намо д̇асса бхаг̇авад̇о арахад̇о саммаасамб̣уд̣̇д̇хасса

маж̇жхиманигааяз

убарибан̣н̣ааса-дийгаа

1. д̣̇звад̣̇ахаваг̇г̇о

1. д̣̇звад̣̇ахасуд̇д̇аван̣н̣анаа

1. д̣̇иб̣б̣анд̇и гаамаг̇ун̣зхи гийл̣анд̇и, лал̣анд̇и, д̇зсу ваа вихаранд̇и, виж̇аяасамад̇т̇ад̇ааяог̇зна бажжад̇т̇игз виж̇зд̇ум̣ ижчанд̇и; иссарияадтаанаад̣̇исаггаарад̣̇аанаг̇г̇ахан̣ам̣ д̇ам̣д̇ам̣ад̇т̇аанусаасанан̃жа гаронд̇аа вохаранд̇и, бун̃н̃аанубхааваббад̇д̇ааяа ж̇уд̇ияаа ж̇од̇знд̇и ваад̇и д̣̇зваа вужжанд̇и рааж̇аано. д̇ат̇аа хи д̇з жад̇уухи сан̇г̇ахавад̇т̇уухи ж̇анам̣ ран̃ж̇аяанд̇аа саяам̣ яат̇аавуд̇д̇зхи висзсзхи рааж̇анд̇и д̣̇иб̣б̣анд̇и собханд̇ийд̇и жа, ‘‘рааж̇аано’’д̇и вужжанд̇и. д̇ад̇т̇аад̇и д̇асмим̣ ниг̇амад̣̇зсз. саад̇и богкаран̣ий. д̇анд̇и д̇ам̣, ‘‘д̣̇звад̣̇аха’’нд̇и лад̣̇д̇ханаамам̣ богкаран̣им̣ убаад̣̇ааяа, д̇асса ад̣̇уурабхавад̇д̇аад̇и гзжи. саб̣б̣ам̣ сукаад̣̇ибхзд̣̇ам̣ взд̣̇аяид̇ам̣. буб̣б̣зд̇и буримаж̇аад̇ияам̣. гад̇агаммабажжаяаад̇и гад̇асса гаммасса бажжаяабхаавад̇о ж̇аад̇ам̣ гаммам̣ бадижжа. д̇зна саб̣б̣ааби взд̣̇анаа гаммапалабхууд̇аа зва анубхавид̇аб̣б̣аад̇и д̣̇ассзд̇и. д̇знааха ‘‘иминаа’’д̇иаад̣̇и. анияамзд̇ваа вуд̇д̇анд̇и, ‘‘санд̇и, бхигкавз, згз саман̣аб̣раахман̣аа звам̣ваад̣̇ино’’д̇и звам̣ имз наамаад̇и ависзсзд̇ваа вуд̇д̇амад̇т̇ам̣. нияамзд̇ваад̇и, ‘‘звам̣ваад̣̇ино, бхигкавз, ниг̇ан̣таа’’д̇и звам̣ висзсзд̇ваа д̣̇ассзд̇и.

галисаасананд̇и барааж̇аяам̣. галийд̇и хи анад̇т̇о вужжад̇и, галийд̇и сасад̇и вибпарад̇ийд̇и галисаасанам̣, барааж̇аяо. галийд̇и ваа год̇хамаанаад̣̇игилзсаж̇аад̇и, д̇ааяа бана аяуд̇д̇аваад̣̇ид̇аа галисаасанам̣. д̇ам̣ ааробзд̇угаамо вибхаавзд̇угаамо . яз гаммам̣ гад̇ам̣ агад̇ам̣ ваад̇и на ж̇аананд̇и, д̇з гат̇ам̣ д̇ам̣ зд̣̇исанд̇и ж̇ааниссанд̇и. яз жа гаммам̣ бабхзд̣̇ад̇о на ж̇аананд̇и, д̇з гат̇ам̣ д̇асса вибаагам̣ ж̇ааниссанд̇и; вибаагабарияосид̇абхаавам̣ ж̇ааниссанд̇и, яз жа баабасса гаммасса бадибагкамзва на ж̇аананд̇и; д̇з гат̇ам̣ д̇асса бахаанам̣ гусалагаммасса жа самбаад̣̇анавид̇хим̣ ж̇ааниссанд̇ийд̇и имамад̇т̇ам̣ д̣̇ассзнд̇о, ‘‘уд̇д̇ари бужчааяаби зсзва наяо’’д̇и ааха.

2. гин̃жааби жуул̣ад̣̇угкагканд̇хзби, (ма. ни. 1.180) ‘‘звам̣ санд̇з’’д̇и иминаа д̇зсам̣ ниг̇ан̣таанам̣ аж̇аананабхааво зва уж̇угам̣ багаасид̇о хздтаа д̣̇зсанааяа д̇ат̇аа бавад̇д̇ад̇д̇аа. д̇ат̇аа хи адтагат̇ааяам̣ (ма. ни. адта. 1.180) вуд̇д̇ам̣ – ‘‘звам̣ санд̇зд̇и д̇умхаагам̣ звам̣ аж̇аананабхаавз сад̇ий’’д̇и, д̇ат̇ааби д̇ад̇т̇а убарид̣̇зсанааяа самб̣ад̣̇д̇хо звамад̇т̇о вужжамаано яуж̇ж̇ад̇и, на ан̃н̃ат̇аад̇и д̣̇ассзд̇ум̣ ид̇ха, ‘‘махааниг̇ан̣тасса важанз сажжз санд̇зд̇и ад̇т̇о’’д̇и вуд̇д̇ам̣. зд̇д̇агасса таанассаад̇и яат̇аавуд̇д̇асса бан̃жабаримаан̣асса гааран̣асса.

3. анзгаваарам̣ висаран̃ж̇анам̣ ид̇ха г̇аал̣хаабалзбанам̣, на саадагасса вияа лид̇д̇ад̇аад̇и ааха – ‘‘б̣ахалууба…бз… лид̇д̇зна вияаа’’д̇и. вуд̇д̇амзва, на буна вад̇д̇аб̣б̣ам̣, д̇ад̇т̇а вуд̇д̇анаязнзва взд̣̇ид̇аб̣б̣анд̇и ад̇хиббааяо.

имзсам̣ ниг̇ан̣таанам̣ д̇аад̣̇исасса д̇зсам̣ абхаавад̇о, ‘‘ж̇аананагаало сияаа’’д̇и баригаббавасзна вад̣̇ад̇и. д̇зна звам̣ ж̇аанид̇ум̣ д̇зхи саггаа сияаа, д̇зсан̃жа д̣̇ассанам̣ сажжам̣ сияаа. яасмаа д̇зсам̣ д̣̇ассанам̣ асажжам̣, д̇асмаа д̇з на ж̇ааним̣сууд̇и д̣̇ассзд̇и. жад̇уусу гаалзсууд̇и ван̣амукасса бариганд̇анагаало, салласса зсанагаало, аб̣б̣уханагаало, ван̣амукз аг̇ад̣̇ан̇г̇аараод̣̇аханагаалод̇и имзсу жад̇уусу гаалзсу. суд̣̇д̇ханд̇зд̇и суд̣̇д̇хагодтаасз, д̣̇угкасса анавасзсад̇о ниж̇ж̇ийран̣адтзна нид̣̇д̣̇угкабхаавзд̇и ад̇т̇о. згааяа убамааяаад̇и, ‘‘саллзна вид̣̇д̇хасса хи вид̣̇д̇хагаалз взд̣̇анааяа баагадагаало вияаа’’д̇и имааяа згааяа убамааяа. д̇аяо ад̇т̇аад̇и буб̣б̣з ахувамхаа ваа но ваа, баабагаммам̣ агаримхаа ваа но ваа, зваруубам̣ ваа баабагаммам̣ агаримхаад̇и имз д̇аяо ад̇т̇аа. жад̇уухи убамаахийд̇и ван̣амукабариганд̇анаад̣̇ийхи жад̇уухи убамаахи. зго ад̇т̇од̇и, ‘‘зд̇д̇агам̣ д̣̇угкам̣ ниж̇ж̇ин̣н̣а’’нд̇иаад̣̇инаа вуд̇д̇о зго ад̇т̇о. со хи д̣̇угканиж̇ж̇ийран̣абхаавасааман̃н̃аа зго ад̇т̇од̇и вуд̇д̇о.

