| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
8. தே³வத³த்தஸுத்தவண்ணனா
8. Devadattasuttavaṇṇanā
68. அட்ட²மே காலே ஸம்பத்தேதி க³ப்³ப⁴ஸ்ஸ பரிபாகக³தத்தா விஜாயனகாலே ஸம்பத்தே. போதகந்தி அஸ்ஸதரியா புத்தங். ‘‘ப²லங் வே கத³லிங் ஹந்தீ’’திஆதி³கா³தா²ய குக்குஜகேனேவ பத்தவட்டிபஸவஸ்ஸ உச்சி²ன்னத்தா ப²லுப்பத்தி கத³லியா பராப⁴வாய ஹோதீதி ஆஹ ‘‘ப²லங் வே கத³லிங் ஹந்தீ’’தி. குக்குஜகங் நாம கத³லியா புப்ப²னாளங். ததா² ப²லபாகபரியோஸானத்தா ஓஸதீ⁴னங் ‘‘ப²லங் வேளுங் நள’’ந்தி வுத்தங். அயங் பனெத்த² பிண்ட³த்தோ² – யதா² அத்தனோ ப²லங் கத³லிவேளுனளே வினாஸேதி, க³ப்³போ⁴ ச அஸ்ஸதரிங், ஏவங் அத்தனோ கம்மபூ⁴தோ ஸக்காரோ அஸப்புரிஸங் வினாஸேதீதி.
68. Aṭṭhame kāle sampatteti gabbhassa paripākagatattā vijāyanakāle sampatte. Potakanti assatariyā puttaṃ. ‘‘Phalaṃ ve kadaliṃ hantī’’tiādigāthāya kukkujakeneva pattavaṭṭipasavassa ucchinnattā phaluppatti kadaliyā parābhavāya hotīti āha ‘‘phalaṃ ve kadaliṃ hantī’’ti. Kukkujakaṃ nāma kadaliyā pupphanāḷaṃ. Tathā phalapākapariyosānattā osadhīnaṃ ‘‘phalaṃ veḷuṃ naḷa’’nti vuttaṃ. Ayaṃ panettha piṇḍattho – yathā attano phalaṃ kadaliveḷunaḷe vināseti, gabbho ca assatariṃ, evaṃ attano kammabhūto sakkāro asappurisaṃ vināsetīti.
தே³வத³த்தஸுத்தவண்ணனா நிட்டி²தா.
Devadattasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. தே³வத³த்தஸுத்தங் • 8. Devadattasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. தே³வத³த்தஸுத்தவண்ணனா • 8. Devadattasuttavaṇṇanā
