Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi

    10. д̣̇звад̣̇ад̇д̇асуд̇д̇ам̣

    10. Devadattasuttaṃ

    89. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –

    89. Vuttañhetaṃ bhagavatā, vuttamarahatāti me sutaṃ –

    ‘‘д̇ийхи, бхигкавз, асад̣̇д̇хаммзхи абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо. гад̇амзхи д̇ийхи? баабижчад̇ааяа, бхигкавз, абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо. баабамид̇д̇ад̇ааяа, бхигкавз, абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо. сад̇и ко бана уд̇д̇аригаран̣ийяз 1 орамад̇д̇агзна висзсаад̇хиг̇амзна 2 анд̇араа восаанам̣ аабаад̣̇и. имзхи ко, бхигкавз, д̇ийхи асад̣̇д̇хаммзхи абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –

    ‘‘Tīhi, bhikkhave, asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho. Katamehi tīhi? Pāpicchatāya, bhikkhave, abhibhūto pariyādinnacitto devadatto āpāyiko nerayiko kappaṭṭho atekiccho. Pāpamittatāya, bhikkhave, abhibhūto pariyādinnacitto devadatto āpāyiko nerayiko kappaṭṭho atekiccho. Sati kho pana uttarikaraṇīye 3 oramattakena visesādhigamena 4 antarā vosānaṃ āpādi. Imehi kho, bhikkhave, tīhi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho’’ti. Etamatthaṃ bhagavā avoca. Tatthetaṃ iti vuccati –

    ‘‘маа ж̇аад̇у гожи логасмим̣, баабижчо уд̣̇абаж̇ж̇ат̇а;

    ‘‘Mā jātu koci lokasmiṃ, pāpiccho udapajjatha;

    д̇ад̣̇аминааби ж̇аанаат̇а, баабижчаанам̣ яат̇аа г̇ад̇и.

    Tadamināpi jānātha, pāpicchānaṃ yathā gati.

    ‘‘бан̣д̣ид̇од̇и саман̃н̃аад̇о, бхаавид̇ад̇д̇од̇и саммад̇о;

    ‘‘Paṇḍitoti samaññāto, bhāvitattoti sammato;

    ж̇алам̣ва яасасаа адтаа, д̣̇звад̣̇ад̇д̇од̇и виссуд̇о 5.

    Jalaṃva yasasā aṭṭhā, devadattoti vissuto 6.

    ‘‘со бамаан̣аманужин̣н̣о 7, аасаж̇ж̇а нам̣ д̇ат̇ааг̇ад̇ам̣;

    ‘‘So pamāṇamanuciṇṇo 8, āsajja naṃ tathāgataṃ;

    авийжинираяам̣ бад̇д̇о, жад̇уд̣̇ваарам̣ бхаяаанагам̣.

    Avīcinirayaṃ patto, catudvāraṃ bhayānakaṃ.

    ‘‘ад̣̇удтасса хи яо д̣̇уб̣бхз, баабагаммам̣ агуб̣б̣ад̇о;

    ‘‘Aduṭṭhassa hi yo dubbhe, pāpakammaṃ akubbato;

    д̇амзва баабам̣ пусад̇и 9, д̣̇удтажид̇д̇ам̣ анаад̣̇арам̣.

    Tameva pāpaṃ phusati 10, duṭṭhacittaṃ anādaraṃ.

    ‘‘самуд̣̇д̣̇ам̣ висагумбхзна, яо ман̃н̃зяяа бад̣̇уусид̇ум̣;

    ‘‘Samuddaṃ visakumbhena, yo maññeyya padūsituṃ;

    на со д̇зна бад̣̇уусзяяа, бхзсмаа хи уд̣̇ад̇хи махаа.

    Na so tena padūseyya, bhesmā hi udadhi mahā.

    ‘‘звамзва 11 д̇ат̇ааг̇ад̇ам̣, яо ваад̣̇зна вихим̣сад̇и;

    ‘‘Evameva 12 tathāgataṃ, yo vādena vihiṃsati;

    саммаг̇г̇ад̇ам̣ 13 санд̇ажид̇д̇ам̣, ваад̣̇о д̇амхи на руухад̇и.

    Sammaggataṃ 14 santacittaṃ, vādo tamhi na rūhati.

    ‘‘д̇аад̣̇исам̣ мид̇д̇ам̣ губ̣б̣зт̇а, д̇ан̃жа сзвзяяа бан̣д̣ид̇о;

    ‘‘Tādisaṃ mittaṃ kubbetha, tañca seveyya paṇḍito;

    яасса маг̇г̇аануг̇о бхигку, каяам̣ д̣̇угкасса баабун̣з’’д̇и.

    Yassa maggānugo bhikkhu, khayaṃ dukkhassa pāpuṇe’’ti.

    аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̣̇асамам̣.

    Ayampi attho vutto bhagavatā, iti me sutanti. Dasamaṃ.

    жад̇уд̇т̇о ваг̇г̇о нидтид̇о.

    Catuttho vaggo niṭṭhito.

    д̇ассуд̣̇д̣̇аанам̣ –

    Tassuddānaṃ –

    вид̇аггаасаггаарасад̣̇д̣̇а, жаваналогз асубхам̣;

    Vitakkāsakkārasadda, cavanaloke asubhaṃ;

    д̇хаммаанд̇хагаарамалам̣, д̣̇звад̣̇ад̇д̇зна д̇з д̣̇асаад̇и.

    Dhammaandhakāramalaṃ, devadattena te dasāti.




    Next: 5. бан̃жамаваг̇г̇о • 5. Pañcamavaggo




    Footnotes:
    1. уд̇д̇арим̣ гаран̣ийяз (сяаа.)
    2. висзсаад̇хиг̇амзна жа (сяаа. бий.)
    3. uttariṃ karaṇīye (syā.)
    4. visesādhigamena ca (syā. pī.)
    5. мз суд̇ам̣ (баал̣ияам̣)
    6. me sutaṃ (pāḷiyaṃ)
    7. бамаад̣̇аманужин̣н̣о (га. сий. сяаа. бий.), самаанаманужин̣н̣о (адта.)
    8. pamādamanuciṇṇo (ka. sī. syā. pī.), samānamanuciṇṇo (aṭṭha.)
    9. пуссзд̇и (сяаа.)
    10. phusseti (syā.)
    11. звамзд̇ам̣ (сяаа.)
    12. evametaṃ (syā.)
    13. самаг̇г̇ад̇ам̣ (сий. га.)
    14. samaggataṃ (sī. ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 10. д̣̇звад̣̇ад̇д̇асуд̇д̇аван̣н̣анаа • 10. Devadattasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact