| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. ධජදායකත්‌ථෙරඅපදානං
3. Dhajadāyakattheraapadānaṃ
20.
20.
‘‘තිස්‌සො නාම අහු සත්‌ථා, ලොකජෙට්‌ඨො නරාසභො;
‘‘Tisso nāma ahu satthā, lokajeṭṭho narāsabho;
21.
21.
‘‘තෙන කම්‌මෙන සුකතෙන, චෙතනාපණිධීහි ච;
‘‘Tena kammena sukatena, cetanāpaṇidhīhi ca;
ජහිත්‌වා මානුසං දෙහං, තාවතිංසමගච්‌ඡහං.
Jahitvā mānusaṃ dehaṃ, tāvatiṃsamagacchahaṃ.
22.
22.
‘‘සතානං තීණික්‌ඛත්‌තුඤ්‌ච, දෙවරජ්‌ජං අකාරයිං;
‘‘Satānaṃ tīṇikkhattuñca, devarajjaṃ akārayiṃ;
සතානං පඤ්‌චක්‌ඛත්‌තුඤ්‌ච, චක්‌කවත්‌තී අහොසහං.
Satānaṃ pañcakkhattuñca, cakkavattī ahosahaṃ.
23.
23.
‘‘පදෙසරජ්‌ජං විපුලං, ගණනාතො අසඞ්‌ඛියං;
‘‘Padesarajjaṃ vipulaṃ, gaṇanāto asaṅkhiyaṃ;
අනුභොමි සකං කම්‌මං, පුබ්‌බෙ සුකතමත්‌තනො.
Anubhomi sakaṃ kammaṃ, pubbe sukatamattano.
24.
24.
‘‘ද්‌වෙනවුතෙ ඉතො කප්‌පෙ, යං කම්‌මමකරිං තදා;
‘‘Dvenavute ito kappe, yaṃ kammamakariṃ tadā;
දුග්‌ගතිං නාභිජානාමි, ධජදානස්‌සිදං ඵලං.
Duggatiṃ nābhijānāmi, dhajadānassidaṃ phalaṃ.
25.
25.
‘‘ඉච්‌ඡමානො චහං අජ්‌ජ, සකානනං සපබ්‌බතං;
‘‘Icchamāno cahaṃ ajja, sakānanaṃ sapabbataṃ;
ඛොමදුස්‌සෙන ඡාදෙය්‍යං, තදා මය්‌හං කතෙ ඵලං.
Khomadussena chādeyyaṃ, tadā mayhaṃ kate phalaṃ.
26.
26.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ධජදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā dhajadāyako thero imā gāthāyo abhāsitthāti.
ධජදායකත්‌ථෙරස්‌සාපදානං තතියං.
Dhajadāyakattherassāpadānaṃ tatiyaṃ.
Footnotes:
