| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
2. д̣̇зсанаасуд̇д̇аван̣н̣анаа
2. Desanāsuttavaṇṇanā
39. д̣̇уд̇ияз барияааязнаад̇и зд̇т̇а барияааяа-сад̣̇д̣̇о ‘‘мад̇хубин̣д̣игабарияааяод̇взва нам̣ д̇хаарзхий’’д̇иаад̣̇ийсу (ма. ни. 1.205) д̣̇зсанааяам̣ ааг̇ад̇о. ‘‘ад̇т̇и квзса , б̣раахман̣а, барияааяо, язна мам̣ барияааязна саммаа вад̣̇амаано вад̣̇зяяа – агирияаваад̣̇о саман̣о г̇од̇амо’’д̇иаад̣̇ийсу (баараа. 5; а. ни. 8.11) гааран̣з. ‘‘гасса ну ко, аананд̣̇а, аж̇ж̇а барияааяо бхигкунияо овад̣̇ид̇у’’нд̇иаад̣̇ийсу (ма. ни. 3.398) ваарз. ид̇ха бана ваарзби гааран̣зби ваддад̇и, д̇асмаа, бхигкавз, д̇ат̇ааг̇ад̇асса д̣̇вз д̇хаммад̣̇зсанаа яат̇аарахам̣ гааран̣зна бхаванд̇и, ваарзна ваад̇и аяамзд̇т̇а ад̇т̇о. бхаг̇аваа хи взнзяяаж̇жхаасаяаануруубам̣ гад̣̇аажи ‘‘имз д̇хаммаа гусалаа, имз, д̇хаммаа агусалаа. имз д̇хаммаа сааваж̇ж̇аа, имз д̇хаммаа анаваж̇ж̇аа. имз сзвид̇аб̣б̣аа, имз на сзвид̇аб̣б̣аа’’д̇иаад̣̇инаа гусалаагусалад̇хаммз вибхаж̇анд̇о гусалад̇хаммзхи агусалад̇хаммз асан̇гарад̇о бан̃н̃аабзнд̇о ‘‘баабам̣ баабагад̇о бассат̇аа’’д̇и д̇хаммам̣ д̣̇зсзд̇и. гад̣̇аажи ‘‘баан̣аад̇ибаад̇о, бхигкавз, аасзвид̇о бхаавид̇о б̣ахулийгад̇о нираяасам̣вад̇д̇аниго д̇иражчаанаяонисам̣вад̇д̇аниго бзд̇д̇ивисаяасам̣вад̇д̇аниго, яо саб̣б̣алахуго баан̣аад̇ибаад̇о, со аббааяугасам̣вад̇д̇аниго’’д̇иаад̣̇инаа (а. ни. 8.40) аад̣̇ийнавам̣ багаасзнд̇о баабад̇о ниб̣б̣ид̣̇аад̣̇ийхи нияож̇знд̇о ‘‘ниб̣б̣инд̣̇ат̇а вираж̇ж̇ат̇аа’’д̇и д̇хаммам̣ д̣̇зсзд̇и.
39. Dutiye pariyāyenāti ettha pariyāya-saddo ‘‘madhupiṇḍikapariyāyotveva naṃ dhārehī’’tiādīsu (ma. ni. 1.205) desanāyaṃ āgato. ‘‘Atthi khvesa , brāhmaṇa, pariyāyo, yena maṃ pariyāyena sammā vadamāno vadeyya – akiriyavādo samaṇo gotamo’’tiādīsu (pārā. 5; a. ni. 8.11) kāraṇe. ‘‘Kassa nu kho, ānanda, ajja pariyāyo bhikkhuniyo ovaditu’’ntiādīsu (ma. ni. 3.398) vāre. Idha pana vārepi kāraṇepi vaṭṭati, tasmā, bhikkhave, tathāgatassa dve dhammadesanā yathārahaṃ kāraṇena bhavanti, vārena vāti ayamettha attho. Bhagavā hi veneyyajjhāsayānurūpaṃ kadāci ‘‘ime dhammā kusalā, ime, dhammā akusalā. Ime dhammā sāvajjā, ime dhammā anavajjā. Ime sevitabbā, ime na sevitabbā’’tiādinā kusalākusaladhamme vibhajanto kusaladhammehi akusaladhamme asaṅkarato paññāpento ‘‘pāpaṃ pāpakato passathā’’ti dhammaṃ deseti. Kadāci ‘‘pāṇātipāto, bhikkhave, āsevito bhāvito bahulīkato nirayasaṃvattaniko tiracchānayonisaṃvattaniko pettivisayasaṃvattaniko, yo sabbalahuko pāṇātipāto, so appāyukasaṃvattaniko’’tiādinā (a. ni. 8.40) ādīnavaṃ pakāsento pāpato nibbidādīhi niyojento ‘‘nibbindatha virajjathā’’ti dhammaṃ deseti.
