| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. д̣̇звад̇аасуд̇д̇ам̣
9. Devatāsuttaṃ
19. ‘‘иман̃жа, бхигкавз, рад̇д̇им̣ самб̣ахулаа д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ ж̇зд̇аванам̣ обхаасзд̇ваа язнаахам̣ д̇знубасан̇гамим̣су; убасан̇гамид̇ваа мам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко, бхигкавз, д̇аа д̣̇звад̇аа мам̣ зд̇ад̣̇авожум̣ – ‘убасан̇гамим̣су но, бханд̇з, буб̣б̣з мануссабхууд̇аанам̣ баб̣б̣аж̇ид̇аа аг̇аараани. д̇з маяам̣, бханд̇з, бажжудтимха, но жа ко абхиваад̣̇имха. д̇аа маяам̣, бханд̇з, абарибун̣н̣агамманд̇аа виббадисааринияо бажжаануд̇аабинияо хийнам̣ гааяам̣ убабаннаа’’’д̇и.
19. ‘‘Imañca, bhikkhave, rattiṃ sambahulā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yenāhaṃ tenupasaṅkamiṃsu; upasaṅkamitvā maṃ abhivādetvā ekamantaṃ aṭṭhaṃsu. Ekamantaṃ ṭhitā kho, bhikkhave, tā devatā maṃ etadavocuṃ – ‘upasaṅkamiṃsu no, bhante, pubbe manussabhūtānaṃ pabbajitā agārāni. Te mayaṃ, bhante, paccuṭṭhimha, no ca kho abhivādimha. Tā mayaṃ, bhante, aparipuṇṇakammantā vippaṭisāriniyo paccānutāpiniyo hīnaṃ kāyaṃ upapannā’’’ti.
‘‘абарааби мам̣, бхигкавз, самб̣ахулаа д̣̇звад̇аа убасан̇гамид̇ваа зд̇ад̣̇авожум̣ – ‘убасан̇гамим̣су но, бханд̇з, буб̣б̣з мануссабхууд̇аанам̣ баб̣б̣аж̇ид̇аа аг̇аараани. д̇з маяам̣, бханд̇з, бажжудтимха абхиваад̣̇имха 1, но жа д̇зсам̣ аасанам̣ ад̣̇амха. д̇аа маяам̣, бханд̇з, абарибун̣н̣агамманд̇аа виббадисааринияо бажжаануд̇аабинияо хийнам̣ гааяам̣ убабаннаа’’’д̇и.
‘‘Aparāpi maṃ, bhikkhave, sambahulā devatā upasaṅkamitvā etadavocuṃ – ‘upasaṅkamiṃsu no, bhante, pubbe manussabhūtānaṃ pabbajitā agārāni. Te mayaṃ, bhante, paccuṭṭhimha abhivādimha 2, no ca tesaṃ āsanaṃ adamha. Tā mayaṃ, bhante, aparipuṇṇakammantā vippaṭisāriniyo paccānutāpiniyo hīnaṃ kāyaṃ upapannā’’’ti.
‘‘абарааби мам̣, бхигкавз, самб̣ахулаа д̣̇звад̇аа убасан̇гамид̇ваа зд̇ад̣̇авожум̣ – ‘убасан̇гамим̣су но, бханд̇з, буб̣б̣з мануссабхууд̇аанам̣ баб̣б̣аж̇ид̇аа аг̇аараани. д̇з маяам̣, бханд̇з, бажжудтимха абхиваад̣̇имха 3 аасанам̣ 4 ад̣̇амха, но жа ко яат̇аасад̇д̇и яат̇ааб̣алам̣ сам̣вибхаж̇имха…бз… яат̇аасад̇д̇и яат̇ааб̣алам̣ 5 сам̣вибхаж̇имха, но жа ко убанисийд̣̇имха д̇хаммассаванааяа…бз… убанисийд̣̇имха 6 д̇хаммассаванааяа, но жа ко охид̇асод̇аа д̇хаммам̣ сун̣имха…бз… охид̇асод̇аа жа д̇хаммам̣ сун̣имха, но жа ко суд̇ваа д̇хаммам̣ д̇хаараяимха…бз… суд̇ваа жа д̇хаммам̣ д̇хаараяимха, но жа ко д̇хаад̇аанам̣ д̇хаммаанам̣ ад̇т̇ам̣ убабаригкимха…бз… д̇хаад̇аанан̃жа д̇хаммаанам̣ ад̇т̇ам̣ убабаригкимха, но жа ко ад̇т̇аман̃н̃ааяа д̇хаммаман̃н̃ааяа д̇хаммаануд̇хаммам̣ бадибаж̇ж̇имха. д̇аа маяам̣, бханд̇з, абарибун̣н̣агамманд̇аа виббадисааринияо бажжаануд̇аабинияо хийнам̣ гааяам̣ убабаннаа’’’д̇и.
‘‘Aparāpi maṃ, bhikkhave, sambahulā devatā upasaṅkamitvā etadavocuṃ – ‘upasaṅkamiṃsu no, bhante, pubbe manussabhūtānaṃ pabbajitā agārāni. Te mayaṃ, bhante, paccuṭṭhimha abhivādimha 7 āsanaṃ 8 adamha, no ca kho yathāsatti yathābalaṃ saṃvibhajimha…pe… yathāsatti yathābalaṃ 9 saṃvibhajimha, no ca kho upanisīdimha dhammassavanāya…pe… upanisīdimha 10 dhammassavanāya, no ca kho ohitasotā dhammaṃ suṇimha…pe… ohitasotā ca dhammaṃ suṇimha, no ca kho sutvā dhammaṃ dhārayimha…pe… sutvā ca dhammaṃ dhārayimha, no ca kho dhātānaṃ dhammānaṃ atthaṃ upaparikkhimha…pe… dhātānañca dhammānaṃ atthaṃ upaparikkhimha, no ca kho atthamaññāya dhammamaññāya dhammānudhammaṃ paṭipajjimha. Tā mayaṃ, bhante, aparipuṇṇakammantā vippaṭisāriniyo paccānutāpiniyo hīnaṃ kāyaṃ upapannā’’’ti.
‘‘абарааби мам̣, бхигкавз, самб̣ахулаа д̣̇звад̇аа убасан̇гамид̇ваа зд̇ад̣̇авожум̣ – ‘убасан̇гамим̣су но, бханд̇з, буб̣б̣з мануссабхууд̇аанам̣ баб̣б̣аж̇ид̇аа аг̇аараани. д̇з маяам̣, бханд̇з, бажжудтимха абхиваад̣̇имха 11, аасанам̣ 12 ад̣̇амха, яат̇аасад̇д̇и яат̇ааб̣алам̣ 13 сам̣вибхаж̇имха, убанисийд̣̇имха 14 д̇хаммассаванааяа, охид̇асод̇аа жа д̇хаммам̣ сун̣имха, суд̇ваа жа д̇хаммам̣ д̇хаараяимха, д̇хаад̇аанан̃жа д̇хаммаанам̣ ад̇т̇ам̣ убабаригкимха, ад̇т̇аман̃н̃ааяа д̇хаммаман̃н̃ааяа д̇хаммаануд̇хаммам̣ 15 бадибаж̇ж̇имха. д̇аа маяам̣, бханд̇з, барибун̣н̣агамманд̇аа авиббадисааринияо абажжаануд̇аабинияо бан̣ийд̇ам̣ гааяам̣ убабаннаа’д̇и. зд̇аани, бхигкавз, ругкамуулаани зд̇аани сун̃н̃ааг̇аараани. жхааяат̇а, бхигкавз, маа бамаад̣̇ад̇т̇а, маа бажчаа виббадисаарино ахувад̇т̇а сзяяат̇ааби д̇аа буримигаа д̣̇звад̇аа’’д̇и. навамам̣.
‘‘Aparāpi maṃ, bhikkhave, sambahulā devatā upasaṅkamitvā etadavocuṃ – ‘upasaṅkamiṃsu no, bhante, pubbe manussabhūtānaṃ pabbajitā agārāni. Te mayaṃ, bhante, paccuṭṭhimha abhivādimha 16, āsanaṃ 17 adamha, yathāsatti yathābalaṃ 18 saṃvibhajimha, upanisīdimha 19 dhammassavanāya, ohitasotā ca dhammaṃ suṇimha, sutvā ca dhammaṃ dhārayimha, dhātānañca dhammānaṃ atthaṃ upaparikkhimha, atthamaññāya dhammamaññāya dhammānudhammaṃ 20 paṭipajjimha. Tā mayaṃ, bhante, paripuṇṇakammantā avippaṭisāriniyo apaccānutāpiniyo paṇītaṃ kāyaṃ upapannā’ti. Etāni, bhikkhave, rukkhamūlāni etāni suññāgārāni. Jhāyatha, bhikkhave, mā pamādattha, mā pacchā vippaṭisārino ahuvattha seyyathāpi tā purimikā devatā’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. д̣̇звад̇аасуд̇д̇аван̣н̣анаа • 9. Devatāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-9. г̇ан̣д̣асуд̇д̇аад̣̇иван̣н̣анаа • 5-9. Gaṇḍasuttādivaṇṇanā
