| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. д̣̇звад̣̇ууд̇асуд̇д̇аван̣н̣анаа
6. Devadūtasuttavaṇṇanā
36. чадтз д̣̇звад̣̇ууд̇аанийд̇и лин̇г̇авибаллаасам̣ гад̇ваа вуд̇д̇анд̇и ааха ‘‘д̣̇звад̣̇ууд̇аа’’д̇и, убхаяалин̇г̇ам̣ ваа зд̇ам̣ бад̣̇ам̣, д̇асмаа набум̣сагалин̇г̇авасзна баал̣ияам̣ вуд̇д̇асса буллин̇г̇авасзна ад̇т̇ад̣̇ассанам̣ гад̇ам̣. д̣̇звод̇и мажжууд̇и абхибхаванадтзна сад̇д̇аанам̣ ад̇д̇ано васз вад̇д̇аабанад̇о мажжурааж̇аа ‘‘д̣̇зво’’д̇и вужжад̇и. яат̇аа хи д̣̇зво багад̇исад̇д̇з абхибхавад̇и, звам̣ мажжу саб̣б̣асад̇д̇з абхибхавад̇и, д̇асмаа д̣̇зво вияаад̇и д̣̇зво. ‘‘д̇асса д̣̇ууд̇аа’’д̇и вад̇ваа ид̣̇аанисса д̣̇ууд̇з д̇зсам̣ д̣̇ууд̇абхааван̃жа вибхаавзд̇ум̣ ‘‘ж̇ин̣н̣аб̣яаад̇химад̇аа хий’’д̇иаад̣̇и вуд̇д̇ам̣. д̇зна жод̣̇анад̇т̇зна д̣̇звасса д̣̇ууд̇аа вияаад̇и д̣̇звад̣̇ууд̇аад̇и д̣̇ассзд̇и. ‘‘ахам̣ асугам̣ бамад̣̇д̣̇ид̇ум̣ ааг̇амиссаами, д̇увам̣ д̇асса гзсз г̇ахзд̇ваа маа виссаж̇ж̇зхий’’д̇и мажжуд̣̇звасса аан̣аагараа д̣̇ууд̇аа вияаад̇и хи д̣̇ууд̇аад̇и вужжанд̇и.
36. Chaṭṭhe devadūtānīti liṅgavipallāsaṃ katvā vuttanti āha ‘‘devadūtā’’ti, ubhayaliṅgaṃ vā etaṃ padaṃ, tasmā napuṃsakaliṅgavasena pāḷiyaṃ vuttassa pulliṅgavasena atthadassanaṃ kataṃ. Devoti maccūti abhibhavanaṭṭhena sattānaṃ attano vase vattāpanato maccurājā ‘‘devo’’ti vuccati. Yathā hi devo pakatisatte abhibhavati, evaṃ maccu sabbasatte abhibhavati, tasmā devo viyāti devo. ‘‘Tassa dūtā’’ti vatvā idānissa dūte tesaṃ dūtabhāvañca vibhāvetuṃ ‘‘jiṇṇabyādhimatā hī’’tiādi vuttaṃ. Tena codanatthena devassa dūtā viyāti devadūtāti dasseti. ‘‘Ahaṃ asukaṃ pamaddituṃ āgamissāmi, tuvaṃ tassa kese gahetvā mā vissajjehī’’ti maccudevassa āṇākarā dūtā viyāti hi dūtāti vuccanti.
ид̣̇аани сад̣̇д̇хаад̇аб̣б̣адтзна д̣̇зваа вияа д̣̇ууд̇аад̇и д̣̇звад̣̇ууд̇аад̇и д̣̇ассзнд̇о ‘‘д̣̇зваа вияа д̣̇ууд̇аа’’д̇иаад̣̇имааха. д̇ад̇т̇а алан̇гад̇аббадияад̇д̇ааяаад̇и ид̣̇ам̣ ад̇д̇ано д̣̇иб̣б̣аанубхаавам̣ аавигад̇ваа тид̇ааяаад̇и д̣̇ассанад̇т̇ам̣ вуд̇д̇ам̣. д̣̇звад̇ааяа б̣яаагаран̣асад̣̇исамзва ход̇и на жирассзва ж̇арааб̣яаад̇химаран̣асса самбхавад̇о. висуд̣̇д̇хид̣̇зваананд̇и кийн̣аасаваб̣рахмаанам̣. д̇з хи жаримабхавз б̣од̇хисад̇д̇аанам̣ ж̇ин̣н̣аад̣̇ибхзд̣̇ам̣ д̣̇ассзнд̇и, д̇асмаа анд̇имабхавигаб̣од̇хисад̇д̇аанам̣ висуд̣̇д̇хид̣̇звзхи убадтаабид̇абхаавам̣ убаад̣̇ааяа д̇ад̣̇ан̃н̃зсамби д̇зхи анубадтаабид̇аанамби д̇ат̇аа вохарид̇аб̣б̣ад̇аа барияааяасид̣̇д̇хаад̇и взд̣̇ид̇аб̣б̣аа. д̣̇исвааваад̇и висуд̣̇д̇хид̣̇звзхи д̣̇ассид̇з д̣̇исваава. д̇ад̇оязва хи д̇з висуд̣̇д̇хид̣̇зваанам̣ д̣̇ууд̇аа вуд̇д̇аа.
Idāni saddhātabbaṭṭhena devā viya dūtāti devadūtāti dassento ‘‘devā viya dūtā’’tiādimāha. Tattha alaṅkatappaṭiyattāyāti idaṃ attano dibbānubhāvaṃ āvikatvā ṭhitāyāti dassanatthaṃ vuttaṃ. Devatāya byākaraṇasadisameva hoti na cirasseva jarābyādhimaraṇassa sambhavato. Visuddhidevānanti khīṇāsavabrahmānaṃ. Te hi carimabhave bodhisattānaṃ jiṇṇādibhedaṃ dassenti, tasmā antimabhavikabodhisattānaṃ visuddhidevehi upaṭṭhāpitabhāvaṃ upādāya tadaññesampi tehi anupaṭṭhāpitānampi tathā voharitabbatā pariyāyasiddhāti veditabbā. Disvāvāti visuddhidevehi dassite disvāva. Tatoyeva hi te visuddhidevānaṃ dūtā vuttā.
гасмаа аарад̣̇д̇ханд̇и гзвалам̣ д̣̇звад̣̇ууд̇з зва саруубад̇о ад̣̇ассзд̇ваад̇и ад̇хиббааяо. д̣̇зваанам̣ д̣̇ууд̇аанам̣ д̣̇ассануубааяад̇д̇аа д̇ат̇аа вуд̇д̇анд̇и д̣̇ассзнд̇о ‘‘д̣̇звад̣̇ууд̇аа…бз… самануяун̃ж̇ад̇ий’’д̇и ааха. д̇ад̇т̇а д̣̇звад̣̇ууд̇аа…бз… д̣̇ассанад̇т̇анд̇и д̣̇звад̣̇ууд̇аанам̣ ануяун̃ж̇анадтаануубаг̇асса гаммасса д̣̇ассанад̇т̇ам̣.
Kasmā āraddhanti kevalaṃ devadūte eva sarūpato adassetvāti adhippāyo. Devānaṃ dūtānaṃ dassanūpāyattā tathā vuttanti dassento ‘‘devadūtā…pe… samanuyuñjatī’’ti āha. Tattha devadūtā…pe… dassanatthanti devadūtānaṃ anuyuñjanaṭṭhānūpagassa kammassa dassanatthaṃ.
згажжз т̇зраад̇и анд̇хагаад̣̇игз вин̃н̃аан̣аваад̣̇ино жа санд̇хааяа вад̣̇ад̇и. нзраяигз нираяз баалзнд̇и д̇ад̇о ниг̇г̇анд̇ум̣ аббад̣̇аанавасзна рагканд̇ийд̇и нираяабаалаа. ат̇а ваа нираяабаалад̇ааяа нзраяигаанам̣ нираяад̣̇угкзна барияонад̣̇д̇хааяа алам̣ самад̇т̇аад̇и нираяабаалаа. д̇анд̇и ‘‘над̇т̇и нираяабаалаа’’д̇и важанам̣. бадисзд̇хид̇амзваад̇и ‘‘ад̇т̇и нираязсу нираяабаалаа ад̇т̇и жа гааран̣игаа’’д̇иаад̣̇инаа наязна абхид̇хаммз (гат̇аа. 866) бадисзд̇хид̇амзва. яад̣̇и нираяабаалаа наама на сияум̣, гаммагааран̣ааби на бхавзяяа. сад̇и хи гааран̣игз гаммагааран̣ааяа бхавид̇аб̣б̣анд̇и ад̇хиббааяо. д̇знааха ‘‘яат̇аа хий’’д̇иаад̣̇и. зд̇т̇ааха – ‘‘гим̣ банзд̇з нираяабаалаа нзраяигаа, уд̣̇ааху анзраяигаа’’д̇и. гин̃жзд̇т̇а – яад̣̇и д̇аава нзраяигаа нираяасам̣вад̇д̇аниязна гаммзна ниб̣б̣ад̇д̇аа, саяамби нираяад̣̇угкам̣ бажжанубхавзяяум̣, д̇ат̇аа сад̇и ан̃н̃зсам̣ нзраяигаанам̣ гхаад̇анааяа асамад̇т̇аа сияум̣, ‘‘имз нзраяигаа имз нираяабаалаа’’д̇и вавад̇т̇аанан̃жа на сияаа. яз жа яз гхаад̇знд̇и, д̇зхи самаанаруубаб̣алаббамаан̣зхи ид̇арзсам̣ бхаяасанд̇аасаа на сияум̣. ат̇а анзраяигаа, нзсам̣ д̇ад̇т̇а гат̇ам̣ самбхавод̇и? вужжад̇з – анзраяигаа нираяабаалаа анираяаг̇ад̇исам̣вад̇д̇анияагамманиб̣б̣ад̇д̇ид̇о. нираяуубабад̇д̇исам̣вад̇д̇анияагаммад̇о хи ан̃н̃знзва гаммунаа д̇з ниб̣б̣ад̇д̇анд̇и рагкасаж̇аад̇игад̇д̇аа. д̇ат̇аа хи вад̣̇анд̇и саб̣б̣ад̇т̇иваад̣̇ино –
Ekacce therāti andhakādike viññāṇavādino ca sandhāya vadati. Nerayike niraye pālenti tato niggantuṃ appadānavasena rakkhantīti nirayapālā. Atha vā nirayapālatāya nerayikānaṃ nirayadukkhena pariyonaddhāya alaṃ samatthāti nirayapālā. Tanti ‘‘natthi nirayapālā’’ti vacanaṃ. Paṭisedhitamevāti ‘‘atthi nirayesu nirayapālā atthi ca kāraṇikā’’tiādinā nayena abhidhamme (kathā. 866) paṭisedhitameva. Yadi nirayapālā nāma na siyuṃ, kammakāraṇāpi na bhaveyya. Sati hi kāraṇike kammakāraṇāya bhavitabbanti adhippāyo. Tenāha ‘‘yathā hī’’tiādi. Etthāha – ‘‘kiṃ panete nirayapālā nerayikā, udāhu anerayikā’’ti. Kiñcettha – yadi tāva nerayikā nirayasaṃvattaniyena kammena nibbattā, sayampi nirayadukkhaṃ paccanubhaveyyuṃ, tathā sati aññesaṃ nerayikānaṃ ghātanāya asamatthā siyuṃ, ‘‘ime nerayikā ime nirayapālā’’ti vavatthānañca na siyā. Ye ca ye ghātenti, tehi samānarūpabalappamāṇehi itaresaṃ bhayasantāsā na siyuṃ. Atha anerayikā, nesaṃ tattha kathaṃ sambhavoti? Vuccate – anerayikā nirayapālā anirayagatisaṃvattaniyakammanibbattito. Nirayūpapattisaṃvattaniyakammato hi aññeneva kammunā te nibbattanti rakkhasajātikattā. Tathā hi vadanti sabbatthivādino –
‘‘год̇хаа гуруурагамманд̇аа, баабаабхиружино д̇ат̇аа;
‘‘Kodhā kurūrakammantā, pāpābhirucino tathā;
д̣̇угкид̇зсу жа нанд̣̇анд̇и, ж̇ааяанд̇и яамарагкасаа’’д̇и.
Dukkhitesu ca nandanti, jāyanti yamarakkhasā’’ti.
д̇ад̇т̇а яад̣̇згз вад̣̇анд̇и ‘‘яаад̇анаад̣̇угкам̣ бадисам̣взд̣̇зяяум̣, ат̇а ваа ан̃н̃аман̃н̃ам̣ гхаад̇зяяу’’нд̇иаад̣̇и, д̇аяид̣̇ам̣ асаарам̣ нираяабаалаанам̣ нзраяигабхаавассзва абхаавад̇о. яад̣̇иби анзраяигаа нираяабаалаа, аяомаяааяа бана аад̣̇ид̇д̇ааяа самбаж̇ж̇алид̇ааяа саж̇од̇ибхууд̇ааяа нираяабхуумияаа бариггамамаанаа гат̇ам̣ д̣̇аахад̣̇угкам̣ наанубхаванд̇ийд̇и? гаммаанубхаавад̇о. яат̇аа хи ид̣̇д̇химанд̇о жзд̇овасиббад̇д̇аа махаамог̇г̇аллаанаад̣̇аяо нзраяигз анугамбанд̇аа ид̣̇д̇хиб̣алзна нираяабхуумим̣ убаг̇ад̇аа д̣̇аахад̣̇угкзна на б̣аад̇хийяанд̇и, звам̣ самбад̣̇амид̣̇ам̣ д̣̇адтаб̣б̣ам̣.
Tattha yadeke vadanti ‘‘yātanādukkhaṃ paṭisaṃvedeyyuṃ, atha vā aññamaññaṃ ghāteyyu’’ntiādi, tayidaṃ asāraṃ nirayapālānaṃ nerayikabhāvasseva abhāvato. Yadipi anerayikā nirayapālā, ayomayāya pana ādittāya sampajjalitāya sajotibhūtāya nirayabhūmiyā parikkamamānā kathaṃ dāhadukkhaṃ nānubhavantīti? Kammānubhāvato. Yathā hi iddhimanto cetovasippattā mahāmoggallānādayo nerayike anukampantā iddhibalena nirayabhūmiṃ upagatā dāhadukkhena na bādhīyanti, evaṃ sampadamidaṃ daṭṭhabbaṃ.
ид̣̇д̇хивисаяасса ажинд̇зяяабхаавад̇од̇и жз? ид̣̇амби д̇ам̣самаанам̣ гаммавибаагасса ажинд̇зяяабхаавад̇о. д̇ат̇ааруубзна хи гаммунаа д̇з ниб̣б̣ад̇д̇аа яат̇аа нираяад̣̇угкзна аб̣аад̇хид̇аа зва худ̇ваа нзраяигз гхаад̇знд̇и, на жзд̇д̇агзна б̣аахирависаяаабхааво яуж̇ж̇ад̇и идтаанидтад̇ааяа бажжзгам̣ д̣̇ваарабурисзсуби вибхад̇д̇асабхаавад̇д̇аа. д̇ат̇аа хи згажжасса д̣̇ваарасса бурисасса жа идтам̣ згажжасса анидтам̣, згажжасса жа анидтам̣ згажжасса идтам̣ ход̇и. зван̃жа гад̇ваа яад̣̇згз вад̣̇анд̇и ‘‘над̇т̇и гаммавасзна д̇зж̇асаа баруубад̇аабана’’нд̇иаад̣̇и, д̇ад̣̇абаахад̇ам̣ ход̇и. яам̣ бана вад̣̇анд̇и ‘‘анзраяигаанам̣ д̇зсам̣ гат̇ам̣ д̇ад̇т̇а самбхаво’’д̇и нираяз нзраяигаанам̣ яаад̇анаасаб̣бхаавабхаавад̇о. нзраяигасад̇д̇аяаад̇анааяог̇г̇ан̃хи ад̇д̇абхаавам̣ ниб̣б̣ад̇д̇знд̇ам̣ гаммам̣ д̇аад̣̇исаниганд̇и винаамид̇ам̣ нираяадтаанз зва ниб̣б̣ад̇д̇зд̇и. д̇з хи нзраяигзхи ад̇хигад̇араб̣алаарохабарин̣аахаа ад̇ивияа бхаяаанагад̣̇ассанаа гуруурад̇арабаяог̇аа жа хонд̇и. зд̇знзва д̇ад̇т̇а нзраяигаанам̣ виб̣аад̇хагагаагасунакаад̣̇ийнамби ниб̣б̣ад̇д̇ияаа ад̇т̇ибхааво сам̣ван̣н̣ид̇од̇и д̣̇адтаб̣б̣о.
Iddhivisayassa acinteyyabhāvatoti ce? Idampi taṃsamānaṃ kammavipākassa acinteyyabhāvato. Tathārūpena hi kammunā te nibbattā yathā nirayadukkhena abādhitā eva hutvā nerayike ghātenti, na cettakena bāhiravisayābhāvo yujjati iṭṭhāniṭṭhatāya paccekaṃ dvārapurisesupi vibhattasabhāvattā. Tathā hi ekaccassa dvārassa purisassa ca iṭṭhaṃ ekaccassa aniṭṭhaṃ, ekaccassa ca aniṭṭhaṃ ekaccassa iṭṭhaṃ hoti. Evañca katvā yadeke vadanti ‘‘natthi kammavasena tejasā parūpatāpana’’ntiādi, tadapāhataṃ hoti. Yaṃ pana vadanti ‘‘anerayikānaṃ tesaṃ kathaṃ tattha sambhavo’’ti niraye nerayikānaṃ yātanāsabbhāvabhāvato. Nerayikasattayātanāyoggañhi attabhāvaṃ nibbattentaṃ kammaṃ tādisanikanti vināmitaṃ nirayaṭṭhāne eva nibbatteti. Te hi nerayikehi adhikatarabalārohapariṇāhā ativiya bhayānakadassanā kurūratarapayogā ca honti. Eteneva tattha nerayikānaṃ vibādhakakākasunakhādīnampi nibbattiyā atthibhāvo saṃvaṇṇitoti daṭṭhabbo.
гат̇аман̃н̃аг̇ад̇игзхи ан̃н̃аг̇ад̇игаб̣аад̇хананд̇и жа на вад̇д̇аб̣б̣ам̣ ан̃н̃ад̇т̇ааби д̇ат̇аа д̣̇ассанад̇о. яам̣ банзгз вад̣̇анд̇и ‘‘асад̇д̇асабхааваа зва нираяз нираяабаалаа нираяз сунакаад̣̇аяо жаа’’д̇и, д̇амбзд̇зсам̣ мад̇имад̇д̇ам̣ ан̃н̃ад̇т̇а д̇ат̇аа ад̣̇ассанад̇о. на хи гаажи ад̇т̇и д̇аад̣̇исий д̇хаммаббавад̇д̇и, яаа асад̇д̇асабхааваа, самбад̇исад̇д̇зхи аббаяож̇ид̇аа жа ад̇т̇агижжам̣ саад̇хзнд̇ий д̣̇идтабуб̣б̣аа. бзд̇аанам̣ баанийяаниваарагаанам̣ д̣̇ан̣д̣аад̣̇ихад̇т̇аанан̃жа бурисаанам̣ саб̣бхаавз асад̇д̇абхаавз жа висзсагааран̣ам̣ над̇т̇ийд̇и д̇аад̣̇исаанам̣ саб̣бхаавз гим̣ баабагаанам̣ вад̇д̇аб̣б̣ам̣. субинобагхаад̇оби ад̇т̇агижжасамад̇т̇ад̇ааяа аббамаан̣ам̣ д̣̇ассанаад̣̇имад̇д̇знаби д̇ад̣̇ад̇т̇асид̣̇д̇хид̇о. д̇ат̇аа хи субинз аахааруубабхог̇аад̣̇инаа на ад̇т̇асид̣̇д̇хи, ид̣̇д̇хиниммаанаруубам̣ банзд̇т̇а лад̣̇д̇хабарихаарам̣ ид̣̇д̇хивисаяасса ажинд̇зяяабхаавад̇о. ид̇хааби гаммавибаагасса ажинд̇зяяабхаавад̇од̇и жз? д̇ам̣ на, асид̣̇д̇хад̇д̇аа. нзраяигаанам̣ гаммавибааго нираяабаалаад̇и сид̣̇д̇хамзд̇д̇ам̣, вуд̇д̇анаязна баал̣ид̇о жа д̇зсам̣ сад̇д̇абхааво зва сид̣̇д̇хо. саггаа хи вад̇д̇ум̣ сад̇д̇асан̇каад̇аа нираяабааласан̃н̃ид̇аа д̇хаммаббавад̇д̇и саабхисанд̇хигабаруубагхаад̇и ад̇т̇агижжасаб̣бхаавад̇о ож̇аахаараад̣̇и рагкасасанд̇ад̇и вияа. абхисанд̇хибуб̣б̣агад̇аа жзд̇т̇а на саггаа бадигкибид̇ум̣ д̇ат̇аа д̇ат̇аа абхисанд̇хияаа гхаад̇анад̇о. д̇ад̇о зва на сан̇гхаад̇абаб̣б̣ад̇зхи анзганд̇игад̇аа. яз бана вад̣̇анд̇и ‘‘бхууд̇ависзсаа зва д̇з ван̣н̣асан̣таанаад̣̇ивисзсаванд̇о бхзраваагаараа нарагабаалаад̇и саман̃н̃ам̣ лабханд̇ий’’д̇и, д̇ад̣̇асид̣̇д̇хам̣ уж̇угамзва баал̣ияам̣ ‘‘ад̇т̇и нираяз нираяабаалаа’’д̇и ваад̣̇асса бад̇идтаабид̇ад̇д̇аа.
Kathamaññagatikehi aññagatikabādhananti ca na vattabbaṃ aññatthāpi tathā dassanato. Yaṃ paneke vadanti ‘‘asattasabhāvā eva niraye nirayapālā niraye sunakhādayo cā’’ti, tampetesaṃ matimattaṃ aññattha tathā adassanato. Na hi kāci atthi tādisī dhammappavatti, yā asattasabhāvā, sampatisattehi appayojitā ca atthakiccaṃ sādhentī diṭṭhapubbā. Petānaṃ pānīyanivārakānaṃ daṇḍādihatthānañca purisānaṃ sabbhāve asattabhāve ca visesakāraṇaṃ natthīti tādisānaṃ sabbhāve kiṃ pāpakānaṃ vattabbaṃ. Supinopaghātopi atthakiccasamatthatāya appamāṇaṃ dassanādimattenapi tadatthasiddhito. Tathā hi supine āhārūpabhogādinā na atthasiddhi, iddhinimmānarūpaṃ panettha laddhaparihāraṃ iddhivisayassa acinteyyabhāvato. Idhāpi kammavipākassa acinteyyabhāvatoti ce? Taṃ na, asiddhattā. Nerayikānaṃ kammavipāko nirayapālāti siddhamettaṃ, vuttanayena pāḷito ca tesaṃ sattabhāvo eva siddho. Sakkā hi vattuṃ sattasaṅkhātā nirayapālasaññitā dhammappavatti sābhisandhikaparūpaghāti atthakiccasabbhāvato ojāhārādi rakkhasasantati viya. Abhisandhipubbakatā cettha na sakkā paṭikkhipituṃ tathā tathā abhisandhiyā ghātanato. Tato eva na saṅghātapabbatehi anekantikatā. Ye pana vadanti ‘‘bhūtavisesā eva te vaṇṇasaṇṭhānādivisesavanto bheravākārā narakapālāti samaññaṃ labhantī’’ti, tadasiddhaṃ ujukameva pāḷiyaṃ ‘‘atthi niraye nirayapālā’’ti vādassa patiṭṭhāpitattā.
абижа яат̇аа арияавинаяз нарагабаалаанам̣ бхууд̇амад̇д̇ад̇аа асид̣̇д̇хаа, д̇ат̇аа бан̃н̃ад̇д̇имад̇д̇аваад̣̇иноби бхууд̇амад̇д̇ад̇аа асид̣̇д̇хаа саб̣б̣асо руубад̇хаммаанам̣ ад̇т̇ибхаавассзва аббадиж̇аананад̇о. на хи д̇асса бхууд̇аани наама барамад̇т̇ад̇о санд̇и. яад̣̇и барамад̇т̇ам̣ г̇ахзд̇ваа вохарад̇и, ат̇а гасмаа жагкуруубаад̣̇ийни бадигкибад̇ийд̇и? д̇идтад̇зсаа анавадтид̇ад̇аггаанам̣ аббахийнавибаллаасаанам̣ ваад̣̇авиймам̣саа. звам̣ ад̇т̇зва нираяз нираяабаалаад̇и нидтамзд̇т̇а г̇анд̇аб̣б̣ам̣. сад̇и жа нзсам̣ саб̣бхаавз асад̇иби б̣аахирз висаяз нарагз вияа д̣̇зсаад̣̇инияамо ход̇ийд̇и ваад̣̇о на сиж̇жхад̇и, сад̇и зва бана б̣аахирз висаяз д̣̇зсаад̣̇инияамод̇и д̣̇адтаб̣б̣ам̣.
Apica yathā ariyavinaye narakapālānaṃ bhūtamattatā asiddhā, tathā paññattimattavādinopi bhūtamattatā asiddhā sabbaso rūpadhammānaṃ atthibhāvasseva appaṭijānanato. Na hi tassa bhūtāni nāma paramatthato santi. Yadi paramatthaṃ gahetvā voharati, atha kasmā cakkhurūpādīni paṭikkhipatīti? Tiṭṭhatesā anavaṭṭhitatakkānaṃ appahīnavipallāsānaṃ vādavīmaṃsā. Evaṃ attheva niraye nirayapālāti niṭṭhamettha gantabbaṃ. Sati ca nesaṃ sabbhāve asatipi bāhire visaye narake viya desādiniyamo hotīti vādo na sijjhati, sati eva pana bāhire visaye desādiniyamoti daṭṭhabbaṃ.
д̣̇звад̣̇ууд̇асараабанавасзна сад̇д̇з яат̇уубажид̇з бун̃н̃агаммз яамзд̇и нияамзд̇ийд̇и яамо. д̇асса яамасса взмаанигабзд̇аанам̣ рааж̇абхаавад̇о ран̃н̃о. д̇знааха ‘‘яамарааж̇аа наама взмаанигабзд̇арааж̇аа’’д̇и. гаммавибааганд̇и агусалагаммавибаагам̣. взмаанигабзд̇аа хи ган̣хасуггавасзна миссагам̣ гаммам̣ гад̇ваа винибаад̇игад̣̇звад̇аа вияа суггзна гаммунаа бадисанд̇хим̣ г̇ан̣ханд̇и. д̇ат̇аа хи маг̇г̇апалабхааг̇иноби хонд̇и, бавад̇д̇ияам̣ бана гаммаануруубам̣ гад̣̇аажи бун̃н̃апалам̣, гад̣̇аажи абун̃н̃апалам̣ бажжанубхаванд̇и. язсам̣ бана арияамаг̇г̇о уббаж̇ж̇ад̇и, д̇зсам̣ маг̇г̇аад̇хиг̇амад̇о бадтааяа бун̃н̃апаламзва уббаж̇ж̇ад̇ийд̇и д̣̇адтаб̣б̣ам̣. абун̃н̃апалам̣ буб̣б̣з вияа гадугам̣ на ход̇и, мануссад̇д̇абхаавз тид̇аанам̣ вияа муд̣̇угамзва ход̇ийд̇и абарз. д̇хаммиго рааж̇аад̇и зд̇т̇а д̇асса д̇хаммигабхааво д̇хаммад̣̇звабуд̇д̇асса вияа уббад̇д̇инияад̇о д̇хаммад̇аавасзна взд̣̇ид̇аб̣б̣о. д̣̇ваарзсууд̇и авийжимахаанарагасса жад̇уусу д̣̇ваарзсу. кийн̣аасаваа б̣раахман̣аа наама уггадтанид̣̇д̣̇зсзна.
Devadūtasarāpanavasena satte yathūpacite puññakamme yameti niyametīti yamo. Tassa yamassa vemānikapetānaṃ rājabhāvato rañño. Tenāha ‘‘yamarājā nāma vemānikapetarājā’’ti. Kammavipākanti akusalakammavipākaṃ. Vemānikapetā hi kaṇhasukkavasena missakaṃ kammaṃ katvā vinipātikadevatā viya sukkena kammunā paṭisandhiṃ gaṇhanti. Tathā hi maggaphalabhāginopi honti, pavattiyaṃ pana kammānurūpaṃ kadāci puññaphalaṃ, kadāci apuññaphalaṃ paccanubhavanti. Yesaṃ pana ariyamaggo uppajjati, tesaṃ maggādhigamato paṭṭhāya puññaphalameva uppajjatīti daṭṭhabbaṃ. Apuññaphalaṃ pubbe viya kaṭukaṃ na hoti, manussattabhāve ṭhitānaṃ viya mudukameva hotīti apare. Dhammiko rājāti ettha tassa dhammikabhāvo dhammadevaputtassa viya uppattiniyato dhammatāvasena veditabbo. Dvāresūti avīcimahānarakassa catūsu dvāresu. Khīṇāsavā brāhmaṇā nāma ukkaṭṭhaniddesena.
ануяог̇авад̇д̇анд̇и ануяог̇з гад̇з вад̇д̇ид̇аб̣б̣авад̇д̇ам̣. ааробзнд̇од̇и гаараабзнд̇о, ад̇д̇ано бужчам̣ уд̣̇д̣̇исса бадиважанам̣ д̣̇аабзнд̇о бужчад̇и. барасса хи ад̇хиббааяам̣ н̃аад̇ум̣ ижчанд̇о д̇ад̣̇убаг̇ам̣ баяог̇ам̣ гаронд̇о бужчад̇и наама. лад̣̇д̇хинд̇и г̇аахам̣. бад̇идтаабзнд̇од̇и д̇ад̇т̇а нижжагаалам̣ гаараабзнд̇о. гааран̣ам̣ бужчанд̇од̇и яуд̇д̇им̣ бужчанд̇о. саманубхаасад̇ийд̇и яат̇аануяуд̇д̇амад̇т̇ам̣ вибхууд̇ам̣ гад̇ваа гат̇зд̇и.
Anuyogavattanti anuyoge kate vattitabbavattaṃ. Āropentoti kārāpento, attano pucchaṃ uddissa paṭivacanaṃ dāpento pucchati. Parassa hi adhippāyaṃ ñātuṃ icchanto tadupagaṃ payogaṃ karonto pucchati nāma. Laddhinti gāhaṃ. Patiṭṭhāpentoti tattha niccakālaṃ kārāpento. Kāraṇaṃ pucchantoti yuttiṃ pucchanto. Samanubhāsatīti yathānuyuttamatthaṃ vibhūtaṃ katvā katheti.
ж̇ин̣н̣анд̇и ж̇араабад̇д̇ияаа ж̇ин̣н̣ам̣. згажжо д̣̇ахарагаалад̇о бадтааяа бан̣д̣урог̇аад̣̇инаа абхибхууд̇агааяад̇ааяа ж̇ин̣н̣асад̣̇исо ход̇и, аяам̣ на д̇ат̇аа ж̇араабад̇д̇ияаа ж̇ин̣н̣од̇и д̣̇ассзд̇и. г̇обаанасий вияа ван̇ганд̇и ван̇гаг̇обаанасий вияа ван̇гам̣. на хи ван̇габхаавасса нид̣̇ассанад̇т̇ам̣ аван̇гаг̇обаанасий г̇аяхад̇и. бхаг̇г̇анд̇и бхаг̇г̇асарийрам̣ гадияам̣ бхаг̇г̇агааяад̇д̇аа. д̇знааха ‘‘иминаабисса ван̇габхаавамзва д̣̇ийбзд̇ий’’д̇и. д̣̇ан̣д̣абадисаран̣анд̇и таанаг̇аманзсу д̣̇ан̣д̣о бадисаран̣ам̣ зд̇ассаад̇и д̣̇ан̣д̣абадисаран̣ам̣ д̇зна винаа вад̇д̇ид̇ум̣ асамад̇т̇ад̇д̇аа. д̇знааха ‘‘д̣̇ан̣д̣ад̣̇уд̇ияа’’нд̇и. ж̇араад̇уранд̇и ж̇арааяа бад̇т̇ад̇асам̣гиланд̇агааяам̣. саб̣б̣асо гимихад̇ам̣ вияа махаакаллаадам̣ сийсамассаад̇и махаакаллаадасийсам̣. сан̃ж̇аад̇авалинд̇и саманд̇ад̇о ж̇аад̇авалигам̣. ж̇араад̇хаммод̇и ж̇араабагад̇иго. д̇знааха ‘‘ж̇араасабхааво’’д̇и. сабхааво жа наама д̇зж̇од̇хаад̇уяаа ун̣хад̇аа вияа на гад̣̇аажи виг̇ажчад̇ийд̇и ааха ‘‘абаримуд̇д̇о ж̇арааяаа’’д̇иаад̣̇и.
Jiṇṇanti jarāpattiyā jiṇṇaṃ. Ekacco daharakālato paṭṭhāya paṇḍurogādinā abhibhūtakāyatāya jiṇṇasadiso hoti, ayaṃ na tathā jarāpattiyā jiṇṇoti dasseti. Gopānasī viya vaṅkanti vaṅkagopānasī viya vaṅkaṃ. Na hi vaṅkabhāvassa nidassanatthaṃ avaṅkagopānasī gayhati. Bhagganti bhaggasarīraṃ kaṭiyaṃ bhaggakāyattā. Tenāha ‘‘imināpissa vaṅkabhāvameva dīpetī’’ti. Daṇḍapaṭisaraṇanti ṭhānagamanesu daṇḍo paṭisaraṇaṃ etassāti daṇḍapaṭisaraṇaṃ tena vinā vattituṃ asamatthattā. Tenāha ‘‘daṇḍadutiya’’nti. Jarāturanti jarāya patthatasaṃkilantakāyaṃ. Sabbaso kimihataṃ viya mahākhallāṭaṃ sīsamassāti mahākhallāṭasīsaṃ. Sañjātavalinti samantato jātavalikaṃ. Jarādhammoti jarāpakatiko. Tenāha ‘‘jarāsabhāvo’’ti. Sabhāvo ca nāma tejodhātuyā uṇhatā viya na kadāci vigacchatīti āha ‘‘aparimutto jarāyā’’tiādi.
ад̇т̇ад̇о звам̣ вад̣̇ад̇и наама, ваажааяа авад̣̇анд̇оби ад̇т̇аабад̇д̇ид̇о звам̣ вад̣̇анд̇о вияа ход̇и вин̃н̃уунанд̇и ад̇т̇о. д̇арун̣о ахосим̣ яоб̣б̣анзна саманнааг̇ад̇о. ууруунам̣ б̣алам̣ зд̇асса ад̇т̇ийд̇и ууруб̣алий. д̇зна д̣̇уурзби г̇аманааг̇аманалан̇гханаад̣̇исамад̇т̇ад̇ам̣ д̣̇ассзд̇и, б̣аахуб̣алийд̇и бана иминаа хад̇т̇зхи гаад̇аб̣б̣агижжасамад̇т̇ад̇ам̣, ж̇аваг̇г̇ахан̣зна взг̇асаа бавад̇д̇исамад̇т̇ад̇ам̣. анд̇арахид̇аад̇и надтаа. зд̇т̇а жа на ко банааханд̇иаад̣̇и ж̇арааяа д̣̇звад̣̇ууд̇абхаавад̣̇ассанам̣. д̇знааха ‘‘д̇знзса д̣̇звад̣̇ууд̇о наама ж̇аад̇о’’д̇и. ааб̣аад̇хасса ад̇т̇ид̇ааяа ааб̣аад̇хигам̣. вивид̇хам̣ д̣̇угкам̣ аад̣̇ахад̇ийд̇и б̣яаад̇хи, висзсзна ваа аад̇хияад̇и зд̇знаад̇и б̣яаад̇хи, б̣яаад̇хи сам̣ж̇аад̇о зд̇ассаад̇и б̣яаад̇хид̇ам̣. зса наяо д̣̇угкид̇анд̇и зд̇т̇ааби.
Atthato evaṃ vadati nāma, vācāya avadantopi atthāpattito evaṃ vadanto viya hoti viññūnanti attho. Taruṇo ahosiṃ yobbanena samannāgato. Ūrūnaṃ balaṃ etassa atthīti ūrubalī. Tena dūrepi gamanāgamanalaṅghanādisamatthataṃ dasseti, bāhubalīti pana iminā hatthehi kātabbakiccasamatthataṃ, javaggahaṇena vegasā pavattisamatthataṃ. Antarahitāti naṭṭhā. Ettha ca na kho panāhantiādi jarāya devadūtabhāvadassanaṃ. Tenāha ‘‘tenesa devadūto nāma jāto’’ti. Ābādhassa atthitāya ābādhikaṃ. Vividhaṃ dukkhaṃ ādahatīti byādhi, visesena vā ādhiyati etenāti byādhi, byādhi saṃjāto etassāti byādhitaṃ. Esa nayo dukkhitanti etthāpi.
д̣̇уд̇ияам̣ д̣̇звад̣̇ууд̇анд̇и зд̇т̇ааби вуд̇д̇анаязнзва ад̇т̇о взд̣̇ид̇аб̣б̣о. б̣яаад̇хинаа абхихад̇од̇и б̣яаад̇хинаа б̣аад̇хид̇о, убад̣̇д̣̇уд̇од̇и ад̇т̇о.
Dutiyaṃ devadūtanti etthāpi vuttanayeneva attho veditabbo. Byādhinā abhihatoti byādhinā bādhito, upaddutoti attho.
вибарибхиннаван̣н̣од̇и вибарибхиннанийлаван̣н̣о. д̇ан̃хи яад̇т̇а яад̇т̇а г̇ахид̇абуб̣б̣агам̣, д̇ад̇т̇а д̇ад̇т̇а бан̣д̣уван̣н̣ам̣, мам̣суссад̣̇адтаанз рад̇д̇аван̣н̣ам̣, язбхуяязна жа нийласаадагабааруд̇ам̣ вияа ход̇и. д̇зна вуд̇д̇ам̣ ‘‘вибарибхиннанийлаван̣н̣о’’д̇и.
Viparibhinnavaṇṇoti viparibhinnanīlavaṇṇo. Tañhi yattha yattha gahitapubbakaṃ, tattha tattha paṇḍuvaṇṇaṃ, maṃsussadaṭṭhāne rattavaṇṇaṃ, yebhuyyena ca nīlasāṭakapārutaṃ viya hoti. Tena vuttaṃ ‘‘viparibhinnanīlavaṇṇo’’ti.
‘‘го лабхад̇и, го на лабхад̇ий’’д̇и нираяубаг̇ассзва васзнааяам̣ вижааран̣аад̇и ‘‘язна д̇аава б̣аху баабам̣ гад̇а’’нд̇иаад̣̇и аарад̣̇д̇хам̣. б̣аху баабам̣ гад̇анд̇и б̣ахусо баабам̣ гад̇ам̣. д̇зна баабасса б̣ахулийгаран̣амааха. б̣ахууд̇и ваа маханд̇ам̣. махад̇т̇оби хи б̣ахусад̣̇д̣̇о д̣̇иссад̇и ‘‘б̣аху вад̇а гад̇ам̣ ассаа’’д̇иаад̣̇ийсу, г̇аруганд̇и вуд̇д̇ам̣ ход̇и. со г̇аругам̣ б̣ахулам̣ ваа баабам̣ гад̇ваа тид̇о нираяз ниб̣б̣ад̇д̇ад̇иязва, на яамабурисзхи яамасса санд̇игам̣ нийяад̇ийд̇и. барид̇д̇анд̇и бамаан̣абарид̇д̇ад̇ааяа гаалабарид̇д̇ад̇ааяа жа барид̇д̇ам̣. буримасмим̣ ад̇т̇з аг̇арууд̇и ад̇т̇о, д̣̇уд̇ияасмим̣ аб̣ахуланд̇и. яат̇аавуд̇д̇амад̇т̇ам̣ убамааяа вибхаавзд̇ум̣ ‘‘яат̇аа хий’’д̇иаад̣̇и вуд̇д̇ам̣. гад̇д̇аб̣б̣амзва гаронд̇ийд̇и д̣̇ан̣д̣амзва гаронд̇и. анувиж̇ж̇ид̇ваад̇и виймам̣сид̇ваа. винижчаяадтаананд̇и аддагаран̣адтаанам̣. барид̇д̇абаабагаммаад̇и д̣̇уб̣б̣алабаабагаммаа. ад̇д̇ано д̇хаммад̇ааяаад̇и барзхи асаарияамаанзби ад̇д̇ано д̇хаммад̇ааяа саранд̇и. д̇з хи баабагаммасса д̣̇уб̣б̣алабхаавад̇о гад̇уубажид̇асса жа огаасаарахагусалагаммасса б̣алавабхаавад̇о ад̇д̇ано д̇хаммад̇ааяаби саранд̇и. саарияамаанаабийд̇и ‘‘ид̣̇ам̣ наама д̇аяаа гад̇ам̣ бун̃н̃агамма’’нд̇и барзхи саарияамаанааби.
‘‘Kolabhati, ko na labhatī’’ti nirayupagasseva vasenāyaṃ vicāraṇāti ‘‘yena tāva bahu pāpaṃ kata’’ntiādi āraddhaṃ. Bahu pāpaṃ katanti bahuso pāpaṃ kataṃ. Tena pāpassa bahulīkaraṇamāha. Bahūti vā mahantaṃ. Mahatthopi hi bahusaddo dissati ‘‘bahu vata kataṃ assā’’tiādīsu, garukanti vuttaṃ hoti. So garukaṃ bahulaṃ vā pāpaṃ katvā ṭhito niraye nibbattatiyeva, na yamapurisehi yamassa santikaṃ nīyatīti. Parittanti pamāṇaparittatāya kālaparittatāya ca parittaṃ. Purimasmiṃ atthe agarūti attho, dutiyasmiṃ abahulanti. Yathāvuttamatthaṃ upamāya vibhāvetuṃ ‘‘yathā hī’’tiādi vuttaṃ. Kattabbameva karontīti daṇḍameva karonti. Anuvijjitvāti vīmaṃsitvā. Vinicchayaṭṭhānanti aṭṭakaraṇaṭṭhānaṃ. Parittapāpakammāti dubbalapāpakammā. Attano dhammatāyāti parehi asāriyamānepi attano dhammatāya saranti. Te hi pāpakammassa dubbalabhāvato katūpacitassa ca okāsārahakusalakammassa balavabhāvato attano dhammatāyapi saranti. Sāriyamānāpīti ‘‘idaṃ nāma tayā kataṃ puññakamma’’nti parehi sāriyamānāpi.
