| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
д̣̇звад̣̇ад̇д̇авад̇т̇у
Devadattavatthu
333. ат̇а ко бхаг̇аваа анубияааяам̣ яат̇аабхиранд̇ам̣ вихарид̇ваа язна госамб̣ий д̇зна жааригам̣ баггаами. анубуб̣б̣зна жааригам̣ жарамаано язна госамб̣ий д̇ад̣̇авасари. д̇ад̇ра суд̣̇ам̣ бхаг̇аваа госамб̣ияам̣ вихарад̇и гхосид̇аараамз. ат̇а ко д̣̇звад̣̇ад̇д̇асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘гам̣ ну ко ахам̣ басаад̣̇зяяам̣, яасмим̣ мз басаннз б̣ахулаабхасаггааро уббаж̇ж̇зяяаа’’д̇и? ат̇а ко д̣̇звад̣̇ад̇д̇асса зд̇ад̣̇ахоси – ‘‘аяам̣ ко аж̇аад̇асад̇д̇у гумааро д̇арун̣о жзва ааяад̇им̣ бхад̣̇д̣̇о жа. яам̣нуунаахам̣ аж̇аад̇асад̇д̇ум̣ гумаарам̣ басаад̣̇зяяам̣. д̇асмим̣ мз басаннз б̣ахулаабхасаггааро уббаж̇ж̇иссад̇ий’’д̇и.
333. Atha kho bhagavā anupiyāyaṃ yathābhirantaṃ viharitvā yena kosambī tena cārikaṃ pakkāmi. Anupubbena cārikaṃ caramāno yena kosambī tadavasari. Tatra sudaṃ bhagavā kosambiyaṃ viharati ghositārāme. Atha kho devadattassa rahogatassa paṭisallīnassa evaṃ cetaso parivitakko udapādi – ‘‘kaṃ nu kho ahaṃ pasādeyyaṃ, yasmiṃ me pasanne bahulābhasakkāro uppajjeyyā’’ti? Atha kho devadattassa etadahosi – ‘‘ayaṃ kho ajātasattu kumāro taruṇo ceva āyatiṃ bhaddo ca. Yaṃnūnāhaṃ ajātasattuṃ kumāraṃ pasādeyyaṃ. Tasmiṃ me pasanne bahulābhasakkāro uppajjissatī’’ti.
ат̇а ко д̣̇звад̣̇ад̇д̇о сзнаасанам̣ сам̣саамзд̇ваа бад̇д̇ажийварамаад̣̇ааяа язна рааж̇аг̇ахам̣ д̇зна баггаами. анубуб̣б̣зна язна рааж̇аг̇ахам̣ д̇ад̣̇авасари. ат̇а ко д̣̇звад̣̇ад̇д̇о сагаван̣н̣ам̣ бадисам̣харид̇ваа гумаарагаван̣н̣ам̣ абхинимминид̇ваа ахимзкалигааяа аж̇аад̇асад̇д̇усса гумаарасса ужчан̇г̇з 1 баад̇урахоси. ат̇а ко аж̇аад̇асад̇д̇у гумааро бхийд̇о ахоси, уб̣б̣иг̇г̇о уссан̇гий уд̇расд̇о. ат̇а ко д̣̇звад̣̇ад̇д̇о аж̇аад̇асад̇д̇ум̣ гумаарам̣ зд̇ад̣̇авожа – ‘‘бхааяаси мам̣ д̇вам̣ гумаараа’’д̇и? ‘‘аама, бхааяаами. госи д̇ва’’нд̇и? ‘‘ахам̣ д̣̇звад̣̇ад̇д̇о’’д̇и. ‘‘сажз ко д̇вам̣, бханд̇з, аяяо д̣̇звад̣̇ад̇д̇о, ин̇гха сагзнзва ван̣н̣зна баад̇убхавассуу’’д̇и. ат̇а ко д̣̇звад̣̇ад̇д̇о гумаарагаван̣н̣ам̣ бадисам̣харид̇ваа сан̇гхаадибад̇д̇ажийварад̇харо аж̇аад̇асад̇д̇усса гумаарасса бурад̇о адтааси. ат̇а ко аж̇аад̇асад̇д̇у гумааро д̣̇звад̣̇ад̇д̇асса иминаа ид̣̇д̇хибаадихаариязна абхиббасанно бан̃жахи рат̇асад̇зхи сааяам̣ баад̇ам̣ убадтаанам̣ г̇ажчад̇и, бан̃жа жа т̇аалибаагасад̇аани бхад̇д̇аабхихааро абхихарийяад̇и. ат̇а ко д̣̇звад̣̇ад̇д̇асса лаабхасаггаарасилогзна абхибхууд̇асса барияаад̣̇иннажид̇д̇асса зваруубам̣ ижчааг̇ад̇ам̣ уббаж̇ж̇и – ‘‘ахам̣ бхигкусан̇гхам̣ барихариссаамий’’д̇и . саха жид̇д̇уббаад̣̇аава д̣̇звад̣̇ад̇д̇о д̇ассаа ид̣̇д̇хияаа барихааяи.
Atha kho devadatto senāsanaṃ saṃsāmetvā pattacīvaramādāya yena rājagahaṃ tena pakkāmi. Anupubbena yena rājagahaṃ tadavasari. Atha kho devadatto sakavaṇṇaṃ paṭisaṃharitvā kumārakavaṇṇaṃ abhinimminitvā ahimekhalikāya ajātasattussa kumārassa ucchaṅge 2 pāturahosi. Atha kho ajātasattu kumāro bhīto ahosi, ubbiggo ussaṅkī utrasto. Atha kho devadatto ajātasattuṃ kumāraṃ etadavoca – ‘‘bhāyasi maṃ tvaṃ kumārā’’ti? ‘‘Āma, bhāyāmi. Kosi tva’’nti? ‘‘Ahaṃ devadatto’’ti. ‘‘Sace kho tvaṃ, bhante, ayyo devadatto, iṅgha sakeneva vaṇṇena pātubhavassū’’ti. Atha kho devadatto kumārakavaṇṇaṃ paṭisaṃharitvā saṅghāṭipattacīvaradharo ajātasattussa kumārassa purato aṭṭhāsi. Atha kho ajātasattu kumāro devadattassa iminā iddhipāṭihāriyena abhippasanno pañcahi rathasatehi sāyaṃ pātaṃ upaṭṭhānaṃ gacchati, pañca ca thālipākasatāni bhattābhihāro abhiharīyati. Atha kho devadattassa lābhasakkārasilokena abhibhūtassa pariyādinnacittassa evarūpaṃ icchāgataṃ uppajji – ‘‘ahaṃ bhikkhusaṅghaṃ pariharissāmī’’ti . Saha cittuppādāva devadatto tassā iddhiyā parihāyi.
3 д̇зна ко бана самаязна гагуд̇хо наама гол̣ияабуд̇д̇о, ааяасмад̇о махаамог̇г̇аллаанасса убадтааго, ад̇хунаа гаалан̇гад̇о ан̃н̃ад̇арам̣ маномаяам̣ гааяам̣ убабанно. д̇асса зваруубо ад̇д̇абхааваббадилаабхо ход̇и – сзяяат̇ааби наама д̣̇вз ваа д̇ийн̣и ваа мааг̇ад̇хагаани 4 г̇аамагкзд̇д̇аани. со д̇зна ад̇д̇абхааваббадилаабхзна нзва ад̇д̇аанам̣ на барам̣ б̣яааб̣аад̇хзд̇и. ат̇а ко гагуд̇хо д̣̇звабуд̇д̇о язнааяасмаа махаамог̇г̇аллаано д̇знубасан̇гами, убасан̇гамид̇ваа ааяасманд̇ам̣ махаамог̇г̇аллаанам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко гагуд̇хо д̣̇звабуд̇д̇о ааяасманд̇ам̣ махаамог̇г̇аллаанам̣ зд̇ад̣̇авожа – ‘‘д̣̇звад̣̇ад̇д̇асса, бханд̇з, лаабхасаггаарасилогзна абхибхууд̇асса барияаад̣̇иннажид̇д̇асса 5 зваруубам̣ ижчааг̇ад̇ам̣ уббаж̇ж̇и – ‘ахам̣ бхигкусан̇гхам̣ барихариссаамий’д̇и. саха жид̇д̇уббаад̣̇аава бханд̇з, д̣̇звад̣̇ад̇д̇о д̇ассаа ид̣̇д̇хияаа барихийно’’д̇и. ид̣̇амавожа гагуд̇хо д̣̇звабуд̇д̇о. ид̣̇ам̣ вад̇ваа ааяасманд̇ам̣ махаамог̇г̇аллаанам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇зва анд̇арад̇хааяи.
6 Tena kho pana samayena kakudho nāma koḷiyaputto, āyasmato mahāmoggallānassa upaṭṭhāko, adhunā kālaṅkato aññataraṃ manomayaṃ kāyaṃ upapanno. Tassa evarūpo attabhāvappaṭilābho hoti – seyyathāpi nāma dve vā tīṇi vā māgadhakāni 7 gāmakkhettāni. So tena attabhāvappaṭilābhena neva attānaṃ na paraṃ byābādheti. Atha kho kakudho devaputto yenāyasmā mahāmoggallāno tenupasaṅkami, upasaṅkamitvā āyasmantaṃ mahāmoggallānaṃ abhivādetvā ekamantaṃ aṭṭhāsi. Ekamantaṃ ṭhito kho kakudho devaputto āyasmantaṃ mahāmoggallānaṃ etadavoca – ‘‘devadattassa, bhante, lābhasakkārasilokena abhibhūtassa pariyādinnacittassa 8 evarūpaṃ icchāgataṃ uppajji – ‘ahaṃ bhikkhusaṅghaṃ pariharissāmī’ti. Saha cittuppādāva bhante, devadatto tassā iddhiyā parihīno’’ti. Idamavoca kakudho devaputto. Idaṃ vatvā āyasmantaṃ mahāmoggallānaṃ abhivādetvā padakkhiṇaṃ katvā tattheva antaradhāyi.
ат̇а ко ааяасмаа махаамог̇г̇аллаано язна бхаг̇аваа д̇знубасан̇гами , убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и . згаманд̇ам̣ нисинно ко ааяасмаа махаамог̇г̇аллаано бхаг̇аванд̇ам̣ зд̇ад̣̇авожа – ‘‘гагуд̇хо наама, бханд̇з, гол̣ияабуд̇д̇о мама убадтааго ад̇хунаа гаалан̇гад̇о ан̃н̃ад̇арам̣ маномаяам̣ гааяам̣ убабанно. д̇асса зваруубо ад̇д̇абхааваббадилаабхо – сзяяат̇ааби наама д̣̇вз ваа д̇ийн̣и ваа мааг̇ад̇хагаани г̇аамагкзд̇д̇аани. со д̇зна ад̇д̇абхааваббадилаабхзна нзва ад̇д̇аанам̣ на барам̣ б̣яааб̣аад̇хзд̇и. ат̇а ко, бханд̇з, гагуд̇хо д̣̇звабуд̇д̇о язнаахам̣ д̇знубасан̇гами, убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко, бханд̇з, гагуд̇хо д̣̇звабуд̇д̇о мам̣ зд̇ад̣̇авожа – ‘д̣̇звад̣̇ад̇д̇асса, бханд̇з, лаабхасаггаарасилогзна абхибхууд̇асса барияаад̣̇иннажид̇д̇асса зваруубам̣ ижчааг̇ад̇ам̣ уббаж̇ж̇и – ахам̣ бхигкусан̇гхам̣ барихариссаамийд̇и. саха жид̇д̇уббаад̣̇аава бханд̇з, д̣̇звад̣̇ад̇д̇о д̇ассаа ид̣̇д̇хияаа барихийно’д̇и. ид̣̇амавожа, бханд̇з, гагуд̇хо д̣̇звабуд̇д̇о. ид̣̇ам̣ вад̇ваа мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇зва анд̇арад̇хааяий’’д̇и.
Atha kho āyasmā mahāmoggallāno yena bhagavā tenupasaṅkami , upasaṅkamitvā bhagavantaṃ abhivādetvā ekamantaṃ nisīdi . Ekamantaṃ nisinno kho āyasmā mahāmoggallāno bhagavantaṃ etadavoca – ‘‘kakudho nāma, bhante, koḷiyaputto mama upaṭṭhāko adhunā kālaṅkato aññataraṃ manomayaṃ kāyaṃ upapanno. Tassa evarūpo attabhāvappaṭilābho – seyyathāpi nāma dve vā tīṇi vā māgadhakāni gāmakkhettāni. So tena attabhāvappaṭilābhena neva attānaṃ na paraṃ byābādheti. Atha kho, bhante, kakudho devaputto yenāhaṃ tenupasaṅkami, upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhito kho, bhante, kakudho devaputto maṃ etadavoca – ‘devadattassa, bhante, lābhasakkārasilokena abhibhūtassa pariyādinnacittassa evarūpaṃ icchāgataṃ uppajji – ahaṃ bhikkhusaṅghaṃ pariharissāmīti. Saha cittuppādāva bhante, devadatto tassā iddhiyā parihīno’ti. Idamavoca, bhante, kakudho devaputto. Idaṃ vatvā maṃ abhivādetvā padakkhiṇaṃ katvā tattheva antaradhāyī’’ti.
‘‘гим̣ бана д̇з, мог̇г̇аллаана, гагуд̇хо д̣̇звабуд̇д̇о жзд̇асаа жзд̇о барижжа вид̣̇ид̇о? яам̣ гин̃жи гагуд̇хо д̣̇звабуд̇д̇о бхаасад̇и саб̣б̣ам̣ д̇ам̣ д̇ат̇зва ход̇и, но ан̃н̃ат̇аа’’д̇и? ‘‘жзд̇асаа жзд̇о барижжа вид̣̇ид̇о жа мз, бханд̇з, гагуд̇хо д̣̇звабуд̇д̇о. яам̣ гин̃жи гагуд̇хо д̣̇звабуд̇д̇о бхаасад̇и саб̣б̣ам̣ д̇ам̣ д̇ат̇зва ход̇и, но ан̃н̃ат̇аа’’д̇и. ‘‘рагкассзд̇ам̣, мог̇г̇аллаана, ваажам̣. рагкассзд̇ам̣, мог̇г̇аллаана, ваажам̣. ид̣̇аани со могхабурисо ад̇д̇анаава ад̇д̇аанам̣ баад̇угариссад̇и.
‘‘Kiṃ pana te, moggallāna, kakudho devaputto cetasā ceto paricca vidito? Yaṃ kiñci kakudho devaputto bhāsati sabbaṃ taṃ tatheva hoti, no aññathā’’ti? ‘‘Cetasā ceto paricca vidito ca me, bhante, kakudho devaputto. Yaṃ kiñci kakudho devaputto bhāsati sabbaṃ taṃ tatheva hoti, no aññathā’’ti. ‘‘Rakkhassetaṃ, moggallāna, vācaṃ. Rakkhassetaṃ, moggallāna, vācaṃ. Idāni so moghapuriso attanāva attānaṃ pātukarissati.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / часагяабаб̣б̣аж̇ж̇аагат̇аа • Chasakyapabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / часагяабаб̣б̣аж̇ж̇аагат̇аад̣̇иван̣н̣анаа • Chasakyapabbajjākathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / часагяабаб̣б̣аж̇ж̇аагат̇аа • Chasakyapabbajjākathā
