| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. දෙසපූජකත්‌ථෙරඅපදානං
4. Desapūjakattheraapadānaṃ
18.
18.
‘‘අත්‌ථදස්‌සී තු භගවා, ලොකජෙට්‌ඨො නරාසභො;
‘‘Atthadassī tu bhagavā, lokajeṭṭho narāsabho;
අබ්‌භුග්‌ගන්‌ත්‌වාන වෙහාසං, ගච්‌ඡතෙ අනිලඤ්‌ජසෙ.
Abbhuggantvāna vehāsaṃ, gacchate anilañjase.
19.
19.
‘‘යම්‌හි දෙසෙ ඨිතො සත්‌ථා, අබ්‌භුග්‌ගච්‌ඡි මහාමුනි;
‘‘Yamhi dese ṭhito satthā, abbhuggacchi mahāmuni;
තාහං දෙසං අපූජෙසිං, පසන්‌නො සෙහි පාණිභි.
Tāhaṃ desaṃ apūjesiṃ, pasanno sehi pāṇibhi.
20.
20.
‘‘අට්‌ඨාරසෙ කප්‌පසතෙ, අද්‌දසං යං මහාමුනිං;
‘‘Aṭṭhārase kappasate, addasaṃ yaṃ mahāmuniṃ;
දුග්‌ගතිං නාභිජානාමි, දෙසපූජායිදං ඵලං.
Duggatiṃ nābhijānāmi, desapūjāyidaṃ phalaṃ.
21.
21.
‘‘එකාදසෙ කප්‌පසතෙ, ගොසුජාතසනාමකො;
‘‘Ekādase kappasate, gosujātasanāmako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
22.
22.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා දෙසපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā desapūjako thero imā gāthāyo abhāsitthāti.
දෙසපූජකත්‌ථෙරස්‌සාපදානං චතුත්‌ථං.
Desapūjakattherassāpadānaṃ catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 4. දෙසපූජකත්‌ථෙරඅපදානවණ්‌ණනා • 4. Desapūjakattheraapadānavaṇṇanā
