| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৪. দেসপূজকত্থেরঅপদানং
4. Desapūjakattheraapadānaṃ
১৮.
18.
‘‘অত্থদস্সী তু ভগৰা, লোকজেট্ঠো নরাসভো।
‘‘Atthadassī tu bhagavā, lokajeṭṭho narāsabho;
অব্ভুগ্গন্ত্ৰান ৰেহাসং, গচ্ছতে অনিলঞ্জসে॥
Abbhuggantvāna vehāsaṃ, gacchate anilañjase.
১৯.
19.
‘‘যম্হি দেসে ঠিতো সত্থা, অব্ভুগ্গচ্ছি মহামুনি।
‘‘Yamhi dese ṭhito satthā, abbhuggacchi mahāmuni;
তাহং দেসং অপূজেসিং, পসন্নো সেহি পাণিভি॥
Tāhaṃ desaṃ apūjesiṃ, pasanno sehi pāṇibhi.
২০.
20.
‘‘অট্ঠারসে কপ্পসতে, অদ্দসং যং মহামুনিং।
‘‘Aṭṭhārase kappasate, addasaṃ yaṃ mahāmuniṃ;
দুগ্গতিং নাভিজানামি, দেসপূজাযিদং ফলং॥
Duggatiṃ nābhijānāmi, desapūjāyidaṃ phalaṃ.
২১.
21.
‘‘একাদসে কপ্পসতে, গোসুজাতসনামকো।
‘‘Ekādase kappasate, gosujātasanāmako;
সত্তরতনসম্পন্নো, চক্কৰত্তী মহব্বলো॥
Sattaratanasampanno, cakkavattī mahabbalo.
২২.
22.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা দেসপূজকো থেরো ইমা গাথাযো অভাসিত্থাতি।
Itthaṃ sudaṃ āyasmā desapūjako thero imā gāthāyo abhāsitthāti.
দেসপূজকত্থেরস্সাপদানং চতুত্থং।
Desapūjakattherassāpadānaṃ catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৪. দেসপূজকত্থেরঅপদানৰণ্ণনা • 4. Desapūjakattheraapadānavaṇṇanā
