| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8-9. д̣̇зваасурасан̇г̇аамасуд̇д̇аад̣̇иван̣н̣анаа
8-9. Devāsurasaṅgāmasuttādivaṇṇanā
39-40. адтамз абхияим̣сууд̇и гад̣̇аа абхияим̣су? яад̣̇аа б̣алаванд̇о ахзсум̣, д̇ад̣̇аа. д̇ад̇рааяаманубуб̣б̣игат̇аа (сам̣. ни. адта. 1.1.247; саарад̇т̇а. дий. 1.взран̃ж̇аган̣д̣аван̣н̣анаа) – сагго гира маг̇ад̇харадтз мажалаг̇аамагз магхо наама маан̣аво худ̇ваа д̇зд̇д̇им̣са бурисз г̇ахзд̇ваа галяаан̣агаммам̣ гаронд̇о сад̇д̇а вад̇абад̣̇аани буурзд̇ваа д̇ад̇т̇а гаалан̇гад̇о д̣̇звалогз ниб̣б̣ад̇д̇и. д̇ам̣ б̣алавагаммаанубхаавзна сабарисам̣ сзсад̣̇звад̇аа д̣̇асахи таанзхи ад̇хиг̇ан̣ханд̇ам̣ д̣̇исваа ‘‘ааг̇анд̇угад̣̇звабуд̇д̇аа ааг̇ад̇аа’’д̇и нзваасигаа г̇анд̇хабаанам̣ саж̇ж̇аяим̣су. сагго сагабарисааяа сан̃н̃ам̣ ад̣̇ааси ‘‘маарисаа маа г̇анд̇хабаанам̣ бивид̇т̇а, биванаагаарамад̇д̇амзва д̣̇ассзт̇аа’’д̇и. д̇з д̇ат̇аа агам̣су. нзваасигад̣̇звад̇аа суван̣н̣асарагзхи убанийд̇ам̣ г̇анд̇хабаанам̣ яаавад̣̇ад̇т̇ам̣ бивид̇ваа мад̇д̇аа д̇ад̇т̇а д̇ад̇т̇а суван̣н̣абат̇авияам̣ бад̇ид̇ваа саяим̣су. сагго ‘‘г̇ан̣хат̇а буд̇д̇ахад̇ааяа буд̇д̇з’’д̇и д̇з баад̣̇зсу г̇ахзд̇ваа синзрубаад̣̇з кибаабзси. саггасса бун̃н̃ад̇зж̇зна д̇ад̣̇анувад̇д̇агааби саб̣б̣з д̇ад̇т̇зва бад̇им̣су. д̇з синзрувзмаж̇жхагаалз сан̃н̃ам̣ лабхид̇ваа, ‘‘д̇аад̇аа, сурам̣ на бивимха, сурам̣ на бивимхаа’’д̇и аахам̣су. д̇ад̇о бадтааяа асураа наама ж̇аад̇аа. ат̇а нзсам̣ гаммабажжаяауд̇усамудтаанам̣ синзрусса хздтимад̇алз д̣̇асаяож̇анасахассам̣ асурабхаванам̣ ниб̣б̣ад̇д̇и. сагго д̇зсам̣ нивад̇д̇ид̇ваа анааг̇аманад̇т̇ааяа аарагкам̣ табзси. яам̣ санд̇хааяа вуд̇д̇ам̣ –
39-40. Aṭṭhame abhiyiṃsūti kadā abhiyiṃsu? Yadā balavanto ahesuṃ, tadā. Tatrāyamanupubbikathā (saṃ. ni. aṭṭha. 1.1.247; sārattha. ṭī. 1.verañjakaṇḍavaṇṇanā) – sakko kira magadharaṭṭhe macalagāmake magho nāma māṇavo hutvā tettiṃsa purise gahetvā kalyāṇakammaṃ karonto satta vatapadāni pūretvā tattha kālaṅkato devaloke nibbatti. Taṃ balavakammānubhāvena saparisaṃ sesadevatā dasahi ṭhānehi adhigaṇhantaṃ disvā ‘‘āgantukadevaputtā āgatā’’ti nevāsikā gandhapānaṃ sajjayiṃsu. Sakko sakaparisāya saññaṃ adāsi ‘‘mārisā mā gandhapānaṃ pivittha, pivanākāramattameva dassethā’’ti. Te tathā akaṃsu. Nevāsikadevatā suvaṇṇasarakehi upanītaṃ gandhapānaṃ yāvadatthaṃ pivitvā mattā tattha tattha suvaṇṇapathaviyaṃ patitvā sayiṃsu. Sakko ‘‘gaṇhatha puttahatāya putte’’ti te pādesu gahetvā sinerupāde khipāpesi. Sakkassa puññatejena tadanuvattakāpi sabbe tattheva patiṃsu. Te sineruvemajjhakāle saññaṃ labhitvā, ‘‘tātā, suraṃ na pivimha, suraṃ na pivimhā’’ti āhaṃsu. Tato paṭṭhāya asurā nāma jātā. Atha nesaṃ kammapaccayautusamuṭṭhānaṃ sinerussa heṭṭhimatale dasayojanasahassaṃ asurabhavanaṃ nibbatti. Sakko tesaṃ nivattitvā anāgamanatthāya ārakkhaṃ ṭhapesi. Yaṃ sandhāya vuttaṃ –
‘‘анд̇араа д̣̇виннам̣ аяуж̇жхабураанам̣,
‘‘Antarā dvinnaṃ ayujjhapurānaṃ,
бан̃жавид̇хаа табид̇аа абхирагкаа;
Pañcavidhā ṭhapitā abhirakkhā;
ураг̇а-гароди-баяасса жа хаарий,
Uraga-karoṭi-payassa ca hārī,
мад̣̇анаяуд̇аа жад̇уро жа махад̇т̇аа’’д̇и. (сам̣. ни. адта. 1.1.247; саарад̇т̇а. дий. 1.1 взран̃ж̇аган̣д̣аван̣н̣анаа);
Madanayutā caturo ca mahatthā’’ti. (saṃ. ni. aṭṭha. 1.1.247; sārattha. ṭī. 1.1 verañjakaṇḍavaṇṇanā);
д̣̇вз наг̇араани хи яуд̣̇д̇хзна г̇ахзд̇ум̣ асаггун̣зяяад̇ааяа аяуж̇жхабураани наама ж̇аад̇аани д̣̇званаг̇аран̃жа асуранаг̇аран̃жа. яад̣̇аа хи асураа б̣алаванд̇о хонд̇и, ат̇а д̣̇звзхи балааяид̇ваа д̣̇званаг̇арам̣ бависид̇ваа д̣̇ваарз бид̣̇ахид̇з асураанам̣ сад̇асахассамби гин̃жи гаад̇ум̣ на саггод̇и. яад̣̇аа д̣̇зваа б̣алаванд̇о хонд̇и, ат̇аасурзхи балааяид̇ваа асуранаг̇арасса д̣̇ваарз бид̣̇ахид̇з саггаанам̣ сад̇асахассамби гин̃жи гаад̇ум̣ на саггод̇и. ид̇и имаани д̣̇вз наг̇араани аяуж̇жхабураани наама. д̇зсам̣ анд̇араа зд̇зсу ураг̇аад̣̇ийсу бан̃жасу таанзсу саггзна аарагкаа табид̇аа. д̇ад̇т̇а ураг̇асад̣̇д̣̇зна нааг̇аа г̇ахид̇аа. д̇з хи уд̣̇агз б̣алаванд̇о хонд̇и, д̇асмаа синзрусса батамаалинд̣̇з зд̇зсам̣ аарагкаа. гародисад̣̇д̣̇зна субан̣н̣аа г̇ахид̇аа. д̇зсам̣ гира гароди наама баанабхож̇анам̣, д̇зна д̇ам̣ наамам̣ лабхим̣су, д̣̇уд̇ияаалинд̣̇з д̇зсам̣ аарагкаа. баяассахаарисад̣̇д̣̇зна гумбхан̣д̣аа г̇ахид̇аа, д̣̇аанаварагкасаа гира д̇з, д̇ад̇ияаалинд̣̇з д̇зсам̣ аарагкаа. мад̣̇анаяуд̇асад̣̇д̣̇зна яагкаа г̇ахид̇аа. висамажаарино гира д̇з яуж̇жхасон̣д̣аа, жад̇уд̇т̇аалинд̣̇з д̇зсам̣ аарагкаа. жад̇уро жа махад̇д̇аад̇и жад̇д̇ааро махаарааж̇аано вуд̇д̇аа, бан̃жамаалинд̣̇з д̇зсам̣ аарагкаа, д̇асмаа яад̣̇и асураа губид̇аавилажид̇д̇аа д̣̇звабурам̣ убаяанд̇и яуж̇жхид̇ум̣. яам̣ г̇ирино батамам̣ барибхан̣д̣ам̣, д̇ам̣ ураг̇аа бадиб̣аахаяанд̇и. звам̣ сзсзсу сзсаа.
Dve nagarāni hi yuddhena gahetuṃ asakkuṇeyyatāya ayujjhapurāni nāma jātāni devanagarañca asuranagarañca. Yadā hi asurā balavanto honti, atha devehi palāyitvā devanagaraṃ pavisitvā dvāre pidahite asurānaṃ satasahassampi kiñci kātuṃ na sakkoti. Yadā devā balavanto honti, athāsurehi palāyitvā asuranagarassa dvāre pidahite sakkānaṃ satasahassampi kiñci kātuṃ na sakkoti. Iti imāni dve nagarāni ayujjhapurāni nāma. Tesaṃ antarā etesu uragādīsu pañcasu ṭhānesu sakkena ārakkhā ṭhapitā. Tattha uragasaddena nāgā gahitā. Te hi udake balavanto honti, tasmā sinerussa paṭhamālinde etesaṃ ārakkhā. Karoṭisaddena supaṇṇā gahitā. Tesaṃ kira karoṭi nāma pānabhojanaṃ, tena taṃ nāmaṃ labhiṃsu, dutiyālinde tesaṃ ārakkhā. Payassahārisaddena kumbhaṇḍā gahitā, dānavarakkhasā kira te, tatiyālinde tesaṃ ārakkhā. Madanayutasaddena yakkhā gahitā. Visamacārino kira te yujjhasoṇḍā, catutthālinde tesaṃ ārakkhā. Caturo ca mahattāti cattāro mahārājāno vuttā, pañcamālinde tesaṃ ārakkhā, tasmā yadi asurā kupitāvilacittā devapuraṃ upayanti yujjhituṃ. Yaṃ girino paṭhamaṃ paribhaṇḍaṃ, taṃ uragā paṭibāhayanti. Evaṃ sesesu sesā.
д̇з бана асураа ааяуван̣н̣аяасаиссарияасамбад̇д̇ийхи д̇аавад̇им̣сасад̣̇исаава, д̇асмаа анд̇араа ад̇д̇аанам̣ аж̇аанид̇ваа баадалияаа бубпид̇ааяа ‘‘на ид̣̇ам̣ д̣̇званаг̇арам̣, д̇ад̇т̇а баарижчад̇д̇аго бубпад̇и, ид̇ха бана жид̇д̇абаадалий, ж̇арасаггзнаамхаагам̣ сурам̣ бааязд̇ваа ван̃жид̇аа, д̣̇званаг̇аран̃жа но г̇ахид̇ам̣, г̇ажчаама, д̇зна сад̣̇д̇хим̣ яуж̇жхиссаамаа’’д̇и хад̇т̇иассарат̇з ааруяха суван̣н̣араж̇ад̇аман̣ипалагаани г̇ахзд̇ваа яуд̣̇д̇хасаж̇ж̇аа худ̇ваа асурабхзрияо ваад̣̇знд̇аа махаасамуд̣̇д̣̇з уд̣̇агам̣ д̣̇вид̇хаа бхзд̇ваа удтаханд̇и. д̇з д̣̇звз вудтз ваммигамагкигаа ваммигам̣ вияа синзрум̣ аарухид̇ум̣ аарабханд̇и. ат̇а нзсам̣ батамам̣ нааг̇зхи сад̣̇д̇хим̣ яуд̣̇д̇хам̣ ход̇и. д̇асмим̣ ко бана яуд̣̇д̇хз на гассажи чави ваа жаммам̣ ваа чиж̇ж̇ад̇и, на лохид̇ам̣ уббаж̇ж̇ад̇и, гзвалам̣ гумаарагаанам̣ д̣̇аарумзн̣д̣агаяуд̣̇д̇хам̣ вияа ан̃н̃аман̃н̃асанд̇аасанамад̇д̇амзва ход̇и. годисад̇ааби годисахассааби нааг̇аа д̇зхи сад̣̇д̇хим̣ яуж̇жхид̇ваа д̇з асурабурам̣язва бавзсзд̇ваа нивад̇д̇анд̇и. яад̣̇аа бана асураа б̣алаванд̇о хонд̇и, ат̇а нааг̇аа осаггид̇ваа д̣̇уд̇ияз аалинд̣̇з субан̣н̣зхи сад̣̇д̇хим̣ згад̇ова худ̇ваа яуж̇жханд̇и. зса наяо субан̣н̣аад̣̇ийсуби. яад̣̇аа бана д̇аани бан̃жаби таанаани асураа мад̣̇д̣̇анд̇и, д̇ад̣̇аа згад̇о самбин̣д̣ид̇ааниби д̇аани бан̃жа б̣алаани осагганд̇и. ат̇а жад̇д̇ааро махаарааж̇аано г̇анд̇ваа саггасса д̇ам̣ бавад̇д̇им̣ аарожзнд̇и. сагго д̇зсам̣ важанам̣ суд̇ваа д̣̇ияад̣дхаяож̇анасад̇игам̣ взж̇аяанд̇арат̇ам̣ ааруяха саяам̣ ваа нигкамад̇и, згам̣ буд̇д̇ам̣ ваа бзсзд̇и. яад̣̇аа д̣̇зваа буна абажжааг̇аманааяа асурз ж̇иним̣су, д̇ад̣̇аа сагго асурз балаабзд̇ваа бан̃жасу таанзсу аарагкам̣ д̣̇ад̇ваа взд̣̇ияабаад̣̇з важ̇ирахад̇т̇аа инд̣̇абадимааяо табзси. асураа гаалзна гаалам̣ удтахид̇ваа бадимааяо д̣̇исваа ‘‘сагго аббамад̇д̇о д̇идтад̇ий’’д̇и д̇ад̇ова нивад̇д̇анд̇и. ид̇ха бана яад̣̇аа асураанам̣ ж̇аяо ахоси, д̣̇зваанам̣ барааж̇аяо, д̇ам̣ санд̇хааязд̇ам̣ вуд̇д̇ам̣ – ‘‘барааж̇ид̇аа жа, бхигкавз, д̣̇зваа абаяим̣суязва уд̇д̇арзнаабхимукаа, абхияим̣су асураа’’д̇и.
Te pana asurā āyuvaṇṇayasaissariyasampattīhi tāvatiṃsasadisāva, tasmā antarā attānaṃ ajānitvā pāṭaliyā pupphitāya ‘‘na idaṃ devanagaraṃ, tattha pāricchattako pupphati, idha pana cittapāṭalī, jarasakkenāmhākaṃ suraṃ pāyetvā vañcitā, devanagarañca no gahitaṃ, gacchāma, tena saddhiṃ yujjhissāmā’’ti hatthiassarathe āruyha suvaṇṇarajatamaṇiphalakāni gahetvā yuddhasajjā hutvā asurabheriyo vādentā mahāsamudde udakaṃ dvidhā bhetvā uṭṭhahanti. Te deve vuṭṭhe vammikamakkhikā vammikaṃ viya sineruṃ āruhituṃ ārabhanti. Atha nesaṃ paṭhamaṃ nāgehi saddhiṃ yuddhaṃ hoti. Tasmiṃ kho pana yuddhe na kassaci chavi vā cammaṃ vā chijjati, na lohitaṃ uppajjati, kevalaṃ kumārakānaṃ dārumeṇḍakayuddhaṃ viya aññamaññasantāsanamattameva hoti. Koṭisatāpi koṭisahassāpi nāgā tehi saddhiṃ yujjhitvā te asurapuraṃyeva pavesetvā nivattanti. Yadā pana asurā balavanto honti, atha nāgā osakkitvā dutiye ālinde supaṇṇehi saddhiṃ ekatova hutvā yujjhanti. Esa nayo supaṇṇādīsupi. Yadā pana tāni pañcapi ṭhānāni asurā maddanti, tadā ekato sampiṇḍitānipi tāni pañca balāni osakkanti. Atha cattāro mahārājāno gantvā sakkassa taṃ pavattiṃ ārocenti. Sakko tesaṃ vacanaṃ sutvā diyaḍḍhayojanasatikaṃ vejayantarathaṃ āruyha sayaṃ vā nikkhamati, ekaṃ puttaṃ vā peseti. Yadā devā puna apaccāgamanāya asure jiniṃsu, tadā sakko asure palāpetvā pañcasu ṭhānesu ārakkhaṃ datvā vediyapāde vajirahatthā indapaṭimāyo ṭhapesi. Asurā kālena kālaṃ uṭṭhahitvā paṭimāyo disvā ‘‘sakko appamatto tiṭṭhatī’’ti tatova nivattanti. Idha pana yadā asurānaṃ jayo ahosi, devānaṃ parājayo, taṃ sandhāyetaṃ vuttaṃ – ‘‘parājitā ca, bhikkhave, devā apayiṃsuyeva uttarenābhimukhā, abhiyiṃsu asurā’’ti.
д̣̇агкин̣аабхимукаа худ̇ваад̇и жаггаваал̣абаб̣б̣ад̇аабхимукаа худ̇ваа. асураа гира д̣̇звзхи барааж̇ид̇аа балааяанд̇аа жаггаваал̣абаб̣б̣ад̇аабхимукам̣ г̇анд̇ваа жаггаваал̣амахаасамуд̣̇д̣̇абидтияам̣ раж̇ад̇абаддаван̣н̣з ваалигаабулинз яад̇т̇а бан̣н̣агудияо маабзд̇ваа исаяо васанд̇и, д̇ад̇т̇а г̇анд̇ваа исийнам̣ ассамабад̣̇зна г̇ажчанд̇аа ‘‘сагго имзхи сад̣̇д̇хим̣ манд̇зд̇ваа амхз наасзд̇и, г̇ан̣хат̇а буд̇д̇ахад̇ааяа буд̇д̇з’’д̇и губид̇аа ассамабад̣̇з баанийяагхадажан̇гаманабан̣н̣асаалаад̣̇ийни вид̣̇д̇хам̣сзнд̇и. исаяо аран̃н̃ад̇о палаапалам̣ аад̣̇ааяа ааг̇ад̇аа д̣̇исваа буна д̣̇угкзна бадибаагад̇игам̣ гаронд̇и, д̇зби бунаббунам̣ д̇ат̇зва барааж̇ид̇аа г̇анд̇ваа винаасзнд̇и. д̇зна вуд̇д̇ам̣ – ‘‘барааж̇ид̇аа жа ко, бхигкавз, асураа абаяим̣суязва д̣̇агкин̣знаабхимукаа’’д̇и. навамам̣ уд̇д̇аанад̇т̇амзва.
Dakkhiṇābhimukhā hutvāti cakkavāḷapabbatābhimukhā hutvā. Asurā kira devehi parājitā palāyantā cakkavāḷapabbatābhimukhaṃ gantvā cakkavāḷamahāsamuddapiṭṭhiyaṃ rajatapaṭṭavaṇṇe vālikāpuline yattha paṇṇakuṭiyo māpetvā isayo vasanti, tattha gantvā isīnaṃ assamapadena gacchantā ‘‘sakko imehi saddhiṃ mantetvā amhe nāseti, gaṇhatha puttahatāya putte’’ti kupitā assamapade pānīyaghaṭacaṅkamanapaṇṇasālādīni viddhaṃsenti. Isayo araññato phalāphalaṃ ādāya āgatā disvā puna dukkhena paṭipākatikaṃ karonti, tepi punappunaṃ tatheva parājitā gantvā vināsenti. Tena vuttaṃ – ‘‘parājitā ca kho, bhikkhave, asurā apayiṃsuyeva dakkhiṇenābhimukhā’’ti. Navamaṃ uttānatthameva.
д̣̇зваасурасан̇г̇аамасуд̇д̇аад̣̇иван̣н̣анаа нидтид̇аа.
Devāsurasaṅgāmasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
8. д̣̇зваасурасан̇г̇аамасуд̇д̇ам̣ • 8. Devāsurasaṅgāmasuttaṃ
9. нааг̇асуд̇д̇ам̣ • 9. Nāgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
8. д̣̇зваасурасан̇г̇аамасуд̇д̇аван̣н̣анаа • 8. Devāsurasaṅgāmasuttavaṇṇanā
9. нааг̇асуд̇д̇аван̣н̣анаа • 9. Nāgasuttavaṇṇanā
