| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. д̣̇звад̣̇ууд̇асуд̇д̇аван̣н̣анаа
6. Devadūtasuttavaṇṇanā
36. чадтз д̣̇звад̣̇ууд̇аанийд̇и д̣̇звад̣̇ууд̇аа. аяам̣ банзд̇т̇а важанад̇т̇о – д̣̇звод̇и мажжу, д̇асса д̣̇ууд̇аад̇и д̣̇звад̣̇ууд̇аа. ж̇ин̣н̣аб̣яаад̇химад̇аа хи сам̣взг̇аж̇ананадтзна ‘‘ид̣̇аани д̇з мажжусамийбам̣ г̇анд̇аб̣б̣а’’нд̇и жод̣̇знд̇и вияа, д̇асмаа д̣̇звад̣̇ууд̇аад̇и вужжанд̇и. д̣̇зваа вияа д̣̇ууд̇аад̇иби д̣̇звад̣̇ууд̇аа. яат̇аа хи алан̇гад̇абадияад̇д̇ааяа д̣̇звад̇ааяа аагаасз тад̇ваа ‘‘д̇вам̣ асугад̣̇ивасз мариссасий’’д̇и вуд̇д̇з д̇ассаа важанам̣ сад̣̇д̇хаад̇аб̣б̣ам̣ ход̇и; звамзвам̣ ж̇ин̣н̣аб̣яаад̇химад̇ааби д̣̇иссамаанаа ‘‘д̇вамби звам̣д̇хаммо’’д̇и жод̣̇знд̇и вияа, д̇зсан̃жа д̇ам̣ важанам̣ анан̃н̃ат̇аабхаавид̇ааяа д̣̇звад̇ааяа б̣яаагаран̣асад̣̇исамзва ход̇ийд̇и д̣̇зваа вияа д̣̇ууд̇аад̇и д̣̇звад̣̇ууд̇аа. висуд̣̇д̇хид̣̇зваанам̣ д̣̇ууд̇аад̇иби д̣̇звад̣̇ууд̇аа. саб̣б̣аб̣од̇хисад̇д̇аа хи ж̇ин̣н̣аб̣яаад̇химад̇абаб̣б̣аж̇ид̇з д̣̇исваава сам̣взг̇ам̣ аабаж̇ж̇ид̇ваа нигкамма баб̣б̣аж̇им̣су. звам̣ висуд̣̇д̇хид̣̇зваанам̣ д̣̇ууд̇аад̇иби д̣̇звад̣̇ууд̇аа. ид̇ха бана лин̇г̇авибаллаасзна ‘‘д̣̇звад̣̇ууд̇ааний’’д̇и вуд̇д̇ам̣.
36. Chaṭṭhe devadūtānīti devadūtā. Ayaṃ panettha vacanattho – devoti maccu, tassa dūtāti devadūtā. Jiṇṇabyādhimatā hi saṃvegajananaṭṭhena ‘‘idāni te maccusamīpaṃ gantabba’’nti codenti viya, tasmā devadūtāti vuccanti. Devā viya dūtātipi devadūtā. Yathā hi alaṅkatapaṭiyattāya devatāya ākāse ṭhatvā ‘‘tvaṃ asukadivase marissasī’’ti vutte tassā vacanaṃ saddhātabbaṃ hoti; evamevaṃ jiṇṇabyādhimatāpi dissamānā ‘‘tvampi evaṃdhammo’’ti codenti viya, tesañca taṃ vacanaṃ anaññathābhāvitāya devatāya byākaraṇasadisameva hotīti devā viya dūtāti devadūtā. Visuddhidevānaṃ dūtātipi devadūtā. Sabbabodhisattā hi jiṇṇabyādhimatapabbajite disvāva saṃvegaṃ āpajjitvā nikkhamma pabbajiṃsu. Evaṃ visuddhidevānaṃ dūtātipi devadūtā. Idha pana liṅgavipallāsena ‘‘devadūtānī’’ti vuttaṃ.
