| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਦੇવਾਸੁਰਸਙ੍ਗਾਮਸੁਤ੍ਤવਣ੍ਣਨਾ
8. Devāsurasaṅgāmasuttavaṇṇanā
੩੯. ਅਟ੍ਠਮੇ ਸਮੁਪਬ੍ਯੂਲ਼੍ਹੋ ਅਹੋਸੀਤਿ ਪਚ੍ਚੁਪਟ੍ਠਿਤੋ ਅਹੋਸਿ। ਸਙ੍ਗਾਮੇਯ੍ਯਾਮਾਤਿ ਸਙ੍ਗਾਮਂ ਕਰੇਯ੍ਯਾਮ ਯੁਜ੍ਝੇਯ੍ਯਾਮ। ਅਪਯਿਂਸੁਯੇવਾਤਿ ਪਲਾਯਿਂਸੁਯੇવ। ਉਤ੍ਤਰੇਨਾਭਿਮੁਖਾਤਿ ਉਤ੍ਤਰਾਮੁਖਾ ਹੁਤ੍વਾ। ਅਭਿਯਨ੍ਤੇ વਾਤਿ ਅਨੁਬਨ੍ਧਨ੍ਤਿਯੇવ। ਭੀਰੁਤ੍ਤਾਨਗਤੇਨਾਤਿ ਭੀਰੁਤ੍ਤਾਨਂ ਭਯਨਿવਾਰਣਂ ਪਤਿਟ੍ਠਾਨਂ ਗਤੇਨ। ਅਕਰਣੀਯਾਤਿ ਯੁਦ੍ਧੇਨ ਕਿਞ੍ਚਿ ਅਕਤ੍ਤਬ੍ਬਾ। ਕਸ੍ਮਾ ਪਨ ਨੇਸਂ ਸਙ੍ਗਾਮੋ ਹੋਤੀਤਿ? ਅਸੁਰਾ ਹਿ ਪੁਬ੍ਬੇ ਤਾવਤਿਂਸવਾਸਿਨੋ, ਤੇ ਚਿਤ੍ਤਪਾਟਲਿਯਾ ਪੁਪ੍ਫਨਕਾਲੇ ਦਿਬ੍ਬਪਾਰਿਚ੍ਛਤ੍ਤਕਪੁਪ੍ਫਂ ਅਨੁਸ੍ਸਰਨ੍ਤਿ। ਤਤੋ ਉਪ੍ਪਨ੍ਨਕੋਧਾ ‘‘ਗਣ੍ਹਥ ਦੇવੇ’’ਤਿ ਸਮ੍ਮੁਖਸਮ੍ਮੁਖਟ੍ਠਾਨੇਨੇવ ਸਿਨੇਰੁਂ ਅਭਿਰੁਹਨ੍ਤਿ, ਦੇવਾਪਿ ਨਿਕ੍ਖਮਨ੍ਤਿ। ਤੇਸਂ ਗੋਪਾਲਕਦਾਰਕਾਨਂ ਅਞ੍ਞਮਞ੍ਞਂ ਦਣ੍ਡਕੇਹਿ ਪਹਰਣਸਦਿਸਂ ਯੁਦ੍ਧਂ ਹੋਤਿ। ਸਕ੍ਕੋ ਦੇવਰਾਜਾ ਹੇਟ੍ਠਾ ਪਞ੍ਚਸੁ ਠਾਨੇਸੁ ਆਰਕ੍ਖਂ ਠਪੇਤ੍વਾ ਉਪਰਿ ਦੇવਪੁਰਂ ਪਰਿવਾਰੇਤ੍વਾ ਅਤ੍ਤਸਦਿਸਾ વਜਿਰਹਤ੍ਥਾ ਪਟਿਮਾ ਠਪਾਪੇਸਿ। ਅਸੁਰਾ ਹੇਟ੍ਠਾ ਪਞ੍ਚ ਠਾਨਾਨਿ ਪਟਿਬਾਹਿਤ੍વਾ ਅਭਿਰੁਲ਼੍ਹਾ ਇਨ੍ਦਪਟਿਮਾਯੋ ਦਿਸ੍વਾ ਨਿવਤ੍ਤਿਤ੍વਾ ਅਸੁਰਪੁਰਮੇવ ਗਚ੍ਛਨ੍ਤਿ।
39. Aṭṭhame samupabyūḷho ahosīti paccupaṭṭhito ahosi. Saṅgāmeyyāmāti saṅgāmaṃ kareyyāma yujjheyyāma. Apayiṃsuyevāti palāyiṃsuyeva. Uttarenābhimukhāti uttarāmukhā hutvā. Abhiyante vāti anubandhantiyeva. Bhīruttānagatenāti bhīruttānaṃ bhayanivāraṇaṃ patiṭṭhānaṃ gatena. Akaraṇīyāti yuddhena kiñci akattabbā. Kasmā pana nesaṃ saṅgāmo hotīti? Asurā hi pubbe tāvatiṃsavāsino, te cittapāṭaliyā pupphanakāle dibbapāricchattakapupphaṃ anussaranti. Tato uppannakodhā ‘‘gaṇhatha deve’’ti sammukhasammukhaṭṭhāneneva sineruṃ abhiruhanti, devāpi nikkhamanti. Tesaṃ gopālakadārakānaṃ aññamaññaṃ daṇḍakehi paharaṇasadisaṃ yuddhaṃ hoti. Sakko devarājā heṭṭhā pañcasu ṭhānesu ārakkhaṃ ṭhapetvā upari devapuraṃ parivāretvā attasadisā vajirahatthā paṭimā ṭhapāpesi. Asurā heṭṭhā pañca ṭhānāni paṭibāhitvā abhiruḷhā indapaṭimāyo disvā nivattitvā asurapurameva gacchanti.
ਦਕ੍ਖਿਣੇਨਾਭਿਮੁਖਾਤਿ ਦਕ੍ਖਿਣਾਮੁਖਾ ਹੁਤ੍વਾ। ਅਪਦਂ વਧਿਤ੍વਾਤਿ ਨਿਪ੍ਪਦਂ ਨਿਰવਸੇਸਂ વਧਿਤ੍વਾ। ਅਦਸ੍ਸਨਂ ਗਤੋਤਿ ਮਾਰੋਪਿ વਟ੍ਟਪਾਦਕਂ ਕਤ੍વਾ ਰੂਪਾવਚਰਚਤੁਤ੍ਥਜ੍ਝਾਨਂ ਸਮਾਪਨ੍ਨਸ੍ਸ ਚਿਤ੍ਤਂ ਜਾਨਾਤਿ, ਤਦੇવ વਿਪਸ੍ਸਨਾਪਾਦਕਂ ਕਤ੍વਾ ਸਮਾਪਨ੍ਨਸ੍ਸ ਚਿਤ੍ਤਂ ਜਾਨਾਤਿ। ਅਰੂਪਾવਚਰਸਮਾਪਤ੍ਤਿ ਪਨ વਟ੍ਟਪਾਦਾ વਾ ਹੋਤੁ વਿਪਸ੍ਸਨਾਪਾਦਾ વਾ, ਤਂ ਸਮਾਪਨ੍ਨਸ੍ਸ ਮਾਰੋ ਚਿਤ੍ਤਂ ਨ ਜਾਨਾਤਿ। ਤੇਨ વੁਤ੍ਤਂ – ‘‘ਅਦਸ੍ਸਨਂ ਗਤੋ ਪਾਪਿਮਤੋ’’ਤਿ।
Dakkhiṇenābhimukhāti dakkhiṇāmukhā hutvā. Apadaṃ vadhitvāti nippadaṃ niravasesaṃ vadhitvā. Adassanaṃ gatoti māropi vaṭṭapādakaṃ katvā rūpāvacaracatutthajjhānaṃ samāpannassa cittaṃ jānāti, tadeva vipassanāpādakaṃ katvā samāpannassa cittaṃ jānāti. Arūpāvacarasamāpatti pana vaṭṭapādā vā hotu vipassanāpādā vā, taṃ samāpannassa māro cittaṃ na jānāti. Tena vuttaṃ – ‘‘adassanaṃ gato pāpimato’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਦੇવਾਸੁਰਸਙ੍ਗਾਮਸੁਤ੍ਤਂ • 8. Devāsurasaṅgāmasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮-੯. ਦੇવਾਸੁਰਸਙ੍ਗਾਮਸੁਤ੍ਤਾਦਿવਣ੍ਣਨਾ • 8-9. Devāsurasaṅgāmasuttādivaṇṇanā
