| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੪. ਦੇવਦਹવਗ੍ਗੋ
14. Devadahavaggo
੧. ਦੇવਦਹਸੁਤ੍ਤਂ
1. Devadahasuttaṃ
੧੩੪. ਏਕਂ ਸਮਯਂ ਭਗવਾ ਸਕ੍ਕੇਸੁ વਿਹਰਤਿ ਦੇવਦਹਂ ਨਾਮ ਸਕ੍ਯਾਨਂ ਨਿਗਮੋ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਨਾਹਂ, ਭਿਕ੍ਖવੇ, ਸਬ੍ਬੇਸਂਯੇવ ਭਿਕ੍ਖੂਨਂ ਛਸੁ ਫਸ੍ਸਾਯਤਨੇਸੁ ਅਪ੍ਪਮਾਦੇਨ ਕਰਣੀਯਨ੍ਤਿ વਦਾਮਿ, ਨ ਚ ਪਨਾਹਂ, ਭਿਕ੍ਖવੇ, ਸਬ੍ਬੇਸਂਯੇવ ਭਿਕ੍ਖੂਨਂ ਛਸੁ ਫਸ੍ਸਾਯਤਨੇਸੁ ਨਾਪ੍ਪਮਾਦੇਨ ਕਰਣੀਯਨ੍ਤਿ વਦਾਮਿ। ਯੇ ਤੇ, ਭਿਕ੍ਖવੇ, ਭਿਕ੍ਖੂ ਅਰਹਨ੍ਤੋ ਖੀਣਾਸવਾ વੁਸਿਤવਨ੍ਤੋ ਕਤਕਰਣੀਯਾ ਓਹਿਤਭਾਰਾ ਅਨੁਪ੍ਪਤ੍ਤਸਦਤ੍ਥਾ ਪਰਿਕ੍ਖੀਣਭવਸਂਯੋਜਨਾ ਸਮ੍ਮਦਞ੍ਞਾ વਿਮੁਤ੍ਤਾ, ਤੇਸਾਹਂ, ਭਿਕ੍ਖવੇ, ਭਿਕ੍ਖੂਨਂ ਛਸੁ ਫਸ੍ਸਾਯਤਨੇਸੁ ਨਾਪ੍ਪਮਾਦੇਨ ਕਰਣੀਯਨ੍ਤਿ વਦਾਮਿ। ਤਂ ਕਿਸ੍ਸ ਹੇਤੁ? ਕਤਂ ਤੇਸਂ ਅਪ੍ਪਮਾਦੇਨ, ਅਭਬ੍ਬਾ ਤੇ ਪਮਜ੍ਜਿਤੁਂ। ਯੇ ਚ ਖੋ ਤੇ, ਭਿਕ੍ਖવੇ, ਭਿਕ੍ਖੂ ਸੇਕ੍ਖਾ 1 ਅਪ੍ਪਤ੍ਤਮਾਨਸਾ ਅਨੁਤ੍ਤਰਂ ਯੋਗਕ੍ਖੇਮਂ ਪਤ੍ਥਯਮਾਨਾ વਿਹਰਨ੍ਤਿ, ਤੇਸਾਹਂ, ਭਿਕ੍ਖવੇ, ਭਿਕ੍ਖੂਨਂ ਛਸੁ ਫਸ੍ਸਾਯਤਨੇਸੁ ਅਪ੍ਪਮਾਦੇਨ ਕਰਣੀਯਨ੍ਤਿ વਦਾਮਿ। ਤਂ ਕਿਸ੍ਸ ਹੇਤੁ? ਸਨ੍ਤਿ, ਭਿਕ੍ਖવੇ, ਚਕ੍ਖੁવਿਞ੍ਞੇਯ੍ਯਾ ਰੂਪਾ ਮਨੋਰਮਾਪਿ, ਅਮਨੋਰਮਾਪਿ। ਤ੍ਯਾਸ੍ਸ ਫੁਸ੍ਸ ਫੁਸ੍ਸ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਨ੍ਤਿ। ਚੇਤਸੋ ਅਪਰਿਯਾਦਾਨਾ ਆਰਦ੍ਧਂ ਹੋਤਿ વੀਰਿਯਂ ਅਸਲ੍ਲੀਨਂ, ਉਪਟ੍ਠਿਤਾ ਸਤਿ ਅਸਮ੍ਮੁਟ੍ਠਾ 2, ਪਸ੍ਸਦ੍ਧੋ ਕਾਯੋ ਅਸਾਰਦ੍ਧੋ, ਸਮਾਹਿਤਂ ਚਿਤ੍ਤਂ ਏਕਗ੍ਗਂ। ਇਮਂ ਖ੍વਾਹਂ, ਭਿਕ੍ਖવੇ, ਅਪ੍ਪਮਾਦਫਲਂ ਸਮ੍ਪਸ੍ਸਮਾਨੋ ਤੇਸਂ ਭਿਕ੍ਖੂਨਂ ਛਸੁ ਫਸ੍ਸਾਯਤਨੇਸੁ ਅਪ੍ਪਮਾਦੇਨ ਕਰਣੀਯਨ੍ਤਿ વਦਾਮਿ…ਪੇ॰… ਸਨ੍ਤਿ, ਭਿਕ੍ਖવੇ, ਮਨੋવਿਞ੍ਞੇਯ੍ਯਾ ਧਮ੍ਮਾ ਮਨੋਰਮਾਪਿ ਅਮਨੋਰਮਾਪਿ। ਤ੍ਯਾਸ੍ਸ ਫੁਸ੍ਸ ਫੁਸ੍ਸ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਨ੍ਤਿ। ਚੇਤਸੋ ਅਪਰਿਯਾਦਾਨਾ ਆਰਦ੍ਧਂ ਹੋਤਿ વੀਰਿਯਂ ਅਸਲ੍ਲੀਨਂ, ਉਪਟ੍ਠਿਤਾ ਸਤਿ ਅਸਮ੍ਮੁਟ੍ਠਾ, ਪਸ੍ਸਦ੍ਧੋ ਕਾਯੋ ਅਸਾਰਦ੍ਧੋ, ਸਮਾਹਿਤਂ ਚਿਤ੍ਤਂ ਏਕਗ੍ਗਂ। ਇਮਂ ਖ੍વਾਹਂ, ਭਿਕ੍ਖવੇ, ਅਪ੍ਪਮਾਦਫਲਂ ਸਮ੍ਪਸ੍ਸਮਾਨੋ ਤੇਸਂ ਭਿਕ੍ਖੂਨਂ ਛਸੁ 3 ਫਸ੍ਸਾਯਤਨੇਸੁ ਅਪ੍ਪਮਾਦੇਨ ਕਰਣੀਯਨ੍ਤਿ વਦਾਮੀ’’ਤਿ। ਪਠਮਂ।