гааязна д̣̇ужжарид̇анд̇иаад̣̇и гасмаа аарад̣̇д̇хам̣? д̣̇звад̣̇ууд̇аануяун̃ж̇анадтаанубаггамагаммад̣̇ассанад̇т̇ам̣. иминаа хи гаммзна аяам̣ сад̇д̇о нираяз ниб̣б̣ад̇д̇ад̇и, ат̇а нам̣ д̇ад̇т̇а яамо рааж̇аа д̣̇звад̣̇ууд̇з самануяун̃ж̇ад̇и. д̇ад̇т̇а гааязна д̣̇ужжарид̇ам̣ жарад̇ийд̇и гааяад̣̇ваарзна д̇ивид̇хам̣ д̣̇ужжарид̇ам̣ жарад̇и. ваажааяаад̇и важийд̣̇ваарзна жад̇уб̣б̣ид̇хам̣ д̣̇ужжарид̇ам̣ жарад̇и. манасаад̇и манод̣̇ваарзна д̇ивид̇хам̣ д̣̇ужжарид̇ам̣ жарад̇и.
Kāyenaduccaritantiādi kasmā āraddhaṃ? Devadūtānuyuñjanaṭṭhānupakkamakammadassanatthaṃ. Iminā hi kammena ayaṃ satto niraye nibbattati, atha naṃ tattha yamo rājā devadūte samanuyuñjati. Tattha kāyena duccaritaṃ caratīti kāyadvārena tividhaṃ duccaritaṃ carati. Vācāyāti vacīdvārena catubbidhaṃ duccaritaṃ carati. Manasāti manodvārena tividhaṃ duccaritaṃ carati.
д̇амзнам̣, бхигкавз, нираяабаалаад̇и зд̇т̇а згажжз т̇зраа ‘‘нираяабаалаа наама над̇т̇и, яанд̇аруубам̣ вияа гаммамзва гааран̣ам̣ гаарзд̇ий’’д̇и вад̣̇анд̇и. д̇ам̣ ‘‘ад̇т̇и нираяз нираяабаалаад̇и, ааманд̇аа. ад̇т̇и жа гааран̣игаа’’д̇иаад̣̇инаа наязна абхид̇хаммз (гат̇аа. 866) бадисзд̇хид̇амзва. яат̇аа хи мануссалогз гаммагааран̣агаарагаа ад̇т̇и, звамзва нираяз нираяабаалаа ад̇т̇ийд̇и. яамасса ран̃н̃од̇и яамарааж̇аа наама взмаанигабзд̇арааж̇аа. згасмим̣ гаалз д̣̇иб̣б̣авимаанз д̣̇иб̣б̣агаббаругкад̣̇иб̣б̣ауяяаанад̣̇иб̣б̣анаадагаад̣̇исаб̣б̣асамбад̇д̇им̣ анубхавад̇и, згасмим̣ гаалз гаммавибаагам̣, д̇хаммиго рааж̇аа, на жзса згова ход̇и, жад̇уусу бана д̣̇ваарзсу жад̇д̇ааро ж̇анаа хонд̇и. амад̇д̇зяяод̇и маад̇у хид̇о мад̇д̇зяяо, маад̇ари саммаа бадибаннод̇и ад̇т̇о. на мад̇д̇зяяод̇и амад̇д̇зяяо, маад̇ари мижчаа бадибаннод̇и ад̇т̇о. сзсабад̣̇зсуби зсзва наяо. аб̣рахман̃н̃од̇и зд̇т̇а жа кийн̣аасаваа б̣раахман̣аа наама, д̇зсу мижчаа бадибанно аб̣рахман̃н̃о наама.
Tamenaṃ, bhikkhave, nirayapālāti ettha ekacce therā ‘‘nirayapālā nāma natthi, yantarūpaṃ viya kammameva kāraṇaṃ kāretī’’ti vadanti. Taṃ ‘‘atthi niraye nirayapālāti, āmantā. Atthi ca kāraṇikā’’tiādinā nayena abhidhamme (kathā. 866) paṭisedhitameva. Yathā hi manussaloke kammakāraṇakārakā atthi, evameva niraye nirayapālā atthīti. Yamassaraññoti yamarājā nāma vemānikapetarājā. Ekasmiṃ kāle dibbavimāne dibbakapparukkhadibbauyyānadibbanāṭakādisabbasampattiṃ anubhavati, ekasmiṃ kāle kammavipākaṃ, dhammiko rājā, na cesa ekova hoti, catūsu pana dvāresu cattāro janā honti. Amatteyyoti mātu hito matteyyo, mātari sammā paṭipannoti attho. Na matteyyoti amatteyyo, mātari micchā paṭipannoti attho. Sesapadesupi eseva nayo. Abrahmaññoti ettha ca khīṇāsavā brāhmaṇā nāma, tesu micchā paṭipanno abrahmañño nāma.