4. имз бана ниг̇ан̣таа. аасан̇гааяа вид̣̇д̇хосмийд̇и сан̃н̃ам̣ уббаад̣̇зд̇ваа. бажжаахарид̇унд̇и бажжаавад̇д̇ид̇ум̣, барихарид̇унд̇и ад̇т̇о.

5. ад̇ийд̇аваад̣̇ам̣ сад̣̇д̣̇аханд̇аананд̇и, ‘‘ад̇т̇и ко, бхо, ниг̇ан̣таа буб̣б̣з баабагаммам̣ гад̇а’’нд̇и звам̣ ад̇ийд̇ам̣сам̣ аараб̣бха бавад̇д̇ам̣ махааниг̇ан̣тасса ваад̣̇ам̣ сад̣̇д̣̇аханд̇аанам̣. бхууд̇ад̇д̇аад̇и яат̇аабхууд̇ад̇д̇аа гим̣ авибарийд̇амзва ад̇т̇ам̣ аарамман̣ам̣ гад̇ваа бавад̇д̇аад̇и бужчад̇и. сзсабад̣̇зсуби зсзва наяо. саха д̇хаммзнаад̇и сахад̇хаммо, со зва сахад̇хаммиго яат̇аа ‘‘взнаяиго’’д̇и (а. ни. 8.11; баараа. 8). ‘‘д̇хаммо’’д̇и зд̇т̇а гааран̣ам̣ ад̇хиббзд̇анд̇и ааха – ‘‘сахзд̇угам̣ сагааран̣а’’нд̇и. бадихарад̇и бадивад̇д̇зд̇ийд̇и бадихааро, ваад̣̇о зва бадихааро ваад̣̇абадихааро; д̇ам̣, уд̇д̇аранд̇и ад̇т̇о. д̇знааха – ‘‘бажжааг̇аманагаваад̣̇а’’нд̇и, жод̣̇анам̣ баривад̇д̇зд̇ваа бадибаагад̇игагаран̣анд̇и ад̇т̇о. д̇зсанд̇и ид̣̇ам̣ аавуд̇д̇ивасзна г̇ахзд̇аб̣б̣ам̣, ‘‘д̇зсам̣ сад̣̇д̇хаачзд̣̇агаваад̣̇ам̣ наама д̇зсам̣ д̣̇ассзд̇ий’’д̇и.

6. авиж̇ж̇аа ан̃н̃аан̣аа саммохаад̇и барияааяаважанамзд̇ам̣. авиж̇ж̇аад̇и ваа авиж̇ж̇ааяа гаран̣абхууд̇ааяа. ан̃н̃аан̣знаад̇и аж̇аананзна. саммохзнаад̇и саммуяханзна махаамул̣хад̇ааяа. саамам̣язва обаггамигаа зд̇арахи ад̇д̇ано убаггамахзд̇у д̣̇угкавзд̣̇анам̣ взд̣̇ияамаанам̣ – ‘‘яам̣гин̃жааяам̣…бз… буб̣б̣згад̇ахзд̇уу’’д̇и вибарийд̇ад̇о сад̣̇д̣̇ахат̇а. буб̣б̣згад̇ахзд̇уваад̣̇асан̃н̃ид̇ам̣ вибаллаасаг̇г̇аахам̣ г̇ан̣хат̇а.

