| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. ธชทายกเตฺถรอปทานํ
3. Dhajadāyakattheraapadānaṃ
๒๐.
20.
‘‘ติโสฺส นาม อหุ สตฺถา, โลกเชโฎฺฐ นราสโภ;
‘‘Tisso nāma ahu satthā, lokajeṭṭho narāsabho;
๒๑.
21.
‘‘เตน กเมฺมน สุกเตน, เจตนาปณิธีหิ จ;
‘‘Tena kammena sukatena, cetanāpaṇidhīhi ca;
ชหิตฺวา มานุสํ เทหํ, ตาวติํสมคจฺฉหํฯ
Jahitvā mānusaṃ dehaṃ, tāvatiṃsamagacchahaṃ.
๒๒.
22.
‘‘สตานํ ตีณิกฺขตฺตุญฺจ, เทวรชฺชํ อการยิํ;
‘‘Satānaṃ tīṇikkhattuñca, devarajjaṃ akārayiṃ;
สตานํ ปญฺจกฺขตฺตุญฺจ, จกฺกวตฺตี อโหสหํฯ
Satānaṃ pañcakkhattuñca, cakkavattī ahosahaṃ.
๒๓.
23.
‘‘ปเทสรชฺชํ วิปุลํ, คณนาโต อสงฺขิยํ;
‘‘Padesarajjaṃ vipulaṃ, gaṇanāto asaṅkhiyaṃ;
อนุโภมิ สกํ กมฺมํ, ปุเพฺพ สุกตมตฺตโนฯ
Anubhomi sakaṃ kammaṃ, pubbe sukatamattano.
๒๔.
24.
‘‘เทฺวนวุเต อิโต กเปฺป, ยํ กมฺมมกริํ ตทา;
‘‘Dvenavute ito kappe, yaṃ kammamakariṃ tadā;
ทุคฺคติํ นาภิชานามิ, ธชทานสฺสิทํ ผลํฯ
Duggatiṃ nābhijānāmi, dhajadānassidaṃ phalaṃ.
๒๕.
25.
‘‘อิจฺฉมาโน จหํ อชฺช, สกานนํ สปพฺพตํ;
‘‘Icchamāno cahaṃ ajja, sakānanaṃ sapabbataṃ;
โขมทุเสฺสน ฉาเทยฺยํ, ตทา มยฺหํ กเต ผลํฯ
Khomadussena chādeyyaṃ, tadā mayhaṃ kate phalaṃ.
๒๖.
26.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ธชทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā dhajadāyako thero imā gāthāyo abhāsitthāti.
ธชทายกเตฺถรสฺสาปทานํ ตติยํฯ
Dhajadāyakattherassāpadānaṃ tatiyaṃ.
Footnotes:
