| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. д̣̇звахид̇асуд̇д̇аван̣н̣анаа
3. Devahitasuttavaṇṇanā
199. уд̣̇араваад̇зхийд̇и ваад̇агад̇авиж̇жханад̇од̣̇анаад̣̇ивасзна абараабарам̣ вад̇д̇амаанзхи уд̣̇араваад̇зхи, д̇асса ваа вигаарзхи. ниб̣ад̣̇д̇хубадтаагагаалз бана д̇хаммабхан̣д̣ааг̇ааригова. аран̃н̃анд̇и бхаг̇авад̇о бхигкуунан̃жа васанадтаанабхууд̇ам̣ д̇абованам̣. д̇ам̣ нид̣̇д̇хуумам̣ ход̇и уд̣̇агад̇аабанассаби агаран̣ад̇о. д̇асмаад̇и яасмаа д̇асса ун̣ход̣̇агавиггин̣анажарияааяа ж̇ийвигаагаббанам̣ ход̇и, д̇асмаа.
199.Udaravātehīti vātakatavijjhanatodanādivasena aparāparaṃ vattamānehi udaravātehi, tassa vā vikārehi. Nibaddhupaṭṭhākakāle pana dhammabhaṇḍāgārikova. Araññanti bhagavato bhikkhūnañca vasanaṭṭhānabhūtaṃ tapovanaṃ. Taṃ niddhūmaṃ hoti udakatāpanassapi akaraṇato. Tasmāti yasmā tassa uṇhodakavikkiṇanacariyāya jīvikākappanaṃ hoti, tasmā.
вад̇д̇амзд̇ам̣ д̇асса бад̇игаарад̇т̇ам̣ баригат̇аад̣̇ийнамби гаад̇ум̣ лаб̣бханад̇о. ид̣̇аани д̇ад̇т̇а гааран̣амби сависаяам̣ д̣̇ассзд̇ум̣ ‘‘ван̣н̣ам̣ хий’’д̇иаад̣̇и вуд̇д̇ам̣. бхаг̇аваа хи ааяасмад̇о убаваан̣асса д̣̇звахид̇аб̣раахман̣асса д̇ам̣ самбхаавид̇ам̣ бхависсад̇и д̇игижчаабадияад̇д̇ам̣, д̇ааяа жа ад̇д̇ано рог̇асса вуубасаманам̣, д̇аббасан̇г̇зна жа д̣̇звахид̇аб̣раахман̣о мама санд̇игам̣ ааг̇анд̇ваа д̇хаммассаванзна саран̣зсу сийлзсу жа бад̇идтахиссад̇ийд̇и саб̣б̣амид̣̇ам̣ н̃ад̇ваа звам̣ ‘‘ин̇гха мз д̇вам̣, убаваан̣а, ун̣ход̣̇агам̣ ж̇аанаахий’’д̇и авожа. ааг̇аманийяаббадибад̣̇ам̣ буб̣б̣абхааг̇аббадибад̣̇ам̣ буб̣б̣абхааг̇аббадибад̇д̇им̣ гат̇зд̇ум̣ ваддад̇и ануд̇д̇аримануссад̇хаммад̇д̇аа. сад̣̇звагзна логзнаад̇и анавасзсад̇о логасса г̇ахан̣ам̣. палависзсааган̇кааяа бууж̇зд̇аб̣б̣аад̇и бууж̇анийяаа, д̇з зва ид̇ха ‘‘бууж̇анзяяаа’’д̇и вуд̇д̇аа. д̇ат̇аа аад̣̇арзна бууж̇зд̇аб̣б̣ад̇ааяа саггаарияаа, аа-гаарасса рассад̇д̇ам̣, ри-сад̣̇д̣̇асса жа рз-аад̣̇зсам̣ гад̇ваа ‘‘саггарзяяаа’’д̇и вуд̇д̇ам̣. ‘‘абажаязяяаа’’д̇и вад̇д̇аб̣б̣з яа-гааралобам̣ гад̇ваа ‘‘абажзяяаа’’д̇и вуд̇д̇ам̣. д̇зсанд̇и сад̣̇звагзна бууж̇анзяяаад̣̇ийнам̣. харид̇унд̇и нзд̇ум̣.
Vattametaṃ tassa patikāratthaṃ parikathādīnampi kātuṃ labbhanato. Idāni tattha kāraṇampi savisayaṃ dassetuṃ ‘‘vaṇṇaṃ hī’’tiādi vuttaṃ. Bhagavā hi āyasmato upavāṇassa devahitabrāhmaṇassa taṃ sambhāvitaṃ bhavissati tikicchāpaṭiyattaṃ, tāya ca attano rogassa vūpasamanaṃ, tappasaṅgena ca devahitabrāhmaṇo mama santikaṃ āgantvā dhammassavanena saraṇesu sīlesu ca patiṭṭhahissatīti sabbamidaṃ ñatvā evaṃ ‘‘iṅgha me tvaṃ, upavāṇa, uṇhodakaṃ jānāhī’’ti avoca. Āgamanīyappaṭipadaṃ pubbabhāgappaṭipadaṃ pubbabhāgappaṭipattiṃ kathetuṃ vaṭṭati anuttarimanussadhammattā. Sadevakena lokenāti anavasesato lokassa gahaṇaṃ. Phalavisesākaṅkhāya pūjetabbāti pūjanīyā, te eva idha ‘‘pūjaneyyā’’ti vuttā. Tathā ādarena pūjetabbatāya sakkāriyā, ā-kārassa rassattaṃ, ri-saddassa ca re-ādesaṃ katvā ‘‘sakkareyyā’’ti vuttaṃ. ‘‘Apacayeyyā’’ti vattabbe ya-kāralopaṃ katvā ‘‘apaceyyā’’ti vuttaṃ. Tesanti sadevakena pūjaneyyādīnaṃ. Haritunti netuṃ.
зд̇д̇агзнабийд̇и убасан̇гаманаад̣̇инаа зд̇д̇агзна аббамад̇д̇агзнаби гад̇авад̇д̇зна аяам̣ гид̇д̇и…бз… соманассаж̇аад̇о.
Ettakenapīti upasaṅkamanādinā ettakena appamattakenapi katavattena ayaṃ kitti…pe… somanassajāto.
яаж̇амаанассаад̇и д̣̇зяяад̇хаммам̣ д̣̇знд̇асса. д̣̇агкин̣ааяа иж̇жханам̣ наама вибулапалабхаавод̇и ааха ‘‘махабпало ход̇ий’’д̇и. вид̣̇ид̇анд̇и бадивид̣̇д̇хабажжагкагад̇ам̣. ааж̇аанаад̇ийд̇и вуд̇т̇абхаваад̣̇им̣ барияаад̣̇ааяа ж̇аанаад̇и бадивиж̇жхад̇и. ж̇аанид̇ваад̇и жад̇д̇аари сажжаани маг̇г̇абадибаадияаа бадивиж̇жхид̇ваа. аг̇г̇аббад̇д̇ад̇ааяа гад̇агижжад̇ам̣ бад̇д̇о. б̣раахман̣зна ад̇д̇анаа гад̇о гааро жа бхаг̇авад̇о зва бажжубадтаад̇ийд̇и д̇ам̣ д̣̇ассзнд̇о ‘‘иминаа кийн̣аасавз яаж̇анаагаарзна яаж̇анд̇ассаа’’д̇и вуд̇д̇ам̣.
Yajamānassāti deyyadhammaṃ dentassa. Dakkhiṇāya ijjhanaṃ nāma vipulaphalabhāvoti āha ‘‘mahapphalo hotī’’ti. Viditanti paṭividdhapaccakkhakataṃ. Ājānātīti vutthabhavādiṃ pariyādāya jānāti paṭivijjhati. Jānitvāti cattāri saccāni maggapaṭipāṭiyā paṭivijjhitvā. Aggappattatāya katakiccataṃ patto. Brāhmaṇena attanā kato kāro ca bhagavato eva paccupaṭṭhātīti taṃ dassento ‘‘iminā khīṇāsave yajanākārena yajantassā’’ti vuttaṃ.
д̣̇звахид̇асуд̇д̇аван̣н̣анаа нидтид̇аа.
Devahitasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. д̣̇звахид̇асуд̇д̇ам̣ • 3. Devahitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̣̇звахид̇асуд̇д̇аван̣н̣анаа • 3. Devahitasuttavaṇṇanā