7. д̣̇идтад̇хаммо вужжад̇и бажжагкабхууд̇о, д̇ад̇т̇а взд̣̇ид̇аб̣б̣ам̣ палам̣ д̣̇идтад̇хаммавзд̣̇анийяам̣. д̇знааха – ‘‘имасмим̣язва ад̇д̇абхаавз вибаагад̣̇ааяага’’нд̇и. баяог̇знаад̇и гааяигзна баяог̇зна ваа ваажасигзна ваа баяог̇зна. бад̇хаанзнаад̇и бад̣̇аханзна жзд̇асигзна уссааханзна. аасаннз бхаванд̇арз вибаажзд̇ум̣ на саггаа, баг̇зва д̣̇уурзд̇и д̣̇ассзд̇ум̣, ‘‘д̣̇уд̇ияз ваа д̇ад̇ияз ваа ад̇д̇абхаавз’’д̇и вуд̇д̇ам̣. ниб̣б̣ад̇д̇агабхаавад̇о сукавзд̣̇анааяа хид̇анд̇и сукавзд̣̇анийяам̣. саа бана вибаагавзд̣̇анаабхаавад̇о зганд̇ад̇о идтаарамман̣аа зва ход̇ийд̇и ааха ‘‘идтаарамман̣авибаагад̣̇ааяага’’нд̇и. вибарийд̇анд̇и анидтаарамман̣авибаагад̣̇ааяагам̣. нибпаннзд̇и сад̣̇д̇хим̣ ан̃н̃зна гаммзна ниб̣б̣ад̇д̇з. самбарааяавзд̣̇анийяассаад̇и убабаж̇ж̇авзд̣̇анийяасса абараабарияавзд̣̇анийяасса. звам̣ санд̇збийд̇и гаамам̣ барибаггавзд̣̇анийяанд̇и д̣̇идтад̇хаммавзд̣̇анийяамзва вужжад̇и, д̇ат̇ааби ад̇т̇зд̇т̇а ад̇исаяо д̣̇идтад̇хаммависзсабхаавад̇о барибаггавзд̣̇анийяассаад̇и д̣̇ассзд̇ум̣, ‘‘аяамзд̇т̇аа’’д̇иаад̣̇и вуд̇д̇ам̣. яасмим̣ д̣̇ивасз гад̇ам̣, д̇ад̇о сад̇д̇ад̣̇ивасаб̣бханд̇арз.

д̇ад̇раад̇и д̇асмим̣ барибаггавзд̣̇анийяагаммасса сад̇д̇ад̣̇ивасаб̣бханд̇арз вибаагад̣̇аанз. згаваарам̣ гасид̇ваа нисийд̣̇и чаад̇аж̇жхад̇д̇о худ̇ваа. ааг̇ажчанд̇ий ааха – ‘‘уссуурз бхад̇д̇ам̣ аахарийяид̇т̇аа’’д̇и д̣̇оманассам̣ ануббаад̣̇зд̇ваа яат̇аа гад̇абун̃н̃ам̣ анумод̣̇ад̇и. виж̇ж̇од̇амаанам̣ д̣̇исваа, ‘‘гим̣ ну ко ид̣̇амби д̇аббагааро, мама жид̇д̇авигаббамад̇д̇ам̣, уд̣̇ааху суван̣н̣амзваа’’д̇и виймам̣санд̇о яадтияаа бахарид̇ваа.

ваал̣аяагкасан̃жаран̣ад̇д̇аа рааж̇аг̇ахуубажаарасса наг̇арз сахассабхан̣д̣игам̣ жаарзсум̣. уббаннарааг̇о жуул̣ааяа д̣ам̣си. ран̃н̃о аажигкид̇ваад̇и д̇ам̣ бавад̇д̇им̣ ран̃н̃о аажигкид̇ваа. маллигааяа вад̇т̇у д̇хаммабад̣̇авад̇т̇умхи (д̇ха. ба. адта. 2.маллигаад̣̇звийвад̇т̇у) ааг̇ад̇зна наязна гат̇зд̇аб̣б̣ам̣.

маран̣асанд̇игзби гад̇ам̣, баг̇зва д̇ад̇о бурзд̇арам̣ ад̇ийд̇ад̇д̇абхаавзсу жа гад̇ам̣. ид̇ха ниб̣б̣ад̇д̇ид̇авибаагод̇и вуд̇д̇о авассам̣бхаавибхаавад̇о. самбарааяавзд̣̇анийяамзва бхаванд̇арз вибаагад̣̇ааяагабхаавад̇о. ид̇ха ниб̣б̣ад̇д̇ид̇аг̇ун̣од̇взва вуд̇д̇о, на ид̇ха ниб̣б̣ад̇д̇ид̇авибаагод̇и вимуд̇д̇ибхаавад̇о. барибаггавзд̣̇анийяанд̇и взд̣̇ид̇аб̣б̣ам̣ хздтаа вуд̇д̇абарибаггавзд̣̇анийяалагкан̣аанад̇ивад̇д̇анад̇о. саб̣б̣алахум̣ палад̣̇ааяигаад̇и зд̇зна палуббаад̣̇анасамад̇т̇ад̇ааяог̇зна гаммасса барибаггавзд̣̇анийяад̇аад̇и д̣̇ассзд̇и.

жад̇уббан̃жагканд̇хапалад̇ааяа сан̃н̃аабхавуубаг̇ам̣ гаммам̣ б̣ахувзд̣̇анийяанд̇и вуд̇д̇ам̣. згаканд̇хапалад̇д̇аа асан̃н̃аабхавуубаг̇ам̣ гаммам̣ аббавзд̣̇анийяам̣. гзжи бана, ‘‘аруубааважарагаммам̣ б̣ахугаалам̣ взд̣̇ид̇аб̣б̣апалад̇д̇аа б̣ахувзд̣̇анийяам̣, ид̇арам̣ аббавзд̣̇анийяам̣. руубааруубааважарагаммам̣ ваа б̣ахувзд̣̇анийяам̣, барид̇д̇агаммам̣ аббавзд̣̇анийяа’’нд̇и вад̣̇анд̇и. савибаагам̣ гамманд̇и бажжаяанд̇арасамавааяз вибаагуббаад̣̇анасамад̇т̇ам̣, на аарад̣̇д̇хавибаагамзва. авибаагам̣ гамманд̇и бажжаяавзгаллзна вибажжид̇ум̣ асамад̇т̇ам̣ ахосигаммаад̣̇ибхзд̣̇ам̣.

8. д̣̇идтад̇хаммавзд̣̇анийяаад̣̇ийнанд̇и д̣̇идтад̇хаммавзд̣̇анийяаад̣̇ийнам̣ д̣̇асаннам̣ гаммаанам̣ убаггамзна гаммаанам̣ ан̃н̃аат̇аабхаавасса анаабаад̣̇анийяад̇д̇аа яат̇аасабхаавзнзва гаммаани д̇идтанд̇и. д̇ад̇т̇а ниг̇ан̣таанам̣ убаггамо ниббаяож̇анод̇и ааха ‘‘апало’’д̇и. ниг̇ан̣таанам̣ бад̣̇аханасса мижчаавааяаамасса нибпалабхааваббавзд̣̇ано бад̇хаанажчзд̣̇агаваад̣̇о. барзхи вуд̇д̇агааран̣зхийд̇и язхи гааран̣зхи ниг̇ан̣таанам̣ ваад̣̇зсу д̣̇осам̣ д̣̇ассзнд̇и. д̇зхи барзхи вуд̇д̇агааран̣зхи. на хи лагкан̣аяуд̇д̇зна хзд̇унаа винаа бараваад̣̇зсу д̣̇осам̣ д̣̇ассзд̇ум̣ саггаа. д̇знааха ‘‘сагааран̣аа худ̇ваа’’д̇и. ниг̇ан̣таанам̣ ваад̣̇аа жа ануваад̣̇аа жаад̇и ниг̇ан̣тзхи вужжамаанаа сагасагасамаяаббавзд̣̇игаа ваад̣̇аажзва саавагзхи вужжамаанаа д̇зсам̣ ануваад̣̇аа жа. вин̃н̃уухи г̇арахид̇аб̣б̣ам̣ гааран̣ам̣ ааг̇ажчанд̇ийд̇и, ‘‘аяамзд̇т̇а д̣̇осо’’д̇и д̇ад̇т̇а д̇ад̇т̇а вин̃н̃уухи бан̣д̣ид̇зхи г̇арахаарахам̣ гааран̣ам̣ убаг̇ажчанд̇и, баабун̣анд̇ийд̇и ад̇т̇о. д̇ассад̇т̇од̇иаад̣̇ийсу аяам̣ сан̇кзбад̇т̇о , ‘‘вуд̇д̇анаязна барзхи вуд̇д̇зна гааран̣зна сагааран̣аа худ̇ваа д̣̇осад̣̇ассанавасзна ниг̇ан̣таанам̣ ваад̣̇аа ануббад̇д̇аа, д̇ад̇о зва д̇ам̣ ваад̣̇ам̣ аббасаад̣̇анийяабхаавад̣̇ассанзна сосзнд̇аа хзд̇усамбад̇д̇ивохаарасугканзна милаабзнд̇аа д̣̇уггадагаммагааринод̇иаад̣̇аяо д̣̇аса г̇аараяхаабад̣̇зсаа убаг̇ажчанд̇ий’’д̇и.

