| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. เทสปูชกเตฺถรอปทานํ
4. Desapūjakattheraapadānaṃ
๑๘.
18.
‘‘อตฺถทสฺสี ตุ ภควา, โลกเชโฎฺฐ นราสโภ;
‘‘Atthadassī tu bhagavā, lokajeṭṭho narāsabho;
อพฺภุคฺคนฺตฺวาน เวหาสํ, คจฺฉเต อนิลญฺชเสฯ
Abbhuggantvāna vehāsaṃ, gacchate anilañjase.
๑๙.
19.
‘‘ยมฺหิ เทเส ฐิโต สตฺถา, อพฺภุคฺคจฺฉิ มหามุนิ;
‘‘Yamhi dese ṭhito satthā, abbhuggacchi mahāmuni;
ตาหํ เทสํ อปูเชสิํ, ปสโนฺน เสหิ ปาณิภิฯ
Tāhaṃ desaṃ apūjesiṃ, pasanno sehi pāṇibhi.
๒๐.
20.
‘‘อฎฺฐารเส กปฺปสเต, อทฺทสํ ยํ มหามุนิํ;
‘‘Aṭṭhārase kappasate, addasaṃ yaṃ mahāmuniṃ;
ทุคฺคติํ นาภิชานามิ, เทสปูชายิทํ ผลํฯ
Duggatiṃ nābhijānāmi, desapūjāyidaṃ phalaṃ.
๒๑.
21.
‘‘เอกาทเส กปฺปสเต, โคสุชาตสนามโก;
‘‘Ekādase kappasate, gosujātasanāmako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๒๒.
22.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เทสปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā desapūjako thero imā gāthāyo abhāsitthāti.
เทสปูชกเตฺถรสฺสาปทานํ จตุตฺถํฯ
Desapūjakattherassāpadānaṃ catutthaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๔. เทสปูชกเตฺถรอปทานวณฺณนา • 4. Desapūjakattheraapadānavaṇṇanā
