‘‘лад̣̇д̇хаа мажжо яад̣̇ижчад̇ий’’д̇и вуд̇д̇ад̇д̇аа лобханийяам̣ вад̇т̇ум̣язва лад̣̇д̇хаа бийд̇имано на ход̇и, ат̇а ко бад̇т̇зд̇аб̣б̣ам̣ бууж̇зд̇аб̣б̣анд̇и саб̣б̣ам̣ лад̣̇д̇хаа мажжо бийд̇имано жа ход̇ийд̇и ад̇ирзгад̇т̇о д̣̇адтаб̣б̣о.

    ‘‘Kāmaṃ …pe… pītimano hotī’’ti ettakameva avatvā ‘‘laddhā macco yadicchatī’’ti vuttattā lobhanīyaṃ vatthuṃyeva laddhā pītimano na hoti, atha kho patthetabbaṃ pūjetabbanti sabbaṃ laddhā macco pītimano ca hotīti atirekattho daṭṭhabbo.

    висаяабхууд̇о ассаад̣̇зд̇аб̣б̣о ассаад̣̇о ид̇ха баал̣ияам̣ г̇аат̇ааяам̣ ааг̇ад̇од̇и аажариязна вибхад̇д̇о, амхзхи жа н̃аад̇о, ‘‘д̣̇угкад̣̇оманассаад̣̇ибхзд̣̇зсу аад̣̇ийнавзсу гад̇амо аад̣̇ийнаво гад̇т̇а баал̣ид̇хаммз ааг̇ад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо аад̣̇ийнаво? д̇асса жз гаамаяаанассаа’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇иаад̣̇иг̇аат̇ааяам̣ нид̣̇д̣̇идтзсу д̣̇угкад̣̇оманассаад̣̇ийсу аад̣̇ийнавзсу гад̇амо аад̣̇ийнаво д̇ад̇т̇а д̇зсу баал̣ид̇хаммзсу гад̇т̇а баал̣ияам̣ ааг̇ад̇од̇и бужчид̇ваа –

    Visayabhūto assādetabbo assādo idha pāḷiyaṃ gāthāyaṃ āgatoti ācariyena vibhatto, amhehi ca ñāto, ‘‘dukkhadomanassādibhedesu ādīnavesu katamo ādīnavo kattha pāḷidhamme āgato’’ti pucchitabbattā ‘‘tattha katamo ādīnavo? Tassa ce kāmayānassā’’tiādi āraddhaṃ. Tattha tatthāti tassaṃ ‘‘assādādīnavatā’’tiādigāthāyaṃ niddiṭṭhesu dukkhadomanassādīsu ādīnavesu katamo ādīnavo tattha tesu pāḷidhammesu kattha pāḷiyaṃ āgatoti pucchitvā –

    ‘‘д̇асса жз гаамаяаанасса, чанд̣̇аж̇аад̇асса ж̇анд̇уно;

    ‘‘Tassa ce kāmayānassa, chandajātassa jantuno;

    д̇з гаамаа барихааяанд̇и, саллавид̣̇д̇хова руббад̇ий’’д̇и. (су. ни. 773; махаани. 2) –

    Te kāmā parihāyanti, sallaviddhova ruppatī’’ti. (su. ni. 773; mahāni. 2) –

    ид̇ха баал̣иг̇аат̇ааяам̣ яо д̣̇оманассасан̇каад̇о аад̣̇ийнаво ааг̇ад̇о, со аяам̣ д̣̇оманассасан̇каад̇о аад̣̇ийнаво д̣̇зсанаахаарасса висаяод̇и.

    Idha pāḷigāthāyaṃ yo domanassasaṅkhāto ādīnavo āgato, so ayaṃ domanassasaṅkhāto ādīnavo desanāhārassa visayoti.

    г̇аат̇ааяам̣ бана гаамаяад̇и ижчад̇ийд̇и гаамаяаано. ат̇а ваа яааяад̇и г̇ажчад̇ийд̇и яаано, гаамзна яаано гаамаяаано, д̇асса. чанд̣̇о ж̇аад̇о яасса со чанд̣̇аж̇аад̇о, д̇асса. виж̇жхийяад̇зд̇и вид̣̇д̇хо , саллад̇и бависад̇ийд̇и салло, саллзна вид̣̇д̇хо саллавид̣̇д̇хо. гаамам̣ гаамаяаанасса чанд̣̇аж̇аад̇асса ж̇анд̇уно яз гаамаа лабхид̇аб̣б̣аа, д̇з гаамаа гзнажи анд̇арааязна яад̣̇аа барихааяанд̇и, д̇ад̣̇аа со ж̇анд̇у руббад̇и. гийд̣̇исова руббад̇и? аяомаяасаллавид̣̇д̇хо миг̇о руббад̇и ива, барихийнагаамо ж̇анд̇у руббад̇ийд̇и д̣̇адтаб̣б̣о. зд̇т̇а жа ‘‘руббад̇ий’’д̇иважанзна д̣̇оманассуббад̇д̇и д̣̇ассид̇аад̇и д̣̇адтаб̣б̣аа.

    Gāthāyaṃ pana kāmayati icchatīti kāmayāno. Atha vā yāyati gacchatīti yāno, kāmena yāno kāmayāno, tassa. Chando jāto yassa so chandajāto, tassa. Vijjhīyateti viddho, sallati pavisatīti sallo, sallena viddho sallaviddho. Kāmaṃ kāmayānassa chandajātassa jantuno ye kāmā labhitabbā, te kāmā kenaci antarāyena yadā parihāyanti, tadā so jantu ruppati. Kīdisova ruppati? Ayomayasallaviddho migo ruppati iva, parihīnakāmo jantu ruppatīti daṭṭhabbo. Ettha ca ‘‘ruppatī’’tivacanena domanassuppatti dassitāti daṭṭhabbā.

    д̣̇оманассабхууд̇о аад̣̇ийнаво ид̇ха баал̣ияам̣ ааг̇ад̇од̇и аажариязна вибхад̇д̇о, амхзхи жа н̃аад̇о, ‘‘маг̇г̇аниб̣б̣аанавасзна д̣̇увид̇хзсу ниссаран̣зсу гад̇амам̣ ниссаран̣ам̣ гад̇т̇а баал̣ияам̣ ааг̇ад̇а’’нд̇и бужчид̇аб̣б̣ад̇д̇аа ‘‘д̇ад̇т̇а гад̇амам̣ ниссаран̣ам̣? яо гаамз бариваж̇ж̇зд̇ий’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇иаад̣̇иг̇аат̇ааяам̣ нид̣̇д̣̇идтзсу маг̇г̇аниб̣б̣аанавасзна д̣̇увид̇хзсу ниссаран̣зсу гад̇амам̣ ниссаран̣ам̣ д̇ад̇т̇а д̇зсу баал̣ид̇хаммзсу гад̇т̇а баал̣ид̇хаммз ааг̇ад̇анд̇и бужчид̇ваа –

    Domanassabhūto ādīnavo idha pāḷiyaṃ āgatoti ācariyena vibhatto, amhehi ca ñāto, ‘‘magganibbānavasena duvidhesu nissaraṇesu katamaṃ nissaraṇaṃ kattha pāḷiyaṃ āgata’’nti pucchitabbattā ‘‘tattha katamaṃ nissaraṇaṃ? Yo kāme parivajjetī’’tiādi āraddhaṃ. Tattha tatthāti tassaṃ ‘‘assādādīnavatā’’tiādigāthāyaṃ niddiṭṭhesu magganibbānavasena duvidhesu nissaraṇesu katamaṃ nissaraṇaṃ tattha tesu pāḷidhammesu kattha pāḷidhamme āgatanti pucchitvā –

    ‘‘яо гаамз бариваж̇ж̇зд̇и, саббассзва бад̣̇аа сиро;

    ‘‘Yo kāme parivajjeti, sappasseva padā siro;

    сомам̣ висад̇д̇игам̣ логз, сад̇о самад̇ивад̇д̇ад̇ий’’д̇и. (су. ни. 774; махаани. 3) –

    Somaṃ visattikaṃ loke, sato samativattatī’’ti. (su. ni. 774; mahāni. 3) –

    ид̇ха баал̣иг̇аат̇ааяам̣ яам̣ самад̇ивад̇д̇анагаран̣ам̣ маг̇г̇асан̇каад̇ам̣ ниссаран̣ам̣ ааг̇ад̇ам̣, д̇ам̣ ид̣̇ам̣ маг̇г̇асан̇каад̇ам̣ самад̇ивад̇д̇анагаран̣ам̣ ниссаран̣ам̣ д̣̇зсанаахаарасса висаяанд̇и.

    Idha pāḷigāthāyaṃ yaṃ samativattanakaraṇaṃ maggasaṅkhātaṃ nissaraṇaṃ āgataṃ, taṃ idaṃ maggasaṅkhātaṃ samativattanakaraṇaṃ nissaraṇaṃ desanāhārassa visayanti.

    г̇аат̇ааяам̣ яод̇и жхааналаабхий ваа арияо ваа. гаамзд̇и вуд̇д̇аббагааро вад̇т̇угаамо. д̇зсу бавад̇д̇ачанд̣̇арааг̇асса вигкамбханзна ваа самужчинд̣̇анзна ваа бариваж̇ж̇зд̇и. гим̣ бариваж̇ж̇зд̇и ива важ̇ж̇зд̇и? саббасса сиро сирам̣ жагкумаа бурисо д̣̇исваа бад̣̇аа баад̣̇зна бариваж̇ж̇зд̇и ива, звам̣ бариваж̇ж̇зд̇и. сад̇о сад̇исамбанно со буг̇г̇ало логз руубаад̣̇ийсу висад̇д̇игам̣ имам̣ д̇ан̣хам̣ язна маг̇г̇зна самад̇ивад̇д̇ад̇и сам̣ судту ад̇иггамид̇ваа вад̇д̇ад̇и, ид̣̇ам̣ маг̇г̇асан̇каад̇ам̣ самад̇ивад̇д̇анагаран̣ам̣ згад̣̇зсам̣ ниссаран̣ам̣ наамаад̇и яож̇зд̇аб̣б̣ам̣. ‘‘баад̣̇аа’’д̇и вад̇д̇аб̣б̣з аагаарасса рассам̣ гад̇ваа ‘‘бад̣̇аа’’д̇и вуд̇д̇ам̣. баад̣̇аад̇и жа баад̣̇зна яат̇аа ‘‘амохабхааваа амохабхаавзнаа’’д̇и. д̇зна вуд̇д̇ам̣ ‘‘ад̇д̇ано баад̣̇знаа’’д̇и (нзд̇д̇и. адта. 5).

    Gāthāyaṃ yoti jhānalābhī vā ariyo vā. Kāmeti vuttappakāro vatthukāmo. Tesu pavattachandarāgassa vikkhambhanena vā samucchindanena vā parivajjeti. Kiṃ parivajjeti iva vajjeti? Sappassa siro siraṃ cakkhumā puriso disvā padā pādena parivajjeti iva, evaṃ parivajjeti. Sato satisampanno so puggalo loke rūpādīsu visattikaṃ imaṃ taṇhaṃ yena maggena samativattati saṃ suṭṭhu atikkamitvā vattati, idaṃ maggasaṅkhātaṃ samativattanakaraṇaṃ ekadesaṃ nissaraṇaṃ nāmāti yojetabbaṃ. ‘‘Pādā’’ti vattabbe ākārassa rassaṃ katvā ‘‘padā’’ti vuttaṃ. Pādāti ca pādena yathā ‘‘amohabhāvā amohabhāvenā’’ti. Tena vuttaṃ ‘‘attano pādenā’’ti (netti. aṭṭha. 5).

    згад̣̇зсо висаяасан̇каад̇о ассаад̣̇о ид̇ха баал̣ияам̣ ааг̇ад̇од̇и аажариязна вибхад̇д̇о, амхзхи жа н̃аад̇о, ‘‘згад̣̇зсо висаяисан̇каад̇о ассаад̣̇о гад̇т̇а баал̣ияам̣ ааг̇ад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо ассаад̣̇о? кзд̇д̇ам̣ вад̇т̇у’’нд̇иаад̣̇и аарад̣̇д̇хам̣. ат̇а ваа ‘‘д̇ад̇т̇а гад̇амо ассаад̣̇о? кзд̇д̇ам̣ вад̇т̇у’’нд̇иаад̣̇и гасмаа звам̣ аарад̣̇д̇хам̣, нану ‘‘д̇ад̇т̇а гад̇амо ассаад̣̇о? гаамам̣ гаамаяамаанассаа’’д̇иаад̣̇инаа ассаад̣̇о вибхад̇д̇о? сажжам̣, ассаад̣̇о бана д̣̇увид̇хо висаяависаяивасзна, д̇асмим̣ висаяасан̇каад̇о ассаад̣̇о буб̣б̣з вибхад̇д̇о, ид̣̇аани висаяисан̇каад̇ам̣ ассаад̣̇ам̣ вибхаж̇ид̇ум̣ ‘‘д̇ад̇т̇а гад̇амо ассаад̣̇о? кзд̇д̇ам̣ вад̇т̇у’’нд̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇иаад̣̇иг̇аат̇ааяам̣ нид̣̇д̣̇идтзсу висаяависаяибхзд̣̇зсу ассаад̣̇зсу гад̇амо ассаад̣̇о д̇ад̇т̇а д̇зсу баал̣ид̇хаммзсу гад̇т̇а баал̣ияам̣ ааг̇ад̇од̇и бужчид̇ваа –

    Ekadeso visayasaṅkhāto assādo idha pāḷiyaṃ āgatoti ācariyena vibhatto, amhehi ca ñāto, ‘‘ekadeso visayisaṅkhāto assādo kattha pāḷiyaṃ āgato’’ti pucchitabbattā ‘‘tatthakatamo assādo? Khettaṃ vatthu’’ntiādi āraddhaṃ. Atha vā ‘‘tattha katamo assādo? Khettaṃ vatthu’’ntiādi kasmā evaṃ āraddhaṃ, nanu ‘‘tattha katamo assādo? Kāmaṃ kāmayamānassā’’tiādinā assādo vibhatto? Saccaṃ, assādo pana duvidho visayavisayivasena, tasmiṃ visayasaṅkhāto assādo pubbe vibhatto, idāni visayisaṅkhātaṃ assādaṃ vibhajituṃ ‘‘tattha katamo assādo? Khettaṃ vatthu’’ntiādi āraddhaṃ. Tattha tatthāti tassaṃ ‘‘assādādīnavatā’’tiādigāthāyaṃ niddiṭṭhesu visayavisayibhedesu assādesu katamo assādo tattha tesu pāḷidhammesu kattha pāḷiyaṃ āgatoti pucchitvā –

    ‘‘кзд̇д̇ам̣ вад̇т̇ум̣ хиран̃н̃ам̣ ваа, г̇аваассам̣ д̣̇аасаборисам̣;

    ‘‘Khettaṃ vatthuṃ hiraññaṃ vā, gavāssaṃ dāsaporisaṃ;

    т̇ияо б̣анд̇хуу бут̇уу гаамз, яо наро ануг̇иж̇жхад̇ий’’д̇и. (су. ни. 775; махаани. 4) –

    Thiyo bandhū puthū kāme, yo naro anugijjhatī’’ti. (su. ni. 775; mahāni. 4) –

    ид̇ха баал̣иг̇аат̇ааяам̣ яо ануг̇иж̇жханасан̇каад̇о ассаад̣̇о ааг̇ад̇о, со аяам̣ ануг̇иж̇жханасан̇каад̇о висаяиассаад̣̇о д̣̇зсанаахаарасса висаяод̇и.

    Idha pāḷigāthāyaṃ yo anugijjhanasaṅkhāto assādo āgato, so ayaṃ anugijjhanasaṅkhāto visayiassādo desanāhārassa visayoti.

    г̇аат̇ааяам̣ кзд̇д̇анд̇и кибийяанд̇и б̣ийж̇аани зд̇т̇а таанзд̇и кзд̇д̇ам̣. кибанд̇аанам̣ ж̇анаанам̣ кибанагирияаа киба-д̇хаад̇уяаа мукяад̇т̇о, кибанагирияааж̇анаго жид̇д̇уббаад̣̇о палуубажаарад̇т̇о, д̇асса жид̇д̇уббаад̣̇асса убаниссаяабажжаяабхууд̇асса гзд̣̇аарасса вирул̣хаабанасад̇д̇и палуубажаарад̇т̇о, ид̇и-сад̣̇д̣̇зна саа вирул̣хаабанасад̇д̇иязва бараамасийяад̇и, д̇ассаа сад̇д̇ияаа бад̇идтам̣ гзд̣̇аарасан̇каад̇ам̣ таанам̣ д̇а-бажжаяад̇т̇о. зса наяо д̇ийсу бидагзсу зваруубзсу жа важанад̇т̇зсу яат̇аарахам̣ нийхарид̇ваа г̇ахзд̇аб̣б̣о. вабанд̇и бад̇идтаханд̇и зд̇т̇аад̇и вад̇т̇у. абаран̣н̣аад̣̇ийнам̣ бад̇идтаханам̣ ваба-д̇хаад̇уяаа мукяад̇т̇о, таанасса бад̇идтаабанасад̇д̇и палуубажаарад̇т̇о, ид̇и-сад̣̇д̣̇зна саа бад̇идтаабанасад̇д̇и бараамасийяад̇и. д̇ассаа сад̇д̇ияаа бад̇идтадтаанам̣ д̇а-бажжаяад̇т̇о. кзд̇д̇ам̣ бана буб̣б̣ан̣н̣авирууханадтаанам̣, вад̇т̇у абаран̣н̣авирууханадтаанам̣.

    Gāthāyaṃ khettanti khipīyanti bījāni ettha ṭhāneti khettaṃ. Khipantānaṃ janānaṃ khipanakiriyā khipa-dhātuyā mukhyattho, khipanakiriyājanako cittuppādo phalūpacārattho, tassa cittuppādassa upanissayapaccayabhūtassa kedārassa viruḷhāpanasatti phalūpacārattho, iti-saddena sā viruḷhāpanasattiyeva parāmasīyati, tassā sattiyā patiṭṭhaṃ kedārasaṅkhātaṃ ṭhānaṃ ta-paccayattho. Esa nayo tīsu piṭakesu evarūpesu ca vacanatthesu yathārahaṃ nīharitvā gahetabbo. Vapanti patiṭṭhahanti etthāti vatthu. Aparaṇṇādīnaṃ patiṭṭhahanaṃ vapa-dhātuyā mukhyattho, ṭhānassa patiṭṭhāpanasatti phalūpacārattho, iti-saddena sā patiṭṭhāpanasatti parāmasīyati. Tassā sattiyā patiṭṭhaṭṭhānaṃ ta-paccayattho. Khettaṃ pana pubbaṇṇavirūhanaṭṭhānaṃ, vatthu aparaṇṇavirūhanaṭṭhānaṃ.

    хинод̇и бавад̇д̇ад̇и бийд̇исоманассанд̇и хи, гим̣ д̇ам̣? бийд̇исоманассам̣, раад̇и бавад̇д̇зд̇и ж̇аад̇аруубанд̇и рам̣, гим̣ д̇ам̣? ж̇аад̇аруубам̣, хим̣ ранд̇и хирам̣, д̣̇уд̇ияаад̇аббурисасамаасо. н̃аабзд̇и д̇осзд̇ийд̇и н̃ам̣, гим̣ д̇ам̣? ж̇аад̇аруубам̣. хирам̣ худ̇ваа н̃ам̣ хиран̃н̃ам̣, бавад̇д̇амаанам̣ бийд̇исоманассам̣ бавад̇д̇зд̇ваа ж̇анз висзсзна д̇осзд̇ийд̇и ад̇т̇о г̇ахзд̇аб̣б̣о. ваа-сад̣̇д̣̇о вуд̇д̇аавуд̇д̇ад̇т̇асамужжаяад̇т̇о. г̇ажчанд̇и висзсзнаад̇и г̇ааво, рад̇д̇инд̣̇ивам̣ асанд̇и бхагканд̇и висзсзнаад̇и ассаа, г̇ааво жа ассаа жа г̇аваассам̣. д̣̇аад̇аб̣б̣ам̣ батамам̣ д̣̇знд̇ийд̇и д̣̇аа, асанд̇и бхагканд̇ийд̇и асаа, д̣̇ад̇ваа асаа д̣̇аасаа , саамигаанам̣ д̣̇аад̇аб̣б̣ам̣ батамам̣ д̣̇ад̇ваа бажчаа асанд̇и бхагканд̇ийд̇и ад̇т̇о. саамигзхи ваа д̣̇иннам̣ асанд̇и бхагканд̇ийд̇и д̣̇аасаа, д̣̇угкзна гасирзна асанд̇и бавад̇д̇анд̇ийд̇и ваа д̣̇аасаа,. маад̇аабид̇уунам̣ хад̣̇аяам̣ бурзнд̇ийд̇и бурисаа, бурам̣ хид̇ам̣ ваа исанд̇и г̇авзсанд̇ийд̇и бурисаа. б̣уд̣̇д̇хабажжзгаб̣уд̣̇д̇хажаггавад̇д̇ибхаавам̣ бурзд̇и гамманд̇и бурам̣, гим̣ д̇ам̣? б̣алавагаммам̣, бурам̣ исанд̇и сийлзнаад̇и ваа бурисаа. бурисаа зва хи саммаасамб̣уд̣̇д̇хабажжзгаб̣уд̣̇д̇хажаггавад̇д̇ибхаавам̣ г̇ажчанд̇и. ‘‘бури ужжадтаанз сзнд̇ийд̇и ваа бурисаа. бурисаа хи маад̇уунам̣ бид̇удтаанз тид̇аа’’д̇и имз важанад̇т̇аа вуд̇д̇аббагаараа яуд̇д̇ааязва ад̇т̇асамбхавад̇о. д̣̇аасаа жа бурисаа жа д̣̇аасаборисам̣, маж̇жхз вуд̣̇д̇хи. зд̇т̇а жа д̣̇аасаг̇г̇ахан̣зна д̣̇аасийби г̇ахид̇аа. д̣̇аасаа д̣̇уггадаж̇анаа, бурисаа сукид̇аж̇анаад̇и висзсо д̣̇адтаб̣б̣о. танд̇и бад̇идтаханд̇и зд̇т̇а маад̇уг̇аамз буд̇д̇ад̇хийд̇аад̇и т̇ияо. нарасад̣̇д̣̇асса виг̇г̇ахад̇т̇о хздтаа вуд̇д̇ова.

    Hinoti pavattati pītisomanassanti hi, kiṃ taṃ? Pītisomanassaṃ, rāti pavatteti jātarūpanti raṃ, kiṃ taṃ? Jātarūpaṃ, hiṃ ranti hiraṃ, dutiyātappurisasamāso. Ñāpeti tosetīti ñaṃ, kiṃ taṃ? Jātarūpaṃ. Hiraṃ hutvā ñaṃ hiraññaṃ, pavattamānaṃ pītisomanassaṃ pavattetvā jane visesena tosetīti attho gahetabbo. Vā-saddo vuttāvuttatthasamuccayattho. Gacchanti visesenāti gāvo, rattindivaṃ asanti bhakkhanti visesenāti assā, gāvo ca assā ca gavāssaṃ. Dātabbaṃ paṭhamaṃ dentīti dā, asanti bhakkhantīti asā, datvā asā dāsā, sāmikānaṃ dātabbaṃ paṭhamaṃ datvā pacchā asanti bhakkhantīti attho. Sāmikehi vā dinnaṃ asanti bhakkhantīti dāsā, dukkhena kasirena asanti pavattantīti vā dāsā,. Mātāpitūnaṃ hadayaṃ purentīti purisā, puraṃ hitaṃ vā isanti gavesantīti purisā. Buddhapaccekabuddhacakkavattibhāvaṃ pureti kammanti puraṃ, kiṃ taṃ? Balavakammaṃ, puraṃ isanti sīlenāti vā purisā. Purisā eva hi sammāsambuddhapaccekabuddhacakkavattibhāvaṃ gacchanti. ‘‘Puri uccaṭṭhāne sentīti vā purisā. Purisā hi mātūnaṃ pituṭṭhāne ṭhitā’’ti ime vacanatthā vuttappakārā yuttāyeva atthasambhavato. Dāsā ca purisā ca dāsaporisaṃ, majjhe vuddhi. Ettha ca dāsaggahaṇena dāsīpi gahitā. Dāsā dukkaṭajanā, purisā sukhitajanāti viseso daṭṭhabbo. Ṭhanti patiṭṭhahanti ettha mātugāme puttadhītāti thiyo. Narasaddassa viggahattho heṭṭhā vuttova.

    згад̣̇зсо д̣̇оманассасан̇каад̇о аад̣̇ийнаво ид̇ха баал̣иг̇аат̇ааяам̣ ааг̇ад̇од̇и аажариязна вибхад̇д̇о, амхзхи жа н̃аад̇о, ‘‘д̣̇угкасан̇каад̇о аад̣̇ийнаво гад̇т̇а баал̣ияам̣ ааг̇ад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо аад̣̇ийнаво? аб̣алаа нам̣ б̣алийяанд̇ий’’д̇иаад̣̇и аарад̣̇д̇хам̣. ат̇а ваа ‘‘д̇ад̇т̇а гад̇амо аад̣̇ийнаво? аб̣алаа нам̣ б̣алийяанд̇ий’’д̇иаад̣̇и гасмаа звам̣ аарад̣̇д̇хам̣, нану ‘‘д̇ад̇т̇а гад̇амо аад̣̇ийнаво? д̇асса жз гаамаяаанассаа’’д̇иаад̣̇инаа аад̣̇ийнаво вибхад̇д̇од̇и? сажжам̣, аад̣̇ийнаво бана б̣ахувид̇хо д̣̇угкад̣̇оманассаад̣̇ивасзна, д̇асмим̣ б̣ахувид̇хз аад̣̇ийнавз згад̣̇зсо д̣̇оманассасан̇каад̇о аад̣̇ийнаво буб̣б̣з вибхад̇д̇о, ид̣̇аани д̣̇угкасан̇каад̇ам̣ аад̣̇ийнавам̣ вибхаж̇ид̇ум̣ ‘‘д̇ад̇т̇а гад̇амо аад̣̇ийнаво? аб̣алаа нам̣ б̣алийяанд̇ий’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇иаад̣̇иг̇аат̇ааяам̣ нид̣̇д̣̇идтзсу д̣̇угкад̣̇оманассаад̣̇ийсу аад̣̇ийнавзсу гад̇амо аад̣̇ийнаво д̇ад̇т̇а д̇зсу баал̣ид̇хаммзсу гад̇т̇а баал̣ид̇хаммз ааг̇ад̇од̇и бужчид̇ваа –

    Ekadeso domanassasaṅkhāto ādīnavo idha pāḷigāthāyaṃ āgatoti ācariyena vibhatto, amhehi ca ñāto, ‘‘dukkhasaṅkhāto ādīnavo kattha pāḷiyaṃ āgato’’ti pucchitabbattā ‘‘tattha katamo ādīnavo? Abalā naṃ balīyantī’’tiādi āraddhaṃ. Atha vā ‘‘tattha katamo ādīnavo? Abalā naṃ balīyantī’’tiādi kasmā evaṃ āraddhaṃ, nanu ‘‘tattha katamo ādīnavo? Tassa ce kāmayānassā’’tiādinā ādīnavo vibhattoti? Saccaṃ, ādīnavo pana bahuvidho dukkhadomanassādivasena, tasmiṃ bahuvidhe ādīnave ekadeso domanassasaṅkhāto ādīnavo pubbe vibhatto, idāni dukkhasaṅkhātaṃ ādīnavaṃ vibhajituṃ ‘‘tattha katamo ādīnavo? Abalā naṃ balīyantī’’tiādi āraddhaṃ. Tattha tatthāti tassaṃ ‘‘assādādīnavatā’’tiādigāthāyaṃ niddiṭṭhesu dukkhadomanassādīsu ādīnavesu katamo ādīnavo tattha tesu pāḷidhammesu kattha pāḷidhamme āgatoti pucchitvā –

    ‘‘аб̣алаа нам̣ б̣алийяанд̇и, мад̣̇д̣̇анд̇знам̣ бариссаяаа;

    ‘‘Abalā naṃ balīyanti, maddantenaṃ parissayā;

    д̇ад̇о нам̣ д̣̇угкаманвзд̇и, наавам̣ бхиннамивод̣̇ага’’нд̇и. (су. ни. 776; махаани. 5) –

    Tato naṃ dukkhamanveti, nāvaṃ bhinnamivodaka’’nti. (su. ni. 776; mahāni. 5) –

    ид̇ха баал̣иг̇аат̇ааяам̣ яо д̣̇угкасан̇каад̇о згад̣̇зсо аад̣̇ийнаво ааг̇ад̇о, со аяам̣ д̣̇угкасан̇каад̇о згад̣̇зсо аад̣̇ийнаво д̣̇зсанаахаарасса висаяод̇и.

    Idha pāḷigāthāyaṃ yo dukkhasaṅkhāto ekadeso ādīnavo āgato, so ayaṃ dukkhasaṅkhāto ekadeso ādīnavo desanāhārassa visayoti.

    г̇аат̇ааяам̣ над̇т̇и б̣алам̣ зд̇зсам̣ гилзсаананд̇и аб̣алаа. гасмаа гилзсаа аб̣алаа хонд̇ийд̇и? гусалзхи бахаад̇аб̣б̣ад̇д̇аа. наранд̇и кзд̇д̇аад̣̇игаамз ануг̇иж̇жханд̇ам̣ нарам̣, сад̣̇д̇хааб̣алаад̣̇ивирахад̇о ваа аб̣алам̣ д̇ам̣ нарам̣ б̣алийяанд̇и абхибхаванд̇и. гин̃жааби гилзсаа гусалзхи бахаад̇аб̣б̣ад̇д̇аа аб̣алаа хонд̇и, д̇ат̇ааби гаамамануг̇иж̇жханд̇ам̣ сад̣̇д̇хааб̣алаад̣̇ивирахид̇ам̣ абхибхавид̇ум̣ самад̇т̇аа бхаванд̇и. мад̣̇д̣̇анд̇знам̣ бариссаяаад̇и гаамаг̇ид̣̇д̇хам̣ гаамз бариязсанд̇ам̣, гаамам̣ рагканд̇ан̃жа знам̣ нарам̣ бари саманд̇ад̇о барибийл̣зд̇ваа аяанд̇и бавад̇д̇анд̇ийд̇и бариссаяаа, сийхаб̣яаг̇гхаад̣̇аяо жзва гааяад̣̇ужжарид̇аад̣̇аяо жа мад̣̇д̣̇анд̇и. д̇ад̇о д̇зхи бариссаязхи абхибхууд̇ам̣ нам̣ нарам̣ ж̇аад̇иаад̣̇ид̣̇угкам̣ анвзд̇и ануг̇ажчад̇и. гимива анвзд̇и? уд̣̇агам̣ бхиннанаавам̣ анвзд̇и ива, звам̣ анвзд̇ийд̇и ад̇т̇о.

    Gāthāyaṃ natthi balaṃ etesaṃ kilesānanti abalā. Kasmā kilesā abalā hontīti? Kusalehi pahātabbattā. Naranti khettādikāme anugijjhantaṃ naraṃ, saddhābalādivirahato vā abalaṃ taṃ naraṃ balīyanti abhibhavanti. Kiñcāpi kilesā kusalehi pahātabbattā abalā honti, tathāpi kāmamanugijjhantaṃ saddhābalādivirahitaṃ abhibhavituṃ samatthā bhavanti. Maddantenaṃ parissayāti kāmagiddhaṃ kāme pariyesantaṃ, kāmaṃ rakkhantañca enaṃ naraṃ pari samantato paripīḷetvā ayanti pavattantīti parissayā, sīhabyagghādayo ceva kāyaduccaritādayo ca maddanti. Tato tehi parissayehi abhibhūtaṃ naṃ naraṃ jātiādidukkhaṃ anveti anugacchati. Kimiva anveti? Udakaṃ bhinnanāvaṃ anveti iva, evaṃ anvetīti attho.

    згад̣̇зсам̣ маг̇г̇асан̇каад̇ам̣ ниссаран̣ам̣ ид̇ха баал̣иг̇аат̇ааяам̣ ааг̇ад̇анд̇и аажариязна вибхад̇д̇ам̣, амхзд̇и жа вин̃н̃аад̇ам̣, ‘‘ниб̣б̣аанасан̇каад̇ам̣ згад̣̇зсам̣ ниссаран̣ам̣ гад̇т̇а баал̣ид̇хаммз ааг̇ад̇а’’нд̇и бужчид̇аб̣б̣ад̇д̇аа ‘‘д̇ад̇т̇а гад̇амам̣ ниссаран̣ам̣? д̇асмаа ж̇анд̇у сад̣̇аа сад̇о’’д̇иаад̣̇и аарад̣̇д̇хам̣. ат̇а ваа ‘‘д̇ад̇т̇а гад̇амам̣ ниссаран̣ам̣? д̇асмаа ж̇анд̇у сад̣̇аа сад̇о’’д̇иаад̣̇и гасмаа звам̣ аарад̣̇д̇хам̣, нану ‘‘д̇ад̇т̇а гад̇амам̣ ниссаран̣ам̣? яо гаамз бариваж̇ж̇зд̇ий’’д̇иаад̣̇инаа ниссаран̣ам̣ вибхад̇д̇анд̇и? сажжам̣, ниссаран̣ам̣ бана д̣̇увид̇хам̣ маг̇г̇аниб̣б̣аанавасзна, д̇ад̇т̇а д̣̇увид̇хз ниссаран̣з маг̇г̇асан̇каад̇ам̣ ниссаран̣ам̣ буб̣б̣з вибхад̇д̇ам̣, ид̣̇аани ниб̣б̣аанасан̇каад̇ам̣ ниссаран̣ам̣ вибхаж̇ид̇ум̣ ‘‘д̇ад̇т̇а гад̇амам̣ ниссаран̣ам̣? д̇асмаа ж̇анд̇у сад̣̇аа сад̇о’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇иаад̣̇иг̇аат̇ааяам̣ нид̣̇д̣̇идтзсу маг̇г̇аниб̣б̣аанзсу ниссаран̣зсу згад̣̇зсам̣ ниб̣б̣аанасан̇каад̇ам̣ ниссаран̣ам̣ д̇ад̇т̇а д̇зсу баал̣ид̇хаммзсу гад̇т̇а баал̣ид̇хаммз ааг̇ад̇анд̇и бужчид̇ваа –

    Ekadesaṃ maggasaṅkhātaṃ nissaraṇaṃ idha pāḷigāthāyaṃ āgatanti ācariyena vibhattaṃ, amheti ca viññātaṃ, ‘‘nibbānasaṅkhātaṃ ekadesaṃ nissaraṇaṃ kattha pāḷidhamme āgata’’nti pucchitabbattā ‘‘tattha katamaṃ nissaraṇaṃ? Tasmā jantu sadā sato’’tiādi āraddhaṃ. Atha vā ‘‘tattha katamaṃ nissaraṇaṃ? Tasmā jantu sadā sato’’tiādi kasmā evaṃ āraddhaṃ, nanu ‘‘tattha katamaṃ nissaraṇaṃ? Yo kāme parivajjetī’’tiādinā nissaraṇaṃ vibhattanti? Saccaṃ, nissaraṇaṃ pana duvidhaṃ magganibbānavasena, tattha duvidhe nissaraṇe maggasaṅkhātaṃ nissaraṇaṃ pubbe vibhattaṃ, idāni nibbānasaṅkhātaṃ nissaraṇaṃ vibhajituṃ ‘‘tattha katamaṃ nissaraṇaṃ? Tasmā jantu sadā sato’’tiādi āraddhaṃ. Tattha tatthāti tassaṃ ‘‘assādādīnavatā’’tiādigāthāyaṃ niddiṭṭhesu magganibbānesu nissaraṇesu ekadesaṃ nibbānasaṅkhātaṃ nissaraṇaṃ tattha tesu pāḷidhammesu kattha pāḷidhamme āgatanti pucchitvā –

    ‘‘д̇асмаа ж̇анд̇у сад̣̇аа сад̇о, гаамаани бариваж̇ж̇аяз;

    ‘‘Tasmā jantu sadā sato, kāmāni parivajjaye;

    д̇з бахааяа д̇арз огхам̣, наавам̣ сид̇ваава баараг̇уу’’д̇и. –

    Te pahāya tare oghaṃ, nāvaṃ sitvāva pāragū’’ti. –

    ид̇ха баал̣иг̇аат̇ааяам̣ яам̣ ниб̣б̣аанасан̇каад̇ам̣ ниссаран̣ам̣ ааг̇ад̇ам̣, ид̣̇ам̣ ниссаран̣ам̣ д̣̇зсанаахаарасса висаяанд̇и.

    Idha pāḷigāthāyaṃ yaṃ nibbānasaṅkhātaṃ nissaraṇaṃ āgataṃ, idaṃ nissaraṇaṃ desanāhārassa visayanti.

    г̇аат̇ааяам̣ д̇асмаад̇и яасмаа гаамаг̇ид̣̇д̇хам̣ нарам̣ д̣̇угкам̣ анвзд̇и, д̇асмаа ж̇анд̇у сад̣̇аа саб̣б̣агаалз буб̣б̣арад̇д̇аабарарад̇д̇з ж̇ааг̇арияаануяог̇зна сад̇о сад̇исамбанно худ̇ваа гаамаани гилзсагаамз вигкамбханавасзна ваа самужчзд̣̇авасзна ваа бариваж̇ж̇аяз бариж̇ахзяяа. д̇з гаамз арияамаг̇г̇зна бахааяа жад̇уб̣б̣ид̇хам̣ огхам̣ д̇арзяяа д̇арид̇ум̣ саггун̣зяяа. го д̇арад̇и ива д̇арзяяа? нааваасаамиго наавам̣ яам̣ бависанд̇ам̣ уд̣̇агам̣ сид̇ваа б̣ахи син̃жид̇ваа лахугааяа наавааяа аббагасирзна д̇арид̇ваа баараг̇уу баарам̣ г̇ажчад̇и ива, звам̣ ад̇д̇ани бавад̇д̇ам̣ гилзсууд̣̇агам̣ син̃жид̇ваа арияамаг̇г̇зна нийхарид̇ваа лахугзна ад̇д̇абхаавзна анубаад̣̇исзсааяа ниб̣б̣аанад̇хаад̇уяаа ниб̣б̣аанзна баарам̣ ниб̣б̣аанам̣ санд̇им̣ г̇ажчзяяаад̇и ад̇т̇о. ид̣̇ам̣ ниб̣б̣аанам̣ гасмаа ниссаран̣ам̣ ход̇и? саб̣б̣асан̇кад̇аниссаран̣ад̇о ниссаран̣ам̣ наама.

    Gāthāyaṃ tasmāti yasmā kāmagiddhaṃ naraṃ dukkhaṃ anveti, tasmā jantu sadā sabbakāle pubbarattāpararatte jāgariyānuyogena sato satisampanno hutvā kāmāni kilesakāme vikkhambhanavasena vā samucchedavasena vā parivajjaye parijaheyya. Te kāme ariyamaggena pahāya catubbidhaṃ oghaṃ tareyya tarituṃ sakkuṇeyya. Ko tarati iva tareyya? Nāvāsāmiko nāvaṃ yaṃ pavisantaṃ udakaṃ sitvā bahi siñcitvā lahukāya nāvāya appakasirena taritvā pāragū pāraṃ gacchati iva, evaṃ attani pavattaṃ kilesūdakaṃ siñcitvā ariyamaggena nīharitvā lahukena attabhāvena anupādisesāya nibbānadhātuyā nibbānena pāraṃ nibbānaṃ santiṃ gaccheyyāti attho. Idaṃ nibbānaṃ kasmā nissaraṇaṃ hoti? Sabbasaṅkhatanissaraṇato nissaraṇaṃ nāma.

    ид̣̇ам̣ ниссаран̣ам̣ ид̇ха баал̣ид̇хаммз ааг̇ад̇анд̇и аажариязна вибхад̇д̇ам̣, амхзхи жа вин̃н̃аад̇ам̣, ‘‘гад̇амам̣ палам̣ гад̇т̇а баал̣ид̇хаммз ааг̇ад̇а’’нд̇и бужчид̇аб̣б̣ад̇д̇аа ‘‘д̇ад̇т̇а гад̇амам̣ палам̣? д̇хаммо хавз рагкад̇и д̇хаммажаари’’нд̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇иаад̣̇иг̇аат̇ааяам̣ нид̣̇д̣̇идтзсу рагкананибпаад̣̇анамажжуд̇аран̣аад̣̇ийсу палзсу гад̇амам̣ палам̣ д̇ад̇т̇а д̇зсу баал̣ид̇хаммзсу гад̇т̇а баал̣ид̇хаммз ааг̇ад̇анд̇и бужчид̇ваа –

    Idaṃ nissaraṇaṃ idha pāḷidhamme āgatanti ācariyena vibhattaṃ, amhehi ca viññātaṃ, ‘‘katamaṃ phalaṃ kattha pāḷidhamme āgata’’nti pucchitabbattā ‘‘tattha katamaṃ phalaṃ? Dhammo have rakkhati dhammacāri’’ntiādi āraddhaṃ. Tattha tatthāti tassaṃ ‘‘assādādīnavatā’’tiādigāthāyaṃ niddiṭṭhesu rakkhananipphādanamaccutaraṇādīsu phalesu katamaṃ phalaṃ tattha tesu pāḷidhammesu kattha pāḷidhamme āgatanti pucchitvā –

    ‘‘д̇хаммо хавз рагкад̇и д̇хаммажаарим̣, чад̇д̇ам̣ маханд̇ам̣ яат̇а вассагаалз;

    ‘‘Dhammo have rakkhati dhammacāriṃ, chattaṃ mahantaṃ yatha vassakāle;

    зсаанисам̣со д̇хаммз сужин̣н̣з, на д̣̇уг̇г̇ад̇им̣ г̇ажчад̇и д̇хаммажаарий’’д̇и. (су. ни. 102, 103) –

    Esānisaṃso dhamme suciṇṇe, na duggatiṃ gacchati dhammacārī’’ti. (su. ni. 102, 103) –

    ид̇ха баал̣иг̇аат̇ааяам̣ яам̣ анад̇т̇зхи д̇хаммасса рагканапалам̣ ааг̇ад̇ам̣, рагкааваханасса аб̣бхуд̣̇аяасса яан̃жа нибпаад̣̇анам̣ палам̣ ааг̇ад̇ам̣, ид̣̇ам̣ рагкананибпаад̣̇анам̣ палам̣ д̣̇зсанаахаарасса висаяанд̇и.

    Idha pāḷigāthāyaṃ yaṃ anatthehi dhammassa rakkhanaphalaṃ āgataṃ, rakkhāvahanassa abbhudayassa yañca nipphādanaṃ phalaṃ āgataṃ, idaṃ rakkhananipphādanaṃ phalaṃ desanāhārassa visayanti.

    г̇аат̇ааяам̣ д̇хаммод̇и язна буг̇г̇алзна яо д̣̇аанаад̣̇иббабхзд̣̇о бун̃н̃ад̇хаммо ниб̣б̣ад̇д̇ид̇о, со д̇хаммо. д̇хаммажаарим̣ д̇хамманиб̣б̣ад̇д̇агам̣ д̇ам̣ буг̇г̇алам̣ анад̇т̇зхи рагкад̇и. гимива? вассагаалз д̣̇звз вассанд̇з сад̇и маханд̇ам̣ гусалзна д̇хаарзд̇аб̣б̣ам̣ чад̇д̇ам̣ д̇хаарзнд̇ам̣ гусалам̣ д̇ам̣ ж̇анам̣ вассад̇зманад̇о рагкад̇и яат̇аа, звам̣ рагкид̇аб̣б̣о д̇хаммоби ад̇д̇асаммаабан̣ид̇хаанзна аббамад̇д̇о худ̇ваа судту д̇хаммам̣ рагканд̇ам̣язва рагкад̇и, д̇аад̣̇исо д̇хаммажаарийязва д̣̇уг̇г̇ад̇им̣ на г̇ажчад̇и. зсо аанисам̣со сужин̣н̣з сужин̣н̣асса д̇хаммз д̇хаммасса аанисам̣сод̇и ад̇т̇о.

    Gāthāyaṃ dhammoti yena puggalena yo dānādippabhedo puññadhammo nibbattito, so dhammo. Dhammacāriṃ dhammanibbattakaṃ taṃ puggalaṃ anatthehi rakkhati. Kimiva? Vassakāle deve vassante sati mahantaṃ kusalena dhāretabbaṃ chattaṃ dhārentaṃ kusalaṃ taṃ janaṃ vassatemanato rakkhati yathā, evaṃ rakkhitabbo dhammopi attasammāpaṇidhānena appamatto hutvā suṭṭhu dhammaṃ rakkhantaṃyeva rakkhati, tādiso dhammacārīyeva duggatiṃ na gacchati. Eso ānisaṃso suciṇṇe suciṇṇassa dhamme dhammassa ānisaṃsoti attho.

    згад̣̇зсам̣ палам̣ ид̇ха баал̣ид̇хаммз ааг̇ад̇анд̇и аажариязна вибхад̇д̇ам̣, амхзхи жа н̃аад̇ам̣, ‘‘гад̇амо убааяо гад̇т̇а баал̣ияам̣ ааг̇ад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо убааяо? саб̣б̣з сан̇каараа анижжаа’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇иаад̣̇иг̇аат̇ааяам̣ нид̣̇д̣̇идтзсу вибассанаабуб̣б̣ан̇г̇аманиб̣б̣ид̣̇аад̣̇ийсу убааязсу гад̇амо убааяо д̇ад̇т̇а д̇зсу баал̣ид̇хаммзсу гад̇т̇а баал̣ид̇хаммз ааг̇ад̇од̇и бужчид̇ваа –

    Ekadesaṃ phalaṃ idha pāḷidhamme āgatanti ācariyena vibhattaṃ, amhehi ca ñātaṃ, ‘‘katamo upāyo kattha pāḷiyaṃ āgato’’ti pucchitabbattā ‘‘tattha katamo upāyo? Sabbe saṅkhārā aniccā’’tiādi āraddhaṃ. Tattha tatthāti tassaṃ ‘‘assādādīnavatā’’tiādigāthāyaṃ niddiṭṭhesu vipassanāpubbaṅgamanibbidādīsu upāyesu katamo upāyo tattha tesu pāḷidhammesu kattha pāḷidhamme āgatoti pucchitvā –

    ‘‘саб̣б̣з сан̇каараа ‘анижжаа’д̇и…бз…;

    ‘‘Sabbe saṅkhārā ‘aniccā’ti…pe…;

    саб̣б̣з д̇хаммаа ‘анад̇д̇аа’д̇и, яад̣̇аа бан̃н̃ааяа бассад̇ий’’д̇и. (д̇ха. ба. 277-279) –

    Sabbe dhammā ‘anattā’ti, yadā paññāya passatī’’ti. (dha. pa. 277-279) –

    ид̇ха баал̣иг̇аат̇аасу яо вибассанаабуб̣б̣ан̇г̇аманиб̣б̣ид̣̇аан̃аан̣асан̇каад̇о висуд̣̇д̇хияаа ад̇хиг̇амахзд̇убхаавад̇о маг̇г̇о ааг̇ад̇о, аяам̣ убааяо д̣̇зсанаахаарасса висаяод̇и.

    Idha pāḷigāthāsu yo vipassanāpubbaṅgamanibbidāñāṇasaṅkhāto visuddhiyā adhigamahetubhāvato maggo āgato, ayaṃ upāyo desanāhārassa visayoti.

    г̇аат̇аасу саб̣б̣з ниравасзсаа гаммажид̇д̇од̇уаахаарзхи сан̇карид̇аа сан̇кад̇асан̇каараа худ̇ваа абхаавадтзна анижжаа ид̇и яад̣̇аа бан̃н̃ааяа бассад̇и, ат̇а анижжз д̣̇угкасабхаавз ниб̣б̣инд̣̇ад̇и, зсо вибассанаабуб̣б̣ан̇г̇амо ниб̣б̣инд̣̇анан̃аан̣асан̇каад̇о д̇хаммо висуд̣̇д̇хияаа маг̇г̇од̇и. ‘‘саб̣б̣з сан̇каараа анижжаа’’д̇иаад̣̇ийсу сан̇каараанам̣ сан̇кад̇ад̇хаммабхааво бажжаяаагааравибхан̇г̇адтагат̇ааяам̣ (вибха. адта. 226 сан̇каарабад̣̇анид̣̇д̣̇зса) вуд̇д̇ова, д̇ам̣ вибхан̇г̇адтагат̇ам̣ анологзд̇ваа згажжз аажарияаа ‘‘вибассанаан̃аан̣аарамман̣ад̇д̇аа д̇збхуумагад̇хаммааязваа’’д̇и вад̣̇анд̇и, звам̣ сад̇и маг̇г̇апалад̇хаммаанам̣ нижжаад̣̇ибхааво бхавзяяа, д̇асмаа вибхан̇г̇адтагат̇аануруубова ад̇т̇о д̣̇адтаб̣б̣о. д̣̇угкаад̇и д̣̇угкад̣̇угкавибарин̣аамад̣̇угкасан̇каарад̣̇угкабхаавзна д̣̇угкаа. анад̇д̇аад̇и нижжасаарасукасаараад̇д̇асаарарахид̇ад̇д̇аа асаарагадтзна анад̇д̇аа, авасавад̇д̇анадтзна ваа анад̇д̇аа.

    Gāthāsu sabbe niravasesā kammacittotuāhārehi saṅkharitā saṅkhatasaṅkhārā hutvā abhāvaṭṭhena aniccā iti yadā paññāya passati, atha anicce dukkhasabhāve nibbindati, eso vipassanāpubbaṅgamo nibbindanañāṇasaṅkhāto dhammo visuddhiyā maggoti. ‘‘Sabbe saṅkhārā aniccā’’tiādīsu saṅkhārānaṃ saṅkhatadhammabhāvo paccayākāravibhaṅgaṭṭhakathāyaṃ (vibha. aṭṭha. 226 saṅkhārapadaniddesa) vuttova, taṃ vibhaṅgaṭṭhakathaṃ anoloketvā ekacce ācariyā ‘‘vipassanāñāṇārammaṇattā tebhūmakadhammāyevā’’ti vadanti, evaṃ sati maggaphaladhammānaṃ niccādibhāvo bhaveyya, tasmā vibhaṅgaṭṭhakathānurūpova attho daṭṭhabbo. Dukkhāti dukkhadukkhavipariṇāmadukkhasaṅkhāradukkhabhāvena dukkhā. Anattāti niccasārasukhasāraattasārarahitattā asārakaṭṭhena anattā, avasavattanaṭṭhena vā anattā.

    згад̣̇зсо убааяо ид̇ха баал̣ид̇хаммз ааг̇ад̇од̇и аажариязна вибхад̇д̇о, амхзхи жа н̃аад̇о, ‘‘гад̇амаа аан̣ад̇д̇и гад̇т̇а баал̣ид̇хаммз ааг̇ад̇аа’’д̇и бужчид̇аб̣б̣ад̇д̇аа ‘‘д̇ад̇т̇а гад̇амаа аан̣ад̇д̇и? жагкумаа висамаанийваа’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇ассам̣ ‘‘ассаад̣̇аад̣̇ийнавад̇аа’’д̇иаад̣̇иг̇аат̇ааяам̣ нид̣̇д̣̇идтаасу баабад̣̇ужжарид̇абариваж̇ж̇анаан̣ад̇д̇игаляаан̣асужарид̇ажаран̣аан̣ад̇д̇иаад̣̇ийсу гад̇амаан̣ад̇д̇и д̇ад̇т̇а д̇зсу баал̣ид̇хаммзсу гад̇т̇а баал̣ид̇хаммз ааг̇ад̇аад̇и бужчид̇ваа –

    Ekadeso upāyo idha pāḷidhamme āgatoti ācariyena vibhatto, amhehi ca ñāto, ‘‘katamā āṇatti kattha pāḷidhamme āgatā’’ti pucchitabbattā ‘‘tattha katamā āṇatti? Cakkhumā visamānīvā’’tiādi āraddhaṃ. Tattha tatthāti tassaṃ ‘‘assādādīnavatā’’tiādigāthāyaṃ niddiṭṭhāsu pāpaduccaritaparivajjanāṇattikalyāṇasucaritacaraṇāṇattiādīsu katamāṇatti tattha tesu pāḷidhammesu kattha pāḷidhamme āgatāti pucchitvā –

    ‘‘жагкумаа висамаанийва, виж̇ж̇амаанз бараггамз;

    ‘‘Cakkhumā visamānīva, vijjamāne parakkame;

    бан̣д̣ид̇о ж̇ийвалогасмим̣, баабаани бариваж̇ж̇аяз’’д̇и. (уд̣̇аа. 43) –

    Paṇḍito jīvalokasmiṃ, pāpāni parivajjaye’’ti. (udā. 43) –

    ид̇ха баал̣ид̇хаммз яаа баабад̣̇ужжарид̇абариваж̇ж̇анаан̣ад̇д̇и ааг̇ад̇аа, аяам̣ баабад̣̇ужжарид̇абариваж̇ж̇анаан̣ад̇д̇и д̣̇зсанаахаарасса висаяаад̇и.

    Idha pāḷidhamme yā pāpaduccaritaparivajjanāṇatti āgatā, ayaṃ pāpaduccaritaparivajjanāṇatti desanāhārassa visayāti.

    г̇аат̇ааяам̣ жагкумаа бурисо виж̇ж̇амаанз бараггамз аавахид̇ам̣ сарийрам̣ ааваханд̇ова худ̇ваа висамаани бхуумиббад̣̇зсаани ваа висамз хад̇т̇иаад̣̇аяо ваа бариваж̇ж̇зд̇и ива, звам̣ ж̇ийвалогасмим̣ бан̣д̣ид̇о баабаани лаамагаани д̣̇ужжарид̇аани бариваж̇ж̇зд̇и. аан̣ад̇д̇и наама аан̣аарахасса д̇хаммарааж̇асса бхаг̇авад̇о аан̣аа, саа б̣ахувид̇хаа, д̇асмаа ‘‘гарзяяа галяаан̣а’’нд̇иаад̣̇иг̇аат̇ааяам̣ сужарид̇ажаран̣аа аан̣ад̇д̇и.

    Gāthāyaṃ cakkhumā puriso vijjamāne parakkame āvahitaṃ sarīraṃ āvahantova hutvā visamāni bhūmippadesāni vā visame hatthiādayo vā parivajjeti iva, evaṃ jīvalokasmiṃ paṇḍito pāpāni lāmakāni duccaritāni parivajjeti. Āṇatti nāma āṇārahassa dhammarājassa bhagavato āṇā, sā bahuvidhā, tasmā ‘‘kareyya kalyāṇa’’ntiādigāthāyaṃ sucaritacaraṇā āṇatti.

    ‘‘убзт̇а саран̣ам̣ б̣уд̣̇д̇хам̣, д̇хаммам̣ сан̇гхан̃жа д̇аад̣̇инам̣;

    ‘‘Upetha saraṇaṃ buddhaṃ, dhammaṃ saṅghañca tādinaṃ;

    самаад̣̇ияат̇а сийлаани, д̇ам̣ во ад̇т̇ааяа хзхид̇ий’’д̇и. (т̇зрийг̇аа. 249-250, 289-290) –

    Samādiyatha sīlāni, taṃ vo atthāya hehitī’’ti. (therīgā. 249-250, 289-290) –

    аад̣̇ийсу г̇аат̇аасу саран̣аг̇аманаан̣ад̇д̇исийласамаад̣̇аанаан̣ад̇д̇иаад̣̇и ааг̇ад̇аад̇и.

    Ādīsu gāthāsu saraṇagamanāṇattisīlasamādānāṇattiādi āgatāti.

    ‘‘сун̃н̃ад̇о логам̣ авзгкассуу’’д̇иаад̣̇и гасмаа звам̣ аарад̣̇д̇хам̣, нану ‘‘д̇ад̇т̇а гад̇амам̣ палам̣? д̇хаммо хавз’’д̇иаад̣̇инаа, ‘‘д̇ад̇т̇а гад̇амо убааяо? саб̣б̣з сан̇каараа’’д̇иаад̣̇инаа, ‘‘д̇ад̇т̇а гад̇амаа аан̣ад̇д̇и? жагкумаа’’д̇иаад̣̇инаа жа палуубааяаан̣ад̇д̇ияо вибхад̇д̇аад̇и? сажжам̣, висум̣ висум̣ бана суд̇д̇зсу ааг̇ад̇аа палуубааяаан̣ад̇д̇ияо вибхад̇д̇аа, ид̣̇аани згад̇о ааг̇ад̇аа палуубааяаан̣ад̇д̇ияо вибхаж̇ид̇ум̣ ‘‘сун̃н̃ад̇о логам̣ авзгкассуу’’д̇иаад̣̇и аарад̣̇д̇хам̣.

    ‘‘Suññato lokaṃ avekkhassū’’tiādi kasmā evaṃ āraddhaṃ, nanu ‘‘tattha katamaṃ phalaṃ? Dhammo have’’tiādinā, ‘‘tattha katamo upāyo? Sabbe saṅkhārā’’tiādinā, ‘‘tattha katamā āṇatti? Cakkhumā’’tiādinā ca phalūpāyāṇattiyo vibhattāti? Saccaṃ, visuṃ visuṃ pana suttesu āgatā phalūpāyāṇattiyo vibhattā, idāni ekato āgatā phalūpāyāṇattiyo vibhajituṃ ‘‘suññato lokaṃ avekkhassū’’tiādi āraddhaṃ.

    д̇ад̇т̇а сун̃н̃ад̇о логам̣ авзгкассууд̇и саб̣б̣амби сан̇кааралогам̣ ад̇д̇ад̇о сун̃н̃од̇и авасавад̇д̇ид̇аасаллагкан̣авасзна ваа д̇ужчабхаавасаманубассанавасзна ваа бассаад̇и ид̣̇ам̣ бхаг̇авад̇о важанам̣ вид̇хаанабхаавад̇о аан̣ад̇д̇и наама. нижжасаарасукасаараад̇д̇асаараад̣̇ирахид̇ад̇д̇аа ‘‘могхарааж̇аа’’д̇и аалабад̇и, сад̣̇д̇хаасийласуд̇ажааг̇аад̣̇ирахид̇ад̇д̇аа ваа могхо.

    Tattha suññato lokaṃ avekkhassūti sabbampi saṅkhāralokaṃ attato suññoti avasavattitāsallakkhaṇavasena vā tucchabhāvasamanupassanavasena vā passāti idaṃ bhagavato vacanaṃ vidhānabhāvato āṇatti nāma. Niccasārasukhasāraattasārādirahitattā ‘‘mogharājā’’ti ālapati, saddhāsīlasutacāgādirahitattā vā mogho.

    ‘‘сад̣̇аа сад̇о’’д̇и буг̇г̇алавасзна вуд̇д̇ааяа сад̇ияаа сун̃н̃ад̇аад̣̇ассанасса самбаж̇аанахзд̇убхаавад̇о сад̇иязва убааяо, на сад̇имаад̇и зд̇т̇а сад̇ийд̇и ад̇хиббааяо.

    ‘‘Sadā sato’’ti puggalavasena vuttāya satiyā suññatādassanassa sampajānahetubhāvato satiyeva upāyo, na satimāti ettha satīti adhippāyo.

    ад̇д̇аануд̣̇идтим̣ уухажжаад̇и зд̇т̇а ад̇д̇аануд̣̇идти наама ‘‘руубам̣ ад̇д̇аа, руубаваа ад̇д̇аа, руубасмим̣ ад̇д̇аа, ад̇д̇ани рууба’’нд̇иаад̣̇иббагаараа вийсад̇ивад̇т̇угаа д̣̇идти. маг̇г̇зна уухажжа самужчинд̣̇ид̇ваа звам̣ вуд̇д̇авид̇хинаа мажжуд̇аро мажжуно висаяаад̇игганд̇о сияаа бхавзяяа. зд̇т̇а яам̣ мажжувисаяам̣ д̇аран̣ам̣ ад̇иггаманам̣, д̇асса ад̇иггаманасса яан̃жа буб̣б̣абхааг̇абадибад̣̇аасамбаж̇ж̇анам̣, ид̣̇ам̣ бхаг̇авад̇о д̣̇зсанааяа палам̣ д̣̇зсанаахаарасса висаяанд̇и ад̇хиббааяо. буб̣б̣з висум̣ висум̣ палуубааяаан̣ад̇д̇ияо вибхад̇д̇ааби –

    Attānudiṭṭhiṃ ūhaccāti ettha attānudiṭṭhi nāma ‘‘rūpaṃ attā, rūpavā attā, rūpasmiṃ attā, attani rūpa’’ntiādippakārā vīsativatthukā diṭṭhi. Maggena ūhacca samucchinditvā evaṃ vuttavidhinā maccutaro maccuno visayātikkanto siyā bhaveyya. Ettha yaṃ maccuvisayaṃ taraṇaṃ atikkamanaṃ, tassa atikkamanassa yañca pubbabhāgapaṭipadāsampajjanaṃ, idaṃ bhagavato desanāya phalaṃ desanāhārassa visayanti adhippāyo. Pubbe visuṃ visuṃ phalūpāyāṇattiyo vibhattāpi –

    ‘‘сун̃н̃ад̇о логам̣ авзгкассу, могхарааж̇а сад̣̇аа сад̇о;

    ‘‘Suññato lokaṃ avekkhassu, mogharāja sadā sato;

    ад̇д̇аануд̣̇идтим̣ уухажжа, звам̣ мажжуд̇аро сияаа’’д̇и. (су. ни. 1125; махаани. 186; жуул̣ани. бин̇г̇ияамаан̣авабужчаа 144, могхарааж̇амаан̣авабужчаанид̣̇д̣̇зса 88) –

    Attānudiṭṭhiṃ ūhacca, evaṃ maccutaro siyā’’ti. (su. ni. 1125; mahāni. 186; cūḷani. piṅgiyamāṇavapucchā 144, mogharājamāṇavapucchāniddesa 88) –

    згаг̇аат̇ааяам̣ буна згад̇о вибхаж̇анад̇о палаад̣̇ийсу згад̇о д̣̇ассид̇зсу саб̣б̣ад̇т̇а суд̇д̇зсу ваа саб̣б̣ад̇т̇а г̇аат̇аасу ваа палаад̣̇аяо д̣̇ассзд̇аб̣б̣аа ассаад̣̇аад̣̇аяо вияа гад̇т̇ажи нид̣̇д̇хаарзд̇ваад̇и висзсо виж̇аанид̇аб̣б̣о. д̇знааха адтагат̇аажарияо ‘‘яат̇аа бана…бз… згад̇о уд̣̇аахаран̣ам̣ гад̇анд̇и д̣̇адтаб̣б̣а’’нд̇и (нзд̇д̇и. адта. 5).

    Ekagāthāyaṃ puna ekato vibhajanato phalādīsu ekato dassitesu sabbattha suttesu vā sabbattha gāthāsu vā phalādayo dassetabbā assādādayo viya katthaci niddhāretvāti viseso vijānitabbo. Tenāha aṭṭhakathācariyo ‘‘yathā pana…pe… ekato udāharaṇaṃ katanti daṭṭhabba’’nti (netti. aṭṭha. 5).

    6. д̣̇зсанаахаарасса висаяабхууд̇аа ассаад̣̇аад̣̇аяо ‘‘ид̇ха баал̣ид̇хаммз аяам̣ ассаад̣̇о ааг̇ад̇о, ид̇ха баал̣ид̇хаммз аяам̣ аад̣̇ийнаво ааг̇ад̇о’’д̇иаад̣̇инаа висзсад̇о нид̣̇ассанавасзна саруубад̇о аажариязна вибхад̇д̇аа, д̇з ассаад̣̇аад̣̇аяо д̇ин̣н̣ам̣ уг̇гхадид̇ан̃н̃уаад̣̇ийнам̣ буг̇г̇алаанам̣ сааман̃н̃ад̇о бхаг̇аваа гим̣ ну ко д̣̇зсзд̇и, уд̣̇ааху згасса буг̇г̇аласса яат̇аалаабхам̣ гим̣ ну д̣̇зсзд̇ийд̇и ануяог̇асса самбхавад̇о имасса буг̇г̇аласса имам̣ д̣̇зсзд̇и, имасса буг̇г̇аласса имам̣ д̣̇зсзд̇ийд̇и буг̇г̇алабхзд̣̇зна ассаад̣̇аад̣̇аяо вибхаж̇ид̇ваа д̣̇ассзд̇ум̣ ‘‘д̇ад̇т̇а бхаг̇аваа уг̇гхадид̇ан̃н̃уссаа’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇зсу ассаад̣̇аад̣̇ийсу. ниссаран̣ам̣ уг̇гхадид̇ан̃н̃усса буг̇г̇аласса бхаг̇аваа д̣̇зсзд̇и, аад̣̇ийнаван̃жа ниссаран̣ан̃жа имз д̣̇вз вибан̃жид̇ан̃н̃усса буг̇г̇аласса бхаг̇аваа д̣̇зсзд̇и, ассаад̣̇ан̃жа аад̣̇ийнаван̃жа ниссаран̣ан̃жа имз д̇аяо нзяяасса буг̇г̇аласса бхаг̇аваа д̣̇зсзд̇ийд̇и яож̇анад̇т̇о д̣̇адтаб̣б̣о.

    6. Desanāhārassa visayabhūtā assādādayo ‘‘idha pāḷidhamme ayaṃ assādo āgato, idha pāḷidhamme ayaṃ ādīnavo āgato’’tiādinā visesato nidassanavasena sarūpato ācariyena vibhattā, te assādādayo tiṇṇaṃ ugghaṭitaññuādīnaṃ puggalānaṃ sāmaññato bhagavā kiṃ nu kho deseti, udāhu ekassa puggalassa yathālābhaṃ kiṃ nu desetīti anuyogassa sambhavato imassa puggalassa imaṃ deseti, imassa puggalassa imaṃ desetīti puggalabhedena assādādayo vibhajitvā dassetuṃ ‘‘tattha bhagavā ugghaṭitaññussā’’tiādi āraddhaṃ. Tattha tatthāti tesu assādādīsu. Nissaraṇaṃ ugghaṭitaññussa puggalassa bhagavā deseti, ādīnavañca nissaraṇañca ime dve vipañcitaññussa puggalassa bhagavā deseti, assādañca ādīnavañca nissaraṇañca ime tayo neyyassa puggalassa bhagavā desetīti yojanattho daṭṭhabbo.

    адтагат̇ааяам̣ бана ‘‘звам̣ ассаад̣̇аад̣̇аяо уд̣̇аахаран̣авасзна саруубад̇о д̣̇ассзд̇ваа ид̣̇аани д̇ад̇т̇а буг̇г̇алавибхааг̇зна д̣̇зсанаавибхааг̇ам̣ д̣̇ассзд̇ум̣ ‘д̇ад̇т̇а бхаг̇аваа’д̇иаад̣̇и вуд̇д̇а’’нд̇и вуд̇д̇ам̣.

    Aṭṭhakathāyaṃ pana ‘‘evaṃ assādādayo udāharaṇavasena sarūpato dassetvā idāni tattha puggalavibhāgena desanāvibhāgaṃ dassetuṃ ‘tattha bhagavā’tiādi vutta’’nti vuttaṃ.

    д̇ад̇т̇а уг̇гхадид̇ан̃н̃уссаад̇и уг̇гхадийяад̇з бадивиж̇жхийяад̇з, табийяад̇з ваа саббабхзд̣̇о вид̇т̇ааро ад̇т̇од̇и уг̇гхадид̇о, ж̇аанаад̇ийд̇и н̃уу, уг̇гхадид̇ам̣ ад̇т̇ам̣ н̃уу уг̇гхадид̇ан̃н̃уу, уд̣̇д̣̇зсамад̇д̇знзва саббабхзд̣̇ам̣ савид̇т̇аарам̣ бадивиж̇жхид̇аб̣б̣ам̣ ад̇т̇ам̣ бадивиж̇жхад̇ийд̇и ад̇т̇о. яо буг̇г̇ало уд̣̇д̣̇зсзнзва уд̣̇д̣̇идтамад̇д̇знзва ад̇т̇ам̣ н̃ад̇ваа ад̇т̇асид̣̇д̇хиббад̇д̇о ход̇и, со уг̇гхадид̇ан̃н̃уу наама.

    Tattha ugghaṭitaññussāti ugghaṭīyate paṭivijjhīyate, ṭhapīyate vā sappabhedo vitthāro atthoti ugghaṭito, jānātīti ñū, ugghaṭitaṃ atthaṃ ñū ugghaṭitaññū, uddesamatteneva sappabhedaṃ savitthāraṃ paṭivijjhitabbaṃ atthaṃ paṭivijjhatīti attho. Yo puggalo uddeseneva uddiṭṭhamatteneva atthaṃ ñatvā atthasiddhippatto hoti, so ugghaṭitaññū nāma.

    вибан̃жийяад̇з вид̇т̇арийяад̇з ад̇т̇од̇и вибан̃жид̇о, д̇ам̣ ж̇аанаад̇ийд̇и вибан̃жид̇ан̃н̃уу. яо буг̇г̇ало нид̣̇д̣̇зсзна нид̣̇д̣̇идтамад̇д̇амзва ад̇т̇ам̣ н̃ад̇ваа ад̇т̇асид̣̇д̇хиббад̇д̇о, со вибан̃жид̇ан̃н̃уу наама.

    Vipañcīyate vittharīyate atthoti vipañcito, taṃ jānātīti vipañcitaññū. Yo puggalo niddesena niddiṭṭhamattameva atthaṃ ñatvā atthasiddhippatto, so vipañcitaññū nāma.

    бадинид̣̇д̣̇зсзна ад̇т̇о нзд̇аб̣б̣о баабзд̇аб̣б̣од̇и нзяяо. яо буг̇г̇ало бадинид̣̇д̣̇зсзна ваа бадиломзна ваа вибхад̇д̇ам̣ зва ад̇т̇ам̣ н̃ад̇ваа ад̇т̇асид̣̇д̇хиббад̇д̇о, со нзяяо наама. ниссаран̣ад̣̇зсанааязва уг̇гхадид̇ан̃н̃усса бадивзд̇хаабхисамаяо сид̣̇д̇хо ход̇и, аад̣̇ийнавад̣̇зсанааяа жзва ниссаран̣ад̣̇зсанааяа жа вибан̃жид̇ан̃н̃усса бадивзд̇хаабхисамаяо сид̣̇д̇хо ход̇и, ассаад̣̇ад̣̇зсанааяа жа аад̣̇ийнавад̣̇зсанааяа жа ниссаран̣ад̣̇зсанааяа жа нзяяасса бадивзд̇хаабхисамаяо сид̣̇д̇хо ход̇ийд̇и ад̇хиббааяо ид̇ха г̇ахзд̇аб̣б̣о.

    Paṭiniddesena attho netabbo pāpetabboti neyyo. Yo puggalo paṭiniddesena vā paṭilomena vā vibhattaṃ eva atthaṃ ñatvā atthasiddhippatto, so neyyo nāma. Nissaraṇadesanāyeva ugghaṭitaññussa paṭivedhābhisamayo siddho hoti, ādīnavadesanāya ceva nissaraṇadesanāya ca vipañcitaññussa paṭivedhābhisamayo siddho hoti, assādadesanāya ca ādīnavadesanāya ca nissaraṇadesanāya ca neyyassa paṭivedhābhisamayo siddho hotīti adhippāyo idha gahetabbo.

    бад̣̇абарамо банзд̇т̇а бадивзд̇хаабхисамаяабхаж̇анаабхаавад̇о на г̇ахид̇о. д̇асмин̃жа аг̇г̇ахид̇з ассаад̣̇о, аад̣̇ийнаво, ниссаран̣ам̣, ассаад̣̇аад̣̇ийнаваа, ассаад̣̇аниссаран̣аани, аад̣̇ийнаваниссаран̣аани, ассаад̣̇аад̣̇ийнаваниссаран̣аани жаад̇и сад̇д̇асу бадтаананаязсу д̇ад̇ияачадтасад̇д̇амаава г̇ахид̇аа, авасзсаа жад̇д̇ааро наяаа на г̇ахид̇аа. взнзяяавинаяанаабхаавад̇о хи г̇ахан̣ааг̇ахан̣ам̣ д̣̇адтаб̣б̣ам̣. взнзяяавинаяан̃жа взнзяяаанам̣ санд̇аанз арияамаг̇г̇ассуббаад̣̇анам̣, на саасанавинаяанамад̇д̇ам̣, арияамаг̇г̇уббаад̣̇анан̃жа яат̇аавуд̇д̇зхи зва д̇ийхи бад̣̇адтаананаязхи сиж̇жхад̇ийд̇и ид̇арз наяаа ид̇ха на вуд̇д̇аа.

    Padaparamo panettha paṭivedhābhisamayabhajanābhāvato na gahito. Tasmiñca aggahite assādo, ādīnavo, nissaraṇaṃ, assādādīnavā, assādanissaraṇāni, ādīnavanissaraṇāni, assādādīnavanissaraṇāni cāti sattasu paṭṭhānanayesu tatiyachaṭṭhasattamāva gahitā, avasesā cattāro nayā na gahitā. Veneyyavinayanābhāvato hi gahaṇāgahaṇaṃ daṭṭhabbaṃ. Veneyyavinayañca veneyyānaṃ santāne ariyamaggassuppādanaṃ, na sāsanavinayanamattaṃ, ariyamagguppādanañca yathāvuttehi eva tīhi padaṭṭhānanayehi sijjhatīti itare nayā idha na vuttā.

    яасмаа бана бздагз (бздаго. 23) –

    Yasmā pana peṭake (peṭako. 23) –

    ‘‘д̇ад̇т̇а гад̇амо ассаад̣̇о жа аад̣̇ийнаво жа?

    ‘‘Tattha katamo assādo ca ādīnavo ca?

    ‘яаани гарод̇и бурисо, д̇аани бассад̇и ад̇д̇ани;

    ‘Yāni karoti puriso, tāni passati attani;

    галяаан̣агаарий галяаан̣ам̣, баабагаарий жа баабага’нд̇и.

    Kalyāṇakārī kalyāṇaṃ, pāpakārī ca pāpaka’nti.

    ‘‘д̇ад̇т̇а яам̣ галяаан̣агаарий галяаан̣ам̣ бажжанубход̇и, аяам̣ ассаад̣̇о. яам̣ баабагаарий баабам̣ бажжанубход̇и, аяам̣ аад̣̇ийнаво.

    ‘‘Tattha yaṃ kalyāṇakārī kalyāṇaṃ paccanubhoti, ayaṃ assādo. Yaṃ pāpakārī pāpaṃ paccanubhoti, ayaṃ ādīnavo.

    ‘‘адтимз, бхигкавз, логад̇хаммаа. гад̇амз адта? ‘лаабхо’д̇иаад̣̇и (а. ни. 8.6). д̇ад̇т̇а лаабхо яасо сукам̣ басам̣саа, аяам̣ ассаад̣̇о. алаабхо аяасо д̣̇угкам̣ нинд̣̇аа, аяам̣ аад̣̇ийнаво.

    ‘‘Aṭṭhime, bhikkhave, lokadhammā. Katame aṭṭha? ‘Lābho’tiādi (a. ni. 8.6). Tattha lābho yaso sukhaṃ pasaṃsā, ayaṃ assādo. Alābho ayaso dukkhaṃ nindā, ayaṃ ādīnavo.

    ‘‘д̇ад̇т̇а гад̇амо ассаад̣̇о жа ниссаран̣ан̃жа?

    ‘‘Tattha katamo assādo ca nissaraṇañca?

    ‘суко вибааго бун̃н̃аанам̣, ад̇хиббааяо жа иж̇жхад̇и;

    ‘Sukho vipāko puññānaṃ, adhippāyo ca ijjhati;

    киббан̃жа барамам̣ санд̇им̣, ниб̣б̣аанамад̇хиг̇ажчад̇ий’д̇и. –

    Khippañca paramaṃ santiṃ, nibbānamadhigacchatī’ti. –

    аяам̣ ассаад̣̇о жа ниссаран̣ан̃жа.

    Ayaṃ assādo ca nissaraṇañca.

    ‘‘д̣̇вад̇д̇им̣симаани, бхигкавз, махаабурисасса махаабурисалагкан̣аани, язхи саманнааг̇ад̇асса махаабурисасса д̣̇взязва г̇ад̇ияо бхаванд̇и…бз… вивадажчад̣̇од̇и саб̣б̣ам̣ лагкан̣асуд̇д̇ам̣ (д̣̇ий. ни. 3.199) аяам̣ ассаад̣̇о жа ниссаран̣ан̃жа.

    ‘‘Dvattiṃsimāni, bhikkhave, mahāpurisassa mahāpurisalakkhaṇāni, yehi samannāgatassa mahāpurisassa dveyeva gatiyo bhavanti…pe… vivaṭacchadoti sabbaṃ lakkhaṇasuttaṃ (dī. ni. 3.199) ayaṃ assādo ca nissaraṇañca.

    ‘‘д̇ад̇т̇а гад̇амо аад̣̇ийнаво жа ниссаран̣ан̃жа?

    ‘‘Tattha katamo ādīnavo ca nissaraṇañca?

    ‘бхаараа хавз бан̃жагканд̇хаа, бхаарахааро жа буг̇г̇ало;

    ‘Bhārā have pañcakkhandhā, bhārahāro ca puggalo;

    бхаараад̣̇аанам̣ д̣̇укам̣ логз, бхааранигкзбанам̣ сукам̣.

    Bhārādānaṃ dukhaṃ loke, bhāranikkhepanaṃ sukhaṃ.

    ‘нигкибид̇ваа г̇арум̣ бхаарам̣, ан̃н̃ам̣ бхаарам̣ анаад̣̇ияа;

    ‘Nikkhipitvā garuṃ bhāraṃ, aññaṃ bhāraṃ anādiya;

    самуулам̣ д̇ан̣хамаб̣б̣уяха, нижчаад̇о бариниб̣б̣уд̇о’д̇и. (сам̣. ни. 3.22) –

    Samūlaṃ taṇhamabbuyha, nicchāto parinibbuto’ti. (saṃ. ni. 3.22) –

    аяам̣ аад̣̇ийнаво жа ниссаран̣ан̃жа.

    Ayaṃ ādīnavo ca nissaraṇañca.

    ‘‘д̇ад̇т̇а гад̇амо ассаад̣̇о жа аад̣̇ийнаво жа ниссаран̣ан̃жа?

    ‘‘Tattha katamo assādo ca ādīnavo ca nissaraṇañca?

    ‘гаамаа хи жид̇раа мад̇хураа манорамаа, вируубаруубзна мат̇знд̇и жид̇д̇ам̣;

    ‘Kāmā hi citrā madhurā manoramā, virūparūpena mathenti cittaṃ;

    д̇асмаа ахам̣ баб̣б̣аж̇ид̇омхи рааж̇а, абан̣н̣агам̣ сааман̃н̃амзва сзяяо’д̇и. (ма. ни. 2.307; т̇зраг̇аа. 787; бздаго. 23) –

    Tasmā ahaṃ pabbajitomhi rāja, apaṇṇakaṃ sāmaññameva seyyo’ti. (ma. ni. 2.307; theragā. 787; peṭako. 23) –

    аяам̣ ассаад̣̇о жа аад̣̇ийнаво жа ниссаран̣ан̃жаа’’д̇и вуд̇д̇ам̣, д̇асмаа д̇зби наяаа ид̇ха нид̣̇д̇хаарзд̇ваа взд̣̇ид̇аб̣б̣аа. палаад̣̇ийсуби аяам̣ наяо лаб̣бхад̇иязва.

    Ayaṃ assādo ca ādīnavo ca nissaraṇañcā’’ti vuttaṃ, tasmā tepi nayā idha niddhāretvā veditabbā. Phalādīsupi ayaṃ nayo labbhatiyeva.

    яасмаа бздагз (сам̣. ни. 1.23, 192; бздаго. 22; ми. ба. 2.1.9) – ‘‘д̇ад̇т̇а гад̇амам̣ палан̃жа убааяо жа? ‘сийлз бад̇идтааяа наро саббан̃н̃о’д̇и г̇аат̇аа, ид̣̇ам̣ палан̃жа убааяо жа.

    Yasmā peṭake (saṃ. ni. 1.23, 192; peṭako. 22; mi. pa. 2.1.9) – ‘‘tattha katamaṃ phalañca upāyo ca? ‘Sīle patiṭṭhāya naro sappañño’ti gāthā, idaṃ phalañca upāyo ca.

    ‘‘д̇ад̇т̇а гад̇амам̣ палан̃жа аан̣ад̇д̇и жа?

    ‘‘Tattha katamaṃ phalañca āṇatti ca?

    ‘сажз бхааяат̇а д̣̇угкасса, сажз во д̣̇угкамаббияам̣;

    ‘Sace bhāyatha dukkhassa, sace vo dukkhamappiyaṃ;

    маагад̇т̇а баабагам̣ гаммам̣, аави ваа яад̣̇и ваа рахо’д̇и. (уд̣̇аа. 44) –

    Mākattha pāpakaṃ kammaṃ, āvi vā yadi vā raho’ti. (udā. 44) –

    ид̣̇ам̣ палан̃жа аан̣ад̇д̇и жа.

    Idaṃ phalañca āṇatti ca.

    ‘‘д̇ад̇т̇а гад̇амо убааяо жа аан̣ад̇д̇и жа?

    ‘‘Tattha katamo upāyo ca āṇatti ca?

    ‘гумбхуубамам̣ гааяамимам̣ вид̣̇ид̇ваа, наг̇аруубамам̣ жид̇д̇амид̣̇ам̣ табзд̇ваа;

    ‘Kumbhūpamaṃ kāyamimaṃ viditvā, nagarūpamaṃ cittamidaṃ ṭhapetvā;

    яод̇хзт̇а маарам̣ бан̃н̃аавуд̇хзна, ж̇ид̇ан̃жа рагкз анивзсано сияаа’д̇и. (д̇ха. ба. 40) –

    Yodhetha māraṃ paññāvudhena, jitañca rakkhe anivesano siyā’ti. (dha. pa. 40) –

    аяам̣ убааяо жа аан̣ад̇д̇и жаа’’д̇и вуд̇д̇ам̣, д̇асмаа звам̣ палаад̣̇ийнам̣ д̣̇угкавасзнааби уд̣̇аахаран̣ам̣ взд̣̇ид̇аб̣б̣ам̣.

    Ayaṃ upāyo ca āṇatti cā’’ti vuttaṃ, tasmā evaṃ phalādīnaṃ dukkhavasenāpi udāharaṇaṃ veditabbaṃ.

    ‘‘уг̇гхадид̇ан̃н̃уаад̣̇ийнам̣ д̇ин̣н̣ам̣ буг̇г̇алаанам̣ имасса буг̇г̇аласса имам̣ д̣̇зсзд̇и, имасса буг̇г̇аласса имам̣ д̣̇зсзд̇ий’’д̇и язхи буг̇г̇алзхи ассаад̣̇аад̣̇аяо яат̇аарахам̣ аажариязна вибхад̇д̇аа, д̇з буг̇г̇алаа яаахи бадибад̣̇аахи бхиннаа, д̇аа бадибад̣̇аа гид̇д̇игаа бхаванд̇и, д̇аахи бхиннаа буг̇г̇алаа жа гид̇д̇игаад̇и вижааран̣ааяа самбхавад̇о д̇аа бадибад̣̇аа, д̇з жа буг̇г̇алаа зд̇д̇агаад̇и г̇ан̣анад̇о д̣̇ассзд̇ум̣ ‘‘д̇ад̇т̇а жад̇ассо бадибад̣̇аа’’д̇иаад̣̇и аарад̣̇д̇хам̣.

    ‘‘Ugghaṭitaññuādīnaṃ tiṇṇaṃ puggalānaṃ imassa puggalassa imaṃ deseti, imassa puggalassa imaṃ desetī’’ti yehi puggalehi assādādayo yathārahaṃ ācariyena vibhattā, te puggalā yāhi paṭipadāhi bhinnā, tā paṭipadā kittikā bhavanti, tāhi bhinnā puggalā ca kittikāti vicāraṇāya sambhavato tā paṭipadā, te ca puggalā ettakāti gaṇanato dassetuṃ ‘‘tattha catasso paṭipadā’’tiādi āraddhaṃ.

    д̇ад̇т̇а д̇ад̇т̇аад̇и д̇зсу уг̇гхадид̇ан̃н̃уаад̣̇ийсу буг̇г̇алзсу. яз буг̇г̇алаа яаахи бадибад̣̇аахи бхиннаа, д̇аа бадибад̣̇аа жад̇ассо бхаванд̇и, д̇з жа буг̇г̇алаа жад̇д̇аарод̇и яож̇анаа гаад̇аб̣б̣аа. гад̇амаа жад̇ассо? д̣̇угкаабадибад̣̇аа д̣̇анд̇хаабхин̃н̃аа, д̣̇угкаабадибад̣̇аа киббаабхин̃н̃аа, сукаабадибад̣̇аа д̣̇анд̇хаабхин̃н̃аа, сукаабадибад̣̇аа киббаабхин̃н̃аа жаад̇и жад̇ассо. гад̇амз жад̇д̇ааро? д̇ан̣хаажарид̇о манд̣̇о буг̇г̇ало, д̇ан̣хаажарид̇о уд̣̇ад̇д̇о буг̇г̇ало, д̣̇идтижарид̇о манд̣̇о буг̇г̇ало, д̣̇идтижарид̇о уд̣̇ад̇д̇о буг̇г̇ало жаад̇и жад̇д̇ааро.

    Tattha tatthāti tesu ugghaṭitaññuādīsu puggalesu. Ye puggalā yāhi paṭipadāhi bhinnā, tā paṭipadā catasso bhavanti, te ca puggalā cattāroti yojanā kātabbā. Katamā catasso? Dukkhāpaṭipadā dandhābhiññā, dukkhāpaṭipadā khippābhiññā, sukhāpaṭipadā dandhābhiññā, sukhāpaṭipadā khippābhiññā cāti catasso. Katame cattāro? Taṇhācarito mando puggalo, taṇhācarito udatto puggalo, diṭṭhicarito mando puggalo, diṭṭhicarito udatto puggalo cāti cattāro.

    бадибад̣̇аабхин̃н̃аахи гад̇о вибхааг̇оби бадибад̣̇аахи гад̇о вибхааг̇о наама ход̇и авинаабхаавад̇од̇и манаси гад̇ваа ‘‘жад̇ассо бадибад̣̇аабхин̃н̃аа’’д̇и авад̇ваа ‘‘жад̇ассо бадибад̣̇аа’’д̇и вуд̇д̇аа. д̇аа банзд̇аа самат̇авасзнааби бхиннаа, вибассанаавасзнааби бхиннаа. гат̇ам̣ самат̇авасзна? бат̇авийгасин̣аад̣̇ийсу саб̣б̣абатамам̣ ‘‘бат̇авий бат̇авий’’д̇иаад̣̇инаа бавад̇д̇аманасигаарад̇о бадтааяа яаава жхаанасса убажаарам̣ уббаж̇ж̇ад̇и, д̇аава бавад̇д̇аа бан̃н̃аа самат̇абхааванаа ‘‘бадибад̣̇аа’’д̇и вужжад̇и. убажаарад̇о бана бадтааяа яаава аббанаа, д̇аава бавад̇д̇аа бан̃н̃аа ‘‘абхин̃н̃аа’’д̇и вужжад̇и хздтимабан̃н̃аад̇о ад̇хиг̇ад̇абан̃н̃аабхаавад̇о.

    Paṭipadābhiññāhi kato vibhāgopi paṭipadāhi kato vibhāgo nāma hoti avinābhāvatoti manasi katvā ‘‘catasso paṭipadābhiññā’’ti avatvā ‘‘catasso paṭipadā’’ti vuttā. Tā panetā samathavasenāpi bhinnā, vipassanāvasenāpi bhinnā. Kathaṃ samathavasena? Pathavīkasiṇādīsu sabbapaṭhamaṃ ‘‘pathavī pathavī’’tiādinā pavattamanasikārato paṭṭhāya yāva jhānassa upacāraṃ uppajjati, tāva pavattā paññā samathabhāvanā ‘‘paṭipadā’’ti vuccati. Upacārato pana paṭṭhāya yāva appanā, tāva pavattā paññā ‘‘abhiññā’’ti vuccati heṭṭhimapaññāto adhigatapaññābhāvato.

    саа жа бадибад̣̇аа гассажи д̣̇угкаа гижчаа ход̇и нийваран̣аад̣̇ибажжанийгад̇хаммасамуд̣̇аажаараг̇г̇ахан̣ад̇ааяа, гассажи д̇ад̣̇абхаавад̇о сукаа агижчаа ход̇и, абхин̃н̃ааби гассажи д̣̇анд̇хаа асийгхаббавад̇д̇и ход̇и ависад̣̇ан̃аан̣ад̇ааяа, гассажи киббаа сийгхаббавад̇д̇и ход̇и висад̣̇ан̃аан̣ад̇ааяаад̇и.

    Sā ca paṭipadā kassaci dukkhā kicchā hoti nīvaraṇādipaccanīkadhammasamudācāraggahaṇatāya, kassaci tadabhāvato sukhā akicchā hoti, abhiññāpi kassaci dandhā asīghappavatti hoti avisadañāṇatāya, kassaci khippā sīghappavatti hoti visadañāṇatāyāti.

    гат̇ам̣ вибассанаавасзна? яо руубааруубамукзна вибассанам̣ абхинивисанд̇о жад̇д̇аари махаабхууд̇аани бариг̇г̇ахзд̇ваа убаад̣̇ааруубам̣ бариг̇г̇ан̣хаад̇и, аруубам̣ бариг̇г̇ан̣хаад̇и, руубааруубам̣ бана бариг̇г̇ан̣ханд̇о д̣̇угкзна гасирзна гиламанд̇о бариг̇г̇ахазд̇аум̣ саггод̇и, д̇асса д̣̇угкаабадибад̣̇аа наама ход̇и. бариг̇г̇ахид̇аруубааруубасса вибассанаабариваасз маг̇г̇абаад̇убхаавад̣̇анд̇хад̇ааяа д̣̇анд̇хаабхин̃н̃аа наама ход̇и. д̇аб̣б̣ибарияааязна ид̇араа д̣̇вз хонд̇и. вибассанаавасзна бана бхиннааязва бадибад̣̇аабхин̃н̃ааяо ид̇ха д̣̇адтаб̣б̣аа абхисамаяаад̇хигаарад̇д̇аа, адтагат̇ааяам̣ бана ‘‘звам̣ язсам̣ буг̇г̇алаанам̣ васзна д̣̇зсанаавибхааг̇о д̣̇ассид̇о, д̇з буг̇г̇алз бадибад̣̇аавибхааг̇зна вибхаж̇ид̇ваа д̣̇ассзд̇ум̣ ‘жад̇ассо бадибад̣̇аа’д̇иаад̣̇и вуд̇д̇а’’нд̇и (нзд̇д̇и. адта. 6) вуд̇д̇ам̣. яож̇анаанаяо вуд̇д̇анаяаанусаарзнзва взд̣̇ид̇аб̣б̣о.

    Kathaṃ vipassanāvasena? Yo rūpārūpamukhena vipassanaṃ abhinivisanto cattāri mahābhūtāni pariggahetvā upādārūpaṃ pariggaṇhāti, arūpaṃ pariggaṇhāti, rūpārūpaṃ pana pariggaṇhanto dukkhena kasirena kilamanto pariggahaetauṃ sakkoti, tassa dukkhāpaṭipadā nāma hoti. Pariggahitarūpārūpassa vipassanāparivāse maggapātubhāvadandhatāya dandhābhiññā nāma hoti. Tabbipariyāyena itarā dve honti. Vipassanāvasena pana bhinnāyeva paṭipadābhiññāyo idha daṭṭhabbā abhisamayādhikārattā, aṭṭhakathāyaṃ pana ‘‘evaṃ yesaṃ puggalānaṃ vasena desanāvibhāgo dassito, te puggale paṭipadāvibhāgena vibhajitvā dassetuṃ ‘catasso paṭipadā’tiādi vutta’’nti (netti. aṭṭha. 6) vuttaṃ. Yojanānayo vuttanayānusāreneva veditabbo.

    жад̇уухи бадибад̣̇аабхин̃н̃аахи жад̇д̇ааро буг̇г̇алаа саб̣б̣зва анияамад̇о ваддад̣̇угкад̇о гим̣ ну ко нияяанд̇и, уд̣̇ааху ‘‘имааяа бадибад̣̇аабхин̃н̃ааяа аяам̣ буг̇г̇ало нияяаад̇и, имааяа бадибад̣̇аабхин̃н̃ааяа аяам̣ буг̇г̇ало нияяаад̇ий’’д̇и нияамад̇о жа нияяаад̇ийд̇и вижааран̣ааяа самбхавад̇о ‘‘аяам̣ буг̇г̇ало имзхи ниссаязхи убаниссаяабажжаяам̣ лабхид̇ваа имааяа бадибад̣̇аабхин̃н̃ааяа ваддад̣̇угкад̇о нияяаад̇ий’’д̇и нияамзд̇ваа д̣̇ассзд̇ум̣ ‘‘д̇ан̣хаажарид̇о манд̣̇о’’д̇иаад̣̇и вуд̇д̇ам̣.

    Catūhi paṭipadābhiññāhi cattāro puggalā sabbeva aniyamato vaṭṭadukkhato kiṃ nu kho niyyanti, udāhu ‘‘imāya paṭipadābhiññāya ayaṃ puggalo niyyāti, imāya paṭipadābhiññāya ayaṃ puggalo niyyātī’’ti niyamato ca niyyātīti vicāraṇāya sambhavato ‘‘ayaṃ puggalo imehi nissayehi upanissayapaccayaṃ labhitvā imāya paṭipadābhiññāya vaṭṭadukkhato niyyātī’’ti niyametvā dassetuṃ ‘‘taṇhācarito mando’’tiādi vuttaṃ.

    д̇ад̇т̇а д̇ан̣хаажарид̇о манд̣̇о буг̇г̇ало сад̇ибадтаанзхи ниссаязхи убаниссаяабажжаяам̣ лабхид̇ваа сад̇инд̣̇риязна сад̇инд̣̇рияаад̇хигзна арияамаг̇г̇зна д̣̇угкаабадибад̣̇аад̣̇анд̇хаабхин̃н̃ааяа ваддад̣̇угкад̇о нияяаад̇и, д̇ан̣хаажарид̇о уд̣̇ад̇д̇о буг̇г̇ало жхаанзхи ниссаязхи убаниссаяабажжаяам̣ лабхид̇ваа самаад̇хинд̣̇риязна самаад̇хинд̣̇рияаад̇хигзна арияамаг̇г̇зна д̣̇угкаабадибад̣̇аакиббаабхин̃н̃ааяа ваддад̣̇угкад̇о нияяаад̇и , д̣̇идтижарид̇о манд̣̇о буг̇г̇ало саммаббад̇хаанзхи ниссаязхи убаниссаяабажжаяам̣ лабхид̇ваа вийрияинд̣̇риязна вийрияинд̣̇рияаад̇хигзна арияамаг̇г̇зна сукаабадибад̣̇аад̣̇анд̇хаабхин̃н̃ааяа ваддад̣̇угкад̇о нияяаад̇и, д̣̇идтижарид̇о уд̣̇ад̇д̇о буг̇г̇ало сажжзхи ниссаязхи убаниссаяабажжаяам̣ лабхид̇ваа бан̃н̃инд̣̇риязна бан̃н̃инд̣̇рияаад̇хигзна арияамаг̇г̇зна сукаабадибад̣̇аакиббаабхин̃н̃ааяа ваддад̣̇угкад̇о нияяаад̇ийд̇и яож̇анаа гаад̇аб̣б̣аа. адтагат̇ааяам̣ бана –

    Tattha taṇhācarito mando puggalo satipaṭṭhānehi nissayehi upanissayapaccayaṃ labhitvā satindriyena satindriyādhikena ariyamaggena dukkhāpaṭipadādandhābhiññāya vaṭṭadukkhato niyyāti, taṇhācarito udatto puggalo jhānehi nissayehi upanissayapaccayaṃ labhitvā samādhindriyena samādhindriyādhikena ariyamaggena dukkhāpaṭipadākhippābhiññāya vaṭṭadukkhato niyyāti , diṭṭhicarito mando puggalo sammappadhānehi nissayehi upanissayapaccayaṃ labhitvā vīriyindriyena vīriyindriyādhikena ariyamaggena sukhāpaṭipadādandhābhiññāya vaṭṭadukkhato niyyāti, diṭṭhicarito udatto puggalo saccehi nissayehi upanissayapaccayaṃ labhitvā paññindriyena paññindriyādhikena ariyamaggena sukhāpaṭipadākhippābhiññāya vaṭṭadukkhato niyyātīti yojanā kātabbā. Aṭṭhakathāyaṃ pana –

    ‘‘жад̇д̇ааро буг̇г̇алаад̇и яат̇аавуд̇д̇абадибад̣̇аавибхааг̇знзва жад̇д̇ааро бадибаннагабуг̇г̇алаа, д̇ам̣ бана бадибад̣̇аавибхааг̇ам̣ сад̣̇д̇хим̣ хзд̇убааяапалзхи д̣̇ассзд̇ум̣ ‘д̇ан̣хаажарид̇о’д̇иаад̣̇и вуд̇д̇а’’нд̇и (нзд̇д̇и. адта. 6) –

    ‘‘Cattāro puggalāti yathāvuttapaṭipadāvibhāgeneva cattāro paṭipannakapuggalā, taṃ pana paṭipadāvibhāgaṃ saddhiṃ hetupāyaphalehi dassetuṃ ‘taṇhācarito’tiādi vutta’’nti (netti. aṭṭha. 6) –

    вуд̇д̇ам̣. д̇ад̇т̇а д̇ан̣хаажарид̇од̇и д̇ан̣хааяа ниб̣б̣ад̇д̇ид̇ам̣ жарид̇ам̣ зд̇асса буг̇г̇алассаад̇и д̇ан̣хаажарид̇о. манд̣̇од̇и манд̣̇ияааяа авиж̇ж̇ааяа саманнааг̇ад̇од̇и манд̣̇о, мохаад̇хигабуг̇г̇ало. уд̣̇ад̇д̇од̇и уд̣̇аад̇д̇о, ул̣аарабан̃н̃од̇и ад̇т̇о. ул̣аарам̣ палам̣ д̣̇зд̇ийд̇и уд̣̇о, го со? бавижаяо, ад̇д̇ани ниб̣б̣ад̇д̇од̇и ад̇д̇о, уд̣̇о ад̇д̇о яасса буг̇г̇алассаад̇и уд̣̇ад̇д̇од̇и важанад̇т̇о гаад̇аб̣б̣о.

    Vuttaṃ. Tattha taṇhācaritoti taṇhāya nibbattitaṃ caritaṃ etassa puggalassāti taṇhācarito. Mandoti mandiyāya avijjāya samannāgatoti mando, mohādhikapuggalo. Udattoti udaatto, uḷārapaññoti attho. Uḷāraṃ phalaṃ detīti udo, ko so? Pavicayo, attani nibbattoti atto, udo atto yassa puggalassāti udattoti vacanattho kātabbo.

    батамааяа бадибад̣̇ааяа хзд̇у наама д̇ан̣хаажарид̇ад̇аа, манд̣̇абан̃н̃ад̇аа жа, убааяо сад̇инд̣̇рияам̣, саб̣б̣аасамби палам̣ нияяаанамзва. д̣̇уд̇ияааяа бадибад̣̇ааяа хзд̇у наама д̇ан̣хаажарид̇ад̇аа, уд̣̇ад̇д̇абан̃н̃ад̇аа жа, убааяо вийрияинд̣̇рияам̣. д̇ад̇ияааяа бадибад̣̇ааяа хзд̇у наама д̣̇идтижарид̇ад̇аа, манд̣̇абан̃н̃ад̇аа жа, убааяо самаад̇хинд̣̇рияам̣. жад̇уд̇т̇ияаа бадибад̣̇ааяа хзд̇у наама д̣̇идтижарид̇ад̇аа, уд̣̇ад̇д̇абан̃н̃ад̇аа жа, убааяо бан̃н̃инд̣̇рияанд̇и хзд̇убааяапалаани д̣̇адтаб̣б̣аани.

    Paṭhamāya paṭipadāya hetu nāma taṇhācaritatā, mandapaññatā ca, upāyo satindriyaṃ, sabbāsampi phalaṃ niyyānameva. Dutiyāya paṭipadāya hetu nāma taṇhācaritatā, udattapaññatā ca, upāyo vīriyindriyaṃ. Tatiyāya paṭipadāya hetu nāma diṭṭhicaritatā, mandapaññatā ca, upāyo samādhindriyaṃ. Catutthiyā paṭipadāya hetu nāma diṭṭhicaritatā, udattapaññatā ca, upāyo paññindriyanti hetupāyaphalāni daṭṭhabbāni.

    зд̇т̇а жа д̣̇идтижарид̇о уд̣̇ад̇д̇о буг̇г̇ало уг̇гхадид̇ан̃н̃уу наама, д̣̇идтижарид̇о манд̣̇о жзва д̇ан̣хаажарид̇о уд̣̇ад̇д̇о жа вибан̃жид̇ан̃н̃уу наама, д̇ан̣хаажарид̇о манд̣̇о буг̇г̇ало нзяяо наама, д̇асмаа ‘‘д̇ад̇т̇а бхаг̇аваа уг̇гхадид̇ан̃н̃усса буг̇г̇аласса ниссаран̣ам̣ д̣̇зсаяад̇ий’’д̇иаад̣̇инаа наязна уг̇гхадид̇ан̃н̃уаад̣̇ивзнзяяад̇д̇аяасса бхзд̣̇ад̣̇ассанзна ниссаран̣ам̣ д̣̇зсаяад̇и, ‘‘аад̣̇ийнаван̃жа ниссаран̣ан̃жа д̣̇зсаяад̇и, ассаад̣̇ан̃жа аад̣̇ийнаван̃жа ниссаран̣ан̃жа д̣̇зсаяад̇ий’’д̇и д̣̇зсанаавибхааг̇о д̣̇ассид̇о. ‘‘д̇ад̇т̇а жад̇ассо бадибад̣̇аа’’д̇иаад̣̇инаа бадибад̣̇аабхзд̣̇ад̣̇ассанзна ‘‘д̇ан̣хаажарид̇о манд̣̇о буг̇г̇ало, д̇ан̣хаажарид̇о уд̣̇ад̇д̇о буг̇г̇ало, д̣̇идтижарид̇о манд̣̇о буг̇г̇ало, д̣̇идтижарид̇о уд̣̇ад̇д̇о буг̇г̇ало’’д̇и жад̇уд̇хаа бхиннам̣ д̇ан̣хаажарид̇аманд̣̇аад̣̇игам̣ буг̇г̇алажад̇уггам̣ д̣̇ассид̇анд̇и д̣̇адтаб̣б̣ам̣.

    Ettha ca diṭṭhicarito udatto puggalo ugghaṭitaññū nāma, diṭṭhicarito mando ceva taṇhācarito udatto ca vipañcitaññū nāma, taṇhācarito mando puggalo neyyo nāma, tasmā ‘‘tattha bhagavā ugghaṭitaññussa puggalassa nissaraṇaṃ desayatī’’tiādinā nayena ugghaṭitaññuādiveneyyattayassa bhedadassanena nissaraṇaṃ desayati, ‘‘ādīnavañca nissaraṇañca desayati, assādañca ādīnavañca nissaraṇañca desayatī’’ti desanāvibhāgo dassito. ‘‘Tattha catasso paṭipadā’’tiādinā paṭipadābhedadassanena ‘‘taṇhācarito mando puggalo, taṇhācarito udatto puggalo, diṭṭhicarito mando puggalo, diṭṭhicarito udatto puggalo’’ti catudhā bhinnaṃ taṇhācaritamandādikaṃ puggalacatukkaṃ dassitanti daṭṭhabbaṃ.

    ид̣̇аани жад̇уухи бадибад̣̇аабхин̃н̃аахи жад̇уд̇хаа бхиннам̣ д̇ан̣хаажарид̇аманд̣̇ажад̇уггам̣ ад̇т̇анаяаяож̇анааяа д̣̇уд̇ияааяа висаяам̣ гад̇ваа д̣̇ассзд̇ум̣ ‘‘убхо д̇ан̣хаажарид̇аа’’д̇иаад̣̇и вуд̇д̇ам̣. д̇ад̇т̇а д̇ан̣хааяа самаад̇хибадибагкад̇д̇аа д̇ан̣хаажарид̇аа манд̣̇ауд̣̇ад̇д̇аа убхо буг̇г̇алаа самат̇абуб̣б̣ан̇г̇амааяа вибассанааяа убаниссаяам̣ лабхид̇ваа рааг̇авирааг̇ааяа маг̇г̇абан̃н̃ааяа нияяанд̇и жзд̇овимуд̇д̇ияаа сзгкапалабхаавааяа. саммаад̣̇идтисахид̇знзва саммаасамаад̇хинаа нияяаанам̣ бхавад̇и, на саммаасамаад̇хинаа зва, д̇асмаа д̣̇идтижарид̇аа манд̣̇ауд̣̇ад̇д̇аа убхо буг̇г̇алаа вибассанаабуб̣б̣ан̇г̇амзна самат̇зна авиж̇ж̇аавирааг̇ааяа маг̇г̇абан̃н̃ааяа нияяанд̇и бан̃н̃аавимуд̇д̇ияаа асзгкапалабхаавааяаад̇и жад̇д̇аароби буг̇г̇алаа д̣̇увид̇хааязва бхаванд̇ийд̇и вуд̇д̇ам̣ ход̇и.

