| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. д̣̇звалогасуд̇д̇ам̣
8. Devalokasuttaṃ
18. ‘‘сажз во, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘д̣̇звалогуубабад̇д̇ияаа, аавусо, саман̣з г̇од̇амз б̣рахмажарияам̣ вуссат̇аа’д̇и? нану д̇умхз, бхигкавз, звам̣ будтаа аддийязяяаат̇а харааязяяаат̇а ж̇иг̇ужчзяяаат̇аа’’д̇и? ‘‘звам̣, бханд̇з’’. ‘‘ид̇и гира д̇умхз, бхигкавз, д̣̇иб̣б̣зна ааяунаа аддийяат̇а харааяат̇а ж̇иг̇ужчат̇а, д̣̇иб̣б̣зна ван̣н̣зна д̣̇иб̣б̣зна сукзна д̣̇иб̣б̣зна яасзна д̣̇иб̣б̣знаад̇хибад̇зяязна аддийяат̇а харааяат̇а ж̇иг̇ужчат̇а; баг̇зва ко бана, бхигкавз, д̇умхзхи гааяад̣̇ужжарид̇зна аддийяид̇аб̣б̣ам̣ харааяид̇аб̣б̣ам̣ ж̇иг̇ужчид̇аб̣б̣ам̣, важийд̣̇ужжарид̇зна… манод̣̇ужжарид̇зна аддийяид̇аб̣б̣ам̣ харааяид̇аб̣б̣ам̣ ж̇иг̇ужчид̇аб̣б̣а’’нд̇и. адтамам̣.
18. ‘‘Sace vo, bhikkhave, aññatitthiyā paribbājakā evaṃ puccheyyuṃ – ‘devalokūpapattiyā, āvuso, samaṇe gotame brahmacariyaṃ vussathā’ti? Nanu tumhe, bhikkhave, evaṃ puṭṭhā aṭṭīyeyyātha harāyeyyātha jiguccheyyāthā’’ti? ‘‘Evaṃ, bhante’’. ‘‘Iti kira tumhe, bhikkhave, dibbena āyunā aṭṭīyatha harāyatha jigucchatha, dibbena vaṇṇena dibbena sukhena dibbena yasena dibbenādhipateyyena aṭṭīyatha harāyatha jigucchatha; pageva kho pana, bhikkhave, tumhehi kāyaduccaritena aṭṭīyitabbaṃ harāyitabbaṃ jigucchitabbaṃ, vacīduccaritena… manoduccaritena aṭṭīyitabbaṃ harāyitabbaṃ jigucchitabba’’nti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. д̣̇звалогасуд̇д̇аван̣н̣анаа • 8. Devalokasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. д̣̇звалогасуд̇д̇аван̣н̣анаа • 8. Devalokasuttavaṇṇanā
