| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. д̣̇звад̣̇ад̇д̇абаб̣б̣аж̇ж̇абан̃хо
3. Devadattapabbajjapañho
3. ‘‘бханд̇з нааг̇асзна, д̣̇звад̣̇ад̇д̇о гзна баб̣б̣ааж̇ид̇о’’д̇и? ‘‘ча яимз, махаарааж̇а, кад̇д̇ияагумаараа бхад̣̇д̣̇ияо жа ануруд̣̇д̇хо жа аананд̣̇о жа бхаг̇у жа гимило 1 жа д̣̇звад̣̇ад̇д̇о жа убаалигаббаго сад̇д̇амо абхисамб̣уд̣̇д̇хз сад̇т̇ари сагяагулаананд̣̇аж̇ананз бхаг̇аванд̇ам̣ анубаб̣б̣аж̇анд̇аа нигкамим̣су, д̇з бхаг̇аваа баб̣б̣ааж̇зсий’’д̇и. ‘‘нану, бханд̇з, д̣̇звад̣̇ад̇д̇зна баб̣б̣аж̇ид̇ваа сан̇гхо бхинно’’д̇и? ‘‘аама, махаарааж̇а, д̣̇звад̣̇ад̇д̇зна баб̣б̣аж̇ид̇ваа сан̇гхо бхинно, на г̇ихий сан̇гхам̣ бхинд̣̇ад̇и, на бхигкуний, на сигкамаанаа, на сааман̣зро, на сааман̣зрий сан̇гхам̣ бхинд̣̇ад̇и, бхигку багад̇ад̇д̇о самаанасам̣ваасаго самаанасиймааяам̣ тид̇о сан̇гхам̣ бхинд̣̇ад̇ийд̇и. сан̇гхабхзд̣̇аго, бханд̇з, буг̇г̇ало гим̣ гаммам̣ пусад̇ий’’д̇и? ‘‘габбадтид̇игам̣, махаарааж̇а, гаммам̣ пусад̇ий’’д̇и.
3. ‘‘Bhante nāgasena, devadatto kena pabbājito’’ti? ‘‘Cha yime, mahārāja, khattiyakumārā bhaddiyo ca anuruddho ca ānando ca bhagu ca kimilo 2 ca devadatto ca upālikappako sattamo abhisambuddhe satthari sakyakulānandajanane bhagavantaṃ anupabbajantā nikkhamiṃsu, te bhagavā pabbājesī’’ti. ‘‘Nanu, bhante, devadattena pabbajitvā saṅgho bhinno’’ti? ‘‘Āma, mahārāja, devadattena pabbajitvā saṅgho bhinno, na gihī saṅghaṃ bhindati, na bhikkhunī, na sikkhamānā, na sāmaṇero, na sāmaṇerī saṅghaṃ bhindati, bhikkhu pakatatto samānasaṃvāsako samānasīmāyaṃ ṭhito saṅghaṃ bhindatīti. Saṅghabhedako, bhante, puggalo kiṃ kammaṃ phusatī’’ti? ‘‘Kappaṭṭhitikaṃ, mahārāja, kammaṃ phusatī’’ti.
‘‘гим̣ бана, бханд̇з нааг̇асзна, б̣уд̣̇д̇хо ж̇аанаад̇и ‘д̣̇звад̣̇ад̇д̇о баб̣б̣аж̇ид̇ваа сан̇гхам̣ бхинд̣̇иссад̇и, сан̇гхам̣ бхинд̣̇ид̇ваа габбам̣ нираяз бажжиссад̇ий’’’д̇и? ‘‘аама, махаарааж̇а, д̇ат̇ааг̇ад̇о ж̇аанаад̇и ‘д̣̇звад̣̇ад̇д̇о баб̣б̣аж̇ид̇ваа сан̇гхам̣ бхинд̣̇иссад̇и, сан̇гхам̣ бхинд̣̇ид̇ваа габбам̣ нираяз бажжиссад̇ий’’’д̇и. ‘‘яад̣̇и, бханд̇з нааг̇асзна, б̣уд̣̇д̇хо ж̇аанаад̇и ‘д̣̇звад̣̇ад̇д̇о баб̣б̣аж̇ид̇ваа сан̇гхам̣ бхинд̣̇иссад̇и, сан̇гхам̣ бхинд̣̇ид̇ваа габбам̣ нираяз бажжиссад̇ий’д̇и, д̇зна хи, бханд̇з нааг̇асзна, б̣уд̣̇д̇хо гаарун̣иго анугамбаго хид̇зсий саб̣б̣асад̇д̇аанам̣ ахид̇ам̣ абанзд̇ваа хид̇амубад̣̇ахад̇ийд̇и яам̣ важанам̣, д̇ам̣ мижчаа. яад̣̇и д̇ам̣ аж̇аанид̇ваа баб̣б̣ааж̇зси, д̇зна хи б̣уд̣̇д̇хо асаб̣б̣ан̃н̃ууд̇и, аяамби убхад̇о годиго бан̃хо д̇аваануббад̇д̇о, виж̇адзхи зд̇ам̣ махааж̇адам̣, бхинд̣̇а бараабаваад̣̇ам̣, анааг̇ад̇з ад̣̇д̇хаанз д̇аяаа сад̣̇исаа б̣уд̣̇д̇химанд̇о бхигкуу д̣̇уллабхаа бхависсанд̇и, зд̇т̇а д̇ава б̣алам̣ багаасзхий’’д̇и.
‘‘Kiṃ pana, bhante nāgasena, buddho jānāti ‘devadatto pabbajitvā saṅghaṃ bhindissati, saṅghaṃ bhinditvā kappaṃ niraye paccissatī’’’ti? ‘‘Āma, mahārāja, tathāgato jānāti ‘devadatto pabbajitvā saṅghaṃ bhindissati, saṅghaṃ bhinditvā kappaṃ niraye paccissatī’’’ti. ‘‘Yadi, bhante nāgasena, buddho jānāti ‘devadatto pabbajitvā saṅghaṃ bhindissati, saṅghaṃ bhinditvā kappaṃ niraye paccissatī’ti, tena hi, bhante nāgasena, buddho kāruṇiko anukampako hitesī sabbasattānaṃ ahitaṃ apanetvā hitamupadahatīti yaṃ vacanaṃ, taṃ micchā. Yadi taṃ ajānitvā pabbājesi, tena hi buddho asabbaññūti, ayampi ubhato koṭiko pañho tavānuppatto, vijaṭehi etaṃ mahājaṭaṃ, bhinda parāpavādaṃ, anāgate addhāne tayā sadisā buddhimanto bhikkhū dullabhā bhavissanti, ettha tava balaṃ pakāsehī’’ti.
‘‘гаарун̣иго, махаарааж̇а, бхаг̇аваа саб̣б̣ан̃н̃уу жа, гаарун̃н̃зна, махаарааж̇а, бхаг̇аваа саб̣б̣ан̃н̃уд̇ан̃аан̣зна д̣̇звад̣̇ад̇д̇асса г̇ад̇им̣ ологзнд̇о ад̣̇д̣̇аса д̣̇звад̣̇ад̇д̇ам̣ аабааяигам̣ гаммам̣ 3 ааяуухид̇ваа анзгаани габбагодисад̇асахассаани нираязна нираяам̣ винибаад̇зна винибаад̇ам̣ г̇ажчанд̇ам̣, д̇ам̣ бхаг̇аваа саб̣б̣ан̃н̃уд̇ан̃аан̣зна ж̇аанид̇ваа имасса абарияанд̇агад̇ам̣ гаммам̣ мама саасанз баб̣б̣аж̇ид̇асса барияанд̇агад̇ам̣ бхависсад̇и, буримам̣ убаад̣̇ааяа барияанд̇агад̇ам̣ д̣̇угкам̣ бхависсад̇и, абаб̣б̣аж̇ид̇оби аяам̣ могхабурисо габбадтияамзва гаммам̣ ааяуухиссад̇ийд̇и гаарун̃н̃зна д̣̇звад̣̇ад̇д̇ам̣ баб̣б̣ааж̇зсий’’д̇и.
‘‘Kāruṇiko, mahārāja, bhagavā sabbaññū ca, kāruññena, mahārāja, bhagavā sabbaññutañāṇena devadattassa gatiṃ olokento addasa devadattaṃ āpāyikaṃ kammaṃ 4 āyūhitvā anekāni kappakoṭisatasahassāni nirayena nirayaṃ vinipātena vinipātaṃ gacchantaṃ, taṃ bhagavā sabbaññutañāṇena jānitvā imassa apariyantakataṃ kammaṃ mama sāsane pabbajitassa pariyantakataṃ bhavissati, purimaṃ upādāya pariyantakataṃ dukkhaṃ bhavissati, apabbajitopi ayaṃ moghapuriso kappaṭṭhiyameva kammaṃ āyūhissatīti kāruññena devadattaṃ pabbājesī’’ti.