самануяун̃ж̇ад̇ийд̇и ануяог̇авад̇д̇ам̣ ааробзнд̇о бужчад̇и, лад̣̇д̇хим̣ бад̇идтаабзнд̇о бана самануг̇г̇аахад̇и наама, гааран̣ам̣ бужчанд̇о саманубхаасад̇и наама. наад̣̇д̣̇асанд̇и ад̇д̇ано санд̇игз бахид̇асса гассажи д̣̇звад̣̇ууд̇асса абхаавам̣ санд̇хааяа звам̣ вад̣̇ад̇и.
Samanuyuñjatīti anuyogavattaṃ āropento pucchati, laddhiṃ patiṭṭhāpento pana samanuggāhati nāma, kāraṇaṃ pucchanto samanubhāsati nāma. Nāddasanti attano santike pahitassa kassaci devadūtassa abhāvaṃ sandhāya evaṃ vadati.
ат̇а нам̣ яамо ‘‘нааяам̣ бхаасид̇асса ад̇т̇ам̣ саллагкзд̇ий’’д̇и н̃ад̇ваа ад̇т̇ам̣ саллагкаабзд̇угаамо амбход̇иаад̣̇имааха. д̇ад̇т̇а ж̇ин̣н̣анд̇и ж̇арааж̇ин̣н̣ам̣. г̇обаанасиван̇ганд̇и г̇обаанасий вияа ван̇гам̣. бхог̇г̇анд̇и бхаг̇г̇ам̣. иминаабисса ван̇габхаавамзва д̣̇ийбзд̇и. д̣̇ан̣д̣абарааяан̣анд̇и д̣̇ан̣д̣абадисаран̣ам̣ д̣̇ан̣д̣ад̣̇уд̇ияам̣. бавзд̇хамаананд̇и гамбамаанам̣. аад̇уранд̇и ж̇араад̇урам̣. кан̣д̣ад̣̇анд̇анд̇и ж̇араанубхаавзна кан̣д̣ид̇ад̣̇анд̇ам̣. балид̇агзсанд̇и бан̣д̣арагзсам̣. вилуунанд̇и лун̃жид̇ваа г̇ахид̇агзсам̣ вияа каллаадам̣. калид̇асиранд̇и махаакаллаадасийсам̣. валид̇анд̇и сан̃ж̇аад̇авалим̣. д̇илагаахад̇аг̇ад̇д̇анд̇и сзд̇ад̇илагагаал̣ад̇илагзхи вигин̣н̣асарийрам̣. ж̇араад̇хаммод̇и ж̇араасабхааво, абаримуд̇д̇о ж̇арааяа, ж̇араа наама маяхам̣ аб̣бханд̇арзязва бавад̇д̇ад̇ийд̇и. барад̇о б̣яаад̇хид̇хаммо маран̣ад̇хаммод̇и бад̣̇ад̣̇ваязби зсзва наяо.
Atha naṃ yamo ‘‘nāyaṃ bhāsitassa atthaṃ sallakkhetī’’ti ñatvā atthaṃ sallakkhāpetukāmo ambhotiādimāha. Tattha jiṇṇanti jarājiṇṇaṃ. Gopānasivaṅkanti gopānasī viya vaṅkaṃ. Bhogganti bhaggaṃ. Imināpissa vaṅkabhāvameva dīpeti. Daṇḍaparāyaṇanti daṇḍapaṭisaraṇaṃ daṇḍadutiyaṃ. Pavedhamānanti kampamānaṃ. Āturanti jarāturaṃ. Khaṇḍadantanti jarānubhāvena khaṇḍitadantaṃ. Palitakesanti paṇḍarakesaṃ. Vilūnanti luñcitvā gahitakesaṃ viya khallāṭaṃ. Khalitasiranti mahākhallāṭasīsaṃ. Valitanti sañjātavaliṃ. Tilakāhatagattanti setatilakakāḷatilakehi vikiṇṇasarīraṃ. Jarādhammoti jarāsabhāvo, aparimutto jarāya, jarā nāma mayhaṃ abbhantareyeva pavattatīti. Parato byādhidhammo maraṇadhammoti padadvayepi eseva nayo.
батамам̣ д̣̇звад̣̇ууд̇ам̣ самануяун̃ж̇ид̇ваад̇и зд̇т̇а ж̇арааж̇ин̣н̣асад̇д̇о ад̇т̇ад̇о звам̣ вад̣̇ад̇и наама – ‘‘бассат̇а, бхо, ахамби д̇умхз вияа д̇арун̣о ахосим̣ ууруб̣алий б̣аахуб̣алий ж̇авасамбанно, д̇асса мз д̇аа б̣алаж̇авасамбад̇д̇ияо анд̇арахид̇аа, виж̇ж̇амаанааби мз хад̇т̇абаад̣̇аа хад̇т̇абаад̣̇агижжам̣ на гаронд̇и, ж̇арааяамхи абаримуд̇д̇ад̇ааяа зд̣̇исо ж̇аад̇о. на ко банаахамзва, д̇умхзби ж̇арааяа абаримуд̇д̇аава. яат̇зва хи маяхам̣, звам̣ д̇умхаагамби ж̇араа ааг̇амиссад̇и. ид̇и д̇ассаа бурз ааг̇аманаава галяаан̣ам̣ гарот̇аа’’д̇и . д̇знзвзса д̣̇звад̣̇ууд̇о наама ж̇аад̇о. ааб̣аад̇хиганд̇и б̣аад̇хигам̣. д̣̇угкид̇анд̇и д̣̇угкаббад̇д̇ам̣. б̣аал̣хаг̇илаананд̇и ад̇химад̇д̇аг̇илаанам̣.
Paṭhamaṃ devadūtaṃ samanuyuñjitvāti ettha jarājiṇṇasatto atthato evaṃ vadati nāma – ‘‘passatha, bho, ahampi tumhe viya taruṇo ahosiṃ ūrubalī bāhubalī javasampanno, tassa me tā balajavasampattiyo antarahitā, vijjamānāpi me hatthapādā hatthapādakiccaṃ na karonti, jarāyamhi aparimuttatāya ediso jāto. Na kho panāhameva, tumhepi jarāya aparimuttāva. Yatheva hi mayhaṃ, evaṃ tumhākampi jarā āgamissati. Iti tassā pure āgamanāva kalyāṇaṃ karothā’’ti . Tenevesa devadūto nāma jāto. Ābādhikanti bādhikaṃ. Dukkhitanti dukkhappattaṃ. Bāḷhagilānanti adhimattagilānaṃ.
д̣̇уд̇ияам̣ д̣̇звад̣̇ууд̇анд̇и зд̇т̇аби г̇илаанасад̇д̇о ад̇т̇ад̇о звам̣ вад̣̇ад̇и наама – ‘‘бассат̇а, бхо, ахамби д̇умхз вияа нирог̇о ахосим̣, сомхи зд̇арахи б̣яаад̇хинаа абхихад̇о, сагз муд̇д̇агарийсз балибанно, удтаад̇умби на саггоми. виж̇ж̇амаанааби мз хад̇т̇абаад̣̇аа хад̇т̇абаад̣̇агижжам̣ на гаронд̇и, б̣яаад̇хид̇омхи абаримуд̇д̇ад̇ааяа зд̣̇исо ж̇аад̇о. на ко банаахамзва, д̇умхзби б̣яаад̇хид̇о абаримуд̇д̇аава. яат̇зва хи маяхам̣, звам̣ д̇умхаагамби б̣яаад̇хи ааг̇амиссад̇и. ид̇и д̇асса бурз ааг̇аманаава галяаан̣ам̣ гарот̇аа’’д̇и. д̇знзвзса д̣̇звад̣̇ууд̇о наама ж̇аад̇о.
Dutiyaṃ devadūtanti etthapi gilānasatto atthato evaṃ vadati nāma – ‘‘passatha, bho, ahampi tumhe viya nirogo ahosiṃ, somhi etarahi byādhinā abhihato, sake muttakarīse palipanno, uṭṭhātumpi na sakkomi. Vijjamānāpi me hatthapādā hatthapādakiccaṃ na karonti, byādhitomhi aparimuttatāya ediso jāto. Na kho panāhameva, tumhepi byādhito aparimuttāva. Yatheva hi mayhaṃ, evaṃ tumhākampi byādhi āgamissati. Iti tassa pure āgamanāva kalyāṇaṃ karothā’’ti. Tenevesa devadūto nāma jāto.
згаахамад̇анд̇иаад̣̇ийсу згаахам̣ мад̇асса ассаад̇и згаахамад̇о, д̇ам̣ згаахамад̇ам̣. барад̇о бад̣̇ад̣̇ваязби зсзва наяо. бхасд̇аа вияа вааяунаа уд̣̇д̇хам̣ ж̇ийвид̇абарияаад̣̇аанаа яат̇ааггамам̣ самуг̇г̇ад̇зна суунабхаавзна уд̣̇д̇хумаад̇ад̇д̇аа уд̣̇д̇хумаад̇агам̣. винийло вужжад̇и вибарибхиннаван̣н̣о, винийлова винийлаго, д̇ам̣ винийлагам̣. бадигуулад̇д̇аа ваа гужчид̇ам̣ винийланд̇и винийлагам̣. вибуб̣б̣аганд̇и виссанд̣̇амаанабуб̣б̣агам̣, барибхиннадтаанз хи баг̇гхарид̇зна буб̣б̣зна балимагкид̇анд̇и ад̇т̇о.
Ekāhamatantiādīsu ekāhaṃ matassa assāti ekāhamato, taṃ ekāhamataṃ. Parato padadvayepi eseva nayo. Bhastā viya vāyunā uddhaṃ jīvitapariyādānā yathākkamaṃ samuggatena sūnabhāvena uddhumātattā uddhumātakaṃ. Vinīlo vuccati viparibhinnavaṇṇo, vinīlova vinīlako, taṃ vinīlakaṃ. Paṭikūlattā vā kucchitaṃ vinīlanti vinīlakaṃ. Vipubbakanti vissandamānapubbakaṃ, paribhinnaṭṭhāne hi paggharitena pubbena palimakkhitanti attho.
д̇ад̇ияам̣ д̣̇звад̣̇ууд̇анд̇и зд̇т̇а мад̇агасад̇д̇о ад̇т̇ад̇о звам̣ вад̣̇ад̇и наама – ‘‘бассат̇а, бхо, мам̣ аамагасусаанз чад̣д̣ид̇ам̣ уд̣̇д̇хумаад̇агаад̣̇ибхааваббад̇д̇ам̣, маран̣ад̇омхи абаримуд̇д̇ад̇ааяа зд̣̇исо ж̇аад̇о. на ко банаахамзва, д̇умхзби маран̣ад̇о абаримуд̇д̇аа. яат̇зва хи маяхам̣, звам̣ д̇умхаагамби маран̣ам̣ ааг̇амиссад̇и. ид̇и д̇асса бурз ааг̇аманаава галяаан̣ам̣ гарот̇аа’’д̇и. д̇знзвасса д̣̇звад̣̇ууд̇о наама ж̇аад̇о.
Tatiyaṃdevadūtanti ettha matakasatto atthato evaṃ vadati nāma – ‘‘passatha, bho, maṃ āmakasusāne chaḍḍitaṃ uddhumātakādibhāvappattaṃ, maraṇatomhi aparimuttatāya ediso jāto. Na kho panāhameva, tumhepi maraṇato aparimuttā. Yatheva hi mayhaṃ, evaṃ tumhākampi maraṇaṃ āgamissati. Iti tassa pure āgamanāva kalyāṇaṃ karothā’’ti. Tenevassa devadūto nāma jāto.
имам̣ бана д̣̇звад̣̇ууд̇аануяог̇ам̣ го лабхад̇и, го на лабхад̇и? язна д̇аава б̣ахум̣ баабам̣ гад̇ам̣, со г̇анд̇ваа нираяз ниб̣б̣ад̇д̇ад̇иязва. язна бана барид̇д̇ам̣ баабам̣ гад̇ам̣, со лабхад̇и. яат̇аа хи сабхан̣д̣ам̣ жорам̣ г̇ахзд̇ваа гад̇д̇аб̣б̣амзва гаронд̇и на винижчинанд̇и. анувиж̇ж̇ид̇ваа г̇ахид̇ам̣ бана винижчаяадтаанам̣ наяанд̇и, со винижчаяам̣ лабхад̇и. звам̣самбад̣̇амзд̇ам̣. барид̇д̇абаабагаммаа хи ад̇д̇ано д̇хаммад̇ааяаби саранд̇и, саарийяамаанааби саранд̇и.
Imaṃ pana devadūtānuyogaṃ ko labhati, ko na labhati? Yena tāva bahuṃ pāpaṃ kataṃ, so gantvā niraye nibbattatiyeva. Yena pana parittaṃ pāpaṃ kataṃ, so labhati. Yathā hi sabhaṇḍaṃ coraṃ gahetvā kattabbameva karonti na vinicchinanti. Anuvijjitvā gahitaṃ pana vinicchayaṭṭhānaṃ nayanti, so vinicchayaṃ labhati. Evaṃsampadametaṃ. Parittapāpakammā hi attano dhammatāyapi saranti, sārīyamānāpi saranti.
д̇ад̇т̇а д̣̇ийгхаж̇аяанд̇ад̣̇амил̣о наама ад̇д̇ано д̇хаммад̇ааяа сари. со гира д̣̇амил̣о суманаг̇иримахаавихаарз аагаасажзд̇ияам̣ рад̇д̇абадзна бууж̇зси, ат̇а нираяз уссад̣̇асааманд̇з ниб̣б̣ад̇д̇о аг̇г̇иж̇ааласад̣̇д̣̇ам̣ суд̇ваава ад̇д̇анаа бууж̇ид̇абадам̣ ануссари, со г̇анд̇ваа саг̇г̇з ниб̣б̣ад̇д̇о. абароби буд̇д̇асса д̣̇ахарабхигкуно калисаадагам̣ д̣̇знд̇о баад̣̇амуулз табзси, маран̣агааламхи бадабадаад̇и сад̣̇д̣̇з нимид̇д̇ам̣ г̇ан̣хи , соби уссад̣̇асааманд̇з ниб̣б̣ад̇д̇о ж̇ааласад̣̇д̣̇зна д̇ам̣ саадагам̣ ануссарид̇ваа саг̇г̇з ниб̣б̣ад̇д̇о. звам̣ д̇аава ад̇д̇ано д̇хаммад̇ааяа гусалам̣ гаммам̣ сарид̇ваа саг̇г̇з ниб̣б̣ад̇д̇ад̇ийд̇и.
Tattha dīghajayantadamiḷo nāma attano dhammatāya sari. So kira damiḷo sumanagirimahāvihāre ākāsacetiyaṃ rattapaṭena pūjesi, atha niraye ussadasāmante nibbatto aggijālasaddaṃ sutvāva attanā pūjitapaṭaṃ anussari, so gantvā sagge nibbatto. Aparopi puttassa daharabhikkhuno khalisāṭakaṃ dento pādamūle ṭhapesi, maraṇakālamhi paṭapaṭāti sadde nimittaṃ gaṇhi , sopi ussadasāmante nibbatto jālasaddena taṃ sāṭakaṃ anussaritvā sagge nibbatto. Evaṃ tāva attano dhammatāya kusalaṃ kammaṃ saritvā sagge nibbattatīti.
ад̇д̇ано д̇хаммад̇ааяа асаранд̇з бана д̇аяо д̣̇звад̣̇ууд̇з бужчад̇и. д̇ад̇т̇а гожи батамзна д̣̇звад̣̇ууд̇зна сарад̇и, гожи д̣̇уд̇ияад̇ад̇иязхи, гожи д̇ийхиби нассарад̇и. д̇ам̣ яамо рааж̇аа д̣̇исваа саяам̣ саарзд̇и. зго гира амажжо суманабубпагумбхзна махаажзд̇ияам̣ бууж̇зд̇ваа яамасса бад̇д̇им̣ ад̣̇ааси, д̇ам̣ агусалагаммзна нираяз ниб̣б̣ад̇д̇ам̣ яамасса санд̇игам̣ наяим̣су. д̇асмим̣ д̇ийхиби д̣̇звад̣̇ууд̇зхи гусалам̣ асаранд̇з яамо саяам̣ ологзнд̇о д̣̇исваа – ‘‘нану д̇вам̣ махаажзд̇ияам̣ суманабубпагумбхзна бууж̇зд̇ваа маяхам̣ бад̇д̇им̣ ад̣̇аасий’’д̇и саарзси, со д̇асмим̣ гаалз сарид̇ваа д̣̇звалогам̣ г̇ад̇о . яамо бана саяам̣ ологзд̇вааби абассанд̇о – ‘‘махаад̣̇угкам̣ наама анубхависсад̇и аяам̣ сад̇д̇о’’д̇и д̇ун̣хий ахоси.
Attano dhammatāya asarante pana tayo devadūte pucchati. Tattha koci paṭhamena devadūtena sarati, koci dutiyatatiyehi, koci tīhipi nassarati. Taṃ yamo rājā disvā sayaṃ sāreti. Eko kira amacco sumanapupphakumbhena mahācetiyaṃ pūjetvā yamassa pattiṃ adāsi, taṃ akusalakammena niraye nibbattaṃ yamassa santikaṃ nayiṃsu. Tasmiṃ tīhipi devadūtehi kusalaṃ asarante yamo sayaṃ olokento disvā – ‘‘nanu tvaṃ mahācetiyaṃ sumanapupphakumbhena pūjetvā mayhaṃ pattiṃ adāsī’’ti sāresi, so tasmiṃ kāle saritvā devalokaṃ gato . Yamo pana sayaṃ oloketvāpi apassanto – ‘‘mahādukkhaṃ nāma anubhavissati ayaṃ satto’’ti tuṇhī ahosi.
д̇ад̇д̇ам̣ аяокиланд̇и д̇иг̇аавуд̇ам̣ ад̇д̇абхаавам̣ самбаж̇ж̇алид̇ааяа лохабат̇авияаа уд̇д̇аанагам̣ нибаж̇ж̇аабзд̇ваа д̣̇агкин̣ахад̇т̇з д̇аалаббамаан̣ам̣ аяасуулам̣ бавзсзнд̇и, д̇ат̇аа ваамахад̇т̇аад̣̇ийсу. яат̇аа жа д̇ам̣ уд̇д̇аанагам̣ нибаж̇ж̇аабзд̇ваа, звам̣ урзнаби ваамабассзнаби д̣̇агкин̣абассзнаби нибаж̇ж̇аабзд̇ваа д̇з д̇ам̣ гаммагааран̣ам̣ гаронд̇иязва. сам̣взсзд̇ваад̇и ж̇алид̇ааяа лохабат̇авияаа д̇иг̇аавуд̇ам̣ ад̇д̇абхаавам̣ нибаж̇ж̇аабзд̇ваа. гутаарийхийд̇и махад̇ийхи г̇зхасса згабагкажчад̣̇анамад̇д̇аахи гутаарийхи д̇ажчанд̇и, лохид̇ам̣ над̣̇ий худ̇ваа санд̣̇ад̇и, лохабат̇авид̇о ж̇аалаа удтахид̇ваа д̇ажчид̇адтаанам̣ г̇ан̣хаад̇и, махаад̣̇угкам̣ уббаж̇ж̇ад̇и. д̇ажчанд̇аа бана суд̇д̇аахад̇ам̣ гарид̇ваа д̣̇аарум̣ вияа адтам̣самби чал̣ам̣самби гаронд̇и. ваасийхийд̇и махаасуббаббамаан̣аахи ваасийхи. рат̇з яож̇зд̇ваад̇и сад̣̇д̇хим̣ яуг̇аяод̇д̇абагкарат̇ажаггагуб̣б̣арабааж̇анзхи саб̣б̣ад̇о баж̇ж̇алид̇з рат̇з яож̇зд̇ваа. маханд̇анд̇и махаагуудааг̇аараббамаан̣ам̣. ааробзнд̇ийд̇и самбаж̇ж̇алид̇зхи аяамуг̇г̇арзхи бот̇знд̇аа ааробзнд̇и. сагимби уд̣̇д̇ханд̇и субаггут̇ид̇ааяа угкалияаа багкид̇д̇ад̇ан̣д̣улаа вияа уд̣̇д̇хамад̇ход̇ирияан̃жа г̇ажчад̇и. махаанираязд̇и авийжимахаанираяамхи.
