| Library / Tipiṭaka / තිපිටක • Tipiṭaka / ඉතිවුත්‌තකපාළි • Itivuttakapāḷi |
2. දෙසනාසුත්‌තං
2. Desanāsuttaṃ
39. වුත්‌තඤ්‌හෙතං භගවතා, වුත්‌තමරහතාති මෙ සුතං –
39. Vuttañhetaṃ bhagavatā, vuttamarahatāti me sutaṃ –
‘‘තථාගතස්‌ස, භික්‌ඛවෙ, අරහතො සම්‌මාසම්‌බුද්‌ධස්‌ස ද්‌වෙ ධම්‌මදෙසනා පරියායෙන භවන්‌ති. කතමා ද්‌වෙ? ‘පාපං පාපකතො පස්‌සථා’ති – අයං පඨමා ධම්‌මදෙසනා; ‘පාපං පාපකතො දිස්‌වා තත්‌ථ නිබ්‌බින්‌දථ විරජ්‌ජථ විමුච්‌චථා’ති – අයං දුතියා ධම්‌මදෙසනා. තථාගතස්‌ස, භික්‌ඛවෙ, අරහතො සම්‌මාසම්‌බුද්‌ධස්‌ස ඉමා ද්‌වෙ ධම්‌මදෙසනා පරියායෙන භවන්‌තී’’ති. එතමත්‌ථං භගවා අවොච. තත්‌ථෙතං ඉති වුච්‌චති –
‘‘Tathāgatassa, bhikkhave, arahato sammāsambuddhassa dve dhammadesanā pariyāyena bhavanti. Katamā dve? ‘Pāpaṃ pāpakato passathā’ti – ayaṃ paṭhamā dhammadesanā; ‘pāpaṃ pāpakato disvā tattha nibbindatha virajjatha vimuccathā’ti – ayaṃ dutiyā dhammadesanā. Tathāgatassa, bhikkhave, arahato sammāsambuddhassa imā dve dhammadesanā pariyāyena bhavantī’’ti. Etamatthaṃ bhagavā avoca. Tatthetaṃ iti vuccati –
‘‘තථාගතස්‌ස බුද්‌ධස්‌ස, සබ්‌බභූතානුකම්‌පිනො;
‘‘Tathāgatassa buddhassa, sabbabhūtānukampino;
පරියායවචනං පස්‌ස, ද්‌වෙ ච ධම්‌මා පකාසිතා.
Pariyāyavacanaṃ passa, dve ca dhammā pakāsitā.
තතො විරත්‌තචිත්‌තාසෙ, දුක්‌ඛස්‌සන්‌තං කරිස්‌සථා’’ති.
Tato virattacittāse, dukkhassantaṃ karissathā’’ti.
අයම්‌පි අත්‌ථො වුත්‌තො භගවතා, ඉති මෙ සුතන්‌ති. දුතියං.
Ayampi attho vutto bhagavatā, iti me sutanti. Dutiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ඉතිවුත්‌තක-අට්‌ඨකථා • Itivuttaka-aṭṭhakathā / 2. දෙසනාසුත්‌තවණ්‌ණනා • 2. Desanāsuttavaṇṇanā