    Idāni catūhi paṭipadābhiññāhi catudhā bhinnaṃ taṇhācaritamandacatukkaṃ atthanayayojanāya dutiyāya visayaṃ katvā dassetuṃ ‘‘ubho taṇhācaritā’’tiādi vuttaṃ. Tattha taṇhāya samādhipaṭipakkhattā taṇhācaritā mandaudattā ubho puggalā samathapubbaṅgamāya vipassanāya upanissayaṃ labhitvā rāgavirāgāya maggapaññāya niyyanti cetovimuttiyā sekkhaphalabhāvāya. Sammādiṭṭhisahiteneva sammāsamādhinā niyyānaṃ bhavati, na sammāsamādhinā eva, tasmā diṭṭhicaritā mandaudattā ubho puggalā vipassanāpubbaṅgamena samathena avijjāvirāgāya maggapaññāya niyyanti paññāvimuttiyā asekkhaphalabhāvāyāti cattāropi puggalā duvidhāyeva bhavantīti vuttaṃ hoti.

    рааг̇авирааг̇ааяаад̇и ран̃ж̇ад̇ийд̇и рааг̇о, со вираж̇ж̇ад̇и зд̇ааяаад̇и вирааг̇аа, рааг̇асса вирааг̇аа рааг̇авирааг̇аа, д̇ааяа рааг̇авирааг̇ааяа. жзд̇од̇и жид̇д̇аббабхзд̣̇зна жа самаад̇хи вужжад̇и яат̇аа ‘‘жид̇д̇ам̣ бан̃н̃ан̃жа бхааваяа’’нд̇и (сам̣. ни. 1.23, 192; ми. ба. 2.1.9.). бадиббассад̣̇д̇хивасзна бадибагкад̇о вимужжад̇ийд̇и вимуд̇д̇и, жзд̇асаа жид̇д̇зна самаад̇хинаа вимужжад̇ийд̇и жзд̇овимуд̇д̇и, жзд̇о зва ваа вимуд̇д̇и жзд̇овимуд̇д̇и, анааг̇аамипаласамаад̇хи. анааг̇аамибуг̇г̇ало хи самаад̇хисмим̣ барибуурагаарид̇ааяа жзд̇овимуд̇д̇ияаа нияяаад̇и. авиж̇ж̇аавирааг̇ааяаад̇и авинд̣̇ияам̣ гааяад̣̇ужжарид̇аад̣̇им̣ винд̣̇ад̇ийд̇и авиж̇ж̇аа, винд̣̇ияам̣ ваа гааяасужарид̇аад̣̇им̣ на винд̣̇ад̇ийд̇и авиж̇ж̇аа нируд̇д̇инаязна. вираж̇ж̇ад̇и зд̇ааяаад̇и вирааг̇аа, авиж̇ж̇ааяа вирааг̇аа авиж̇ж̇аавирааг̇аа, д̇ааяа авиж̇ж̇аавирааг̇ааяа. багаарзхи ж̇аанаад̇ийд̇и бан̃н̃аа, вимужжад̇ийд̇и вимуд̇д̇и, бан̃н̃ааяа вимужжад̇ийд̇и бан̃н̃аавимуд̇д̇и, бан̃н̃аа зва ваа вимуд̇д̇и бан̃н̃аавимуд̇д̇и, арахад̇д̇апалабан̃н̃аа, д̇ааяа бан̃н̃аавимуд̇д̇ияаа.

    Rāgavirāgāyāti rañjatīti rāgo, so virajjati etāyāti virāgā, rāgassa virāgā rāgavirāgā, tāya rāgavirāgāya. Cetoti cittappabhedena ca samādhi vuccati yathā ‘‘cittaṃ paññañca bhāvaya’’nti (saṃ. ni. 1.23, 192; mi. pa. 2.1.9.). Paṭippassaddhivasena paṭipakkhato vimuccatīti vimutti, cetasā cittena samādhinā vimuccatīti cetovimutti, ceto eva vā vimutti cetovimutti, anāgāmiphalasamādhi. Anāgāmipuggalo hi samādhismiṃ paripūrakāritāya cetovimuttiyā niyyāti. Avijjāvirāgāyāti avindiyaṃ kāyaduccaritādiṃ vindatīti avijjā, vindiyaṃ vā kāyasucaritādiṃ na vindatīti avijjā niruttinayena. Virajjati etāyāti virāgā, avijjāya virāgā avijjāvirāgā, tāya avijjāvirāgāya. Pakārehi jānātīti paññā, vimuccatīti vimutti, paññāya vimuccatīti paññāvimutti, paññā eva vā vimutti paññāvimutti, arahattaphalapaññā, tāya paññāvimuttiyā.

    ‘‘д̇зсу гад̇амз буг̇г̇алаа гзна ад̇т̇анаязна хаад̇аб̣б̣аа’’д̇и вад̇д̇аб̣б̣ад̇о ‘‘д̇ад̇т̇а яз самат̇абуб̣б̣ан̇г̇амаахий’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу ‘‘убхо д̇ан̣хаажарид̇аа’’д̇иаад̣̇инаа вибхад̇д̇зсу буг̇г̇алзсу яз убхо д̇ан̣хаажарид̇аа манд̣̇ауд̣̇ад̇д̇аа буг̇г̇алаа самат̇а…бз… нияяанд̇и, д̇з убхо д̇ан̣хаажарид̇аа манд̣̇ауд̣̇ад̇д̇аа буг̇г̇алаа нанд̣̇ияааваддзна наязна хаад̇аб̣б̣аа г̇амзд̇аб̣б̣аа нзд̇аб̣б̣аа. яз убхо д̣̇идтижарид̇аа манд̣̇ауд̣̇ад̇д̇аа буг̇г̇алаа вибассанаа…бз… самат̇зна нияяанд̇и, д̇з убхо д̣̇идтижарид̇аа манд̣̇ауд̣̇ад̇д̇аа буг̇г̇алаа сийхавиггийл̣ид̇зна наязна хаад̇аб̣б̣аа г̇амзд̇аб̣б̣аа нзд̇аб̣б̣аад̇и ад̇т̇о.

    ‘‘Tesu katame puggalā kena atthanayena hātabbā’’ti vattabbato ‘‘tattha ye samathapubbaṅgamāhī’’tiādi vuttaṃ. Tattha tatthāti tesu ‘‘ubho taṇhācaritā’’tiādinā vibhattesu puggalesu ye ubho taṇhācaritā mandaudattā puggalā samatha…pe… niyyanti, te ubho taṇhācaritā mandaudattā puggalā nandiyāvaṭṭena nayena hātabbā gametabbā netabbā. Ye ubho diṭṭhicaritā mandaudattā puggalā vipassanā…pe… samathena niyyanti, te ubho diṭṭhicaritā mandaudattā puggalā sīhavikkīḷitena nayena hātabbā gametabbā netabbāti attho.

    7. ‘‘д̇ад̇т̇а жад̇ассо бадибад̣̇аа’’д̇иаад̣̇инаа д̣̇зсанаахаарзна д̣̇угкаабадибад̣̇аабхзд̣̇зна д̇ан̣хаажарид̇аманд̣̇аад̣̇ибхзд̣̇о буг̇г̇ало вибхад̇д̇о, амхзхи жа н̃аад̇о, ‘‘д̇асса вибхад̇д̇аананд̇арам̣ свааяам̣ д̣̇зсанаахааро гад̇т̇а сам̣ван̣н̣зд̇аб̣б̣з д̇хаммз гзнажи аагаарзна самбхавад̇ий’’д̇и бужчид̇аб̣б̣абхаавад̇о ‘‘свааяам̣ хааро гад̇т̇а самбхавад̇ий’’д̇иаад̣̇имааха. навамагкан̣асамбаннасса сад̇т̇аа яам̣ д̇хаммам̣ д̣̇зсзд̇и, д̇асмим̣ сам̣ван̣н̣зд̇аб̣б̣з д̇хаммз яаа виймам̣саад̣̇игаа суд̇амаяаад̣̇игаа д̇иссо бан̃н̃аа вибхад̇д̇аа, д̇аахи бан̃н̃аахи яз уг̇гхадид̇ан̃н̃уаад̣̇аяо д̇аяо буг̇г̇алаа вибхад̇д̇аа, ид̇и вибхад̇д̇аагаарзна аяам̣ д̣̇зсанаахааро сад̇т̇аараа д̣̇зсзд̇аб̣б̣з д̇хаммз самбхавад̇ийд̇и д̣̇адтаб̣б̣о.

    7. ‘‘Tattha catasso paṭipadā’’tiādinā desanāhārena dukkhāpaṭipadābhedena taṇhācaritamandādibhedo puggalo vibhatto, amhehi ca ñāto, ‘‘tassa vibhattānantaraṃ svāyaṃ desanāhāro kattha saṃvaṇṇetabbe dhamme kenaci ākārena sambhavatī’’ti pucchitabbabhāvato ‘‘svāyaṃ hāro kattha sambhavatī’’tiādimāha. Navamakkhaṇasampannassa satthā yaṃ dhammaṃ deseti, tasmiṃ saṃvaṇṇetabbe dhamme yā vīmaṃsādikā sutamayādikā tisso paññā vibhattā, tāhi paññāhi ye ugghaṭitaññuādayo tayo puggalā vibhattā, iti vibhattākārena ayaṃ desanāhāro satthārā desetabbe dhamme sambhavatīti daṭṭhabbo.

    д̇ад̇т̇а свааяам̣ хаарод̇и д̣̇зсанаахаарзна бадибад̣̇аавибхааг̇зна взнзяяабуг̇г̇алавибхааг̇о д̣̇ассид̇о, со аяам̣ д̣̇зсанаахааро. гад̇т̇а самбхавад̇ийд̇и гад̇т̇а сам̣ван̣н̣зд̇аб̣б̣з д̇хаммз сам̣ван̣н̣анаабхаавзна самбхавад̇ийд̇и. яассаад̇и яо со взнзяяо бажжанд̇аж̇аад̣̇ийхи адтахи агкан̣зхи вимуд̇д̇о, саванад̇хааран̣аад̣̇ийхи жа самбад̇д̇ийхи саманнааг̇ад̇о, д̇асса взнзяяасса. сад̇т̇аад̇и сад̣̇звагам̣ логам̣ саасад̇и анусаасад̇ийд̇и сад̇т̇аа. д̇хамманд̇и д̣̇зсид̇ам̣ сам̣ван̣н̣зд̇аб̣б̣ам̣ д̇хаммам̣. д̣̇зсаяад̇ийд̇и сан̇кзбанаяавид̇т̇ааранаязхи бхаасад̇и. ан̃н̃ад̇арод̇и бхаг̇авад̇о саавагзсу звам̣ д̇хаммам̣ д̣̇зсзд̇ум̣ самад̇т̇о сааваго. г̇арудтаанияод̇и г̇ааравасса таанабхууд̇зхи сийласуд̇ажааг̇аад̣̇иг̇ун̣ависзсзхи яуд̇д̇о маанид̇о сад̣̇д̣̇ахид̇аб̣б̣аважано. саб̣рахмажаарийд̇и самам̣, саха ваа б̣рахмам̣ сад̇т̇усаасанам̣ жарад̇и бадибаж̇ж̇ад̇ийд̇и саб̣рахмажаарий. сад̣̇д̇хам̣ лабхад̇и ‘‘яо сад̇т̇аа д̇хаммам̣ д̣̇зсзд̇и, со сад̇т̇аа саммаасамб̣уд̣̇д̇хо ход̇ий’’д̇и сад̇т̇ари, ‘‘сваагкаад̇о вад̇ааяам̣ д̇хаммо саад̇т̇о саб̣яан̃ж̇ано зганд̇абарибун̣н̣о зганд̇абарисуд̣̇д̇хо ад̇т̇аавахо хид̇аавахо сукаавахо жхаанамаг̇г̇апаланиб̣б̣ад̇д̇аго, амхзхи жа сад̣̇д̣̇ахид̇аб̣б̣о’’д̇и д̣̇зсид̇з д̇хаммз жа ажаласад̣̇д̇хам̣ лабхад̇и, сад̣̇д̣̇аханам̣ ад̇д̇ано санд̇аанз бунаббунам̣ уббаад̣̇зд̇и. д̇ат̇аа ‘‘яо сааваго д̇хаммам̣ д̣̇зсзд̇и, со сааваго сан̇кзбад̇о ваа вид̇т̇аарад̇о ваа д̇хаммам̣ д̣̇зсзд̇ум̣ самад̇т̇о вад̇а г̇арудтаанияо саб̣рахмажаарий маанид̇о сад̣̇д̣̇ахид̇аб̣б̣аважано’’д̇и д̣̇зсагз саавагз жа ‘‘д̇аад̣̇исзна саавагзна д̣̇зсид̇о яо д̇хаммо, со д̇хаммо саад̇т̇о саб̣яан̃ж̇ано зганд̇абарибун̣н̣о зганд̇абарисуд̣̇д̇хо ад̇т̇аавахо хид̇аавахо сукаавахо жхаанамаг̇г̇апаланиб̣б̣ад̇д̇аго, амхзхи жа сад̣̇д̣̇ахид̇аб̣б̣о’’д̇и саавагзна д̣̇зсид̇ад̇хаммз жа сад̣̇д̇хам̣ сад̣̇д̣̇аханам̣ ад̇д̇ано санд̇аанз бунаббунам̣ уббаад̣̇зд̇ийд̇и ад̇т̇о.

    Tattha svāyaṃ hāroti desanāhārena paṭipadāvibhāgena veneyyapuggalavibhāgo dassito, so ayaṃ desanāhāro. Kattha sambhavatīti kattha saṃvaṇṇetabbe dhamme saṃvaṇṇanābhāvena sambhavatīti. Yassāti yo so veneyyo paccantajādīhi aṭṭhahi akkhaṇehi vimutto, savanadhāraṇādīhi ca sampattīhi samannāgato, tassa veneyyassa. Satthāti sadevakaṃ lokaṃ sāsati anusāsatīti satthā. Dhammanti desitaṃ saṃvaṇṇetabbaṃ dhammaṃ. Desayatīti saṅkhepanayavitthāranayehi bhāsati. Aññataroti bhagavato sāvakesu evaṃ dhammaṃ desetuṃ samattho sāvako. Garuṭṭhāniyoti gāravassa ṭhānabhūtehi sīlasutacāgādiguṇavisesehi yutto mānito saddahitabbavacano. Sabrahmacārīti samaṃ, saha vā brahmaṃ satthusāsanaṃ carati paṭipajjatīti sabrahmacārī. Saddhaṃ labhati ‘‘yo satthā dhammaṃ deseti, so satthā sammāsambuddho hotī’’ti satthari, ‘‘svākkhāto vatāyaṃ dhammo sāttho sabyañjano ekantaparipuṇṇo ekantaparisuddho atthāvaho hitāvaho sukhāvaho jhānamaggaphalanibbattako, amhehi ca saddahitabbo’’ti desite dhamme ca acalasaddhaṃ labhati, saddahanaṃ attano santāne punappunaṃ uppādeti. Tathā ‘‘yo sāvako dhammaṃ deseti, so sāvako saṅkhepato vā vitthārato vā dhammaṃ desetuṃ samattho vata garuṭṭhāniyo sabrahmacārī mānito saddahitabbavacano’’ti desake sāvake ca ‘‘tādisena sāvakena desito yo dhammo, so dhammo sāttho sabyañjano ekantaparipuṇṇo ekantaparisuddho atthāvaho hitāvaho sukhāvaho jhānamaggaphalanibbattako, amhehi ca saddahitabbo’’ti sāvakena desitadhamme ca saddhaṃ saddahanaṃ attano santāne punappunaṃ uppādetīti attho.

    д̇ад̇т̇аад̇и д̇асмим̣ сад̣̇д̣̇ахид̇аб̣б̣з сад̇т̇аараа д̣̇зсид̇ад̇хаммз жзва саавагзна д̣̇зсид̇ад̇хаммз жа сад̣̇д̣̇аханд̇асса взнзяяасса яаа виймам̣саа, виймам̣санд̇асса яаа уссааханаа, уссаханд̇асса яаа д̇уланаа, д̇улаяанд̇асса яаа убабаригкаа, саа аяам̣ виймам̣саад̣̇игаа бан̃н̃аа сад̣̇д̇хаанусаарзна бавад̇д̇анад̇о суд̇амаяий бан̃н̃аа наама. д̇ад̇т̇а виймам̣санам̣ вимам̣саа, баал̣ияаа, баал̣иад̇т̇асса жа виймам̣саа. виймам̣сад̇ийд̇и ваа виймам̣саа, бад̣̇ам̣ бад̣̇анд̇арзна, бад̣̇ад̇т̇ам̣ бад̣̇ад̇т̇анд̇арзна вижааран̣агаа бан̃н̃аа. яат̇аа жзд̇т̇а, звам̣ уссааханаад̣̇ийсуби бхаавасаад̇ханагад̇д̇усаад̇ханаани гаад̇аб̣б̣аани. уссааханаа жа уссаахзна убад̇т̇амбхигаа д̇хаммасса д̇хааран̣абарижаяасаад̇хигаа бан̃н̃аа жа, на вийрияам̣, зд̇т̇а жа яаа суд̇амад̇д̇зязва бавад̇д̇аа, виймам̣саад̣̇ибхаавам̣ аббад̇д̇аа нивад̇д̇аа, саа суд̇амаяий бан̃н̃аа на ход̇и. яаа жа суд̇ваа виймам̣сид̇ваа уссааханаад̣̇ибхаавам̣ аббад̇д̇аа нивад̇д̇аа, яаа жа суд̇ваа виймам̣сид̇ваа уссахид̇ваа д̇уланаад̣̇ибхаавам̣ аббад̇д̇аа нивад̇д̇аа, яаа жа суд̇ваа виймам̣сид̇ваа уссахид̇ваа д̇улаяид̇ваа убабаригканабхаавам̣ аббад̇д̇аа нивад̇д̇аа, сааби бан̃н̃аа на суд̇амаяий бан̃н̃аа ход̇ийд̇и д̣̇адтаб̣б̣аа. яаа бана суд̇ваа сад̣̇д̣̇аханд̇асса виймам̣саа, виймам̣санд̇асса уссааханаа, уссаханд̇асса д̇уланаа, д̇улаяанд̇асса убабаригкаа ход̇и, аяам̣ суд̇амаяий бан̃н̃аа наама ход̇ийд̇и д̣̇адтаб̣б̣аа.

    Tatthāti tasmiṃ saddahitabbe satthārā desitadhamme ceva sāvakena desitadhamme ca saddahantassa veneyyassa yā vīmaṃsā, vīmaṃsantassa yā ussāhanā, ussahantassa yā tulanā, tulayantassa yā upaparikkhā, sā ayaṃ vīmaṃsādikā paññā saddhānusārena pavattanato sutamayī paññā nāma. Tattha vīmaṃsanaṃ vimaṃsā, pāḷiyā, pāḷiatthassa ca vīmaṃsā. Vīmaṃsatīti vā vīmaṃsā, padaṃ padantarena, padatthaṃ padatthantarena vicāraṇakā paññā. Yathā cettha, evaṃ ussāhanādīsupi bhāvasādhanakattusādhanāni kātabbāni. Ussāhanā ca ussāhena upatthambhikā dhammassa dhāraṇaparicayasādhikā paññā ca, na vīriyaṃ, ettha ca yā sutamatteyeva pavattā, vīmaṃsādibhāvaṃ appattā nivattā, sā sutamayī paññā na hoti. Yā ca sutvā vīmaṃsitvā ussāhanādibhāvaṃ appattā nivattā, yā ca sutvā vīmaṃsitvā ussahitvā tulanādibhāvaṃ appattā nivattā, yā ca sutvā vīmaṃsitvā ussahitvā tulayitvā upaparikkhanabhāvaṃ appattā nivattā, sāpi paññā na sutamayī paññā hotīti daṭṭhabbā. Yā pana sutvā saddahantassa vīmaṃsā, vīmaṃsantassa ussāhanā, ussahantassa tulanā, tulayantassa upaparikkhā hoti, ayaṃ sutamayī paññā nāma hotīti daṭṭhabbā.

    суд̇амаяий бан̃н̃аа аажариязна вибхад̇д̇аа, амхзхи жа н̃аад̇аа, ‘‘гад̇амаа жинд̇аамаяий бан̃н̃аа’’д̇и вад̇д̇аб̣б̣абхаавад̇о суд̇амаяияаа бан̃н̃ааяа вибхаж̇анаананд̇арам̣ жинд̇аамаяим̣ бан̃н̃ам̣ вибхаж̇ид̇ум̣ ‘‘д̇ат̇аа суд̇зна ниссаязнаа’’д̇иаад̣̇имааха. д̇ад̇т̇а суд̇анд̇и суяяад̇з барияад̇д̇ид̇хаммод̇и суд̇о, саванам̣ барияад̇д̇ид̇хаммассаад̇и ваа суд̇ам̣, д̣̇увид̇хамби суд̇ам̣. ниссаязна убаниссааяаад̇и ад̇т̇о. ид̇т̇амбхууд̇алагкан̣з жзд̇ам̣ ‘‘суд̇зна ниссаязнаа’’д̇и гаран̣аважанам̣. зд̇т̇а бана ‘‘ид̣̇ам̣ баан̣аад̇ибаад̇аад̣̇ивираманам̣ сийланадтзна сийлам̣, аяам̣ згаг̇г̇ад̇аа самаад̣̇аханадтзна самаад̇хи , имаани бхууд̇убаад̣̇аани руббанадтзна руубаани, имз пассаад̣̇аяо наманадтзна наамаани, имз руубаад̣̇аяо бан̃жа д̇хаммаа раасадтзна канд̇хаа’’д̇и д̇зсам̣ д̇зсам̣ д̇хаммаанам̣ бийл̣анаад̣̇исабхаавасса виймам̣санаабхууд̇аа бан̃н̃аа виймам̣саа наама. д̇зсам̣язва сийласамаад̇хиаад̣̇ийнам̣ сийлад̇и бад̇идтахад̇и зд̇т̇аад̇и сийланд̇иаад̣̇иважанад̇т̇ам̣ бужчид̇ваа сабхааг̇алагкан̣арасабажжубадтаанабад̣̇адтаанаанам̣ д̇улзд̇ваа вияа г̇ахан̣абан̃н̃аа д̇уланам̣ наама. д̇зсам̣язва сийласамаад̇хиаад̣̇ийнам̣ д̇хаммаанам̣ сабхаавалагкан̣ам̣ авиж̇ахид̇ваа анижжад̇аад̣̇угкад̇аад̣̇инаманаруббанаад̣̇исаббажжаяасан̇кад̇аад̣̇иаагаарз вид̇аггзд̇ваа убабаригкан̣абан̃н̃аа зва убабаригкаа наамаад̇и висзсад̇о д̣̇адтаб̣б̣о. суд̇ад̇хаммасса д̇хааран̣абарижаяавасзна бавад̇д̇анад̇о суд̇амаяий бан̃н̃аа уссааханаа ж̇аад̇аа вияа на жинд̇аамаяий бан̃н̃аа жинд̇ид̇асса д̇хааран̣абарижаяавасзна аббавад̇д̇анад̇од̇и ‘‘уссааханаа’’д̇и на вуд̇д̇ам̣.

    Sutamayī paññā ācariyena vibhattā, amhehi ca ñātā, ‘‘katamā cintāmayī paññā’’ti vattabbabhāvato sutamayiyā paññāya vibhajanānantaraṃ cintāmayiṃ paññaṃ vibhajituṃ ‘‘tathā sutena nissayenā’’tiādimāha. Tattha sutanti suyyate pariyattidhammoti suto, savanaṃ pariyattidhammassāti vā sutaṃ, duvidhampi sutaṃ. Nissayena upanissāyāti attho. Itthambhūtalakkhaṇe cetaṃ ‘‘sutena nissayenā’’ti karaṇavacanaṃ. Ettha pana ‘‘idaṃ pāṇātipātādiviramanaṃ sīlanaṭṭhena sīlaṃ, ayaṃ ekaggatā samādahanaṭṭhena samādhi , imāni bhūtupādāni ruppanaṭṭhena rūpāni, ime phassādayo namanaṭṭhena nāmāni, ime rūpādayo pañca dhammā rāsaṭṭhena khandhā’’ti tesaṃ tesaṃ dhammānaṃ pīḷanādisabhāvassa vīmaṃsanābhūtā paññā vīmaṃsā nāma. Tesaṃyeva sīlasamādhiādīnaṃ sīlati patiṭṭhahati etthāti sīlantiādivacanatthaṃ pucchitvā sabhāgalakkhaṇarasapaccupaṭṭhānapadaṭṭhānānaṃ tuletvā viya gahaṇapaññā tulanaṃ nāma. Tesaṃyeva sīlasamādhiādīnaṃ dhammānaṃ sabhāvalakkhaṇaṃ avijahitvā aniccatādukkhatādinamanaruppanādisappaccayasaṅkhatādiākāre vitakketvā upaparikkhaṇapaññā eva upaparikkhā nāmāti visesato daṭṭhabbo. Sutadhammassa dhāraṇaparicayavasena pavattanato sutamayī paññā ussāhanā jātā viya na cintāmayī paññā cintitassa dhāraṇaparicayavasena appavattanatoti ‘‘ussāhanā’’ti na vuttaṃ.

    суд̇амаяий бан̃н̃аа жзва жинд̇аамаяий бан̃н̃аа жа аажариязна вибхад̇д̇аа, амхзхи жа н̃аад̇аа, ‘‘гад̇амаа бхааванаамаяий бан̃н̃аа’’д̇и вад̇д̇аб̣б̣абхаавад̇о гааран̣абхууд̇аанам̣ д̣̇виннам̣ суд̇амаяижинд̇аамаяибан̃н̃аанам̣ д̣̇ассанаананд̇арам̣ палабхууд̇ам̣ бхааванаамаяим̣ бан̃н̃ам̣ вибхаж̇анд̇о ‘‘имаахи д̣̇вийхий’’д̇иаад̣̇имааха. д̇ад̇т̇а имаахи д̣̇вийхи бан̃н̃аахийд̇и суд̇амаяижинд̇аамаяибан̃н̃аахи гааран̣абхууд̇аахи. суд̇амаяибан̃н̃ааяа ваа жинд̇аамаяибан̃н̃ааяа ваа убхаяад̇т̇а ваа тид̇оязва яог̇ааважаро вибассанам̣ аарабхад̇ийд̇и. манасигаарасамбаяуд̇д̇ассаад̇и руубааруубзсу бариг̇г̇ахаад̣̇ивасзна сан̇каарзсу анижжад̇аад̣̇ивасзна манасигаарзна саммаа багаарзхи яуд̇д̇аббаяуд̇д̇асса. д̣̇идтивисуд̣̇д̇хиган̇каавид̇аран̣ависуд̣̇д̇химаг̇г̇аамаг̇г̇ан̃аан̣ад̣̇ассанависуд̣̇д̇хи- бадибад̣̇аан̃аан̣ад̣̇ассанависуд̣̇д̇хисамбаад̣̇анзна вибассанам̣ уссугганд̇асса яог̇ааважарасса санд̇аанз н̃аан̣ад̣̇ассанависуд̣̇д̇хисан̇каад̇ам̣ яам̣ арияамаг̇г̇ан̃аан̣ам̣ ниб̣б̣аанаарамман̣ад̣̇ассанабхуумияам̣ ваа бхааванаабхуумияам̣ ваа уббаж̇ж̇ад̇и, аяам̣ бхааванаамаяий бан̃н̃аад̇и ад̇т̇о д̣̇адтаб̣б̣о. яад̣̇иби батамамаг̇г̇ан̃аан̣ам̣ батамам̣ ниб̣б̣аанад̣̇ассанад̇о ‘‘д̣̇ассана’’нд̇и вуд̇д̇ам̣, бхааванаавасзна бана бавад̇д̇анад̇о ‘‘бхааванаамаяий бан̃н̃аа’’д̇и взд̣̇ид̇аб̣б̣ам̣. д̣̇ассанабхуумийд̇и батамамаг̇г̇апалаани, сзсаани ‘‘бхааванаабхуумий’’д̇и вужжанд̇и.

    Sutamayī paññā ceva cintāmayī paññā ca ācariyena vibhattā, amhehi ca ñātā, ‘‘katamā bhāvanāmayī paññā’’ti vattabbabhāvato kāraṇabhūtānaṃ dvinnaṃ sutamayicintāmayipaññānaṃ dassanānantaraṃ phalabhūtaṃ bhāvanāmayiṃ paññaṃ vibhajanto ‘‘imāhi dvīhī’’tiādimāha. Tattha imāhi dvīhi paññāhīti sutamayicintāmayipaññāhi kāraṇabhūtāhi. Sutamayipaññāya vā cintāmayipaññāya vā ubhayattha vā ṭhitoyeva yogāvacaro vipassanaṃ ārabhatīti. Manasikārasampayuttassāti rūpārūpesu pariggahādivasena saṅkhāresu aniccatādivasena manasikārena sammā pakārehi yuttappayuttassa. Diṭṭhivisuddhikaṅkhāvitaraṇavisuddhimaggāmaggañāṇadassanavisuddhi- paṭipadāñāṇadassanavisuddhisampādanena vipassanaṃ ussukkantassa yogāvacarassa santāne ñāṇadassanavisuddhisaṅkhātaṃ yaṃ ariyamaggañāṇaṃ nibbānārammaṇadassanabhūmiyaṃ vā bhāvanābhūmiyaṃ vā uppajjati, ayaṃ bhāvanāmayī paññāti attho daṭṭhabbo. Yadipi paṭhamamaggañāṇaṃ paṭhamaṃ nibbānadassanato ‘‘dassana’’nti vuttaṃ, bhāvanāvasena pana pavattanato ‘‘bhāvanāmayī paññā’’ti veditabbaṃ. Dassanabhūmīti paṭhamamaggaphalāni, sesāni ‘‘bhāvanābhūmī’’ti vuccanti.

    8. амхаагаажарияа д̇умхзхи ‘‘яасса сад̇т̇аа ваа’’д̇иаад̣̇инаа суд̇амаяибан̃н̃аад̣̇игаа вибхад̇д̇аа, звам̣ сад̇и суд̇зна винаа жинд̇аамаяий бан̃н̃аа наама на бхавзяяа, махааб̣од̇хисад̇д̇аанам̣ бана суд̇зна винаа жинд̇аамаяий бан̃н̃аа ход̇взваад̇и жод̣̇анам̣ манаси гад̇ваа д̇асмим̣ сан̇г̇ахзд̇ваа багааранд̇арзна вибхаж̇ид̇ум̣ ‘‘барад̇огхосаа’’д̇иаад̣̇имааха.

    8. Amhākācariya tumhehi ‘‘yassa satthā vā’’tiādinā sutamayipaññādikā vibhattā, evaṃ sati sutena vinā cintāmayī paññā nāma na bhaveyya, mahābodhisattānaṃ pana sutena vinā cintāmayī paññā hotvevāti codanaṃ manasi katvā tasmiṃ saṅgahetvā pakārantarena vibhajituṃ ‘‘paratoghosā’’tiādimāha.

    д̇ад̇т̇а барад̇огхосаад̇и барад̇о бавад̇д̇о д̣̇зсанаагхосо бажжаяо зд̇иссаад̇и барад̇огхосаа. бажжад̇д̇асамудтид̇аад̇и бад̇и висум̣ ад̇д̇аниязва самудтид̇аа. яонисоманасигаараад̇и д̇зсам̣ д̇зсам̣ жинд̇зд̇аб̣б̣аанам̣ руубаад̣̇ийнам̣ д̇хаммаанам̣ руббананаманаад̣̇исабхаавабариг̇г̇ан̣ханаад̣̇инаа убааязна бавад̇д̇аманасигаараа жинд̇аамаяий бан̃н̃аа наама, иминаа саавагааби сааман̃н̃ад̇о г̇ахид̇аа, д̇ат̇ааби уг̇гхадид̇ан̃н̃уаад̣̇ийнам̣язва вуд̇д̇ад̇д̇аа саавагаа ид̇ха г̇ахид̇аа, д̇асмаа буриманаяо яуд̇д̇ад̇аро. барад̇од̇и д̇хаммад̣̇зсагад̇о бавад̇д̇зна д̇хаммад̣̇зсанаагхосзна хзд̇унаа яам̣ н̃аан̣ам̣ уббаж̇ж̇ад̇и, бажжад̇д̇асамудтид̇зна, яонисоманасигаарзна жа хзд̇унаа яам̣ н̃аан̣ам̣ уббаж̇ж̇ад̇и, аяам̣ бхааванаавасзна бавад̇д̇анад̇о бхааванаамаяий бан̃н̃аа наама, иминаа саавагааби сааман̃н̃ад̇о г̇ахид̇аа, д̇ат̇ааби уг̇гхадид̇ан̃н̃уаад̣̇ийнам̣язва вуд̇д̇ад̇д̇аа саавагаа ид̇ха г̇ахид̇аа, д̇асмаа буриманаяо яуд̇д̇ад̇аро. барад̇од̇и д̇хаммад̣̇зсагад̇о бавад̇д̇зна д̇хаммад̣̇зсанаагхосзна хзд̇унаа яам̣ н̃аан̣ам̣ уббаж̇ж̇ад̇и, бажжад̇д̇асамудтид̇зна, яонисоманасигаарзна жа хзд̇унаа яам̣ н̃аан̣ам̣ уббаж̇ж̇ад̇и, аяам̣ бхааванаавасзна бавад̇д̇анад̇о бхааванаамаяий бан̃н̃аа наамаад̇и вибхаж̇ид̇ваа бан̣д̣ид̇зхи н̃зяяаад̇и вид̇т̇аарзна г̇амбхийрад̇т̇ам̣ н̃аад̇ум̣ ижчанд̇зхи ‘‘звам̣ бадибад̣̇аавибхааг̇знаа’’д̇иаад̣̇инаа (нзд̇д̇и. адта. 9) адтагат̇ааважанзна ж̇аанид̇аб̣б̣о.

    Tattha paratoghosāti parato pavatto desanāghoso paccayo etissāti paratoghosā. Paccattasamuṭṭhitāti pati visuṃ attaniyeva samuṭṭhitā. Yonisomanasikārāti tesaṃ tesaṃ cintetabbānaṃ rūpādīnaṃ dhammānaṃ ruppananamanādisabhāvapariggaṇhanādinā upāyena pavattamanasikārā cintāmayī paññā nāma, iminā sāvakāpi sāmaññato gahitā, tathāpi ugghaṭitaññuādīnaṃyeva vuttattā sāvakā idha gahitā, tasmā purimanayo yuttataro. Paratoti dhammadesakato pavattena dhammadesanāghosena hetunā yaṃ ñāṇaṃ uppajjati, paccattasamuṭṭhitena, yonisomanasikārena ca hetunā yaṃ ñāṇaṃ uppajjati, ayaṃ bhāvanāvasena pavattanato bhāvanāmayī paññā nāma, iminā sāvakāpi sāmaññato gahitā, tathāpi ugghaṭitaññuādīnaṃyeva vuttattā sāvakā idha gahitā, tasmā purimanayo yuttataro. Paratoti dhammadesakato pavattena dhammadesanāghosena hetunā yaṃ ñāṇaṃ uppajjati, paccattasamuṭṭhitena, yonisomanasikārena ca hetunā yaṃ ñāṇaṃ uppajjati, ayaṃ bhāvanāvasena pavattanato bhāvanāmayī paññā nāmāti vibhajitvā paṇḍitehi ñeyyāti vitthārena gambhīratthaṃ ñātuṃ icchantehi ‘‘evaṃ paṭipadāvibhāgenā’’tiādinā (netti. aṭṭha. 9) aṭṭhakathāvacanena jānitabbo.

    суд̇амаяибан̃н̃аад̣̇игаа д̇иссо бан̃н̃аа аажариязна наанаанаязхи вибхад̇д̇аа, амхзхи жа н̃аад̇аа, ‘‘д̇аасу яасса згаа ваа д̣̇вз ваа бан̃н̃аа ад̇т̇и, со буг̇г̇ало гонаамо, яасса згааби над̇т̇и, со буг̇г̇ало гонаамо’’д̇и бужчид̇аб̣б̣абхаавад̇о яасса аяам̣ бан̃н̃аа, имаа ваа ад̇т̇и, со буг̇г̇ало ид̇т̇аннаамо, яасса над̇т̇и, со буг̇г̇ало ид̇т̇аннаамод̇и бадибад̣̇аабан̃н̃ааббабхзд̣̇зна буг̇г̇алам̣ вибхаж̇ид̇ум̣ ‘‘яасса имаа’’д̇иаад̣̇и вуд̇д̇ам̣.

    Sutamayipaññādikā tisso paññā ācariyena nānānayehi vibhattā, amhehi ca ñātā, ‘‘tāsu yassa ekā vā dve vā paññā atthi, so puggalo konāmo, yassa ekāpi natthi, so puggalo konāmo’’ti pucchitabbabhāvato yassa ayaṃ paññā, imā vā atthi, so puggalo itthannāmo, yassa natthi, so puggalo itthannāmoti paṭipadāpaññāppabhedena puggalaṃ vibhajituṃ ‘‘yassa imā’’tiādi vuttaṃ.

    д̇ад̇т̇а яасса ад̇ид̇игкабан̃н̃асса суд̇амаяий бан̃н̃аа жзва жинд̇аамаяий бан̃н̃аа жа имаа д̣̇вз бан̃н̃аа ад̇т̇и, аяам̣ ад̇ид̇игкабан̃н̃о уд̣̇д̣̇зсамад̇д̇знзва ж̇аананад̇о уг̇гхадид̇ан̃н̃уу наама. яасса наад̇ид̇игкабан̃н̃асса уд̣̇д̣̇зсанид̣̇д̣̇зсзхи суд̇амаяий бан̃н̃аа ад̇т̇и, жинд̇аамаяий бан̃н̃аа над̇т̇и, аяам̣ наад̇ид̇игкабан̃н̃о уд̣̇д̣̇зсанид̣̇д̣̇зсзхи ж̇аананад̇о вибан̃жид̇ан̃н̃уу наама. яасса манд̣̇абан̃н̃асса уд̣̇д̣̇зсанид̣̇д̣̇зсзхи нзва суд̇амаяий бан̃н̃аа ад̇т̇и, на жинд̇аамаяий бан̃н̃аа жа, аяам̣ манд̣̇абан̃н̃о уд̣̇д̣̇зсанид̣̇д̣̇зсабадинид̣̇д̣̇зсзхи ж̇аананад̇о ниравасзсавид̇т̇аарад̣̇зсанааяа нзд̇аб̣б̣ад̇о нзяяо наамаад̇и. адтагат̇ааяам̣ бана ‘‘ид̣̇аани яад̣̇ад̇т̇ам̣ имаа бан̃н̃аа уд̣̇д̇хадаа, д̇амзва взнзяяабуг̇г̇алавибхааг̇ам̣ яож̇зд̇ваа д̣̇ассзд̇ум̣ ‘яассаа’д̇иаад̣̇и вуд̇д̇а’’нд̇иаад̣̇и (нзд̇д̇и. адта. 8) вуд̇д̇ам̣.

    Tattha yassa atitikkhapaññassa sutamayī paññā ceva cintāmayī paññā ca imā dve paññā atthi, ayaṃ atitikkhapañño uddesamatteneva jānanato ugghaṭitaññū nāma. Yassa nātitikkhapaññassa uddesaniddesehi sutamayī paññā atthi, cintāmayī paññā natthi, ayaṃ nātitikkhapañño uddesaniddesehi jānanato vipañcitaññū nāma. Yassa mandapaññassa uddesaniddesehi neva sutamayī paññā atthi, na cintāmayī paññā ca, ayaṃ mandapañño uddesaniddesapaṭiniddesehi jānanato niravasesavitthāradesanāya netabbato neyyo nāmāti. Aṭṭhakathāyaṃ pana ‘‘idāni yadatthaṃ imā paññā uddhaṭā, tameva veneyyapuggalavibhāgaṃ yojetvā dassetuṃ ‘yassā’tiādi vutta’’ntiādi (netti. aṭṭha. 8) vuttaṃ.

    9. ‘‘д̇ад̇т̇а бхаг̇аваа уг̇гхадид̇ан̃н̃уссаа’’д̇иаад̣̇инаа д̣̇зсанам̣ вибхаавзд̇и, ‘‘д̇ад̇т̇а жад̇ассо бадибад̣̇аа’’д̇иаад̣̇инаа бадибад̣̇аавибхааг̇зхи, ‘‘свааяам̣ хааро’’д̇иаад̣̇инаа н̃аан̣авибхааг̇зхи жа д̣̇зсанаабхааж̇анам̣ взнзяяад̇д̇аяам̣ аажариязна вибхад̇д̇ам̣, амхзхи жа н̃аад̇ам̣, ‘‘яааяа д̣̇зсанаабаал̣ияаа д̣̇зсанаахаарам̣ яож̇зд̇ум̣ буб̣б̣з ‘д̇хаммам̣ во, бхигкавз, д̣̇зсзссаамий’д̇иаад̣̇инаа д̣̇зсанаахаарасса висаяабхаавзна яаа баал̣ид̣̇зсанаа нигкид̇д̇аа, саа баал̣ид̣̇зсанаа д̣̇зсанаахаарзна нид̣̇д̇хаарид̇зсу ассаад̣̇аад̣̇ийсу ад̇т̇зсу гимад̇т̇ам̣ д̣̇зсаяад̇ий’’д̇и бужчид̇аб̣б̣ад̇д̇аа ‘‘имам̣ ад̇т̇ам̣ д̣̇зсаяад̇ий’’д̇и нияамзд̇ваа д̣̇ассзд̇ум̣ ‘‘сааяам̣ д̇хаммад̣̇зсанаа’’д̇иаад̣̇и аарад̣̇д̇хам̣.

    9. ‘‘Tattha bhagavā ugghaṭitaññussā’’tiādinā desanaṃ vibhāveti, ‘‘tattha catasso paṭipadā’’tiādinā paṭipadāvibhāgehi, ‘‘svāyaṃ hāro’’tiādinā ñāṇavibhāgehi ca desanābhājanaṃ veneyyattayaṃ ācariyena vibhattaṃ, amhehi ca ñātaṃ, ‘‘yāya desanāpāḷiyā desanāhāraṃ yojetuṃ pubbe ‘dhammaṃ vo, bhikkhave, desessāmī’tiādinā desanāhārassa visayabhāvena yā pāḷidesanā nikkhittā, sā pāḷidesanā desanāhārena niddhāritesu assādādīsu atthesu kimatthaṃ desayatī’’ti pucchitabbattā ‘‘imaṃ atthaṃ desayatī’’ti niyametvā dassetuṃ ‘‘sāyaṃ dhammadesanā’’tiādi āraddhaṃ.

    д̇ад̇т̇а сааяам̣ д̇хаммад̣̇зсанаад̇и яаа д̇хаммад̣̇зсанаа аад̣̇игаляаан̣аад̣̇игаа буб̣б̣з д̣̇зсанаахаарасса висаяабхаавзна нигкид̇д̇аа, сааяам̣ д̇хаммад̣̇зсанаа ассаад̣̇аад̣̇ийсу гимад̇т̇ам̣ д̣̇зсаяад̇ийд̇и гат̇зд̇угаамад̇ааяа бужчад̇и, бужчид̇ваа ‘‘жад̇д̇аари сажжаани д̣̇зсаяад̇ий’’д̇и виссаж̇ж̇зд̇и, д̇аани саруубад̇о д̣̇ассзд̇ум̣ ‘‘д̣̇угкам̣ самуд̣̇аяам̣ нирод̇хам̣ маг̇г̇а’’нд̇и вуд̇д̇ам̣. бавад̇д̇ибавад̇д̇аганивад̇д̇инивад̇д̇анубааяабхаавзна авибарийд̇абхаавад̇о ‘‘сажжааний’’д̇и вуд̇д̇аани.

    Tattha sāyaṃ dhammadesanāti yā dhammadesanā ādikalyāṇādikā pubbe desanāhārassa visayabhāvena nikkhittā, sāyaṃ dhammadesanā assādādīsu kimatthaṃ desayatīti kathetukāmatāya pucchati, pucchitvā ‘‘cattāri saccāni desayatī’’ti vissajjeti, tāni sarūpato dassetuṃ ‘‘dukkhaṃ samudayaṃ nirodhaṃ magga’’nti vuttaṃ. Pavattipavattakanivattinivattanupāyabhāvena aviparītabhāvato ‘‘saccānī’’ti vuttāni.

    яассам̣ д̣̇зсанааяам̣ сажжаани д̣̇зсанаахаарзна нид̣̇д̇хаарид̇аани, саа д̣̇зсанаа жад̇д̇аари сажжаани д̣̇зсаяад̇ийд̇и яуд̇д̇ам̣ ход̇у. яассам̣ д̣̇зсанааяам̣ ассаад̣̇аад̣̇аяо нид̣̇д̇хаарид̇аа, саа д̣̇зсанаа жад̇д̇аари сажжаани д̣̇зсаяад̇ийд̇и на саггаа вад̇д̇ум̣. хздтаа жа ассаад̣̇аад̣̇аяо нид̣̇д̇хаарид̇аа, д̇асмаа ‘‘ассаад̣̇аад̣̇аяо’’д̇иби вад̇д̇аб̣б̣анд̇и жод̣̇анам̣ манаси гад̇ваа ‘‘аад̣̇ийнаво палан̃жа д̣̇угка’’нд̇иаад̣̇и вуд̇д̇ам̣. д̣̇зсанаахаарзна сам̣ван̣н̣анаанаязна д̣̇зсанааяам̣ нид̣̇д̇хаарид̇о аад̣̇ийнаво жзва палан̃жа д̣̇угкасажжам̣ ход̇и, ассаад̣̇о самуд̣̇аяасажжам̣, ниссаран̣ам̣ нирод̇хасажжам̣, убааяо жзва аан̣ад̇д̇и жа маг̇г̇асажжам̣ ход̇и, д̇асмаа ‘‘жад̇д̇аари сажжаани д̣̇зсаяад̇ий’’д̇и вад̇д̇аб̣б̣амзваад̇и.

    Yassaṃ desanāyaṃ saccāni desanāhārena niddhāritāni, sā desanā cattāri saccāni desayatīti yuttaṃ hotu. Yassaṃ desanāyaṃ assādādayo niddhāritā, sā desanā cattāri saccāni desayatīti na sakkā vattuṃ. Heṭṭhā ca assādādayo niddhāritā, tasmā ‘‘assādādayo’’tipi vattabbanti codanaṃ manasi katvā ‘‘ādīnavo phalañca dukkha’’ntiādi vuttaṃ. Desanāhārena saṃvaṇṇanānayena desanāyaṃ niddhārito ādīnavo ceva phalañca dukkhasaccaṃ hoti, assādo samudayasaccaṃ, nissaraṇaṃ nirodhasaccaṃ, upāyo ceva āṇatti ca maggasaccaṃ hoti, tasmā ‘‘cattāri saccāni desayatī’’ti vattabbamevāti.

    д̇ан̣хааваж̇ж̇аа д̇збхуумагад̇хаммаа д̣̇угкам̣, д̇з жа анижжаад̣̇ийхи бийл̣ид̇ад̇д̇аа аад̣̇ийнавааязва. паланд̇и д̣̇зсанааяа палам̣ логияам̣, на логуд̇д̇арам̣, д̇асмаа д̣̇угканд̇и вад̇д̇аб̣б̣амзва. ассаад̣̇од̇и д̇ан̣хаассаад̣̇асса г̇ахид̇ад̇д̇аа ‘‘ассаад̣̇о самуд̣̇аяо’’д̇и жа вад̇д̇аб̣б̣ам̣. ассаад̣̇згад̣̇зсо д̣̇угкамзва, ассаад̣̇згад̣̇зсо д̣̇угкан̃жзва самуд̣̇аяо жа. саха вибассанааяа арияамаг̇г̇о жа бхаг̇авад̇о аан̣ад̇д̇и жа д̣̇зсанааяа палаад̇хиг̇амасса убааяабхаавад̇о ‘‘убааяо, аан̣ад̇д̇и жа маг̇г̇о’’д̇и вуд̇д̇ам̣, ниссаран̣згад̣̇зсоби маг̇г̇од̇и д̣̇адтаб̣б̣о. ‘‘имаани жад̇д̇аари сажжаани яаа д̣̇зсанаа висзсад̇о д̣̇зсаяад̇и, гад̇амаа саа’’д̇и бужчид̇аб̣б̣ад̇д̇аа висзсам̣ нияамзд̇ваа д̣̇ассзд̇ум̣ ‘‘имаани жад̇д̇аари сажжаани ид̣̇ам̣ д̇хаммажагга’’нд̇и вуд̇д̇ам̣. ид̣̇ам̣ вужжамаанам̣ д̇хаммажаггам̣ имаани жад̇д̇аари сажжаани висзсад̇о д̣̇зсаяад̇ийд̇и яож̇анаа гаад̇аб̣б̣аа.

    Taṇhāvajjā tebhūmakadhammā dukkhaṃ, te ca aniccādīhi pīḷitattā ādīnavāyeva. Phalanti desanāya phalaṃ lokiyaṃ, na lokuttaraṃ, tasmā dukkhanti vattabbameva. Assādoti taṇhāssādassa gahitattā ‘‘assādo samudayo’’ti ca vattabbaṃ. Assādekadeso dukkhameva, assādekadeso dukkhañceva samudayo ca. Saha vipassanāya ariyamaggo ca bhagavato āṇatti ca desanāya phalādhigamassa upāyabhāvato ‘‘upāyo, āṇatti ca maggo’’ti vuttaṃ, nissaraṇekadesopi maggoti daṭṭhabbo. ‘‘Imāni cattāri saccāni yā desanā visesato desayati, katamā sā’’ti pucchitabbattā visesaṃ niyametvā dassetuṃ ‘‘imāni cattāri saccāni idaṃ dhammacakka’’nti vuttaṃ. Idaṃ vuccamānaṃ dhammacakkaṃ imāni cattāri saccāni visesato desayatīti yojanā kātabbā.

    ‘‘яаа д̣̇зсанаа имаани жад̇д̇аари сажжаани висзсад̇о д̣̇зсаяад̇и, д̇ассаа д̣̇зсанааяа д̇хаммажаггабхаавам̣ гим̣ бхаг̇аваа аахаа’’д̇и вад̇д̇аб̣б̣абхаавад̇о ‘‘яат̇ааха бхаг̇аваа’’д̇иаад̣̇и вуд̇д̇ам̣. д̇ад̇т̇а ‘‘ж̇аад̇иби д̣̇угкаа’’д̇иаад̣̇иважанад̇о (махаава. 14) д̇ан̣хааваж̇ж̇ам̣ ж̇аад̇иаад̣̇игам̣ д̇збхуумагад̇хаммаж̇аад̇ам̣ д̣̇угкасса ад̇хидтаанабхаавзна, д̣̇угкад̣̇угкаад̣̇ибхаавзна жа ‘‘д̣̇угка’’нд̇и вуд̇д̇ам̣. мзд̇и маяаа бавад̇д̇ид̇анд̇и яож̇анаа. бхигкавзд̇и саванз уссаахам̣ ж̇анзд̇ум̣ аалабад̇и. б̣аараан̣асияанд̇и б̣аараан̣асийнаг̇арасса авид̣̇уурз. исибад̇анзд̇и сийлагканд̇хаад̣̇ийнам̣ исанад̇о г̇авзсанад̇о ‘‘исий’’д̇и вохарид̇аанам̣ бажжзгаб̣уд̣̇д̇хаанам̣ бад̇анадтаанз. миг̇ад̣̇ааязд̇и миг̇аанам̣ абхаяад̣̇аанадтаанз гаарид̇з ассамзва.

    ‘‘Yā desanā imāni cattāri saccāni visesato desayati, tassā desanāya dhammacakkabhāvaṃ kiṃ bhagavā āhā’’ti vattabbabhāvato ‘‘yathāha bhagavā’’tiādi vuttaṃ. Tattha ‘‘jātipi dukkhā’’tiādivacanato (mahāva. 14) taṇhāvajjaṃ jātiādikaṃ tebhūmakadhammajātaṃ dukkhassa adhiṭṭhānabhāvena, dukkhadukkhādibhāvena ca ‘‘dukkha’’nti vuttaṃ. Meti mayā pavattitanti yojanā. Bhikkhaveti savane ussāhaṃ janetuṃ ālapati. Bārāṇasiyanti bārāṇasīnagarassa avidūre. Isipataneti sīlakkhandhādīnaṃ isanato gavesanato ‘‘isī’’ti voharitānaṃ paccekabuddhānaṃ patanaṭṭhāne. Migadāyeti migānaṃ abhayadānaṭṭhāne kārite assameva.

    ануд̇д̇аранд̇и уд̇д̇арид̇араабхаавзна ануд̇д̇арам̣ анад̇исаяам̣. д̇хаммажагганд̇и сад̇ибадтаанаад̣̇игз сабхаавад̇хааран̣аад̣̇инаа ад̇т̇зна д̇хаммо жзва бавад̇д̇анадтзна жагган̃жаад̇и д̇хаммажаггам̣. аббадивад̇д̇ияанд̇и аббадисзд̇ханийяам̣. гасмаа? ж̇анагасса бхаг̇авад̇о д̇хаммиссарад̇д̇аа саммаасамб̣уд̣̇д̇хад̇д̇аа, ж̇ан̃н̃асса жа ануд̇д̇арад̇д̇аа гон̣д̣ан̃н̃аад̣̇ийнан̃жзва адтаарасаб̣рахмагодияаа жа жад̇усажжабадивзд̇хасаад̇ханад̇о жа. ‘‘гзна аббадивад̇д̇ияа’’нд̇и бужчид̇аб̣б̣ад̇д̇аа ‘‘саман̣зна ваа’’д̇иаад̣̇имааха. д̇ад̇т̇а саман̣знаад̇и баб̣б̣аж̇ж̇амад̇д̇уубаг̇ад̇зна . б̣раахман̣знаад̇и ж̇аад̇иб̣раахман̣зна. барамад̇т̇аанан̃хи саман̣аб̣раахман̣аанам̣ бадисзд̇ханз жид̇д̇уббаад̣̇аануббаж̇ж̇анамби над̇т̇и. д̣̇звзнаад̇и чагаамааважарад̣̇звзна. б̣рахмунаад̇и руубаб̣рахмаа г̇ахид̇аа. ‘‘саман̣зна ваа …бз… б̣рахмунаа’’д̇и зд̇д̇агамзва авад̇ваа‘‘гзнажий’’д̇и вуд̇д̇аважанзна авасзсакад̇д̇ияаг̇ахабад̇ибарисаж̇анаа сан̇г̇ахид̇аа. д̇асмаа кад̇д̇ияаб̣раахман̣аг̇ахабад̇исаман̣ажаад̇умахаарааж̇игад̇аавад̇им̣самаараб̣рахмабарисаа адтавид̇хааби бадисзд̇хзд̇ум̣ асамад̇т̇ааязваад̇и взд̣̇ид̇аб̣б̣аа. логасминд̇и сад̇д̇асамуухз д̇хаммажаггаад̇хаарз.

    Anuttaranti uttaritarābhāvena anuttaraṃ anatisayaṃ. Dhammacakkanti satipaṭṭhānādike sabhāvadhāraṇādinā atthena dhammo ceva pavattanaṭṭhena cakkañcāti dhammacakkaṃ. Appaṭivattiyanti appaṭisedhanīyaṃ. Kasmā? Janakassa bhagavato dhammissarattā sammāsambuddhattā, jaññassa ca anuttarattā koṇḍaññādīnañceva aṭṭhārasabrahmakoṭiyā ca catusaccapaṭivedhasādhanato ca. ‘‘Kena appaṭivattiya’’nti pucchitabbattā ‘‘samaṇena vā’’tiādimāha. Tattha samaṇenāti pabbajjamattūpagatena . Brāhmaṇenāti jātibrāhmaṇena. Paramatthānañhi samaṇabrāhmaṇānaṃ paṭisedhane cittuppādānuppajjanampi natthi. Devenāti chakāmāvacaradevena. Brahmunāti rūpabrahmā gahitā. ‘‘Samaṇena vā …pe… brahmunā’’ti ettakameva avatvā‘‘kenacī’’ti vuttavacanena avasesakhattiyagahapatiparisajanā saṅgahitā. Tasmā khattiyabrāhmaṇagahapatisamaṇacātumahārājikatāvatiṃsamārabrahmaparisā aṭṭhavidhāpi paṭisedhetuṃ asamatthāyevāti veditabbā. Lokasminti sattasamūhe dhammacakkādhāre.

    ‘‘д̣̇ваад̣̇аса бад̣̇аани суд̇д̇а’’нд̇и г̇аат̇аануруубам̣ д̇хаммажаггасуд̇д̇з бад̣̇аани вибхаж̇анд̇о ‘‘д̇ад̇т̇а абаримаан̣аа’’д̇иаад̣̇имааха. д̇ад̇т̇а д̇ад̇т̇аад̇и д̇хаммажаггад̣̇зсанааяам̣ (сам̣. ни. 5.1081; махаава. 13 аад̣̇аяо; бади. ма. 2.30). ‘‘абаримаан̣аа агкараа абаримаан̣аа бад̣̇аа’’д̇и авад̇ваа ‘‘абаримаан̣аа бад̣̇аа абаримаан̣аа агкараа’’д̇и уббадибаадиважанзхи язбхуяязна бад̣̇асан̇г̇ахид̇аанийд̇и д̣̇ассзд̇и. бад̣̇аа, агкараа, б̣яан̃ж̇анаад̇и жа лин̇г̇авибаллаасаанийд̇и д̣̇адтаб̣б̣аани. зд̇ассзва ад̇т̇ассаад̇и вад̇д̇аб̣б̣аагаарасса жад̇усажжасан̇каад̇асса ад̇т̇ассзва сан̇гаасанаа багаасанаа багаасанаагааро бан̃н̃ад̇д̇аагаарод̇и аагаараванд̇ааагаарасамб̣анд̇хз саамиважанам̣. сан̇гаасанаагаарод̇и жа сан̇гаасанийяасса ад̇т̇асса аагааро. зса наяо сзсзсуби. ид̇ибийд̇и ид̇и иминаа багаарзнаби, иминаа багаарзнаби ид̣̇ам̣ ж̇аад̇иаад̣̇игам̣ д̣̇угкам̣ арияасажжанд̇и взд̣̇ид̇аб̣б̣ам̣.

    ‘‘Dvādasa padāni sutta’’nti gāthānurūpaṃ dhammacakkasutte padāni vibhajanto ‘‘tattha aparimāṇā’’tiādimāha. Tattha tatthāti dhammacakkadesanāyaṃ (saṃ. ni. 5.1081; mahāva. 13 ādayo; paṭi. ma. 2.30). ‘‘Aparimāṇā akkharā aparimāṇā padā’’ti avatvā ‘‘aparimāṇā padā aparimāṇā akkharā’’ti uppaṭipāṭivacanehi yebhuyyena padasaṅgahitānīti dasseti. Padā, akkharā, byañjanāti ca liṅgavipallāsānīti daṭṭhabbāni. Etasseva atthassāti vattabbākārassa catusaccasaṅkhātassa atthasseva saṅkāsanā pakāsanā pakāsanākāro paññattākāroti ākāravantaākārasambandhe sāmivacanaṃ. Saṅkāsanākāroti ca saṅkāsanīyassa atthassa ākāro. Esa nayo sesesupi. Itipīti iti iminā pakārenapi, iminā pakārenapi idaṃ jātiādikaṃ dukkhaṃ ariyasaccanti veditabbaṃ.

    аяанд̇и гаамад̇ан̣хаад̣̇ибхзд̣̇аа аяам̣ д̇ан̣хаа. д̣̇угкасамуд̣̇аяод̇и д̣̇угканиб̣б̣ад̇д̇анасса хзд̇убхаавад̇о д̣̇угкасамуд̣̇аяо. аяанд̇и саб̣б̣асан̇кад̇ад̇о ниссадаа аяам̣ асан̇кад̇аа д̇хаад̇у. д̣̇угканирод̇ход̇и ж̇аад̇иаад̣̇иббабхзд̣̇асса д̣̇угкасса ануббаад̣̇ананирод̇хабажжаяад̇д̇аа д̣̇угканирод̇хо. аяанд̇и саммаад̣̇идтаад̣̇иго адтан̇г̇иго арияо маг̇г̇о. д̣̇угканирод̇хабхууд̇ам̣ ниб̣б̣аанам̣ аарамман̣агаран̣авасзна г̇ад̇ад̇д̇аа, д̣̇угканирод̇хаббад̇д̇ияаа бадибад̣̇аабхаавад̇о жа д̣̇угканирод̇хаг̇ааминий бадибад̣̇аа. сзсам̣ вуд̇д̇анаяамзва.

    Ayanti kāmataṇhādibhedā ayaṃ taṇhā. Dukkhasamudayoti dukkhanibbattanassa hetubhāvato dukkhasamudayo. Ayanti sabbasaṅkhatato nissaṭā ayaṃ asaṅkhatā dhātu. Dukkhanirodhoti jātiādippabhedassa dukkhassa anuppādananirodhapaccayattā dukkhanirodho. Ayanti sammādiṭṭhādiko aṭṭhaṅgiko ariyo maggo. Dukkhanirodhabhūtaṃ nibbānaṃ ārammaṇakaraṇavasena gatattā, dukkhanirodhappattiyā paṭipadābhāvato ca dukkhanirodhagāminī paṭipadā. Sesaṃ vuttanayameva.

    ‘‘д̇ад̇т̇а абаримаан̣аа’’д̇иаад̣̇инаа б̣яан̃ж̇анабад̣̇аад̇т̇абад̣̇аани вибхаж̇ид̇ваа д̇зсам̣ ан̃н̃аман̃н̃ам̣ висаяивисаяабхаавзна самб̣анд̇хабхаавам̣ д̣̇ассзд̇ум̣ ‘‘д̇ад̇т̇а бхаг̇аваа агкарзхи сан̇гаасзд̇ий’’д̇иаад̣̇и вуд̇д̇ам̣. ат̇а ваа бхаг̇аваа гим̣ сааман̃н̃зхи агкараад̣̇ийхи сан̇гаасзд̇и ваа багаасзд̇и ваа, уд̣̇ааху яат̇аарахам̣ сан̇гаасзд̇и багаасзд̇ийд̇иаад̣̇ивижааран̣ааяа самбхавад̇о висаяависаяибхаавзна самб̣анд̇хабхаавам̣ нияамзд̇ваа д̣̇ассзд̇ум̣ ‘‘д̇ад̇т̇а бхаг̇аваа агкарзхи сан̇гаасзд̇ий’’д̇иаад̣̇и вуд̇д̇ам̣. д̇ад̇т̇а ‘‘агкарзхи сан̇гаасзд̇ий’’д̇и гасмаа звам̣ вуд̇д̇ам̣, нану ‘‘д̣̇угкасажжа’’нд̇иаад̣̇ийсу бад̣̇знзва д̣̇угкасажжад̇т̇ад̇д̇аад̣̇иго сан̇гаасид̇аб̣б̣од̇и? сажжам̣, бад̣̇ааваяавасса бана агкарасса г̇ахан̣амукзнзва агкарасамуд̣̇ааяассаби бад̣̇асса г̇ахан̣ам̣ ход̇и, бад̣̇з г̇ахид̇з жа д̣̇угкасажжад̇т̇аад̣̇игааваб̣од̇хо ход̇взва, звам̣ сад̇и бад̣̇знзва сиж̇жханад̇о агкаро висум̣ на г̇ахзд̇аб̣б̣од̇и? на, д̣̇угкасажжад̇т̇аад̣̇игааваб̣од̇хасса висзсуббад̇д̇ибхаавад̇о. д̣̇у-ид̇и агкарзна хи анзгубад̣̇д̣̇аваад̇хидтаанабхаавзна гужчид̇ад̇т̇о г̇ахид̇о, ка-ид̇и агкарзна д̇хувасубхасукад̇д̇абхаававирахзна д̇ужчад̇т̇од̇и звамаад̣̇игааваб̣од̇хасса висзсуббад̇д̇и бхавад̇и. д̇зна вуд̇д̇ам̣ ‘‘бад̣̇ад̇т̇аг̇ахан̣асса висзсаад̇хаанам̣ ж̇ааяад̇ий’’д̇и (нзд̇д̇и. адта. 9). бад̣̇абарияосаанз ваагяабарияосаанаабхаавад̇о агкарзхи сам̣кид̇д̇зна д̣̇ийбияамаано ад̇т̇о бад̣̇зхи багаасид̇оваад̇и вуд̇д̇ам̣ ‘‘бад̣̇зхи багаасзд̇ий’’д̇и. ваагяабарияосаанз бана сан̇гаасид̇о багаасид̇о ад̇т̇о виварид̇о вивадо гад̇оваад̇и вуд̇д̇ам̣. ‘‘б̣яан̃ж̇анзхи виварад̇ий’’д̇и. багаарзхи жа ваагяабхзд̣̇з гад̇з со ад̇т̇о вибхад̇д̇о наамаад̇и вуд̇д̇ам̣ ‘‘аагаарзхи вибхаж̇ад̇ий’’д̇и. ваагяааваяаваанам̣ бад̣̇аанам̣ бажжзгам̣ ниб̣б̣ажанавибхааг̇з гад̇з со ад̇т̇о баагадо гад̇оваад̇и вуд̇д̇ам̣ ‘‘нируд̇д̇ийхи уд̇д̇аанийгарод̇ий’’д̇и. гад̇аниб̣б̣ажанзхи ваагяааваяавзхи вид̇т̇ааравасзна ниравасзсад̇о д̣̇зсид̇зхи взнзяяасад̇д̇аанам̣ жид̇д̇з барисаманд̇ад̇о д̇осанам̣ ход̇и, бан̃н̃аад̇зж̇анан̃жаад̇и ааха ‘‘нид̣̇д̣̇зсзхи бан̃н̃абзд̇ий’’д̇и.

    ‘‘Tattha aparimāṇā’’tiādinā byañjanapadaatthapadāni vibhajitvā tesaṃ aññamaññaṃ visayivisayabhāvena sambandhabhāvaṃ dassetuṃ ‘‘tattha bhagavā akkharehi saṅkāsetī’’tiādi vuttaṃ. Atha vā bhagavā kiṃ sāmaññehi akkharādīhi saṅkāseti vā pakāseti vā, udāhu yathārahaṃ saṅkāseti pakāsetītiādivicāraṇāya sambhavato visayavisayibhāvena sambandhabhāvaṃ niyametvā dassetuṃ ‘‘tattha bhagavā akkharehi saṅkāsetī’’tiādi vuttaṃ. Tattha ‘‘akkharehi saṅkāsetī’’ti kasmā evaṃ vuttaṃ, nanu ‘‘dukkhasacca’’ntiādīsu padeneva dukkhasaccatthattādiko saṅkāsitabboti? Saccaṃ, padāvayavassa pana akkharassa gahaṇamukheneva akkharasamudāyassapi padassa gahaṇaṃ hoti, pade gahite ca dukkhasaccatthādikāvabodho hotveva, evaṃ sati padeneva sijjhanato akkharo visuṃ na gahetabboti? Na, dukkhasaccatthādikāvabodhassa visesuppattibhāvato. Du-iti akkharena hi anekupaddavādhiṭṭhānabhāvena kucchitattho gahito, kha-iti akkharena dhuvasubhasukhattabhāvavirahena tucchatthoti evamādikāvabodhassa visesuppatti bhavati. Tena vuttaṃ ‘‘padatthagahaṇassa visesādhānaṃ jāyatī’’ti (netti. aṭṭha. 9). Padapariyosāne vākyapariyosānābhāvato akkharehi saṃkhittena dīpiyamāno attho padehi pakāsitovāti vuttaṃ ‘‘padehi pakāsetī’’ti. Vākyapariyosāne pana saṅkāsito pakāsito attho vivarito vivaṭo katovāti vuttaṃ. ‘‘Byañjanehi vivaratī’’ti. Pakārehi ca vākyabhede kate so attho vibhatto nāmāti vuttaṃ ‘‘ākārehi vibhajatī’’ti. Vākyāvayavānaṃ padānaṃ paccekaṃ nibbacanavibhāge kate so attho pākaṭo katovāti vuttaṃ ‘‘niruttīhi uttānīkarotī’’ti. Katanibbacanehi vākyāvayavehi vitthāravasena niravasesato desitehi veneyyasattānaṃ citte parisamantato tosanaṃ hoti, paññātejanañcāti āha ‘‘niddesehi paññapetī’’ti.

    ‘‘бхаг̇аваа агкарзхи сан̇гаасзд̇ий’’д̇иаад̣̇ийсу ‘‘бхаг̇аваа зваа’’д̇и ваа ‘‘агкарзхи зваа’’д̇и ваа авад̇хааран̣з яож̇ид̇з ‘‘сааваго на сан̇гаасзд̇и, бад̣̇аад̣̇ийхи на сан̇гаасзд̇ий’’д̇и ад̇т̇о бхавзяяа, сааваго жа сан̇гаасзд̇и, бад̣̇аад̣̇ийхи жа сан̇гаасзд̇и. гад̇т̇а авад̇хааран̣ам̣ яож̇зд̇аб̣б̣анд̇и жз? ‘‘бхаг̇аваа агкарзхи сан̇гаасзд̇иязваа’’д̇и авад̇хааран̣ам̣ яож̇зд̇аб̣б̣ам̣. зван̃хи сад̇и саавагзна сан̇гаасид̇о ваа бад̣̇аад̣̇ийхи сан̇гаасид̇о ваа ад̇т̇о сан̇г̇ахид̇о ход̇и. ад̇т̇абад̣̇аанан̃жа агкараад̣̇инаанаависаяад̇аа сид̣̇д̇хаа ход̇и. д̇зна згаанусанд̇хигз суд̇д̇з чал̣зва ад̇т̇абад̣̇аани нид̣̇д̇хаарзд̇аб̣б̣аани, анзгаанусанд̇хигз суд̇д̇з анусанд̇хибхзд̣̇зна висум̣ висум̣ ча ча ад̇т̇абад̣̇аани нид̣̇д̇хаарзд̇аб̣б̣аани.

    ‘‘Bhagavā akkharehi saṅkāsetī’’tiādīsu ‘‘bhagavā evā’’ti vā ‘‘akkharehi evā’’ti vā avadhāraṇe yojite ‘‘sāvako na saṅkāseti, padādīhi na saṅkāsetī’’ti attho bhaveyya, sāvako ca saṅkāseti, padādīhi ca saṅkāseti. Kattha avadhāraṇaṃ yojetabbanti ce? ‘‘Bhagavā akkharehi saṅkāsetiyevā’’ti avadhāraṇaṃ yojetabbaṃ. Evañhi sati sāvakena saṅkāsito vā padādīhi saṅkāsito vā attho saṅgahito hoti. Atthapadānañca akkharādinānāvisayatā siddhā hoti. Tena ekānusandhike sutte chaḷeva atthapadāni niddhāretabbāni, anekānusandhike sutte anusandhibhedena visuṃ visuṃ cha cha atthapadāni niddhāretabbāni.

    ‘‘часу б̣яан̃ж̇анабад̣̇зсу гад̇амзна б̣яан̃ж̇анабад̣̇зна гад̇амам̣ гижжам̣ саад̇хзд̇ий’’д̇и бужчид̇аб̣б̣ад̇д̇аа ‘‘иминаа ид̣̇ам̣ гижжам̣, иминаа ид̣̇ам̣ гижжам̣ саад̇хзд̇ий’’д̇и нияамзд̇ваа д̣̇ассзд̇ум̣ ‘‘д̇ад̇т̇а бхаг̇аваа агкарзхи жа бад̣̇зхи жа уг̇гхадзд̇ий’’д̇иаад̣̇имааха. д̇ад̇т̇а д̇ад̇т̇аад̇и агкараад̣̇ийсу б̣яан̃ж̇анабад̣̇зсу. уг̇гхадзд̇ийд̇и уг̇гхаданагижжам̣ саад̇хзд̇ийд̇и ад̇т̇о. гин̃жааби д̣̇зсанаава уг̇гхаданагижжам̣ саад̇хзд̇и, бхаг̇аваа бана д̣̇зсанааж̇анагад̇д̇аа уг̇гхаданагижжам̣ саад̇хзд̇ийд̇и вужжад̇и. сзсзсуби звамад̇т̇о д̣̇адтаб̣б̣о.

    ‘‘Chasu byañjanapadesu katamena byañjanapadena katamaṃ kiccaṃ sādhetī’’ti pucchitabbattā ‘‘iminā idaṃ kiccaṃ, iminā idaṃ kiccaṃ sādhetī’’ti niyametvā dassetuṃ ‘‘tattha bhagavā akkharehi ca padehi ca ugghaṭetī’’tiādimāha. Tattha tatthāti akkharādīsu byañjanapadesu. Ugghaṭetīti ugghaṭanakiccaṃ sādhetīti attho. Kiñcāpi desanāva ugghaṭanakiccaṃ sādheti, bhagavā pana desanājanakattā ugghaṭanakiccaṃ sādhetīti vuccati. Sesesupi evamattho daṭṭhabbo.

    ‘‘уг̇гхаданагижжасаад̇хигаа д̣̇зсанааязва гим̣ вибан̃жанавид̇т̇ааран̣агижжасаад̇хигаа д̣̇зсанааж̇анагад̇д̇аа, уд̣̇ааху висум̣ висум̣ гижжасаад̇хигаа ан̃н̃аа’’д̇и бужчид̇аб̣б̣абхаавад̇о висум̣ висум̣ гижжасаад̇хигаа ан̃н̃аа д̣̇зсанаад̇и нияамзд̇ваа д̣̇ассзд̇ум̣ ‘‘д̇ад̇т̇а уг̇гхаданаа аад̣̇ий’’д̇иаад̣̇имааха. ат̇а ваа ‘‘гад̇амаа уг̇гхаданаа, гад̇амаа вибан̃жанаа, гад̇амаа вид̇т̇ааран̣аа’’д̇и бужчид̇аб̣б̣ад̇д̇аа вуд̇д̇ам̣ ‘‘д̇ад̇т̇а уг̇гхаданаа аад̣̇ий’’д̇иаад̣̇и. д̇ад̇т̇а д̇ад̇т̇аад̇и уг̇гхаданаад̣̇игижжасаад̇хигаасу д̣̇зсанаасу. уг̇гхаданаад̇и уг̇гхаданагижжасаад̇хигаа д̣̇зсанаа аад̣̇ид̣̇зсанаа ход̇и. вибан̃жанаад̇и вибан̃жанагижжасаад̇хигаа д̣̇зсанаа маж̇жхзд̣̇зсанаа ход̇и. вид̇т̇ааран̣аад̇и вид̇т̇ааран̣агижжасаад̇хигаа д̣̇зсанаа барияосаанад̣̇зсанаа ход̇ийд̇и ад̇т̇о д̣̇адтаб̣б̣о.

    ‘‘Ugghaṭanakiccasādhikā desanāyeva kiṃ vipañcanavitthāraṇakiccasādhikā desanājanakattā, udāhu visuṃ visuṃ kiccasādhikā aññā’’ti pucchitabbabhāvato visuṃ visuṃ kiccasādhikā aññā desanāti niyametvā dassetuṃ ‘‘tattha ugghaṭanā ādī’’tiādimāha. Atha vā ‘‘katamā ugghaṭanā, katamā vipañcanā, katamā vitthāraṇā’’ti pucchitabbattā vuttaṃ ‘‘tattha ugghaṭanā ādī’’tiādi. Tattha tatthāti ugghaṭanādikiccasādhikāsu desanāsu. Ugghaṭanāti ugghaṭanakiccasādhikā desanā ādidesanā hoti. Vipañcanāti vipañcanakiccasādhikā desanā majjhedesanā hoti. Vitthāraṇāti vitthāraṇakiccasādhikā desanā pariyosānadesanā hotīti attho daṭṭhabbo.

    ‘‘уг̇гхадияанд̇о уд̣̇д̣̇исияамаано барияад̇д̇иад̇т̇абхууд̇о д̇хаммавинаяо гад̇амам̣ буг̇г̇алам̣ винзд̇и, вибан̃жияанд̇о нид̣̇д̣̇исияамаано барияад̇д̇иад̇т̇абхууд̇о д̇хаммавинаяо гад̇амам̣ буг̇г̇алам̣ винзд̇и, вид̇т̇аарияанд̇о бадинид̣̇д̣̇исияамаано барияад̇д̇иад̇т̇абхууд̇о д̇хаммавинаяо гад̇амам̣ буг̇г̇алам̣ винзд̇ий’’д̇и бужчид̇аб̣б̣ад̇д̇аа ‘‘сояам̣ д̇хаммавинаяо’’д̇иаад̣̇имааха. адтагат̇ааяам̣ бана ‘‘звам̣ ‘агкарзхи сан̇гаасзд̇ий’д̇иаад̣̇ийнам̣ чаннам̣ б̣яан̃ж̇анабад̣̇аанам̣ б̣яаабаарам̣ д̣̇ассзд̇ваа ид̣̇аани ад̇т̇абад̣̇аанам̣ б̣яаабаарам̣ д̣̇ассзд̇ум̣ ‘сояам̣ д̇хаммавинаяо’д̇иаад̣̇и вуд̇д̇а’’нд̇и (нзд̇д̇и. адта. 9) вуд̇д̇ам̣.

    ‘‘Ugghaṭiyanto uddisiyamāno pariyattiatthabhūto dhammavinayo katamaṃ puggalaṃ vineti, vipañciyanto niddisiyamāno pariyattiatthabhūto dhammavinayo katamaṃ puggalaṃ vineti, vitthāriyanto paṭiniddisiyamāno pariyattiatthabhūto dhammavinayo katamaṃ puggalaṃ vinetī’’ti pucchitabbattā ‘‘soyaṃ dhammavinayo’’tiādimāha. Aṭṭhakathāyaṃ pana ‘‘evaṃ ‘akkharehi saṅkāsetī’tiādīnaṃ channaṃ byañjanapadānaṃ byāpāraṃ dassetvā idāni atthapadānaṃ byāpāraṃ dassetuṃ ‘soyaṃ dhammavinayo’tiādi vutta’’nti (netti. aṭṭha. 9) vuttaṃ.

    д̇ад̇т̇а уг̇гхадияанд̇о уд̣̇д̣̇исияамаано уд̣̇д̣̇зсабарияад̇д̇иад̇т̇абхууд̇о со аяам̣ д̇хаммавинаяо уг̇гхадид̇ан̃н̃убуг̇г̇алам̣ винзд̇и, д̇зна уг̇гхадид̇ан̃н̃уно буг̇г̇аласса винаяанзна нам̣ уг̇гхадияанд̇ам̣ уд̣̇д̣̇исияамаанам̣ уд̣̇д̣̇зсабарияад̇д̇иад̇т̇абхууд̇ам̣ винаяам̣ ‘‘аад̣̇игаляаан̣о’’д̇и ааху. вибан̃жияанд̇о нид̣̇д̣̇исияамаано нид̣̇д̣̇зсабарияад̇д̇иад̇т̇абхууд̇о со аяам̣ д̇хаммавинаяо вибан̃жид̇ан̃н̃убуг̇г̇алам̣ винзд̇и, д̇зна вибан̃жид̇ан̃н̃убуг̇г̇аласса винаяанзна нам̣ вибан̃жияанд̇ам̣ нид̣̇д̣̇исияамаанам̣ нид̣̇д̣̇зсабарияад̇д̇иад̇т̇абхууд̇ам̣ винаяам̣ ‘‘маж̇жхзгаляаан̣о’’д̇и ааху. вид̇т̇аарияанд̇о бадинид̣̇д̣̇исияамаано бадинид̣̇д̣̇зсабарияад̇д̇иад̇т̇абхууд̇о со аяам̣ д̇хаммавинаяо нзяяам̣ буг̇г̇алам̣ винзд̇и винаяанам̣ ж̇анзд̇и, д̇зна нзяяасса буг̇г̇аласса винаяанзна нам̣ вид̇т̇аарияанд̇ам̣ бадинид̣̇д̣̇исияамаанам̣ бадинид̣̇д̣̇зсабарияад̇д̇иад̇т̇абхууд̇ам̣ винаяам̣ ‘‘барияосаанагаляаан̣о’’д̇и аахууд̇и яож̇анад̇т̇од̇и д̣̇адтаб̣б̣о.

