| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਦੇવਦਹਸੁਤ੍ਤવਣ੍ਣਨਾ
2. Devadahasuttavaṇṇanā
੨. ਦੁਤਿਯੇ ਦੇવਦਹਨ੍ਤਿ ਦੇવਾ વੁਚ੍ਚਨ੍ਤਿ ਰਾਜਾਨੋ, ਤੇਸਂ ਮਙ੍ਗਲਦਹੋ, ਸਯਂਜਾਤੋ વਾ ਸੋ ਦਹੋਤਿ, ਤਸ੍ਮਾ ‘‘ਦੇવਦਹੋ’’ਤਿ વੁਤ੍ਤੋ। ਤਸ੍ਸ ਅવਿਦੂਰੇ ਨਿਗਮੋ ਦੇવਦਹਨ੍ਤ੍વੇવ ਨਪੁਂਸਕਲਿਙ੍ਗવਸੇਨ ਸਙ੍ਖਂ ਗਤੋ। ਪਚ੍ਛਾਭੂਮਗਮਿਕਾਤਿ ਪਚ੍ਛਾਭੂਮਂ ਅਪਰਦਿਸਾਯਂ ਨਿવਿਟ੍ਠਂ ਜਨਪਦਂ ਗਨ੍ਤੁਕਾਮਾ। ਨਿવਾਸਨ੍ਤਿ ਤੇਮਾਸਂ વਸ੍ਸਾવਾਸਂ। ਅਪਲੋਕਿਤੋਤਿ ਆਪੁਚ੍ਛਿਤੋ। ਅਪਲੋਕੇਥਾਤਿ ਆਪੁਚ੍ਛਥ। ਕਸ੍ਮਾ ਥੇਰਂ ਆਪੁਚ੍ਛਾਪੇਤਿ? ਤੇ ਸਭਾਰੇ ਕਾਤੁਕਾਮਤਾਯ। ਯੋ ਹਿ ਏਕવਿਹਾਰੇ વਸਨ੍ਤੋਪਿ ਸਨ੍ਤਿਕਂ ਨ ਗਚ੍ਛਤਿ ਪਕ੍ਕਮਨ੍ਤੋ ਅਨਾਪੁਚ੍ਛਾ ਪਕ੍ਕਮਤਿ, ਅਯਂ ਨਿਬ੍ਭਾਰੋ ਨਾਮ। ਯੋ ਏਕવਿਹਾਰੇ વਸਨ੍ਤੋਪਿ ਆਗਨ੍ਤ੍વਾ ਪਸ੍ਸਤਿ, ਪਕ੍ਕਮਨ੍ਤੋ ਆਪੁਚ੍ਛਤਿ, ਅਯਂ ਸਭਾਰੋ ਨਾਮ। ਇਮੇਪਿ ਭਿਕ੍ਖੂ ਭਗવਾ ‘‘ਏવਮਿਮੇ ਸੀਲਾਦੀਹਿ વਡ੍ਢਿਸ੍ਸਨ੍ਤੀ’’ਤਿ ਸਭਾਰੇ ਕਾਤੁਕਾਮੋ ਆਪੁਚ੍ਛਾਪੇਤਿ।
2. Dutiye devadahanti devā vuccanti rājāno, tesaṃ maṅgaladaho, sayaṃjāto vā so dahoti, tasmā ‘‘devadaho’’ti vutto. Tassa avidūre nigamo devadahantveva napuṃsakaliṅgavasena saṅkhaṃ gato. Pacchābhūmagamikāti pacchābhūmaṃ aparadisāyaṃ niviṭṭhaṃ janapadaṃ gantukāmā. Nivāsanti temāsaṃ vassāvāsaṃ. Apalokitoti āpucchito. Apalokethāti āpucchatha. Kasmā theraṃ āpucchāpeti? Te sabhāre kātukāmatāya. Yo hi ekavihāre vasantopi santikaṃ na gacchati pakkamanto anāpucchā pakkamati, ayaṃ nibbhāro nāma. Yo ekavihāre vasantopi āgantvā passati, pakkamanto āpucchati, ayaṃ sabhāro nāma. Imepi bhikkhū bhagavā ‘‘evamime sīlādīhi vaḍḍhissantī’’ti sabhāre kātukāmo āpucchāpeti.
ਪਣ੍ਡਿਤੋਤਿ ਧਾਤੁਕੋਸਲ੍ਲਾਦਿਨਾ ਚਤੁਬ੍ਬਿਧੇਨ ਪਣ੍ਡਿਚ੍ਚੇਨ ਸਮਨ੍ਨਾਗਤੋ। ਅਨੁਗ੍ਗਾਹਕੋਤਿ ਆਮਿਸਾਨੁਗ੍ਗਹੇਨ ਚ ਧਮ੍ਮਾਨੁਗ੍ਗਹੇਨ ਚਾਤਿ ਦ੍વੀਹਿਪਿ ਅਨੁਗ੍ਗਹੇਹਿ ਅਨੁਗ੍ਗਾਹਕੋ। ਥੇਰੋ ਕਿਰ ਅਞ੍ਞੇ ਭਿਕ੍ਖੂ વਿਯ ਪਾਤੋવ ਪਿਣ੍ਡਾਯ ਅਗਨ੍ਤ੍વਾ ਸਬ੍ਬਭਿਕ੍ਖੂਸੁ ਗਤੇਸੁ ਸਕਲਂ ਸਙ੍ਘਾਰਾਮਂ ਅਨੁવਿਚਰਨ੍ਤੋ ਅਸਮ੍ਮਟ੍ਠਟ੍ਠਾਨਂ ਸਮ੍ਮਜ੍ਜਤਿ, ਅਛਡ੍ਡਿਤਂ ਕਚવਰਂ ਛਡ੍ਡੇਤਿ, ਸਙ੍ਘਾਰਾਮੇ ਦੁਨ੍ਨਿਕ੍ਖਿਤ੍ਤਾਨਿ ਮਞ੍ਚਪੀਠਦਾਰੁਭਣ੍ਡਮਤ੍ਤਿਕਾਭਣ੍ਡਾਨਿ ਪਟਿਸਾਮੇਤਿ। ਕਿਂ ਕਾਰਣਾ? ‘‘ਮਾ ਅਞ੍ਞਤਿਤ੍ਥਿਯਾ વਿਹਾਰਂ ਪવਿਟ੍ਠਾ ਦਿਸ੍વਾ ਪਰਿਭવਂ ਅਕਂਸੂ’’ਤਿ। ਤਤੋ ਗਿਲਾਨਸਾਲਂ ਗਨ੍ਤ੍વਾ ਗਿਲਾਨੇ ਅਸ੍ਸਾਸੇਤ੍વਾ ‘‘ਕੇਨਤ੍ਥੋ’’ਤਿ ਪੁਚ੍ਛਿਤ੍વਾ ਯੇਨ ਅਤ੍ਥੋ ਹੋਤਿ, ਤਦਤ੍ਥਂ ਤੇਸਂ ਦਹਰਸਾਮਣੇਰੇ ਆਦਾਯ ਭਿਕ੍ਖਾਚਾਰવਤ੍ਤੇਨ વਾ ਸਭਾਗਟ੍ਠਾਨੇ વਾ ਭੇਸਜ੍ਜਂ ਪਰਿਯੇਸਿਤ੍વਾ ਤੇਸਂ ਦਤ੍વਾ, ‘‘ਗਿਲਾਨੁਪਟ੍ਠਾਨਂ ਨਾਮ ਬੁਦ੍ਧਪਚ੍ਚੇਕਬੁਦ੍ਧੇਹਿ વਣ੍ਣਿਤਂ, ਗਚ੍ਛਥ ਸਪ੍ਪੁਰਿਸਾ ਅਪ੍ਪਮਤ੍ਤਾ ਹੋਥਾ’’ਤਿ ਤੇ ਪੇਸੇਤ੍વਾ ਸਯਂ ਪਿਣ੍ਡਾਯ ਚਰਿਤ੍વਾ ਉਪਟ੍ਠਾਕਕੁਲੇ વਾ ਭਤ੍ਤਕਿਚ੍ਚਂ ਕਤ੍વਾ વਿਹਾਰਂ ਗਚ੍ਛਤਿ। ਇਦਂ ਤਾવਸ੍ਸ ਨਿਬਦ੍ਧવਾਸਟ੍ਠਾਨੇ ਆਚਿਣ੍ਣਂ।
Paṇḍitoti dhātukosallādinā catubbidhena paṇḍiccena samannāgato. Anuggāhakoti āmisānuggahena ca dhammānuggahena cāti dvīhipi anuggahehi anuggāhako. Thero kira aññe bhikkhū viya pātova piṇḍāya agantvā sabbabhikkhūsu gatesu sakalaṃ saṅghārāmaṃ anuvicaranto asammaṭṭhaṭṭhānaṃ sammajjati, achaḍḍitaṃ kacavaraṃ chaḍḍeti, saṅghārāme dunnikkhittāni mañcapīṭhadārubhaṇḍamattikābhaṇḍāni paṭisāmeti. Kiṃ kāraṇā? ‘‘Mā aññatitthiyā vihāraṃ paviṭṭhā disvā paribhavaṃ akaṃsū’’ti. Tato gilānasālaṃ gantvā gilāne assāsetvā ‘‘kenattho’’ti pucchitvā yena attho hoti, tadatthaṃ tesaṃ daharasāmaṇere ādāya bhikkhācāravattena vā sabhāgaṭṭhāne vā bhesajjaṃ pariyesitvā tesaṃ datvā, ‘‘gilānupaṭṭhānaṃ nāma buddhapaccekabuddhehi vaṇṇitaṃ, gacchatha sappurisā appamattā hothā’’ti te pesetvā sayaṃ piṇḍāya caritvā upaṭṭhākakule vā bhattakiccaṃ katvā vihāraṃ gacchati. Idaṃ tāvassa nibaddhavāsaṭṭhāne āciṇṇaṃ.
ਭਗવਤਿ ਪਨ ਚਾਰਿਕਂ ਚਰਮਾਨੇ ‘‘ਅਹਂ ਅਗ੍ਗਸਾવਕੋ’’ਤਿ ਉਪਾਹਨਂ ਆਰੁਯ੍ਹ ਛਤ੍ਤਂ ਗਹੇਤ੍વਾ ਪੁਰਤੋ ਪੁਰਤੋ ਨ ਗਚ੍ਛਤਿ। ਯੇ ਪਨ ਤਤ੍ਥ ਮਹਲ੍ਲਕਾ વਾ ਆਬਾਧਿਕਾ વਾ ਅਤਿਦਹਰਾ વਾ, ਤੇਸਂ ਰੁਜ੍ਜਨਟ੍ਠਾਨਾਨਿ ਤੇਲੇਨ ਮਕ੍ਖਾਪੇਤ੍વਾ ਪਤ੍ਤਚੀવਰਂ ਅਤ੍ਤਨੋ ਦਹਰਸਾਮਣੇਰੇਹਿ ਗਾਹਾਪੇਤ੍વਾ ਤਂਦਿવਸਂ વਾ ਦੁਤਿਯਦਿવਸਂ વਾ ਤੇ ਗਣ੍ਹਿਤ੍વਾવ ਗਚ੍ਛਤਿ। ਏਕਦਿવਸਞ੍ਹਿ ਤਞ੍ਞੇવ ਆਯਸ੍ਮਨ੍ਤਂ ਅਤਿવਿਕਾਲੇ ਸਮ੍ਪਤ੍ਤਤ੍ਤਾ ਸੇਨਾਸਨਂ ਅਲਭਿਤ੍વਾ, ਚੀવਰਕੁਟਿਯਂ ਨਿਸਿਨ੍ਨਂ ਦਿਸ੍વਾ, ਸਤ੍ਥਾ ਪੁਨਦਿવਸੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ, ਹਤ੍ਥਿવਾਨਰਤਿਤ੍ਤਿਰવਤ੍ਥੁਂ ਕਥੇਤ੍વਾ, ‘‘ਯਥਾવੁਡ੍ਢਂ ਸੇਨਾਸਨਂ ਦਾਤਬ੍ਬ’’ਨ੍ਤਿ ਸਿਕ੍ਖਾਪਦਂ ਪਞ੍ਞਾਪੇਸਿ। ਏવਂ ਤਾવੇਸ ਆਮਿਸਾਨੁਗ੍ਗਹੇਨ ਅਨੁਗ੍ਗਣ੍ਹਾਤਿ। ਓવਦਨ੍ਤੋ ਪਨੇਸ ਸਤવਾਰਮ੍ਪਿ ਸਹਸ੍ਸવਾਰਮ੍ਪਿ ਤਾવ ਓવਦਤਿ, ਯਾવ ਸੋ ਪੁਗ੍ਗਲੋ ਸੋਤਾਪਤ੍ਤਿਫਲੇ ਪਤਿਟ੍ਠਾਤਿ, ਅਥ ਨਂ વਿਸ੍ਸਜ੍ਜੇਤ੍વਾ ਅਞ੍ਞਂ ਓવਦਤਿ। ਇਮਿਨਾ ਨਯੇਨ ਓવਦਤੋ ਚਸ੍ਸ ਓવਾਦੇ ਠਤ੍વਾ ਅਰਹਤ੍ਤਂ ਪਤ੍ਤਾ ਗਣਨਪਥਂ ਅਤਿਕ੍ਕਨ੍ਤਾ। ਏવਂ ਧਮ੍ਮਾਨੁਗ੍ਗਹੇਨ ਅਨੁਗ੍ਗਣ੍ਹਾਤਿ।
Bhagavati pana cārikaṃ caramāne ‘‘ahaṃ aggasāvako’’ti upāhanaṃ āruyha chattaṃ gahetvā purato purato na gacchati. Ye pana tattha mahallakā vā ābādhikā vā atidaharā vā, tesaṃ rujjanaṭṭhānāni telena makkhāpetvā pattacīvaraṃ attano daharasāmaṇerehi gāhāpetvā taṃdivasaṃ vā dutiyadivasaṃ vā te gaṇhitvāva gacchati. Ekadivasañhi taññeva āyasmantaṃ ativikāle sampattattā senāsanaṃ alabhitvā, cīvarakuṭiyaṃ nisinnaṃ disvā, satthā punadivase bhikkhusaṅghaṃ sannipātāpetvā, hatthivānaratittiravatthuṃ kathetvā, ‘‘yathāvuḍḍhaṃ senāsanaṃ dātabba’’nti sikkhāpadaṃ paññāpesi. Evaṃ tāvesa āmisānuggahena anuggaṇhāti. Ovadanto panesa satavārampi sahassavārampi tāva ovadati, yāva so puggalo sotāpattiphale patiṭṭhāti, atha naṃ vissajjetvā aññaṃ ovadati. Iminā nayena ovadato cassa ovāde ṭhatvā arahattaṃ pattā gaṇanapathaṃ atikkantā. Evaṃ dhammānuggahena anuggaṇhāti.
ਪਚ੍ਚਸ੍ਸੋਸੁਨ੍ਤਿ ਤੇ ਭਿਕ੍ਖੂ ‘‘ਅਮ੍ਹਾਕਂ ਨੇવ ਉਪਜ੍ਝਾਯੋ, ਨ ਆਚਰਿਯੋ ਨ ਸਨ੍ਦਿਟ੍ਠਸਮ੍ਭਤ੍ਤੋ। ਕਿਂ ਤਸ੍ਸ ਸਨ੍ਤਿਕੇ ਕਰਿਸ੍ਸਾਮਾ’’ਤਿ? ਤੁਣ੍ਹੀਭਾવਂ ਅਨਾਪਜ੍ਜਿਤ੍વਾ ‘‘ਏવਂ, ਭਨ੍ਤੇ’’ਤਿ ਸਤ੍ਥੁ વਚਨਂ ਸਮ੍ਪਟਿਚ੍ਛਿਂਸੁ। ਏਲ਼ਗਲਾਗੁਮ੍ਬੇਤਿ ਗਚ੍ਛਮਣ੍ਡਪਕੇ। ਸੋ ਕਿਰ ਏਲ਼ਗਲਾਗੁਮ੍ਬੋ ਧੁવਸਲਿਲਟ੍ਠਾਨੇ ਜਾਤੋ। ਅਥੇਤ੍ਥ ਚਤੂਹਿ ਪਾਦੇਹਿ ਮਣ੍ਡਪਂ ਕਤ੍વਾ ਤਸ੍ਸ ਉਪਰਿ ਤਂ ਗੁਮ੍ਬਂ ਆਰੋਪੇਸੁਂ, ਸੋ ਤਂ ਮਣ੍ਡਪਂ ਛਾਦੇਸਿ। ਅਥਸ੍ਸ ਹੇਟ੍ਠਾ ਇਟ੍ਠਕਾਹਿ ਪਰਿਚਿਨਿਤ੍વਾ વਾਲਿਕਂ ਓਕਿਰਿਤ੍વਾ ਆਸਨਂ ਪਞ੍ਞਾਪਯਿਂਸੁ। ਸੀਤਲਂ ਦਿવਾਟ੍ਠਾਨਂ ਉਦਕવਾਤੋ વਾਯਤਿ। ਥੇਰੋ ਤਸ੍ਮਿਂ ਨਿਸੀਦਿ। ਤਂ ਸਨ੍ਧਾਯ વੁਤ੍ਤਂ ‘‘ਏਲ਼ਗਲਾਗੁਮ੍ਬੇ’’ਤਿ।
Paccassosunti te bhikkhū ‘‘amhākaṃ neva upajjhāyo, na ācariyo na sandiṭṭhasambhatto. Kiṃ tassa santike karissāmā’’ti? Tuṇhībhāvaṃ anāpajjitvā ‘‘evaṃ, bhante’’ti satthu vacanaṃ sampaṭicchiṃsu. Eḷagalāgumbeti gacchamaṇḍapake. So kira eḷagalāgumbo dhuvasalilaṭṭhāne jāto. Athettha catūhi pādehi maṇḍapaṃ katvā tassa upari taṃ gumbaṃ āropesuṃ, so taṃ maṇḍapaṃ chādesi. Athassa heṭṭhā iṭṭhakāhi paricinitvā vālikaṃ okiritvā āsanaṃ paññāpayiṃsu. Sītalaṃ divāṭṭhānaṃ udakavāto vāyati. Thero tasmiṃ nisīdi. Taṃ sandhāya vuttaṃ ‘‘eḷagalāgumbe’’ti.
ਨਾਨਾવੇਰਜ੍ਜਗਤਨ੍ਤਿ ਏਕਸ੍ਸ ਰਞ੍ਞੋ ਰਜ੍ਜਤੋ ਨਾਨਾવਿਧਂ ਰਜ੍ਜਗਤਂ। વਿਰਜ੍ਜਨ੍ਤਿ ਅਞ੍ਞਂ ਰਜ੍ਜਂ। ਯਥਾ ਹਿ ਸਦੇਸਤੋ ਅਞ੍ਞੋ વਿਦੇਸੋ, ਏવਂ ਨਿવੁਤ੍ਥਰਜ੍ਜਤੋ ਅਞ੍ਞਂ ਰਜ੍ਜਂ વਿਰਜ੍ਜਂ ਨਾਮ, ਤਂ વੇਰਜ੍ਜਨ੍ਤਿ વੁਤ੍ਤਂ। ਖਤ੍ਤਿਯਪਣ੍ਡਿਤਾਤਿ ਬਿਮ੍ਬਿਸਾਰਕੋਸਲਰਾਜਾਦਯੋ ਪਣ੍ਡਿਤਰਾਜਾਨੋ। ਬ੍ਰਾਹ੍ਮਣਪਣ੍ਡਿਤਾਤਿ ਚਙ੍ਕੀਤਾਰੁਕ੍ਖਾਦਯੋ ਪਣ੍ਡਿਤਬ੍ਰਾਹ੍ਮਣਾ। ਗਹਪਤਿਪਣ੍ਡਿਤਾਤਿ ਚਿਤ੍ਤਸੁਦਤ੍ਤਾਦਯੋ ਪਣ੍ਡਿਤਗਹਪਤਯੋ। ਸਮਣਪਣ੍ਡਿਤਾਤਿ ਸਭਿਯਪਿਲੋਤਿਕਾਦਯੋ ਪਣ੍ਡਿਤਪਰਿਬ੍ਬਾਜਕਾ । વੀਮਂਸਕਾਤਿ ਅਤ੍ਥਗવੇਸਿਨੋ। ਕਿਂવਾਦੀਤਿ ਕਿਂ ਅਤ੍ਤਨੋ ਦਸ੍ਸਨਂ વਦਤਿ, ਕਿਂ ਲਦ੍ਧਿਕੋਤਿ ਅਤ੍ਥੋ। ਕਿਮਕ੍ਖਾਯੀਤਿ ਕਿਂ ਸਾવਕਾਨਂ ਓવਾਦਾਨੁਸਾਸਨਿਂ ਆਚਿਕ੍ਖਤਿ? ਧਮ੍ਮਸ੍ਸ ਚਾਨੁਧਮ੍ਮਨ੍ਤਿ ਭਗવਤਾ વੁਤ੍ਤਬ੍ਯਾਕਰਣਸ੍ਸ ਅਨੁਬ੍ਯਾਕਰਣਂ। ਸਹਧਮ੍ਮਿਕੋਤਿ ਸਕਾਰਣੋ। વਾਦਾਨੁવਾਦੋਤਿ ਭਗવਤਾ વੁਤ੍ਤવਾਦਸ੍ਸ ਅਨੁવਾਦੋ। ‘‘વਾਦਾਨੁਪਾਤੋ’’ਤਿਪਿ ਪਾਠੋ, ਸਤ੍ਥੁ વਾਦਸ੍ਸ ਅਨੁਪਾਤੋ ਅਨੁਪਤਨਂ, ਅਨੁਗਮਨਨ੍ਤਿ ਅਤ੍ਥੋ। ਇਮਿਨਾਪਿ વਾਦਂ ਅਨੁਗਤੋ વਾਦੋਯੇવ ਦੀਪਿਤੋ ਹੋਤਿ।
Nānāverajjagatanti ekassa rañño rajjato nānāvidhaṃ rajjagataṃ. Virajjanti aññaṃ rajjaṃ. Yathā hi sadesato añño videso, evaṃ nivuttharajjato aññaṃ rajjaṃ virajjaṃ nāma, taṃ verajjanti vuttaṃ. Khattiyapaṇḍitāti bimbisārakosalarājādayo paṇḍitarājāno. Brāhmaṇapaṇḍitāti caṅkītārukkhādayo paṇḍitabrāhmaṇā. Gahapatipaṇḍitāti cittasudattādayo paṇḍitagahapatayo. Samaṇapaṇḍitāti sabhiyapilotikādayo paṇḍitaparibbājakā . Vīmaṃsakāti atthagavesino. Kiṃvādīti kiṃ attano dassanaṃ vadati, kiṃ laddhikoti attho. Kimakkhāyīti kiṃ sāvakānaṃ ovādānusāsaniṃ ācikkhati? Dhammassa cānudhammanti bhagavatā vuttabyākaraṇassa anubyākaraṇaṃ. Sahadhammikoti sakāraṇo. Vādānuvādoti bhagavatā vuttavādassa anuvādo. ‘‘Vādānupāto’’tipi pāṭho, satthu vādassa anupāto anupatanaṃ, anugamananti attho. Imināpi vādaṃ anugato vādoyeva dīpito hoti.
ਅવਿਗਤਰਾਗਸ੍ਸਾਤਿਆਦੀਸੁ ਤਣ੍ਹਾવਸੇਨੇવ ਅਤ੍ਥੋ વੇਦਿਤਬ੍ਬੋ। ਤਣ੍ਹਾ ਹਿ ਰਜ੍ਜਨਤੋ ਰਾਗੋ, ਛਨ੍ਦਿਯਨਤੋ ਛਨ੍ਦੋ, ਪਿਯਾਯਨਟ੍ਠੇਨ ਪੇਮਂ, ਪਿવਿਤੁਕਾਮਟ੍ਠੇਨ ਪਿਪਾਸਾ, ਅਨੁਦਹਨਟ੍ਠੇਨ ਪਰਿਲ਼ਾਹੋਤਿ વੁਚ੍ਚਤਿ। ਅਕੁਸਲੇ ਚਾવੁਸੋ, ਧਮ੍ਮੇਤਿਆਦਿ ਕਸ੍ਮਾ ਆਰਦ੍ਧਂ? ਪਞ੍ਚਸੁ ਖਨ੍ਧੇਸੁ ਅવੀਤਰਾਗਸ੍ਸ ਆਦੀਨવਂ , વੀਤਰਾਗਸ੍ਸ ਚ ਆਨਿਸਂਸਂ ਦਸ੍ਸੇਤੁਂ। ਤਤ੍ਰ ਅવਿਘਾਤੋਤਿ ਨਿਦ੍ਦੁਕ੍ਖੋ। ਅਨੁਪਾਯਾਸੋਤਿ ਨਿਰੁਪਤਾਪੋ। ਅਪਰਿਲ਼ਾਹੋਤਿ ਨਿਦ੍ਦਾਹੋ। ਏવਂ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ। ਦੁਤਿਯਂ।
Avigatarāgassātiādīsu taṇhāvaseneva attho veditabbo. Taṇhā hi rajjanato rāgo, chandiyanato chando, piyāyanaṭṭhena pemaṃ, pivitukāmaṭṭhena pipāsā, anudahanaṭṭhena pariḷāhoti vuccati. Akusale cāvuso, dhammetiādi kasmā āraddhaṃ? Pañcasu khandhesu avītarāgassa ādīnavaṃ , vītarāgassa ca ānisaṃsaṃ dassetuṃ. Tatra avighātoti niddukkho. Anupāyāsoti nirupatāpo. Apariḷāhoti niddāho. Evaṃ sabbattha attho veditabbo. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਦੇવਦਹਸੁਤ੍ਤਂ • 2. Devadahasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਦੇવਦਹਸੁਤ੍ਤવਣ੍ਣਨਾ • 2. Devadahasuttavaṇṇanā