‘‘д̇зна хи, бханд̇з нааг̇асзна, б̣уд̣̇д̇хо вад̇хид̇ваа д̇злзна магкзд̇и, бабаад̇з баад̇зд̇ваа хад̇т̇ам̣ д̣̇зд̇и, маарзд̇ваа ж̇ийвид̇ам̣ бариязсад̇и, яам̣ со батамам̣ д̣̇угкам̣ д̣̇ад̇ваа бажчаа сукам̣ убад̣̇ахад̇ий’’д̇и? ‘‘вад̇хзд̇иби, махаарааж̇а, д̇ат̇ааг̇ад̇о сад̇д̇аанам̣ хид̇авасзна, баад̇зд̇иби сад̇д̇аанам̣ хид̇авасзна, маарзд̇иби сад̇д̇аанам̣ хид̇авасзна, вад̇хид̇вааби, махаарааж̇а, д̇ат̇ааг̇ад̇о сад̇д̇аанам̣ хид̇амзва убад̣̇ахад̇и, баад̇зд̇вааби сад̇д̇аанам̣ хид̇амзва убад̣̇ахад̇и, маарзд̇вааби сад̇д̇аанам̣ хид̇амзва убад̣̇ахад̇и. яат̇аа, махаарааж̇а, маад̇аабид̇аро наама вад̇хид̇вааби баад̇аяид̇вааби буд̇д̇аанам̣ хид̇амзва убад̣̇аханд̇и, звамзва ко, махаарааж̇а, д̇ат̇ааг̇ад̇о вад̇хзд̇иби сад̇д̇аанам̣ хид̇авасзна, баад̇зд̇иби сад̇д̇аанам̣ хид̇авасзна, маарзд̇иби сад̇д̇аанам̣ хид̇авасзна, вад̇хид̇вааби, махаарааж̇а, д̇ат̇ааг̇ад̇о сад̇д̇аанам̣ хид̇амзва убад̣̇ахад̇и, баад̇зд̇вааби сад̇д̇аанам̣ хид̇амзва убад̣̇ахад̇и, маарзд̇вааби сад̇д̇аанам̣ хид̇амзва убад̣̇ахад̇и, язна язна яог̇зна сад̇д̇аанам̣ г̇ун̣авуд̣дхи ход̇и, д̇зна д̇зна яог̇зна саб̣б̣асад̇д̇аанам̣ хид̇амзва убад̣̇ахад̇и. сажз, махаарааж̇а, д̣̇звад̣̇ад̇д̇о на баб̣б̣ааж̇зяяа, г̇ихибхууд̇о самаано нираяасам̣вад̇д̇анигам̣ б̣ахум̣ баабагаммам̣ гад̇ваа анзгаани габбагодисад̇асахассаани нираязна нираяам̣ винибаад̇зна винибаад̇ам̣ г̇ажчанд̇о б̣ахум̣ д̣̇угкам̣ взд̣̇аяиссад̇и, д̇ам̣ бхаг̇аваа ж̇аанамаано гаарун̃н̃зна д̣̇звад̣̇ад̇д̇ам̣ баб̣б̣ааж̇зси, ‘мама саасанз баб̣б̣аж̇ид̇асса д̣̇угкам̣ барияанд̇агад̇ам̣ бхависсад̇ий’д̇и гаарун̃н̃зна г̇аругам̣ д̣̇угкам̣ лахугам̣ агааси.
‘‘Tena hi, bhante nāgasena, buddho vadhitvā telena makkheti, papāte pātetvā hatthaṃ deti, māretvā jīvitaṃ pariyesati, yaṃ so paṭhamaṃ dukkhaṃ datvā pacchā sukhaṃ upadahatī’’ti? ‘‘Vadhetipi, mahārāja, tathāgato sattānaṃ hitavasena, pātetipi sattānaṃ hitavasena, māretipi sattānaṃ hitavasena, vadhitvāpi, mahārāja, tathāgato sattānaṃ hitameva upadahati, pātetvāpi sattānaṃ hitameva upadahati, māretvāpi sattānaṃ hitameva upadahati. Yathā, mahārāja, mātāpitaro nāma vadhitvāpi pātayitvāpi puttānaṃ hitameva upadahanti, evameva kho, mahārāja, tathāgato vadhetipi sattānaṃ hitavasena, pātetipi sattānaṃ hitavasena, māretipi sattānaṃ hitavasena, vadhitvāpi, mahārāja, tathāgato sattānaṃ hitameva upadahati, pātetvāpi sattānaṃ hitameva upadahati, māretvāpi sattānaṃ hitameva upadahati, yena yena yogena sattānaṃ guṇavuḍḍhi hoti, tena tena yogena sabbasattānaṃ hitameva upadahati. Sace, mahārāja, devadatto na pabbājeyya, gihibhūto samāno nirayasaṃvattanikaṃ bahuṃ pāpakammaṃ katvā anekāni kappakoṭisatasahassāni nirayena nirayaṃ vinipātena vinipātaṃ gacchanto bahuṃ dukkhaṃ vedayissati, taṃ bhagavā jānamāno kāruññena devadattaṃ pabbājesi, ‘mama sāsane pabbajitassa dukkhaṃ pariyantakataṃ bhavissatī’ti kāruññena garukaṃ dukkhaṃ lahukaṃ akāsi.