аагаасажзд̇ияанд̇и г̇ирисикарз аб̣бхогаасз вивадан̇г̇ан̣з гад̇ажзд̇ияам̣. рад̇д̇абадзнаад̇и рад̇д̇аван̣н̣зна бадзна бууж̇зси бадаагам̣ гад̇ваа. аг̇г̇иж̇ааласад̣̇д̣̇анд̇и бадабадааяанд̇ам̣ нарагз аг̇г̇иж̇ааласад̣̇д̣̇ам̣ суд̇ваава. ад̇д̇анаа бууж̇ид̇абадам̣ ануссарийд̇и д̇ад̣̇аа бадаагааяа ваад̇аббахаарасад̣̇д̣̇з нимид̇д̇асса г̇ахид̇ад̇д̇аа ‘‘маяаа д̇ад̣̇аа аагаасажзд̇ияз бууж̇ид̇арад̇д̇абадасад̣̇д̣̇о вияаа’’д̇и ад̇д̇анаа бууж̇ид̇абадам̣ ануссари.
Ākāsacetiyanti girisikhare abbhokāse vivaṭaṅgaṇe katacetiyaṃ. Rattapaṭenāti rattavaṇṇena paṭena pūjesi paṭākaṃ katvā. Aggijālasaddanti paṭapaṭāyantaṃ narake aggijālasaddaṃ sutvāva. Attanā pūjitapaṭaṃ anussarīti tadā paṭākāya vātappahārasadde nimittassa gahitattā ‘‘mayā tadā ākāsacetiye pūjitarattapaṭasaddo viyā’’ti attanā pūjitapaṭaṃ anussari.
суманабубпагумбхзнаад̇и гумбхабаримаан̣зна суманабубпараасинаа. ‘‘д̣̇асаад̇хигам̣ наал̣исахассагумбха’’нд̇и гзжи, ‘‘бан̃жаамб̣ан̣а’’нд̇и абарз. д̇ийхиби на сарад̇и б̣алавад̇о баабагаммзна б̣яаамохид̇о. д̇ун̣хий ахосийд̇и ‘‘гаммаарахо аяа’’нд̇и д̇ад̇т̇а бадигаарам̣ абассанд̇о д̇ун̣хий ахоси.
Sumanapupphakumbhenāti kumbhaparimāṇena sumanapuppharāsinā. ‘‘Dasādhikaṃ nāḷisahassakumbha’’nti keci, ‘‘pañcaambaṇa’’nti apare. Tīhipina sarati balavato pāpakammena byāmohito. Tuṇhī ahosīti ‘‘kammāraho aya’’nti tattha paṭikāraṃ apassanto tuṇhī ahosi.
згабагкажчад̣̇анамад̇д̇аахийд̇и маж̇жхимаббамаан̣асса г̇зхасса згажчад̣̇анаббамаан̣зхи. суд̇д̇аахад̇ам̣ гарид̇ваад̇и гаал̣асуд̇д̇ам̣ баад̇зд̇ваа. яат̇аа рат̇о саб̣б̣асо баж̇ж̇алид̇о ход̇и аяомаяо, звам̣ яуг̇аад̣̇аяобисса баж̇ж̇алид̇аа саж̇од̇ибхууд̇аа зва хонд̇ийд̇и ааха ‘‘сад̣̇д̇хим̣…бз… рат̇з яож̇зд̇ваа’’д̇и. махаагуудааг̇аараббамаан̣анд̇и сад̇д̇абхуумагамахаагуудааг̇аараббамаан̣ам̣.
Ekapakkhacchadanamattāhīti majjhimappamāṇassa gehassa ekacchadanappamāṇehi. Suttāhataṃ karitvāti kāḷasuttaṃ pātetvā. Yathā ratho sabbaso pajjalito hoti ayomayo, evaṃ yugādayopissa pajjalitā sajotibhūtā eva hontīti āha ‘‘saddhiṃ…pe… rathe yojetvā’’ti. Mahākūṭāgārappamāṇanti sattabhūmakamahākūṭāgārappamāṇaṃ.
вибхад̇д̇од̇и сад̇д̇аанам̣ саад̇хааран̣зна баабагаммунаа вибхад̇д̇о. хийнам̣ гааяанд̇и хийнам̣ сад̇д̇анигааяам̣, хийнам̣ ваа ад̇д̇абхаавам̣. убаад̣̇аанзд̇и жад̇уб̣б̣ид̇хз убаад̣̇аанз. ад̇т̇ад̇о бана д̇ан̣хаад̣̇идтиг̇г̇ааход̇и ааха ‘‘д̇ан̣хаад̣̇идтиг̇г̇ахан̣з’’д̇и . самбхавад̇и ж̇араамаран̣ам̣ зд̇знаад̇и самбхаво, убаад̣̇аананд̇и ааха ‘‘ж̇аад̇ияаа жа маран̣асса ча гааран̣абхууд̇з’’д̇и. анубаад̣̇аад̇и анубаад̣̇ааяа. д̇знааха ‘‘анубаад̣̇ияид̇ваа’’д̇и. сагалаваддад̣̇угкам̣ ад̇игганд̇аад̇и жаримажид̇д̇анирод̇хзна ваддад̣̇угкасса гилзсаанамби асамбхавад̇о саб̣б̣ам̣ ваддад̣̇угкам̣ ад̇игганд̇аа.
Vibhattoti sattānaṃ sādhāraṇena pāpakammunā vibhatto. Hīnaṃ kāyanti hīnaṃ sattanikāyaṃ, hīnaṃ vā attabhāvaṃ. Upādāneti catubbidhe upādāne. Atthato pana taṇhādiṭṭhiggāhoti āha ‘‘taṇhādiṭṭhiggahaṇe’’ti . Sambhavati jarāmaraṇaṃ etenāti sambhavo, upādānanti āha ‘‘jātiyā ca maraṇassa cha kāraṇabhūte’’ti. Anupādāti anupādāya. Tenāha ‘‘anupādiyitvā’’ti. Sakalavaṭṭadukkhaṃ atikkantāti carimacittanirodhena vaṭṭadukkhassa kilesānampi asambhavato sabbaṃ vaṭṭadukkhaṃ atikkantā.
д̣̇звад̣̇ууд̇асуд̇д̇аван̣н̣анаа нидтид̇аа.
Devadūtasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. д̣̇звад̣̇ууд̇асуд̇д̇ам̣ • 6. Devadūtasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. д̣̇звад̣̇ууд̇асуд̇д̇аван̣н̣анаа • 6. Devadūtasuttavaṇṇanā
