| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
8. දෙවලොකසුත්‌තං
8. Devalokasuttaṃ
18. ‘‘සචෙ වො, භික්‌ඛවෙ, අඤ්‌ඤතිත්‌ථියා පරිබ්‌බාජකා එවං පුච්‌ඡෙය්‍යුං – ‘දෙවලොකූපපත්‌තියා, ආවුසො, සමණෙ ගොතමෙ බ්‍රහ්‌මචරියං වුස්‌සථා’ති? නනු තුම්‌හෙ, භික්‌ඛවෙ, එවං පුට්‌ඨා අට්‌ටීයෙය්‍යාථ හරායෙය්‍යාථ ජිගුච්‌ඡෙය්‍යාථා’’ති? ‘‘එවං, භන්‌තෙ’’. ‘‘ඉති කිර තුම්‌හෙ, භික්‌ඛවෙ, දිබ්‌බෙන ආයුනා අට්‌ටීයථ හරායථ ජිගුච්‌ඡථ, දිබ්‌බෙන වණ්‌ණෙන දිබ්‌බෙන සුඛෙන දිබ්‌බෙන යසෙන දිබ්‌බෙනාධිපතෙය්‍යෙන අට්‌ටීයථ හරායථ ජිගුච්‌ඡථ; පගෙව ඛො පන, භික්‌ඛවෙ, තුම්‌හෙහි කායදුච්‌චරිතෙන අට්‌ටීයිතබ්‌බං හරායිතබ්‌බං ජිගුච්‌ඡිතබ්‌බං, වචීදුච්‌චරිතෙන… මනොදුච්‌චරිතෙන අට්‌ටීයිතබ්‌බං හරායිතබ්‌බං ජිගුච්‌ඡිතබ්‌බ’’න්‌ති. අට්‌ඨමං.
18. ‘‘Sace vo, bhikkhave, aññatitthiyā paribbājakā evaṃ puccheyyuṃ – ‘devalokūpapattiyā, āvuso, samaṇe gotame brahmacariyaṃ vussathā’ti? Nanu tumhe, bhikkhave, evaṃ puṭṭhā aṭṭīyeyyātha harāyeyyātha jiguccheyyāthā’’ti? ‘‘Evaṃ, bhante’’. ‘‘Iti kira tumhe, bhikkhave, dibbena āyunā aṭṭīyatha harāyatha jigucchatha, dibbena vaṇṇena dibbena sukhena dibbena yasena dibbenādhipateyyena aṭṭīyatha harāyatha jigucchatha; pageva kho pana, bhikkhave, tumhehi kāyaduccaritena aṭṭīyitabbaṃ harāyitabbaṃ jigucchitabbaṃ, vacīduccaritena… manoduccaritena aṭṭīyitabbaṃ harāyitabbaṃ jigucchitabba’’nti. Aṭṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 8. දෙවලොකසුත්‌තවණ්‌ණනා • 8. Devalokasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 8. දෙවලොකසුත්‌තවණ්‌ණනා • 8. Devalokasuttavaṇṇanā
