| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਦੇવਹਿਤਸੁਤ੍ਤવਣ੍ਣਨਾ
3. Devahitasuttavaṇṇanā
੧੯੯. ਉਦਰવਾਤੇਹੀਤਿ વਾਤਕਤવਿਜ੍ਝਨਤੋਦਨਾਦਿવਸੇਨ ਅਪਰਾਪਰਂ વਤ੍ਤਮਾਨੇਹਿ ਉਦਰવਾਤੇਹਿ, ਤਸ੍ਸ વਾ વਿਕਾਰੇਹਿ। ਨਿਬਦ੍ਧੁਪਟ੍ਠਾਕਕਾਲੇ ਪਨ ਧਮ੍ਮਭਣ੍ਡਾਗਾਰਿਕੋવ। ਅਰਞ੍ਞਨ੍ਤਿ ਭਗવਤੋ ਭਿਕ੍ਖੂਨਞ੍ਚ વਸਨਟ੍ਠਾਨਭੂਤਂ ਤਪੋવਨਂ। ਤਂ ਨਿਦ੍ਧੂਮਂ ਹੋਤਿ ਉਦਕਤਾਪਨਸ੍ਸਪਿ ਅਕਰਣਤੋ। ਤਸ੍ਮਾਤਿ ਯਸ੍ਮਾ ਤਸ੍ਸ ਉਣ੍ਹੋਦਕવਿਕ੍ਕਿਣਨਚਰਿਯਾਯ ਜੀવਿਕਾਕਪ੍ਪਨਂ ਹੋਤਿ, ਤਸ੍ਮਾ।
199.Udaravātehīti vātakatavijjhanatodanādivasena aparāparaṃ vattamānehi udaravātehi, tassa vā vikārehi. Nibaddhupaṭṭhākakāle pana dhammabhaṇḍāgārikova. Araññanti bhagavato bhikkhūnañca vasanaṭṭhānabhūtaṃ tapovanaṃ. Taṃ niddhūmaṃ hoti udakatāpanassapi akaraṇato. Tasmāti yasmā tassa uṇhodakavikkiṇanacariyāya jīvikākappanaṃ hoti, tasmā.
વਤ੍ਤਮੇਤਂ ਤਸ੍ਸ ਪਤਿਕਾਰਤ੍ਥਂ ਪਰਿਕਥਾਦੀਨਮ੍ਪਿ ਕਾਤੁਂ ਲਬ੍ਭਨਤੋ। ਇਦਾਨਿ ਤਤ੍ਥ ਕਾਰਣਮ੍ਪਿ ਸવਿਸਯਂ ਦਸ੍ਸੇਤੁਂ ‘‘વਣ੍ਣਂ ਹੀ’’ਤਿਆਦਿ વੁਤ੍ਤਂ। ਭਗવਾ ਹਿ ਆਯਸ੍ਮਤੋ ਉਪવਾਣਸ੍ਸ ਦੇવਹਿਤਬ੍ਰਾਹ੍ਮਣਸ੍ਸ ਤਂ ਸਮ੍ਭਾવਿਤਂ ਭવਿਸ੍ਸਤਿ ਤਿਕਿਚ੍ਛਾਪਟਿਯਤ੍ਤਂ, ਤਾਯ ਚ ਅਤ੍ਤਨੋ ਰੋਗਸ੍ਸ વੂਪਸਮਨਂ, ਤਪ੍ਪਸਙ੍ਗੇਨ ਚ ਦੇવਹਿਤਬ੍ਰਾਹ੍ਮਣੋ ਮਮ ਸਨ੍ਤਿਕਂ ਆਗਨ੍ਤ੍વਾ ਧਮ੍ਮਸ੍ਸવਨੇਨ ਸਰਣੇਸੁ ਸੀਲੇਸੁ ਚ ਪਤਿਟ੍ਠਹਿਸ੍ਸਤੀਤਿ ਸਬ੍ਬਮਿਦਂ ਞਤ੍વਾ ਏવਂ ‘‘ਇਙ੍ਘ ਮੇ ਤ੍વਂ, ਉਪવਾਣ, ਉਣ੍ਹੋਦਕਂ ਜਾਨਾਹੀ’’ਤਿ ਅવੋਚ। ਆਗਮਨੀਯਪ੍ਪਟਿਪਦਂ ਪੁਬ੍ਬਭਾਗਪ੍ਪਟਿਪਦਂ ਪੁਬ੍ਬਭਾਗਪ੍ਪਟਿਪਤ੍ਤਿਂ ਕਥੇਤੁਂ વਟ੍ਟਤਿ ਅਨੁਤ੍ਤਰਿਮਨੁਸ੍ਸਧਮ੍ਮਤ੍ਤਾ। ਸਦੇવਕੇਨ ਲੋਕੇਨਾਤਿ ਅਨવਸੇਸਤੋ ਲੋਕਸ੍ਸ ਗਹਣਂ। ਫਲવਿਸੇਸਾਕਙ੍ਖਾਯ ਪੂਜੇਤਬ੍ਬਾਤਿ ਪੂਜਨੀਯਾ, ਤੇ ਏવ ਇਧ ‘‘ਪੂਜਨੇਯ੍ਯਾ’’ਤਿ વੁਤ੍ਤਾ। ਤਥਾ ਆਦਰੇਨ ਪੂਜੇਤਬ੍ਬਤਾਯ ਸਕ੍ਕਾਰਿਯਾ, ਆ-ਕਾਰਸ੍ਸ ਰਸ੍ਸਤ੍ਤਂ, ਰਿ-ਸਦ੍ਦਸ੍ਸ ਚ ਰੇ-ਆਦੇਸਂ ਕਤ੍વਾ ‘‘ਸਕ੍ਕਰੇਯ੍ਯਾ’’ਤਿ વੁਤ੍ਤਂ। ‘‘ਅਪਚਯੇਯ੍ਯਾ’’ਤਿ વਤ੍ਤਬ੍ਬੇ ਯ-ਕਾਰਲੋਪਂ ਕਤ੍વਾ ‘‘ਅਪਚੇਯ੍ਯਾ’’ਤਿ વੁਤ੍ਤਂ। ਤੇਸਨ੍ਤਿ ਸਦੇવਕੇਨ ਪੂਜਨੇਯ੍ਯਾਦੀਨਂ। ਹਰਿਤੁਨ੍ਤਿ ਨੇਤੁਂ।
Vattametaṃ tassa patikāratthaṃ parikathādīnampi kātuṃ labbhanato. Idāni tattha kāraṇampi savisayaṃ dassetuṃ ‘‘vaṇṇaṃ hī’’tiādi vuttaṃ. Bhagavā hi āyasmato upavāṇassa devahitabrāhmaṇassa taṃ sambhāvitaṃ bhavissati tikicchāpaṭiyattaṃ, tāya ca attano rogassa vūpasamanaṃ, tappasaṅgena ca devahitabrāhmaṇo mama santikaṃ āgantvā dhammassavanena saraṇesu sīlesu ca patiṭṭhahissatīti sabbamidaṃ ñatvā evaṃ ‘‘iṅgha me tvaṃ, upavāṇa, uṇhodakaṃ jānāhī’’ti avoca. Āgamanīyappaṭipadaṃ pubbabhāgappaṭipadaṃ pubbabhāgappaṭipattiṃ kathetuṃ vaṭṭati anuttarimanussadhammattā. Sadevakena lokenāti anavasesato lokassa gahaṇaṃ. Phalavisesākaṅkhāya pūjetabbāti pūjanīyā, te eva idha ‘‘pūjaneyyā’’ti vuttā. Tathā ādarena pūjetabbatāya sakkāriyā, ā-kārassa rassattaṃ, ri-saddassa ca re-ādesaṃ katvā ‘‘sakkareyyā’’ti vuttaṃ. ‘‘Apacayeyyā’’ti vattabbe ya-kāralopaṃ katvā ‘‘apaceyyā’’ti vuttaṃ. Tesanti sadevakena pūjaneyyādīnaṃ. Haritunti netuṃ.
ਏਤ੍ਤਕੇਨਪੀਤਿ ਉਪਸਙ੍ਕਮਨਾਦਿਨਾ ਏਤ੍ਤਕੇਨ ਅਪ੍ਪਮਤ੍ਤਕੇਨਪਿ ਕਤવਤ੍ਤੇਨ ਅਯਂ ਕਿਤ੍ਤਿ…ਪੇ॰… ਸੋਮਨਸ੍ਸਜਾਤੋ।
Ettakenapīti upasaṅkamanādinā ettakena appamattakenapi katavattena ayaṃ kitti…pe… somanassajāto.
ਯਜਮਾਨਸ੍ਸਾਤਿ ਦੇਯ੍ਯਧਮ੍ਮਂ ਦੇਨ੍ਤਸ੍ਸ। ਦਕ੍ਖਿਣਾਯ ਇਜ੍ਝਨਂ ਨਾਮ વਿਪੁਲਫਲਭਾવੋਤਿ ਆਹ ‘‘ਮਹਪ੍ਫਲੋ ਹੋਤੀ’’ਤਿ। વਿਦਿਤਨ੍ਤਿ ਪਟਿવਿਦ੍ਧਪਚ੍ਚਕ੍ਖਕਤਂ। ਆਜਾਨਾਤੀਤਿ વੁਤ੍ਥਭવਾਦਿਂ ਪਰਿਯਾਦਾਯ ਜਾਨਾਤਿ ਪਟਿવਿਜ੍ਝਤਿ। ਜਾਨਿਤ੍વਾਤਿ ਚਤ੍ਤਾਰਿ ਸਚ੍ਚਾਨਿ ਮਗ੍ਗਪਟਿਪਾਟਿਯਾ ਪਟਿવਿਜ੍ਝਿਤ੍વਾ। ਅਗ੍ਗਪ੍ਪਤ੍ਤਤਾਯ ਕਤਕਿਚ੍ਚਤਂ ਪਤ੍ਤੋ। ਬ੍ਰਾਹ੍ਮਣੇਨ ਅਤ੍ਤਨਾ ਕਤੋ ਕਾਰੋ ਚ ਭਗવਤੋ ਏવ ਪਚ੍ਚੁਪਟ੍ਠਾਤੀਤਿ ਤਂ ਦਸ੍ਸੇਨ੍ਤੋ ‘‘ਇਮਿਨਾ ਖੀਣਾਸવੇ ਯਜਨਾਕਾਰੇਨ ਯਜਨ੍ਤਸ੍ਸਾ’’ਤਿ વੁਤ੍ਤਂ।
Yajamānassāti deyyadhammaṃ dentassa. Dakkhiṇāya ijjhanaṃ nāma vipulaphalabhāvoti āha ‘‘mahapphalo hotī’’ti. Viditanti paṭividdhapaccakkhakataṃ. Ājānātīti vutthabhavādiṃ pariyādāya jānāti paṭivijjhati. Jānitvāti cattāri saccāni maggapaṭipāṭiyā paṭivijjhitvā. Aggappattatāya katakiccataṃ patto. Brāhmaṇena attanā kato kāro ca bhagavato eva paccupaṭṭhātīti taṃ dassento ‘‘iminā khīṇāsave yajanākārena yajantassā’’ti vuttaṃ.
ਦੇવਹਿਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Devahitasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਦੇવਹਿਤਸੁਤ੍ਤਂ • 3. Devahitasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਦੇવਹਿਤਸੁਤ੍ਤવਣ੍ਣਨਾ • 3. Devahitasuttavaṇṇanā