‘‘яат̇аа ваа, махаарааж̇а, д̇ханаяасасирин̃аад̇иб̣алзна б̣алаваа бурисо ад̇д̇ано н̃аад̇им̣ ваа мид̇д̇ам̣ ваа ран̃н̃аа г̇аругам̣ д̣̇ан̣д̣ам̣ д̇хаарзнд̇ам̣ ад̇д̇ано б̣ахувиссад̇т̇абхаавзна самад̇т̇ад̇ааяа г̇аругам̣ д̣̇ан̣д̣ам̣ лахугам̣ агааси, звамзва ко, махаарааж̇а, бхаг̇аваа б̣ахууни габбагодисад̇асахассаани д̣̇угкам̣ взд̣̇аяамаанам̣ д̣̇звад̣̇ад̇д̇ам̣ баб̣б̣ааж̇зд̇ваа сийласамаад̇хибан̃н̃аавимуд̇д̇иб̣аласамад̇т̇абхаавзна г̇аругам̣ д̣̇угкам̣ лахугам̣ агааси.
‘‘Yathā vā, mahārāja, dhanayasasiriñātibalena balavā puriso attano ñātiṃ vā mittaṃ vā raññā garukaṃ daṇḍaṃ dhārentaṃ attano bahuvissatthabhāvena samatthatāya garukaṃ daṇḍaṃ lahukaṃ akāsi, evameva kho, mahārāja, bhagavā bahūni kappakoṭisatasahassāni dukkhaṃ vedayamānaṃ devadattaṃ pabbājetvā sīlasamādhipaññāvimuttibalasamatthabhāvena garukaṃ dukkhaṃ lahukaṃ akāsi.
‘‘яат̇аа ваа бана, махаарааж̇а, гусало бхисагго саллагад̇д̇о г̇аругам̣ рог̇ам̣ б̣алавосад̇хаб̣алзна лахугам̣ гарод̇и, звамзва ко, махаарааж̇а, б̣ахууни габбагодисад̇асахассаани д̣̇угкам̣ взд̣̇аяамаанам̣ д̣̇звад̣̇ад̇д̇ам̣ бхаг̇аваа рог̇ан̃н̃уд̇ааяа баб̣б̣ааж̇зд̇ваа гаарун̃н̃аб̣ало бад̇т̇ад̣̇д̇хад̇хаммосад̇хаб̣алзна г̇аругам̣ д̣̇угкам̣ лахугам̣ агааси. аби ну ко со, махаарааж̇а, бхаг̇аваа б̣ахувзд̣̇анийяам̣ д̣̇звад̣̇ад̇д̇ам̣ аббавзд̣̇анийяам̣ гаронд̇о гин̃жи абун̃н̃ам̣ аабаж̇ж̇зяяаа’’д̇и? ‘‘на гин̃жи, бханд̇з, абун̃н̃ам̣ аабаж̇ж̇зяяа анд̇амасо г̇ад̣̇д̣̇ууханамад̇д̇амбий’’д̇и. ‘‘имамби ко, махаарааж̇а, гааран̣ам̣ ад̇т̇ад̇о самбадижча, язна гааран̣зна бхаг̇аваа д̣̇звад̣̇ад̇д̇ам̣ баб̣б̣ааж̇зси.
‘‘Yathā vā pana, mahārāja, kusalo bhisakko sallakatto garukaṃ rogaṃ balavosadhabalena lahukaṃ karoti, evameva kho, mahārāja, bahūni kappakoṭisatasahassāni dukkhaṃ vedayamānaṃ devadattaṃ bhagavā rogaññutāya pabbājetvā kāruññabalo patthaddhadhammosadhabalena garukaṃ dukkhaṃ lahukaṃ akāsi. Api nu kho so, mahārāja, bhagavā bahuvedanīyaṃ devadattaṃ appavedanīyaṃ karonto kiñci apuññaṃ āpajjeyyā’’ti? ‘‘Na kiñci, bhante, apuññaṃ āpajjeyya antamaso gaddūhanamattampī’’ti. ‘‘Imampi kho, mahārāja, kāraṇaṃ atthato sampaṭiccha, yena kāraṇena bhagavā devadattaṃ pabbājesi.
‘‘абарамби , махаарааж̇а, уд̇д̇арим̣ гааран̣ам̣ сун̣охи, язна гааран̣зна бхаг̇аваа д̣̇звад̣̇ад̇д̇ам̣ баб̣б̣ааж̇зси. яат̇аа, махаарааж̇а, жорам̣ ааг̇ужаарим̣ г̇ахзд̇ваа ран̃н̃о д̣̇ассзяяум̣, ‘аяам̣ ко, д̣̇зва, жоро ааг̇ужаарий, имасса яам̣ ижчаси, д̇ам̣ д̣̇ан̣д̣ам̣ бан̣зхий’д̇и. д̇амзнам̣ рааж̇аа звам̣ вад̣̇зяяа ‘д̇зна хи , бхан̣з, имам̣ жорам̣ б̣ахинаг̇арам̣ нийхарид̇ваа аагхаад̇анз сийсам̣ чинд̣̇ат̇аа’’д̇и, ‘звам̣ д̣̇зваа’д̇и ко д̇з ран̃н̃о бадиссуд̇ваа д̇ам̣ б̣ахинаг̇арам̣ нийхарид̇ваа аагхаад̇анам̣ наязяяум̣. д̇амзнам̣ бассзяяа гожид̣̇зва бурисо ран̃н̃о санд̇игаа лад̣̇д̇хаваро лад̣̇д̇хаяасад̇ханабхог̇о аад̣̇зяяаважано б̣алавижчид̇агаарий, со д̇асса гаарун̃н̃ам̣ гад̇ваа д̇з бурисз звам̣ вад̣̇зяяа ‘алам̣, бхо, гим̣ д̇умхаагам̣ имасса сийсажчзд̣̇анзна, д̇зна хи бхо имасса хад̇т̇ам̣ ваа баад̣̇ам̣ ваа чинд̣̇ид̇ваа ж̇ийвид̇ам̣ рагкат̇а, ахамзд̇асса гааран̣аа ран̃н̃о санд̇игз бадиважанам̣ гариссаамий’д̇и. д̇з д̇асса б̣алавад̇о важанзна д̇асса жорасса хад̇т̇ам̣ ваа баад̣̇ам̣ ваа чинд̣̇ид̇ваа ж̇ийвид̇ам̣ рагкзяяум̣. аби ну ко со, махаарааж̇а, бурисо звам̣ гаарий д̇асса жорасса гижжагаарий ассаа’’д̇и? ‘‘ж̇ийвид̇ад̣̇ааяаго со, бханд̇з, бурисо д̇асса жорасса, ж̇ийвид̇з д̣̇иннз гим̣ д̇асса агад̇ам̣ наама ад̇т̇ий’’д̇и? ‘‘яаа бана хад̇т̇абаад̣̇ажчзд̣̇анз взд̣̇анаа, со д̇ааяа взд̣̇анааяа гин̃жи абун̃н̃ам̣ аабаж̇ж̇зяяаа’’д̇и? ‘‘ад̇д̇ано гад̇зна со, бханд̇з, жоро д̣̇угкавзд̣̇анам̣ взд̣̇аяад̇и, ж̇ийвид̇ад̣̇ааяаго бана бурисо на гин̃жи абун̃н̃ам̣ аабаж̇ж̇зяяаа’’д̇и. ‘‘звамзва ко, махаарааж̇а, бхаг̇аваа гаарун̃н̃зна д̣̇звад̣̇ад̇д̇ам̣ баб̣б̣ааж̇зси ‘мама саасанз баб̣б̣аж̇ид̇асса д̣̇угкам̣ барияанд̇агад̇ам̣ бхависсад̇ий’д̇и. барияанд̇агад̇ан̃жа, махаарааж̇а, д̣̇звад̣̇ад̇д̇асса д̣̇угкам̣, д̣̇звад̣̇ад̇д̇о, махаарааж̇а, маран̣агаалз –
‘‘Aparampi , mahārāja, uttariṃ kāraṇaṃ suṇohi, yena kāraṇena bhagavā devadattaṃ pabbājesi. Yathā, mahārāja, coraṃ āgucāriṃ gahetvā rañño dasseyyuṃ, ‘ayaṃ kho, deva, coro āgucārī, imassa yaṃ icchasi, taṃ daṇḍaṃ paṇehī’ti. Tamenaṃ rājā evaṃ vadeyya ‘tena hi , bhaṇe, imaṃ coraṃ bahinagaraṃ nīharitvā āghātane sīsaṃ chindathā’’ti, ‘evaṃ devā’ti kho te rañño paṭissutvā taṃ bahinagaraṃ nīharitvā āghātanaṃ nayeyyuṃ. Tamenaṃ passeyya kocideva puriso rañño santikā laddhavaro laddhayasadhanabhogo ādeyyavacano balavicchitakārī, so tassa kāruññaṃ katvā te purise evaṃ vadeyya ‘alaṃ, bho, kiṃ tumhākaṃ imassa sīsacchedanena, tena hi bho imassa hatthaṃ vā pādaṃ vā chinditvā jīvitaṃ rakkhatha, ahametassa kāraṇā rañño santike paṭivacanaṃ karissāmī’ti. Te tassa balavato vacanena tassa corassa hatthaṃ vā pādaṃ vā chinditvā jīvitaṃ rakkheyyuṃ. Api nu kho so, mahārāja, puriso evaṃ kārī tassa corassa kiccakārī assā’’ti? ‘‘Jīvitadāyako so, bhante, puriso tassa corassa, jīvite dinne kiṃ tassa akataṃ nāma atthī’’ti? ‘‘Yā pana hatthapādacchedane vedanā, so tāya vedanāya kiñci apuññaṃ āpajjeyyā’’ti? ‘‘Attano katena so, bhante, coro dukkhavedanaṃ vedayati, jīvitadāyako pana puriso na kiñci apuññaṃ āpajjeyyā’’ti. ‘‘Evameva kho, mahārāja, bhagavā kāruññena devadattaṃ pabbājesi ‘mama sāsane pabbajitassa dukkhaṃ pariyantakataṃ bhavissatī’ti. Pariyantakatañca, mahārāja, devadattassa dukkhaṃ, devadatto, mahārāja, maraṇakāle –
‘‘‘имзхи адтийхи д̇амаг̇г̇абуг̇г̇алам̣, д̣̇зваад̇ид̣̇звам̣ нарад̣̇аммасаарат̇им̣;
‘‘‘Imehi aṭṭhīhi tamaggapuggalaṃ, devātidevaṃ naradammasārathiṃ;
саманд̇ажагкум̣ сад̇абун̃н̃алагкан̣ам̣, баан̣зхи б̣уд̣̇д̇хам̣ саран̣ам̣ убзмий’д̇и.
Samantacakkhuṃ satapuññalakkhaṇaṃ, pāṇehi buddhaṃ saraṇaṃ upemī’ti.
‘‘баан̣убзд̇ам̣ саран̣амаг̇амааси. д̣̇звад̣̇ад̇д̇о, махаарааж̇а, ча годтаасз гад̇з габбз ад̇игганд̇з батамагодтаасз сан̇гхам̣ бхинд̣̇и, бан̃жа годтаасз нираяз бажжид̇ваа д̇ад̇о мужжид̇ваа адтиссаро наама бажжзгаб̣уд̣̇д̇хо бхависсад̇и. аби ну ко со, махаарааж̇а, бхаг̇аваа звам̣ гаарий д̣̇звад̣̇ад̇д̇асса гижжагаарий ассаа’’д̇и? ‘‘саб̣б̣ад̣̇ад̣̇о, бханд̇з нааг̇асзна, д̇ат̇ааг̇ад̇о д̣̇звад̣̇ад̇д̇асса, яам̣ д̇ат̇ааг̇ад̇о д̣̇звад̣̇ад̇д̇ам̣ бажжзгаб̣од̇хим̣ баабзссад̇и, гим̣ д̇ат̇ааг̇ад̇зна д̣̇звад̣̇ад̇д̇асса агад̇ам̣ наама ад̇т̇ий’’д̇и? ‘‘яам̣ бана, махаарааж̇а, д̣̇звад̣̇ад̇д̇о сан̇гхам̣ бхинд̣̇ид̇ваа нираяз д̣̇угкавзд̣̇анам̣ взд̣̇аяад̇и, аби ну ко бхаг̇аваа д̇ад̇онид̣̇аанам̣ гин̃жи абун̃н̃ам̣ аабаж̇ж̇зяяаа’’д̇и? ‘‘на хи, бханд̇з, ад̇д̇анаа гад̇зна, бханд̇з, д̣̇звад̣̇ад̇д̇о габбам̣ нираяз бажжад̇и, д̣̇угкабарияанд̇агаараго сад̇т̇аа на гин̃жи абун̃н̃ам̣ аабаж̇ж̇ад̇ий’’д̇и. ‘‘имамби ко, д̇вам̣ махаарааж̇а, гааран̣ам̣ ад̇т̇ад̇о самбадижча, язна гааран̣зна бхаг̇аваа д̣̇звад̣̇ад̇д̇ам̣ баб̣б̣ааж̇зси.
‘‘Pāṇupetaṃ saraṇamagamāsi. Devadatto, mahārāja, cha koṭṭhāse kate kappe atikkante paṭhamakoṭṭhāse saṅghaṃ bhindi, pañca koṭṭhāse niraye paccitvā tato muccitvā aṭṭhissaro nāma paccekabuddho bhavissati. Api nu kho so, mahārāja, bhagavā evaṃ kārī devadattassa kiccakārī assā’’ti? ‘‘Sabbadado, bhante nāgasena, tathāgato devadattassa, yaṃ tathāgato devadattaṃ paccekabodhiṃ pāpessati, kiṃ tathāgatena devadattassa akataṃ nāma atthī’’ti? ‘‘Yaṃ pana, mahārāja, devadatto saṅghaṃ bhinditvā niraye dukkhavedanaṃ vedayati, api nu kho bhagavā tatonidānaṃ kiñci apuññaṃ āpajjeyyā’’ti? ‘‘Na hi, bhante, attanā katena, bhante, devadatto kappaṃ niraye paccati, dukkhapariyantakārako satthā na kiñci apuññaṃ āpajjatī’’ti. ‘‘Imampi kho, tvaṃ mahārāja, kāraṇaṃ atthato sampaṭiccha, yena kāraṇena bhagavā devadattaṃ pabbājesi.
‘‘абарамби, махаарааж̇а, уд̇д̇арим̣ гааран̣ам̣ сун̣охи, язна гааран̣зна бхаг̇аваа д̣̇звад̣̇ад̇д̇ам̣ баб̣б̣ааж̇зси . яат̇аа, махаарааж̇а, гусало бхисагго саллагад̇д̇о ваад̇абид̇д̇асзмхасаннибаад̇ауд̇убарин̣аамависамабарихаараобаггамигобагганд̇ам̣ бууд̇игун̣абад̣̇уг̇г̇анд̇хаабхисан̃чаннам̣ анд̇осаллам̣ сусираг̇ад̇ам̣ буб̣б̣арухирасамбун̣н̣ам̣ ван̣ам̣ вуубасамзнд̇о ван̣амукам̣ гагкал̣ад̇икин̣акаарагадугзна бхзсаж̇ж̇зна анулимбад̇и барибажжанааяа, барибажжид̇ваа муд̣̇убхаавамубаг̇ад̇ам̣ сад̇т̇зна виганд̇аяид̇ваа д̣ахад̇и салаагааяа, д̣̇ад̣дхз кааралаван̣ам̣ д̣̇зд̇и, бхзсаж̇ж̇зна анулимбад̇и ван̣аруханааяа б̣яаад̇хид̇асса сод̇т̇ибхаавамануббад̇д̇ияаа, аби ну ко со, махаарааж̇а, бхисагго саллагад̇д̇о ахид̇ажид̇д̇о бхзсаж̇ж̇зна анулимбад̇и, сад̇т̇зна виганд̇зд̇и, д̣ахад̇и салаагааяа, кааралаван̣ам̣ д̣̇зд̇ий’’д̇и? ‘‘на хи, бханд̇з, хид̇ажид̇д̇о сод̇т̇игаамо д̇аани гирияаани гарод̇ий’’д̇и. ‘‘яаа банасса бхзсаж̇ж̇агирияаагаран̣зна уббаннаа д̣̇угкавзд̣̇анаа, д̇ад̇онид̣̇аанам̣ со бхисагго саллагад̇д̇о гин̃жи абун̃н̃ам̣ аабаж̇ж̇зяяаа’’д̇и? ‘‘хид̇ажид̇д̇о, бханд̇з, сод̇т̇игаамо бхисагго саллагад̇д̇о д̇аани гирияаани гарод̇и, гим̣ со д̇ад̇онид̣̇аанам̣ абун̃н̃ам̣ аабаж̇ж̇зяяа, саг̇г̇аг̇аамий со, бханд̇з, бхисагго саллагад̇д̇о’’д̇и. ‘‘звамзва ко, махаарааж̇а, гаарун̃н̃зна бхаг̇аваа д̣̇звад̣̇ад̇д̇ам̣ баб̣б̣ааж̇зси д̣̇угкабаримуд̇д̇ияаа.
‘‘Aparampi, mahārāja, uttariṃ kāraṇaṃ suṇohi, yena kāraṇena bhagavā devadattaṃ pabbājesi . Yathā, mahārāja, kusalo bhisakko sallakatto vātapittasemhasannipātautupariṇāmavisamaparihāraopakkamikopakkantaṃ pūtikuṇapaduggandhābhisañchannaṃ antosallaṃ susiragataṃ pubbaruhirasampuṇṇaṃ vaṇaṃ vūpasamento vaṇamukhaṃ kakkhaḷatikhiṇakhārakaṭukena bhesajjena anulimpati paripaccanāya, paripaccitvā mudubhāvamupagataṃ satthena vikantayitvā ḍahati salākāya, daḍḍhe khāralavaṇaṃ deti, bhesajjena anulimpati vaṇaruhanāya byādhitassa sotthibhāvamanuppattiyā, api nu kho so, mahārāja, bhisakko sallakatto ahitacitto bhesajjena anulimpati, satthena vikanteti, ḍahati salākāya, khāralavaṇaṃ detī’’ti? ‘‘Na hi, bhante, hitacitto sotthikāmo tāni kiriyāni karotī’’ti. ‘‘Yā panassa bhesajjakiriyākaraṇena uppannā dukkhavedanā, tatonidānaṃ so bhisakko sallakatto kiñci apuññaṃ āpajjeyyā’’ti? ‘‘Hitacitto, bhante, sotthikāmo bhisakko sallakatto tāni kiriyāni karoti, kiṃ so tatonidānaṃ apuññaṃ āpajjeyya, saggagāmī so, bhante, bhisakko sallakatto’’ti. ‘‘Evameva kho, mahārāja, kāruññena bhagavā devadattaṃ pabbājesi dukkhaparimuttiyā.
‘‘абарамби, махаарааж̇а, уд̇д̇арим̣ гааран̣ам̣ сун̣охи, язна гааран̣зна бхаг̇аваа д̣̇звад̣̇ад̇д̇ам̣ баб̣б̣ааж̇зси. яат̇аа, махаарааж̇а, бурисо ган̣дагзна вид̣̇д̇хо асса, ат̇ан̃н̃ад̇аро бурисо д̇асса хид̇агаамо сод̇т̇игаамо д̇ин̣хзна ган̣дагзнаваа сад̇т̇амукзна ваа саманд̇ад̇о чинд̣̇ид̇ваа баг̇гхаранд̇зна лохид̇зна д̇ам̣ ган̣дагам̣ нийхарзяяа, аби ну ко со, махаарааж̇а, бурисо ахид̇агаамо д̇ам̣ ган̣дагам̣ нийхарад̇ий’’д̇и? ‘‘на хи, бханд̇з, хид̇агаамо со, бханд̇з, бурисо сод̇т̇игаамо д̇ам̣ ган̣дагам̣ нийхарад̇и. сажз со, бханд̇з, д̇ам̣ ган̣дагам̣ на нийхарзяяа, маран̣ам̣ ваа со д̇зна баабун̣зяяа маран̣амад̇д̇ам̣ ваа д̣̇угка’’нд̇и. ‘‘звамзва ко, махаарааж̇а, д̇ат̇ааг̇ад̇о гаарун̃н̃зна д̣̇звад̣̇ад̇д̇ам̣ баб̣б̣ааж̇зси д̣̇угкабаримуд̇д̇ияаа. сажз махаарааж̇а, бхаг̇аваа д̣̇звад̣̇ад̇д̇ам̣ на баб̣б̣ааж̇зяяа, габбагодисад̇асахассамби д̣̇звад̣̇ад̇д̇о бхавабарамбарааяа нираяз бажжзяяаа’’д̇и.
‘‘Aparampi, mahārāja, uttariṃ kāraṇaṃ suṇohi, yena kāraṇena bhagavā devadattaṃ pabbājesi. Yathā, mahārāja, puriso kaṇṭakena viddho assa, athaññataro puriso tassa hitakāmo sotthikāmo tiṇhena kaṇṭakenavā satthamukhena vā samantato chinditvā paggharantena lohitena taṃ kaṇṭakaṃ nīhareyya, api nu kho so, mahārāja, puriso ahitakāmo taṃ kaṇṭakaṃ nīharatī’’ti? ‘‘Na hi, bhante, hitakāmo so, bhante, puriso sotthikāmo taṃ kaṇṭakaṃ nīharati. Sace so, bhante, taṃ kaṇṭakaṃ na nīhareyya, maraṇaṃ vā so tena pāpuṇeyya maraṇamattaṃ vā dukkha’’nti. ‘‘Evameva kho, mahārāja, tathāgato kāruññena devadattaṃ pabbājesi dukkhaparimuttiyā. Sace mahārāja, bhagavā devadattaṃ na pabbājeyya, kappakoṭisatasahassampi devadatto bhavaparamparāya niraye pacceyyā’’ti.
‘‘анусод̇аг̇аамим̣, бханд̇з нааг̇асзна, д̣̇звад̣̇ад̇д̇ам̣ д̇ат̇ааг̇ад̇о бадисод̇ам̣ баабзси, вибант̇абадибаннам̣ д̣̇звад̣̇ад̇д̇ам̣ бант̇з бадибаад̣̇зси, бабаад̇з бад̇ид̇асса д̣̇звад̣̇ад̇д̇асса бад̇идтам̣ ад̣̇ааси, висамаг̇ад̇ам̣ д̣̇звад̣̇ад̇д̇ам̣ д̇ат̇ааг̇ад̇о самам̣ ааробзси, имз жа, бханд̇з нааг̇асзна, хзд̇уу имаани жа гааран̣аани на саггаа ан̃н̃зна санд̣̇ассзд̇ум̣ ан̃н̃ад̇ра д̇аваад̣̇исзна б̣уд̣̇д̇химад̇аа’’д̇и.
‘‘Anusotagāmiṃ, bhante nāgasena, devadattaṃ tathāgato paṭisotaṃ pāpesi, vipanthapaṭipannaṃ devadattaṃ panthe paṭipādesi, papāte patitassa devadattassa patiṭṭhaṃ adāsi, visamagataṃ devadattaṃ tathāgato samaṃ āropesi, ime ca, bhante nāgasena, hetū imāni ca kāraṇāni na sakkā aññena sandassetuṃ aññatra tavādisena buddhimatā’’ti.
д̣̇звад̣̇ад̇д̇абаб̣б̣аж̇ж̇абан̃хо д̇ад̇ияо.
Devadattapabbajjapañho tatiyo.
Footnotes:
