| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੯. ਦੇવਤਾਸੁਤ੍ਤਂ
9. Devatāsuttaṃ
੧੯. ‘‘ਇਮਞ੍ਚ, ਭਿਕ੍ਖવੇ, ਰਤ੍ਤਿਂ ਸਮ੍ਬਹੁਲਾ ਦੇવਤਾ ਅਭਿਕ੍ਕਨ੍ਤਾਯ ਰਤ੍ਤਿਯਾ ਅਭਿਕ੍ਕਨ੍ਤવਣ੍ਣਾ ਕੇવਲਕਪ੍ਪਂ ਜੇਤવਨਂ ਓਭਾਸੇਤ੍વਾ ਯੇਨਾਹਂ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਮਂ ਅਭਿવਾਦੇਤ੍વਾ ਏਕਮਨ੍ਤਂ ਅਟ੍ਠਂਸੁ। ਏਕਮਨ੍ਤਂ ਠਿਤਾ ਖੋ, ਭਿਕ੍ਖવੇ, ਤਾ ਦੇવਤਾ ਮਂ ਏਤਦવੋਚੁਂ – ‘ਉਪਸਙ੍ਕਮਿਂਸੁ ਨੋ, ਭਨ੍ਤੇ, ਪੁਬ੍ਬੇ ਮਨੁਸ੍ਸਭੂਤਾਨਂ ਪਬ੍ਬਜਿਤਾ ਅਗਾਰਾਨਿ। ਤੇ ਮਯਂ, ਭਨ੍ਤੇ, ਪਚ੍ਚੁਟ੍ਠਿਮ੍ਹ, ਨੋ ਚ ਖੋ ਅਭਿવਾਦਿਮ੍ਹ। ਤਾ ਮਯਂ, ਭਨ੍ਤੇ, ਅਪਰਿਪੁਣ੍ਣਕਮ੍ਮਨ੍ਤਾ વਿਪ੍ਪਟਿਸਾਰਿਨਿਯੋ ਪਚ੍ਚਾਨੁਤਾਪਿਨਿਯੋ ਹੀਨਂ ਕਾਯਂ ਉਪਪਨ੍ਨਾ’’’ਤਿ।
19. ‘‘Imañca, bhikkhave, rattiṃ sambahulā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yenāhaṃ tenupasaṅkamiṃsu; upasaṅkamitvā maṃ abhivādetvā ekamantaṃ aṭṭhaṃsu. Ekamantaṃ ṭhitā kho, bhikkhave, tā devatā maṃ etadavocuṃ – ‘upasaṅkamiṃsu no, bhante, pubbe manussabhūtānaṃ pabbajitā agārāni. Te mayaṃ, bhante, paccuṭṭhimha, no ca kho abhivādimha. Tā mayaṃ, bhante, aparipuṇṇakammantā vippaṭisāriniyo paccānutāpiniyo hīnaṃ kāyaṃ upapannā’’’ti.
‘‘ਅਪਰਾਪਿ ਮਂ, ਭਿਕ੍ਖવੇ, ਸਮ੍ਬਹੁਲਾ ਦੇવਤਾ ਉਪਸਙ੍ਕਮਿਤ੍વਾ ਏਤਦવੋਚੁਂ – ‘ਉਪਸਙ੍ਕਮਿਂਸੁ ਨੋ, ਭਨ੍ਤੇ, ਪੁਬ੍ਬੇ ਮਨੁਸ੍ਸਭੂਤਾਨਂ ਪਬ੍ਬਜਿਤਾ ਅਗਾਰਾਨਿ। ਤੇ ਮਯਂ, ਭਨ੍ਤੇ, ਪਚ੍ਚੁਟ੍ਠਿਮ੍ਹ ਅਭਿવਾਦਿਮ੍ਹ 1, ਨੋ ਚ ਤੇਸਂ ਆਸਨਂ ਅਦਮ੍ਹ। ਤਾ ਮਯਂ, ਭਨ੍ਤੇ, ਅਪਰਿਪੁਣ੍ਣਕਮ੍ਮਨ੍ਤਾ વਿਪ੍ਪਟਿਸਾਰਿਨਿਯੋ ਪਚ੍ਚਾਨੁਤਾਪਿਨਿਯੋ ਹੀਨਂ ਕਾਯਂ ਉਪਪਨ੍ਨਾ’’’ਤਿ।
‘‘Aparāpi maṃ, bhikkhave, sambahulā devatā upasaṅkamitvā etadavocuṃ – ‘upasaṅkamiṃsu no, bhante, pubbe manussabhūtānaṃ pabbajitā agārāni. Te mayaṃ, bhante, paccuṭṭhimha abhivādimha 2, no ca tesaṃ āsanaṃ adamha. Tā mayaṃ, bhante, aparipuṇṇakammantā vippaṭisāriniyo paccānutāpiniyo hīnaṃ kāyaṃ upapannā’’’ti.
