| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. д̣̇зваасурасан̇г̇аамасуд̇д̇аван̣н̣анаа
8. Devāsurasaṅgāmasuttavaṇṇanā
39. адтамз самубаб̣яуул̣хо ахосийд̇и бажжубадтид̇о ахоси. сан̇г̇аамзяяаамаад̇и сан̇г̇аамам̣ гарзяяаама яуж̇жхзяяаама. абаяим̣суязваад̇и балааяим̣суязва. уд̇д̇арзнаабхимукаад̇и уд̇д̇араамукаа худ̇ваа. абхияанд̇з ваад̇и ануб̣анд̇ханд̇иязва. бхийруд̇д̇аанаг̇ад̇знаад̇и бхийруд̇д̇аанам̣ бхаяанивааран̣ам̣ бад̇идтаанам̣ г̇ад̇зна. агаран̣ийяаад̇и яуд̣̇д̇хзна гин̃жи агад̇д̇аб̣б̣аа. гасмаа бана нзсам̣ сан̇г̇аамо ход̇ийд̇и? асураа хи буб̣б̣з д̇аавад̇им̣саваасино, д̇з жид̇д̇абаадалияаа бубпанагаалз д̣̇иб̣б̣абаарижчад̇д̇агабубпам̣ ануссаранд̇и. д̇ад̇о уббаннагод̇хаа ‘‘г̇ан̣хат̇а д̣̇звз’’д̇и саммукасаммукадтаанзнзва синзрум̣ абхируханд̇и, д̣̇звааби нигкаманд̇и. д̇зсам̣ г̇обаалагад̣̇аарагаанам̣ ан̃н̃аман̃н̃ам̣ д̣̇ан̣д̣агзхи бахаран̣асад̣̇исам̣ яуд̣̇д̇хам̣ ход̇и. сагго д̣̇зварааж̇аа хздтаа бан̃жасу таанзсу аарагкам̣ табзд̇ваа убари д̣̇звабурам̣ бариваарзд̇ваа ад̇д̇асад̣̇исаа важ̇ирахад̇т̇аа бадимаа табаабзси. асураа хздтаа бан̃жа таанаани бадиб̣аахид̇ваа абхирул̣хаа инд̣̇абадимааяо д̣̇исваа нивад̇д̇ид̇ваа асурабурамзва г̇ажчанд̇и.
39. Aṭṭhame samupabyūḷho ahosīti paccupaṭṭhito ahosi. Saṅgāmeyyāmāti saṅgāmaṃ kareyyāma yujjheyyāma. Apayiṃsuyevāti palāyiṃsuyeva. Uttarenābhimukhāti uttarāmukhā hutvā. Abhiyante vāti anubandhantiyeva. Bhīruttānagatenāti bhīruttānaṃ bhayanivāraṇaṃ patiṭṭhānaṃ gatena. Akaraṇīyāti yuddhena kiñci akattabbā. Kasmā pana nesaṃ saṅgāmo hotīti? Asurā hi pubbe tāvatiṃsavāsino, te cittapāṭaliyā pupphanakāle dibbapāricchattakapupphaṃ anussaranti. Tato uppannakodhā ‘‘gaṇhatha deve’’ti sammukhasammukhaṭṭhāneneva sineruṃ abhiruhanti, devāpi nikkhamanti. Tesaṃ gopālakadārakānaṃ aññamaññaṃ daṇḍakehi paharaṇasadisaṃ yuddhaṃ hoti. Sakko devarājā heṭṭhā pañcasu ṭhānesu ārakkhaṃ ṭhapetvā upari devapuraṃ parivāretvā attasadisā vajirahatthā paṭimā ṭhapāpesi. Asurā heṭṭhā pañca ṭhānāni paṭibāhitvā abhiruḷhā indapaṭimāyo disvā nivattitvā asurapurameva gacchanti.
д̣̇агкин̣знаабхимукаад̇и д̣̇агкин̣аамукаа худ̇ваа. абад̣̇ам̣ вад̇хид̇ваад̇и ниббад̣̇ам̣ ниравасзсам̣ вад̇хид̇ваа. ад̣̇ассанам̣ г̇ад̇од̇и маароби ваддабаад̣̇агам̣ гад̇ваа руубааважаражад̇уд̇т̇аж̇жхаанам̣ самаабаннасса жид̇д̇ам̣ ж̇аанаад̇и, д̇ад̣̇зва вибассанаабаад̣̇агам̣ гад̇ваа самаабаннасса жид̇д̇ам̣ ж̇аанаад̇и. аруубааважарасамаабад̇д̇и бана ваддабаад̣̇аа ваа ход̇у вибассанаабаад̣̇аа ваа, д̇ам̣ самаабаннасса мааро жид̇д̇ам̣ на ж̇аанаад̇и. д̇зна вуд̇д̇ам̣ – ‘‘ад̣̇ассанам̣ г̇ад̇о баабимад̇о’’д̇и.
Dakkhiṇenābhimukhāti dakkhiṇāmukhā hutvā. Apadaṃ vadhitvāti nippadaṃ niravasesaṃ vadhitvā. Adassanaṃ gatoti māropi vaṭṭapādakaṃ katvā rūpāvacaracatutthajjhānaṃ samāpannassa cittaṃ jānāti, tadeva vipassanāpādakaṃ katvā samāpannassa cittaṃ jānāti. Arūpāvacarasamāpatti pana vaṭṭapādā vā hotu vipassanāpādā vā, taṃ samāpannassa māro cittaṃ na jānāti. Tena vuttaṃ – ‘‘adassanaṃ gato pāpimato’’ti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. д̣̇зваасурасан̇г̇аамасуд̇д̇ам̣ • 8. Devāsurasaṅgāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. д̣̇зваасурасан̇г̇аамасуд̇д̇аад̣̇иван̣н̣анаа • 8-9. Devāsurasaṅgāmasuttādivaṇṇanā