9. сан̇г̇ад̇ибхаавахзд̇ууд̇и д̇ад̇т̇а д̇ад̇т̇а яад̣̇ижчааяа самудтид̇асан̇г̇ад̇инимид̇д̇ам̣. саа бана сан̇г̇ад̇и нияад̇илагкан̣аад̇и ааха ‘‘нияад̇ибхаавагааран̣аа’’д̇и. ажчзж̇ж̇асуд̇д̇аавуд̇аабхзж̇ж̇аман̣и вияа хи бадинияад̇ад̇аа нияад̇ибавад̇д̇ийд̇и. чал̣абхиж̇аад̇ихзд̇ууд̇и ган̣хаабхиж̇аад̇и нийлаабхиж̇аад̇и лохид̇аабхиж̇аад̇и халид̣̇д̣̇аабхиж̇аад̇и суггаабхиж̇аад̇и барамасуггаабхиж̇аад̇ийд̇и имаасу абхиж̇аад̇ийсу ж̇аад̇инимид̇д̇ам̣. баабасан̇г̇ад̇игаад̇и нихийнасан̇г̇ад̇игаа.

10. анад̣̇д̇хабхууд̇анд̇и зд̇т̇а ад̇хи-сад̣̇д̣̇зна самаанад̇т̇о ад̣̇д̇ха-сад̣̇д̣̇од̇и ааха – ‘‘анад̣̇д̇хабхууд̇анд̇и анад̇хибхууд̇а’’нд̇и. яат̇аа аабааяиго ад̇д̇абхааво махад̇аа д̣̇угкзна абхибхуяяад̇и, на д̇ат̇аа аяанд̇и ааха – ‘‘д̣̇угкзна анад̇хибхууд̇о наама мануссад̇д̇абхааво вужжад̇ий’’д̇и. ‘‘ажзлаго ход̇ий’’д̇иаад̣̇инаа (д̣̇ий. ни. 1.394) вуд̇д̇ааяа наанаббагаарааяа д̣̇уггарагааригааяа гиламат̇зна. яад̣̇и звам̣ гат̇ам̣ д̇худ̇ан̇г̇ад̇хараад̇и ааха ‘‘яз банаа’’д̇иаад̣̇и. нияяаанигасаасанасмин̃хи вийрияанд̇и виваддасанниссид̇ам̣ гад̇ваа бавад̇д̇ияамаанам̣ вийрияам̣ сарийрам̣ кзд̣̇анд̇амби саммаавааяаамо наама ход̇и н̃ааяаарад̣̇д̇хабхаавад̇о.

т̇зрод̇и зд̇т̇а ааг̇ад̇амахаарагкид̇ад̇т̇зро. д̇иссо самбад̇д̇ияо мануссад̣̇званиб̣б̣аанасамбад̇д̇ияо, сийласамаад̇хибан̃н̃аасамбад̇д̇ияо ваа. кураг̇г̇зязваад̇и курз сийсаг̇г̇з зва, курз сийсаг̇г̇ад̇о абанийд̇з зваад̇и ад̇хиббааяо. аяанд̇и, ‘‘иссарагулз ниб̣б̣ад̇д̇о’’д̇иаад̣̇инаа вуд̇д̇о. на саб̣б̣з зва саггаарабуб̣б̣агам̣ баб̣б̣аж̇ид̇ваа арахад̇д̇ам̣ баабун̣анд̇ийд̇и ааха ‘‘яо д̣̇аасигужчияа’’нд̇иаад̣̇и. раж̇ад̇амуд̣̇д̣̇иганд̇и раж̇ад̇амаяам̣ ан̇г̇улимуд̣̇д̣̇игам̣. г̇орагабияан̇г̇умад̇д̇знабийд̇и габид̇т̇ачаллиган̇г̇убубпаг̇анд̇хамад̇д̇знаби.

д̇хаммзна н̃ааязна ааг̇ад̇асукам̣ д̇хаммасуканд̇и ааха – ‘‘сан̇гхад̇о ваа…бз… бажжаяасука’’нд̇и. амужчид̇од̇и анаж̇жхаабанно. ид̣̇аани д̇ам̣ анаж̇жхаабаннад̇ам̣ д̇асса жа палам̣ д̣̇ассзд̇ум̣ ‘‘д̇хаммигам̣ хий’’д̇иаад̣̇и вуд̇д̇ам̣. имассаад̇и самуд̣̇аяасса. со хи бан̃жагканд̇хасса д̣̇угкасса гааран̣абхууд̇ад̇д̇аа аасанно бажжагко гад̇ваа вуд̇д̇о. д̇знааха ‘‘бажжуббаннаана’’нд̇иаад̣̇и. сан̇кааранд̇и яат̇аарад̣̇д̇хааяа саад̇исаяам̣ гаран̣ад̇о сан̇кааранд̇и лад̣̇д̇ханаамам̣ б̣алававийрияам̣ уссол̣хим̣. бад̣̇ахад̇од̇и баяун̃ж̇анд̇асса бавад̇д̇знд̇асса. маг̇г̇зна вирааг̇о ход̇ийд̇и арияамаг̇г̇зна д̣̇угканид̣̇аанасса вираж̇ж̇анаа ход̇и. д̇знааха ‘‘ид̣̇ам̣ вуд̇д̇ам̣ ход̇ий’’д̇и. иминаа сукаабадибад̣̇аа киббаабхин̃н̃аа гат̇ид̇аа агасирзнзва сийгхад̇арам̣ маг̇г̇абаж̇аанад̇ааяа б̣од̇хид̇ад̇д̇аа. маж̇жхад̇д̇ад̇аагаарод̇и вийрияуубзгкамааха. сан̇каарам̣ д̇ад̇т̇а бад̣̇ахад̇ийд̇и бад̇хаанасан̇каарам̣ д̇ад̇т̇а д̣̇угканид̣̇аанасса вираж̇ж̇ананимид̇д̇ам̣ вираж̇ж̇анад̇т̇ам̣ бад̣̇ахад̇и. гат̇ам̣? маг̇г̇аббад̇хаанзна жад̇угижжаббад̇хаанз арияамаг̇г̇з вааяаамзна бад̣̇ахад̇и вааяамад̇и. аж̇жхубзгкад̇од̇и вийрияасса анажжаарад̣̇д̇ханаад̇исит̇илад̇ааяа вийрияасамад̇ааяож̇анз б̣яаабаараагаран̣зна аж̇жхубзгкад̇о. д̇знааха ‘‘убзгкам̣ бхаавзнд̇ассаа’’д̇и. убзгкаабхааванаа жа наамзд̇т̇а д̇ат̇аабавад̇д̇аа арияамаг̇г̇абхааванаа зваад̇и ааха – ‘‘маг̇г̇абхааванааяа бхаавзд̇ий’’д̇и.

зд̇т̇а жа звам̣ баал̣ияаа бад̣̇аяож̇анаа взд̣̇ид̇аб̣б̣аа, – ‘‘со звам̣ баж̇аанаад̇и. гат̇ам̣? сан̇каарам̣ мз бад̣̇ахад̇о сан̇каарабад̣̇аханаа имасса д̣̇угканид̣̇аанасса вирааг̇о ход̇и , аж̇жхубзгкад̇о мз убзгканаа имасса д̣̇угканид̣̇аанасса вирааг̇о ход̇ий’’д̇и. бадибаж̇ж̇амаанасса жааяам̣ буб̣б̣абхааг̇авиймам̣сассаад̇и г̇ахзд̇аб̣б̣ам̣. д̇ад̇т̇а сан̇каараббад̇хаанаад̇и саммасанабад̣̇зна сукзнзва киббад̇арам̣ бхааванаауссуггаабанавийрияам̣ д̣̇ассид̇анд̇и сукаабадибад̣̇аа киббаабхин̃н̃аа д̣̇ассид̇аа. аж̇жхубзгкад̇од̇и зд̇т̇а гассажи наад̇ид̣̇ал̣хам̣ гад̇ваа бавад̇д̇ид̇авийриязнаби д̣̇угканид̣̇аанасса вирааг̇о ход̇и вибассанамануяун̃ж̇ад̇ийд̇и д̣̇ассид̇ам̣. убхаяад̇т̇ааби жад̇уд̇т̇ийязва бадибад̣̇аа вибхаавид̇аад̇и д̣̇адтаб̣б̣ам̣. ид̣̇аани, ‘‘яасса хи кваасса…бз… убзгкам̣ д̇ад̇т̇а бхаавзд̇ий’’д̇и ваарзхи д̇аасам̣язва бадибад̣̇аанам̣ васзна д̇зсам̣ буг̇г̇алаанам̣ бадибад̇д̇и д̣̇ассид̇аа. ваддад̣̇угканид̣̇аанасса бариж̇ин̣н̣ам̣ имзхи ваарзхи д̣̇угкагкаяо вибхаавид̇о.