Tattaṃ ayokhilanti tigāvutaṃ attabhāvaṃ sampajjalitāya lohapathaviyā uttānakaṃ nipajjāpetvā dakkhiṇahatthe tālappamāṇaṃ ayasūlaṃ pavesenti, tathā vāmahatthādīsu. Yathā ca taṃ uttānakaṃ nipajjāpetvā, evaṃ urenapi vāmapassenapi dakkhiṇapassenapi nipajjāpetvā te taṃ kammakāraṇaṃ karontiyeva. Saṃvesetvāti jalitāya lohapathaviyā tigāvutaṃ attabhāvaṃ nipajjāpetvā. Kuṭhārīhīti mahatīhi gehassa ekapakkhacchadanamattāhi kuṭhārīhi tacchanti, lohitaṃ nadī hutvā sandati, lohapathavito jālā uṭṭhahitvā tacchitaṭṭhānaṃ gaṇhāti, mahādukkhaṃ uppajjati. Tacchantā pana suttāhataṃ karitvā dāruṃ viya aṭṭhaṃsampi chaḷaṃsampi karonti. Vāsīhīti mahāsuppappamāṇāhi vāsīhi. Rathe yojetvāti saddhiṃ yugayottapakkharathacakkakubbarapājanehi sabbato pajjalite rathe yojetvā. Mahantanti mahākūṭāgārappamāṇaṃ. Āropentīti sampajjalitehi ayamuggarehi pothentā āropenti. Sakimpi uddhanti supakkuthitāya ukkhaliyā pakkhittataṇḍulā viya uddhamadhotiriyañca gacchati. Mahānirayeti avīcimahānirayamhi.
бхааг̇асо мид̇од̇и бхааг̇з табзд̇ваа вибхад̇д̇о. барияанд̇од̇и баригкид̇д̇о. аяасаад̇и убари аяабаддзна чаад̣̇ид̇о. саманд̇аа яож̇анасад̇ам̣, парид̇ваа д̇идтад̇ийд̇и звам̣ парид̇ваа д̇идтад̇и, яат̇аа д̇ам̣ саманд̇аа яож̇анасад̇з тад̇ваа ологзнд̇асса агкийни яамагаг̇ол̣агаа вияа нигкаманд̇и.
Bhāgasomitoti bhāge ṭhapetvā vibhatto. Pariyantoti parikkhitto. Ayasāti upari ayapaṭṭena chādito. Samantā yojanasataṃ, pharitvā tiṭṭhatīti evaṃ pharitvā tiṭṭhati, yathā taṃ samantā yojanasate ṭhatvā olokentassa akkhīni yamakagoḷakā viya nikkhamanti.
хийнагааяуубаг̇аад̇и хийнам̣ гааяам̣ убаг̇ад̇аа худ̇ваа. убаад̣̇аанзд̇и д̇ан̣хаад̣̇идтиг̇г̇ахан̣з. ж̇аад̇имаран̣асамбхавзд̇и ж̇аад̇ияаа жа маран̣асса жа гааран̣абхууд̇з. анубаад̣̇аад̇и жад̇уухи убаад̣̇аанзхи анубаад̣̇ияид̇ваа. ж̇аад̇имаран̣асан̇каязд̇и ж̇аад̇имаран̣асан̇каяасан̇каад̇з ниб̣б̣аанз вимужжанд̇и. д̣̇идтад̇хаммаабхиниб̣б̣уд̇аад̇и д̣̇идтад̇хаммз имасмим̣язва ад̇д̇абхаавз саб̣б̣агилзсаниб̣б̣аанзна ниб̣б̣уд̇аа. саб̣б̣ад̣̇угкам̣ убажжаг̇унд̇и сагалаваддад̣̇угкам̣ ад̇игганд̇аа.
Hīnakāyūpagāti hīnaṃ kāyaṃ upagatā hutvā. Upādāneti taṇhādiṭṭhiggahaṇe. Jātimaraṇasambhaveti jātiyā ca maraṇassa ca kāraṇabhūte. Anupādāti catūhi upādānehi anupādiyitvā. Jātimaraṇasaṅkhayeti jātimaraṇasaṅkhayasaṅkhāte nibbāne vimuccanti. Diṭṭhadhammābhinibbutāti diṭṭhadhamme imasmiṃyeva attabhāve sabbakilesanibbānena nibbutā. Sabbadukkhaṃ upaccagunti sakalavaṭṭadukkhaṃ atikkantā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. д̣̇звад̣̇ууд̇асуд̇д̇ам̣ • 6. Devadūtasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. д̣̇звад̣̇ууд̇асуд̇д̇аван̣н̣анаа • 6. Devadūtasuttavaṇṇanā
