| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. д̣̇зваасурасан̇г̇аамасуд̇д̇ам̣
8. Devāsurasaṅgāmasuttaṃ
39. ‘‘бхууд̇абуб̣б̣ам̣, бхигкавз, д̣̇зваасурасан̇г̇аамо самубаб̣яуул̣хо 1 ахоси. д̇асмим̣ ко бана, бхигкавз, сан̇г̇аамз асураа ж̇иним̣су, д̣̇зваа барааж̇аяим̣су 2. барааж̇ид̇аа жа, бхигкавз, д̣̇зваа 3 абаяим̣суязва 4 уд̇д̇арзнаабхимукаа, абхияим̣су 5 асураа. ат̇а ко, бхигкавз, д̣̇зваанам̣ зд̇ад̣̇ахоси – ‘абхияанд̇зва ко асураа. яам̣нууна маяам̣ д̣̇уд̇ияамби асурзхи сан̇г̇аамзяяаамаа’д̇и. д̣̇уд̇ияамби ко, бхигкавз, д̣̇зваа асурзхи сан̇г̇аамзсум̣. д̣̇уд̇ияамби ко, бхигкавз, асураава ж̇иним̣су, д̣̇зваа барааж̇аяим̣су. барааж̇ид̇аа жа, бхигкавз, д̣̇зваа абаяим̣суязва уд̇д̇арзнаабхимукаа, абхияим̣су асураа’’.
39. ‘‘Bhūtapubbaṃ, bhikkhave, devāsurasaṅgāmo samupabyūḷho 6 ahosi. Tasmiṃ kho pana, bhikkhave, saṅgāme asurā jiniṃsu, devā parājayiṃsu 7. Parājitā ca, bhikkhave, devā 8 apayiṃsuyeva 9 uttarenābhimukhā, abhiyiṃsu 10 asurā. Atha kho, bhikkhave, devānaṃ etadahosi – ‘abhiyanteva kho asurā. Yaṃnūna mayaṃ dutiyampi asurehi saṅgāmeyyāmā’ti. Dutiyampi kho, bhikkhave, devā asurehi saṅgāmesuṃ. Dutiyampi kho, bhikkhave, asurāva jiniṃsu, devā parājayiṃsu. Parājitā ca, bhikkhave, devā apayiṃsuyeva uttarenābhimukhā, abhiyiṃsu asurā’’.
ат̇а ко, бхигкавз, д̣̇зваанам̣ зд̇ад̣̇ахоси – ‘абхияанд̇зва ко асураа. яам̣нууна маяам̣ д̇ад̇ияамби асурзхи сан̇г̇аамзяяаамаа’д̇и. д̇ад̇ияамби ко, бхигкавз, д̣̇зваа асурзхи сан̇г̇аамзсум̣. д̇ад̇ияамби ко , бхигкавз, асураава ж̇иним̣су, д̣̇зваа барааж̇аяим̣су. барааж̇ид̇аа жа, бхигкавз, д̣̇зваа бхийд̇аа д̣̇звабурам̣язва бависим̣су. д̣̇звабураг̇ад̇аанан̃жа бана 11, бхигкавз, д̣̇зваанам̣ зд̇ад̣̇ахоси – ‘бхийруд̇д̇аанаг̇ад̇зна ко д̣̇аани маяам̣ зд̇арахи ад̇д̇анаа вихараама агаран̣ийяаа асурзхий’д̇и. асураанамби, бхигкавз, зд̇ад̣̇ахоси – ‘бхийруд̇д̇аанаг̇ад̇зна ко д̣̇аани д̣̇зваа зд̇арахи ад̇д̇анаа вихаранд̇и агаран̣ийяаа амхзхий’д̇и.
Atha kho, bhikkhave, devānaṃ etadahosi – ‘abhiyanteva kho asurā. Yaṃnūna mayaṃ tatiyampi asurehi saṅgāmeyyāmā’ti. Tatiyampi kho, bhikkhave, devā asurehi saṅgāmesuṃ. Tatiyampi kho , bhikkhave, asurāva jiniṃsu, devā parājayiṃsu. Parājitā ca, bhikkhave, devā bhītā devapuraṃyeva pavisiṃsu. Devapuragatānañca pana 12, bhikkhave, devānaṃ etadahosi – ‘bhīruttānagatena kho dāni mayaṃ etarahi attanā viharāma akaraṇīyā asurehī’ti. Asurānampi, bhikkhave, etadahosi – ‘bhīruttānagatena kho dāni devā etarahi attanā viharanti akaraṇīyā amhehī’ti.
‘‘бхууд̇абуб̣б̣ам̣ , бхигкавз, д̣̇зваасурасан̇г̇аамо самубаб̣яуул̣хо ахоси. д̇асмим̣ ко бана, бхигкавз, сан̇г̇аамз д̣̇зваа ж̇иним̣су, асураа барааж̇аяим̣су. барааж̇ид̇аа жа, бхигкавз, асураа абаяим̣суязва д̣̇агкин̣знаабхимукаа, абхияим̣су д̣̇зваа. ат̇а ко, бхигкавз, асураанам̣ зд̇ад̣̇ахоси – ‘абхияанд̇зва ко д̣̇зваа. яам̣нууна маяам̣ д̣̇уд̇ияамби д̣̇звзхи сан̇г̇аамзяяаамаа’д̇и. д̣̇уд̇ияамби ко, бхигкавз, асураа д̣̇звзхи сан̇г̇аамзсум̣. д̣̇уд̇ияамби ко, бхигкавз, д̣̇зваа ж̇иним̣су, асураа барааж̇аяим̣су. барааж̇ид̇аа жа, бхигкавз, асураа абаяим̣суязва д̣̇агкин̣знаабхимукаа, абхияим̣су д̣̇зваа’’.
‘‘Bhūtapubbaṃ , bhikkhave, devāsurasaṅgāmo samupabyūḷho ahosi. Tasmiṃ kho pana, bhikkhave, saṅgāme devā jiniṃsu, asurā parājayiṃsu. Parājitā ca, bhikkhave, asurā apayiṃsuyeva dakkhiṇenābhimukhā, abhiyiṃsu devā. Atha kho, bhikkhave, asurānaṃ etadahosi – ‘abhiyanteva kho devā. Yaṃnūna mayaṃ dutiyampi devehi saṅgāmeyyāmā’ti. Dutiyampi kho, bhikkhave, asurā devehi saṅgāmesuṃ. Dutiyampi kho, bhikkhave, devā jiniṃsu, asurā parājayiṃsu. Parājitā ca, bhikkhave, asurā apayiṃsuyeva dakkhiṇenābhimukhā, abhiyiṃsu devā’’.
ат̇а ко, бхигкавз, асураанам̣ зд̇ад̣̇ахоси – ‘абхияанд̇зва ко д̣̇зваа. яам̣нууна маяам̣ д̇ад̇ияамби д̣̇звзхи сан̇г̇аамзяяаамаа’д̇и. д̇ад̇ияамби ко, бхигкавз, асураа д̣̇звзхи сан̇г̇аамзсум̣. д̇ад̇ияамби ко, бхигкавз, д̣̇зваа ж̇иним̣су, асураа барааж̇аяим̣су. барааж̇ид̇аа жа, бхигкавз, асураа бхийд̇аа асурабурам̣язва бависим̣су. асурабураг̇ад̇аанан̃жа бана, бхигкавз, асураанам̣ зд̇ад̣̇ахоси – ‘бхийруд̇д̇аанаг̇ад̇зна ко д̣̇аани маяам̣ зд̇арахи ад̇д̇анаа вихараама агаран̣ийяаа д̣̇звзхий’д̇и. д̣̇зваанамби, бхигкавз, зд̇ад̣̇ахоси – ‘бхийруд̇д̇аанаг̇ад̇зна ко д̣̇аани асураа зд̇арахи ад̇д̇анаа вихаранд̇и агаран̣ийяаа амхзхий’д̇и.
Atha kho, bhikkhave, asurānaṃ etadahosi – ‘abhiyanteva kho devā. Yaṃnūna mayaṃ tatiyampi devehi saṅgāmeyyāmā’ti. Tatiyampi kho, bhikkhave, asurā devehi saṅgāmesuṃ. Tatiyampi kho, bhikkhave, devā jiniṃsu, asurā parājayiṃsu. Parājitā ca, bhikkhave, asurā bhītā asurapuraṃyeva pavisiṃsu. Asurapuragatānañca pana, bhikkhave, asurānaṃ etadahosi – ‘bhīruttānagatena kho dāni mayaṃ etarahi attanā viharāma akaraṇīyā devehī’ti. Devānampi, bhikkhave, etadahosi – ‘bhīruttānagatena kho dāni asurā etarahi attanā viharanti akaraṇīyā amhehī’ti.
‘‘звамзвам̣ ко, бхигкавз, яасмим̣ самаяз бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и, д̇асмим̣, бхигкавз, самаяз бхигкусса звам̣ ход̇и – ‘бхийруд̇д̇аанаг̇ад̇зна ко д̣̇аанаахам̣ зд̇арахи ад̇д̇анаа вихараами агаран̣ийяо маарассаа’д̇и . маарассааби, бхигкавз, баабимад̇о звам̣ ход̇и – ‘бхийруд̇д̇аанаг̇ад̇зна ко д̣̇аани бхигку зд̇арахи ад̇д̇анаа вихарад̇и агаран̣ийяо маяха’’’нд̇и.
‘‘Evamevaṃ kho, bhikkhave, yasmiṃ samaye bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati, tasmiṃ, bhikkhave, samaye bhikkhussa evaṃ hoti – ‘bhīruttānagatena kho dānāhaṃ etarahi attanā viharāmi akaraṇīyo mārassā’ti . Mārassāpi, bhikkhave, pāpimato evaṃ hoti – ‘bhīruttānagatena kho dāni bhikkhu etarahi attanā viharati akaraṇīyo mayha’’’nti.
‘‘яасмим̣, бхигкавз, самаяз бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и, д̇асмим̣, бхигкавз, самаяз бхигкусса звам̣ ход̇и – ‘бхийруд̇д̇аанаг̇ад̇зна ко д̣̇аанаахам̣ зд̇арахи ад̇д̇анаа вихараами агаран̣ийяо маарассаа’д̇и. маарассааби, бхигкавз, баабимад̇о звам̣ ход̇и – ‘бхийруд̇д̇аанаг̇ад̇зна ко д̣̇аани бхигку зд̇арахи ад̇д̇анаа вихарад̇и, агаран̣ийяо маяха’’’нд̇и.
‘‘Yasmiṃ, bhikkhave, samaye bhikkhu vitakkavicārānaṃ vūpasamā…pe… dutiyaṃ jhānaṃ… tatiyaṃ jhānaṃ… catutthaṃ jhānaṃ upasampajja viharati, tasmiṃ, bhikkhave, samaye bhikkhussa evaṃ hoti – ‘bhīruttānagatena kho dānāhaṃ etarahi attanā viharāmi akaraṇīyo mārassā’ti. Mārassāpi, bhikkhave, pāpimato evaṃ hoti – ‘bhīruttānagatena kho dāni bhikkhu etarahi attanā viharati, akaraṇīyo mayha’’’nti.
‘‘яасмим̣, бхигкавз, самаяз бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз, ‘бхигку анд̇амагааси маарам̣, абад̣̇ам̣ вад̇хид̇ваа мааражагкум̣ ад̣̇ассанам̣ г̇ад̇о баабимад̇о д̇ин̣н̣о логз висад̇д̇ига’’’нд̇и.
‘‘Yasmiṃ, bhikkhave, samaye bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Ayaṃ vuccati, bhikkhave, ‘bhikkhu antamakāsi māraṃ, apadaṃ vadhitvā māracakkhuṃ adassanaṃ gato pāpimato tiṇṇo loke visattika’’’nti.
‘‘яасмим̣, бхигкавз, самаяз бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и… саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и… саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и… саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и, бхигкавз, ‘бхигку анд̇амагааси маарам̣, абад̣̇ам̣ вад̇хид̇ваа мааражагкум̣ ад̣̇ассанам̣ г̇ад̇о баабимад̇о д̇ин̣н̣о логз висад̇д̇ига’’’нд̇и. адтамам̣.
‘‘Yasmiṃ, bhikkhave, samaye bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati… sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati… sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati… sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ayaṃ vuccati, bhikkhave, ‘bhikkhu antamakāsi māraṃ, apadaṃ vadhitvā māracakkhuṃ adassanaṃ gato pāpimato tiṇṇo loke visattika’’’nti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. д̣̇зваасурасан̇г̇аамасуд̇д̇аван̣н̣анаа • 8. Devāsurasaṅgāmasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. д̣̇зваасурасан̇г̇аамасуд̇д̇аад̣̇иван̣н̣анаа • 8-9. Devāsurasaṅgāmasuttādivaṇṇanā