‘‘ਅਪਰਾਪਿ ਮਂ, ਭਿਕ੍ਖવੇ, ਸਮ੍ਬਹੁਲਾ ਦੇવਤਾ ਉਪਸਙ੍ਕਮਿਤ੍વਾ ਏਤਦવੋਚੁਂ – ‘ਉਪਸਙ੍ਕਮਿਂਸੁ ਨੋ, ਭਨ੍ਤੇ, ਪੁਬ੍ਬੇ ਮਨੁਸ੍ਸਭੂਤਾਨਂ ਪਬ੍ਬਜਿਤਾ ਅਗਾਰਾਨਿ। ਤੇ ਮਯਂ, ਭਨ੍ਤੇ, ਪਚ੍ਚੁਟ੍ਠਿਮ੍ਹ ਅਭਿવਾਦਿਮ੍ਹ 3 ਆਸਨਂ 4 ਅਦਮ੍ਹ, ਨੋ ਚ ਖੋ ਯਥਾਸਤ੍ਤਿ ਯਥਾਬਲਂ ਸਂવਿਭਜਿਮ੍ਹ…ਪੇ॰… ਯਥਾਸਤ੍ਤਿ ਯਥਾਬਲਂ 5 ਸਂવਿਭਜਿਮ੍ਹ, ਨੋ ਚ ਖੋ ਉਪਨਿਸੀਦਿਮ੍ਹ ਧਮ੍ਮਸ੍ਸવਨਾਯ…ਪੇ॰… ਉਪਨਿਸੀਦਿਮ੍ਹ 6 ਧਮ੍ਮਸ੍ਸવਨਾਯ, ਨੋ ਚ ਖੋ ਓਹਿਤਸੋਤਾ ਧਮ੍ਮਂ ਸੁਣਿਮ੍ਹ…ਪੇ॰… ਓਹਿਤਸੋਤਾ ਚ ਧਮ੍ਮਂ ਸੁਣਿਮ੍ਹ, ਨੋ ਚ ਖੋ ਸੁਤ੍વਾ ਧਮ੍ਮਂ ਧਾਰਯਿਮ੍ਹ…ਪੇ॰… ਸੁਤ੍વਾ ਚ ਧਮ੍ਮਂ ਧਾਰਯਿਮ੍ਹ, ਨੋ ਚ ਖੋ ਧਾਤਾਨਂ ਧਮ੍ਮਾਨਂ ਅਤ੍ਥਂ ਉਪਪਰਿਕ੍ਖਿਮ੍ਹ…ਪੇ॰… ਧਾਤਾਨਞ੍ਚ ਧਮ੍ਮਾਨਂ ਅਤ੍ਥਂ ਉਪਪਰਿਕ੍ਖਿਮ੍ਹ, ਨੋ ਚ ਖੋ ਅਤ੍ਥਮਞ੍ਞਾਯ ਧਮ੍ਮਮਞ੍ਞਾਯ ਧਮ੍ਮਾਨੁਧਮ੍ਮਂ ਪਟਿਪਜ੍ਜਿਮ੍ਹ। ਤਾ ਮਯਂ, ਭਨ੍ਤੇ, ਅਪਰਿਪੁਣ੍ਣਕਮ੍ਮਨ੍ਤਾ વਿਪ੍ਪਟਿਸਾਰਿਨਿਯੋ ਪਚ੍ਚਾਨੁਤਾਪਿਨਿਯੋ ਹੀਨਂ ਕਾਯਂ ਉਪਪਨ੍ਨਾ’’’ਤਿ।
‘‘Aparāpi maṃ, bhikkhave, sambahulā devatā upasaṅkamitvā etadavocuṃ – ‘upasaṅkamiṃsu no, bhante, pubbe manussabhūtānaṃ pabbajitā agārāni. Te mayaṃ, bhante, paccuṭṭhimha abhivādimha 7 āsanaṃ 8 adamha, no ca kho yathāsatti yathābalaṃ saṃvibhajimha…pe… yathāsatti yathābalaṃ 9 saṃvibhajimha, no ca kho upanisīdimha dhammassavanāya…pe… upanisīdimha 10 dhammassavanāya, no ca kho ohitasotā dhammaṃ suṇimha…pe… ohitasotā ca dhammaṃ suṇimha, no ca kho sutvā dhammaṃ dhārayimha…pe… sutvā ca dhammaṃ dhārayimha, no ca kho dhātānaṃ dhammānaṃ atthaṃ upaparikkhimha…pe… dhātānañca dhammānaṃ atthaṃ upaparikkhimha, no ca kho atthamaññāya dhammamaññāya dhammānudhammaṃ paṭipajjimha. Tā mayaṃ, bhante, aparipuṇṇakammantā vippaṭisāriniyo paccānutāpiniyo hīnaṃ kāyaṃ upapannā’’’ti.
‘‘ਅਪਰਾਪਿ ਮਂ, ਭਿਕ੍ਖવੇ, ਸਮ੍ਬਹੁਲਾ ਦੇવਤਾ ਉਪਸਙ੍ਕਮਿਤ੍વਾ ਏਤਦવੋਚੁਂ – ‘ਉਪਸਙ੍ਕਮਿਂਸੁ ਨੋ, ਭਨ੍ਤੇ, ਪੁਬ੍ਬੇ ਮਨੁਸ੍ਸਭੂਤਾਨਂ ਪਬ੍ਬਜਿਤਾ ਅਗਾਰਾਨਿ। ਤੇ ਮਯਂ, ਭਨ੍ਤੇ, ਪਚ੍ਚੁਟ੍ਠਿਮ੍ਹ ਅਭਿવਾਦਿਮ੍ਹ 11, ਆਸਨਂ 12 ਅਦਮ੍ਹ, ਯਥਾਸਤ੍ਤਿ ਯਥਾਬਲਂ 13 ਸਂવਿਭਜਿਮ੍ਹ, ਉਪਨਿਸੀਦਿਮ੍ਹ 14 ਧਮ੍ਮਸ੍ਸવਨਾਯ, ਓਹਿਤਸੋਤਾ ਚ ਧਮ੍ਮਂ ਸੁਣਿਮ੍ਹ, ਸੁਤ੍વਾ ਚ ਧਮ੍ਮਂ ਧਾਰਯਿਮ੍ਹ, ਧਾਤਾਨਞ੍ਚ ਧਮ੍ਮਾਨਂ ਅਤ੍ਥਂ ਉਪਪਰਿਕ੍ਖਿਮ੍ਹ, ਅਤ੍ਥਮਞ੍ਞਾਯ ਧਮ੍ਮਮਞ੍ਞਾਯ ਧਮ੍ਮਾਨੁਧਮ੍ਮਂ 15 ਪਟਿਪਜ੍ਜਿਮ੍ਹ। ਤਾ ਮਯਂ, ਭਨ੍ਤੇ, ਪਰਿਪੁਣ੍ਣਕਮ੍ਮਨ੍ਤਾ ਅવਿਪ੍ਪਟਿਸਾਰਿਨਿਯੋ ਅਪਚ੍ਚਾਨੁਤਾਪਿਨਿਯੋ ਪਣੀਤਂ ਕਾਯਂ ਉਪਪਨ੍ਨਾ’ਤਿ। ਏਤਾਨਿ, ਭਿਕ੍ਖવੇ, ਰੁਕ੍ਖਮੂਲਾਨਿ ਏਤਾਨਿ ਸੁਞ੍ਞਾਗਾਰਾਨਿ। ਝਾਯਥ, ਭਿਕ੍ਖવੇ, ਮਾ ਪਮਾਦਤ੍ਥ, ਮਾ ਪਚ੍ਛਾ વਿਪ੍ਪਟਿਸਾਰਿਨੋ ਅਹੁવਤ੍ਥ ਸੇਯ੍ਯਥਾਪਿ ਤਾ ਪੁਰਿਮਿਕਾ ਦੇવਤਾ’’ਤਿ। ਨવਮਂ।
‘‘Aparāpi maṃ, bhikkhave, sambahulā devatā upasaṅkamitvā etadavocuṃ – ‘upasaṅkamiṃsu no, bhante, pubbe manussabhūtānaṃ pabbajitā agārāni. Te mayaṃ, bhante, paccuṭṭhimha abhivādimha 16, āsanaṃ 17 adamha, yathāsatti yathābalaṃ 18 saṃvibhajimha, upanisīdimha 19 dhammassavanāya, ohitasotā ca dhammaṃ suṇimha, sutvā ca dhammaṃ dhārayimha, dhātānañca dhammānaṃ atthaṃ upaparikkhimha, atthamaññāya dhammamaññāya dhammānudhammaṃ 20 paṭipajjimha. Tā mayaṃ, bhante, paripuṇṇakammantā avippaṭisāriniyo apaccānutāpiniyo paṇītaṃ kāyaṃ upapannā’ti. Etāni, bhikkhave, rukkhamūlāni etāni suññāgārāni. Jhāyatha, bhikkhave, mā pamādattha, mā pacchā vippaṭisārino ahuvattha seyyathāpi tā purimikā devatā’’ti. Navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਦੇવਤਾਸੁਤ੍ਤવਣ੍ਣਨਾ • 9. Devatāsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੯. ਗਣ੍ਡਸੁਤ੍ਤਾਦਿવਣ੍ਣਨਾ • 5-9. Gaṇḍasuttādivaṇṇanā