11. б̣ад̣̇д̇хажид̇д̇од̇и самб̣ад̣̇д̇хажид̇д̇о. б̣ахалажчанд̣̇од̇и б̣ахалад̇ан̣хаачанд̣̇о. ад̇ижарид̇ваад̇и ад̇иггамид̇ваа. надасад̇т̇авид̇хинаа нажжанагаа надаа, нажжагаа ид̇арз. соманассам̣ уббаж̇ж̇ад̇и, ‘‘ийд̣̇исам̣ наама ид̇т̇им̣ барижжаж̇и’’нд̇и. чиж̇ж̇аад̇и д̣̇вид̇хаа ход̇у. бхиж̇ж̇аад̇и бхиж̇ж̇ад̇у. ‘‘чиж̇ж̇а ваа бхиж̇ж̇аваа’’д̇и бад̣̇ад̣̇ваязнаби винаасамзва вад̣̇ад̇и. н̃ад̇ваад̇и буб̣б̣абхааг̇ан̃аан̣зна ж̇аанид̇ваа. д̇ад̣̇убхаяанд̇и сан̇каарабад̣̇аханаубзгкаабхааванам̣.

12. бзсзнд̇ассаад̇и вааяаманд̇асса. д̇ам̣ санд̇хааяаад̇и д̣̇угкааяа бадибад̣̇ааяа нияяаанад̇ам̣ санд̇хааяа.

усугааро вияа яог̇ий д̇зж̇анасса вияа жид̇д̇асса уж̇угаран̣ад̇о. г̇омуд̇д̇аван̇гам̣, жанд̣̇алзкаагудилам̣, нан̇г̇алагодиж̇имхам̣ жид̇д̇ам̣. алаад̇аа вияа вийрияам̣ аад̇аабана-барид̇аабанад̇о. ган̃жигад̇злам̣ вияа сад̣̇д̇хаа синзханад̇о. наманад̣̇ан̣д̣аго вияа логуд̇д̇арамаг̇г̇о ниб̣б̣аанаарамман̣з жид̇д̇асса нааманад̇о. логуд̇д̇арамаг̇г̇зна жид̇д̇асса уж̇угаран̣ам̣ бхааванаабхисамаяад̇о д̣̇адтаб̣б̣ам̣. анд̇ад̣̇ваяаваж̇ж̇ид̇аа маж̇жхимаа бадибад̇д̇ийд̇и гад̇ваа гилзсаг̇ан̣авиж̇жханам̣ бахаанаабхисамаяо. ид̇араа бана бадибад̣̇аа д̣̇анд̇хаабхин̃н̃аад̇и имзсам̣ д̣̇виннам̣ бхигкуунам̣ имаасу д̣̇вийсу яат̇аавуд̇д̇аасу киббаабхин̃н̃аасу гат̇ид̇аасу, ид̇арааби гат̇ид̇аава хонд̇и лагкан̣ахааранаязна бадибад̣̇аасааман̃н̃ад̇о. сахааг̇аманийяааби ваа бадибад̣̇аа гат̇ид̇аава, ‘‘на хзва анад̣̇д̇хабхууд̇ам̣ ад̇т̇аана’’нд̇иаад̣̇инаа буб̣б̣абхааг̇абадибад̣̇ааяа гат̇ид̇ад̇д̇аа. ‘‘ааг̇аманийяабадибад̣̇аа бана на гат̇ид̇аа’’д̇и ид̣̇ам̣ сависзсам̣ аж̇жхубзгкасса агат̇ид̇ад̇ам̣ санд̇хааяа вуд̇д̇анд̇и д̣̇адтаб̣б̣ам̣. нигкаманад̣̇зсананд̇и нигкаманубааяам̣ д̣̇зсанам̣. сзсам̣ сувин̃н̃зяяамзва.

д̣̇звад̣̇ахасуд̇д̇аван̣н̣анааяа лийнад̇т̇аббагаасанаа самад̇д̇аа.