| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. д̣̇зсабууж̇агад̇т̇зраабад̣̇аанаван̣н̣анаа
4. Desapūjakattheraapadānavaṇṇanā
ад̇т̇ад̣̇ассий д̇у бхаг̇аваад̇иаад̣̇игам̣ ааяасмад̇о д̣̇зсабууж̇агад̇т̇зрасса абад̣̇аанам̣. аяамби т̇зро буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о ад̇т̇ад̣̇ассисса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хо басанно б̣уд̣̇д̇хамаамаго д̇хаммамаамаго сан̇гхамаамаго ахоси. д̇ад̣̇аа ад̇т̇ад̣̇ассий бхаг̇аваа бхигкусан̇гхабаривуд̇о жанд̣̇о вияа суурияо вияа жа аагаасзна г̇ажчад̇и. со убаасаго бхаг̇авад̇о г̇ад̇ад̣̇исаабхааг̇ам̣ г̇анд̇хамаалаад̣̇ийхи бууж̇знд̇о ан̃ж̇алим̣ баг̇г̇аяха намассамаано адтааси.
Atthadassī tu bhagavātiādikaṃ āyasmato desapūjakattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle kulagehe nibbatto vuddhimanvāya saddho pasanno buddhamāmako dhammamāmako saṅghamāmako ahosi. Tadā atthadassī bhagavā bhikkhusaṅghaparivuto cando viya sūriyo viya ca ākāsena gacchati. So upāsako bhagavato gatadisābhāgaṃ gandhamālādīhi pūjento añjaliṃ paggayha namassamāno aṭṭhāsi.
18. со д̇зна бун̃н̃зна д̣̇звалогз ниб̣б̣ад̇д̇о саг̇г̇асамбад̇д̇им̣ анубхавид̇ваа мануссзсу жа мануссасамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з згасмим̣ гулз ниб̣б̣ад̇д̇о вуд̣̇д̇хиббад̇д̇о убабхог̇абарибхог̇асамбанно сад̇т̇у д̇хаммад̣̇зсанам̣ суд̇ваа басаннамаанасо гхарааваасз аналлийно баб̣б̣аж̇ид̇ваа вад̇д̇асамбанно нажирассзва арахаа худ̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ад̇т̇ад̣̇ассий д̇у бхаг̇аваад̇иаад̣̇имааха. д̇ам̣ хздтаа вуд̇д̇ад̇т̇амзва. анилан̃ж̇асзд̇и ‘‘маг̇г̇о бант̇о бат̇о баж̇ж̇о, ан̃ж̇асам̣ вадумааяана’’нд̇и (жуул̣ани. баарааяанад̇т̇уд̇иг̇аат̇аанид̣̇д̣̇зса 101) барияааяасса вуд̇д̇ад̇д̇аа аниласса ваад̇асса ан̃ж̇асам̣ г̇аманамаг̇г̇од̇и анилан̃ж̇асам̣, д̇асмим̣ анилан̃ж̇асз, аагаасзд̇и ад̇т̇о. сзсам̣ уд̇д̇аанад̇т̇амзваад̇и.
18. So tena puññena devaloke nibbatto saggasampattiṃ anubhavitvā manussesu ca manussasampattiṃ anubhavitvā imasmiṃ buddhuppāde ekasmiṃ kule nibbatto vuddhippatto upabhogaparibhogasampanno satthu dhammadesanaṃ sutvā pasannamānaso gharāvāse anallīno pabbajitvā vattasampanno nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento atthadassī tu bhagavātiādimāha. Taṃ heṭṭhā vuttatthameva. Anilañjaseti ‘‘maggo pantho patho pajjo, añjasaṃ vaṭumāyana’’nti (cūḷani. pārāyanatthutigāthāniddesa 101) pariyāyassa vuttattā anilassa vātassa añjasaṃ gamanamaggoti anilañjasaṃ, tasmiṃ anilañjase, ākāseti attho. Sesaṃ uttānatthamevāti.
д̣̇зсабууж̇агад̇т̇зраабад̣̇аанаван̣н̣анаа самад̇д̇аа.
Desapūjakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. д̣̇зсабууж̇агад̇т̇зраабад̣̇аанам̣ • 4. Desapūjakattheraapadānaṃ
