| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. д̇хаж̇ад̣̇ааяагад̇т̇зраабад̣̇аанаван̣н̣анаа
8. Dhajadāyakattheraapadānavaṇṇanā
бад̣̇умуд̇д̇араб̣уд̣̇д̇хассаад̇иаад̣̇игам̣ ааяасмад̇о д̇хаж̇ад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз згасмим̣ гулаг̇зхз ниб̣б̣ад̇д̇о вуд̣̇д̇химанвааяа сад̇т̇ари басийд̣̇ид̇ваа сунд̣̇арзхи анзгзхи вад̇т̇зхи д̇хаж̇ам̣ гаараабзд̇ваа д̇хаж̇абууж̇ам̣ агааси. со д̇зна бун̃н̃агаммзна уббаннуббаннабхавз ужжагулз ниб̣б̣ад̇д̇о бууж̇анияо ахоси. абарабхааг̇з имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇химанвааяа буд̇д̇ад̣̇аарзхи вад̣дхид̇ваа махаабхог̇о яасаваа сад̣̇д̇хааж̇аад̇о сад̇т̇ари басанно гхарааваасам̣ бахааяа баб̣б̣аж̇ид̇ваа нажирассзва арахаа ахоси.
Padumuttarabuddhassātiādikaṃ āyasmato dhajadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kulagehe nibbatto vuddhimanvāya satthari pasīditvā sundarehi anekehi vatthehi dhajaṃ kārāpetvā dhajapūjaṃ akāsi. So tena puññakammena uppannuppannabhave uccakule nibbatto pūjaniyo ahosi. Aparabhāge imasmiṃ buddhuppāde ekasmiṃ kulagehe nibbatto vuddhimanvāya puttadārehi vaḍḍhitvā mahābhogo yasavā saddhājāto satthari pasanno gharāvāsaṃ pahāya pabbajitvā nacirasseva arahā ahosi.
57. со бад̇д̇аарахад̇д̇апало буб̣б̣агаммам̣ сарид̇ваа соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о бад̣̇умуд̇д̇араб̣уд̣̇д̇хассаад̇иаад̣̇имааха. д̇ассад̇т̇о буб̣б̣з вуд̇д̇оязва. хадто хадтзна жид̇д̇знаад̇и соманассасахаг̇ад̇ажид̇д̇аяуд̇д̇ад̇д̇аа хадто барибун̣н̣аруубагааяо сад̣̇д̇хаасамбаяуд̇д̇ажид̇д̇ад̇ааяа хадтзна жид̇д̇зна санд̇удтзна жид̇д̇знаад̇и ад̇т̇о. д̇хаж̇амааробаяим̣ аханд̇и д̇хунаад̇и гамбад̇и жалад̇ийд̇и д̇хаж̇ам̣, д̇ам̣ д̇хаж̇ам̣ ааробаяим̣ взл̣аг̇г̇з лаг̇г̇зд̇ваа бууж̇зсинд̇и ад̇т̇о.
57. So pattaarahattaphalo pubbakammaṃ saritvā somanassajāto attano pubbacaritāpadānaṃ pakāsento padumuttarabuddhassātiādimāha. Tassattho pubbe vuttoyeva. Haṭṭho haṭṭhena cittenāti somanassasahagatacittayuttattā haṭṭho paripuṇṇarūpakāyo saddhāsampayuttacittatāya haṭṭhena cittena santuṭṭhena cittenāti attho. Dhajamāropayiṃ ahanti dhunāti kampati calatīti dhajaṃ, taṃ dhajaṃ āropayiṃ veḷagge laggetvā pūjesinti attho.
58-9. бад̇ид̇абад̇д̇аани г̇ан̣хид̇ваад̇и бад̇ид̇аани б̣од̇хибад̇д̇аани г̇ахзд̇ваа ахам̣ б̣ахи чад̣д̣зсинд̇и ад̇т̇о. анд̇осуд̣̇д̇хам̣ б̣ахисуд̣̇д̇ханд̇и анд̇о жид̇д̇асанд̇аананаамагааяад̇о жа б̣ахи жагкусод̇аад̣̇ируубагааяад̇о жа суд̣̇д̇хим̣ ад̇хи висзсзна муд̇д̇ам̣ гилзсад̇о вимуд̇д̇ам̣ анаасавам̣ самб̣уд̣̇д̇хам̣ вияа саммукаа уд̇д̇амам̣ б̣од̇хим̣ аванд̣̇им̣ бан̣аамамагаасинд̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
58-9.Patitapattāni gaṇhitvāti patitāni bodhipattāni gahetvā ahaṃ bahi chaḍḍesinti attho. Antosuddhaṃ bahisuddhanti anto cittasantānanāmakāyato ca bahi cakkhusotādirūpakāyato ca suddhiṃ adhi visesena muttaṃ kilesato vimuttaṃ anāsavaṃ sambuddhaṃ viya sammukhā uttamaṃ bodhiṃ avandiṃ paṇāmamakāsinti attho. Sesaṃ sabbattha uttānatthamevāti.
д̇хаж̇ад̣̇ааяагад̇т̇зраабад̣̇аанаван̣н̣анаа самад̇д̇аа.
Dhajadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. д̇хаж̇ад̣̇ааяагад̇т̇зраабад̣̇аанам̣ • 8. Dhajadāyakattheraapadānaṃ