    Tattha ugghaṭiyanto uddisiyamāno uddesapariyattiatthabhūto so ayaṃ dhammavinayo ugghaṭitaññupuggalaṃ vineti, tena ugghaṭitaññuno puggalassa vinayanena naṃ ugghaṭiyantaṃ uddisiyamānaṃ uddesapariyattiatthabhūtaṃ vinayaṃ ‘‘ādikalyāṇo’’ti āhu. Vipañciyanto niddisiyamāno niddesapariyattiatthabhūto so ayaṃ dhammavinayo vipañcitaññupuggalaṃ vineti, tena vipañcitaññupuggalassa vinayanena naṃ vipañciyantaṃ niddisiyamānaṃ niddesapariyattiatthabhūtaṃ vinayaṃ ‘‘majjhekalyāṇo’’ti āhu. Vitthāriyanto paṭiniddisiyamāno paṭiniddesapariyattiatthabhūto so ayaṃ dhammavinayo neyyaṃ puggalaṃ vineti vinayanaṃ janeti, tena neyyassa puggalassa vinayanena naṃ vitthāriyantaṃ paṭiniddisiyamānaṃ paṭiniddesapariyattiatthabhūtaṃ vinayaṃ ‘‘pariyosānakalyāṇo’’ti āhūti yojanatthoti daṭṭhabbo.

    ат̇а ваа ‘‘агкарзхи сан̇гаасзд̇ий’’д̇иаад̣̇инаа чаннам̣ бад̣̇аанам̣ б̣яаабааро д̣̇ассид̇о, звам̣ сад̇и ад̇т̇о ниб̣яаабааро сияаа, ад̇т̇о жа ниббарияааяад̇о саб̣яаабаароязваад̇и жод̣̇анам̣ манаси гад̇ваа ааха ‘‘сояам̣ д̇хаммавинаяо’’д̇иаад̣̇и. зд̇зна ад̇т̇оязва мукяад̇о взнзяяад̇д̇аяасса винаяанагижжам̣ саад̇хзд̇и, ад̇т̇аваажаго бана сад̣̇д̣̇о таануубажаарад̇о взнзяяад̇д̇аяасса винаяанагижжам̣ саад̇хзд̇ийд̇и д̣̇ассзд̇и. бад̣̇абарамасса бана сажжаббадивзд̇хасса бад̇идтаанаабхаавад̇о со ид̇ха на вуд̇д̇о. сзгкаг̇г̇ахан̣зна ваа галяаан̣абут̇уж̇ж̇анасса вияа нзяяаг̇г̇ахан̣зна бад̣̇абарамасса буг̇г̇алассааби г̇ахан̣ам̣ д̣̇адтаб̣б̣ам̣ . агкарзхийд̇иаад̣̇ийсу гаран̣ад̇т̇з гаран̣аважанам̣, на хзд̇вад̇т̇з. агкараад̣̇ийнан̃хи уг̇гхаданаад̣̇ийни баяож̇анааниязва хонд̇и, на уг̇гхаданаад̣̇ийнам̣ агкараад̣̇ийни баяож̇анаанийд̇и ‘‘аннзна васад̇ий’’д̇иаад̣̇ийсу вияа на хзд̇уад̇т̇о г̇ахзд̇аб̣б̣о. д̇ад̇т̇а хи аннзна хзд̇унаа васад̇и, васанзна хзд̇унаа аннам̣ лад̣̇д̇ханд̇и васанагирияааяа палам̣ васанагирияааяа хзд̇убхаавзна г̇ахид̇ам̣. ‘‘аж̇жхзсанзна васад̇ий’’д̇иаад̣̇ийсуби зсзва наяо. д̇знааха ‘‘яад̣̇ад̇т̇аа жа гирияаа, со хзд̇уу’’д̇и (нзд̇д̇и. адта. 9). д̇ад̇т̇а яад̣̇ад̇т̇аад̇и со аннаад̣̇иго ад̇т̇о яассаа васанаад̣̇игирияааяаад̇и яад̣̇ад̇т̇аа, васанаад̣̇игирияаа, со аннаад̣̇иго ад̇т̇о д̇ассаа васанаад̣̇игирияааяа хзд̇ууд̇и ад̇т̇о взд̣̇ид̇аб̣б̣о.

    Atha vā ‘‘akkharehi saṅkāsetī’’tiādinā channaṃ padānaṃ byāpāro dassito, evaṃ sati attho nibyāpāro siyā, attho ca nippariyāyato sabyāpāroyevāti codanaṃ manasi katvā āha ‘‘soyaṃ dhammavinayo’’tiādi. Etena atthoyeva mukhyato veneyyattayassa vinayanakiccaṃ sādheti, atthavācako pana saddo ṭhānūpacārato veneyyattayassa vinayanakiccaṃ sādhetīti dasseti. Padaparamassa pana saccappaṭivedhassa patiṭṭhānābhāvato so idha na vutto. Sekkhaggahaṇena vā kalyāṇaputhujjanassa viya neyyaggahaṇena padaparamassa puggalassāpi gahaṇaṃ daṭṭhabbaṃ . Akkharehītiādīsu karaṇatthe karaṇavacanaṃ, na hetvatthe. Akkharādīnañhi ugghaṭanādīni payojanāniyeva honti, na ugghaṭanādīnaṃ akkharādīni payojanānīti ‘‘annena vasatī’’tiādīsu viya na hetuattho gahetabbo. Tattha hi annena hetunā vasati, vasanena hetunā annaṃ laddhanti vasanakiriyāya phalaṃ vasanakiriyāya hetubhāvena gahitaṃ. ‘‘Ajjhesanena vasatī’’tiādīsupi eseva nayo. Tenāha ‘‘yadatthā ca kiriyā, so hetū’’ti (netti. aṭṭha. 9). Tattha yadatthāti so annādiko attho yassā vasanādikiriyāyāti yadatthā, vasanādikiriyā, so annādiko attho tassā vasanādikiriyāya hetūti attho veditabbo.

    10. ‘‘д̇ад̇т̇а абаримаан̣аа бад̣̇аа’’д̇иаад̣̇инаа ‘‘д̇хаммам̣ во бхигкавз д̣̇зсзссаамий’’д̇и уд̣̇д̣̇идтааяа баал̣ияаа д̣̇ваад̣̇асабад̣̇асамбад̇д̇исан̇каад̇ам̣ д̇ивид̇хагаляаан̣ад̇ам̣ д̣̇ассзд̇ваа ид̣̇аани чаад̇т̇абад̣̇ачаб̣яан̃ж̇анабад̣̇абхзд̣̇зна самбад̇д̇исан̇каад̇ам̣ ад̇т̇абад̣̇аб̣яан̃ж̇анабад̣̇агаляаан̣ад̇ам̣ д̣̇ассзнд̇о ‘‘д̇ад̇т̇а чаббад̣̇аани ад̇т̇о’’д̇иаад̣̇имааха. ат̇а ваа ‘‘д̣̇ваад̣̇аса бад̣̇аани суд̇д̇а’’нд̇и вуд̇д̇аануруубам̣ ‘‘д̇ад̇т̇а абаримаан̣аа’’д̇иаад̣̇инаа ‘‘д̇хаммам̣ во бхигкавз д̣̇зсзссаамий’’д̇и уд̣̇д̣̇идтааяа баал̣ияаа д̣̇ваад̣̇асабад̣̇ад̇аа д̣̇ассзд̇ваа ‘‘аад̣̇игаляаан̣ам̣ маж̇жхзгаляаан̣ам̣ барияосаанагаляаан̣а’’нд̇и вуд̇д̇аануруубам̣ ‘‘д̇ад̇т̇а бхаг̇аваа агкарзхи жаа’’д̇иаад̣̇инаа д̇ассаа баал̣ияаа д̇ивид̇хагаляаан̣ад̇аа д̣̇ассид̇аа, д̣̇ассзд̇ваа ид̣̇аани ‘‘саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇ха’’нд̇и вуд̇д̇аануруубам̣ д̇ассаа баал̣ияаа чаад̇т̇абад̣̇аб̣яан̃ж̇анабад̣̇асамбаннад̇ам̣ д̣̇ассзд̇ум̣ ‘‘д̇ад̇т̇а чаббад̣̇аани ад̇т̇о’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇иссам̣ д̣̇зсанаахаарависаяасан̇каад̇ааяам̣ баал̣ияам̣ чаббад̣̇аани ад̇т̇о. гад̇амаани чаббад̣̇аани? сан̇гаасанаа, багаасанаа, виваран̣аа, вибхаж̇анаа, уд̇д̇аанийгаммам̣, бан̃н̃ад̇д̇и имаани чаббад̣̇аани. ад̇т̇о яасса ад̇т̇и д̇асмаа саад̇т̇ам̣. д̇ад̇т̇аад̇и д̇иссам̣ д̣̇зсанаахаарависаяасан̇каад̇ааяам̣ баал̣ияам̣ чаббад̣̇аани б̣яан̃ж̇анам̣. гад̇амаани чаббад̣̇аани? агкарам̣, бад̣̇ам̣, б̣яан̃ж̇анам̣, аагааро, нируд̇д̇и, нид̣̇д̣̇зсо имаани чаббад̣̇аани. б̣яан̃ж̇анам̣ яасса ад̇т̇ийд̇и саб̣яан̃ж̇ананд̇и яож̇анаа гаад̇аб̣б̣аа. д̇знаад̇и д̇ассаа баал̣ияаа д̇ивид̇хагаляаан̣ачаад̇т̇абад̣̇асамбанначаб̣яан̃ж̇анабад̣̇асамбаннадтзна, ‘‘д̇хаммам̣ во, бхигкавз…бз… суд̣̇д̇ха’’нд̇и бхаг̇аваа аахаад̇и ад̇т̇о.

    10. ‘‘Tattha aparimāṇā padā’’tiādinā ‘‘dhammaṃ vo bhikkhave desessāmī’’ti uddiṭṭhāya pāḷiyā dvādasapadasampattisaṅkhātaṃ tividhakalyāṇataṃ dassetvā idāni chaatthapadachabyañjanapadabhedena sampattisaṅkhātaṃ atthapadabyañjanapadakalyāṇataṃ dassento ‘‘tattha chappadāni attho’’tiādimāha. Atha vā ‘‘dvādasa padāni sutta’’nti vuttānurūpaṃ ‘‘tattha aparimāṇā’’tiādinā ‘‘dhammaṃ vo bhikkhave desessāmī’’ti uddiṭṭhāya pāḷiyā dvādasapadatā dassetvā ‘‘ādikalyāṇaṃ majjhekalyāṇaṃ pariyosānakalyāṇa’’nti vuttānurūpaṃ ‘‘tattha bhagavā akkharehi cā’’tiādinā tassā pāḷiyā tividhakalyāṇatā dassitā, dassetvā idāni ‘‘sātthaṃ sabyañjanaṃ kevalaparipuṇṇaṃ parisuddha’’nti vuttānurūpaṃ tassā pāḷiyā chaatthapadabyañjanapadasampannataṃ dassetuṃ ‘‘tattha chappadāni attho’’tiādi vuttaṃ. Tattha tatthāti tissaṃ desanāhāravisayasaṅkhātāyaṃ pāḷiyaṃ chappadāni attho. Katamāni chappadāni? Saṅkāsanā, pakāsanā, vivaraṇā, vibhajanā, uttānīkammaṃ, paññatti imāni chappadāni. Attho yassa atthi tasmā sātthaṃ. Tatthāti tissaṃ desanāhāravisayasaṅkhātāyaṃ pāḷiyaṃ chappadāni byañjanaṃ. Katamāni chappadāni? Akkharaṃ, padaṃ, byañjanaṃ, ākāro, nirutti, niddeso imāni chappadāni. Byañjanaṃ yassa atthīti sabyañjananti yojanā kātabbā. Tenāti tassā pāḷiyā tividhakalyāṇachaatthapadasampannachabyañjanapadasampannaṭṭhena, ‘‘dhammaṃ vo, bhikkhave…pe… suddha’’nti bhagavā āhāti attho.

    гзваласад̣̇д̣̇асса сагалаад̣̇иад̇т̇аваажагад̇д̇аа ад̇хиббзд̇ад̇т̇ам̣ нияамзд̇ваа д̣̇ассзд̇ум̣ ‘‘гзваланд̇и логуд̇д̇арам̣ на миссам̣ логиязхи д̇хаммзхий’’д̇и вуд̇д̇ам̣. барибун̣н̣анд̇и ад̇хиббзд̇ад̇т̇з згоби ад̇т̇о ууно над̇т̇и, ваажагасад̣̇д̣̇зсуби анад̇т̇аго згоби сад̣̇д̣̇о ад̇хиго над̇т̇ийд̇и барибун̣н̣ам̣ ануунам̣ анад̇ирзгам̣. барисуд̣̇д̇ханд̇и сад̣̇д̣̇ад̣̇осаад̇т̇ад̣̇осаад̣̇ивирахад̇о ваа барисуд̣̇д̇хам̣, рааг̇аад̣̇ималавирахад̇о ваа барияод̣̇аад̇аанам̣ уд̇д̇аримануссад̇хаммависзсаанам̣ убадтид̇адтаанад̇д̇аа барисуд̣̇д̇хам̣ барияод̣̇аад̇ам̣. ниг̇г̇ад̇ам̣ малам̣ зд̇асса д̇хаммассаад̇и ниммалам̣. сад̣̇д̣̇ад̣̇осаад̣̇ивирахад̇о ваа рааг̇аад̣̇ивирахад̇о ваа саб̣б̣амалзхи абаг̇ад̇ам̣ бари саманд̇ад̇о од̣̇аад̇анд̇и барияод̣̇аад̇ам̣. убадтид̇анд̇и убад̇идтанд̇и зд̇т̇а саб̣б̣ависзсаад̇и убадтид̇ам̣ яат̇аа ‘‘бад̣̇агганд̇а’’нд̇и. бад̣̇агганд̇ам̣ бад̣̇агганд̇адтаанам̣. висисанд̇и мануссад̇хаммзхийд̇и висзсаа, саб̣б̣з висзсаа саб̣б̣ависзсаа, саб̣б̣ад̇о ваа висзсаад̇и саб̣б̣ависзсаа, уд̇д̇аримануссад̇хаммаа. д̇зсам̣ саб̣б̣ависзсаанам̣ убадтид̇анд̇и яож̇анаа. ид̣̇анд̇и сигкад̇д̇аяасан̇г̇ахам̣ саасанаб̣рахмажарияам̣. д̇ат̇ааг̇ад̇асса саммаасамб̣уд̣̇д̇хасса бад̣̇анд̇и д̇ат̇ааг̇ад̇абад̣̇ам̣. бад̣̇анд̇и жа бадибад̇д̇иг̇аманзна ваа д̣̇зсанааг̇аманзна ваа гилзсаг̇г̇ахан̣ам̣. од̇т̇арид̇ваа г̇аманадтаанам̣ ид̇иби вужжад̇и бавужжад̇и, д̇ат̇ааг̇ад̇зна г̇ожараасзванзна ваа бхааванаасзванзна ваа нисзвид̇ам̣ бхаж̇ид̇ам̣ ид̇иби вужжад̇и, д̇ат̇ааг̇ад̇асса махааваж̇иран̃аан̣асаб̣б̣ан̃н̃уд̇ан̃н̃аан̣ад̣̇анд̇зхи ааран̃ж̇ид̇ам̣ ааран̃ж̇ид̇адтаанам̣ ид̇иби вужжад̇и, ад̇о д̇ат̇ааг̇ад̇абад̣̇аад̣̇ибхаавзна вад̇д̇аб̣б̣абхаавад̇о зд̇ам̣ саасанаб̣рахмажарияам̣ ид̇и бан̃н̃ааяад̇и. б̣рахмажарияанд̇и б̣рахмуно саб̣б̣асад̇д̇уд̇д̇амасса бхаг̇авад̇о жарияам̣, б̣рахмам̣ ваа саб̣б̣асздтам̣ жарияам̣ б̣рахмажарияам̣. бан̃н̃ааяад̇ийд̇и яат̇аавуд̇д̇зхи багаарзхи н̃ааяад̇ийд̇и ад̇т̇о взд̣̇ид̇аб̣б̣о.

    Kevalasaddassa sakalādiatthavācakattā adhippetatthaṃ niyametvā dassetuṃ ‘‘kevalanti lokuttaraṃ na missaṃ lokiyehi dhammehī’’ti vuttaṃ. Paripuṇṇanti adhippetatthe ekopi attho ūno natthi, vācakasaddesupi anatthako ekopi saddo adhiko natthīti paripuṇṇaṃ anūnaṃ anatirekaṃ. Parisuddhanti saddadosaatthadosādivirahato vā parisuddhaṃ, rāgādimalavirahato vā pariyodātānaṃ uttarimanussadhammavisesānaṃ upaṭṭhitaṭṭhānattā parisuddhaṃ pariyodātaṃ. Niggataṃ malaṃ etassa dhammassāti nimmalaṃ. Saddadosādivirahato vā rāgādivirahato vā sabbamalehi apagataṃ pari samantato odātanti pariyodātaṃ. Upaṭṭhitanti upatiṭṭhanti ettha sabbavisesāti upaṭṭhitaṃ yathā ‘‘padakkanta’’nti. Padakkantaṃ padakkantaṭṭhānaṃ. Visisanti manussadhammehīti visesā, sabbe visesā sabbavisesā, sabbato vā visesāti sabbavisesā, uttarimanussadhammā. Tesaṃ sabbavisesānaṃ upaṭṭhitanti yojanā. Idanti sikkhattayasaṅgahaṃ sāsanabrahmacariyaṃ. Tathāgatassa sammāsambuddhassa padanti tathāgatapadaṃ. Padanti ca paṭipattigamanena vā desanāgamanena vā kilesaggahaṇaṃ. Ottharitvā gamanaṭṭhānaṃ itipi vuccati pavuccati, tathāgatena gocarāsevanena vā bhāvanāsevanena vā nisevitaṃ bhajitaṃ itipi vuccati, tathāgatassa mahāvajirañāṇasabbaññutaññāṇadantehi ārañjitaṃ ārañjitaṭṭhānaṃ itipi vuccati, ato tathāgatapadādibhāvena vattabbabhāvato etaṃ sāsanabrahmacariyaṃ iti paññāyati. Brahmacariyanti brahmuno sabbasattuttamassa bhagavato cariyaṃ, brahmaṃ vā sabbaseṭṭhaṃ cariyaṃ brahmacariyaṃ. Paññāyatīti yathāvuttehi pakārehi ñāyatīti attho veditabbo.

    ‘‘имасса сигкад̇д̇аяасса сан̇г̇ахасса саасанасса барибун̣н̣абхаавабарисуд̣̇д̇хабхаавасан̇каад̇ам̣ д̇ат̇ааг̇ад̇абад̣̇абхаавам̣!д̇ат̇ааг̇ад̇абад̣̇абхаавам̣, д̇ат̇ааг̇ад̇анисзвид̇абхаавам̣, д̇ат̇ааг̇ад̇аааран̃ж̇ид̇абхаавам̣, д̇зхи багаарзхи н̃аабид̇абхаавам̣ гат̇ам̣ маяам̣ нигган̇каа ж̇ааниссаамаа’’д̇и вад̇д̇аб̣б̣ад̇о ‘‘д̇знааха бхаг̇аваа’’д̇иаад̣̇и вуд̇д̇ам̣, д̇аб̣бхаавад̣̇ийбагзна бхаг̇авад̇аа вуд̇д̇зна важанзна д̇умхзхи нигган̇кзхи ж̇аанид̇аб̣б̣од̇и вуд̇д̇ам̣ ход̇и.

    ‘‘Imassa sikkhattayassa saṅgahassa sāsanassa paripuṇṇabhāvaparisuddhabhāvasaṅkhātaṃ tathāgatapadabhāvaṃ!Tathāgatapadabhāvaṃ, tathāgatanisevitabhāvaṃ, tathāgataārañjitabhāvaṃ, tehi pakārehi ñāpitabhāvaṃ kathaṃ mayaṃ nikkaṅkhā jānissāmā’’ti vattabbato ‘‘tenāha bhagavā’’tiādi vuttaṃ, tabbhāvadīpakena bhagavatā vuttena vacanena tumhehi nikkaṅkhehi jānitabboti vuttaṃ hoti.

    яад̣̇и бхаг̇аваа агкарзхи жа бад̣̇зхи жа уг̇гхадзд̇и, б̣яан̃ж̇анзхи жа аагаарзхи жа вибан̃жаяад̇и, нируд̇д̇ийхи жа нид̣̇д̣̇зсзхи жа вид̇т̇аарзд̇и, звам̣ сад̇и аажариязна ражид̇зна д̣̇зсанаахаарзна баяож̇анам̣ на бхавад̇и, д̣̇зсанаахаарзна на винаа бхаг̇авад̇о д̣̇зсанааяамзва ад̇т̇асиж̇жханад̇од̇и жод̣̇анам̣ манаси гад̇ваа ‘‘гзсам̣ аяам̣ д̇хаммад̣̇зсанаа’’д̇и бужчид̇ваа ‘‘яог̇ийна’’нд̇и ааха. д̇ад̇т̇а яог̇ийнанд̇и яуж̇ж̇анд̇и жад̇усажжагаммадтаанабхааванааяанд̇и яог̇ино, д̇зсам̣ яог̇ийнам̣. д̇зна маяаа ражид̇зна д̣̇зсанаахаарзна сам̣ван̣н̣ид̇аа аяам̣ вуд̇д̇аббагаараа бхаг̇авад̇о д̣̇зсанаа уг̇гхаданаад̣̇игижжам̣ саад̇хзд̇ийд̇и д̣̇зсанаахааро яог̇ийнам̣ саад̇т̇агоязваад̇и д̣̇адтаб̣б̣о. ‘‘д̣̇зсанаахаарасса ассаад̣̇аад̣̇ид̣̇зсанаахаарабхааво гзна амхзхи ж̇аанид̇аб̣б̣о сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знааха ааяасмаа…бз… д̣̇зсанаахааро’’д̇и вуд̇д̇ам̣. д̇ад̇т̇а д̇зна ассаад̣̇аад̣̇ид̣̇зсанаахаарабхаавзна ааяасмаа махаагажжаано ‘‘ассаад̣̇аад̣̇ийнавад̇аа…бз… д̣̇зсанаахааро’’д̇и яам̣ важанам̣ ааха, д̇зна важанзна д̇умхзхи д̣̇зсанаахаарасса яог̇ийнам̣ ассаад̣̇аад̣̇ид̣̇зсанаахаарабхааво ж̇аанид̇аб̣б̣о сад̣̇д̣̇ахид̇аб̣б̣од̇и вуд̇д̇ам̣ ход̇и.

    Yadi bhagavā akkharehi ca padehi ca ugghaṭeti, byañjanehi ca ākārehi ca vipañcayati, niruttīhi ca niddesehi ca vitthāreti, evaṃ sati ācariyena racitena desanāhārena payojanaṃ na bhavati, desanāhārena na vinā bhagavato desanāyameva atthasijjhanatoti codanaṃ manasi katvā ‘‘kesaṃ ayaṃ dhammadesanā’’ti pucchitvā ‘‘yogīna’’nti āha. Tattha yogīnanti yujjanti catusaccakammaṭṭhānabhāvanāyanti yogino, tesaṃ yogīnaṃ. Tena mayā racitena desanāhārena saṃvaṇṇitā ayaṃ vuttappakārā bhagavato desanā ugghaṭanādikiccaṃ sādhetīti desanāhāro yogīnaṃ sātthakoyevāti daṭṭhabbo. ‘‘Desanāhārassa assādādidesanāhārabhāvo kena amhehi jānitabbo saddahitabbo’’ti vattabbattā ‘‘tenāha āyasmā…pe… desanāhāro’’ti vuttaṃ. Tattha tena assādādidesanāhārabhāvena āyasmā mahākaccāno ‘‘assādādīnavatā…pe… desanāhāro’’ti yaṃ vacanaṃ āha, tena vacanena tumhehi desanāhārassa yogīnaṃ assādādidesanāhārabhāvo jānitabbo saddahitabboti vuttaṃ hoti.

    ‘‘гим̣ бана зд̇д̇аавад̇аа д̣̇зсанаахааро барибун̣н̣о, ан̃н̃о нияуд̇д̇о над̇т̇ий’’д̇и бужчид̇аб̣б̣ад̇д̇аа ‘‘нияуд̇д̇о д̣̇зсанаахааро’’д̇и вуд̇д̇ам̣. д̇ад̇т̇а яассам̣ д̣̇зсанааяам̣ ассаад̣̇аад̣̇аяо язна д̣̇зсанаахаарзна нид̣̇д̇хаарид̇аа, д̇ассам̣ д̣̇зсанааяам̣ со д̣̇зсанаахааро нид̣̇д̇хаарзд̇ваа яож̇ид̇од̇и ад̇т̇о д̣̇адтаб̣б̣од̇и.

    ‘‘Kiṃ pana ettāvatā desanāhāro paripuṇṇo, añño niyutto natthī’’ti pucchitabbattā ‘‘niyutto desanāhāro’’ti vuttaṃ. Tattha yassaṃ desanāyaṃ assādādayo yena desanāhārena niddhāritā, tassaṃ desanāyaṃ so desanāhāro niddhāretvā yojitoti attho daṭṭhabboti.

    ид̇и д̣̇зсанаахааравибхан̇г̇з сад̇д̇иб̣алаануруубаа ражид̇аа

    Iti desanāhāravibhaṅge sattibalānurūpā racitā

    вибхааванаа нидтид̇аа.

    Vibhāvanā niṭṭhitā.

    бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.

    Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.




    Next: 2. вижаяахааравибхан̇г̇авибхааванаа • 2. Vicayahāravibhaṅgavibhāvanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 1. д̣̇зсанаахааравибхан̇г̇о • 1. Desanāhāravibhaṅgo

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 1. д̣̇зсанаахааравибхан̇г̇аван̣н̣анаа • 1. Desanāhāravibhaṅgavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 1. д̣̇зсанаахааравибхан̇г̇аван̣н̣анаа • 1. Desanāhāravibhaṅgavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact