| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. д̣̇звасад̣̇д̣̇асуд̇д̇аван̣н̣анаа
3. Devasaddasuttavaṇṇanā
82. д̇ад̇ияз д̣̇звзсууд̇и табзд̇ваа аруубааважарад̣̇звз жзва асан̃н̃ад̣̇звз жа д̇ад̣̇ан̃н̃зсу убабад̇д̇ид̣̇звзсу. д̣̇звасад̣̇д̣̇аад̇и д̣̇зваанам̣ бийд̇исамуд̣̇аахаарасад̣̇д̣̇аа. нижчаранд̇ийд̇и ан̃н̃аман̃н̃ам̣ аалаабасаллаабавасзна бавад̇д̇анд̇и. самаяаа самаяам̣ убаад̣̇ааяаад̇и самаяад̇о самаяам̣ бадижжа. ид̣̇ам̣ вуд̇д̇ам̣ ход̇и – яасмим̣ гаалз тид̇аа д̇з д̣̇зваа д̇ам̣ гаалам̣ ааг̇амма нам̣ бассиссанд̇и, д̇ад̇о д̇ам̣ самаяам̣ самбад̇д̇ам̣ ааг̇аммаад̇и. ‘‘самаяам̣ самаяам̣ убаад̣̇ааяаа’’д̇и жа гзжи батанд̇и, д̇зсам̣ д̇ам̣ д̇ам̣ самаяам̣ бадижжаад̇и ад̇т̇о. яасмим̣ самаязд̇и яад̣̇аа ‘‘адтиган̇галуубамаа гаамаа’’д̇иаад̣̇инаа (ма. ни. 1.234; баажи. 417), ‘‘самб̣аад̇хо гхарааваасо’’д̇иаад̣̇инаа (д̣̇ий. ни. 1.191; сам̣. ни. 2.154) жа гаамзсу гхарааваасз жа аад̣̇ийнаваа, д̇аббадибагкад̇о нзгкаммз аанисам̣саа жа суд̣̇идтаа хонд̇и, д̇асмим̣ самаяз. д̇ад̣̇аа хисса зганд̇зна баб̣б̣аж̇ж̇ааяа жид̇д̇ам̣ намад̇и. арияасаавагод̇и арияасса б̣уд̣̇д̇хасса бхаг̇авад̇о сааваго, саавагабхаавам̣ убаг̇анд̇угаамо, арияасааваго ваа авассам̣бхаавий . анд̇имабхавигам̣ саавагаб̣од̇хисад̇д̇ам̣ санд̇хааяа аяамаарамбхо. гзсамассум̣ охаарзд̇ваад̇и гзсз жа массун̃жа охаарзд̇ваа абанзд̇ваа. гаасааяаани вад̇т̇аани ажчаад̣̇зд̇ваад̇и гасааязна рад̇д̇ад̇ааяа гаасааяаани б̣рахмажарияам̣ жаранд̇аанам̣ анужчавигаани вад̇т̇аани ниваасзд̇ваа жзва баарубид̇ваа жа. аг̇аарасмаа анаг̇аарияам̣ баб̣б̣аж̇ж̇ааяа жзд̇зд̇ийд̇и аг̇аарасмаа гхараа нигкамид̇ваа анаг̇аарияам̣ баб̣б̣аж̇ж̇ам̣ баб̣б̣аж̇зяяанд̇и баб̣б̣аж̇ж̇ааяа жзд̇зд̇и багаббзд̇и, баб̣б̣аж̇ад̇ийд̇и ад̇т̇о. зд̇т̇а жа яасмаа аг̇аарасса хид̇ам̣ гасиван̣иж̇ж̇аад̣̇игаммам̣ аг̇аарияанд̇и вужжад̇и, д̇ан̃жа баб̣б̣аж̇ж̇ааяа над̇т̇и, д̇асмаа баб̣б̣аж̇ж̇аа анаг̇аарияанд̇и н̃аад̇аб̣б̣аа.
82. Tatiye devesūti ṭhapetvā arūpāvacaradeve ceva asaññadeve ca tadaññesu upapattidevesu. Devasaddāti devānaṃ pītisamudāhārasaddā. Niccharantīti aññamaññaṃ ālāpasallāpavasena pavattanti. Samayā samayaṃ upādāyāti samayato samayaṃ paṭicca. Idaṃ vuttaṃ hoti – yasmiṃ kāle ṭhitā te devā taṃ kālaṃ āgamma naṃ passissanti, tato taṃ samayaṃ sampattaṃ āgammāti. ‘‘Samayaṃ samayaṃ upādāyā’’ti ca keci paṭhanti, tesaṃ taṃ taṃ samayaṃ paṭiccāti attho. Yasmiṃ samayeti yadā ‘‘aṭṭhikaṅkalūpamā kāmā’’tiādinā (ma. ni. 1.234; pāci. 417), ‘‘sambādho gharāvāso’’tiādinā (dī. ni. 1.191; saṃ. ni. 2.154) ca kāmesu gharāvāse ca ādīnavā, tappaṭipakkhato nekkhamme ānisaṃsā ca sudiṭṭhā honti, tasmiṃ samaye. Tadā hissa ekantena pabbajjāya cittaṃ namati. Ariyasāvakoti ariyassa buddhassa bhagavato sāvako, sāvakabhāvaṃ upagantukāmo, ariyasāvako vā avassaṃbhāvī . Antimabhavikaṃ sāvakabodhisattaṃ sandhāya ayamārambho. Kesamassuṃ ohāretvāti kese ca massuñca ohāretvā apanetvā. Kāsāyāni vatthāni acchādetvāti kasāyena rattatāya kāsāyāni brahmacariyaṃ carantānaṃ anucchavikāni vatthāni nivāsetvā ceva pārupitvā ca. Agārasmā anagāriyaṃ pabbajjāya cetetīti agārasmā gharā nikkhamitvā anagāriyaṃ pabbajjaṃ pabbajeyyanti pabbajjāya ceteti pakappeti, pabbajatīti attho. Ettha ca yasmā agārassa hitaṃ kasivaṇijjādikammaṃ agāriyanti vuccati, tañca pabbajjāya natthi, tasmā pabbajjā anagāriyanti ñātabbā.
маарзнаад̇и гилзсамаарзна. сан̇г̇аамааяа жзд̇зд̇ийд̇и яуж̇жханад̇т̇ааяа жид̇д̇ам̣ уббаад̣̇зд̇и, маарам̣ абхивиж̇зд̇ум̣ саннаяхад̇и. яасмаа бана зваруубасса бадибаж̇ж̇анагабуг̇г̇аласса д̣̇звабуд̇д̇амаароби анд̇арааяааяа убаггамад̇и, д̇асмаа д̇ассаби васзна маарзнаад̇и зд̇т̇а д̣̇звабуд̇д̇амаарзнаад̇иби ад̇т̇о взд̣̇ид̇аб̣б̣о. д̇ассааби аяам̣ ижчаавигхаад̇ам̣ гариссад̇зваад̇и. яасмаа бана баб̣б̣аж̇ид̇ад̣̇ивасад̇о бадтааяа кураг̇г̇ад̇о ваа бадтааяа сийлаани самаад̣̇ияанд̇о барисод̇хзнд̇о самат̇авибассанаасу гаммам̣ гаронд̇о яат̇аарахам̣ д̇ад̣̇ан̇г̇аббахаанавигкамбханаббахаанаанам̣ васзна гилзсамаарам̣ барибаад̇зд̇и наама, на яуж̇жхад̇и наама самбахаарасса абхаавад̇о, д̇асмаа вуд̇д̇ам̣ ‘‘маарзна сад̣̇д̇хим̣ сан̇г̇аамааяа жзд̇зд̇ий’’д̇и.
Mārenāti kilesamārena. Saṅgāmāya cetetīti yujjhanatthāya cittaṃ uppādeti, māraṃ abhivijetuṃ sannayhati. Yasmā pana evarūpassa paṭipajjanakapuggalassa devaputtamāropi antarāyāya upakkamati, tasmā tassapi vasena mārenāti ettha devaputtamārenātipi attho veditabbo. Tassāpi ayaṃ icchāvighātaṃ karissatevāti. Yasmā pana pabbajitadivasato paṭṭhāya khuraggato vā paṭṭhāya sīlāni samādiyanto parisodhento samathavipassanāsu kammaṃ karonto yathārahaṃ tadaṅgappahānavikkhambhanappahānānaṃ vasena kilesamāraṃ paripāteti nāma, na yujjhati nāma sampahārassa abhāvato, tasmā vuttaṃ ‘‘mārena saddhiṃ saṅgāmāya cetetī’’ti.
сад̇д̇аннанд̇и годтаасад̇о сад̇д̇аннам̣, бабхзд̣̇ад̇о бана д̇з сад̇д̇ад̇им̣са хонд̇и. гат̇ам̣? жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇аа , арияо адтан̇г̇иго маг̇г̇од̇и. звам̣ бабхзд̣̇ад̇о сад̇д̇ад̇им̣савид̇хааби сад̇ибадтаанаад̣̇игодтаасад̇о сад̇д̇зва хонд̇ийд̇и вуд̇д̇ам̣ ‘‘сад̇д̇анна’’нд̇и. б̣од̇хибагкияаананд̇и б̣уж̇жханадтзна б̣од̇хийд̇и лад̣̇д̇ханаамасса арияабуг̇г̇аласса маг̇г̇ан̃аан̣ассзва ваа багкз бхаваанам̣ б̣од̇хибагкияаанам̣ , б̣од̇хигодтаасияаананд̇и ад̇т̇о. ‘‘б̣од̇хибагкигаана’’нд̇иби баато, б̣од̇хибагкаванд̇аанам̣, б̣од̇хибагкз ваа нияуд̇д̇аананд̇и ад̇т̇о. бхааванаануяог̇амануяуд̇д̇од̇и вибассанам̣ уссуггаабзд̇ваа арияамаг̇г̇абхааванаануяог̇амануяуд̇д̇о. вибассанаагкан̣з хи сад̇ибадтаанаад̣̇аяо барияааязна б̣од̇хибагкияаа наама, маг̇г̇агкан̣зязва бана д̇з ниббарияааязна б̣од̇хибагкияаа наама хонд̇и.
Sattannanti koṭṭhāsato sattannaṃ, pabhedato pana te sattatiṃsa honti. Kathaṃ? Cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā , ariyo aṭṭhaṅgiko maggoti. Evaṃ pabhedato sattatiṃsavidhāpi satipaṭṭhānādikoṭṭhāsato satteva hontīti vuttaṃ ‘‘sattanna’’nti. Bodhipakkhiyānanti bujjhanaṭṭhena bodhīti laddhanāmassa ariyapuggalassa maggañāṇasseva vā pakkhe bhavānaṃ bodhipakkhiyānaṃ , bodhikoṭṭhāsiyānanti attho. ‘‘Bodhipakkhikāna’’ntipi pāṭho, bodhipakkhavantānaṃ, bodhipakkhe vā niyuttānanti attho. Bhāvanānuyogamanuyuttoti vipassanaṃ ussukkāpetvā ariyamaggabhāvanānuyogamanuyutto. Vipassanākkhaṇe hi satipaṭṭhānādayo pariyāyena bodhipakkhiyā nāma, maggakkhaṇeyeva pana te nippariyāyena bodhipakkhiyā nāma honti.
аасаваанам̣ каяаад̇и гаамаасаваад̣̇ийнам̣ саб̣б̣зсам̣ аасаваанам̣ каяаа. аасавзсу хи кийн̣зсу саб̣б̣з гилзсаа кийн̣ааязва хонд̇и. д̇зна арахад̇д̇амаг̇г̇о вуд̇д̇о ход̇и. анаасаванд̇и аасававирахид̇ам̣. жзд̇овимуд̇д̇им̣ бан̃н̃аавимуд̇д̇инд̇и зд̇т̇а жзд̇оважанзна арахад̇д̇апаласамаад̇хи, бан̃н̃ааважанзна д̇ам̣самбаяуд̇д̇аа жа бан̃н̃аа вуд̇д̇аа. д̇ад̇т̇а самаад̇хи рааг̇ад̇о вимуд̇д̇ад̇д̇аа жзд̇овимуд̇д̇и, бан̃н̃аа авиж̇ж̇ааяа вимуд̇д̇ад̇д̇аа бан̃н̃аавимуд̇д̇ийд̇и взд̣̇ид̇аб̣б̣аа. вуд̇д̇ан̃хзд̇ам̣ бхаг̇авад̇аа –
Āsavānaṃ khayāti kāmāsavādīnaṃ sabbesaṃ āsavānaṃ khayā. Āsavesu hi khīṇesu sabbe kilesā khīṇāyeva honti. Tena arahattamaggo vutto hoti. Anāsavanti āsavavirahitaṃ. Cetovimuttiṃ paññāvimuttinti ettha cetovacanena arahattaphalasamādhi, paññāvacanena taṃsampayuttā ca paññā vuttā. Tattha samādhi rāgato vimuttattā cetovimutti, paññā avijjāya vimuttattā paññāvimuttīti veditabbā. Vuttañhetaṃ bhagavatā –
‘‘яо хисса, бхигкавз, самаад̇хи, д̇ад̣̇асса самаад̇хинд̣̇рияам̣. яаа хисса, бхигкавз, бан̃н̃аа, д̇ад̣̇асса бан̃н̃инд̣̇рияам̣. ид̇и ко, бхигкавз, рааг̇авирааг̇аа жзд̇овимуд̇д̇и, авиж̇ж̇аавирааг̇аа бан̃н̃аавимуд̇д̇ий’’д̇и (сам̣. ни. 5.516).
‘‘Yo hissa, bhikkhave, samādhi, tadassa samādhindriyaṃ. Yā hissa, bhikkhave, paññā, tadassa paññindriyaṃ. Iti kho, bhikkhave, rāgavirāgā cetovimutti, avijjāvirāgā paññāvimuttī’’ti (saṃ. ni. 5.516).
абижзд̇т̇а самат̇апалам̣ жзд̇овимуд̇д̇и, вибассанаапалам̣ бан̃н̃аавимуд̇д̇ийд̇и взд̣̇ид̇аб̣б̣аа. д̣̇идтзва д̇хаммзд̇и имасмим̣язва ад̇д̇абхаавз. саяам̣ абхин̃н̃аа сажчигад̇ваад̇и ад̇д̇анааязва абхивисидтааяа бан̃н̃ааяа бажжагкам̣ гад̇ваа абараббажжаязна н̃ад̇ваа. убасамбаж̇ж̇а вихарад̇ийд̇и баабун̣ид̇ваа самбаад̣̇зд̇ваа вихарад̇и. д̇амзва сан̇г̇аамасийсам̣ абхивиж̇ияа аж̇жхаавасад̇ийд̇и маарам̣ абхивиж̇инид̇ваа виж̇ид̇авиж̇аяад̇д̇аа д̇зна гад̇асан̇г̇аамасан̇каад̇асса арияамаг̇г̇асса сийсабхууд̇ам̣ арахад̇д̇апаласамаабад̇д̇ииссарияадтаанам̣, абхибхаванд̇о аавасад̇и, самаабаж̇ж̇ад̇и ижжзва ад̇т̇о. имз жа д̣̇звасад̣̇д̣̇аа д̣̇идтасажжзсу д̣̇звзсу бавад̇д̇анд̇и, висзсад̇о суд̣̇д̇хааваасад̣̇звзсууд̇и взд̣̇ид̇аб̣б̣ам̣.
Apicettha samathaphalaṃ cetovimutti, vipassanāphalaṃ paññāvimuttīti veditabbā. Diṭṭheva dhammeti imasmiṃyeva attabhāve. Sayaṃ abhiññā sacchikatvāti attanāyeva abhivisiṭṭhāya paññāya paccakkhaṃ katvā aparappaccayena ñatvā. Upasampajja viharatīti pāpuṇitvā sampādetvā viharati. Tameva saṅgāmasīsaṃ abhivijiya ajjhāvasatīti māraṃ abhivijinitvā vijitavijayattā tena katasaṅgāmasaṅkhātassa ariyamaggassa sīsabhūtaṃ arahattaphalasamāpattiissariyaṭṭhānaṃ, abhibhavanto āvasati, samāpajjati icceva attho. Ime ca devasaddā diṭṭhasaccesu devesu pavattanti, visesato suddhāvāsadevesūti veditabbaṃ.
г̇аат̇аасу маханд̇анд̇и сийлаад̣̇иг̇ун̣амахад̇д̇зна маханд̇ам̣. вийд̇асаарад̣̇анд̇и саараж̇ж̇агараанам̣ гилзсаанам̣ абхаавзна виг̇ад̇асаараж̇ж̇ам̣ абаг̇ад̇аман̇губхаавам̣. бурисааж̇ан̃н̃аад̇и ассаад̣̇ийсу ассааж̇аанийяаад̣̇аяо вияа бурисзсу ааж̇аанийяабхууд̇аа уд̇д̇амабурисаа. д̣̇уж̇ж̇аяамаж̇жхабхууд̇и бажураж̇анзхи ж̇зд̇ум̣ асаггун̣зяяам̣ гилзсаваахиним̣ абхибхави аж̇жход̇т̇ари. ‘‘аж̇ж̇аяий’’д̇иби батанд̇и, аж̇инийд̇и ад̇т̇о. ж̇зд̇ваана мажжуно сзнам̣, вимогкзна анааваранд̇и логад̇д̇аяаабхиб̣яаабанад̇о д̣̇ияад̣дхасахассаад̣̇ивибхааг̇ад̇о жа вибулад̇д̇аа ан̃н̃зхи ааварид̇ум̣ бадисзд̇хзд̇ум̣ асаггун̣зяяад̇д̇аа жа анааварам̣, мажжуно маарасса сзнам̣ вимогкзна арияамаг̇г̇зна ж̇зд̇ваа яо д̇вам̣ д̣̇уж̇ж̇аяам̣ аж̇аяи, д̇асса намо, д̇з бурисааж̇ан̃н̃аад̇и самб̣анд̇хо.
Gāthāsu mahantanti sīlādiguṇamahattena mahantaṃ. Vītasāradanti sārajjakarānaṃ kilesānaṃ abhāvena vigatasārajjaṃ apagatamaṅkubhāvaṃ. Purisājaññāti assādīsu assājānīyādayo viya purisesu ājānīyabhūtā uttamapurisā. Dujjayamajjhabhūti pacurajanehi jetuṃ asakkuṇeyyaṃ kilesavāhiniṃ abhibhavi ajjhotthari. ‘‘Ajjayī’’tipi paṭhanti, ajinīti attho. Jetvāna maccunosenaṃ, vimokkhena anāvaranti lokattayābhibyāpanato diyaḍḍhasahassādivibhāgato ca vipulattā aññehi āvarituṃ paṭisedhetuṃ asakkuṇeyyattā ca anāvaraṃ, maccuno mārassa senaṃ vimokkhena ariyamaggena jetvā yo tvaṃ dujjayaṃ ajayi, tassa namo, te purisājaññāti sambandho.
ид̇ийд̇и вуд̇д̇аббагаарзна. хи-ид̇и нибаад̇амад̇д̇ам̣. зд̇ам̣ бад̇д̇амаанасам̣ ад̇хиг̇ад̇аарахад̇д̇ам̣ кийн̣аасавам̣ д̣̇звад̇аа намассанд̇ийд̇и вуд̇д̇амзвад̇т̇ам̣ ниг̇аманавасзна д̣̇ассзд̇и. ат̇а ваа ид̇ийд̇и иминаа гааран̣зна. гим̣ бана зд̇ам̣ гааран̣ам̣? намужисзнаавиж̇аязна бад̇д̇амаанасад̇д̇ам̣. иминаа гааран̣зна д̇ам̣ д̣̇звад̇аа намассанд̇ийд̇и ад̇т̇о. ид̣̇аани д̇ам̣ гааран̣ам̣ палад̇о д̣̇ассзд̇ум̣ ‘‘д̇ан̃хи д̇асса на бассанд̇и, язна мажжувасам̣ важ̇з’’д̇и вуд̇д̇ам̣. д̇ассад̇т̇о – яасмаа д̇асса бурисааж̇ан̃н̃асса бан̣ид̇хааяа г̇авзсанд̇ааби д̣̇зваа ан̣умад̇д̇амби д̇ам̣ гааран̣ам̣ на бассанд̇и, язна со мажжуно маран̣асса васам̣ важ̇з убаг̇ажчзяяа. д̇асмаа д̇ам̣ висуд̣̇д̇хид̣̇зваа намассанд̇ийд̇и.
Itīti vuttappakārena. Hi-iti nipātamattaṃ. Etaṃ pattamānasaṃ adhigatārahattaṃ khīṇāsavaṃ devatānamassantīti vuttamevatthaṃ nigamanavasena dasseti. Atha vā itīti iminā kāraṇena. Kiṃ pana etaṃ kāraṇaṃ? Namucisenāvijayena pattamānasattaṃ. Iminā kāraṇena taṃ devatā namassantīti attho. Idāni taṃ kāraṇaṃ phalato dassetuṃ ‘‘tañhi tassa na passanti, yena maccuvasaṃ vaje’’ti vuttaṃ. Tassattho – yasmā tassa purisājaññassa paṇidhāya gavesantāpi devā aṇumattampi taṃ kāraṇaṃ na passanti, yena so maccuno maraṇassa vasaṃ vaje upagaccheyya. Tasmā taṃ visuddhidevā namassantīti.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 3. д̣̇звасад̣̇д̣̇асуд̇д̇ам̣ • 3. Devasaddasuttaṃ
