| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
3. д̣̇звасад̣̇д̣̇асуд̇д̇ам̣
3. Devasaddasuttaṃ
82. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
82. Vuttañhetaṃ bhagavatā, vuttamarahatāti me sutaṃ –
‘‘д̇аяомз, бхигкавз, д̣̇звзсу д̣̇звасад̣̇д̣̇аа нижчаранд̇и самаяаа самаяам̣ убаад̣̇ааяа. гад̇амз д̇аяо? яасмим̣, бхигкавз, самаяз арияасааваго гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ж̇ааяа жзд̇зд̇и, д̇асмим̣ самаяз 1 д̣̇звзсу д̣̇звасад̣̇д̣̇о нижчарад̇и – ‘зсо арияасааваго маарзна сад̣̇д̇хим̣ сан̇г̇аамааяа жзд̇зд̇ий’д̇и. аяам̣, бхигкавз, батамо д̣̇звзсу д̣̇звасад̣̇д̣̇о нижчарад̇и самаяаа самаяам̣ убаад̣̇ааяа.
‘‘Tayome, bhikkhave, devesu devasaddā niccharanti samayā samayaṃ upādāya. Katame tayo? Yasmiṃ, bhikkhave, samaye ariyasāvako kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajjāya ceteti, tasmiṃ samaye 2 devesu devasaddo niccharati – ‘eso ariyasāvako mārena saddhiṃ saṅgāmāya cetetī’ti. Ayaṃ, bhikkhave, paṭhamo devesu devasaddo niccharati samayā samayaṃ upādāya.
‘‘буна жабарам̣, бхигкавз, яасмим̣ самаяз арияасааваго сад̇д̇аннам̣ б̣од̇хибагкияаанам̣ д̇хаммаанам̣ бхааванаануяог̇амануяуд̇д̇о вихарад̇и, д̇асмим̣ самаяз д̣̇звзсу д̣̇звасад̣̇д̣̇о нижчарад̇и – ‘зсо арияасааваго маарзна сад̣̇д̇хим̣ сан̇г̇аамзд̇ий’д̇и. аяам̣, бхигкавз, д̣̇уд̇ияо д̣̇звзсу д̣̇звасад̣̇д̣̇о нижчарад̇и самаяаа самаяам̣ убаад̣̇ааяа.
‘‘Puna caparaṃ, bhikkhave, yasmiṃ samaye ariyasāvako sattannaṃ bodhipakkhiyānaṃ dhammānaṃ bhāvanānuyogamanuyutto viharati, tasmiṃ samaye devesu devasaddo niccharati – ‘eso ariyasāvako mārena saddhiṃ saṅgāmetī’ti. Ayaṃ, bhikkhave, dutiyo devesu devasaddo niccharati samayā samayaṃ upādāya.
‘‘буна жабарам̣, бхигкавз, яасмим̣ самаяз арияасааваго аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и, д̇асмим̣ самаяз д̣̇звзсу д̣̇звасад̣̇д̣̇о нижчарад̇и – ‘зсо арияасааваго виж̇ид̇асан̇г̇аамо д̇амзва сан̇г̇аамасийсам̣ абхивиж̇ияа аж̇жхаавасад̇ий’д̇и. аяам̣, бхигкавз, д̇ад̇ияо д̣̇звзсу д̣̇звасад̣̇д̣̇о нижчарад̇и самаяаа самаяам̣ убаад̣̇ааяа. имз ко, бхигкавз, д̇аяо д̣̇звзсу д̣̇звасад̣̇д̣̇аа нижчаранд̇и самаяаа самаяам̣ убаад̣̇ааяаа’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Puna caparaṃ, bhikkhave, yasmiṃ samaye ariyasāvako āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati, tasmiṃ samaye devesu devasaddo niccharati – ‘eso ariyasāvako vijitasaṅgāmo tameva saṅgāmasīsaṃ abhivijiya ajjhāvasatī’ti. Ayaṃ, bhikkhave, tatiyo devesu devasaddo niccharati samayā samayaṃ upādāya. Ime kho, bhikkhave, tayo devesu devasaddā niccharanti samayā samayaṃ upādāyā’’ti. Etamatthaṃ bhagavā avoca. Tatthetaṃ iti vuccati –
‘‘д̣̇исваа виж̇ид̇асан̇г̇аамам̣, саммаасамб̣уд̣̇д̇хасаавагам̣;
‘‘Disvā vijitasaṅgāmaṃ, sammāsambuddhasāvakaṃ;
д̣̇звад̇ааби намассанд̇и, маханд̇ам̣ вийд̇асаарад̣̇ам̣.
Devatāpi namassanti, mahantaṃ vītasāradaṃ.
‘‘намо д̇з бурисааж̇ан̃н̃а, яо д̇вам̣ д̣̇уж̇ж̇аяамаж̇жхабхуу;
‘‘Namo te purisājañña, yo tvaṃ dujjayamajjhabhū;
ж̇зд̇ваана мажжуно сзнам̣, вимогкзна анааварам̣.
Jetvāna maccuno senaṃ, vimokkhena anāvaraṃ.
‘‘ид̇и хзд̇ам̣ намассанд̇и, д̣̇звад̇аа бад̇д̇амаанасам̣;
‘‘Iti hetaṃ namassanti, devatā pattamānasaṃ;
д̇ан̃хи д̇асса на бассанд̇и, язна мажжувасам̣ важ̇з’’д̇и.
Tañhi tassa na passanti, yena maccuvasaṃ vaje’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̇ад̇ияам̣.
Ayampi attho vutto bhagavatā, iti me sutanti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 3. д̣̇звасад̣̇д̣̇асуд̇д̇аван̣н̣анаа • 3. Devasaddasuttavaṇṇanā