134. Ekaṃ samayaṃ bhagavā sakkesu viharati devadahaṃ nāma sakyānaṃ nigamo. Tatra kho bhagavā bhikkhū āmantesi – ‘‘nāhaṃ, bhikkhave, sabbesaṃyeva bhikkhūnaṃ chasu phassāyatanesu appamādena karaṇīyanti vadāmi, na ca panāhaṃ, bhikkhave, sabbesaṃyeva bhikkhūnaṃ chasu phassāyatanesu nāppamādena karaṇīyanti vadāmi. Ye te, bhikkhave, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā, tesāhaṃ, bhikkhave, bhikkhūnaṃ chasu phassāyatanesu nāppamādena karaṇīyanti vadāmi. Taṃ kissa hetu? Kataṃ tesaṃ appamādena, abhabbā te pamajjituṃ. Ye ca kho te, bhikkhave, bhikkhū sekkhā 4 appattamānasā anuttaraṃ yogakkhemaṃ patthayamānā viharanti, tesāhaṃ, bhikkhave, bhikkhūnaṃ chasu phassāyatanesu appamādena karaṇīyanti vadāmi. Taṃ kissa hetu? Santi, bhikkhave, cakkhuviññeyyā rūpā manoramāpi, amanoramāpi. Tyāssa phussa phussa cittaṃ na pariyādāya tiṭṭhanti. Cetaso apariyādānā āraddhaṃ hoti vīriyaṃ asallīnaṃ, upaṭṭhitā sati asammuṭṭhā 5, passaddho kāyo asāraddho, samāhitaṃ cittaṃ ekaggaṃ. Imaṃ khvāhaṃ, bhikkhave, appamādaphalaṃ sampassamāno tesaṃ bhikkhūnaṃ chasu phassāyatanesu appamādena karaṇīyanti vadāmi…pe… santi, bhikkhave, manoviññeyyā dhammā manoramāpi amanoramāpi. Tyāssa phussa phussa cittaṃ na pariyādāya tiṭṭhanti. Cetaso apariyādānā āraddhaṃ hoti vīriyaṃ asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Imaṃ khvāhaṃ, bhikkhave, appamādaphalaṃ sampassamāno tesaṃ bhikkhūnaṃ chasu 6 phassāyatanesu appamādena karaṇīyanti vadāmī’’ti. Paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਦੇવਦਹਸੁਤ੍ਤવਣ੍ਣਨਾ • 1. Devadahasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਦੇવਦਹਸੁਤ੍ਤવਣ੍ਣਨਾ • 1. Devadahasuttavaṇṇanā
