| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̣̇звасабхааг̇асуд̇д̇ам̣
6. Devasabhāgasuttaṃ
1032. ‘‘жад̇уухи, бхигкавз, д̇хаммзхи саманнааг̇ад̇ам̣ ад̇д̇аманаа д̣̇зваа сабхааг̇ад̇ам̣ гат̇знд̇и. гад̇амзхи жад̇уухи? ид̇ха, бхигкавз, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. яаа д̇аа д̣̇звад̇аа б̣уд̣̇д̇хз авзжжаббасаад̣̇зна саманнааг̇ад̇аа ид̇о жуд̇аа д̇ад̇руубабаннаа д̇аасам̣ звам̣ ход̇и – ‘яат̇ааруубзна ко маяам̣ б̣уд̣̇д̇хз авзжжаббасаад̣̇зна саманнааг̇ад̇аа д̇ад̇о жуд̇аа ид̇хуубабаннаа, арияасаавагоби д̇ат̇ааруубзна б̣уд̣̇д̇хз авзжжаббасаад̣̇зна саманнааг̇ад̇о зхийд̇и д̣̇зваанам̣ санд̇игз’’’д̇и.
1032. ‘‘Catūhi, bhikkhave, dhammehi samannāgataṃ attamanā devā sabhāgataṃ kathenti. Katamehi catūhi? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Yā tā devatā buddhe aveccappasādena samannāgatā ito cutā tatrūpapannā tāsaṃ evaṃ hoti – ‘yathārūpena kho mayaṃ buddhe aveccappasādena samannāgatā tato cutā idhūpapannā, ariyasāvakopi tathārūpena buddhe aveccappasādena samannāgato ehīti devānaṃ santike’’’ti.
‘‘буна жабарам̣, бхигкавз, арияасааваго д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о ход̇и акан̣д̣зхи…бз… самаад̇хисам̣вад̇д̇анигзхи. яаа д̇аа д̣̇звад̇аа арияаганд̇зхи сийлзхи саманнааг̇ад̇аа ид̇о жуд̇аа д̇ад̇руубабаннаа д̇аасам̣ звам̣ ход̇и – ‘яат̇ааруубзхи ко маяам̣ арияаганд̇зхи сийлзхи саманнааг̇ад̇аа д̇ад̇о жуд̇аа ид̇хуубабаннаа, арияасаавагоби д̇ат̇ааруубзхи арияаганд̇зхи сийлзхи саманнааг̇ад̇о зхийд̇и д̣̇зваанам̣ санд̇игз’д̇и. имзхи ко, бхигкавз, жад̇уухи д̇хаммзхи саманнааг̇ад̇ам̣ ад̇д̇аманаа д̣̇зваа сабхааг̇ад̇ам̣ гат̇знд̇ий’’д̇и. чадтам̣.
‘‘Puna caparaṃ, bhikkhave, ariyasāvako dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Yā tā devatā ariyakantehi sīlehi samannāgatā ito cutā tatrūpapannā tāsaṃ evaṃ hoti – ‘yathārūpehi kho mayaṃ ariyakantehi sīlehi samannāgatā tato cutā idhūpapannā, ariyasāvakopi tathārūpehi ariyakantehi sīlehi samannāgato ehīti devānaṃ santike’ti. Imehi kho, bhikkhave, catūhi dhammehi samannāgataṃ attamanā devā sabhāgataṃ kathentī’’ti. Chaṭṭhaṃ.