бхаванд̇ийд̇и хонд̇и бавад̇д̇анд̇и. баабам̣ баабагад̇о бассат̇аад̇и саб̣б̣ам̣ баабад̇хаммам̣ д̣̇идтзва д̇хаммз ааяад̇ин̃жа ахид̇ад̣̇угкаавахад̇о лаамагад̇о бассат̇а. д̇ад̇т̇а ниб̣б̣инд̣̇ат̇аад̇и д̇асмим̣ баабад̇хаммз ‘‘ажжанд̇ахийнабхаавад̇о лаамагадтзна баабам̣, агосалласамбхууд̇адтзна агусалам̣, багад̇ибабхассарасса басаннасса жа жид̇д̇асса бабхассараад̣̇ибхаававинаасанад̇о сам̣гилзсигам̣, бунаббунам̣ бхавад̣̇угканиб̣б̣ад̇д̇анад̇о боноб̣бхавигам̣, сахзва д̣̇арат̇зхи барил̣аахзхи вад̇д̇анад̇о сад̣̇арат̇ам̣, д̣̇угкассзва вибажжанад̇о д̣̇угкавибаагам̣, абаримаан̣амби гаалам̣ анааг̇ад̇з ж̇аад̇иж̇араамаран̣аниб̣б̣ад̇д̇анад̇о ааяад̇им̣ ж̇аад̇иж̇араамаран̣ияам̣, саб̣б̣ахид̇асукавид̣̇д̇хам̣санасамад̇т̇а’’нд̇иаад̣̇инаа наязна наанаавид̇хз аад̣̇ийнавз, д̇асса жа бахаанз аанисам̣сз саммабан̃н̃ааяа бассанд̇аа ниб̣б̣инд̣̇ат̇а ниб̣б̣зд̣̇ам̣ аабаж̇ж̇ат̇а. ниб̣б̣инд̣̇анд̇аа жа вибассанам̣ вад̣дхзд̇ваа арияамаг̇г̇аад̇хиг̇амзна баабад̇о вираж̇ж̇ат̇а жзва вимужжат̇а жа. маг̇г̇зна ваа самужчзд̣̇авирааг̇авасзна вираж̇ж̇ат̇а, д̇ад̇о палзна бадиббассад̣̇д̇хивимуд̇д̇ивасзна вимужжат̇а. ат̇а ваа баабанд̇и лаамагад̇о баабам̣. гим̣ вуд̇д̇ам̣ ход̇и? яам̣ анижжад̣̇угкаад̣̇ибхаавзна гужчид̇ам̣ ариязхи ж̇иг̇ужчанийяам̣ ваддад̣̇угкам̣ баабзд̇ийд̇и баабам̣. гим̣ бана д̇ам̣? д̇збхуумагад̇хаммаж̇аад̇ам̣ . яат̇аавуд̇д̇зна ад̇т̇зна баабагад̇о д̣̇исваа д̇ад̇т̇а анижжад̇о, д̣̇угкад̇о, рог̇ад̇о, г̇ан̣д̣ад̇о, саллад̇о, агхад̇о, ааб̣аад̇хад̇од̇иаад̣̇инаа вибассанам̣ вад̣дхзнд̇аа ниб̣б̣инд̣̇ат̇а. аяам̣ д̣̇уд̇ияаад̇и яаат̇аавад̇о ахид̇аанад̇т̇авибхааванам̣ батамам̣ убаад̣̇ааяа д̇ад̇о вивзжанам̣ аяам̣ д̣̇уд̇ияаа д̇хаммад̣̇зсанаа.
Bhavantīti honti pavattanti. Pāpaṃ pāpakato passathāti sabbaṃ pāpadhammaṃ diṭṭheva dhamme āyatiñca ahitadukkhāvahato lāmakato passatha. Tattha nibbindathāti tasmiṃ pāpadhamme ‘‘accantahīnabhāvato lāmakaṭṭhena pāpaṃ, akosallasambhūtaṭṭhena akusalaṃ, pakatipabhassarassa pasannassa ca cittassa pabhassarādibhāvavināsanato saṃkilesikaṃ, punappunaṃ bhavadukkhanibbattanato ponobbhavikaṃ, saheva darathehi pariḷāhehi vattanato sadarathaṃ, dukkhasseva vipaccanato dukkhavipākaṃ, aparimāṇampi kālaṃ anāgate jātijarāmaraṇanibbattanato āyatiṃ jātijarāmaraṇiyaṃ, sabbahitasukhaviddhaṃsanasamattha’’ntiādinā nayena nānāvidhe ādīnave, tassa ca pahāne ānisaṃse sammapaññāya passantā nibbindatha nibbedaṃ āpajjatha. Nibbindantā ca vipassanaṃ vaḍḍhetvā ariyamaggādhigamena pāpato virajjatha ceva vimuccatha ca. Maggena vā samucchedavirāgavasena virajjatha, tato phalena paṭippassaddhivimuttivasena vimuccatha. Atha vā pāpanti lāmakato pāpaṃ. Kiṃ vuttaṃ hoti? Yaṃ aniccadukkhādibhāvena kucchitaṃ ariyehi jigucchanīyaṃ vaṭṭadukkhaṃ pāpetīti pāpaṃ. Kiṃ pana taṃ? Tebhūmakadhammajātaṃ . Yathāvuttena atthena pāpakato disvā tattha aniccato, dukkhato, rogato, gaṇḍato, sallato, aghato, ābādhatotiādinā vipassanaṃ vaḍḍhentā nibbindatha. Ayaṃ dutiyāti yāthāvato ahitānatthavibhāvanaṃ paṭhamaṃ upādāya tato vivecanaṃ ayaṃ dutiyā dhammadesanā.
г̇аат̇аасу б̣уд̣̇д̇хассаад̇и саб̣б̣ан̃н̃уб̣уд̣̇д̇хасса. саб̣б̣абхууд̇аанугамбинод̇и саб̣б̣зби сад̇д̇з махаагарун̣ааяа анугамбанасабхаавасса. барияааяаважананд̇и барияааязна гат̇анам̣ д̣̇зсанам̣. бассаад̇и барисам̣ аалабад̇и, барисаж̇здтагам̣ ваа санд̇хааяа вуд̇д̇ам̣. гзжи банааху ‘‘ад̇д̇аанамзва санд̇хааяа бхаг̇аваа ‘бассаа’д̇и авожаа’’д̇и. д̇ад̇т̇аад̇и д̇асмим̣ баабагз вираж̇ж̇ат̇а рааг̇ам̣ баж̇ахат̇аад̇и ад̇т̇о. сзсам̣ вуд̇д̇анаяамзва.
Gāthāsu buddhassāti sabbaññubuddhassa. Sabbabhūtānukampinoti sabbepi satte mahākaruṇāya anukampanasabhāvassa. Pariyāyavacananti pariyāyena kathanaṃ desanaṃ. Passāti parisaṃ ālapati, parisajeṭṭhakaṃ vā sandhāya vuttaṃ. Keci panāhu ‘‘attānameva sandhāya bhagavā ‘passā’ti avocā’’ti. Tatthāti tasmiṃ pāpake virajjatha rāgaṃ pajahathāti attho. Sesaṃ vuttanayameva.
д̣̇уд̇ияасуд̇д̇аван̣н̣анаа нидтид̇аа.
Dutiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 2. д̣̇зсанаасуд̇д̇ам̣ • 2. Desanāsuttaṃ
